Ադրբեջանի Պետական ​​անվտանգության ծառայության ղեկավար Ալի Նագիևը Բաքվում ԵԱՀԿ Խորհրդարանական վեհաժողովի (ԽՎ) նախագահ Պիա Կաումայի հետ հանդիպման ժամանակ հայտարարել է «որոշ պետությունների կողմից Հայաստանը զինելու անթույլատրելիության մասին», հաղորդում են ադրբեջանական լրատվամիջոցները։

Նագիևի խոսքով՝ «այն ժամանակաշրջանում, երբ կա տարածաշրջանում կայուն խաղաղություն հաստատելու բարենպաստ հնարավորություն, անընդունելի է, որ որոշ պետություններ զինեն Հայաստանը՝ տարածաշրջանում իրավիճակը կրկին սրելու համար», և նման գործողությունները «կարող են պատերազմի վերսկսման պատճառ դառնալ»։

շՆագիևը նաև ԵԱՀԿ ԽՎ ղեկավարին ասել է, որ «ԵԱՀԿ-ն այլ միջազգային կազմակերպությունների հետ պետք է ճնշում գործադրի Հայաստանի վրա՝ Ադրբեջանին ականապատ դաշտերի ճշգրիտ քարտեզներ փոխանցելու համար»։

Իր հերթին, Կաուման հայտարարել է, որ ԵԱՀԿ-ն կարող է անհրաժեշտ աջակցություն ցուցաբերել Ադրբեջանի և Հայաստանի միջև վստահության ձևավորման գործընթացին, և իր դիրքորոշումն է հայտնել տարածաշրջանի ապագա անվտանգության վերաբերյալ։

Հայցվոր Ալեն Ռոբերտի Սիմոնյանի ներկայացուցիչ Վ․ Հարությունյանը հայցադիմում է ներկայացրել դատարան ընդդեմ Հայելի ակումբի հիմնադիր, hayeli.am-ի գլխավոր խմբագիր Անժելա Վարդանի Թովմասյանի՝ վիրավորանքի համար ներողություն խնդրելու և փոխհատուցում վճարելու պահանջների մասին։

Հայցադիմումը մակագրվել է Երևանի քաղաքի առաջին ատյանի ընդհանուր իրավասության քաղաքացիական դատարանի դատավոր Տ․ Գրիգորյանին։ Վերջինս հայցադիմումն ընդունել է վարույթ։

Հայցվոր Ալեն Սիմոնյանը պահանջում է Անժելա Թովմասյանից բռնագանձել 3,000,000 (երեք միլիոն) ՀՀ դրամ՝ որպես վիրավորանքի համար նախատեսված փոխհատուցում, ինչպես նաև պատասխանող Անժելա Վարդանի Թովմասյանից հօգուտ հայցվոր Ալեն Ռոբերտի Սիմոնյանի բռնագանձել ընդհանուր 590,000 (հինգ հարյուր իննսուն հազար) ՀՀ դրամ դատական ծախսերի հատուցում, որից 480,000 (չորս հարյուր ութսուն հազար) ՀՀ դրամ փաստաբանի վարձատրության գումար, 110,000 (հարյուր տասը հազար) ՀՀ դրամ պետական տուրքի գումար։

Խնդրի հետ կապված hayeli.am-ի գլխավոր խմբագիր Անժելա Թովմասյան-ը Tert.am-ի հետ զրույցում որոշ մանրամասներ ներկայացրեց։

Նրա փոխանցմամբ՝ ինքը մեկնաբանություն էր թողել  Tert.am-ում «Մեր երեխաներին վերջապես պետք է ազատ, անկախ և խաղաղ Հայաստան ժառանգենք» վերտառությամբ հրապարակված՝ Ալեն Սիմոնյանի՝ ՀՀ անկախության 32-րդ տարեդարձի շնորհավորանքի ուղերձի տակ․

«Այդ  նյութի հետ կապված որպես մեկնաբանություն իմ անձնական էջից կա պոռնիկ բառը։ Ալեն Սիմոնյանն ընդունել է, որ այդ բառն իրեն է ուղղված և 3 միլիոն 590 հազար դրամ է պահանջում, ինչպես նաև պահանջում է հրապարակային ներողություն խնդրել»,- պատմեց Անժելա Թովմասյանը։

