09.09.2024 | 12:51
Խնդրում ենք ընթերցողների ներողամտությունը26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...18.05.2024 | 15:10
Բացի Սրբազանից վարչապետի այլ թեկնածուի քննարկումը բերելու է ակնհայտ քաղաքական խի...Իռլանդիայի հավաքականին 1:2 հաշվով պարտվելուց հետո Հայաստանի հավաքականի գլխավոր մարզիչ Վարդան Մինասյանը մամուլի ասուլիսում շնորհավորել է իռլանդացիներին` հաջողություն մաղթելով անցումային հանդիպումներում. «Դուք գերազանց հավաքական ունեք, բայց ես նաեւ հպարտ եմ մեր տղաներով, որոնք գերազանց աշխատանք կատարեցին ընտրական մրցաշարում», — Մինասյանի խոսքը մեջբերում է Sky Sports-ը:
Իռլանդիայի գլխավոր մարզիչ Ջովանի Տրապատոնին Եվրո-2012-ի վերջին ընտրական խաղում Հայաստանի հավաքականին 2:1 հաշվով հաղթելու եւ անցումային հանդիպումների ուղեգիր նվաճելուց հետո հայտարարել է, որ առաջին խաղակեսում Վարդան Մինասյանի թիմն ավելի լավ էր խաղում, թեեւ չի կարող հիշել գոլային դրվագ Շեյ Գիվենի դարպասի մոտ:
«Մենք կարողացանք հաղթել խաղի նկատմամբ մեր վերաբերմունքի, մտածելակերպի եւ մեր համակարգին հետեւելով, քանի որ առաջին խաղակեսում մեզ համար շատ բարդ էր: Հայաստանն առաջին խաղակեսում շատ լավ էր խաղում եւ մեզ համար բարդ էր վերահսկել խաղը: Նրանք ավելի շատ էին վերահսկում գնդակը եւ Իռլանդիայի հավաքականից լավ էին խաղում, թեեւ վտանգավոր պահեր Շեյ Գիվենի դարպասի մոտ չեմ հիշում»,- Տրապատոնիի խոսքը մեջբերում է Sky Sports-ը:
«Բանակն իրականում» նախաձեռնող խումբը դիմել է ՀՀ պաշտպանության նախարար Սեյրան Օհանյանին` խնդրելով 1994թ.-ից մայիսի 12-ից մինչեւ 2011թ. սեպտեմբերի 30-ը ժամանակահատվածում Հայաստանի զինված ուժերում մահացած, անհայտ կորած եւ բռնությունների ենթարկված անձանց ցանկը:
Նախաձեռնող խումբը, մասնավորապես, խնդրում է հայտնել այդ ժամանակահատվածում ՀՀ զինված ուժերում մահացած, անհայտ կորած եւ բռնությունների ենթարկված անձանց ցանկը, ներառյալ` անունը, ազգանունը, բնակության վայրը, մահանալու, անհայտ կորելու եւ խեղվելու հանգամանքներն ու պատճառները,
կանոնադրական կանոնների խախտման, սպանությունների, այլ զինվորական հանցագործությունների կատարման համար պատասխանատվության ենթարկված զինծառայողների ցանկը, ներառյալ` պաշտոնը, պատասխանատվության կամ պատժի տեսակը,
դատարանի կողմից զինվորական հանցագործության համար դատապարտված եւ պատիժը կրած, զինված ուժերում ներկայումս ծառայող սպաների թիվը.
առողջական խնդիրների պատճառով զորացրված զինծառայողների թիվը.
օտարերկրյա պետությունների ռազմական հաստատություններում ուսման կամ վերապատրաստման ուղարկված սպաների ցանկը, ներառյալ տվյալներ, թե նրանցից ովքեր են ներկայումս շարունակում ծառայությունը ՀՀ զինված ուժերում.
ՀՀ բարձրագույն պաշտոնատար անձանց որդիների զինված ուժերում պարտադիր զինվորական ծառայության մասին տվյալներ, ներառյալ` տարկետումների կամ զինծառայությունից ազատման հիմքերը,
ՀՀ զինված ուժերին սնունդ, դեղորայք, համազգեստ, գրենական պիտույքներ մատակարարող` պետական գնումների մրցույթում հաղթող ճանաչված կազմակերպությունների ցանկը:
Նշենք, որ Facebook սոցիալական ցանցում ստեղծվել է «Բանակն իրականում» խումբը, որին անդամակցում է շուրջ 200 օգտագործող:
Երեկ «Արմենիա» հեռուստաընկերության եթերում`« Հերթապահ մաս» կոչվող ծրագրում`շտապ հաղորդագրությամբ ներկայացված էր մի անձնավորություն, որը նշվել էր որպես «ինտերպոլի կողմից ամենափնտրված հայը, ով հետախուզվում էր մի քանի երկրների հատուկ ծառայությունների կողմից» : Ի դեպ կայքում լուրի հետ կապված մի ուշագրավ մեկնաբանություն էր տեղադրված. (Մենք էլ ասինք, Վանոյին են բռնել. ամենափնտրված հայը):
Այսպիսով, ոստիկանության կազմակերպված հանցավորության դեմ պայքարի գլխավոր վարչության ծառայողները հոկտեմբերի 4‑ին ձերբակալել են Խաչիկ Ասլանյանին: Նույն օրը հարուցված քրեական գործի շրջանակներում պարզվել է, որ նա փորձել է 400 հազար դոլար շորթել հանրապետության գործարարներից մեկից սպառնալով, որ իրավապահ մարմիներին կեղծ տեղեկատվություն կհանձնի, թե գործարարը պատվիրել է գողանալ իր եղբոր որդուն և սպանել: Գումարը չստանալու հետևանքով նա իրականացրել է սպառնալիքը` սուտ մատնության հաղորդում ներկայացնելով ԱԱԾ‑ին: Նախաքննության ընթացում պարզվել է, որ հմուտ խարդախը ժամանակին եղել է նաև Գերմանիայի , Կանադայի մի շարք այլ երկրների իրավապահ մարմինների ուշադրության կենտրոնում:
Սա հաղորդագրությա տեքստն է: Չափազանց հետաքրքիր նախաբան, հայ իրականության համար:
Ապա նա սահուն պատմում է իր մասին. «97 թվականին Սաուդյան Արաբիայի քաղաքացու անձնագրով `Մաջեթ Աբուաշի անունով, ինքնաթիռով գնացել եմ Ֆիլիպիններ հետո Կորեա,Կորեայից` Կանադա: Հետո Կանադայի արդարադատությանն եմ հանձնվել: Կանադայից էլ անցել եմ Ամերիկա կեղծ անձնագրով`Իսահակ Շաֆեր անունով, բայց ձերբակալվել եմ, քանի որ Վաշինգտոնի պետդեպարտամենտից գողացել եմ գաղտնի փաստաթղթեր հայոց ցեղասպանության հետ կապված և ընդհանրապես: Կոնկրետ Գերմանիայում կա «Թուրքի բազառ» են ասում Քյոլնում, գնում եք, ինչ անձնագիր ուզում եք, կարող եք գնել: Ֆիլիպիններում էլ կա մի փողոց`Ռեկտո բուլվար, որտեղ պատվիրում եք անձնագրեր, այստեղ նաև Ալքաիդան է սեպտեմբերի 11-ի գործով օդաչուների համար պատվիրել կեղծ անձնագրեր ու տեխնիկական փաստաթղթեր:Ես էլ եմ գնել դրանցից ու ապրել: 2002-ին ես օրինական ձևով մուտք եմ գործել Ֆիլիպիններ, հետո հոթելում Ֆիլիպինների անվտանգությանը ու Ինտերպոլի բյուրոյի աշխատակիցների միջոցով ինձ ձերբակալել են: 2 անգամ դատվել եմ.Գերմանիայում հետո Կանադայում` մի 2 օրով էդ նռնակի համար: Հետո Ամերիկայում կեղծ անձնագրի համար եմ ձերբակալվել»:
Որն հետևում է տեղեկությունը. Խաչիկ Ասլանյանի տնից հայտնաբերվել են տարբեր անձանց վերաբերող փաստաթղթեր, ձայնագրություններ,տեսանյութեր, կնիքներ, դրոշմակներ, զենք-զինամթերքի մուլյաժներ, ինքնաշեն դիմակներ: Ոստիկանությունը բավարար հիմքեր ունի ենթադրելու, որ Խաչիկ Ասլանյանի հնարավոր արարքներից կարող են տուժած լինել նաև այլ քաղաքացիներ, որոնք կարող են դիմել ՀՀ ոստիկանության կազմակերպված հանցավորության դեմ պայքարի վարչություն ու Քննչական գլխավոր վարչություն:
Մեր հարցին, թե ո՞ր գործարարի մասին է խոսքը, որ ցանկացել առևանգել ու սպանել իր եղբորորդուն: Կամ արդյո՞ք տրված հաղորդումն ընդունվել է ի գիտություն, ԱԱԾ մամուլի կենտրոնի ղեկավար Արծվին Բաղրամյանն ասաց, որ իրենք ստացել են Ասլանյանի հաղորդումը, ապա փոխանցել Կազմակերպված հանցավորության դեմ պայքարի վարչություն:
Ոստիկանության լրատվության վարչության պետ Աշոտ Ահարոնյանը տեղեկացրեց, որ մեր ունեցած տեղեկությունը ամբողջն է. Միայն ավելացրեց, որ Ասլանյանն արդեն կալանավորվել է, իսկ գործը 6-վարչությունից տեղափոխվել է քննչական գլխավոր վարչություն:
Թե ո՞ր գործարարի մասին է խոսքը, ով պատվիրել է իր եղբոր որդու սպանությունը, նա համարեց նախաքննության գաղտնիք, որը չհրապարակեց: Հետաքրքիր է, արդյո՞ք մեղսունակ է, իր խարդախությունների մասին էկրանի առջև նման սահուն կերպով պատմող քաղաքացին, Ինչպե՞ս է եղել, որ մեր իրավապահները փոխանակ նրա հաղորդման և նշված գործարարի հետ կապված գործողություններ իրականացնելու, նրան են կալանավորել, իբրև սուտ մատնություն տվողի, ինչպես է պատահել, որ նման փորձառու խարդախը ինչպես նա ներկայացվում է, նման սիրողական քայլ է արել դիմելով ԱԱԾ, այս ու մի քանի այլ հարցերի պատասխանը առայժմ չունենք .«Առայժմ այսքանը կարող եմ ասել, նախաքննությանը չխանգարենք», — ասաց Ահարոնյանը:
Այսօր Վերաքննիչ դատարանում դատավոր Սերժիկ Ավետիսյանի նախագահությամբ քննվելու էր սփյուռքահայ գործարար — բարերար Նազարեթ — Հագոփ Բերբերյանի սպանության մեջ մեղադրվող Գևորգ Սերգեյի Բադալյանի վերաքննիչ բողոքը:
Հիշեցնենք, որ Գևորգ Բադալյանին մեղադրանք էր առաջադրվել այն բանի համար, որ նա իր ընկեր`Պետրոս Թեմիրյանի մտերիմ Նազարեթ-Հագոփ Բերբերյանին սպանելու և նրան առանձնապես խոշոր չափերով գույքը հափշտակելու վերաբերյալ նախնական համաձայնության է եկել Կարեն Դալաքյանի հետ և Պետրոս Թեմիրյանի հետ: Վերջինս ձեռք է բերել մետաղյա մալուխ, որի վերջնամասերին ամրացրել է մետաղյա մանեկներ` այն հարմարեցնելով մարդուն խեղդամահ անելու համար: Պետրոս Թեմիրյանը, նախապես մշակելով սպանության մեխանիզմը և կատարելով հստակ դերաբաշխում, գնացել է Նազարեթ Բերբերյանին պատկանող Երևան քաղաքի Ամիրյան փող. 5-րդ շենքի 3-րդ բնակարան, որտեղ վերջինիս հետ ոգելից խմիչք են օգտագործել և ժամանակ անցկացրել: Պայմանավորվածության համաձայն` Պ. Թեմիրյանը չի կողպել բնակարանի մուտքի դուռը, իսկ ինքն ու Կարեն Դալլաքյանը ապօրինի մուտք են գործել բնակարան, որի նախասրահում իրենք հարձակվել են Ն. Բերբերյանի վրա և մալուխը գցելով Ն. Բերբերյանի պարանոցից նրան խեղդամահ են արել:
Ամբաստանյալ Գևորգ Բադալյանը Վերաքննիչ դատարանին անձամբ էր գրել իր բողոքը`պատժի վերանայման հետ կապված, քանի որ պաշտպան չի ունեցել:
Բադալյանին Առաջին ատյանի դատարանում դատապարտել են ցմահ ազատազրկման, պահում են որպես հույժ վտանգավոր հանցագործ, և նա զրկված է զանգի ու տեսակցության հնարավորությունից: Ու քանի որ պաշտպան չուներ, նա դիմեց դատարանին`միջնորդելու, որ իրեն պաշտպան տրամադրեն. «Ֆինանսական խնդիրներից ելնելով`պայմանական պաշտպան չեմ ցանկանում, թող ինձ պաշտպանի հանրային փաստաբան»,-ասաց ամբաստանյալը: Մեղադրող Արթուր Երիցյանն էլ չառարկեց այս միջնորդությանը, և դատական նիստը հետաձգվեց:
«Որ օրենք լիներ, էստեղ չէինք լինի, իրենց փողի համար օրենքը ո՞նց ուզում, նենց գրում են ու դրանով դատապարտում անմեղ մարդկանց»,-բարձրաձայնեց ամբաստանյալի մայրը, ով, իրոք, հուսահատ վիճակում էր և մեզ հետ զրույցում ասաց, որ որդին երկու անչափահաս երեխա ունի, որոնց թողնում են առանց հայր:
Հիշեցնենք, որ 58-ամյա գործարար Նազարեթ — Հագոփ Բերբերյանի դին մայիսի 15-ին գտել էին Երևան-Սևան մայրուղու 25կմ-ի վրա, ճամփեզրի ձորակում` թաղված: Դիակի վրա եղել են բռնության հետքեր: Նա ապրիլի 28-ին տնից դուրս էր եկել ու այլևս չէր վերադարձել: Մեքենան գտել են օդանավակայանում: Առաջինը, ում կասկածում էին սպանության մեջ Պետրոս Թեմիրյանն էր , որ միասեռական է: Եղել է «Շանզելիզ» գիշերային ակումբի տնօրենը: Վերջինս եղել է գործարարի մտերիմներից: Ըստ դատաքննության` նա իր երկու հանցակիցների հետ Բերբերյանին սպանել են, թաղել, իսկ հետո հետքերը կորցնելու համար նրա մեքենան տարել-կանգնեցրել օդանավակայանում, որ կարծեն, թե նա մեկնել է Հայաստանից: Հանցագործին հայտնաբերել են բջջային հեռախոսահամարով, որով խոսել է Բերբերյանի հետ:
Այս սպանության հետ կապված տարբեր վարկածներ են շրջանառվում, մասնավորապես` այն կապվում է Բերբերյանի գործունեության հետ: Նա, լինելով հաջողակ գործարար, 1998թ. Հայաստանում հիմնադրեց «Բեռնար» գորգերի արտադրական ընկերությունը: Սովորական գորգերից բացի` գործվում էին նաև մետաքսյա գորգեր. նման բան Հայաստանում երբևէ չէր եղել:
Բերբերյանի երկրորդ`«Լիլ նար» ընկերությունը, զբաղվում էր շինարարական նախագծերով: Վերջին նախագիծը Աբովյան-Պուշկին խաչմերուկում կառուցվող հյուրանոցն էր, որի հողատարածքի 50 տոկոսն է միայն կազմակերպությանը` ըստ Երևանի քաղաքապետարանի հետ կնքված պայմանագրի:
Վարկած կար, որ քայքայված դին, որը տեղափոխվել էր ԱՄՆ, հարազատները չէին ընդունել համարելով, որ դա Բերբերյանի դին չէ: Փորձաքննությունը ևս չէր հաստատել ինքնությունը, որը կրկնելու անհրաժեշտություն էր առաջացել: Դեռ այն ժամանակ կասկածներ կար, որ այս գործում ինչ- որ բան այն չէ, և այն մարդիկ, ովքեր մեղադրվում են սպանության մեջ, իրականում այսբերգի միայն երևացող մասն էին:
Աննա Ալեքսանյան
Հայաստանի հանրապետության վարչապետ Տիգրան Սարգսյանի որոշմամբ, Անդրանիկ Ալեքսանյանը նշանակվել է Հայաստանի հանրապետության տրանսպորտի եւ կապի նախարարի տեղակալ:
Բռնցքամարտի Հայաստանի ազգային հավաքականի գլխավոր մարզչի պաշտոնում նշանակվել է Կարեն Աղամալյանը: Նա փոխարինել է Ռաֆայել Մեհրաբյանին:
ՀԱՕԿ-ի լրատվական ծառայությունը հայտնում է, որ աշխարհի առաջնություն մեկնելուց առաջ Հայաստանի ազգային հավաքականի ղեկավարությունը նախատեսել էր առնվազն օլիմպիական երեք ուղեգիր նվաճել: Բայց մեր մարզիկներից միայն Անդրանիկ Հակոբյանը կարողացավ նվաճել ուղեգիր: Հայաստանի բռնցքամարտի ֆեդերացիայի գործկոմի նիստում որոշվել է ազգային հավաքականի գլխավոր մարզչի պաշտոնից ազատել Ռաֆայել Մեհրաբյանին, և գլխավոր մարզիչ նշանակել Կարեն Աղամալյանին, իսկ երկրորդ մարզիչ` Ֆեդյա Ալեքսանյանին:
Երիտասարդական հավաքականի ավագ մարզիչն է Դերենիկ Ոսկանյանը: Ավագ տարիքի պատանեկան թիմը կղեկավարի Արման Հարությունյանը, պատանեկանը` Արշավիր Գրիգորյանը:
Իռլանդական The Irish Times պարբերականը ներկայացրել է այսօր Դուբլինում կայացող «Իռլանդիա-Հայաստան» հանդիպման մեկնարկային հնարավոր կազմերը։
Իռլանդիայի հավաքական – Գիվեն («Ասթոն Վիլլա»), Օ’Շի («Սանդերլենդ»), Ստ. Լեդգեր («Լեյսթեր»), Դան («Ասթոն Վիլլա»), Քելլի («Ֆուլհեմ»), Դաֆ («Ֆուլհեմ»), Էնդրյուս («Իպսվիչ»), Վհելան («Սթոք Սիթի»), ՄաքԳիդի (Մոսկվայի «Սպարտակ»), Քոքս («Վեսթ Բրոմվիչ»), Դոյլ («Վուլվերհեմփթոն»)։
Հայաստանի հավաքական – Բերեզովսկի («Խիմկի»), Հովսեփյան («Փյունիկ»), Մկոյան («Միկա»), Ալեքսանյան («Սանաթ նավթ»), Հայրապետյան («Լեգիա»), Մկրտչյան (Դոնեցկի «Մետալուրգ»), Եդիգարյան («Բանանց»), Մխիթարյան (Դոնեցկի «Շախտյոր»), Պիզելլի (Դոնեցկի «Մետալուրգ»), Ղազարյան (Դոնեցկի «Մետալուրգ»), Մովսիսյան («Կրասնոդար»)։
Հանդիպման մրցավարն իսպանացի Էդուարդո Գոնսալեսն է։
Քաղաքական դաշտի վերջին անցուդարձի ֆոնին զարմանալի էր ԺԿ առաջնորդ Տիգրան Կարապետյանի լռությունը: Նա վերջերս բավականին հաճախ է լինում Թբլիսիում, ուր զվարճանքներն ու կյանքը ավելի մոտ են եվրոպականին: Եվ քանի որ նա այլևս ազատված է ԱԼՄ-ի եթերում 99 տոկոս զբաղվածությունից, մտածեցինք, թե նա զանց է առել իր խոստումը` ակտիվ լինել աշնանային քաղաքական զարգացումներում և վայելում է վաստակած հանգիստը:
Սակայն ուրբաթը շաբաթից շուտ եկավ. այսօր նախատեսված մամուլի ասուլիսը չկայացավ, քանի որ մինչ այդ Տիգրան Կարապետյանի ինքնազգացողությունը վատացել էր և նրան տեղափոխել են հիվանդանոց: Մենք փորձեցինք ճշտել, թե այժմ ինչպես է նրա առողջական վիճակը: Զանգին նա պատասխանեց «ամուր» ձայնով ու հավատացրեց մեզ, որ ամեն ինչ լավ է. «Իմ վիճակը հիմա շատ լավ է. հիվանդանոցում անցա համապատասխան զննում, ամեն ինչ կարգավորվեց և այժմ տանն եմ: Որոշ ժամանակ անց նորից կվերադառնամ քաղաքական դաշտ և կշարունակեմ իմ բուռն գործունեությունը»:
Պաշտոնապես մարդահամարը սկսվում է հոկտեմբերի 12-ից, սակայն կիրակի օրը մեր տուն եկավ մի երիտասարդ, ներկայացավ, ու սկսեց գրանցել իր հարցերի պատասխանները:
Հարցերը վերաբերվում էին փաստացի բնակվողներին ` նրանց կրթությանը, զբաղվածությանը, աշխատանքին, բիզնես է, թե պետական աշխատանք և էլի մի շարք հարցեր, որոնք երիտասարդը տալիս էր բավականին անվստահ: Ի դեպ, չէին հաշվում երկրից բացակայող անձանց, նույնիսկ չհարցրեցին, թե ինքան ժամանակով են բացակայում: Փոխարենը հարցնում էին ` քանի՞ անգամ եք ծննդաբերել ու բոլորը ո՞ղջ են:
Իսկ հարցին, թե ինչո՞ւ են հայտարարված օրվանից ավելի վաղ սկսել աշխատել , երիտասարդն ասաց. «Աշխատանքները շատ են, չենք հասցնի»:
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.