Բլոգեր Ալեքսանդր Լապշինը «Փաստինֆո»-ին մանրամասներ է պատմել Բաքվի բանտի կյանքի ու թե ինչ է իրականում թաքնված բեմականացված կադրերի հետեւում։

Մանրամասները՝ հարցազրույցում

Իսրայելի Երուսաղեմի և ժառանգության հարցերով նախարար Ամիհայ Էլիյահուն հնարավոր է համարել Գազայի հատվածի միջուկային ռմբակոծումը, նրա հայտարարությունը դատապարտել են իշխանությունները և այլ քաղաքական գործիչներ, գրում Է Times of Israel-ը:

«Kol Berama ռադիոկայանին տված հարցազրույցում պատասխանելով այն հարցին, թե արդյոք արժե՞ ատոմային ռումբ նետել անկլավի վրա, ժառանգության նախարար Ամիհայ Էլիյահուն պատասխանել է, որ «դա հնարավորություններից մեկն է», — ասվում է հրապարակման մեջ:

Բացի այդ, նախարարը հայտարարել է, որ համաձայն չէ որևէ մարդասիրական օգնություն տարածաշրջան մուտք գործելու հետ: Նրա խոսքով՝ Իսրայելը «նացիստներին մարդասիրական օգնություն չի փոխանցի», իսկ «Գազայում գոյություն չունի այնպիսի հասկացություն, ինչպիսին չներգրավված քաղաքացիական անձինք են»:

Ավելի ուշ Էլիյահուն փորձել է հերքել իր խոսքերը, նշում է պարբերականը։ X սոցիալական ցանցում նա գրել է, որ ցանկացած ողջամիտ մարդու համար պետք է պարզ լինի, որ ատոմային ռումբի մասին դիտողությունը փոխաբերական իմաստով է եղել:

Իսրայելի վարչապետի գրասենյակը սոցցանցերում հայտնել է, որ Էլիյահուի խոսքերը «չեն համապատասխանում իրականությանը», և որ Իսրայելը և ՑԱԽԱԼ-ը գործում են միջազգային իրավունքի համաձայն՝ անմեղ մարդկանց չվնասելու համար:

Բացի այդ, Իսրայելի ընդդիմության առաջնորդ Յաիր Լապիդը ևս քննադատել է նախարարի հայտարարությունները և ասել, որ Նաթանյահուն  պետք է այսօր ևեթ պաշտոնանկ անի Էլիյահուին։

Հայաստանի հետ բանակցությունները կշարունակվեն, երբ Երևանն ընդունի Բաքվի պայմանները։

Հայտարարել է Ադրբեջանի արտգործնախարար Ջեյհուն Բայրամովը՝ Բաքվում Գերմանիայի արտգործնախարար Անալենա Բերբոկի հետ համատեղ ասուլիսի ժամանակ։

Հաղորդում է Ինտերֆաքս-Ադրբեջանը։

«Հայաստանի կողմից ոչ կառուցողական և հակասական քայլերը դանդաղեցրել են կարգավորման գործընթացը», -ասել է Բայրամովը։

Միաժամանակ նա ընդգծել է, որ չնայած այս ամենին, Ադրբեջանի կառավարությունը Հայաստանի հետ հարաբերությունների կարգավորումն այլընտրանք չի համարում։

Նրա խոսքով, գերմանացի գործընկերոջ հետ բանակցությունների ընթացքում մանրամասն քննարկել են տարածաշրջանում տիրող իրավիճակը, հաղորդակցությունների բացումը, Հայաստանի հետ խաղաղության պայմանագրի ստորագրումը։

Ադրբեջանի տարբեր գործիչների հայտարարություններն անհեթեթության այն աստիճանի են հասել որ այլևս մեկնաբանությունների կամ հերքումների կարիք չունեն։

Հերթական անհեթեթության նմուշ է  հնչեցրել հապճեպ ստեղծված «Արևմտյան Ադրբեջանի համայնքը»։

