տեղեկություններով, «Հանրապետություն» կուսակցությունից բավական մեծ թվով անդամներ ցանկություն են հայտնել մասնակցելու հոկտեմբերի 10-ի ընդդիմության հանրահավաքին, ինչը դուր չի եկել Արամ Սարգսյանին:

Ասում են, որ ոգևորությունը կոտրելու համար Արամ Զավենիչը հրահանգել է «անհնազանդ» կուսակցականներին այդ օրը չերևալ Ազատության հրապարակում:

Քաղաքական մակարդակով որոշում է ընդունվել հանրահավաքին չմասնակցել, ինչը շարքային և «ոչ այնքան շարքային» անդամների կողմից միաձայն չի ընդունվել:

Մեզ հետ զրույցում կուսակցության քաղխորհրդի անդամ Սուրեն Աբրահամյանը, սակայն, վստահեցրեց, թե նման որոշում իրենք չեն ընդունել: Նա ասաց, որ բոլոր նրանք, ովքեր կցանկանան մասնակցել հանրահավաքին, կարող են իրենց ազատ զգալ:

Չորրորդ ինքնիշխանություն

ԱԺ-ում բավականին լարված իրավիճակ է ստեղծվել ԱԺ աշխատակազմի ղեկավար Հրայր Թովմասյանի և ԱԺ արտաքին կապերի վարչության պետ Վիկտոր Բիյագովի շուրջ: Բանն այն է, որ այս մարդիկ ԱԺ-ում գրեթե չեն լինում, նրանք անընդհատ շրջագայում են: Պատգամավորների փոխարեն հենց իրենք են մեկնում աշխատանքային տարբեր հանդիպումների՝ փորձելով ԱԺ-ից մի անձնական օգուտ գոնե ստանալ:

Բանն այն է, որ ԱԺ նախագահ Գալուստ Սահակյանն ինքնաթիռով թռչելուց ֆոբիա ունի և հենց այդ պատճառով էլ չի կարողանում մեկնել արտերկիր: Եթե շատ կարևոր միջոցառում է և պարտադիր է ԱԺ նախագահի ներկայությունը և նրա բացակայությունը դիվանագիտական էթիկայի խախտում կարող է համարվել,վերջինս իր փոխարեն ուղարկում է Հերմինե Նաղդալյանին կամ Էդուարդ Շարմազանովին:

Այս իրավիճակում շահող են դուրս գալիս Թովմասյանն ու Բիյագովը, նրանց «դամարը» մտած՝ Հերմինե Նաղդալյանն ու Էդուարդ Շարմազանովը:

Ի դեպ՝ Հրայր Թովմասյանը բավականին տարօրինակ վարքագիծ է ցուցաբերում ԱԺ-ում: Օրինակ, նա հայտարարել է, թե ԱԺ աշխատակազմի ղեկավարի պաշտոնն իր համար նույնն է, ինչ նեղ կոստյում հագած լինելը:

Չորրորդ ինքնիշխանություն

Քաղաքական շրջանակներում դարձյալ ակտուալ է դարձել ԱԱԾ պետի համար մղվող պայքարը: Հիշեցնենք, որ շուրջ 10 տարի է ԱԱԾ-ն ղեկավարում է Գորիկ Հակոբյանը:

Վերջինիս պաշտոնավարումը կասկածի տակ դրվեց 2009 թ., սակայն Սերժ Սարգսյանը 2011 թ. փետրվարի 17-ի հրամանագրով ամրագրեց Գորիկ Հակոբյանի պաշտոնավարման ժամկետի երկարաձգումը մինչև 2016 թ. փետրվարի 16-ը:

Չնայած դրան` Գորիկ Հակոբյանը գրեթե ամեն օր ցանկություն է հայտնում հեռանալու մասին, և դրա մասին հայտնի է շատերին:

ԱԱԾ պետի պաշտոնի մասին է երազում ԴԱՀԿ պետ Միհրան Պողոսյանը` Քեթրինի Միհրանը, որի երկու քեռիներն էլ առնչություն ունեն համակարգի հետ։ Սակայն քեռիների գործոնը չէ, որ երազանքի առիթ է դարձել Պողոսյանի համար:

Չորրորդ ինքնիշխանություն

Թերթի տեղեկություններով՝ առաջիկայում ՀՀ կառավարության կազմում լուրջ փոփոխություններ են սպասվում: Մեր տեղեկություններով՝ փոխվարչապետ, տարածքային կառավարման նախարար Արմեն Գևորգյանը՝ Արմենչիկը, արդեն գրել է իր հրաժարականի դիմումը: Խնդիրն այն է, որ վերջինս այլևս չի ուզում աշխատել կառավարությունում:

Սերժ Սարգսյանն առանձնապես ծանր է տանում Արմեն Գևորգյանի հեռանալու փաստը: Նրա հանձնարարականով՝ Հովիկ Աբրահամյանը զրուցել է Գևորգյանի հետ՝ փորձելով հասկանալ նրա որոշման պատճառները:

Սակայն Գևորգյանը պնդել է հրաժարականի մասով, վստահեցնելով, որ ինքն ամեն ինչից գոհ է, և չկա մի բան, որ իրեն խանգարեր աշխատանքային գործունեության ընթացքում:

Արմեն Գևորգյանի փոխարեն այժմ նոր մարդիկ են փնտրվում:

Չորրորդ ինքնիշխանություն

Երևանում դարձյալ սկսվել է առանց այդ էլ սակավաթիվ կանաչ տարածքների ոչնչացումը: Տարօրինակ լռության քողի տակ այս օրերին լայնածավալ շինարարական աշխատանքներ են իրականացվում մայրաքաղաքի ամենականաչ տարածքներում, օրինակ՝ Հաղթանակ զբոսայգում, ինչպես նաև դրա դիմացի մայթում: Երևանցիներն այդ տարածքը կոչում են Մանումենտ:

Հենց այս օրերին «ընդլայնվում» է «Գոլդեն Փալաս» հյուրանոցը: Դրա դիմացի մայթում ինչ-որ մեկն սկսել է հսկայական շենքի կառուցումը՝ դրանից աքռաջ նախ տարածքն ազատելով ծառերից:

Երեկ է՝լ ՀՀ ոստիկանապետ Վլադիմիր Գասպարյանի փեսայի՝ ԱԺ պատգամավոր Արթուր Գևորգյանի տան դիմացի հսկայական ծառն են կտրել: Շրջանառվող տեղեկությունների համաձայն՝ պատգամավորը որոշել է տան հարևանությամբ պահակակետ տեղադրել:

Չորրորդ ինքնիշխանություն

Քառյակը 12 պահանջ էր ներկայացրել կառավարությանը՝ նրան ժամանակ տալով պատասխաններ հնչեցնել դրա առիթով: Պատասխանը 5 ամիս չկար, որից հետո ոչիշխանականները հայտարարեցին, որ մինչև սեպտեմբերի 30-ը իրենք կհամբերեն, բայց դրանից հետո կնախաձեռնեն հանրահավաքային շարժում՝ պարտադրելով կառավարությանը անդրադառնալ իրենց պահանջներին:

Կառավարությունը դարձյալ ծպտուն չհանեց: Արդյունքում՝ ոչիշխանականները սկսեցին հանրահավաքային պայքարը՝ նախ մարզերից: Համապետական հանրահավաքի օր նշանակվեց հոկտեմբերի 10-ը:

Եվ ահա երեկ՝ հոկտեմբերի 10-ին ընդառաջ, ՀՀ կառավարությունը որոշեց պատասխանել ոչիշխանականներին: Պատասխանը ծավալուն է, ուստի մենք առանձնացրել ենք ասելիքի կարևոր կտորները: Միայն փաստենք որ կառավարության «ցրողական» պատասխանները կարող են ոչ միայն մեկ, այլև 100 հանրահավաքի թեմա դառնալ:

Չորրորդ ինքնիշխանություն

Թերթի տեղեկություններով՝ արդեն տևական ժամանակ է, ինչ ոսկու շուկայի սեփականատեր Վաղարշ Աբրահամյանը նոր օրենքներ է սահմանել:

Շրջանառվող տեղեկությունների համաձայն, վերջինս արգելել է ոսկու գործ անողներին բանկերից ոսկու սալիկ գնել: Նա հայտարարել է, թե ինքն է բերում ոսկին, և աշխատողները պետք է իրենից գնեն ոսկին՝ հենց իր սահմանած գնով:

Եվ եթե մինչ այդ ոսկու առևտրով զբաղվողները կարողանում էին բանկերից մատչելի գնով ոսկի առնել և այն վերածել զարդի, ապա այսօր ոսկու շոըկայում կանգնողները ստիպված են Վաղարշից ավելի թանկ գնով ձեռք բերել սալիկները:

Չորրորդ ինքնիշխանություն

Երևանի ոսկու շուկայի սեփականատեր Վաղարշ Աբրահամյանը շարունակում է վրեժ լուծել նախօրեին կառավարության մոտ բողոքի ցույցին մասնակցած ոսկու առևտրականներից:

Բավական չէ՝ նախօրեին նա ջարդուփշուր էր արել առևտրականների սեղանները, հիմա էլ որոշել է խզել նրանց հետ աշխատանքային պայմանագրերը:

«ՉԻ»-ին հայտնի դարձավ, որ նա պայմանագիրը խզելու որոշում է կայացրել՝ իբր շինարարական աշխատանքներ իրականացնելու համար:

Երեկ առևտրականները Վաղարշից նման բովանդակությամբ գրություն են ստացել. «Ձեզ զգուշացնում ենք, որ շինարարական աշխատանքներ կատարելու նպատակով, մեր տնտեսական կարիքների համար՝ ձեր պայմանագիրը կլուծարվի 15 օրվա ընթացքում:

Չորրորդ ինքնիշխանություն

Սուրեն Խաչատրյանը՝ Սյունիքի մարզպետը, պատրաստվում է որդու հարսանիքին: Հարսանիքի քավորը լինելու է գեներալ Սեյրան Սարոյանը: Մարդ, որը զբաղված է եղել նրա վերանշանակման լոբբինգով:

Ի դեպ, Սուրեն Խաչատրյանն ու Սեյրան Սարոյանը միմյանց հետ «մտերմացել» են հայտնի դեպքերից հետ միայն:

Այնքան են մտերմացել, որ Խաչատրյանը որոշել է քավորության առաջարկ անել Սեյրանին:

Չորրորդ ինքնիշխանություն

Թերթն անդրադարձել էր Կոտայքի ներկայիս մարզպետ, հանրությանը հայտնի Արամ Հարությունյանի պաշտոնական գործունեության մութ կողմերին: Դրանցից մեկն, օրինակ, այն էր, թե ովքեր են աշխատել բնապահպանության նախարարությունում՝ նախկին նախարար Ա. Հարությունյանի օրոք:

Հիմա շարունակենք բացահայտումների շղթան:

Ինչպես տեղեկացրել էինք, Կոտայքի գործող մարզպետն իր արձակուրդն անցկացրել է Մեծ Բրիտանիայում:

Վերջինս, ըստ մարզպետարանի մեր աղբյուրի, ունեցել է անհանգիստ, որոնողական արձակուրդ: Այդ օրերին նա Մեծ Բրիտանիայում ակտիվորեն զբաղվել է անշարժ գույք ձեռք բերելով, ինչը նրան հաջողվել է: Բավական մեծ գումարով նա ձեռք է բերել բնակարան, որը վերջինս գրանցել է հարազատներից մեկի անունով:

Բնակարանի ձեռքբերման գործը գլուխ բերելուց հետո Ա. Հարությունյանը երկու դուստրերին թողել է այնտեղ, իսկ ինքը վերադարձել է Հայաստան՝ մարզպետական գործը շարունակելու:

Չորրորդ ինքնիշխանություն