ՀՀԿ երեկվա նիստից հետո Ազգային ժողովի նախագահ Հովիկ Աբրահամյանը պատասխանել է թերթի հարցերին: Ներկայացնում ենք մի հատված:

Պարոն Աբրայամյան, ճի՞շտ է, որ հրաժարականի դիմում եք գրել:

Հայտարարություն եմ արել, այո կուսակցությունը որոշում է կայացրել , առաջարկել է ինձ նախընտրակա շտաբի պետ, ես էլ առաջարկել եմ, որ Ազգային ժողովի նախագայի պաշտոնը թողնեմ, զբաղվեմ նախընտրական շտաբը ձեւավորելով:

Ո՞վ է ձեզ փոխարինելու:

Նման հարց չի քննարկվել, որովհետեւ դա պրոցես է, մինչեւ ամսվա վերջ գնալու է դեռ:  Ամսի 14-ին նիստ ունենք, 14-ին կներկայացնեմ իմ հրաժարականը եւ երեւի մինչեւ ամսի 20-ը` կանոնակարգի համաձայն…

Իսկ ճի՞շտ է, որ Գագիկ Բեգլարյանը նշանակվելու է փոխվարչապետ:

Որեւէ նման հարց չի քննարկվել: Ես ձեզ ազնվորեն ասում եմ, որ այս մի հարցն ենք միայն քննարկել:

«Հավելենք, որ գործող օրենսդրությամբ որեւէ արգելք չկա, որ ԱԺ նախագահը զուգահեռաբար զբաղեցնի նաեւ նախընտրական շտաբի պետի պաշտոնը: Նա նախկինում էլ է եղել շտաբի պետ, բայց որեւէ անգամ հրաժարական չի տվել իր պաշտոնից, անգամ արձակուրդ չի գնացել այդ ընթացքում»,- գրում է «Հայկական ժամանակ»-ը:

Թերթը զրուցել է ՀՀ Ոստիկանապետ Ալիկ Սարգսյանի հետ: Ներկայացնում ենք մի հատված:

Պարոն Սարգսյան, ձեր պաշտոնանկության մասին լուրեր ենք ստանում, ցանկանում ենք ճշտել` որքանո՞վ են դրանք իրականության համապատասխանում:

Ինձել են զանգում, ասում, ինձ օֆիցիալ որեւիցէ մեկը ոչ մի բան չի ասել: Ինձել են ասել, սաղ քաղաքը դա է խոսում:

Սերժ Սարգսյանի հետ չե՞ք հանդիպել, չե՞ք զրուցել:

Այսօր հանդիպել եմ, սովորականի պես իմ գործերը զեկուցել եմ, նորմալ դուրս եմ եկել, ոչ մի բան չկա: Վիճակը նորմալ է, խաղաղ է, ոչ մի նման խնդիր չունեմ:

Իսկ որտեղի՞ց են այդ լուրերը շրջանառության մեջ դրվում եւ ինչո՞ւ:

Ես չեմ կարող որեւէ բան պատասխանեմ: Ես նորմալ ծառայող եմ: Իրա ( Սերժ Սարգսյան- «ՀԺ») կողքին եմ լինելու մինչեւ վերջ: Անկախ տեղափոխություն կանի, չի անի, ես, միեւնույնն է, իր կողքին եմ լինելու մինչեւ վերջ: Ես ուրիշ ոչ մեկի կողմը չեմ: Իրա հետ աշխատելու եմ մինչեւ վերջ, չաշխատեմ էլ` իրան հավատարիմ, ես իրա կողքը լինելու եմ: Գործի չլինեմ էլ, գործից էլ հանի, իրա կողքը ծառայելու եմ մինչեւ վերջ: Ոչ մի բան տեղյակ չեմ: Ես թիմից թռնող չեմ, իրա կողքին եմ լինելու, մարդավարի ծառայելու եմ մինչեւ վերջ: Ես տեղափոխվելու, նոր ընտրությքան ոչ կարիք ունեմ, եւ ոչ էլ մտադրություն, ոչ էլ իրանից երբեւիցէ կնեղանամ: Մարդ ես` մի օր էլ պետք է տեղափոխվես, ոչ մի պաշտոն հավերժական չի, մի օր նշանակվում ես, մի օր էլ տեղափոխվում, կամ էլ մի օր հանում են, նորմալ է:Եթե նույնիսկ նման բան լինի, էլի շատ գոհ եմ, շնորհակալ եմ, մարդը ինձ միշը վստահել է:

