ՀՀ վերահսկիչ պալատը վերջերս ստուգումներ է անցկացրել Երևանի քաղաքապետարանում: «ՉԻ» աղբյուրների վկայությամբ, ՎՊ աշխատակիցներին հետաքրքրել են ֆինանսական փաստաթղթերը, որոնք վերաբերում են ավտոճանապարհների,, փողոցների և մայրուղիների կառուցմանը, վերակառուցմանն ու հիմնանորոգմանը, ինչպես նաև աղբահանությանը:

Ինչպես հայտնի է, ավտոճանապարհների վերանորոգումն «ատկատների» և գումար լվանալու հիմնական տեղն է: Ի վերջո պատահական չէ, որ քաղաքապետարանը վերջին տարիներին պարբերաբար ասֆալտապատում է Երևանի նույն փողոցները:

ՎՊ-ն ուշագրավ բացահայտումներ է արել:

Չորրորդ ինքնիշխանություն

Բավական չէ՝ իշխանությունները փորձում են ժողովրդին սահմանադրական փոփոխություններ պարտադրել, դա անում են ՀՀ պետական բյուջեի հաշվին:

Սահմանադրական փոփոխությունների մասնագիտական հանձնաժողովի անդամների սեպտեմբերի 18-20-ը գործուղման են մեկնել Փարիզ՝ Վենետիկի հանձնաժողովի աշխատանքային խմբի հետ սահմանադրական փոփոխությունների հայեցակարգի նախագծի քննարկումներին մասնակցելու համար:

«ՉԻ»-ին հայտնի դարձավ, որ թեև ճանապարհածախսը հոգացել է հրավիրող կողմը, բայց օրապահիկի ծախսերը վճարվել է ՀՀ պետական բյուջեից:

Ու, անկախ նրանից, թե որքան գումար է տրամադրվել հանձնաժողովի անդամներին, փաստ է, որ դա արվել է հարկատուներիս գրպանից:

Մինչ այդ, հիշեցնենք,ո ր սահմանադրական փոփոխությունների մասնագիտական հանձնաժողովի քարտուղարությունը հիշեցրել էր, թե հանձնաժողովի աշխատանքների շրջանակներում  տեխնիկական և կազմակերպական բնույթի ծախսերը կատարվել են բացառապես Գերմանական միջազգային ն և ԵԱՀԿ երևանյան գրասենյակի կողմից:

Չորրորդ ինքնիշխանություն

Շրջանառվող լուրերի համաձայն, Հրայր Թովմասյանը որևէ կերպ չի հարմարվում ԱԺ աշխատակազմի ղեկավարի պաշտոնին, և գերադասում է աշխատանքի գրեթե չգնալ:

Նա կարճ ժամանակ ԱԺ-ում լինում է առավոտյան ժամերին, մի կես ժամ էլ՝ երեկոյան 5-ից հետո:

Իսկ պատճառն այն է, որ Թովմասյանը լուրջ խնդիրներ ունի պատգամավորների հետ հարաբերվելիս դեռ արդարադատության նախարար եղած ժամանակվանից:

Աշխատանքի չներկայանալու համար էլ Թովմասյանը «լուրջ» պատճառներ ունի՝ լինելով սահմանադրական հանձնաժողովի անդամ, զբաղված է հայեցակարգը քարոզելով:

Չորրորդ ինքնիշխանություն

Մինչ Սյունիքը սպասման մեջ է, թե ով է ստանձնելու մարզի ղեկավարի պարտականությունները, այդ տարածաշրջանում առաջացած «Սյունաց արծիվներ» հասարակական կազմակերպության նախագահ, փոխնախարար Խաչիկ Ասրյանը «հետաքրքիր» մտահղացումներով է հանդես գալիս:

«ՉԻ» տեղեկություններով՝ տարբեր տեղերում նա հայտարարել է, թե ցանկանում է առաջիկայում ՌԴ նախագահ Վլադիմիր Պուտինին «Սյունաց արծիվներ» մեդալով պարգևատրել:

Վերջինս մասնավոր զրույցներում ասել է, թե այդ ամենը կազմակերպելու համար հիմա բանակցություններ է վարում ՀՀ իշխանությունների հետ, որպեսզի սպասվելիք պարգևատրման միջոցառումը ներկայացուցչական լինի: Փոխնախարարի նպատակը մեդալ տալու արարողությունը Սյունիքում կազմակերպելն է:

Չորրորդ ինքնիշխանություն

ՀՅԴ-ն պատրաստվում է առաջիկայում կրկին իշխանության մաս կազմել: Ինչպես պնդում են «ՉԻ» լավատեղյակ աղբյուրները, այս անգամ ՀՀԿ-ն ու ՀՅԴ-ն կոալիցիա չեն կնքի, այլ դաշնակցականները կհայտարարեն, որ եկել են օգնելու կառավարությանը՝ իբր «լուծելու համար ժողովրդի առաջ ծառացած խնդիրները» և կստանձնեն 2-3 նախարարական պորտֆել:

Նույն աղբյուրների պնդմամբ, ՀՅԴ-ն Հովիկ Աբրահամյանի կառավարության պատրաստվում է օգնության հասնել հունվարին;

Չորրորդ ինքնիշխանություն

Վարչապետ Հովիկ Աբրահամյանը դեռ մայիսի հայտարարել էր «վարչապետների ակումբ» ստեղծելու մտադրության մասին՝ նշելով, որ ցանկություն ունի նախկին վարչապետներին ներգրավել տնտեսական, քաղաքական գործընթացները քննարկելու գործում:

Պարզվում է՝ ակումբը դեռևս չի գործում, որովհետև մշակվում է դրա կանոնակարգը:

Թերթի հետ զրույցում ԱԺ ՀՀԿ խմբակցության պատգամավոր Խոսրով Հարությունյանը, որը ևս մասնակցելու է նախկին վարչապետների հավաքներին, ասաց, թե հիմա ակումբի կանոնակարգի մշակումից հետո միայն կկազմակերպվեն քննարկումները:

Թե ի՞նչն են կանոնակարգելու, Հարությունյանն ասաց, որ այն լինելու է չպարտավորեցնող, վարքագծի կանոններ ենթադրող, փոխհարաբերությունները կարգավորող փաստաթուղթ:

Չորրորդ ինքնիշխանություն

Մամուլում խոսվել է, որ Կրեմլի քաղաքականության քարոզչության թիվ 1 հրապարակային դեմքի՝ հայտնի հեռուստամեկնաբան Դմիտրի Կիսելյովի կողմից հիմնված «Գրիբոյեդով» ակումբի անդամները բավականին բարձր աշխատավարձեր են ստանում, խոսքը գնում էր նաև այդ ակումբի անդամ ՀՀ քաղաքագետների միության նախագահ Հմայակ Հովհաննիսյանի մասին, որը, համաձայն հրապարակումների, ստանում է մոտ 400 հազար դրամ աշխատավարձ:

«Չի» -ի հետ զրույցում Հմայակ Հովհաննիսյանն ասաց, որ ինքն աշխատավարձ ոչ մի տեղից չի ստանում՝ «նույնիսկ քաղաքագետների միությունում չեմ ստանում, էլ ուր մնաց ուրիշ տեղից»:

Խոսելով «Գրիբոյեդով» ակումբի աշխատանքների մասին՝ տեղեկացրեց, որ Կիսելյովը ամիսը մեկ անգամ այցելում է Հայաստան, ակումբի շրջանակներում քննարկումների մասնակցում, տեղի է ունենում մտքերի փոխանակում: Հմայակ Հովհաննիսկանը նաև անկեղծացավ, որ Կիսելյովը խռովել է Հայաստանից. պատճառը հայտնի դեպքերն են:

Չորրորդ ինքնիշխանություն

Շահեն Հարությունյանը 2013թ.-ի նոյեմբերի 5-ին տեղի ունեցած բողոքի ակցիայի ժամանակ վարվել է այնպես, ինչպես ցանկացած այլ երեխա կվարվեր, եթե հորը իր աչքի առջև հարվածեին: Այս մասին նախօրեին Ազատության հրապարակից մեկնարկած երթի ժամանակ թերթի հետ զրույցում ասում էին Շահենի ընկերներն ու նախկին համադասարանցիները:

Հիշեցնենք, որ Շահեն Հարությունյանին նախորդ տարվա նոյեմբերի 5-ին տեղի ունեցած իրադարձություններից ամիսներ անց մեղադրանք էր առաջադրվել այն բանի համար, որ նա մի խումբ անձանց հետ որպես զենք օգտագործվող առարկայի գործադրմամբ կատարել է խուլիգանություն՝ զուգորդված իշխանության ներկայացուցչին դիմադրություն ցույց տալով:

Շահեն Հարությունյանը չի համարում, որ խուլիգանություն է կատարել, և իրեն առաջադրված մեղադրանքը չի ընդունել: Երթի մեկնարկից առաջ նա ասաց, որ եթե անհրաժեշտ լինի, երկրորդ անգամ դարձյալ նույն կերպ կվարվի, իսկ ազատազրկումից չի վախենում, ավելին՝ պատրաստ է դրան:

Չորրորդ ինքնիշխանություն

Մեր պաշտոնյաների մեջ նոր մոդա է սկսվել գիտական կոչումներ ձեռք բերելը: «Չի» տեղեկություններով, հիմա ԱԺ փոխնախագահ էդուարդ Շարմազանովը փորձում է գիտությունների դոկտոր դառնալ: Ինչպես պնդում են մեր աղբյուրները, նա ԵՊՀ միջազգային հարաբերությունների ֆակուլտետի քաղաքական ինստիտուտների և գործընթացների ամբիոնում դոկտորական թեզ է գրում ԱՊՀ երկրներում մինչխորհրդարանական հարաբերությունների թեմայով: Փաստորեն, հայ քաղաքագիտական միտքը շուտով համալրվելու է մտքի նոր տիտանով: Թեև, եթե հաշվի առնենք, որ Սյունիքի նախկին մարզպետ Սուրիկ Խաչատրյանը՝ Լիսկան, գիտությունների թեկնածու է, ապա Շարմազանովը կարող է նաև դոկտոր դառնալ:

Հ.Գ. Շարմազանովի՝ «ռևանշիզմի և օլիգարխիայի սերտաճման» վտանգի մասին վերջին հայտարարություններից հետո նրան կարելի է միանգամից ակադեմիկոսի կոչում տալ

Տևական ժամանակ է սրվել են ՕԵԿ նախագահ Արթուր Բաղդասարյանի ու ՀՀ բնապահպանության նախարար, «Ավշար» ընկերության սեփականատեր Արամայիս Գրիգորյանի հարաբերությունները: Ինչպես պնդում են «ՉԻ» լավատեղյակ աղբյուրները,Արթուր Բաղդասարյանը ԱԱԽ պաշտոնը զբաղեցրած ժամանակ, օգտագործելով ՌԴ ուժային կառույցների ներկայացուցիչների հետ ունեցած պաշտոնական կապերը, զարկ է տվել սեփական բիզնեսին, միայն թե դա արել է հայկական այլ ընկերությունների հաշվին:

Ըստ մեր աղբյուրների, Մոսկվայի մի քանի խոշոր սուպերմարկետներ ժամանակին խզել են կապերը «Ավշար» ընկերության հետ, փոխարենը վաճառելով «Հայասի» ընկերության արտադրանքը: Դա էլ պատճառ է դարձել լուրջ հակասությունների:

Չորրորդ ինքնիշխանություն