Այսօր ՀՀ ոստիկանապետ Ալիկ Սարգսյանի հրամանով կադրային փոփոխություն է կատարվել ոստիկանությունում:

Ոստիկանության շտաբի պետ, ոստիկանության գեներալ-մայոր Էդվարդ Ղազարյանն թոշակի անցնելու կապակցությամբ ազատվել է զբաղեցրած պաշտոնից և նշանակվել ոստիկանապետի խորհրդական:

Երեկ Նոր Նորքի Բագրեւանդի փողոցի թիվ 1 շենքի հարակից տարածքում գտնվող տնակում 27-ամյա Հայկ Քիշմիրյանը մետաղյա լարով կախվելու միջոցով ինքնասպան է եղել:

Դիակը տեղափոխվել է դիահերձարան, քննիչի որոշմամբ նշանակվել է դիակի դատաբժշկական փորձաքննություն:

Ոստիկանության Նոր Նորքի քննչական բաժնում նյութեր են նախապատրաստվում:

Հետաքրքիր բաներ են կատարվում մեր երկրում. Մենք թրաֆիկինգի հարցերով զբաղվող վարչություններ ենք պահում, տասնյակ մարդկանց պետության հաշվին աշխատավարձ վճարում, փոխվարչապետի մակարդակով թրաֆիկինգի զոհերի ապաստարան ենք կառուցում. Միլիոններ հատկացնելով հարևան երկրներից բերվող զոհերից տարեկան մի 4 — 5 հոգի պահելու համար, ՀԿ-ները գրանտներ են կպցնում. իբր զբաղվում են զոհերի պաշտպանության և ադապտացիայի հարցերով, սակայն մեր աչքի առաջ, մայրաքաղաքից ընդամենը 15 կմ –ի վրա թրաֆիկինգի որջեր են գործում: Ցավն այն է, որ ստորև բերվող պատմության  ջանվելյանները եզակի չեն, կան մարդիկ, ովքեր նույն կերպ են վարվում  ու ամբիոներից խոսում մարդկային բարձր արժեքներից:

Ըստ պաշտոնական տեղեկության մի քանի անձանց հետ, Կոտայքի մարզի Հատիս գյուղում Գեղամ և Արմեն Ջանվելյանները վիճաբանել են  գյուղացիների հետ և ծեծի ենթարկել նրանց. Տուժել են  Հատիս գյուղի բնակիչներ հայր և որդիներ Գևորգ, Ռազմիկ և Մեխակ Մեխակյանները: Գյուղացիները հայտնել են, որ վիճաբանության ժամանակ Ջանվելյաններն իրենց մոտ եղած հրազենով կրակոցներ են արձակել: Գյուղացիների պատմելով վիճաբանություն է ծագել, երբ Մարատ Ջանվելյանին պատկանող «արտոնյալ» կովերը մտել են գյուղացիների արոտավայրերն ու ցորենի դաշտերը: Գյուղացիները կովերին մի տեղ են հավաքել և լուր ուղարկել Ջանվելյանին, որ գա իր անասուններին տանի:Սակայն Ջանվելյանի կովերին թթու ասողները խիստ են պատժվել:

Ոստիկանությունը հաղորդում է, որ «Արզնի տոհմային ԹՏԽ» ԲԲԸ-ի տնօրեն Մարատ Ջանվելյանն այսօր` բերման է ենթարկվել ոստիկանություն և հարցաքննվելուց հետո ստորագրությամբ ազատ արձակվել: Ջանվելյանի վարորդը` Արգիշտ Վարդանյանը,  ձերբակալվել է: Իսկ երեկ երեկոյան  ձերբակալվել էին նաև Ջանվելյանի երկու որդիները` Գեղամ  և Արմեն Ջանվելյանները:

Նրանք այսօր մեղադրվում են ընդամենը մի դրվագով, մինչդեռ հայր և որդի Ջանվելյանների համար նման կարգի արարքները մի բաժակ ջուր խմելու պես մի բան է եղել, որ նրանք տարիներ շարունակ անպատիժ կատարել են:

Մարատ Ջանվելյանն էլ իր որդիների ու կողմնակիցների հետ եկել է գյուղ ու վարվել ինչպես միշտ: Ոստիկանությունն արդեն առգրավել է Արմեն Ջանվելյանի կողմից ներկայացրած 2 հրազենները:

Ոստիկանության Կոտայքի քննչական բաժնում հարուցվել է քրեական գործ ՀՀ քրեական օրենսգրքի 258 հոդվածի 4-րդ մասի (խուլիգանություն, որը կատարվել է զենքի գործադրմամբ) և 235 հոդվածի 1-ին մասի (ապօրինի հրազեն ձեռք բերելը, իրացնելը և պահելը ) հոդվածների հատկանիշներով: Նախաքննությունը շարունակվում է:

Այս պատմությունը հաջորդել է մի միջադեպի, որի մասին մամուլում օրերս հրապարակում  է եղել: Եվ շատ հնարավոր է, որ տարիներ շարունակ անպատիժ նույն արարքը գործած անձիք, հենց այդ միջադեպի պատճառով են հայտնվել ոստիկանության ուշադրության կենտրոնում:

Իսկ միջադեպը տեղի է ունեցել երբ «Արզնի» տոհմային թռչնաբուծական, տոհմաբուծական, խոզաբուծական ընկերության հովիվ Գագիկ Ռոստոմյանը մի քանի օր առաջ հաջողացրել  է փախչել ` խաբելով, թե հայրը մահամերձ է և պետք է դեղորայք հասցնի:Այս մասին նա պատմել է լրագրող Լուսինե Կեսոյանին:

Ռոստոմյանին` որպես բացառություն, ընդառաջում են և անցաթուղթ տրամադրում: Նա խնդրում է գոնե 10 հազար դրամ տալ` դեղորայք գնելու համար: Ասում են` «Սպասի, իրիկունը ձուն կիջնի` կտանք», — պատմում է Ռոստոմյանը: («Արզնիում» աշխատավարձը տալիս են ձվի տեսքով` ձուն հաշվելով  60 դրամով: Աշխատողները ձուն դրսում վաճառում են, իհարկե, ոչ 60 դրամով, քանի որ այդքան արժե ձուն խանութում և, բնականաբար, ֆինանսապես տուժում են: Բայց կարգը սա է):Եւ սա այն նվազագույնն է, ինչը ստիպված են հանդուրժել Մարատ Ջանվելյանի մոտ աշխատող պատանդները:
Գագիկ Ռոստոմյանը փախչում է, սակայն  «Արզնի»- ում են մնում նրա կինը` Լիանա Բակունցը և որդին` Հայկ Ռոստոմյանը: Մարատ Ջանվելյանի սահմանած կարգուկանոնի համաձայն՝ «Արզնի» ֆերմայում, որ ավելի շուտ ֆաշիստական համակենտրոնացման ճամբար է հիշեցնում աշխատողները համարակալված են. ճիշտ այնպես, ինչպես համարակալված են Ջանվելյանի հավերը, կովերը, խոզերը: Գագիկ Ռոստոմյանը դիմում է փախուստի` քանի որ այլ ելք չուներ. Մարատ Ջանվելյանի սահմանած կարգուկանոնի համաձայն՝ այստեղ բացառվում է «աշխատել չցանկանալ» երևույթը: Ռոստոմյանը պատմում է, որ իրենց «Արզնի» գալը ստացվել է պատահաբար: Հրազդանում բնակվող Ռոստոմյանը համաձայնվում է ընտանիքով տեղափոխվել այստեղ աշխատելու` առանց իմանալու, թե ինչ է իրենց սպասվում: Այստեղ Ընտանիքները տեղավորվում են կացարաններում: Սնունդը պարտավոր են հոգալ անձամբ և խանութ գնալու համար ևս պետք է անցաթուղթ ստանալ. անցաթուղթը տրվում է կոնկրետ ժամով: Ճամբարը շրջապատված է բարձր պարսպով և հսկվում է անվտանգության աշխատակիցների կողմից: Ֆերմայի համարակալված աշխատողները` շուրջ 50 հոգի (միայն խոշոր եղջերավորների մասում), աշխատում և ապրում են ֆերմայում հենց  ընտանիքներով: 40-ամյա նախրապան Գագիկ Ռոստոմյանը առնվազն 50-ն անց տղամարդու տեսք ունի: Դժվար է ասել, թե ինչ տեսք ունեն գերության մեջ գտնվող  նրա կինն ու 17-ամյա որդին:

Համարակալված աշխատողների կյանքը կանոնակարգված է պրն Ջանվելյանի հավերի, կովերի, խոզերի կյանքը հարմարավետ դարձնելու համար:
«Կարող են անգամ ասել, թե հորթը սատկել ա քո պատճառով. սատկած չլինի, բայց քցեն վրես ու հլը մի բան էլ ասեն` դու ես մեզ պարտք»,- հուզմունքից խզված ձայնով պատմում է Ռոստոմյանը: Այդպես, երբ ձմռանը ընտանիքը ցանկացել է հեռանալ, նրանց ասել են. «Ամիսը 50 հազար դրամի լույս եք վառել, 4 ամիս` էդ քեզ արեց 200 հազար` մուծի` գնա»:
Գագիկ Ռոստոմյանը մի կերպ էր պատմում այս ամենը` ինքը խաբեց ու փախավ, բայց կինն ու որդին մնացել են այնտեղ, գումարած նաև աշխատավարձը` հայր Ռոստոմյանին ապրիլ ամսվա համար որպես աշխատավարձ դեռ պետք է վճարվի մոտ 80 հազար դրամ, տղային` 100 հազար, կնոջը` 60 հազար դրամ: «Խնդրում եմ, հանկարծ անուն չգրեք, ընդհանրապես չգրեք, ես չգիտեմ, թե ինչ կարող են անել ընտանիքիս հետ»,- խնդրում էր չարքաշ աշխատանքի բոլոր վկայություններն իր վրա կրող հայ մարդը, որն իր իսկ երկրում ենթարկվել է դաժան թրաֆիկինգի:

Շուրջ 20 օր առաջ «Արզնի համակենտրոնացման ճամբարից» հաջողացրել էր հերոսական փախուստ կազմակերպել մեկ այլ ընտանիք: Հավանաբար, հենց այս օրինակն էլ սիրտ էր տվել Ռոստոմյանին` գնալ ծայրահեղ քայլի:

Փախած ընտանիքի բախտը բերում է: Նրանք գնում և միանգամից աշխատանքի են անցնում Ապարանում` ինչ-որ դատախազի ֆերմայում: Երբ «Արզնիում» հայտնաբերում են փախուստը, միանգամից հետապնդում են հայտարարում. ընտանիքի տեղը բացահայտվում է. ավտոմատավորները գնում են հետ բերելու զանցանք գործածներին, սակայն դատախազը կարողանում է դիմակայել նրանց և թույլ չի տալիս, որ իր աշխատողներին տանեն: Այդպես, այդ մի ընտանիքը փրկվում է: Սակայն հարց է, թե փրկություն է արդյո՞ք մի աղայի ձեռքի տակից մեկ այլ աղայի ձեռն ընկնելը:
Ռոստոմյանի ընտանիքն այսօր վտանգի մեջ է: Անցագրի ժամկետը լրանալուց հետո կբացահայտվի նաև նրա փախուստը. այդ ժամանակ էլ գործի կդրվի հետապնդման նույն մեխանիզմը, և հենց այդ ժամանակ էլ ավտոմատավորները կհասնեն իրենց նպատակին, քանի որ Ռոստոմյանի բախտը չի բերել այնպես, ինչպես բերեց փախուստի դիմած նախորդ ընտանիքի բախտը. սա դատախազ – տեր չունի: Հետաքրքիր է, ով է այն դատախազը, որ կարողանում է պաշտպանել ընդամենը իր մոտ աշխատանքի ընդունվածներին և նրանց ազատել գերությունից` թույլ չտալով  վերադառնալ, բայց որպես իրավապահ համակարգի բարձրաստիճան պաշտոնյա տեղեկանալով սարսափելի  հակաօրինական փաստի, մարդկանց գերության մեջ պահելու, ստիպողաբար աշխատեցնելու, ազատությունը սահմանափակելու, ազատությունից զրկելու հանցագործությունների մասին, ոչինչ չի ձեռնարկում: Մինչդեռ հենց միայն գլխավոր դատախազությունում թրաֆիկինգով զբաղվող մի հսկա բաժին կա, որտեղ հրաշալի ցուցանիշներ են նկարում, հաշվետվություններ հաձնելիս:

Մարատ Ջանվելյանի հրոսակախմբերի մասին պատմություններ պարբերաբար տարածվում են: Հայտնի է, որ նրա նախիրներն արոտավայր են գնում ավտոմատավորների ուղեկցությամբ: Հայտնի է, որ այդ ավտոմատավորների դեմ խաղ չկա: Արմավիրի մարզի Եղեգնուտ գյուղում տեղակայված ֆերմայի նախրապաններին հրամայված է նախիրն արածեցնել ցանկացած տեղում` խտրականություն չդնելով գյուղացիների սեփականություն հանդիսացող արոտավայրերի, դաշտերի կամ բոստանների միջև: Ավտոմատավորների հսկողության ներքո նախիրը կարող է մի քանի ժամում ավերակ դարձնել, օրինակ,  գյուղացիների լոլիկի դաշտերը. որևէ մեկը ձայն հանել չի կարող, քանի որ ասողն այդ տարածքում Մարատ Ջանվելյանն է, որից, ի դեպ, տարածքի բնակիչներն ավելի են սարսափում, քան գեներալ Մանվելից:

Ասում են, թե իշխանությունների հովանավորությունը վայելող Մարատ Ջանվելյանի առաջխաղացման հովանավորը լուսահոգի վարչապետ Անդրանիկ Մարգարյանն էր, սակայն դժվար է պատկերացնել, որ Երևանի փոխքաղաքապետ Տարոն Մարգարյանը տեղյակ է իր աներոջ ազգականի ընկերությունում տիրող բարքերից:
Տարօրինակ է, որ ԱԱԾ, ոստիկանություն, դատախազության քթի տակ, Երևանից 15 կմ հեռու տեղի են ունենում ստրկատիրական դասակարգին բնորոշ երևույթներ: ՀՀ ազգային անվտանգության խորհրդի քարտուղարի գրասենյակում իրենցից դուրս այլ բան չեն տեսնում, նրանց պարտականության մեջ չի՞ մտնում իր երկրի քաղաքացիների անվտանգության պահպանման հարցը.

ՀՀ գլխավոր դատախազը այս հրապարակումը պետք է, որ ընդունի որպես հաղորդում կատարված հանցագործության մասին: Անելիք ունեն նաև ՀՀ աշխատանքի և սոցիալական ապահովության նախարարության աշխատանքի տեսչությանը և  ՀՀ պետական եկամուտների կոմիտեն. ՀՀ օրենսդրությունը պարտադրում է մարդուն աշխատանքի դիմաց վարձատրել  միայն ՀՀ դրամով, և այս հարցում ևս բացառություն են կազմում պրն Ջանվելյանի ձվերը:
 Եւ ի վերջո  ՀՀ նախագահը հարկ է, որ  տեղյակ լինի իրեն վստահված երկրում` 21-րդ դարում կատարվող բարբարոսությունների մասին:

Հ.Գ. Նմանատիպ մի դեպքի մասին տեղեկություն կար ավելի վաղ. Խոսքը Գորիսի շրջանում նմանատիպ տնտեսությունում աշխատող մարդկանց մասին էր, որոնց «ֆեոդալի» մասին կպատմենք, երբ առավել ստույգ տեղեկություններ ստանանք:

Ռուզան Ավոյան

Հետաքրքիր բաներ են կատարվում մեր երկրում. Մենք թրաֆիկինգի հարցերով զբաղվող վարչություններ ենք պահում, տասնյակ մարդկանց պետության հաշվին աշխատավարձ վճարում, փոխվարչապետի մակարդակով թրաֆիկինգի զոհերի ապաստարան ենք կառուցում. Միլիոններ հատկացնելով հարևան երկրներից բերվող զոհերից տարեկան մի 4 — 5 հոգի պահելու համար, ՀԿ-ները գրանտներ են կպցնում. իբր զբաղվում են զոհերի պաշտպանության և ադապտացիայի հարցերով, սակայն մեր աչքի առաջ, մայրաքաղաքից ընդամենը 15 կմ –ի վրա թրաֆիկինգի որջեր են գործում: Ցավն այն է, որ ստորև բերվող պատմության  ջանվելյանները եզակի չեն, կան մարդիկ, ովքեր նույն կերպ են վարվում  ու ամբիոներից խոսում մարդկային բարձր արժեքներից:

Ըստ պաշտոնական տեղեկության մի քանի անձանց հետ, Կոտայքի մարզի Հատիս գյուղում Գեղամ և Արմեն Ջանվելյանները վիճաբանել են  գյուղացիների հետ և ծեծի ենթարկել նրանց. Տուժել են  Հատիս գյուղի բնակիչներ հայր և որդիներ Գևորգ, Ռազմիկ և Մեխակ Մեխակյանները: Գյուղացիները հայտնել են, որ վիճաբանության ժամանակ Ջանվելյաններն իրենց մոտ եղած հրազենով կրակոցներ են արձակել: Գյուղացիների պատմելով վիճաբանություն է ծագել, երբ Մարատ Ջանվելյանին պատկանող «արտոնյալ» կովերը մտել են գյուղացիների արոտավայրերն ու ցորենի դաշտերը: Գյուղացիները կովերին մի տեղ են հավաքել և լուր ուղարկել Ջանվելյանին, որ գա իր անասուններին տանի:Սակայն Ջանվելյանի կովերին թթու ասողները խիստ են պատժվել:

Ոստիկանությունը հաղորդում է, որ «Արզնի տոհմային ԹՏԽ» ԲԲԸ-ի տնօրեն Մարատ Ջանվելյանն այսօր` բերման է ենթարկվել ոստիկանություն և հարցաքննվելուց հետո ստորագրությամբ ազատ արձակվել: Ջանվելյանի վարորդը` Արգիշտ Վարդանյանը,  ձերբակալվել է: Իսկ երեկ երեկոյան  ձերբակալվել էին նաև Ջանվելյանի երկու որդիները` Գեղամ  և Արմեն Ջանվելյանները:

Նրանք այսօր մեղադրվում են ընդամենը մի դրվագով, մինչդեռ հայր և որդի Ջանվելյանների համար նման կարգի արարքները մի բաժակ ջուր խմելու պես մի բան է եղել, որ նրանք տարիներ շարունակ անպատիժ կատարել են:

Մարատ Ջանվելյանն էլ իր որդիների ու կողմնակիցների հետ եկել է գյուղ ու վարվել ինչպես միշտ: Ոստիկանությունն արդեն առգրավել է Արմեն Ջանվելյանի կողմից ներկայացրած 2 հրազենները:

Ոստիկանության Կոտայքի քննչական բաժնում հարուցվել է քրեական գործ ՀՀ քրեական օրենսգրքի 258 հոդվածի 4-րդ մասի (խուլիգանություն, որը կատարվել է զենքի գործադրմամբ) և 235 հոդվածի 1-ին մասի (ապօրինի հրազեն ձեռք բերելը, իրացնելը և պահելը ) հոդվածների հատկանիշներով: Նախաքննությունը շարունակվում է:

Այս պատմությունը հաջորդել է մի միջադեպի, որի մասին մամուլում օրերս հրապարակում  է եղել: Եվ շատ հնարավոր է, որ տարիներ շարունակ անպատիժ նույն արարքը գործած անձիք, հենց այդ միջադեպի պատճառով են հայտնվել ոստիկանության ուշադրության կենտրոնում:

Իսկ միջադեպը տեղի է ունեցել երբ «Արզնի» տոհմային թռչնաբուծական, տոհմաբուծական, խոզաբուծական ընկերության հովիվ Գագիկ Ռոստոմյանը մի քանի օր առաջ հաջողացրել  է փախչել ` խաբելով, թե հայրը մահամերձ է և պետք է դեղորայք հասցնի:Այս մասին նա պատմել է լրագրող Լուսինե Կեսոյանին:

Ռոստոմյանին` որպես բացառություն, ընդառաջում են և անցաթուղթ տրամադրում: Նա խնդրում է գոնե 10 հազար դրամ տալ` դեղորայք գնելու համար: Ասում են` «Սպասի, իրիկունը ձուն կիջնի` կտանք», — պատմում է Ռոստոմյանը: («Արզնիում» աշխատավարձը տալիս են ձվի տեսքով` ձուն հաշվելով  60 դրամով: Աշխատողները ձուն դրսում վաճառում են, իհարկե, ոչ 60 դրամով, քանի որ այդքան արժե ձուն խանութում և, բնականաբար, ֆինանսապես տուժում են: Բայց կարգը սա է):Եւ սա այն նվազագույնն է, ինչը ստիպված են հանդուրժել Մարատ Ջանվելյանի մոտ աշխատող պատանդները:
Գագիկ Ռոստոմյանը փախչում է, սակայն  «Արզնի»- ում են մնում նրա կինը` Լիանա Բակունցը և որդին` Հայկ Ռոստոմյանը: Մարատ Ջանվելյանի սահմանած կարգուկանոնի համաձայն՝ «Արզնի» ֆերմայում, որ ավելի շուտ ֆաշիստական համակենտրոնացման ճամբար է հիշեցնում աշխատողները համարակալված են. ճիշտ այնպես, ինչպես համարակալված են Ջանվելյանի հավերը, կովերը, խոզերը: Գագիկ Ռոստոմյանը դիմում է փախուստի` քանի որ այլ ելք չուներ. Մարատ Ջանվելյանի սահմանած կարգուկանոնի համաձայն՝ այստեղ բացառվում է «աշխատել չցանկանալ» երևույթը: Ռոստոմյանը պատմում է, որ իրենց «Արզնի» գալը ստացվել է պատահաբար: Հրազդանում բնակվող Ռոստոմյանը համաձայնվում է ընտանիքով տեղափոխվել այստեղ աշխատելու` առանց իմանալու, թե ինչ է իրենց սպասվում: Այստեղ Ընտանիքները տեղավորվում են կացարաններում: Սնունդը պարտավոր են հոգալ անձամբ և խանութ գնալու համար ևս պետք է անցաթուղթ ստանալ. անցաթուղթը տրվում է կոնկրետ ժամով: Ճամբարը շրջապատված է բարձր պարսպով և հսկվում է անվտանգության աշխատակիցների կողմից: Ֆերմայի համարակալված աշխատողները` շուրջ 50 հոգի (միայն խոշոր եղջերավորների մասում), աշխատում և ապրում են ֆերմայում հենց  ընտանիքներով: 40-ամյա նախրապան Գագիկ Ռոստոմյանը առնվազն 50-ն անց տղամարդու տեսք ունի: Դժվար է ասել, թե ինչ տեսք ունեն գերության մեջ գտնվող  նրա կինն ու 17-ամյա որդին:

Համարակալված աշխատողների կյանքը կանոնակարգված է պրն Ջանվելյանի հավերի, կովերի, խոզերի կյանքը հարմարավետ դարձնելու համար:
«Կարող են անգամ ասել, թե հորթը սատկել ա քո պատճառով. սատկած չլինի, բայց քցեն վրես ու հլը մի բան էլ ասեն` դու ես մեզ պարտք»,- հուզմունքից խզված ձայնով պատմում է Ռոստոմյանը: Այդպես, երբ ձմռանը ընտանիքը ցանկացել է հեռանալ, նրանց ասել են. «Ամիսը 50 հազար դրամի լույս եք վառել, 4 ամիս` էդ քեզ արեց 200 հազար` մուծի` գնա»:
Գագիկ Ռոստոմյանը մի կերպ էր պատմում այս ամենը` ինքը խաբեց ու փախավ, բայց կինն ու որդին մնացել են այնտեղ, գումարած նաև աշխատավարձը` հայր Ռոստոմյանին ապրիլ ամսվա համար որպես աշխատավարձ դեռ պետք է վճարվի մոտ 80 հազար դրամ, տղային` 100 հազար, կնոջը` 60 հազար դրամ: «Խնդրում եմ, հանկարծ անուն չգրեք, ընդհանրապես չգրեք, ես չգիտեմ, թե ինչ կարող են անել ընտանիքիս հետ»,- խնդրում էր չարքաշ աշխատանքի բոլոր վկայություններն իր վրա կրող հայ մարդը, որն իր իսկ երկրում ենթարկվել է դաժան թրաֆիկինգի:

Շուրջ 20 օր առաջ «Արզնի համակենտրոնացման ճամբարից» հաջողացրել էր հերոսական փախուստ կազմակերպել մեկ այլ ընտանիք: Հավանաբար, հենց այս օրինակն էլ սիրտ էր տվել Ռոստոմյանին` գնալ ծայրահեղ քայլի:

Փախած ընտանիքի բախտը բերում է: Նրանք գնում և միանգամից աշխատանքի են անցնում Ապարանում` ինչ-որ դատախազի ֆերմայում: Երբ «Արզնիում» հայտնաբերում են փախուստը, միանգամից հետապնդում են հայտարարում. ընտանիքի տեղը բացահայտվում է. ավտոմատավորները գնում են հետ բերելու զանցանք գործածներին, սակայն դատախազը կարողանում է դիմակայել նրանց և թույլ չի տալիս, որ իր աշխատողներին տանեն: Այդպես, այդ մի ընտանիքը փրկվում է: Սակայն հարց է, թե փրկություն է արդյո՞ք մի աղայի ձեռքի տակից մեկ այլ աղայի ձեռն ընկնելը:
Ռոստոմյանի ընտանիքն այսօր վտանգի մեջ է: Անցագրի ժամկետը լրանալուց հետո կբացահայտվի նաև նրա փախուստը. այդ ժամանակ էլ գործի կդրվի հետապնդման նույն մեխանիզմը, և հենց այդ ժամանակ էլ ավտոմատավորները կհասնեն իրենց նպատակին, քանի որ Ռոստոմյանի բախտը չի բերել այնպես, ինչպես բերեց փախուստի դիմած նախորդ ընտանիքի բախտը. սա դատախազ – տեր չունի: Հետաքրքիր է, ով է այն դատախազը, որ կարողանում է պաշտպանել ընդամենը իր մոտ աշխատանքի ընդունվածներին և նրանց ազատել գերությունից` թույլ չտալով  վերադառնալ, բայց որպես իրավապահ համակարգի բարձրաստիճան պաշտոնյա տեղեկանալով սարսափելի  հակաօրինական փաստի, մարդկանց գերության մեջ պահելու, ստիպողաբար աշխատեցնելու, ազատությունը սահմանափակելու, ազատությունից զրկելու հանցագործությունների մասին, ոչինչ չի ձեռնարկում: Մինչդեռ հենց միայն գլխավոր դատախազությունում թրաֆիկինգով զբաղվող մի հսկա բաժին կա, որտեղ հրաշալի ցուցանիշներ են նկարում, հաշվետվություններ հաձնելիս:

Մարատ Ջանվելյանի հրոսակախմբերի մասին պատմություններ պարբերաբար տարածվում են: Հայտնի է, որ նրա նախիրներն արոտավայր են գնում ավտոմատավորների ուղեկցությամբ: Հայտնի է, որ այդ ավտոմատավորների դեմ խաղ չկա: Արմավիրի մարզի Եղեգնուտ գյուղում տեղակայված ֆերմայի նախրապաններին հրամայված է նախիրն արածեցնել ցանկացած տեղում` խտրականություն չդնելով գյուղացիների սեփականություն հանդիսացող արոտավայրերի, դաշտերի կամ բոստանների միջև: Ավտոմատավորների հսկողության ներքո նախիրը կարող է մի քանի ժամում ավերակ դարձնել, օրինակ,  գյուղացիների լոլիկի դաշտերը. որևէ մեկը ձայն հանել չի կարող, քանի որ ասողն այդ տարածքում Մարատ Ջանվելյանն է, որից, ի դեպ, տարածքի բնակիչներն ավելի են սարսափում, քան գեներալ Մանվելից:

Ասում են, թե իշխանությունների հովանավորությունը վայելող Մարատ Ջանվելյանի առաջխաղացման հովանավորը լուսահոգի վարչապետ Անդրանիկ Մարգարյանն էր, սակայն դժվար է պատկերացնել, որ Երևանի փոխքաղաքապետ Տարոն Մարգարյանը տեղյակ է իր աներոջ ազգականի ընկերությունում տիրող բարքերից:
Տարօրինակ է, որ ԱԱԾ, ոստիկանություն, դատախազության քթի տակ, Երևանից 15 կմ հեռու տեղի են ունենում ստրկատիրական դասակարգին բնորոշ երևույթներ: ՀՀ ազգային անվտանգության խորհրդի քարտուղարի գրասենյակում իրենցից դուրս այլ բան չեն տեսնում, նրանց պարտականության մեջ չի՞ մտնում իր երկրի քաղաքացիների անվտանգության պահպանման հարցը.

ՀՀ գլխավոր դատախազը այս հրապարակումը պետք է, որ ընդունի որպես հաղորդում կատարված հանցագործության մասին: Անելիք ունեն նաև ՀՀ աշխատանքի և սոցիալական ապահովության նախարարության աշխատանքի տեսչությանը և  ՀՀ պետական եկամուտների կոմիտեն. ՀՀ օրենսդրությունը պարտադրում է մարդուն աշխատանքի դիմաց վարձատրել  միայն ՀՀ դրամով, և այս հարցում ևս բացառություն են կազմում պրն Ջանվելյանի ձվերը:
 Եւ ի վերջո  ՀՀ նախագահը հարկ է, որ  տեղյակ լինի իրեն վստահված երկրում` 21-րդ դարում կատարվող բարբարոսությունների մասին:

Հ.Գ. Նմանատիպ մի դեպքի մասին տեղեկություն կար ավելի վաղ. Խոսքը Գորիսի շրջանում նմանատիպ տնտեսությունում աշխատող մարդկանց մասին էր, որոնց «ֆեոդալի» մասին կպատմենք, երբ առավել ստույգ տեղեկություններ ստանանք:

Հին ժամանակների մի ահավոր պատմություն կարդացի. ԿՏՍՄ խաղերը հայտնի են հին ժամանակներից: Մի հարուստ պարոն էր ապրում եվրոպայում, որն իր կնոջը շատ-շատ էր սիրում, բայց ուզում էր, որ իր կինը իրեն տանջի: Կնոջն ասում է, որ սենյակում իր ձեռներն ու ոտները կապոտի, ուրիշ տղամարդ բերի ու իրա աչքի առաջ էդ տղմարդու հետ լինի: Կինը, որ սովորել էր արդեն ամուսնու ազատ սեքսուալ ֆանտազիաներին ու խաղերին, համաձայնվեց, գնաց իր ճաշակով տղամարդ ընտրեց, բերեց իր ամուսնու առջեւ համբուրեց, սիրեց, սեքս արեց հետը, ու իրա ամուսինն էլ կապված գոռալով ամոթից տանջվեց…

Էս մարդը հետո գրեց իրա գրքի մեջ (ինքը գրող էր), որ նույնիսկ սիրեց տանջվելը, էլ չկարողացավ կնոջը կպնել ու սիրել: Չուզեց նրան կպնել ուրիշ տղամարդու կպնելուց հետո: Շատ տխուր պատմություն էր: Չնայած էս զույգը լավ նպատակով մտավ femdom-ի՝ կանացի տիրապետոթյան մեջ…

Ո՞նց է, որ femdom-ը ԿՏՍՄ-ի մասն է: Որովհետեւ մեր հայրիշխանական հասարակության մեջ femdom-ը աննորմալություն են համարում, femdom-ը նույնիսկ ամերկացիների մոտ ա վատ բան, ու ընդունված չի, կան մարդիկ, բոլորը գիտեն, բայց դա պետք ա քողարկված լինի: Ու դրանից, որ շատ չի ընդունված, կին-դոմինանտ հարաբերությունները փոխակերպվում են ու ֆետիշ են համարվում:

Երբ մտածում եմ մեր երկրի պրոբլեմների մասին, մտածում եմ գաղափարի սահմանի պրոբլեմների մասին, որ տղամարդկանց բանակներն իրար ուզում են սպանեն, ընտանքիներն ուզում են բաժանել, կանանց ուզում են բռնաբարել: Մեծ հաշվով նրանք էլ էս խաղի մեջ… Հաճախ եմ մտածում կյանքի մասին, իմ Տիրուհու դերի մասին, մտածում եմ, որ մեր ամեն ինչի մեջ կա մազոխիզմ, ու բավականին շատ սադիզմ:

Մտածում եմ, որ նրանք են դառնում սադիստ, որոնք հաղթում են պատերազմում, իսկ մազոխիստ՝ պարտվողները: Պասիվը երբ խոսում է, երբ հրաժարվում է իր պասիվությունից, երբ ասում է, թե ինքն ով է, ի՞նչ է ուզում, հայտնվում է ոչ-պասիվ կողմում: Բայց նա, ով որոշում է: Նա, ով ունի որոշման իրավունք ու ուժ: Femdom-ի մեջ էլ: Իսկ մեր հասարակությունում, մեր կանայք իրականում չունեն որոշման իրավունքն ու ուժը…

Լուսինե Վայաչյան

Լրագրողների հետ հանդիպմանը  Հատուկ քննչական ծառայության ղեկավար Անդրանիկ Միրզոյանը, հայտարարեց, թե  չի բացառվում, որ 2008-ի մարտի 1-ին տեղի ունեցած դեպքերի գործով հետաքննության ժամանակ հարցաքննության կանչվեն Հայաստանի առաջին եւ երկրորդ նախագահներ Լեւոն Տեր-Պետրոսյանը եւ Ռոբերտ Քոչարյանը, սակայն չբացատրեց, թե ինչու նախորդ հետաքննությունն իրականացնելիս նման միտք չի ծագել:

Առավել հիմնավոր հետաքննություն անցկացնելու այս պատրաստակամությունը, ինչքան ուրախալի, նույնքան էլ տխուր մտորումների տեղիք է տալիս. Ինչու պետք է ի պաշտոնե Մարտի 1 բացահայտելու կոչված կառույցը արտերկրի միջամտության և նախագահի հանձնարարականից հետո միայն որոշի իրական հետքննություն անցկացնել:

ՀՔԾ ղեկավարն ասաց, որ հետաքննության ընթացքում իրենք ի գիտություն կընդունեն 2008 թվականի մարտի 1-ի դեպքերի վերաբերյալ փաստահավաք խմբի զեկույցը։ «Այդ խմբի ցանկացած եզրահանգում կհամադրվի մեր եզրահանգումների հետ»,- հավաստիացրեց Միրզոյանը։ Նա նաեւ տեղեկացրեց, որ մարտի 1-ի բոլոր այն տեսանյութերը եւ ձայնագրությունները, որոնք որպես նոր փաստեր ներկայացնում են որոշ քաղաքացիներ, հենց սկզբից եղել են հետաքննության տրամադրության տակ. եւ իրավապահները լավ ծանոթ են դրանց հետ: Սակայն հիմա հարկ է, որ ՀՔԾ- դրանք առավել արդյունավետ օգտագործի:

2010 թվականին Հայաստանի կառավարության աշխատակազմը պետբյուջեից ավելի քան 31 մլրդ դոլար է ստացել: Հաշվետու տարում 6 ոլորտներում 25 ծրագիր է իրականացվել,  սակայն ծրագրերն իրագործվել են  78,759 տոկոսով:

Իսկ 2009 թվականի համեմատությամբ Հայաստանի կառավարության աշխատակազմի ծախսերն աճել են 73,4 տոկոսով:

2010 թվականի բյուջեի կատարողականը Ազգային ժողովում ներկայացնելիս, այս մասին ասաց գլխավոր գանձապետ Ատոմ Ջանջուղազյանը:

Սպիտակ տունը և Լիբիայի ազգային անցումային խորհրդի ներկայացուցիչներ բանակցություններ են վարել, որոնց  արդյունքում ԱՄՆ-ն հրաժարվել է ճանաչել  ապստամբների կառավարությունը:

Բանակցությունները տեղի են ունեցել մայիսի 13-ին Վաշինգտոնում: Ամերիկայն կողմից հանդիպմանը մասնակցել է ԱՄՆ նախագահ Բարաք Օբամայի  խորհրդական Թոմ Դոնիլոնը, իսկ Լիբիայի ազգային անցումային խորհուրդը ներկայացրել է Մահմուդ Ջիբրիլը:

Սպիտակ տան տարածած հաղորդագրության մեջ նշվում է, որ Դոնիլոնը Լիբիայի ազգային անվտանգության խորհուրդը ճանաչում է որպես լեգիտիմ և վստահության արժանի գործընկեր:

Ամերիկյան կառավարությունը հայտարարել է, որ կոնգրեսում շուտով կքնարկվի  ԱՄՆ-ում Քադաֆիի սառեցված ակտիվներից 30 մլրդ դոլար ապստամբներին տրամադրելու հարցը:

Այսօր` մայիսի 14-ին ժամը 10-ի սահմաններում, անհայտ քաղաքացին ահազանգել է ոստիկանության Արաբկիրի բաժին եւ հայտնել, որ Քանաքեռ ՀԷԿ-ի ջրամբարում դիակ կա:

Պարզվել է, որ կնոջ դիակը է, որի տարիքը տեղում դժվարացել են որոշել:

Դիակի ձեռքերն ու ոտքերը կապած է եղել քարով, գլխին տոպրակ է եղել, ինչը առիթ է տալիս մտածելու, որ կատարվածը սպանություն է:

Դիակը տեղափոխել են դիահերձարան, որտեղ դատական փորձաքննությունից հետո միայն պարզ կդառնան մահվան հանգամանքները:

Ոստիկանության աշխատակիցները կասկածներ են հայտնել, թե հայտնաբերված դիակը նախորդ տարի դեկտեմբերի 13-ին անհայտ կորած Մարինե Գալստյանն է, որը Բրյուսովի անվան լեզվաբանական համալսարանի դասախոս էր:

Հիշեցնենք, որ Նա դեկտեմբերի 13-ի առավոտյան  դուրս էր եկել տնից եւ չէր վերադարձել::Դասախոսի հարազատները բնակարանը գտել էին խառնած վիճակում:

Չի բացառվում, որ դիակը կապ ունենա, վերջերս  նույն ջրամբարում հայտնաբերված Երեւանի մի քանի փոխանակման կետերից եւ  հիմնարկ-ձեռնարկություններից գողացած չհրկիզվող պահարանների հետ, որոնց մասին ոստիկանությունը, մեր հարցումներին այդպես էլ սպառիչ պատասխան չտվեց:

«ՌԻԱ Նովոստի» գործակալությունը և Ամերիկյան ծառայությանը տեղեկացնում են, որ Ճապոնիայի  Հոնսյու կղզուց դեպի  արևելք այսօր  6,2 մագնիտուդով  երկրաշարժ է տեղի ունեցել:

Սեյսմոլոգները տեղեկացնում են, որ երկրաշարժի էպիկենտրոնը գտնվել է Իվակի քաղաքից 57 կմ դեպի արևմուտք`  37,6 կմ խորության վրա:

Ցունամիի սպառնալիքի, ինչպես նաև զոհերի և տուժածների մասին պաշտոնական տեղեկություն դեռևս չկա:

Reuters գործակալությունը հաղորդում է, որ  Եգիպտոսի նախկին նախագահ Հոսնի Մուբարաքի կինը` Սյուզան Մուբարաքը տեղափոխվել է հիվանդանոցի վերակենդանացման բաժանմունք` սրտամկանի ինֆարկտի կասկածանքով:

Հիշեցնենք, որ երեկ  Եգիպտոսի դատախազությունը հարցաքննել է նախկին նախագահ Հոսնի Մուբարաքի կնոջը` Սյուզան Մուբարաքին և 15-օրյա կալանքի վճիռ կայացրել՝ տնտեսական հանցագործությունների մեղադրանքով: Որոշ լրատվամիջոցների տեղեկությունների համաձայն Սյուզան Մուբարաքին մեղադրում են ապօրինի ճանապարհով ձեռք բերված ոսկու 250 ձուլակտոր և 3 մլրդ դոլար երկրից արտահանելու համար:

Փետրվարի 11-ին նախագահի պաշտոնից զրկված Հոսնի Մուբարաքը և նրա երկու որդիները նույնպես  կալանավորված են։