Թերթը գրում է, որ ԼՂՀ արտաքին գործերի նախարարության տեղեկատվության վարչության պետ Մարսել Պետրոսյանը ենթարկվել է կարգապահական տույժի «Հայկական ժամանակի» թղթակցի հետ զրույցի ընթացքում թույլ տված անվայելուչ արտահայտության համար: Օրեր առաջ ԼՂՀ նախագահ Բակո Սահակյանի մամուլի խոսնակ Դավիթ Բաբայանը հայտնել էր, որ միջադեպի մասին տեղեկացվել է նաեւ Բակո Սահակյանը: Երեկ Դավիթ Բաբայանն ասաց, որ դրանից հետո Մարսել Պետրոսյանը ԼՂՀ ԱԳ նախարարի պաշտոնակատար Վասիլի Աթաջանյանի գրավոր հրամանով ենթարկվել է կարգապահական տույժի` խիստ նկատողություն:

«Իհարկե, Դավիթ Բաբայանը հարկ համարեց ասել, թե Մարսել Պետրոսյանը պատկառելի ճանապարհ անցած լրագրող է, թե մեր թղթակիցը նրան ինչ-որ տեղ պրովոկացիայի է ենթարկել, թե ընդհանրապես անհրաժեշտ է, որ փոխադարձ հարգանք լինի լրագրողների եւ պաշտոնյաների միջեւ եւ ավելացրել. «Այդ ամենը հաշվի առնելով հանդերձ` մենք անթույլատրելի ենք համարում այդպիսի վարմունքը պաշտոնյայի կողմից եւ համապատասխան քայլեր ձեռնարկել ենք, ինչ որ պետք է, ասել ենք եւ նմանատիպ իրավիճակում ինչ համապատասխան քայլեր պետք է կատարվել են: Նա նկատողություն է ստացել եւ կարգապահական տույժի է ենթարկվել»: Թերթը գրում է, որ այդպիսով միջադեպը համարում են փակված, մանավանդ, որ չեն ցանկանում խորացնել ազգի երկու հատվածների միջեւ խրված սեպը:

Թերթը գրում է, որ նոյեմբերի 1-ից Երեւանի 10 բանուկ խաչմերուկներում կտեղադրվեն  դիտարկման տեսախցիկներ,եւս 15 խաչմերուկներում կտեղադրվեն արագաչափ սարքեր: «Ժամանակ անց դրանք արդեն կսկսեն աշխատել եւ ուղիղ եթերի ռեժիմով կհետեւեն երթեւեկությանը: Այս մասին երեկ մեր թղթակցին հայտնել է ՀՀ ճանապարհային ոստիկանության Ճանապարհապարեկային ծառայության բաժնի պետ Նորիկ Սարգսյանը եւ նշել, որ վարորդները նախօրորք կիմանան, թե կոնկրետ որտեղ է տեղադրված երթեւեկությանը հետեւող տեխնիկան»,- գրում է «Հայկական ժամանակ»-ը:Թերթը գրում է, որ նոյեմբերի 1-ից Երեւանի 10 բանուկ խաչմերուկներում կտեղադրվեն  դիտարկման տեսախցիկներ,եւս 15 խաչմերուկներում կտեղադրվեն արագաչափ սարքեր: «Ժամանակ անց դրանք արդեն կսկսեն աշխատել եւ ուղիղ եթերի ռեժիմով կհետեւեն երթեւեկությանը: Այս մասին երեկ մեր թղթակցին հայտնել է ՀՀ ճանապարհային ոստիկանության Ճանապարհապարեկային ծառայության բաժնի պետ Նորիկ Սարգսյանը եւ նշել, որ վարորդները նախօրորք կիմանան, թե կոնկրետ որտեղ է տեղադրված երթեւեկությանը հետեւող տեխնիկան»,- գրում է «Հայկական ժամանակ»-ը:

Թերթը գրում է, որ առաջիկայում հերթական «ոսկեզավակը» կնշանակվի դատավոր: «Կենտրոն եւ Նորք-Մարաշ վարչական շրջանների ընդհանուր իրավասության դատարանի նախկին նախագահ Ժորա Վարդանյանի որդին` Արշակը, կնշանակվի նույն դատարանի դատավոր: ՀՀ արդարադատության խորհուրդը նման առաջարկով Սերժ Սարգսյանին դիմելու վերաբերյալ որոշումը կայացրել է հոկտեմբերի 21-ին:

Արշակ Ժորայի Վարդանյանը ներկայումս աշխատում է ՀՀ հատուկ քննչական ծառայությունում` որպես հատկապես կարեւոր գործերով քննիչ»,- գրում է «Հայկական ժամանակ»-ը:

Երեկ Կենտրոն և Նորք-Մարաշ վարչական շրջանների ընդհանուր իրավասության դատարանը բավարարել է ՀՔԾ միջնորդությունը և Ճանապարհային ոստիկանության նախկին պետ Մարգար Օհանյանի խափանման միջոց կալանքը երկարացրել ևս երկու ամսով։ Այս մասին թերթի թղթակցին հայտնել է փաստաբան Մ.Վասակյանը։ Մ.Օհանյանը մեղադրվում է պաշտոնեական դիրքի չարաշահման և գույքի առանձնապես խոշոր չափերով հափշտակություն կատարելու մեջ, անազատության մեջ է օգոստոսի 30-ից։

Նախօրեին թերթի լրագրողի և ԼՂՀ ԱԳ նախարարության տեղեկատվության վարչության պետ Մարսել Պետրոսյանի միջև տեղի է ունեցել խոսակցություն, որն ավարտվել է ԼՂՀ ինքնիշխան հանրապետության Արտաքին գործերի նախարարության վարչության պետի արած հետևյալ արտահայտությամբ. «Կարի՞ս սիկտիրդ քաշիս»,- կիսաղարաբաղերեն ասել է Հայկական երկրորդ հանրապետության պաշտոնյան։ Ստորև ներկայացվում է խոսակցության սղագրությունը.

Լրագրող – Պարոն Պետրոսյան, ե՞րբ է նշանակվելու ԼՂՀ արտգործնախարար և նշանակվելո՞ւ է արդյոք։

Մարսել Պետրոսյան – Պարտավոր եմ իմանալ, հա՞։ Ոչ ես եմ նշանակողը, ոչ ես եմ առաջադրողը։ Չեմ կարող պատասխանել Ձեր հարցին։

Լրագրող – Կարո՞ղ եք ճշտել։

Մ.Պ. – Ումի՞ց։

Լրագրող – Ես ի՞նչ իմանամ, պարոն Պետրոսյան։

Մ.Պ. – Դե եթե դուք լրագրող եք, գիտեք, թե ընդհանրապես նախարարներին ովքեր են նշանակում, ինչի՞ եք ինձ դիմում բայց։ Եթե մեկ ուրիշ հարցով լինի, խնդիր չկա, բայց էդ հարցին ես չեմ կարող պատասխանել։
Լրագրող – Ընդհանրապես էսպես է. մենք դիմում ենք մամուլի բաժին, այնտեղից ճշտում, մեզ ասում են՝ հնարավո՞ր է այդպիսի պաշտոնի նշանակում, թե ոչ։

Մ.Պ. – Մենք ունենք նախարար ժամանակավոր պաշտոնակատար։

Լրագրող – Դե, կարծում, եմ, իր հետ չեմ կարող խոսել, դրա համար ձեզ հետ եմ խոսում։

Մ.Պ. – Հա, բայց ինքն էլ չի կարող ձեր հարցին պատասխանել, ինքը, ես, մեկ ուրիշը ի՞նչ իմանա, թե իրեն երբ են նշանակելու, նշանակելո՞ւ են արդյոք, թե ոչ։ Ճիշտ հասցեով չեք դիմել, ցավոք սրտի։

Լրագրող – Այսինքն, պետք է դիմեմ նախագահի մամուլի խոսնակի՞ն։

Մ.Պ. – Թեկուզ, բայց ինքն էլ հազիվ թե իմանա, ես ի՞նչ իմանամ, փորձեք։

Լրագրող – Այսպիսի տեղեկություն կար, որ Օլեգ Եսայանին է առաջարկվել ԼՂՀ ԱԳ նախարարի պաշտոնը, և նա մերժել է։ Ճի՞շտ է այս տեղեկությունը, թե՞ ոչ։