Սկզբից այս կազմակերպությունը Գերմանիայի արտաքին գործերի նախարարության ղեկավար Աննալենա Բերբոքին մեղադրեց ստախոսության մեջ։ Նախարարը նոյեմբերի 4-ին Բաքվում կայացած մամուլի ասուլիսում ասել է, որ այդ օրը Ադրբեջան այցի ընթացքում ինքը հանդիպել է «Հայաստանից վտարված ադրբեջանցիների հետ»։ «Համայնքը» հայտարարում է, որ իրենք չեն հանդիպել Գերմանիայի ԱԳՆ ղեկավարի հետ, և քանի որ չեն հանդիպել, ուրեմն նախարարը ստում է։ Սեփական «լեգիտիմությունը» համայնքում նրանք կասկածի տակ չեն դնում, սակայն՝ իզուր։

«Բացի այդ, Ա. Բերբոքը խախտել է միջազգային իրավունքը՝ օգտագործելով Ադրբեջանի տարածքում գտնվող վայրերի հորինված անվանումներ։ Նշենք, որ գերմանացի նախարարի կողմից օգտագործվող կեղծ անվանումները հորինվել են Հայաստանի կողմից՝ Ադրբեջանի նկատմամբ տարածքային պահանջների շրջանակում՝ առանց պատմական կամ իրավական հիմքերի։ Եթե ​​գերմանացի նախարարը տեղանունների հարցում մեծ նշանակություն է տալիս պատմական ճշմարտություններին, ապա նա պետք է օգտագործեր իր այցելած վայրերի իրական, պատմական անվանումները, այդ թվում՝ Էրիվան, Քեշիշքենդ, Արազդեյեն, այլ ոչ թե այդ մտացածին անվանումները. — ասվում է հայտարարության մեջ։

Ինչպես ասում են՝ կլինիկական դեպք։

Դաղստանի իրադարձություններով ուզում էին Ռուսաստանը ներսից ցնցել, հայտարարել է ՌԴ նախագահ Վլադիմիր Պուտինը։

«Սա խոսում է այն մասին, որ նրանք, ամենայն հավանականությամբ, հետապնդում են իրենց շահերը, այլ ոչ թե որոշ երրորդ ժողովուրդների և երրորդ երկրների շահերը: Տվյալ դեպքում շահը Ռուսաստանի դեմ կռվելն է և Ռուսաստանը ներսից ցնցելը։ Մեր բազմազգ երկրում աա բացարձակապես անընդունելի է։ Հոգևորականների արձագանքը Դաղստանի իրադարձություններին արագ էր և համոզիչ, ինչի համար շնորհակալ եմ։ Այն, ինչ պատահել է, պատահել է։ Իսկ հոգևորականների արձագանքն արագ էր, համոզիչ, և ես ուզում եմ ձեզ շնորհակալություն հայտնել դրա համար», — ասել է Պուտինը՝ Ռուսաստանի Դաշնության Հասարակական պալատի նոր կազմի հետ «Համայնք» ֆորումում հանդիպման ժամանակ, փոխանցում է РИА Новости-ն։ 

Ռուսաստանի նախագահը հայտարարել է, որ պետք է ուշադրություն դարձնել դրանց վրա և, Ռուսաստանի Դաշնության օրենքներին համապատասխան, պատշաճ կերպով արձագանքել, հենց դա էլ կարվի։

«Ինչ վերաբերում է Մախաչկալայի այս իրադարձություններին, կայծ գցելը հեշտ է, շատ հեշտ։ Իհարկե, այնտեղ տեղի ունեցող սարսափների ֆոնին դա հեշտ է անել, քանի որ, ինչպես արդեն ասել եմ Անվտանգության խորհրդի գործընկերների հետ հանդիպման ժամանակ, երբ նայում ես տառապող, արնաշաղախ երեխաներին, բռունցքներդ սեղմվում են և աչքերից արցունքներ են գալիս: Սա, ինձ թվում է, ցանկացած նորմալ մարդու արձագանք է։ Եթե ​​նման արձագանք չկա, ուրեմն մարդը սիրտ չունի, այն քարից է»,- ասել է Պուտինը։

«Սա մի իրադարձություն է, որին մենք պետք է ուշադրություն դարձնենք և համապատասխան արձագանքենք՝ Ռուսաստանի օրենքներին համապատասխան։ Մենք դա, իհարկե, կանենք»,- ասաց նա։

