Երեկ առավոտյան, միջազգային շուկաներում ցնցումներ արձանագրվեցին, որոնք պայմանավորված էին ԱՍՆ բյուջեի ծախսերի հնարավոր կրճատումներով, ինչպես նաև Չինաստանի տնտեսությունում արձանագրված ոչ լավատեսական ցուցանիշներով:
Սրա արդյունքում հումքային ապրանքների գները բորսաներում սկսեցին կտրուկ նվազել: Հայաստանի համար սա զգալի է այնքանով, որ իջնում են նավթի և պղնձի միջազգային գները: Նավթի գների անկումը կարող է հանգեցնել Ռուսաստանից ստացվող տրանսֆերտների նվազմանը ինչպես դա եղավ 2009 թվականին: Սա կարևոր է նրանով, որ Հայաստան մտնող տրանսֆերտների ընդհանուր ծավալը համեմատելի է ՀՀ պետական բյուջեի հետ: Իսկ պղնձի և ընդհանրապես գունավոր մետաղների գների անկումը վատ ազդեցություն է թողնում Հայաստանի արտաքին առեւտրի հաշվեկշռի վրա, քանի որ Հայաստանից արտահանվող ապրանքների մի զգալի մասը գունավոր մետաղների հանքաքարերն են:

Հայկական ժամանակ

Երեկ Երևանում, հերթական ինքնասպանության դեպքն է գրանցվել: Ոստիկանության Մալաթիայի բաժին ահազանգ է ստացվել, որ Հարավ-Արևմտյան Ա1 թաղամասի Անդրանիկի 48 շենքի բակում` մահացած աղջկա դի կա: Հարևաններից մեկը «ՀԺ»-ի թղթակցին պատմել է,, որ աղջիկն այդ շենքի բնակիչ չէ` ուղղակի սովորում էր 174 դպրոցում, և զարմացել է, թե ինչու է աղջիկն այդ շենքից ինքնասպանություն գործել: Հարևանուհին ասել է նաև, որ Սիրարփիի բաճկոնը հայտնաբերվել է 15-րդ հարկում, իսկ նա ինքնասպանություն գործել է 12-րդ հարկից: Նաև հավելել է, որ շրջանառվում են մի քանի վարկածներ: Դրանցից մեկն այն է, որ իբր աղջիկը ինքնասպանություն է գործել` ընկերոջ, կամ կրոնական դրդապատճառներից ելնելով:
Թերթը փորձել է զրուցել նաև 174 դպրոցի տնօրեն Գալյա Վասիլյանի հետ, սակայն ուսուցչուհիներից մեկը թղթակցին փոխանցել է, որ տնօրենը հայտնում է, որ հիմա խորհրդակցության է: Թերթի թղթակցի տպավորությամբ` խորհրդակցությունը կապված էր հենց դեպքի հետ, և դրան մասնակցում էին իրավապահները:
Սիրարփին բնակվում էր Հաղթանակ գյուղի` (Չորրորդ գյուղ) Ամառանոցային 1-ին տարածքում: Սիրարփիի քրոջ ընկերուհու տեղեկություններով` աղջիկը ինքնասպան է եղել ընկերոջ պատճառով, սակայն մանրամասներ ասել չի կարողացել, նշելով, որ դեռ ոչ մի բան պարզ չէ: Սիրարփիի քույրը` Անահիտը թերթի հետ զրույցում ասել է. «Ես գործի տեղն էի, մաման ա զանգել ասել, չգիտեմ, էնտեղ ասում են, որ հնարավոր ա իրան ինչ-որ մեկը հրած լինի, հաստատ իրա կամքով չի եղել: Ես ավել ոչ մի բան չգիտեմ, ոստիկանությունը պարզում ա, հնարավոր չի, որ ինքը նման քայլի գնար, էլ ավել բան խոսել չեմ կարա»,-հուզված նշել է Սիրարփիի քույրը, որը մինչ զրույցի սկսվելը ասել էր, որ, եթե ինքը խոսի, ապա իրենց տուն թերթի թթակիցը չպետք է այցելի, քանի որ հիմա ոչ մեկ ավել բան ասել չի կարող:Թերթը նշում է, որ Անահիտի ընկերուհին թերթի հետ զրույցում նշել է, որ Սիրարփին ուներ մեկ քույր և երկու եղբայր և ընտանիքը ոչ մի կերպ չի համակերպվում կատարվածի հետ: «Դա տարիքային զարգացման հիվանդություն է, թե ինչպես նա պատվով կկարողանա դուրս գալ` այլ հարց է, անպայման պետք է մանկավարժությունը իր խոսքն ասի, շրջապատը տվյալ դեռահասին ջերմությամբ վերաբերվի, բայց ոչ թե այնպիսի ջերմությամբ, որը շատ նման է բռնության»,- բացատրել է հոգեբանական գիտությունների թեկնածու Ռուբեն Պողոսյանը:

Հայկական ժամանակ

Երեկ հայտնի է դարձել, որ փետրվարի 26-ին Արտաշատում` Ր. Հովհաննիսյանի հանրահավաքում սադրանք հրահրած երիտասարդներին ղեկավարող անձը, ով ներկայացել էր «բիզնեսմեն Աշոտ Գալստյան», իրականում ոտիկանության մայոր Կ. Գրիգորյանն է:
Թերթի թղթակցի ձեռքի տակ է հայտնվել ոստիկանության «Հերթապահ մաս» հաղորդաշարի, տարօրինակ զուգադիպությամբ, հենց միջադեպի օրվա թողարկումը, որտեղ Գրիգորյանը մայորի համազգեստով պատմում է ոմն Կյաժի և Էդգարի կատարած մալուխների գողության և նրանց ինքնախոստովանական ցուցմունքի մասին: Ամբողջ հանրահավաքի ընթացքում ժեստերով, մոտակա և հեռակա ձևով «բիզնեսմեն Աշոտը» ղեկավարել էր ժողովրդի շարքեր մտած սևազգեստ կեղծ օպերատորներին, որոնցից երկուսը միջադեպ են հրահրել, ինչի արդյունքում էլ նույն Գրիգորյանի վերադասը ցանկացել էր բերման ենթարկել «Ժառանգության» ներկայացուցիչ Դավիթ Սանասարյանին: Փաստորեն, «կինոշնիկ բանդայի» դիրիժորը ոստիկանությունն է: Ինչը և պետք էր ապացուցել:

Հայկական ժամանակ

Երեկ, հանրապետության տարբեր քաղաքներում ՐաֆՖի Հովհաննիսյանի հանդիպումները ժողովրդի հետ անցել են` մեծ թվով քաղաքացիական հագուստով ոստիկանների և ԱԱԾ աշխատակիցների ուղեկցությամբ (նկարներում): Նրանք հիմնականում նկարահանել են հանդիպման եկած քաղաքացիներին։ Սա հին մեթոդ է։ Դրանից հետո տեղի ոստիկանությունը հատ-հատ կայցելի նկարահանված մարդկանց, որին ոնց կարողանա կսպառնա, կհամոզի, կխնդրի` այլևս այդ հավաքներին չմասնակցել, առավել ևս մտքով չանցկացնել գնալ Երևան հանրահավաքի, և ընդհանրապես Րաֆֆի Հովհաննիսյանին մտքներից հանել: Պարզվել է սակայն, որ մեծ թվով ծպտյալ իրավապահները այլ հանձնարարություն էլ են ունեցել, որ հաջողվել է միայն Արտաշատում: Այստեղ նրանցից մեկը հայհոյել է «ժառանգության» ներկայացուցիչ Դավիթ Սանասարյանին: Ակնհայտ է, որ «Ժառանգության» ներկայացուցիչը պատահական չի ընտրվել, և ոչ էլ հայհոյանքն է պատահական ընտրվել (դա այնպիսի բովանդակություն է ունեցել, որը հայ երիտասարդները երբեք անարձագանք չեն թողնում): Ամենաբարձր օղակներում մտածված այս սադրանքի նպատակը եղել է Դավիթ Սանասարյանին բերման ենթարկելն ու ձերբակալել, ինչը համենայնդեպս երեկ չի հաջողվել:
Քաղաքացիական հագուստով իրավապահներից մեկն էլ խոչընդոտել է «ՀԺ»-ի թղթակցի աշխատանքը, հարվածել է նրա լուսանկարչական սարքին, հրել է նրան և պահանջել` իրեն չնկարել: Այս հրապարակումն, ի դեպ, նաև հաղորդում է հանցագործության մասին, քանի որ լրագրողի մասնագիտական աշխատանքը խոչընդոտելը քրեական հանցագործություն է:

Հայկական ժամանակ

ՀՀ-ում` ԱՄՆ արտակարգ և լիազոր դեսպան Ջոն Հեֆֆերնը կրկին գրառում է կատարել իր միկրոբլոգում, որը վերաբերում է Հայաստանում «Կարֆուր» հիպերմարկետի բացմանը: «Ի՞նչ լուրեր կան «Կարֆուրից»»,- գրել է դեսպանը:
Սա ԱՄՆ դեսպանի արդեն երկրորդ գրառումն է այս թեմայով: Միամտություն է կարծել, որ դեսպանը ունի անձնական որևէ շահագրգռվածություն, կամ պարապ ժամանակ հիշում է այդ թեման: «Կարֆուրի» մուտքը Հայաստան իրոք սկզբունքային հարց է դարձել` ՀՀ-ում մոնոպոլիաների դեմ պայքարի առումով:

Հայկական ժամանակ

Թերթն ն այսօրվա առաջնորդողում գրել է. «Բոլորի ուշադրության կենտրոնում այսօր Ազատության հրապարակն է, որտեղ ժամը 17-ին տեղի է ունենալու Րաֆֆի Հովհաննիսյանի հայտարարած հանրահավաքը: Րաֆֆի Հովհաննիսյանի խոսքը այս հանրահավաքում չափազանց կարևոր է: Այդ խոսքին սպասում է ողջ Հայաստանը, Սփյուռքը, Րաֆֆի Հովհաննիսյանին ընտրողները, նրան չընտրողները, նրա հակառակորդները, միջազգային հանրությունը, բոլորը: Այս խոսքը վերոնշյալ խմբերից յուրաքանչյուրը սպասում է տարբեր ակնկալիքներով, իր մոտիվացիաներով: Սակայն դրա ամենակարևոր հասցեատերը այն շուրջ 540 հազար քաղաքացիներն են, ովքեր իրենց ձայնն ու վստահության քվեն տվել են Րաֆֆի Հովհաննիսյանին: Այսօրվա խոսքից է կախված 540 հազար ՀՀ քաղաքացիները հպարտ կլինե՞ն իրենց ընտրության համար, թե՞ ոչ: Երեկ ,ինչպես հայտնի է, Րաֆֆի Հովհաննիսյանը հանդիպեց Սերժ Սարգսյանի հետ, շուրջ մեկուկես ժամանոց զրույց ունեցավ, և ահա այսօր Ազատության հրապարակում պետք է ներկայացնի այդ զրույցն ու դրա հանգուցալուծումը: Սերժ Սարգսյանի հետ հանդիպումից հետո Հովհաննիսյանը հանդիպեց ՀՅԴ ղեկավարության հետ, և մոտ մեկուկես ժամ էլ այնտեղ զրույց ունեցավ: Այս երկու զրույցների տևողությունն արդեն հուշում է, որ խոսակցությունը լուրջ է եղել, դետալներ է պարունակել: Ու թեև կողմերից ոչ ոք պաշտոնապես չհրապարակեց զրույցի բովանդակությունը, այնուամենայնիվ օրվա վերջում Սերժ Սարգսյանի թևից եղան ինֆորմացիոն «ուտկաներ»: Դրանց ամբողջ իմաստն այն էր, որ Սերժ Սարգսյանը Րաֆֆի Հովհաննիսյանին առաջարկել է կոալիցիոն կառավարություն ձևավորել: Ավելի գունագեղ առաջարկը ներկայացված էր ՀՀԿ խորհրդի քաղաքական կյանքում ոչ ակտիվ դերակատարում ունեցող ներկայացուցիչներից մեկի գրառման մեջ, որտեղ ասվում էր, որ պետք է երկրում արմատական փոփոխություններ իրականացնել, ինչն անհնար է հեղինակազրկված կադրերով, օլիգարխներով և միայն ՀՀԿ-ական ռեսուրսներով: Սերժ ՍԱարգսյանն ու Րաֆֆի Հովհաննիսյանը պետք է նոր կոալիցիա ստեղծեն, ինչի արդյունքում էլ կկերտվի «Ապահով Հայաստանը», մոտավորապես գրել է ՀՀԿ-ականը: Մեկ այլ լրատվության մեջ էլ ՀՀԿ-ական աղբյուրներն էին հայտնել, որ Սերժ Սարգսյանը Րաֆֆի Հովհաննիսյանին կոալիցիա կազմելու առաջարկություն է արել: Սակայն հանրությանը, առավել ևս Րաֆֆի Հովհաննիսյանին ձայն տված 540 հազար հոգուն, պետք չէր ինֆորմացիոն արտահոսք կռահելու համար, թե ինչ կարող էր աոաջարկել Սերժ Սարգսյանը նրան: Այն ժամանակ, երբ նախագահական նստավայրում ընթանում էր Րաֆֆի-Սերժ հանդիպումը. Ազատության հրապարակում շուրջբոլորը լսվում էր մի հարց. «Րաֆֆին էլ է՞ ծախվելու»: Խնդիրն այստեղ Րաֆֆի Հովհաննիսյանի ծախվել-չծախվելը չէ, այլ այն, որ նժարին դրված է ՀՀ քաղաքացու վստահության քվեն, ու այդ քաղաքացին մտավախություն ունի, որ իր քվեն հերթական անգամ կդառնա առևտրի առարկա:
Եվ այնուամենայնիվ, ՀՀԿ-ի կողմից կոալիցիա կազմելու հրապարակային-անուղղակի առաջարկին երեկ Րաֆֆի Հովհաննիսյանը անուղղակի պատասխանեց: Վերոնշյալ հրապարակումներից հետո նրա շտաբը հայտարարություն տարածեց, որտեղ այսօրվա հանրահավաքի հիմնական նպատակը նշվում է Սերժ Սարգսյանին «ցտեսություն» ասելը: Սակայն սա անուղղակի առաջարկին անուղղակի պատասխան է: Մարդիկ իրենց մտահոգող հարցի պատասխանը կգտնեն այսօր, ժամը 17-ին, Ազատության հրապարակում»:

Հայկական ժամանակ
 

Երեկ թերթին հասած տեղեկությունների համաձայն` Հայաստանում արձանագրվել է H1N1 վիրուսի` «խոզի գրիպի» հետևանքով մահվան ևս 4 դեպք:
Ավելի վաղ թերթն անդրադարձել էր երկու այլ դեպքի, որոնք, ըստ տարածված լուրերի, դարձյալ խոզագրիոյի հետևանքով էին: Հետո, իհարկե, պարզվել էր, որ մահը գրանցվել է թոքաբորբի պատճառով, բայց ահա բժիշկ-մասնագետը չէր հերքել, որ թոքաբորբն էլ իր հերթին կարող էր H1N1 վիրուսի հետևանք լինել:
Ինչ վերաբերում է թարմ դեպքերին, ապա «ՀԺ»-ին որոշակի մանրամասներ են հայտնի դարձել դրանցից մեկի մասին: Ըստ այդմ, H1N1 վիրուսի զոհ է դարձել 24-ամյա կինը, որը հղիության 7-րդ ամսում էր: Երիտասարդ կնոջը հուղարկավորել են երեկ` Վայքի գյուղերից մեկում: Նրա բարեկամներից մեկը թերթի հետ զրույցում պատմել է, որ հղիի մոտ երիկամային խնդիրներ են առաջացել, ինչի կապակցությամբ էլ նա դիմել է«Էրեբունի» բժշկական կենտրոն: Անհրաժեշտ բուժօգնություն ստանալուց հետո կինը դուրս է գրվել, բայց շուտով նրա մոտ գրիպանման երևույթներ են նկատվել, ինքնազգացողությունը սկսել է վատանալ: Դարձյալ հոսպիտալացվել է. ինչից հետո բժիշկները հայտնել են, որ հիվանդի մոտ առկա է խորը թոքաբորբ: Օրեր անց նրան տեղափոխել են վերակենդանացման բաժանմունք, որտեղ հենց նույն օրը արձանագրված է եղել խոզի գրիպից մահվան մեկ դեպք: 24-ամյա կնոջ հարազատի խոսքով` դրանից հետո բժշկական կենտրոն են այցելել ՀՀ գլխավոր վարակաբանն ու հակահամաճարակային տեսչության աշխատակիցներ: Անալիզներ են վերցրել նաև իրենց հիվանդից, իսկ հետո հայտարարել արդյունքները` խոզագրիպ չկա, այլ միայն` թոքաբորբ: Հարազատների կարծիքով, թերևս մոր ընդունած հակաբիոտիկների պատճառով, փետրվարի 14-ին մահացել է դեռ չծնված երեխան, իսկ փետրվարի 18-ին` մայրը: Ու չնայած բժիշկները H1N1 վիրուսի առկայության մասին հիվանդ կնոջն ու հարազատներին ոչինչ չեն ասել, բայց նրա մահվան թերթիկում նշվել է H1N1 վիրուսը: Թերթը հավելում է նաև, որ թեև հարազատները ցանկություն են ունեցել մահացած կնոջ հոգեհանգիստն ու հուղարկավորությունը կազմակերպել մեկական օր ուշ, սակայն, ըստ նրանց, դիահերձարանից դա արգելել են` հորդորելով չուշացնել թաղումը: Նաև դիակը պահվել է փակ դագաղում, որպեսզի հարազատները չվարակվեն: Սա արդեն ուշագրավ է` հաշվի առնելով, որ վերը նշված նախկին երկու դեպքերից մեկի ժամանակ էլ դիակը պահվել է փակ դագաղում` հարազատներին թույլ չտալով մոտենալ:
Հայկական ժամանակ

Փետրվարի 18-ի ընտրությունների վերաբերյալ երեկ հայտարարություններով հանդես են եկել տարբեր քաղաքական ուժեր: Մինչդեռ ԲՀԿ-ն դեռ լռում է: Ծառուկյանի հարազատ Առինջ գյուղում, սակայն, Սերժ Սարգսյանը «ջախջախիչ» հաղթանակ է տարել:
Ըստ ԿԸՀ հրապարակած նախնական արդյունքների, Առինջի 3 տեղամասերում էլ նույն պատկերն է. 28/26 տեղամասում Րաֆֆի Հովհաննիսյանը ստացել է 48 ձայն, Սերժ Սարգսյանը 864, 28/27-ում Ր. Հովհաննիսյանը 149, Ս. Սարգսյանը` 625, 28/28-ում` Հովհաննիսյանը 46, Սարգսյանը 969: ԲՀԿ խոսնակ, ԱԺ պատգամավոր Տիգրան Ուրիխանյանը թերթի թղթակցին երեկ ասել է, թե ընտրությունների արդյունքները չեն մեկնաբանում: Երբ թղթակիցը նշել է, որ Ազատության հրապարակում Հովհաննիսյանի ասուլիսին ներկա էին տարբեր ուժերի ներկայացուցիչներ, արդյո՞ք ԲՀԿ-ի բացակայությունը նշանակում է, որ իրենք չեն աջակցում ժողովրդի ձայնը ստացած թեկնածուին և չեն դատապարտում կեղծված ընտրությունները, Ուրիխանյանը պատասխանել է. «Դրա հետ կապված մենք որևէ մեկնաբանություն չենք անում»: Իսկ արդյոք ԲՀԿ-ն կշնորհավորի՞ Ս. Սարգսյանին: Ուրիխանյանը հարցից խուսափել է, սակայն նաև չի բացառել շնորհավորելը:

Հայկական ժամանակ

Այսօր ժամը 17.00-ին 2013 թվականի ՀՀ նախագահի ընտրություններում ժողովրդի ձայնը ստացած թեկնածուն` Րաֆֆի Հովհաննիսյանը, իր ընտրողներին ու համակիրներին հրավիրել է Ազատության հրապարակ: Երեկ օրվա ընթացքում տեղի ունեցած զարգացումները թույլ են տալիս եզրակացնելու, որ Հայաստանում հերթական անգամ ժողովուրդն ընտրեց ընդդիմադիր նախագահի թեկնածուին, և իշխանությունները հերթական անգամ խեղաթյուրեցին ընտրությունների իրական արդյունքները: Օրվա ընթացքում բազմաթիվ էին ընտրախախտումների մասին ահազանգերը, որոնք հիմք էին տալիս եզրակացնելու, որ այս անգամ ևս իրականություն չդարձան ազատ և ժողովրդավարական ընտրություն անցկացնելու մասին գեղեցիկ խոստումները: Ավելին, իշխանական ողջ մեքենան լծված էր ընտրողների ազատ արտահայտման իրավունքը ոտնահարելով, վարչական ռեսուրսի օգտագործմամբ, տեղամասերում ոստիկանական ուժերի «աչքակապությամբ», ընտրակաշառք բաժանելով և ընտրողներին ահաբեկելով: Իսկ ահա օրվա վերջում գործի դրվեցին բիրտ ուժը և «հին ու բարի ավանդույթները»: Մասնավորապես, երեկոյան ժամը 23-ից սկսած, երբ արդեն ընտրական տեղամասերից ստացվում էին հաշվարկների տվյալները, և ակնհայտ էր Րաֆֆի Հովհաննիսյանի հաղթանակը Սերժ Սարգսյանի նկատմամբ, իշխանական մեքենան գործի դրեց այնպիսի մեթոդներ, ինչպիսիք են բռնություններ Րաֆֆի Հովհաննիսյանի վստահված անձանց նկատմամբ, լրագրողների նկատմամբ, Երևանում տարբեր թաղամասեր հոսանքազրկվեցին, բազմաթիվ լուրեր ստացվեցին, որ տեղամասերում հաշվարկը դադարեցվել է այն ժամանակ, երբ ակնհայտ է եղել, որ Րաֆֆի Հովհաննիսյանի ձայները Սերժ Սարգսյանի ձայներից շատ առաջ են: Նման տեղեկություններ գալիս էին հանրապետության տարբեր մարզերից: 23.30-ի սահմաններում դադարեց գործել Կենտրոնական ընտրական հանձնաժողովի կայքը: Այստեղ հաշվարկների արդյունքները օնլայն տեղադրվում էին, և կայքը դադարեց գործել այն ժամանակ, երբ սկսվեց Հովհաննիսյանի հավաքած տոկոսների աճի, իսկ Սերժ Սարգսյանի տոկոսների նվազման դինամիկա: Կես ժամ անց կայքը նորից սկսեց գործել, և նման նկատելի դինամիկա