Մ.Պ. – Ես նման բաներ չեմ կարող մեկնաբանել, որովհետև ես տեղյակ չեմ։ Դա հարցրեք նրանից, որ իբր թե մերժել ա, ես ի՞նչ իմանամ, մերժել ա, ասել են, չեն ասել։

Լրագրող – Իսկ դուք ընդհանրապես տեղյա՞կ եք արտգործնախարարության աշխատանքին…

Մ.Պ. – Կարի՞ս սիկտիրդ քաշիս։

Թերթը գրում է, որ հնարավոր է` մեկ ամիս առաջ ազատման դիմում ներկայացրած Հայաստանի ատոմային էլեկտրակայանի ինժեներատեխնիկական անձնակազմի 158 աշխատակիցները այսօր վերջին անգամ գնան աշխատանքի:

«Մեր տեղեկություններով` ՀՀ էներգետիկայի եւ բնական պաշարների նախարար Արմեն Մովսիսյանը երեկ ԱԷԿ գլխավոր տնօրեն Գագիկ Մարկոսյանին հանձնարարել է նրանց ազատման հրամանները ստորագրել: Սա նշանակում է, որ ՀԱԷԿ-ը չի վերագործարկվի եւ պետք է առժամանակ կոնսերվացվի՝ շահագործման համար անհրաժեշտ մասնագետների զգալի մասը հենց դիմում ներկայացրած աշխատակիցներն են: Հիշեցնենք, որ դիմումատուները ՀԱԷԿ-ի տնօրինությունից պահանջել էին վերանայել և բարձրացնել իրենց աշխատավարձերը: Մեր տեղեկություններով` Արմեն Մովսիսյանը խորհրդակցության ժամանակ ասել է, որ ինքը 1 ամսում կլուծի մասնագետների հարցը: ՀԱԷԿ-ի համար մասնագետներ գտնելը ոչ միայն Հայաստանի նման երկրի, այլև զարգացած երկրների համար կարող է շատ բարդ խնդիր լինել: Ամեն դեպքում մասնագետների հարցը լուծելու առաջին նախապայմանը պետք է լինի աշխատավարձերի վերանայումը:

Կարծիքներ կան, սակայն, որ ՀՀ իշխանությունները հակված չեն այս խնդիրը շուտափույթ լուծել: Փորձագետների գնահատմամբ` ՀԱԷԿ-ի շահագործումը դադարեցնելով՝ անհրաժեշտ էլեկտրաէներգիայի պահանջարկը կբավարարեն ջերմային էլեկտրակայանները, որոնք ատոմակայանի գործելու պայմաններում գրեթե պարապուրդի են մատնվում: Այնինչ ՀՀ-ում մեծ ներդրումներ են արվել ՋԷԿ-երի կառուցման ոլորտում ու հիմա այդ ներդրումները հետ բերելու համար անհրաժեշտ է, որ դրանք աշխատեն ամբողջ հզորությամբ, ինչը հնարավոր է միայն ատոմակայանի չաշխատելու պայմաններում: Բանն այն է, որ Հայաստանի էլեկտրաէներգիայի պահանջարկի մոտ 40 տրկոսը ապահովում է ՀԱԷԿ-ը, 40 տոկոսը բաժին է ընկնում հիդորէլեկտրակայաններին, իսկ ՋԷԿ֊երին լավագույն դեպքում բաժին է հասնում էլեկտրաէներգիայի պահանջարկի մոտ 20 տոկոսը: ՀԱԷԿ-ի փակվելու դեպքում բացը կլրացնեն ՋԷԿ-երը:

Հատուկ քննչական ծառայությունը դիմել է Կենտրոն և Նորք–Մարաշ վարչական շրջանների ընդհանուր իրավասության դատարան՝ ճանապարհային ոստիկանության նախկին պետ Մարգար Օհանյանի խափանման միջոց կալանքը ևս երկու ամսով երկարաձգելու միջնորդությամբ։ Վերջինս մեղադրվում է պաշտոնեական դիրքի չարաշահման և գույքի առանձնապես խոշոր չափերով հափշտակություն կատարելու մեջ և անազատության մեջ է օգոստոսի 30–ից։