Ադրբեջանում տեղի ունեցած նախագահի երդմնակալության արարողությանն Ալիևն արդեն ուղիղ հայտարարեց, որ եթե Հայաստանն իր սահմանադրությունում փոփոխություններ չմտցնի, ապա «խաղաղության պայմանագիր» չի ստորագրվի, գրել է ԱԺ «Պատիվ ունեմ» խմբակցության պատգաամավոր Տիգրան Աբրահամյանը։

«Թե քանի նախապայման է Ադրբեջանն առաջադրել 2018-24 թթ.-ի ընթացքում, արդեն անհիշելի է:

Փաշինյանի իշխանությունը 2018 թվականից, նույն դեմքով, անընդհատ խոսում է այն մասին, որ այս կամ այն պահանջի կատարումը խաղաղության հնարավորություն կստեղծի:

Սակայն ՀՀ իշխանությունն ամեն անգամ կատարում է ադրբեջանական պահանջները, զուգահեռ պատերազմ ստանում, հազարավոր կորուստներ գրանցում, իսկ հետո ճիշտ նույն դեմքով համոզում հանրությանը, որ կրկին ստիպված են երկիրը տանելու նոր կորուստների ճանապարհով:

Փաշինյանն ամեն դեպքում մի հարցում անկեղծ է: Ասում է` եթե նույնիսկ այս փուլում դրված պահանջներն էլ կատարենք, մեկ է` խաղաղության երաշխիք չկա, ինքն էլ ինչպես միշտ ո´չ մեղավոր է լինելու, ո´չ էլ պատասխանատվություն կրելու»,- գրել է Տիգրան Աբրահամյանը:

«Ինչքան էլ Հայաստանը պաշտպաններ ունենա, մեզ ոչ ոք չի կարող կանգնեցնել»,- ադրբեջանական լրատվամիջոցների փոխանցմամբ՝ այս մասին  երդմնակալության արարողության ժամանակ ասել է Իլհամ Ալիևը։

«Մենք Հայաստանի տարածքի նկատմամբ պահանջ չունենք, բայց իրենք էլ պետք է հրաժարվեն իրենց պահանջներից։ Մեզ հետ անհիմն պնդումների ու շանտաժի լեզվով խոսելը նրանց թանկ կարժենա, և դա հավանաբար բոլորն են տեսնում։ Եթե մեր նկատմամբ տարածքային պահանջներին վերջ չդնեն, եթե Հայաստանը իր օրենսդրությունը չվերադարձնի բնականոն հուն, ապա, բնականաբար, խաղաղ պայմանագիր չի լինի»,- հայտարարել է Ալիևը։

Հայաստանի Հանրապետության սիրելի բնակիչներ, ստացվեց այնպես, որ ես էկոնոմիկայի նախարարի պաշտոնում այլևս չեմ ծառայելու Ձեզ։ Այս 3-ից ավելի տարվա ընթացքում աշխատել եմ անմնացորդ նվիրվածությամբ, լցված սիրով Հայաստանի յուրաքանչյուր բնակչի նկատմամբ։ Աշխատել եմ շաբաթական առնվազն վեց օր, միջինում առավոտվա 8-ից երեկոյան 9-ը, երեք տարվա ընթացքում ընդհանուր առմամբ 15-16 օգտագործված արձակուրդային օրերով։ Իմ աշխատանքի յուրաքանչյուր օրը ապրել եմ օր առաջ հզոր Հայաստան ունենալու գերիշխող մղումով։ Եղել եմ վճռական, ազնիվ ու նվիրված հայրենիքին։ Այդ մասին ասված է ՀՀ էկոնոմիկայի նախարար Վահան Քերոբյանի Ֆեյսբուքի էջում:

«2020թ համեմատ 2023թ Հայաստանի ՀՆԱ-ն ԱՄՆ դոլարով աճել է մոտ 100%-ով, իսկ ՀՀ դրամով` մոտ 50%-ով։