Նրա համար տարօրինակ է, որ այդ բառն ԱԺ նախագահն ընդունել է որպես իրեն ուղղված խոսք։ Անժելա Թովմասյանի պնդմամբ՝ իր գրած մեկնաբանությունը հասցեական չէ և Ալեն Սիմոնյանին չի վերաբերվում։

«Նախ պետք է ապացուցեն, որ այդ բառն ուղղված է Ալեն Սիմոնյանին, մտքումս բոլորովին այլ անձանց և երևույթներ եմ նկատի ունեցել։ Այս պարագայում ես Ալեն Սիմոնյանին նկատի չեմ ունեցել, բայց, եթե այդ  բառը լսելուց ինքը զզվում և իրեն է վերագրում, ներողություն, բայց դա արդեն Ալեն Սիմոնյանի խնդիրն է»,- ասաց նա։

Եթե խնդիրը մարդկանց հայրենիք վերադարձնելն է, կարելի է առանց գումարի էլ ծառայությունից նախկինում խուսափածներին ներում շնորհել, բայց մեծ գումարի դեպքում սա շահույթ ստանալու, մարդկանց կեղեքելու նպատակ հետապնդող մի բան է, «Փաստինֆոյի» հետ զրույցում ասել է  ՀՀ զինված ուժերի Գլխավոր շտաբի պետի նախկին առաջին տեղակալ, գեներալ -լեյտենանտ Տիրան Խաչատրյանն՝ անդրադառնալով ՔՊ-ական պարգամավոր Հայկ Սարգսյանի հեղինական օրենքի նախագիծին, որն հնարավորություն է տալիս որոշակի գումարի դիմաց ազատվել ժամկետային ծառայությունից։ Մասնավորապես, ըստ նախագծի՝ 27 տարին լրացած անձը 15 մլն դրամ վճարելու դեպքում կազատվի քրեական պատասխանատվությունից։

«Այն մարդկանց, ովքեր ինչ-որ չափով կյանքում հաջողել են ու ունեն հնարավորություն՝ այս նախագիծն հնարավորություն կտա խուսափել հայրենիքին ուղղակի ծառայություն մատուցելուց։ Շատերը կարող են ասել, որ այդ գումարը փոքր է, քիչ արդյունավետություն կարող է ունենալ, բայց ես ուրիշ բան կարող եմ ասել. ավելի լավ է մարդ բանակում հասկանա, թե ինչ բան է հայրենիքը, իր անմիջական մասնակցությամբ ցույց տա իր հայրենասիրությունը, քան սրանից-նրանից թալանածով կամ ձեռք բերած գումարով ասի՝ ես էլ եմ հայրենասեր, ես էլ եմ իմ պարտքը հայրենիքի նկատմամբ կատարել։ Սա կարող է հայրենասիրությունն արժեզրկելու և դրա նկատմամբ մարդկանց վերաբերմունքը փոխելու խթան հանդիսանալ»։

Դիտարկմանը, թե հնարավո՞ր է, որ հակառակ ազդեցությունն ունենա ու ոչ թե նպաստի մարդկանց ներգաղթին, այլ հակառակը՝ արտագաղթի նոր ալիք սկսվի, այսինքն՝ մարդիկ հեռանան այն մտքով, որ գումար կկուտակեն, կվերադառնան ու գումարով կազատվեն՝ Խաչատրյանն արձագանքել է՝ իսկ եթե մարդիկ գնան ու չստացվի այդ գումարն աշխատել, ի՞նչ են անելու․ «Պետք է բոլորին պարզ լինի․ եթե պարտադիր ժամկետային ծառայություն է, ապա դա բոլորի վրա պետք է համատարած ազդի, այսինքն՝ այն մարդը, ով առանց լուրջ հիմնավորումների հրաժարվում է ծառայությունից, պետք է ենթարկվի համապատասխան պատասխանատվության»։

Անդրադառնալով այսօր Հայկ Սարգսյանի հրապարակած թվերին, ըստ որոնց՝ վերջին 9 տարում ժամկետային նորակոչիկների թիվը 44 տոկոսով նվազել է, Խաչատրյանն հարց է բարձրացրել՝    ո՞վ է այդ թիվն ապագաղտնիացրել։

«Այդ թիվը, իհարկե, շարունակում է գաղտնիք լինել։ Նա այդ գաղտնիքը հրապարակելու համար պետք է քրեական պատասխանատվության ենթարկվի։ Ո՞վ է թույլ տվել այդ թիվն ապագաղտնիացնել։ Ժամկետային զինծառայողների զորակոչի, քանակական կազմի մասին ենթադրություններ անելը, թվակազմը ներկայացնելը ոչ ոք չի ապագաղտնիացրել։ Այդ թվի աճի, պակասեցման հրապարակումները շատ լավ ինֆորմացիա է հակառակորդին՝ իրական վիճակը գնահատելու համար»,- ընդգծել է նա։

«Գետնին, որտեղ ընկած էին զոհված զինվորների մարմինները, հետքեր կային։ Ծնողներից մեկն այդ հատվածում հայտնաբերել է որդու մազերը։ Հայտնաբերվել է նաև այլ զինվորներին պատկանող բաճկոն, գոտի և Աստվածաշունչ։ Այդ տարածքից էլ հող ենք հավաքել, բերել ենք մեզ հետ, որ դիակները չգտնելու դեպքում, գոնե թաղելու բան ունենանք՝ նրանց արյունով թաթախված հողը»,- «Առավոտ»-ի փոխանցմամբ, այս մասին պատմել է Ցորի խմբի զոհված զինծառայողներից Ռ.Պ-ի ազգականը։

Ըստ աղբյուրի, վկան նախքան տղաների որոնողական աշխատանքներին մասնակցելը ադրբեջանական տելեգրամյան ալիքներում տեսել էր ադրբեջանցիների նկարահանած երեք տեսանյութերը, որտեղ հենց Ցորի տղաների մարմիններն էին երեւում:

Ռ.Պ.-ի աջ ձեռքը հարազատները ճանաչել են, քանի որ այն երևում էր նույն դիրքում, ինչ ադրբեջանցիների տարածած տեսանյութում, երբ նա ընկած էր գետնին։ Հիշեցնենք, որ Ցորի խմբի տղաները 2020 թվականի հոկտեմբերի 12-ին Վարանդայի (Ֆիզուլի) «Ջուվարլու» կոչվող տեղանքում հայտնվել էին շրջափակման մեջ դիվերսիոն խմբի կողմից։ Արդյունքում խմբի 20 հայ զինծառայողներ զոհվել են մարտերում: Ըստ Ռ.Պ-ի ազգականի՝ ադրբեջանցիները տեսանյութերից մեկը նկարել են գիշերը՝ հայ զինվորներին սպանելուց հետո։ Վկան տեսագրությունը տեսել է 2020 թվականի հոկտեմբերի 21-ին: Ըստ նրա՝ տեսանյութում Ռ.Պ.-ի գանգը ուռել էր։ Զոհված հերոսի մասունքները վկան և նրա ընտանիքի անդամները միայն ԴՆԹ անալիզով նույնականացման արդյունքում են ճանաչել: Նա պատմել է, որ տեսանյութերից մեկում զոհված զինվորների ականջները կտրված էին. «Մենք դժոխքի միջով ենք անցել: Երբ հետ եմ նայում, չեմ հավատում այդ ամենին»։

2021 թվականի ապրիլի 2-ին խմբի այլ տղաների այլ հարազատների հետ վկան որոնողական աշխատանքների նպատակով գտնվել է Արցախում՝ Ջուվարլուում։ Նրանց ուղեկցել են ԿԽՄԿ-ն և ադրբեջանական կողմը։

Վկան պատմել է. «2021 թվականի նոյեմբերի 2-ին Ադրբեջանը վերադարձրեց հայ զինվորների աճյունները։ Արցախից Գորիս է տեղափոխվել 11 սպիտակ պարկ։ Այնուհետև այդ պարկերը տեղափոխվել են Երևան, Հերացու դիահերձարան։ Այդ պարկերում կար կոտրված գանգ։ Մեկ այլ գանգ կար։ Մեկ մարմինը կիսով չափ կտրված էր, բացակայում էր գոտկատեղից վեր հատվածը։ Կոտրված ոսկոր կար։ Այրված ոսկոր կար և այլն։ Եթե ադրբեջանցիները հավաքել են զինվորների դիակները և թաղել, ինչո՞ւ մնացած մասունքները մեզ չեն վերադարձրել»։

Ցորի խմբի զոհված զինծառայողներից Ա.Մ-ի հայրը պատմել է. «Հայկական կողմին է հանձնվել մոտ 1500 դի՝ մոտ 2000 աճյուն։ Ես տեսել եմ նրանցից յուրաքանչյուրը: Դիակների 70%-ը գլխատված էին։ Այն դեպքերում, երբ գլուխ է եղել, հիմնականում ականջներ չեն եղել, ուստի, ամեն դեպքում մարմիններն անդամահատված են եղել։ Այս երևույթը ակնհայտ էր նաև այն դիակների մոտ, որոնք ադրբեջանական կողմը պահել էր սառցարաններում և հանձնել հայկական կողմին»։

Որդեկորույս հայրը մասնակցել է ոչ միայն որդու և նրա ընկերների, այլ նաև այլ զինվորների որոնողական աշխատանքներին։ Ա.Մ-ի հոր հարցաքննությունը տեղ է գտել նաեւ Ճշմարտության և Արդարադատության կենտրոնի հրապարակած Ադրբեջանի կողմից հայ զինվորների դիակների պղծման դեպքերի վերաբերյալ զեկույցում:

Բաքվից կրկին ծեքծեքումներ են Ֆրանսիական զենքի հետ կապված։ ՈՒ կրկին այս վարքուբարքը panorama.am-ի ու «Պատիվ ունեմ» խմբակցության քարտուղար, ԱԺ Պաշտպանության և անվտանգության հանձնաժողովի անդամ Տիգրան Աբրահամյանի զրույցի թեմա է։

panorama.am.- Պարոն Աբրահամյան, Բաքուն հայտարարում է, թե ՀՀ Վրաստանով Ֆրանսիայից Հայաստան զինտեխնիկա է գալիս, արդյո՞ք դա ճիշտ տեղեկություն է։

Հետո՝ Ադրբեջանը Ֆրանսիայից եկող զինտենիկայի, այն է՝ ինչպես կրկին ինքն է հայտնում՝ զրահամեքենաների, հետ կապված երևակայական խաղաղությանը վտանգ է տեսնում։ Ինչ գործառույթներ ունեն զրահամեքենաները, որ կարող են անմիջական վտանգ ներկայացնել Ադրբեջանի համար։ Ի վերջո՝ դրանք նույնիսկ հրետանիներ չեն…

Տ. Աբրահամյան.- Հաշվի առնելով Հայաստանի և Ֆրանսիայի միջև ռազմական համագործակցության հետ կապված տարբեր հուշագրեր, նաև՝ հայտարարություններ, այդ լուրերը, բնականաբար, որևէ կերպ բացառելի չեն։ Ավելին՝ այն հայտարարությունները, որ հնչում են Հայաստանից և Ֆրանսիայից պաշտոնական մակարդակով՝ ցույց են տալիս, որ առաջիկայում ևս ականատես ենք լինելու սպառազինության նոր մատակարարումների։

Ադրբեջանը, բացի նրանից, որ հաճախ է հանդես գալիս ուժի կիրառման սպառնալիքով, միաժամանակ փորձում է ամեն ինչ անել տարբեր երկրներից Հայաստան ռազմական մատակարարումներ թույլ չտալու, կամ դրանց ընթացքը դանդաղեցնելու ուղղությամբ։ Այնինչ տարածաշրջանում ամենամեծ սպառնալիքը Ադրբեջանն է, որ նվազագույնը վերջին տարիներին դա հստակ ապացուցել է։ Եվ այս պարագայում եթե փնտրելու ենք պատերազմի կամ անկայունության աղբյուր, ապա որպես այդպիսին պիտի առաջին հերթին դիտարկել Ադրբեջանին ու Թուրքիային։

Այս տարածաշրջանում պատերազմ փնտրում և հրահրում է Ադրբեջանը՝ իր դաշնակից Թուրքիայի հետ համատեղ, և այս տարածաշրջանում մնացած երկրների սպառազինումից, կամ տարբեր երկրների հետ համագործակցությունից խոսող Ադրբեջանը ունի բացառապես մեկ նպատակ՝ պարզապես կանխելու ռազմական մատակարարումները։

Կարծում եմ, որ նույնիսկ միջազգային հանրության համար է շատ ակնհայտ, որ պատերազմի մշտական նախաձեռնող կողմը Ադրբեջանն է։

panorama.am. — «Հայաստանն ու Ֆրանսիան պետք է վերջ դնեն տարածաշրջանում սպառազինման և ռազմականացման քաղաքականությանը, նաև հաշտվել փաստի հետ, որ տարածաշրջանում խաղաղությունն ու համագործակցությունն այլընտրանք չունեն»,- ասել է ադրբեջանի ագն Հաջիզադեն։

Ինչ է ակնկալում ադրբեջանը Հայաստանից, ինչ է պատկերացնում խաղաղություն ասելով

Տ. Աբրահամյան.- Ինչ է անկալում այսօր Ադրբեջանը Հայաստանի՞ց։ Ակնկալում է զիջումներ սեփական պատկերացումների շրջանակում, իսկ յադ պատկերացումները արտահայտում են հրապարակային դաշտում՝ սկսած Սյունիքից, Գեղարքունիքից, Վայոց ձորից, Տավուշից, վերջացրած Երևանով, որի մասին նաև վերջին շրջանում է հաճախակի դարձել տարբեր հայտարարությունները։ Եվ այս տեսանկյունից այն փաստաթուղթը, որին անվանում են «խաղաղություն», կամ «խաղաղության պայմանագիր», միայն առաձին հայացքից կարող է խաղաղությանը նմանվել. Որովհետև իրականում եթե դա Ադրբեջանի համար խաղաղություն է, ապա Հայաստանի համար դա նոր զիջումներ ու տարածքների կորուստներ են։ 

Հայաստանի իշխանությունների գործողությունները չեն վկայում աշխարհաքաղաքական վեկտորի փոփոխության մասին, դրանք ցույց են տալիս են միայն նրանց ցանկությունները։ Վեկտորի փոփոխության մասին խոսելու համար պետք են այլ ցուցիչներ, այլ ոչ թե այն կամ այն միջոցառումներին մասնակցելուց հրաժարվելը։ Այս մասին NEWS.am -ի թղթակցի հետ զրույցում ասաց քաղաքագետ Արթուր Մարտիրոսյանը։

Նա նշեց, որ դիվերսիֆիկացիայի մասին շատ է խոսվում, սակայն այս ուղղությամբ կտրուկ քայլեր չկան։

Դանդաղ քայլեր են նկատվում, որոնք միայն ցանկության մասին են վկայում, կրկնեց փորձագետը։

«Ֆրանսիական զենքի գնումը չի խոսում մի կողմի հետ հարաբերությունները կտրուկ փոխելու և մյուսի հետ հարաբերություններ սկսելու պատրաստակամության մասին։

Լուրջ ցուցիչ կարող էր լինել դիվերսիֆիկացիան՝ էներգետիկ ռեսուրսների մատակարարման կամ այլ հարցերում, որոնցից մեր կախվածությունն էական է, բայց դա տեղի չի ունենում։ Իշխանությունները սպասողական ռեժիմում են՝ սկզբում կարծում էին, որ Ռուսաստանն արդեն պարտվել է և կարող են ավելի համարձակ խոսել ու քայլեր ձեռնարկել, բայց հիմա տեսնում են, որ դա այդպես չէ։ Եթե ​​ՀԱՊԿ-ը չի գործում, ինչպես իշխանություններն են ասում, ինչո՞ւ Հայաստանը դուրս չի գալիս դրանից»,- հարցրեց նա։

Մարտիրոսյանը կոչ արեց հաշվի առնել Հայաստանի ազգային շահերը.

«Օրինակ՝ ԵՄ անդամ դառնալու կարգախոսը, որը գրված է բազմաթիվ երկրների փաստաթղթերում, ցանկություն է, որը միշտ չէ, որ համապատասխանում է երկրի ազգային շահերին։ Բայց արդյո՞ք սա պետք է Եվրամիությանը: Իսկ ի՞նչ տեսքով։ Ամեն ինչ կախված է Բրյուսելի քաղաքական նպատակներից»,- նշել է նա։

Քաղաքագետը կասկածեց, որ Հայաստանում տիրում է ժողովրդավարությունը, որի մասին խոսում է ԵՄ-ն։

«Իսկ դրսից հայտարարությունները, թե երկիրը ժողովրդավարական է, կարող է կախված լինել նրանից, թե որքանով է այն հակառուսական: ԵՄ-ի համար եթե դիրքորոշումը հակառուսական է, ապա երկիրը ժողովրդավարական է։ Իրականում վեկտորը միշտ պետք է հիմնված լինի քո ազգային շահերի վրա։

Ընդ որում, պետք է հաշվի առնել, որ վեկտորի փոփոխությունը մեծացնում է երկրի խոցելիությունը, իսկ անցումային փուլում դա հատկապես սուր է դրսևորվում։

«Այս ռիսկը պետք է հաշվարկվի, ինչպես նաև՝ արդյոք ձեր թշնամիները կարող են օգտվել այս պահից»,- եզրափակեց նա։

Ֆրանսիայի կողմից Հայաստան ուղարկված Bastion զրահամեքենաները Ուկրաինայում մերժվել են թույլ պաշտպանվածության պատճառով։ Ռիա Նովոստիի փոխանցմամբ,այս մասին հայտնում է Ouest France-ը։

Երևանը սկսեց ռազմական օգնություն ստանալ Փարիզից։ Վրաստանի տարածքով արդեն հանրապետություն է առաքվում հայկական բանակի զրահատեխնիկայի առաջին խմբաքանակը։ Միևնույն ժամանակ, Tribune-ը 2022 թվականին հայտնել է, որ Ֆրանսիան նախատեսում է Ուկրաինա ուղարկել մոտ 20 Bastion զրահափոխադրիչ։

Ըստ հրապարակման՝ Bastion-ը Հայաստան է գնացել Ուկրաինայի փոխարեն։
 
«Այդ մեքենաներն ի սկզբանե նախատեսված էին Ուկրաինայի համար, սակայն Կիևը համարում էր, որ դրանք վատ պաշտպանված են հրետանային կրակից և հակատանկային հրթիռներից», — ասվում է Ouest France-ի հայտարարության մեջ:

Գլխավոր դատախազությունը պահանջում է երրորդ նախագահ Սերժ Սարգսյանից բռնագանձել մոտ կես միլիարդ դրամ:

Սա այն գումարի չափն է, որի հափշատկության համար մեղադրվում է նախկին նախագահը դիզվառելիքի գործով:

Այսօր հերթական դատական նիստն այդ պատճառով հետաձգվեց: Սարգսյանի փաստաբանները երկու շաբաթ խնդրեցին հայցին ծանոթանալու ու իրենց առարկությունները ներկայացնելու համար:

Հիշեցնենք, որ ըստ հայցադիմումի՝ վիճելի ժամանակահատվածում իրականացված գյուղատնտեսական օգնության ծրագրի շրջանակներում դիզվառելիքի մատակարարման համար գյուղնախարար Սերգո Կարապետյանը հանրապետության նախագահ Սերժ Սարգսյանի կազմակերպմամբ եւ ծրագրին մասնակից «Ֆլեշ» ՍՊԸ-ի տնօրեն Բարսեղ Բեգլարյանի դրդմամբ պետական պահուստային ֆոնդից մոտավորապես 490 մլն դրամ գումար են ելքագրել, որը տրամադրվել է «Ֆլեշ» ընկերությանը իբրեւ սուբսիդավորման հավելյալ գումար։

Բաքուն դատապարտել է Ֆրանսիայի կողմից Հայաստան «Բաստիոն» հարձակողական զրահատեխնիկայի ուղարկումը։ Ադրբեջանական լրատվամիջոցների հաղորդմամբ, այդ մասին է խոսել  Ադրբեջանի արտգործնախարարի մամուլի քարտուղար Այխան Հաջիզադեն։

Նա նշել է, որ զինտեխնիկայի փոխանցումը ծառայում է «տարածաշրջանում Հայաստանի ռազմական ներուժի և ապակառուցողական գործողությունների ամրապնդմանը»։

«Հայաստանն ու Ֆրանսիան պետք է վերջ դնեն տարածաշրջանում սպառազինման և ռազմականացման քաղաքականությանը, նաև հաշտվել փաստի հետ, որ տարածաշրջանում խաղաղությունն ու համագործակցությունն այլընտրանք չունեն»,- նշել է Հաջիզադեն։

topwar.ru կայքը գրում է, որ Հայաստանը սկսել է ռազմական օգնություն ստանալ Ֆրանսիայից՝ Վրաստանի տարածքով արդեն հանրապետության տարածք է առաքվում հայկական բանակի զրահատեխնիկայի առաջին խմբաքանակը։

Գազայի վերաբերյալ Թուրքիայի և ԱՄՆ-ի պայմանավորվածությունն անհնար է, եթե Վաշինգտոնը համարի, որ դա Իսրայելի տարածքն է:

Ռիա Նովոստիի փոխանցմամբ, այդ մասին Էր Ռիյադից վերադառնալիս ինքնաթիռում լրագրողներին հայտարարել է Թուրքիայի նախագահ Ռեջեփ Թայիփ Էրդողանը:

«Ամենակարևոր երկիրը, որը պետք է ակտիվանա, Ամերիկան է, որն իր ազդեցությունն ունի Իսրայելի վրա։ Գազան պաղեստինցի ժողովրդի հողն է։

Ամերիկան պետք է ընդունի դա։ Եթե Բայդենը մոտեցում ունի, որ Գազան պաղեստինցիների հող չէ, այլ օկուպացիոն վերաբնակիչների կամ Իսրայելի հողն է, ապա մեր պայմանավորվածությունն անհնար է»,-ասել է Թուրքիայի նախագահը։

Էրդողանը նաև հայտարարել է, որ չի զանգահարելու իր ամերիկացի գործընկեր Ջո Բայդենին՝ Գազայի իրավիճակի մասին խոսելու, քանի որ Թուրքիան «Մերձավոր Արևելքի առանցքային երկիր է»։

«Այստեղ (Թուրքիա) եկել էր ԱՄՆ պետքարտուղար Էնթոնի Բլինկենը։ Կարծում եմ՝ հիմա մեզ կընդունի Բայդենը։ Ինձ համար խելամիտ չէր լինի զանգահարել Բայդենին։ Միայն մենք չենք ասում, որ առանցքային երկիր ենք Մերձավոր Արևելքում, Արևելյան Միջերկրական ծովում և մեր տարածաշրջանում»,- նշել է նա։

Էրդողանը հավելել է, որ այդ աշխարհագրության մեջ հնարավոր չէ նախաձեռնությամբ կամ ծրագրով հանդես գալ՝ շրջանցելով Թուրքիան: Նրա խոսքով՝ Անկարան լուծում ունի բոլոր ճգնաժամային տարածաշրջանների համար, «դեղատոմսեր, որոնք լիովին զերծ են ՀԱՄԱՍ-իստական դիսկուրսներից»:

«Թուրքիան այն երկիրն է, որը խնդրի լուծման ամենաիրական առաջարկներն է անում։ Թուրքիան առանցքային երկիր է տարածաշրջանում ճգնաժամերի և խնդիրների լուծման համար»,- ընդգծել է Էրդողանը։