«Մենք, իհարկե, պետք է հստակ գլխով ընկալենք տեղի ունեցող բոլոր իրադարձությունները, հասկանանք, թե որտեղ է չարի արմատը, որտեղից է գալիս… Պարզապես պետք է հասկանալ, թե ինչ է կատարվում։ Իսկ մենք գիտենք, որ սոցցանցերի միջոցով տեղեկատվությունը տարածվում է այն մարդկանց կողմից, ովքեր ապրում են արտերկրում, այդ թվում՝ Ուկրաինայում»,- ասել է Պուտինը։

Ռուսաստանի Դաշնության փոխվարչապետ Ալեքսեյ Օվերչուկը հայտարարել է, որ Ռուսաստանը միշտ պատրաստ է աջակցել Հայաստանի և Ադրբեջանի միջև սահմանազատմանը: Նա այս մասին ասել է verelq.am-ին:

«Սահմանազատումը երկկողմանի հարց է, իսկ (սահմանազատման հարցերով հանձնաժողով-Խմբ.) համանախագահները Հայաստանի և Ադրբեջանի կառավարությունների փոխվարչապետներն են։ Ինչ վերաբերում է այս գործընթացում Ռուսաստանի Դաշնության մասնակցությանը և դերին, ապա մենք միշտ պատրաստ ենք աջակցություն ցուցաբերել։ Մենք միշտ պատրաստ ենք աջակցել և տրամադրել փաստաթղթեր, ներառյալ քարտեզագրական փաստաթղթերը, որոնք պատմականորեն գոյություն ունեն Ռուսաստանում», — ասել է նա:

Տարածաշրջանում հաղորդակցությունների ապաշրջափակման մասով Օվերչուկը նշել է.«Ինչ վերաբերում է հաղորդակցությունների ապաշրջափակմանը, ապա աշխատանքային խումբը ֆորմալ առումով գոյություն ունի։ Վերջին անգամ հավաքվել ենք հունիսի 2-ին։ Մեղրիով երկաթուղու շինարարության մեկնարկի վերաբերյալ հիմնականում համատեղ հայտարարության տեքստը նույնպես մեծ մասամբ պատրաստ է։ Ինչ վերաբերում է բուն ճանապարհի կառուցմանը, ապա գիտեք, որ Ադրբեջանն արդեն սկսել է Իրանի տարածքով ավտոմայրուղու շինարարությունը՝ շրջանցելով Հայաստանի տարածքը։ Ինչպես գիտենք, Ադրբեջանի Հանրապետության և Իրանի Իսլամական Հանրապետության միջև ստորագրվել է նաև հուշագիր Իրանի տարածքով Հայաստանի տարածքը շրջանցող երկաթուղու կառուցման վերաբերյալ», — նշել է Օվերչուկը։

Լրագրողի հարցին առ այն, թե արդյոք ՌԴ փոխվարչապետի՝ հաղորդակցությունների ապաշրջափակման հարցերով աշխատանքային խումբը «ֆորմալ առումով գործում է» ձևակերպումը նշանակո՞ւմ է, որ այն ֆորմալ դեռ կա, սակայն իրականում չի աշխատում, Օվերչուկը հակիրճ պատասխանել է.«Մենք ժամանակ առ ժամանակ շփվում ենք»:

ՌԴ քննչական կոմիտեում քրեական գործ է հարուցվել ագրեսիվ վարքով աչքի ընկած մի խումբ ադրբեջանցիների դեմ, որոնք ուժի կիրառման ուղիղ սպառնալիքներ են հնչեցրել  ռուս ոստիկանների հասցեին։

ՌԴ ՔԿ հաղորդագրությունից տեղեկանում ենք, որ քրեական գործը հարուցվել է իշխանության ներկայացուցչի նկատմամբ բռնություն գործադրելու սպառնալիքի և իշխանության ներկայացուցչին վիրավորելու համար։