Հայաստանը մեկ շնչին բաժին ընկնող ՀՆԱ-ի ցուցանիշով այս ընթացքում 112րդ տեղից բարձրացել է 86-րդը, մենք այս ցուցանիշով առաջին անգամ անցել ենք Ադրբեջանին, Բելառուսին, բազմաթիվ այլ երկրների։ Էկոնոմիկայի նախարարության բյուջետավորված ծրագրերը 2019-ի 12.5 մլրդ դրամից աճել են 91 մլրդ դրամի` 2024թ համար։ Կտրուկ աճել է աշխատանքի արտադրողականությունը, ներդրումների ծավալը, Հայաստանին արտաքին առևտրաշրջանառությունը։

Երբ 2020թ նոյեմբերի 20-ին ստանձնում էի նախարարի պաշտոնը, մեծ էր հավանականությունը, որ մի քանի օր կամ ամիս կմնամ այդտեղ. իշխանափոխության հավանականությունը շատ մեծ էր։ Այս ժամանակահատվածում բազմաթիվ անհամաձայնությունների պատճառով բազմիցս ուզեցել եմ լքել այս աշխատանքը, սակայն ստորադասել եմ իմ անձը, որպեսզի առավելագույնի հասցնեմ իմ ծառայության արժեքը իմ երկրին։

Շնորհակալ եմ վարչապետին իմ երկրին ծառայելու այս հնարավորության համար»,- նշված է գրառման մեջ։

Վլադիկավկազի բնակիչը, ով «Ջերմուկ» հանքային ջրի չբացված շշից քացախ խմելուց հետո կերակրափողի այրվածք էր ստացել, մահացել է։ Աս մասին իր Telegram ալիքում հայտնել է Հյուսիսային Օսիայի ղեկավար Սերգեյ Մենյայլոն։

«Ցավոք սրտի, մի տղամարդ, ով նախորդ օրը հանքային ջրի շշի մեջ եղած հեղուկը խմելուց հետո այրվածք էր ստացել կերակրափողում, մահացել է հիվանդանոցում։

Իրավապահ մարմինները և Ռոսպոտրեբնադզորը շարունակում են պարզել կատարվածի բոլոր հանգամանքները, և կատարվում են անհրաժեշտ քննչական գործողություններ»,- գրել է նա։

Հիշեցնենք, որ ավելի վաղ հաղորդվել էր՝ «Ռոսպոտրեբնադզորը» դադարեցնում է «Ջերմուկ» ապրանքանիշի ջրի որոշակի խմբաքանակների վաճառքը՝ անվտանգության ստուգման նպատակով։

«2024 թվականի փետրվարի 12-ին ստացված տեղեկատվության առնչությամբ, ըստ որոնց, Վլադիկավկազի բնակչուհին «Ջերմուկ» ապրանքանիշի հանքային ջուր խմելուց հետո կերակրափողի շրջանում այրվածքներ է ստացել, «Ռոսպոտրեբնադզորը» դադարեցնում է Ջերմուկ հանքային ջրի որոշ խմբաքանակների վաճառքը»,-ասվում է հաղորդագրության մեջ։

Սննդի անվտանգության տեսչությունը ռուսական կողմից պաշտոնական տեղեկատվություն դեռ չի ստացել «Ջերմուկ գրուպի» արտադրանքի հետ կապված։

Այս մասին «Փաստինֆո»-ի հետ զրույցում ասաց ՀՀ սննդամթերքի անվտանգության տեսչական մարմնի իրազեկման, խորհրդատվության և հանրության հետ տարվող աշխատանքների բաժնի պետ Անուշ Հարությունյանը։

«Որքան հասկանում եմ հաղորդագրություններից, այնտեղ լաբորատոր փորձաքննությունները դեռ ավարտված չեն, որպեսզի իրենք կարողանան մեզ տեղեկատվություն ուղարկել։ Իրականում կա այն ինչ կա, ընկերությունն էլ հայտարարություն է տարածել և նաև մեզ են տեղեկատվություն տվել, որ իրենք 2001 թ-ից արտադրանքն արտահանում են ՌԴ և արտահանման ծավալներն անընդհատ ավելանում են և որևէ անգամ որևէ խնդրի չեն հանդիպել։

Հիմա պետք է սպասել, որ իրենք փորձաքննություններն ավարտեն , մեզ պաշտոնական տեղեկատվություն տան, որից հետո մենք հայտարարությամբ հանդես կգանք»,- նշել է Հարությունյանը։

Հարցին, թե արդյոք այստեղ՝ Հայաստանում, մտադիր են ստուգել «Ջերմուկի» որակը՝ նա արձաանքեց, որ տեսչությունը վերահսկողական գործողություններ իրականացնում է իրենց ստուգումների տարեկան ծրագրի հիման վրա։ «Տարեկան ստուգումների ընթացքում որևէ խնդիր չի հայտնաբերվել, իսկ մնացած ստուգումները կարող ենք անել միայն բողոքի հիման վրա, իսկ բողոք չենք ստացել»։
Դիտարկմանը, թե արդյոք ՌԴ-ից հնչող ահազանգերը բողոք չեն՝ տիկին Հարությունյանը պարզաբանեց, որ բողոք կարող է լինել միայն լաբորատոր փորձաքննության արդյունքը, որը ՌԴ-ն կտրամադրի։

Հիշեցնենք, որ «Ռոսկոմնադզորը» այսօր հայտարարել էր «Ջերմուկ» ապրանքանիշի ջրի որոշակի խմբաքանակների վաճառքը ժամանակավորապես դադարեցնելու մասին՝ անվտանգության ստուգման նպատակով։

Ավելի վաղ հայտնի էր դարձել, որ Վլադիկավկազի բնակիչը երեկ «Ջերմուկ» ապրանքանիշի հանքային ջուր խմելուց հետո կերակրափողի շրջանում այրվածքներ է ստացել, որի կյանքը փրկել չի հաջողվել։

Վաճառքի կասեցումը կազդի 0,5 լիտրանոց ապակե տարաներով 2023 թ. դեկտեմբերի 28-ից մինչև 2024 թ. փետրվարի 12-ը ՌԴ ներմուծված ապրանքների վրա՝ 2023 թվականի դեկտեմբերի 28-ի արտադրության ժամկետով։

Պատգամավոր Թագուհի Թովմասյանը գրել է․

«Նիկոլ Փաշինյանի իշխանությունը ստախոսության նոր ռեկորդներ է սահմանում: ՀՀ քաղաքացիներին խաբելով, սուտ պայքարի իմիտացիաներով իշխանության գալով, Նիկոլ Փաշինյանն ու իրեն շրջապատող կիսատառաճանաչները հիմա էլ վարդենիսցիներին են խաբում:

Երեկ բազմաթիվ քաղաքացիներ զայրացած փակել էին Վարդենիսի ավտոճանապարհը՝ դժգոհելով, որ պետական մարմինները հերթով փակվում են Վարդենիսում և վերջինը անձնագրային ծառայությունն է:

Ե՛ւ մարզպետը, և՛ անձնագրային ծառայության պատասխանատուները, և՛ Նիկոլ Փաշինյանը քաղաքացիներին մոլորեցնող հայտարարություններ են անում այս օրերին: Իսկ իրականությունը, ինչպես միշտ, այլ է:

Այս տարվա հունվարի 23-ին գրությունով պարզաբանում էի պահանջել ՀՀ ՆԳՆ Վահե Ղազարյանից, թե ինչու են փակվում Վարդենիսի և Ճամբարակի անձնագրային ծառայությունները համայնքներում, նաև ներկայացրել էի, թե ինչ վատ ազդեցություն է ունեցել այդ որոշումը հանրության շրջանում:

Օրերս ստացել եմ նախարարի գրավոր պարզաբանումը, որտեղ սևով սպիտակի վրա գրված է, որ օպտիմալացվելու են անձնագրային ծառայությունները սահմանամերձ համայնքներից.

«…նախաձեռնվել է ստորաբաժանումների օպտիմալացում՝ թիվը 63-ից հասցնելով 47-ի. հաշվի են առնվել հետևյալ գործոնները.

— տարածքային ստորաբաժանումների բաշխվածությունը, աշխարհագրությունը, սպասարկման ծածկույթը՝ ըստ բնակչության թվի,

— քաղաքացիական ծառայության պահանջը, ըստ որի՝ 4 և ավելի աշխատակիցների քանակ է պահանջվում ստորաբաժնման ձևավորման համար, մինչդեռ մարզերում առկա էին 2-3 հոգուց բաղկացած խմբեր:

Գործընթացը կիրականացվի ընթացիկ տարում փուլային եղանակով: Այն համայնքներում, որտեղ նախատեսված է օպտիմալացում, զուգահեռաբար մշտադիտարկում կարվի: Անհրաժեշտության դեպքում շրջիկ ծառայության միջոցով պարբերաբար ծառայություններ կմատուցվեն Հայաստանի տարբեր համայնքներում»:

Պարզ գրված է, որ անձնագրայինը փակվելու է, քանի որ Վարդենիսի անձնագրային ծառայությունում 3 աշխատակից էր աշխատում: Էլ ի՞նչ եք խաբում մարդկանց, բառախաղ անում, թե օնլայն, մեկ պատուհան եւ այլն: Անձնագրային ծառայությունները փակվելու են և՛ Վարդենիսում և՛ Ճամբարակում.

Սա՛ է իրականությունը։

Կից ներկայացնում եմ պաշտոնական պատասխանը:

Բացարձակ անթույլատրելի և ստորացուցիչ է այն, որ Հայաստանի իշխանությունը արդարանում ու «մեղա է գալիս» Ադրբեջանի առաջ, թե երեկ Սյունիքում` Ներքին Հանդի հատվածում, իբր միջադեպ է եղել, և իրենք դա պարզում, քննություն են իրականացնում: Այս մասին Facebook-ի իր էջում գրել է նախկին ՄԻՊ Արման Թաթոյանը:

Նա նաեւ նշել է. «Սա միանշանակ ադրբեջանական օրակարգ է: Այսինքն՝ ի՞նչ է ստացվում. ադրբեջանական զինված ծառայողները ներխուժել են մեր երկրի տարածք, և հիմա դեռ մենք պետք է քննենք, թե մեր տարածքում ադրբեջանցիների հանդեպ ի՞նչ մեղք ենք գործել:

Բա ու՞ր մնաց իրողությունը, որ ադրբեջանական զինված ծառայողների ներկայությունն ի սկզբանե անօրինական, հանցավոր է:

Նրանք դեռ 2020թ. 44-օրյա պատերազմի ընթացքում` հոկտեմբերի 20-ին են ներխուժել Ծավ գյուղի հարևանությամբ տարածքներ, իսկ 2021 թվականին ու դրանից հետո ընդլայնել են ներխուժումների աշխարհագրությունը:

Ներքին Հանդը շրջափակել են 3 կողմից, կրակում են գյուղերի ուղղությամբ, մարդկանց զրկել են խմելու ջրից, ապրուստի միջոց վաստակելու, հարազատների շիրիմներին ու եկեղեցի այցելելու հնարավորությունից, անհնարին են դարձրել մարդկանց կյանքը:

Հայաստանի զինծառայողներն ամեն րոպե պաշտպանում են մեր ժողովրդի կյանքն ու առողջությունը:

Սա պետք է լինի հայկական կողմի օրակարգն ու հավատամքը, այլ ոչ թե Ադրբեջանի թելադրածը»:

Նշենք, որ ֆեյսբուքյան օգտատեր Աուրիկա Օսիելսկին նախօրեին գրել էր «Ջուլիս»  սրճարանում տեղի ունեցած թունավորման մասին՝ նշելով, որ ուշքի է եկել միայն յոթերորդ օրը։

«Նախաճաշին կերել ենք «Բենեդիկտ» ձու սաղմոնով, ձվածեղ և երկու սուրճ: Թունավորումը ամենածանր ձևով՝ տենդ, ջերմություն, ցնցումներ, ամենադաժան սպազմ, անթիվ փսխումներ, աննախադեպ լուծ։ Շտապօգնությունը երկու անգամ եկավ, վերջում մենք հայտնվեցինք ինֆեկցիոն հիվանդանոցում՝ ջրազրկված, կիսաուշաթափ վիճակում՝ սոսկալի նոպաներով, որ ցավից լացում ու գոռում էի։ Մեկ օր անց մեր բաժնում արդեն 6 հոգի կային, որոնք նույն սրճարանում սնվել էին»,- գրել է նա։

Կրթության ոլորտի փորձագետ Անահիտ Բախշյանը բաց նամակ է գրել վարչապետ Նիկոլ Փաշինյանին․

«Երևանի Դերենիկ Դեմիրճյանի անվան դպրոցում մասնակցեցի ԱՐՑԱԽԻ ՀԵՐՈՍ ԱԼԵՆ ՄԱՐԳԱՐՅԱՆԻ ԱՆՎԱՆ ԴԱՍԱՍԵՆՅԱԿԻ ԲԱՑՄԱՆԸ: Անչափ հուզված ու տխուր վերադարձա ու լրատվությունն էի փորփրում, մեկ էլ մի տեղ կարդացի, որ դուք ասել եք. Հայաստանի Հանրապետության թիվ 1 հերոսը աշխատող եւ հարկ վճարող քաղաքացին է: Մտքումս մի շառաչուն ապտակ տվեցի ձեզ (հուսամ որպես քաղբանտարկյալ ինձ չեք դատի), չնայած լավ հասկանում եմ նաև ձեր հիմնավորումը, բայց այդ պահին աչքիս առաջով անցան մեր երրորդ հանրապետության բոլոր հերոսները, որոնց շնորհիվ այսօր կանք և որոնց բացակայության պատճառով դուք եք մեր ՊԵՏՈՒԹՅԱՆ ԳԼՈՒԽՆ ու այս օրին ենք այսօր:

Հասկացա՞ք ում նկատի ունեմ՝ ԱԶԳԱՅԻՆ ՀԵՐՈՍՆԵՐ ՎԱԶԳԵՆ ՍԱՐԳՍՅԱՆԻՆ և ԿԱՐԵՆ ԴԵՄԻՐՃՅԱՆԻՆ: Չնայած ինչո՞ւ եմ զարմանում: Վստահ եմ, որ 2018-ին Ազգային ժողովի թանգարանի բացմանը եղել եք ու չեք տեսել, որ այդ թանգարանում ոչինչ չկա ցուցադրված 1999թ. հոկտեմբերի 27-ին ԱԺ դահլիճի ահաբեկչության վերաբերյալ, այսինքն չկան նույնիսկ նշածս հերոսների նկարները:

Թե ինչո՞ւ չեք տեսել թանգարանի այդ լուրջ բացը, հիմա հասկացա: Նրանք ձեր հերոսները չեն: Ո՞նց եք այդքան արժեզրկում ՀԵՐՈՍ ԲԱՌԸ, գուցե նրանից է, որ ինչպես դուք, այնպես էլ ձեր քաղաքական որոշ թիմակիցներ չե՞ք ծառայել ու չեք պատկերացնում, թե ինչպես կարող է մարդ կյանքը զոհել հանուն ՀԱՅՐԵՆԻՔԻ, հանուն ՊԵՏՈՒԹՅԱՆ: Փաստորեն դուք հարկատուին, ով պարտավորված իր քսակի մի փոքր մասը տալիս է պետությանը, գերադասում եք իր 21-ամյա կյանքը տված ԱԼԵՆ ՄԱՐԳԱՐՅԱՆԻ՞Ց, ով տաղանդավոր երիտասարդ էր, արդեն ընդունվել էր ԲՈՍՏՈՆԻ ՀԱՄԱԼՍԱՐԱՆ և ուներ հնարավորություն բանակ չզորագրվելու, բայց որոշեց ՀԱՅՐԵՆԻՔԻՆ ԾԱՌԱՅԵԼ ու հետո շարունակել կրթությունը՞:

Դուք ի՞նչ բարոյական իրավունքով եք շարունակելու ղեկավարել մեր ՊԵՏՈՒԹՅՈՒՆՆ ու ՊԵՏԱԿԱՆՈՒԹՅՈՒՆԸ, որի առաջ ծառացած օրհասական խնդիրներ կան հատկապես ԲԱՆԱԿԻ ու ՍՊԱՍՎՈՂ ՊԱՏԵՐԱԶՄԻ ՀԵՏ ԿԱՊՎԱԾ: Ձեր այդ մի անբովանդակ արտահայտությամբ արժեզրկում եք թե՛ ՀԱՅՈՑ ՊԵՏՈՒԹՅՈՒՆԸ, թե՛ ՊԵՏԱԿԱՆՈՒԹՅԱՆ ՏԵՍԼԱԿԱՆԸ, գրողը տանի: Իսկ ամենացավալի փաստն ինձ համար այն է, որ ձեր այս արտահայտությունից հետո առավել վտանգված եմ տեսնում մեր ՊԵՏՈՒԹՅԱՆ ԱՊԱԳԱՆ այն դեպքում, երբ ինքս ժողովրդավար պետության հավատավորն եմ, հավատացել եմ «թավշյա» հեղափոխությանը:

Միշտ հիշում եմ. Յուրան իր հարցազրույցներից մեկում ասել էր, որ արդար, հզոր ՊԵՏՈՒԹՅՈՒՆ ՈՒՆԵՆԱԼՈՒ ՀԱՄԱՐ ԺՈՂՈՎՐԴԱՎԱՐՈՒԹՅՈՒՆԸ ՈՉ ԹԵ ՆՊԱՏԱԿ ՊԻՏԻ ԼԻՆԻ, այլ՝ միջոց: Իհարկե, Ձեր ու Յուրայի ազգային արժեհամակարգը շատ տարբեր են: Յուրան ՆԺԴԵՀԱԿԱՆ ԷՐ, իսկ դուք ձեր թիմակիցների հետ չգիտեմ ինչական եք»,- գրել է Բախշյանը:

Տելեգրաֆի լրագրողը իկոլին հարցնում է՝ Պուտինին ձերբակալելու հրաման կտա՞ս, եթե գա Հայաստան (Միջազգային Քրեական Դատարանի որոշման հիման վրա): Սա պատասխանում է, թե իրավապահ, քննչական և դատական մարմինները անկախ են, և նա նրանց հրահանգներ չի տալիս: Այս մասին ֆեյսբուքում գրել է Պետական կառավարման մասնագետ, տնտնեսագետ Հովհաննես Ավետիսյանը.

«Բացարձակ սուտ: Իհարկե մենք հիշում ենք, թե ինչպես ԱԱԾ-ն ու Ոստիկանությունը տարավ մտցրեց իր ենթկայության տակ: Իհարկե գիտենք բազմաթիվ քաղաքական հետապնդումներն ու կալանքների մասին, որը միջազգային հանրույթը առայժմ չի ուզում տեսնել:

Սրան ի պատասխան բրիտանացի լրագրողը հարցնում է՝ այսինքն, որ Պուտինը գա, դուք նրան չեք կարողանալու՞ անվտանգության երաշխիքներ տալ և ասելու՞ եք դրա մասին նրան:

Սրան ի պատասխան իկոլը ասում է՝ ՎՎՊ-ն իմ խորհուրդների կարիքը չունի:

Ու այս ստախոսությունների շարանին ի պատասխան հետևում է ռուսների քայլը՝ պատկերված նկարում:

Քանի այս մարդը մեր երկրի ղեկավարի պաշտոնին է Հայաստանը և հետևաբար մենք լավ օրի չենք լինելու»:

Մագնիսական փոթորիկը երկրին կանդրադառնա փետրվարի 13-ին և կտևի երկու օր, հաշվարկների համաձայն՝ այն ուժեղ չի լինի, բայց «հնարավոր են անակնկալներ», կա հյուսիսափայլի հավանականություն, ՌԻԱ Նովոստիին հայտնել է Ռուսաստանի գիտությունների ակադեմիայի ՌԴ Գիտությունների ակադեմիայի տիեզերական հետազոտությունների ինստիտուտի արեւային աստղագիտության լաբորատորիայի ղեկավար Սերգեյ Բոգաչևը:

«Լաբորատորիայի հաղորդագրությունների համաձայն՝ փետրվարի 10-ին և 11-ին Արեգակից նյութի մեծ զանգվածներ են արտանետվել, որոնք, ըստ ճշտված տվյալների, Երկիր կհասնեն երկուշաբթի լույս երեքշաբթի գիշերը։

Նախնական կանխատեսմամբ սպասվում է գեոմագնիսական իրադրության երկարատև վատթարացում՝ մոտ երկու օր տևողությամբ, որը կազդի փետրվարի 13-ին և 14-ին», — հայտնել է Բոգաչեւը ։