Ըստ պաշտոնական վիճակագրության, ամեն տարի ոչ ԵՏՄ անդամ երկրներից ՀՀ է ներկրվում մոտ 20 մլն դոլարի տավարի սառեցված միս: Ներկայումս այդ մսի վրա դրված է 10 տոկոս մաքսատուրք, իսկ այդ ապրանքի ծածկագիրը 0202 30 900 4 է: Հիմա նայում ենք ԵՏՄ անդամակցության պայմանագրի համապատասխան հավելյալ-ցանկը և տեսնում ենք, որ արտոնյալ մաքսատուրքերի ցանկում այդ ծածկագրով ապրանքը բացակայում է:

Այսինքն՝ հունվարի մեկից այդ ապրանքի վրա կիրառվելու է ԵՏՄ-ի սահմանած միասնական մաքսատուրքը՝ 15 տոկոս: Պարզ թվաբանությունը հուշում է, որ սառեցված ոչ տեղական տավարի մսի գինը կբարձրանա ուղիղ 5 տոկոսով՝ եթե հիմա 2000 դրամ է, կդառնա 2100:

Թռչնի մսի պարագայում վիճակն ավելի ողբերգական է: Ոչ ԵՏՄ անդամ երկրներից Հայաստան է ներկրվում տարեկան մոտ 40 մլն դոլարի թռչնի միս, որի վրա ներկայումս գործում է 10 տոկոսանոց մաքսատուրք: ԵՏՄ-ին անդամակցելուց հետո այդ մաքսատուրքը կդառնա 25 տոկոս: Եվ մեզ այդ դեպքում նույնպես խաբում են, թե թռչնի մսի դեպքում մի քանի տարի Հայաստանը մաքսային արտոնություն է ունենալու: Չի ունենալու:

Մի խոսքով, մեր խանութներում, օրինակ, 850 դրամանոց սառեցված հավի բդի գինը կբարձրանա 25 տոկոսով ու կկազմի մոտ 1000 դրամ:

Պանրի դեպքում ևս կունենաք թանկացումներ:

Հայկական Ժամանակ

ՀՀ փոխվարչապետ, տարածքային կառավարման նախարար Արմեն Գևորգյանի հրաժարականի մասին տեղեկությունը թեև պաշտոնապես դեռ չի հաստատվել հաստատվել, սակայն իշխանական կուլիսներում նրան փոխարինողի անուն է շրջանառվում արդեն։

Տարածքային կառավարման նախարարի մամուլի խոսնակ Զոյա Բարսեղյանը մի քանի օր է հեռախոսազանգերին չի պատասխանում։ Ու թեև Արմեն Գևորգյանը դեռ նախօրեին աշխատանքի էր և պաշտոնական հանդիպումների, սակայն երեկվա նրա պաշտոնական գրաֆիկի մասին ոչինչ հայտնի չէ։

Մինչ այդ, իշխանական կուլիսներում արդեն խոսվում է, որ Արմեն Գևորգյանին փոխվարչապետի պաշտոնում հնարավոր է փոխարինի կապի և տրանսպորտի նախարար Գագիկ Բեգլարյանը։ Բեգլարյանի մամուլի խոսնակ Անժելա Մարտիրոսյանը ասել է հետևյալը. «Ես նման տեղեկատվության չեմ տիրապետում, չկա նման բան»։

Հայկական ժամանակ

Արդեն շուկաներում և խանութներում ընկույզը վաճառվում է անբնական բարձր գնով, և, ըստ փորձագետների, այդ գնաճը դեռ կարող է շարունակվել այն աստիճան, որ Ամանորի նախաշեմին ընկույզի միջուկի գինը հասնի կիլոգրամը 15 հազարի:

Եվ Այս ամենը պայմանավորված է Հայաստանում և ընդհանրապես աշխարհում ընկույզի ցածր բերքատվությամբ:

Այսօր արդեն ընկույզի միջուկը Երևանի Փակ շուկայում վաճառվում է  կիլոգրամը 9 հազար դրամով: Նման գին երրորդ հանրապետության պատմության մեջ երբեք չի արձանագրվել:

Հայկական ժամանակ

Ինչպես և կանխատեսվում էր, դրամը վերջին օրերին ցույց է տալիս արժեզրկման հստակ միտումներ: Եթե անցած շաբաթվա վերջին մեկ դոլարի գինը ֆոնդային բորսայում կազմել էր 408.5 դրամ, ապա երեկ արժեր արդեն 412.75 դրամ:

Իսկ վերջին ընդամենը 10 օրերի ընթացքում դրամը դոլարի նկատմամբ արժեզրկվել է 1.4 տոկոսով: Դրամի արժեզրկման դանդաղ «սողացող» տեմպը կպահպանվի նաև առաջիկայում, ինչը հիմնականում պայմանավորված Ռուսաստանում օրեցօր խորացող տնտեսական ճգնաժամով, որի հետևանքով նվազում է ՀՀ ներհոսող արտարժույթը:

Հայկական ժամանակ

Գրեթե ակնհայտ դարձավ, որ Եռյակն իր առաջ իշխանափոխություն իրականացնելու խնդիր է դնում: Այդ մասին մարզային հանդիպումների ընթացքում խոսեցին ինչպես ՀԱԿ և «Ժառանգության», այնպես էլ ԲՀԿ- ի ներկայացուցիչները: Ինչո՞ւ է ուրեմն այս հարցը գրեթե և ոչ հարյուր տոկոսով ակնհայտ:

Որովհետև այդ հայտարարությունները դեռ միս ու արյուն պետք է ստանան Եռյակի լիդերների քաղաքական հայտարարություններով: Նրանք պետք է հստակեցնեն, թե ի՞նչ նկատի ունեն իշխանափոխություն ասելով:

Իշխանության տարբերակներից մեկն այն է, որ Եռյակն առաջադրի Սերժ Սարգսյանի հրաժարականի անհապաղ պահանջ, նրան ներկայացնի ուլիմատում, և եթե Սարգսյանը ինքնակամ հրաժարական չտա, հաջորդ հանրահավաքին ժողովրդի միջոցով նրան հարկադրի հրաժարական տալ:

Մինչ այս, սակայն, Եռյակի առաջնորդներն ակնարկել են բոլորովին ուրիիշ տարբերակի մասին: Ըստ այդմ, ձևավորվում է մեծ կոնսոլիդացիա ընդդեմ Սերժ Սարգսյանի սահմանադրական բարեփոխումների, 2016թվականին վիժեցվում է սահմանադրական հանրաքվեն, ինչը նշանակում է՝ կառավարման գործող համակարգը շարունակում է գոյություն ունենալ, ապա Եռյակը փորձում է վերցնել իշխանությունը: Սա նույնպես տարբերակ է:

Կարող է լինել նաև մի բոլորովին ուրիշ, երրորդ տարբերակ, որ մանրամասնորեն պլանավորեն են Եռյակի ներկայացուցիչները և որը կբացվի միայն Ազատության հրապարակում: Չի բացառվում, իհարկե, և սա իմանալու համար պիտի հետևենք այսօրվա հանրահավաքին:

Հայկական ժամանակ

Նախկին գյուղնախարար, ՀՅԴ Բյուրոյի անդամ Դավիթ Լոքյանը արձագանքելով իր փոխվարչապետ դառնալու հնարավորությանը, երեկ մեզ հետ զրույցում ասաց. «Այդպիսի բան հնարավոր չէ, ՀՅԴ-ն կառավարության մաս չի կազմելու, ես չեմ լինելու փոխվարչապետ»:

Իսկ միգուցե սառեցնելո՞ւ եք Ձեր անդամությունը Դաշնակցությանը հարցին Լոքյանն արձագանքել է. «Սխալվում եք, հնարավոր չէ, որ ես սառեցնեմ իմ կուսակցականությունը պաշտոն ունենալու համար»:

Այլ հարցերի նախկին նախարարը չպատասխանեց:

Հայկական ժամանակ

Գյումրիի ԲՀԿ-ական քաղաքապետ Սամվել Բալասանյանը երեկվանից մեկնել է արձակուրդ և աշխատանքի կվերադառնա հոկտեմբերի 20-ից միայն:

Ըստ չճշտված տեղեկությունների, Բալասանյանն Արաբական Միացյալ էմիրություններում է:

Այն, որ Գյումրիի քաղաքապետը երեկվանից 10 օրով արձակուրդում է, մեր թղթակցի հետ զրույցում հաստատել է նաև Բալասանյանի գործավարուհին: Վերջինս չի հայտնել, որ երկրում է գտնվում քաղաքապետը:

Նույն արձակուրդն ուշագրավ է նրանով, որ այսօր Գյումրիում սպասվում է ոչ իշխանական եռյակի հանրահավաքը, ու հարց էր առաջացել, արդյոք Բալասանյանը մասնակցելո՞ւ է այդ հանրահավաքին:

ԲՀԿ-ական քաղաքապետը, սակայն, ինչպես երևում է որոշել է իրեն «շառից, փորձանքից» հեռու պահել:

Սամվել Բալասանյանը փաստորեն, ոչ միայն Գյումրիի հանրահավաքի օրը Գյումրիում չի լինի, այլ նաև հոկտեմբերի 10 համապետական հանրահավաքի օրը Հայաստանում

Վերջին շրջանում Հայաստանում հրապարակվող պաշտոնական վիճակագրական տվյալները խոսում են այն մասին, որ մեր երկիրը մտնում է ֆինանսատնտեսական ճգնաժամի փուլ։ Իրավիճակըշատ նման է 2008-2009 թթ. նախաճգնաժամային իրավիճակին։

Ինչպես հինգ տարի առաջ, Հայաստանում արձանագրվում է մասնավոր տրանսֆերների նվազում, անշարժ գույքի շուկայի պասիվացում, օտարերկրյա ներդրումների անկում,արդյունաբերության ցուցանիշների վատթարացում…։

Տարբերությունն այն է, որ այդ գործընթացները ներկայում ավելի դանդաղ են, քան հինգ տարիառաջ:

Հայկական ժամանակ

Գորիսի ոստիկանությունը Սյունիքի մարզի առաջին ատյանի դատարանին (նստավայրը Գորիս) գրությամբ տեղյակ է պահել, որ չի կարողանում գտնել Սյունիքի մարզպետ Սուրիկ Խաչատրյանի որդուն՝ Տիգրան Խաչատրյանին: Իսկ դա պարզվել է Բուդաղյանների գործով դատավարության երեկվա նիստի ընթացքում:

Սեպտեմբերի 4-ի նիստում դատարանը Տիգրան Խաչատրյանին բերման ենթարկելու որոշում էր կայացրել, որովհետև նա գործով անցնում է որպես վկա, բայց դատարանի կանչերին, ծանուցագրերին չի արձագանքել: Եվ ահա երեկ, դատական նիստերի քարտուղարը դատարանում հայտարարել է, թե բերման ենթարկելու որոշման վերաբերյալ ոստիկանությունից գրություն է ստացվել, որով հայտնել են, որ իրենց կողմից իրականացված միջոցառումներով մինչ այժմ հնարավոր չի եղել պարզել Տիգրան Խաչատրյանի գտնվելու վայրն ու օրենքով սահմանված կարգով նրան դատարան ներկայացնել:

«Միջոցառումները շարունակվում են, Տիգրան Խաչատրյանին հայտնաբերելու դեպքում կհայտնվի լրացուցիչ»,-ոստիկանության գրությունը հրապարակել է նիստերի քարտուղարը:

Սա այն դեպքում, երբ Խաչատրյան կրտսերին Գորիսում տեսնողներ են եղել, և նույնիսկ նրա մայրը՝ Լորետա Խաչատրյանը դատարանում ժխտել, որ  որդին գտնվում է Գորիսում:

Հայկական ժամանակ

ԱԺ նախագահ Գալուստ Սահակյանի համար ընդունելի չէ ՀՀԿ խմբակցության պատգամավոր Սեյրան Սարոյանի երեկվա պահվածքը։ Այս մասին երեկ մեր զրույցում ասաց ինքը՝ Սահակյանը, ու հավելեց, որ դա ուղղակի «պոռթկում» էր։

ԱԺ նախագահից հետաքրքրվեցինք, թե հնարավո՞ր է պատժեն ու Սարոյանին խմբակցությունից դուրս հանեն, ինչին նա արձագանքեց. «Դա մեր քաղաքական թիմի կարծիքը չէ։ Նա դուրս չի գա խմբակցությունից, ՀՀԿ-ն այս դաշտում միակ թիմն է, որ հանդես է գալիս միասնական, բայց դա ընդունելի չէ մեզ համար»,- ասաց Սահակյանը։

Ավելի վաղ էլ Սարոյանը հայտարարել էր, որ իր տեսակետի համար խնդիրներ չի ունենա. «Ի՞նչ խնդիր, ճիշտ խոսելու համար խնդիրնե՞ր են ունենում»,- ասել էր գեներալը:

Հայկական ժամանակ