Նշվում է, որ հոկտեմբերի 24-ին Ադրբեջանի մի քանի քաղաքացիներ, գտնվելով Մոսկվայի մետրոյի Լյուբլինո կայարանի մոտ, ցուցադրաբար և հանդգնորեն,   չթաքցնելով իրենց անհարգալից վերաբերմունքը ոստիկանի նկատմամբ, բարձրաձայն սպառնացել են բռնություն կիրառել նրա նկատմամբ։ Տեղի ունեցածից հետո հարցաքննվել են դեպքի ականատեսները, ուսումնասիրվել են տարածքում եղած տեսանկարահանող սարքերի տեսագրությունները և բացահայտվել են դեպքի բոլոր հանգամանքները։ Հետախուզում է հայտարարվել՝ ագրեսիվ վարքագծով աչքի ընկած և հանցագործության կատարմանը մասնակից ադրբեջանցիներին հայտնաբերելու և պատասխանատվության ենթարկելու համար։

Նշենք, որ ադրբեջանցիների կողմից Ռուսաստանում կատարվող աղմկոտ հանցագործությունները նկատելիորեն ավելացել են։ Երեկ հայտնի դարձավ, որ ադրբեջանցի միգրանտների ընտանիքին արտաքսել են Ռուսաստանից՝ նրանց որդու ընդգծված ագրեսիվ վարքի պատճառով։ Նիժնի Նովգորոդի մարզում բնակվող ադրբեջանցիների որդիներից մեկը՝ 8-րդ դասարանի աշակերտ առանձնակի դաժանությամբ ծեծի  էր ենթարկել իրենից տարիքով շատ ավելի փոքր մի դպրոցականի ու նույնիսկ փորձել էր խեղդել նրան։ Տեղի ունեցածը նկարահանվել էր և հայտնվել համացանցոում, ինչից հետո էլ հետաքննություն էր սկսվել։ Ադրբեջանական ընտանիքին հայտնաբերել էին ու ընտանիքի կողմից շարք այլ իրավախախտումներ ևս բացահայտել, ինչից հետո որոծում էր ընդունվել նրանց վտարել Ռուսաստանից։

Այսօր էլ հայտնաբերվել է միջազգային հետախուզման մեջ գտնվող ադբեջանական բանդայի պարագլուխը, ում ղեկավարած հանցավոր խումբը Սանկտ-Պետերբուրգում հանրության համար վտանգավոր մի շարք հանցագործություններ է արել։ Ադրբեջանցի հանցագործին արտահանձնելու են ռուսական կողմին։

ՌԴ Գյուղատնտեսության նախարարությունն առաջարկել է դեկտեմբերի 1-ից մինչև 2024 թվականի մայիսի 31-ը արգելել կոշտ ցորենի արտահանումն այդ թվում նաև Հայաստան՝ ելնելով կարգավորող իրավական ակտերի նախագծերի մասին կառավարության որոշման նախագծից։

Թեմայի շուրջ Tert.am-ը հարցեր է ուղղել ՀՀ Էկոնոմիկայի նախարար Վահան Քերոբյանին։

Նախարարը տեղեկացրեց, որ ՌԴ-ից ցորենի կոշտ տեսակը ՀՀ-ն ներմուծում է միայն մի քանի տասնյակ տոննա, այսինքն՝ չնչին քանակությամբ։

Վահան Քերոբյանն այս թեմայով զրուցել է ՌԴ գործընկերների հետ, որոնք բացատրել են, թե արգելքն այլ երկրների արտահանումն արգելելու համար է։

«Վստահեցնում եմ, որ այս առումով մենք որևէ խնդիր չունենք»,- հավելեց նա։

Վահան Քերոբյանը խոսել է նաև  ալյուրի հնարավոր թանկացման մասին։

Մանրամասները՝ տեսանյութում։

Հայ-ռուսական հարաբերություններում կան որոշ խնդիրներ, մենք շատ բաներով բավարարված չենք, շատ բաներից զարմանում ենք։ Այս մասին, այսօր՝ նոյեմբերի 3-ին, ԱԺ-ում 2024-ի բյուջեի նախագծի քննարկման ժամանակ նշեց Հայաստանի ԱԳ նախարար Արարատ Միրզոյանը:

Նա նշեց, որ ՌԴ-ն էլ նույնպիսի վերաբերմունք ունի ՀՀ-ի նկատմամբ. «Մենք համոզված ենք, որ այն, ինչից ՌԴ գործընկերներն են զարմանում, հետևանք է այն քաղաքականությանը, որը մենք տեսել ենք զանազան մեդիա եթերներում և այլ տեղերում։ Բայց սա առանձին թեմա է:

Մենք այստեղ որևէ այլ դիրքորոշում չունենք, քան կառուցողական կերպով խնդիրները քննարկել հասկանալ, հարթել և բարեկամաբար առաջ շարժվել այդ ուղղությամբ։ Սա է մեր դիրքորոշումը»,- ասաց նախարարը՝ հույս հայտնելով, որ այս ամենը կհաջողվի։

Արարատ Միրզոյանը նկատեց, որ այստեղ ամեն ինչ միայն մեկ կողմից չի կախված:

Նախարարը խոսեց նաև Հնդկաստանի և Չինաստանի հետ հարաբերությունների մասին, նկատեց՝ Հնդկաստանի հետ հարաբերությունների զարգացումները հրապարակային են, կլինեն նոր ուղղություններ, նոր ծրագրեր, իսկ Չինաստանի հետ Հայաստանը շահագրգռված է ուղիղ՝ չմիջնորդավորված գործընկերային հարաբերությունների զարգացմամբ:

Գերմանացի իրավապաշտպան, Եվրախորհրդարանի գերմանացի պատգամավոր Մարթին Զոնեբորնի գրասենյակի ղեկավար և քաղաքական խորհրդական Դասթին Հոֆմանը կարծում է, որ Եվրոպական Միությունը Հայաստանին աջակցելու հսկայական պատասխանատվություն ունի։ Նա գոհունակությամբ արձանագրել է, որ Ֆրանսիան այդ առումով գործել է և Հայաստանին օգնել է պաշտպանական կարողությունները զարգացնելու հարցում ՝ հույս հայտնելով, որ Գերմանիան, որը երկար տարիներ Հարավային Կովկասում քաղաքականությունը պայմանավորել է տնտեսական շահերով, նույնպես կփոխի իր մոտեցումը։

Դասթին Հոֆմանն այս մասին ասել է Բրյուսելում «Արմենպրես»-ի թղթակցին տված հարցազրույցում։

«Քանի որ Հայաստանը հեռանում է Ռուսաստանից, ԵՄ-ն հսկայական պատասխանատվություն ունի աջակցելու Հայաստանին։ Հաճելի է տեսնել, որ Ֆրանսիան գործեց՝ օգնելով Հայաստանին անհրաժեշտ պաշտպանական կարողություններով: Ես մեծ հույս ունեմ, որ Գերմանիան նույնպես կփոխի իր քաղաքականությունը Հարավային Կովկասի հարցում։ 1915թ.-ին Հայոց ցեղասպանության գործում Գերմանիայի ունեցած դերակատարման հետևանքով կա մեծ բարոյական պատասխանատվություն՝ կանխելու հետագա էսկալացիան։ Կարևոր է նշել, որ անցյալի բոլոր ձախողումները չպետք է խանգարեն Գերմանիայի կառավարությանը փոխել իր ընթացքը: Լավ է ուշ, քան երբեք»,- ասել է նա։

Անդրադառնալով Գերմանիայի արտաքին գործերի նախարար Անալենա Բերբոքի՝ Հայաստան կատարելիք այցի նպատակներին՝ Հոֆմանն ասել է, որ նախկինում Գերմանիայի արտաքին քաղաքականությունը Հարավային Կովկասում հիմնականում ձեռնտու էր Ադրբեջանին։ «Չնայած Ադրբեջանը հաճախակի էր կիրառում ռազմական ուժ՝ Գերմանիան խորացրել է տնտեսական հարաբերությունները Բաքվի ռեժիմի հետ։ Այժմ, երբ կա տարածաշրջանային հակամարտության վտանգ, որում կարող են ներգրավվել նաև հարևան պետությունները, ինչպիսիք են Իրանը և Թուրքիան, նման էսկալացիան ձեռնտու չէ Գերմանիային, քանի որ այն վտանգում է տարածաշրջանի կայունությունը։ Նաև Հայաստանը սկսեց հեռանալ Ռուսաստանի հետ գործընկերությունից։ Հաշվի առնելով Ռուսաստանի նկատմամբ Արևմուտքի ներկայիս դիրքորոշումը՝ մեծ շահագրգռվածություն կա աջակցելու նման զարգացումներին»,- ասել է Հոֆմանը։

