09.09.2024 | 12:51
Խնդրում ենք ընթերցողների ներողամտությունը26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...18.05.2024 | 15:10
Բացի Սրբազանից վարչապետի այլ թեկնածուի քննարկումը բերելու է ակնհայտ քաղաքական խի...Օգոստոսի 13-ին, ժամը 12.45-ին ահազանգ է ստացվել, որ Երևանի Գայի պողոտայում` Հայկ Նահապետի արձանի մոտակայքում, տեղի ունեցել ճանապարհատրանսպորտային պատահար, առկա է գազի վառելիքի արտահոսք. անհրաժեշտ է փրկարարների օգնությունը:
ԱԻՆ լրատվական ծառայությունից հայտնում են, որ դեպքի վայր է մեկնել մեկ մարտական հաշվարկ: Պարզվել է, բախվել են «Գոլֆ» մակնիշի 17 ՕՏ 674 պետհամարանիշով (վարորդ Արմեն Սարիբեկյան), «ԳԱԶ-24» մակնիշի 21 ՕՕ 514 պետհամարանիշով (վարորդ Վլադ Սարգսյան) և «ՎԱԶ-2106» 36 ԼՕ 239 պետհամարանիշով (վարորդ Սոկրատ Մխիթարյան) ավտոմեքենաները, ինչի հետևանքով առաջացել է վառելիքի արտահոսք:
Հրշեջ-փրկարարները իրականացրել են ճանապարհատվածի լվացման աշխատանքներ: Զոհեր և տուժածներ չկան:
Հայաստան-Ռուսաստան միջնախագահական ձեւաչափով Մոսկվայում տեղի ունեցած հանդիպման պաշտոնական լրատվությունը արտակարգ որեւէ կետ չէր պարփակում: Այդ լրատվության մեկնաբանությունը շատ պարզ է ու միանշանակ: Ռազմավարական հատուկ գործընկերների միջեւ կայացած հերթական հանդիպումի սահմաններից դուրս չեկող երեւույթ է այն, որ ամփոփվում է հետեւյալ ձեւով.
Ա.- Կազմվել է հայ-ռուսական միջկառավարական հանձնաժողով, որի առաջին նիստը տեղի կունենա աշնան, Երեւանում:
Բ.- Հաստատված է, որ երկու երկրների միջեւ ապրանքաշրջանառությունը 2011-ին հասած է 1 միլիառ դոլարի, իսկ 2012-ին առաջին ամիսներին աճած է 32 առ հարյուրով:
Գ.- Խոսվել է ռազմաարհեստագիտության եւ Հայաստանում ռուսական ռազմակայանի տեղակայման ժամկետը երկարաձգելու 2010-ի որոշման մասին: Այս առումով վերահաստատված է, որ աշնան, Հայաստանում կկայանա Հավաքական անվտանգության պայմանագրի կազմակերպության զորավարժությունը։
Մինչեւ այստեղ, որեւէ նկատառելի նորություն չկա: Միջպետական, առավել եւս միջգործընկերային հարաբերությունների պարունակում տեղավորվող օրինաչափ քննարկումներ եւ հաստատումներ են այս բոլորը:
Հիմնական հարցը, հրապարակված այս կետերից դուրս է անշուշտ: Ռուսասատանի նախագահը ռուսական բեւեռի վերաձեւավորման աշխարհաքաղաքական իր ծրագիրների մշակման ընթացքում առաջ է քշում Եւրասիական միության գաղափարը: Չէ բացառված անշուշտ, որ այս թեման ուղղակի կամ անուղղակի քննարկման առարկա եղած լինի կարեւոր այս հանդիպմանը:
Առաջադրված այս միության Հայաստանի Հանրապետության անդամակցության հարցը վաղ թէ ուշ պիտի հայտնվի պաշտոնական սեղանի վրա: Ահա այստեղ է, որ պաշտոնական լրատվության բովանդակության մեջ որեւէ նորություն չեղող սակայն վերհիշեցման կարգով շեշտված կետերը կնախանշեն նման հարցի դեպքում պաշտոնական Երեւանի կայացնելիք որոշումը: Հայաստան-Ռուսաստան միջկառավարական հանձնաժողովի կազմություն եւ շուտով հանդիպում Երեւանում, Հայաստանի տնտեսության հիմնական ուղղության վերընդգծում, Հայաստանում ռուսական ռազմակայանի երկարաժամկետ գոյության, ՀԱՊԿ-ի ռազմափորձերու Երեւանում կազմակերպումի որոշման եւ անվտանգության երաշխիքների կարեւոր հիշեցումները պարզապես այդ ուղղությամբ մտածել են տալիս։
Հայկական քաղաքական եւ տեղեկատվական դաշտերըը փորձում են Եւրասիական միության եւ Եւրոպական Միության անդամակցության եւ համարկման քաղաքականությունները հակադրել, քաղաքական բաժանարարության գծեր քաշել եւ երկու միություններից կամ արեւելումներից (ռուսակա՞ն, թե՞ արեւմտյան) մին իբրեւ արտաքին քաղաքականության հիմնական ուղի ընտրելու հարկադրանքին առաջ կանգնեցնել ամբողջ պետությունը:
Արեւելումների կամ արտաքին քաղաքականության հիմնական ուղղվածությունների հետ կապված խնդիրները սեւ -սպիտակի տրամաբանությամբ արծարծելը ոչ միայն պետական, այլ նաեւ հասարակական մտածողության առումներով ընկալելի չէ: Առավել եւս, երբ խոսում ենք Հայաստանի Հանրապետության նման կիսաշրջափակված, արտաքին թշնամիների սպառնալիքները մնայուն դիմագրավող, հրադադարի հաճախակի խախտումներով հատկանշվող իրավիճակներ դիմակայող երկրի դեպքում, որ առ այսօր փոխլրացուցիչ կամ հավասարակշիռ արտաքին քաղաքականություն է փորձում կիրառել։ Վերցնելով ռազմական ոլորտը օրինակ` միաժամանակ թե՛ ՆԱՏՈ-ի եւ թե՛ ՀԱՊԿ-ի ռազմափորձերին մասնակցելով, թե՛ խաղաղապահ ջոկատներով միջազգային առաքելություններ իրականացնելով եւ թե՛ բազմակողմ համաձայնագրերու հիման վրա համագործակցություններ ծավալելով:
Դժվար ընտրանքների պահեր կարող են ներկայանալ տարբեր առիթների: Պետական շահերը գերադասելու, անվտանգության խնդիրների հետ հաշվի նստելու եւ առաջնահերթությունները գերադասելու հրամայականները առաջնորդող ուղիի հիմնական մղիչ գործոնները պետք է համարել` բաժանարար գծեր քաշելե եւ սեւ- սպիտակի ընտրանք կատարելու բացարձակ տեսությունները արծարծել է առաջ: Մանավանդ ռազմավարական նշանակություն ունեցող հարցերի դեպքում։
Շահան Գանտահարյան
«Ազդակ»ի գլխավոր խմբագիր
PKK-ն (Քուրդիստանի բանվորական կուսակցություն) Թուրքիայի Թունջելի (Դերսիմ) նահանգում օգոստոսի 12-ի երեկոյան առևանգել է ընդդիմադիր «Ժողովրդա-հանրապետական» (CHP) կուսակցության Թունեջլիից ընտրված պատգամավոր Հուսեյն Այգունին:
Թուրքական Milliyet-ի փոխանցմամբ, Թունջելիի Օվաջըքի շրջանից թուրք պատգամավորը Aksam թերթի լրագրողի և ևս մեկ հոգու հետ մեքենայով վերադարձել է Թունջելի: Այդ ընթացքում PKK-ի զինյալները ավտոճանապարհին մեքենաներին կանգնեցրել և մեքենայից իջեցրել են պատգամավորին և իրենց հետ տարել լեռները: Իսկ մեքենայի մյուս երկու ուղևորներին բաց են թողել:
Թուրքիան ցնցվել է PKK-ի կողմից թուրք պատգամավոր առևանգման լուրը լսելով: Թուրքիայի հարավ-արևելքում PKK-ի աննախադեպ հարձակումներից ուշքի չեկած թուրքական մամուլն ահազանգում է նոր հարվածի մասին:
Հայաստանի օլիմպիական ընտրանին մեդալների ընդհանուր հաշվարկային աղյուսակում զբաղեցրեց 60-րդ տեղը` մեկ արծաթե և երկու բրոնզե մեդալ արդյունքով: Արսեն Ջուլֆալակյանի արծաթե մեդալը 20 հորիզոնականով բարելավեց Հայաստանի դիրքերը նախորդ` Պեկինի օլիմպիադայի համեմատությամբ, որտեղ հայ մարզիկները նվաճեցին 6 բրոնզե մեդալ:
Օլիմպիական խաղերի առաջատարը ԱՄՆ-ի օլիմպիական ընտրանին է, որը զգալիորեն առաջ անցավ ֆավորիտ համարվող Չինաստանի օլիմպիական թիմից. ամերիկացի մարզիկները 46, իսկ չինացիները 38 ոսկե մեդալ նվաճեցին: Հյուրընկալող երկիրը` Մեծ Բրիտանիան, ունեցավ 29-ը մեդալ և գրավեց երրորդ տեղը:
Oգոստոսի 12-ին, ժամը 23.10-ի սահմաններում տեղեկություն է ստացվել, որ Գյումրի-Ամասիա ավտոճանապարհին ավտովթար է եղել: Դեպքի վայր է մեկնել մեկ մարտական հաշվարկ: Պարզվել է, որ Վազ 2106 մակնիշի ավտոմեքենան գլորվել է ձորը, մոտ 70 մետր:
Փրկարարները մեքենայից դուրս են բերել ուղևորներ՝ 1991 թ. ծնված Էդգար Երանոսյանին, 1986 թ. ծնված Անժելա Սեխլեյանին ու 1988 թ. ծնված Ագապի Սեխլեյանին, ովքեր տեղափոխվել են Գյումրի քաղաքի Գյուլբենկյան բժշկական կենտրոն, իսկ անձը չպարզված մեկ քաղաքի մահացել է: Ըստ բժիշկների՝ Ջոն Ադամյանի վիճակը միջին ծանրության է, Անժելա Սեխլեյանի վիճակը՝ թեթև, Ագապի Սեխլեյանի վիճակը՝ ծանր և Էդգար Երանոսյանի վիճակը՝ միջին ծանրության:
6 տարի ազատազրկման ատապարտված «Հայ Ազգային կոնգրես» ընդդիմադիր դաշինքի ակտիվիստ Տիգրան Առաքելյանը այսօր մեկուսարանից հայտարարություն է տարածել, որում ասվում է
«Արմենիկումից «թևակոխել ենք» «առանց դնչկալի Ջոնիի» դարաշրջանը»
2011թ. օգոստոսի 9-ից անցավ մեկ տարի: Սերժ Սարգսյանի «բարձր հովանու ներքո»՝ գրում եմ մեկուսարանից: Փորձեմ հետադարձ հայացքով գնահատականները տալ հակափաստարկները չունեցող հանրահայտ միջադեպին և մինչ օրս շարունակվող զարգացումներին: Զարմանալի զուգադիպությամբ՝ մի կողմում ՀԱԿ-ի երիտասարդներս ենք, մյուս կողմում՝ չընտրված իշխանության ներկայացուցիչները: ՀԱԿ-ի երիտասարդներս աննախադեպ բռնություններով բերման ենթարկվեցինք ոստիկանական բաժանմունք: Այնտեղ զրկվեցինք փաստաբան ունենալու իրավունքից: Ժամեր անց փաստաբանները մի կերպ կարողացան ներս գալ: Տեղի ունեցավ ամենասարսափելին՝ փաստաբանները նույնպես ենթարկվեցին բռնությունների:
Այո՛: Պետք է միջադեպին տրվեր քրեաիրավական գնահատական: Անկասկած պիտի հարուցվեր քրեական գործ: ՀԱԿ երիտասարդներս և մեր փաստաբանները քրգործով պետք է անցնեինք՝ որպես տուժողներ: Բայց, ինչպես միշտ, գործի դրվեցին հին և խորթ մեթոդները: Քրեական օրենսգրքից շատ արագ վերցվեցին 316 և 258 հոդվածները, իսկ մնացածն արդեն երևակայության և նախկինում ձեռք բերված կեղտոտ փորձի հարց էր. ոստիկանները հերթով, կարգով, շարքով, մեկ մարդու նման սկսեցին մեղադրական ցուցմունքներ տալ մեր դեմ:
Օգոստոս ամսվա շոգ օր էր: Ոստիկանի քթից արյուն էր եկել: Արնահոսությունը դարձավ ուղեղի ցնցում: Դե քիթ էր. քիթն էր արնահոսել: Ինչպե՞ս կարող էր, համաձայն համապատասխան դատաբժկական փաստաթղթերի՝ քթի բազմաբեկոր կոտրվածք չդառնալ: Բայց պարզ է, չէ՞, որ եթե ոստիկանը քթի բազմաբեկոր կոտրվածք ունենար, դա արտաքինից
էլ կերևար: Դատաբժիշկն այդ հարցն էլ էր լուծել՝ «քթի բազմաբեկոր կոտրվածք առանց տեղաշարժի»:
Կարճ ասած՝ թղթեր էին սևացնում, որպեսզի մեզ առաջադրված մեղադրանքը հնարավորինս հիմնավորված լինի: Քրգործի հիմքում դրվեց մի բարի կենդանի, որը, սակայն, առանց դնչկալի էր: Մի անգամ՝ դատական նիստերից մեկի ընդմիջման ժամանակ, նիստերի դահլիճում շան դրվագի շինծու լինելու մասին փաստարկված, հիմնավորված ապացուցեցի դատախազին և դատավորին, որ դա հորինված փաստ է: Դատախազն ինձ ասաց. «Լավ, հավատում եմ, որ շուն չի եղել. հորինված է: Բայց հետագայում ոստիկանի քիթ ես կոտրել. դատաբժշկի եզրակացություններ կան»:
Ինչևէ, հարգելի ընթերցող, եկեք միասին դատարանում ապացուցված մի դրվագ վերլուծենք, ինչը կմերկացնի իշխանությանն՝ իր ներկայացուցիչներով հանդերձ:
Խնդիրը հետևյալն է՝ միջադեպի պահին եղե՞լ է առանց դնչկալի շուն, կամ, առհասարակ՝ շուն: Ունենք 2 կարևոր փաստ.
1. Ոստիկանի զեկուցագիր, ով փաստում է, որ միջադեպից վայրկյաններ առաջ մի երիտասարդ շան հետ ման էր գալիս «Խնկո-Ապոր» գրադարանի մոտ: Շունն առանց դնչկալի էր: Իրեն զգուշացրել են, որ չի կարելի շանն առանց դնչկալի ման տալ, նա ներողություն է խնդրել և երբ մի քանի քայլ հեռացել է, դրանից հետո մոտեցել ենք մենք, վիճաբանել, ինչը վերածվել է խառնաշփոթ իրավիճակի և այլն:
2. Դատարանում ցուցմունք տվեց շան՝ Ջոնիի տերը, ով մեր հարցադրումներին ի պատասխան՝ պնդեց, որ իրեն Կարապի լճի մոտ մոտեցել են 2 ոստիկան և նկատողություն արել շան դնչկալի հետ կապված, և որ ինքը ներողություն է խնդրել, ապա՝ շան հետ հեռացել: Մեր հարցին, թե վայրկյաններ անց որևէ միջադեպ նկատե՞լ է նույն ոստիկանների և քաղաքացիների մասնակցությամբ, պատասխանեց, որ Կարապի լճի մայթով իջել է դեպի Տերյան-Թումանյան խաչմերուկը, ետ շրջվել և քաշքշուկ տեսել: Հարցին, թե ո՛ր մասում էր քաշքշուկը, ասաց՝ Կարապի լճի ափին՝ այնտեղ, որտեղ իրեն նկատողություն էին արել:
Հիմա տեսեք, թե ինչ է ապացուցվում. Կարապի լճի ափին որևէ միջադեպ տեղի չի ունեցել. այն տեղի է ունեցել դիմացի՝ «Խնկո-Ապոր» գրադարանի մայթին: Նույնիսկ հետագայում միջադեպը Կարապի լճի կողմի մայթ չի տեղափոխվել: Դա իրենց ցուցմունքներով հաստատել են նաև ոստիկանները՝ վկա, թե՝ իբր տուժող: Ձեզ մոտ հարցեր պիտի առաջանան ՝ նախ, ինչու է հորինվել շան դնչկալի պատմությունը, երկրորդ՝ արդյո՛ք միայն շան պատմությունն է հորինված ամբողջ քրգործում. եթե այո, ապա ինչ նպատակով, եթե ոչ, ապա՝ է՛լ որ դվագն է հորինված: Ես ունեմ սպառիչ պատասխան. ինձ և իմ ընկերներին առաջադրված մեղադրանքներն ապացուցող փաստերը սկզբից մինչև վերջ հորինված և հարմարեցված են իրենց պատվերներին: Վկաներից մեկը՝ տաքսու վարորդը, ով մեկ ակնթարթ իր մեքենայով անցնելիս է եղել, տեսել ու լսել է ամեն ինչ, ինչպես ինքն էր պնդում. նույնիսկ անունս է հիշում, բայց դատարանում չկարողացավ իր մեքենայի գույնն ու պետհամարանիշները հիշի: Դա ի՞նչ է նշանակում: Ինչո՞ւ են կեղծիքի հիման վրա քրգործ հարուցել: Ի դեպ, Ջոնին՝ առանց դնչկալի շունը, «լսեց» այս պատմությունն ու որոշեց սատկել. չկա այլևս: Հանկարծամա՞հ եղավ: Չնայած՝ մտածել են՝ «Արմենիկում»-ով ամբողջ աշխարհն ենք զարմացրել, ուր մնաց՝ առանց դնչկալի Ջոնի-ով մի պստլիկ Հայաստան չկարողանանք զարմացնել: Մարտի 1 տեսած ազգին դնչկալով կզարմացնե՞ս, երբ իշխանություններն ասում էին՝ 50 ժամից ավել տեսագրություններ կան մարտի 1-ի դեպքերի հետ կապված: Չգիտես՝ ով մեքենայի հետևից դուրս էր գալիս և կրակում ոստիկանների վրա: Բա ու՞ր է. բացահայտե՞ց:
Մարտի 1-ին թափված արյան համար դեռ պատասխան չտված քո մարդասպանները սպանեցին Վահե Ավետյանին: Ոչինչ էլ չի բացահայտվի, քանի դեռ դու ես ՀՀ նախագահը, Սերժ Սարգսյան: Կարող ես ցմահ բանտարկել. մենք դրանից չենք կաշկանդվում: Ոչ թմրամոլ ենք, ոչ՝ գող, ոչ՝ խուլիգան. ընդամենը առանց զենքի պայքարում ենք զինված մարդասպանների դեմ:
Սիրուն չի՛, Սերժիկ»:
Օգոստոսի 13-ի առավոտից Իրանում գրանցվել է ստորգետնյա 4 ցնցում: Հայաստանի ԱԻՆ-ի փոխանցմամբ, առաջին ցնցումը գրանցվել է Երևանի ժամանակով ժամը 06:19-ին` Թավրիզ քաղաքի շրջակայքում` 20 կմ խորության վրա:
4,6 մագնիտուդով երկրորդ ցնցումը գրանցվել է Թավրիզի շրջակայքում ` ժամը 08:19-ին:
Հետագայում ժամը 12:59:25-ից մինչև 12:59:55 ընկած ժամանակահատվածում գրանցվել է ևս 2 ցնցում` 4.1 և 4.2 մագնիտուդ ուժգնությամբ:
Օգոստոսի 12-ին, ժամը 20.50-ին ահազանգ է ստացվել, որ Սևանա լճի «Իշխան» լողափից մոտ 5 մ հեռավորության վրա տղամարդ է ջրահեղձվել:
ԱԻՆ լրատվական ծառայությունից հայտնում են, որ դեպքի վայր են մեկնել փրկարարական ուժերի վարչության հատուկ ջրափրկարարական ջոկատի ջրափրկարարները: Ջրափրկարարները դուրս են բերել ԼՂՀ Նոր Այգեստան գյուղի բնակիչ` 29-ամյա Ժ. Պողոսյանի դին:
Ի նշանավորումն Հայոց Բուն Տոմարի 4504 ամյակի և հայ գրատպության 500-ամյակի «Սերունդ» հայապահպան միավորում, Հայ խոհարարակական ավանդույթների զարգացման և պահպանման հասարակական կազմակերպությունները ու «Դար» մշակութային հիմնադրամը նախաձեռնել էին Նավասարդ — Թոնրատոն փառատոնը,որն անցկացվեց առաջին անգամ Հայաստանում:10-11-ին՝ Նավասարդի տոնին, Գեղարքունիքի մարզի Ծաղկունք գյուղի Խաչի դոշ կոչվող բարձունքում` Սուրբ Սարգիս մատուռի (7-րդ դար) եկեղեցու (2006թ) հարևանությամբ: |
Տեղադրված էին թոնիրներ, որոնցում պատրաստվում էին ավանդական և ժամանակակից բաղադրատոմսերով ուտեստներ: Ըստ «Հայ խոհարարական ավանդույթների զարգացում և պահպանում» հասարակական կազմակերպության նախագահ Սեդրակ Մամուլյանի թոնրի տոն կազմակերպելու գաղափարը ծնվեց այն բանից հետո, երբ 2011թ. աշնանը ՅՈՒՆԵԿՍՕ-ն քաշիկա ուտեստը, որը հայկական հայտնի հարիսայի տարբերակներից մեկն է, ներառեց Թուրքիայի ոչ նյութական մշակութային ժառանգության ցանկում:
Թոնրատոնը տևեց երկու օր՝ Սևանի տարածաշրջանի Ծաղկունք գյուղում. «Առաջին գիշերը Արագածի վրա կրակ էր վառվել, ապա այդ կրակը տարել են Ծաղկունք գյուղ վառելով 8 ավանդական թոնիրները:
Եղան նավասարդյան խաղեր և թոնրի մեջ ու վրա պատրաստվող բոլոր կերակրատեսակների ցուցահանդես-համտես»:
Օրվա խորհուրդը ու միջոցառման բուն նպատակը ներկայացրեց պատմաբան Արտակ Մովսիսյանը:
Այնուհետև գեղեցիկ ելույթներով հանդես եկան տարբեր ազգագրական համույթներ, անհատ երգիչ կատարողներ (Արսեն Համբարյան,Վարուժ Աղաջանյան,Մարաթուկ երգի և պարի պետական անսամբլ,Կարին ազգագրական պարի համույթը) մարզական և մշակութային կազմակերպություններ:
Միջոցառմանը կից գործում էր գյուղմթերքների ցուցահանդես-վաճառքը:
Փառատոնի ընթացքում ներկայացված էին նույն գյուղի բնակչուհի 14 տարեկան Գայանե Կարապետյանի բազմաոճ ու բազմաբովանդակ գոբելենի աշխատանքները:
Փառատոնն գեղեցիկ ու յուրահատուկ էր կազմակերպված, մի պահ կարծես մասնակիցները տեղափոխվեցին Միջնադարյան Հայաստան:
Այս տոնը նպատակ ունի միավորելու հայոց միասնականության արարչագործության և հաղթանակի գաղափարները,առաջնորդելու ապագա սերունդներին դեպի մեր ժողովրդի նախասկզբնական վեհությունը` կատարելատիպ դարձնելով մեր Հայկ Նախահոր ազնվական կերպարը:
Գարիկ Ավետիսյան
ԱՄՆ Պետքարտուղար Հիլարի Քլինթոնն ու Թուրքիայի արտգործնախարար Ահմեթ Դավութօղլուն Ստամբուլում կայացած հանդիպման ընթացքում պայմանավորվել են Սիրիայում ճգնաժամի հարցով աշխատանքային խումբ ստեղծել, որը կզբաղվի երկրում հնարավոր տարբեր սցենարների վերլուծությամբ, այդ թվում` եթե կառավարական զորքը քիմիական զենք օգտագործի իր հակառակորդների դեմ: Այս մասին հայտնում է «ՌԻԱ Նովոստին» ` հղում տալով «Ասոշիեյթիդ պրես»-ին:
«Հակամարտության ողջ ընթացքում մենք եղել ենք միմյանց հետ մշտական կապի մեջ, սակայն այժմ մեզ անհրաժեշտ է խորանալ նման օպերացիոն պլանավորման դետալների մեջ: Այն պետք է տարվի երկու երկրների կառավարությունների կողմից»,- ընդգծել է Քլինթոնը:
«Ֆրանս Պրես» գործակալության փոխանցմամբ, Քլինթոնը նշել է, որ ներկայում ԱՄՆ-ի ու Թուրքիայի նպատակը պետք է լինի Սիրիայի նախագահ Բաշար Ասադի ռեժիմի մոտալուտ ավարտը:
«Օպերացիոն պլանավորումը պետք է մոտեցնի արյունահեղության ու Ասադի ռեժիմի ավարտը: Սա մեր ռազմավարական նպատակն է»,- ասել է Քլինթոնը:
Քլինթոնն այն կարծիքն է հայտնել, որ Սիրիան կարող է թաքստոց դառնալ Քրդստանի աշխատավորական կուսակցության մարտիկների համար:
Արևմուտքն ու մի շարք երկրներ ՄԱԿ-ի Անվտանգության խորհրդի օգնությամբ ցանկանում են, որ Բաշար Ասադը հեռանա: Նրանց կարծիքով, դա վերջ կդնի արյունահեղությանը: Իսկ Ռուսաստանն ու Չինաստանը գտնում են, որ միջամտելով Սիրիայի ներքին գործերին` արտաքին ուժերն ավելի կսրեն իրավիճակը:
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.