արդեն չկարԱյսօր ժամը 17.00-ին 2013 թվականի ՀՀ նախագահի ընտրություններում ժողովրդի ձայնը ստացած թեկնածուն` Րաֆֆի Հովհաննիսյանը, իր ընտրողներին ու համակիրներին հրավիրել է Ազատության հրապարակ: Երեկ օրվա ընթացքում տեղի ունեցած զարգացումները թույլ են տալիս եզրակացնելու, որ Հայաստանում հերթական անգամ ժողովուրդն ընտրեց ընդդիմադիր նախագահի թեկնածուին, և իշխանությունները հերթական անգամ խեղաթյուրեցին ընտրությունների իրական արդյունքները: Օրվա ընթացքում բազմաթիվ էին ընտրախախտումների մասին ահազանգերը, որոնք հիմք էին տալիս եզրակացնելու, որ այս անգամ ևս իրականություն չդարձան ազատ և ժողովրդավարական ընտրություն անցկացնելու մասին գեղեցիկ խոստումները: Ավելին, իշխանական ողջ մեքենան լծված էր ընտրողների ազատ արտահայտման իրավունքը ոտնահարելով, վարչական ռեսուրսի օգտագործմամբ, տեղամասերում ոստիկանական ուժերի «աչքակապությամբ», ընտրակաշառք բաժանելով և ընտրողներին ահաբեկելով: Իսկ ահա օրվա վերջում գործի դրվեցին բիրտ ուժը և «հին ու բարի ավանդույթները»: Մասնավորապես, երեկոյան ժամը 23-ից սկսած, երբ արդեն ընտրական տեղամասերից ստացվում էին հաշվարկների տվյալները, և ակնհայտ էր Րաֆֆի Հովհաննիսյանի հաղթանակը Սերժ Սարգսյանի նկատմամբ, իշխանական մեքենան գործի դրեց այնպիսի մեթոդներ, ինչպիսիք են բռնություններ Րաֆֆի Հովհաննիսյանի վստահված անձանց նկատմամբ, լրագրողների նկատմամբ, Երևանում տարբեր թաղամասեր հոսանքազրկվեցին, բազմաթիվ լուրեր ստացվեցին, որ տեղամասերում հաշվարկը դադարեցվել է այն ժամանակ, երբ ակնհայտ է եղել, որ Րաֆֆի Հովհաննիսյանի ձայները Սերժ Սարգսյանի ձայներից շատ առաջ են: Նման տեղեկություններ գալիս էին հանրապետության տարբեր մարզերից: 23.30-ի սահմաններում դադարեց գործել Կենտրոնական ընտրական հանձնաժողովի կայքը: Այստեղ հաշվարկների արդյունքները օնլայն տեղադրվում էին, և կայքը դադարեց գործել այն ժամանակ, երբ սկսվեց Հովհաննիսյանի հավաքած տոկոսների աճի, իսկ Սերժ Սարգսյանի տոկոսների նվազման դինամիկա: Կես ժամ անց կայքը նորից սկսեց գործել, և նման նկատելի դինամիկա արդեն չկար:

Հայկական ժամանակ

Փետրվարի 14-ին և 15-ին Լիբանանում Հայաստանի դեսպանությունում տեղի է ունեցել ՀՀ անձնագրերի հանձնման հանդիսավոր արարողություն: Հանդիսավոր երդման արարողությունից հետո դեսպան Քոչարյանը 200-ից ավելի լիբանանահայերի հանձնել է ՀՀ քաղաքացու անձնագրեր: Լիբանանում ՀՀ դեսպանությունը վերջին շաբաթների ընթացքում ՀՀ անձնագրեր է հանձնել նաև շուրջ 60 սիրիահայերի, որոնք քաղաքական զարգացումների բերումով` ժամանակավոր բնակության են հաստատել Լիբանանում: ՀՀ ԱԳՆ-ի տարածած այս տեղեկատվությունից կարելի է եզրակացնել, որ Սիրիայի հայ քաղաքացիների հետ մեկտեղ Հայաստան տեղափոխվելու ծրագրեր ունեն նաև հարյուրավոր լիբանանահայեր: Հավանաբար, այս ամենի պատճառն այն է, որ ժամանակ առ ժամանակ տեղեկություններ են ի հայտ գալիս, որ նախագահ Բաշար Ասադի տապալումից հետո իրավիճակի ապակայունացում է սպասվում նաև Լիբանանում: Համենայնդեպս, Սիրիայում ընթացող քաղաքացիական պատերազմի որոշակի փուլերում սիրիացի զինված ապստամբները բազմիցս մարտերը տեղափոխել են Լիբանանի տարածք: Այս ամենը լիբանանահայերին, հավանաբար, ստիպում է ավելի հեռատես գտնվել և ՀՀ քաղաքացիություն ձեռք բերել:

Հայկական ժամանակ