Պատասխանելով հարցին, թե Գերմանիայի արտաքին քաղաքական օրակարգում ի՞նչ տեղ են զբաղեցնում Հայաստանը և Լեռնային Ղարաբաղում տեղի ունեցած զարգացումները՝ Հոֆմանը պատասխանել է․

«Նախկինում Գերմանիայի արտաքին քաղաքականությունը Հարավային Կովկասում ոչ թե արժեքային էր, այլ առաջնային էին տնտեսական շահերը: Նաև, թվում է, թե կա հակամարտության դինամիկայի ըմբռնման պակաս: Տիկին Բերբոքը ամիսներ շարունակ չմեկնաբանեց Ադրբեջանի կողմից Լեռնային Ղարաբաղի շրջափակումը, և, երբ նա դա արեց, արդեն ուշ էր»,- ընդգծել է Դասթին Հոֆմանը:

Նա Գերմանիայի ԱԳ նախարարին քննադատել է նաև Ադրբեջանի կողմից Լեռնային Ղարաբաղի դեմ ռազմական ագրեսիայից հետո ՄԱԿ-ի անվտանգության խորհրդում ունեցած ելույթի ընթացքում Գերմանիայի ԱԳ նախարարի այն հայտարարությունը, թե «Բաքուն և Ղարաբաղի հայերը պետք է վերադառնան երկխոսության»։ Հոֆմանի խոսքով՝ Ադրբեջանի կողմից ԼՂ-ի դեմ նման դաժան հարձակումից հետո այդպիսի հայտարարությունը տեղին չէր։

Խոսելով ԵՄ-ի կողմից Ադրբեջանի դեմ պատժամիջոցներ կիրառելու հավանականության մասին՝ Հոֆմանն ասել է․ «Պատժամիջոցներն անիրատեսական են, քանի որ ԵՄ-ում չկա միակարծություն այդ հարցի շուրջ։ Ադրբեջանի ագրեսիայից հետո Ժոզեպ Բորելի անունից հրապարակված դատապարտող հայտարարությունը պետք է լիներ ԵՄ անդամ 27 երկրների հայտարարություն, որին խոչընդոտել է Հունգարիան։ Եթե ԵՄ-ն չկարողացավ դատապարտել Ադրբեջանի ագրեսիան, կասկածելի է, որ պատժամիջոցների շուրջ կոնսենսուս կարող է լինել։ Սա ողբերգական է, մանավանդ, որ Եվրախորհրդարանն արդեն ամիսներ առաջ պատժամիջոցների կոչ է արել։ Հնարավոր է, որ ավելի մեծ ճնշումը կխանգարեր Ադրբեջանին ռազմական ուժի դիմել: Անպատժելիությունը խրախուսում է Բաքվին»։

Նա նաև հայտարարել է, որ Հարավային Կովկասի հետ կապված ԵՄ արտաքին քաղաքականությունը ձախողվել է։ «Վերջերս ընդունված բանաձևում Եվրախորհրդարանը դա արտահայտել է անսովոր կոշտ ձևով՝ նշելով որ Եվրախորհրդարանը խորը դժգոհություն է հայտնում այն փաստի առնչությամբ, որ խորհրդարանի կողմից պարբերական ահազանգերը Լեռնային Ղարաբաղում իրավիճակի և դրա աղետալի հետևանքների ռիսկերի վերաբերյալ անտեսվել են»,- ասել է նա:

Հոֆմանը քննադատել է նաև Եվրոպական հանձնաժողովի նախագահ Ուրսուլա ֆոն դեր Լեյենին՝ Ադրբեջանի հետ գազի մատակարարումներն ավելացնելու գործարքի համար այն դեպքում, երբ գաղտնիք չի եղել, որ  Ադրբեջանի նախագահը հակված է ռազմական ուժ կիրառելուն։

Հոֆմանը դրական է գնահատել Հայաստանում ԵՄ դիտորդական առաքելության գործունեությունը։ «Առաքելությունը, կարծես թե, հաջողված է, քանի որ այն կարող է զսպող ազդեցություն ունենալ և հնարավորություն է տալիս հաշվետու լինել ԵՄ ղեկավարությանը: