Հայաստանը պետք է իմանա, որ միակ ճանապարհը Ադրբեջանի բոլոր պայմաններն ընդունելն է։

Այս մասին Իլհամ Ալիևն ասել է փետրվարի 26-ին օկուպացրած Արցախի Ասկերանի շրջանի Իվանյանում իր բնակիչների հետ հանդիպման ժամանակ։

««Հայաստանը, որը փորձում է նոր տեր գտնել՝ շտապելով ինչ-որ մեկի գիրկը» (չակերտները՝ Tert.am), պետք է իմանա, որ իր միակ ճանապարհը Ադրբեջանի բոլոր պայմաններն ընդունելն ու «Ադրբեջանի նկատմամբ տարածքային պահանջներից հրաժարվելն է»» (չակերտները՝ Tert.am),- նշել է Ալիևը։

Թուրքիան չի բացի Հայաստանի հետ սահմանը, քանի դեռ Ադրբեջանի և Հայաստանի միջև բոլոր խնդիրները չեն լուծվել. Ինչպես հաղորդում է ԱՊԱ-ն, այս մասին հայտարարել է Թուրքիայի Ազգային մեծ ժողովի պատգամավոր, թուրք-ադրբեջանական միջխորհրդարանական բարեկամության խմբի ղեկավար Շամիլ Այրիմը։

Թուրք պատգամավորն ասել է, որ «Հայաստանը պետք է փոփոխի իր Սահմանադրությունը, որն արտացոլում է իր տարածքային հավակնությունները Ադրբեջանի և Թուրքիայի նկատմամբ, հակառակ դեպքում նման պետության հետ խաղաղությունն անհնար կլինի»։ Նրա խոսքով, Ադրբեջանը և Թուրքիան ուշադիր հետևում են այս գործընթացին։

Հիշեցնենք, որ հենց Ադրբեջանի Սահմանադրությունն է տարածքային պահանջներ պարունակում Հայաստանի նկատմամբ՝ նկատի ունենալով ժամանակակից Հայաստանի ՈՂՋ տարածքը։ Սակայն Ադրբեջանը դեռևս չի ծրագրում որևէ բան փոխել կամ ճա

ԱԺ-ում լրագրողները  ՆԳ նախարար Վահե Ղազարյանից հետաքրքրվեցին, թե ինչպես ստացվեց, որ Ռուսաստանի հայ քաղաքացու սպանության մեջ մեղադրվող և միջազգային հետախուզման մեջ գտնվողն ադրբեջանցուն ընդամենը 2 ժամվա ընթացքում փոխանցեցին Բաքվին:

«Հարցում են արել, պատասխանել ենք և չենք ուշացրել: «Դա ընթացակարգ է, որից մենք չենք շեղվել: Եթե իրենք հանցագործին բռնում են, մեզ հարցում են անում, մենք էլ պատասխանում ենք, թե իրականում նա մեր կողմից հետախուզվում է, թե ոչ: Բոլոր անձնաց վերաբերյալ, որոնց նկատմամբ հայտարարված է հմիջազգային հետախուզում, պարտավոր ենք այդ հարցմանը պատասխանել: Նույնն էլ իրենք: Մենք նույն օրը ստացել ենք, անմիջապես էլ պատասխանել ենք»,-ասաց նա՝ չկարողանալով պատասխանել հարցին, թե այն պահին, երբ իրենք պատասխան էին ուղարկում ՌԴ, ադրբեջանցին արդեն ազա՞տ էր արձակվել, թե ոչ:

France 24-ին տված հարցազրույցում Փաշինյանը հայտարարել է, որ Հայաստանի մասնակցությունը Հավաքական անվտանգության պայմանագրին (ՀԱՊԿ), որտեղ գերակայում է Մոսկվան, «սառեցված է»։

Միաժամանակ Փաշինյանը հաստատել է, որ ռուսական ռազմաբազան պահպանելու հարցը Հայաստանի օրակարգում չկա։ Այս և այլ հարցերի վերաբերյալ փորձեցինք ռուսական կողմի կարծիքն իմանալ:

ArmLur.am-ը խոսել է ռուս քաղաքագետ Մոդեստ Կոլերովի հետ. ով պնդում է, որ Ռուսաստանը Հայաստանին այլևս բարեկամ չի համարում, սակայն պաշտոնապես ժամանակ չունի դրա մասին հայտնելու՝ ավելի կարևոր գործերով են զբաղված։

1. Ձեր կարծիքով, սա ի՞նչ հետևանքների կհանգեցնի: Այս հայտարարություններից հետո նախագահ Պուտինը քայլեր կձեռնարկի՞ Փաշինյանին պատժելու համար։

–  Պուտինը հիմա ավելի կարևոր գործերով է զբաղված, քան Փաշինյանին պատժելը։ Իսկ Փաշինյանն արդեն վաղուց է պատժում իրեն ու իր Հայաստանին։ Հայաստանը դե ֆակտո դադարեց լինել ՀԱՊԿ անդամ և այդպիսով մնաց ԱՌԱՆՑ ԳԼԽԱՎՈՐԻ՝ առանց արտոնյալ գներով զենքի։ Մնացած ամեն ինչ ժամանակի հարց է՝ ռուսական զորքերի դուրս բերումը Հայաստանից, Հայաստանի անջատումը միասնական ՀՕՊ-ից և այլն։
France 24-ին տված հարցազրույցում Փաշինյանը նշել է, որ «ռուս պաշտոնյաները կոչ են անում տապալել Հայաստանի օրինական իշխանությունը»։

2. Ինչի՞ մասին է խոսքը։ Ի՞նչ նկատի ունի Փաշինյանը.

– Չգիտեմ։ Ես չեմ կարող կարդալ Փաշինյանի մտքերը:

Օրերս Ռուսաստանը նախ ձերբակալեց, ապա ազատ արձակեց մի ադրբեջանցու, ում համար Հայաստանը հետախուզում էր հայտարարել Հադրութում հայ ծերունու գլխատման համար, իսկ այժմ նա արդեն Բաքվում է։

3. Ինչու՞ Ռուսաստանը նման քայլի դիմելու եւ կալանավորին Հայաստան տեղափոխելու փոխարեն ձերբակալվածին վերադարձրեց Ադրբեջան։

-Ես ամբողջական տեղեկատվություն չունեմ այս հարցի վերաբերյալ։ Փորձից գիտեմ, որ շատ բան կախված է ներկայացված փաստաթղթերի որակից։

4. Ինչպիսի՞ արձագանքներ ու արդյունքներ եք տեսնում նման իրադարձություններից ու քննարկումներից հետո։ Հայ-ռուսական հարաբերությունները վատթարանո՞ւմ են։

– Հիմնական արդյունքը ձեռք կբերվի շատ շուտով, սա Ռուսաստանի և Հայաստանի փոխհարաբերությունները հասցնում է նվազագույնի, եթե ոչ զրոյի։ Գործնականում դա կլինի Հայաստանի դուրս գալը ՀԱՊԿ-ից և ԵԱՏՄ-ից։

ՀՀ վարչապետը հայտարարեց, որ իրեն հատկապես անհանգստացնում է Հայաստանում ռուսական զորքերի կողմից ռուս դասալիք Դմիտրի Սետրակովի առևանգումը։

«Մենք չենք կարող հանդուրժել անօրինական գործողությունները մեր տարածքում».

Վարչապետը հավելեց, որ եթե Երեւանի պահանջները մնան անպատասխան, «հետեւանքներ» կլինեն։

5.Ի՞նչ հետեւանքներ նկատի ունի Փաշինյանը, ի՞նչ եք տեսնում այս տողերի տակ։

– Հուսով եմ, որ Փաշինյանի ամենավատ սպառնալիքը Ռուսաստանին կլինի դիվանագիտական հարաբերությունների խզումը։ Ռուսաստանի հետ պատերազմ սկսելու համար Հայաստանը Ռուսաստանի հետ դեռ ընդհանուր սահման չունի։

Որևէ կասկած չկա, որ Բաքվի բարբարոսական վարչախմբի բոլոր կառուցակարգերը հստակ հրահանգ ունեն Հայաստանի ինքնիշխան տարածքի տեղանունները պաշտոնապես չկիրառելու և դրանք «փոխարինելու» զանազան բարբարոսական տարբերակներով։ Այս մասին իր ֆեյսբուքյան էջում գրել է իրանագետ Վարդան Ոսկանյանը՝ շարունակելով.

«Արհեստածին Ադրբեջանի ՊՆ կոչեցյալի կողմից տարածված հերթական բարբաջանքում ևս ՀՀ Արարատի մարզն անվանվում է ինչ-որ «Դավալուի շրջան», իսկ Երասխավանը՝ ինչ-որ «Արազդայան»։

Սա հստակ ցուցիչ է, որ հենց այժմ Բաքվի բարբարոսական վարչախումբը մեր դեմ վարում է իր ծավալապաշտական նկրտումներին հագուրդ տալուն միտված հիբրիդային պատերազմ, որում շատ կարևոր են դիտարկվում տեղանունները։

Սա նաև հոգեբանական ճնշման փորձ է մեր հասարակության վրա, որովհետև, եթե հազարամյակների մեր պետականության հիմնական կենտրոններից Արարատյան դաշտի մի հատվածը սկսում է «կոչվել» այստեղ մի կարճատև ժամանակահատված իր հոտերն արածեցրած ինչ-որ վաչկատուն դավալու ցեղի անունով, ապա կասկածի տակ է դրվում այդ տարածքի՝ մեր պետությանը և ազգին պատկանելն ինքնին։

Թուրքիայի նախագահ Ռեջեփ Թայիփ Էրդողանը հայտարարել է, որ հայկական կողմը «տարիներ շարունակ օկուպացված է պահել Ղարաբաղը, զանգվածային սպանություններ կատարել»։

Նրա խոսքով, Արևմուտքի երկրներն ու կազմակերպություններն այդ մասին լռել են ու ոչ մի քայլ չեն ձեռնարկել։

ԱՊԱ-ի փոխանցմամբ, Էրդողանը նման հայտարարություններ է արել Սաքարիայում կայացած հանրահավաքի ժամանակ։

Էրդողանը նշել է, որ «տարածաշրջանի երկրների ուժը կարող է բխել նրանց միասնությունից»։

Բելառուսը միանգամայն հանգիստ է արձագանքում ՀԱՊԿ-ին անդամակցության վերաբերյալ հայկական կողմի հայտարարություններին։ Այս մասին լրագրողներին ասել է Բելառուսի նախագահ Ալեքսանդր Լուկաշենկոն, փոխանցում է ԲԵԼՏԱ-ի թղթակիցը։

«Մենք դրան միանգամայն հանգիստ ենք արձագանքում, եթե նրանք չեն ցանկանում լինել ՀԱՊԿ-ում, այն (կազմակերպություն-Խմբ.) չի փլուզվի, չի քանդվի»,- ասել է Բելառուսի ղեկավարը։

Միևնույն ժամանակ, այս առնչությամբ Երևանից պաշտոնական ծանուցումներ դեռևս չեն եղել, պարզաբանել է նա։

Ալեքսանդր Լուկաշենկոն հայկական կողմին խորհուրդ է տվել չշտապել և կտրուկ շարժումներ չանել.«Դուրս գալը հեշտ է. իսկ հետո նորից մտնելը դժվար կլինի: Պետք չէ դուրս գալ, կարիք չկա ինչ-որ բան սառեցնել»:

Հիշեցնենք, որ ՀՀ վարչապետ Նիկոլ Փաշինյանը France 24 հեռուստաալիքին տված հարցազրույցում Հայաստանի մասնակցությունը Հավաքական անվտանգության պայմանագրի կազմակերպությանը (ՀԱՊԿ) այս պահին «սառեցված» է։

«Մեր կարծիքով՝ հավաքական անվտանգության պայմանագիրը Հայաստանի նկատմամբ կյանքի չի կոչվել, հատկապես՝ 2021-2022 թվականներին։ Սա չէր կարող վրիպել մեր ուշադրությունից։ Մենք «սառեցրել» ենք մեր մասնակցությունն այս պայմանագրին։ Տեսնենք՝ ինչ կլինի հետո»,- ասել է Փաշինյանը։ 

ԱՄՆ պետքարտուղարությունը պատասխանել է «Ամերիկայի ձայնի» հայկական ծառայության հարցմանը՝ ՀԱՊԿ-ում Հայաստանի անդամակցության շուրջ վարչապետ Փաշինյանի օրերս արված հայտարարությունների ու պաշտպանության ոլորտում Երևանի ձեռնարկած քայլերի մասին: Պետքարտուղարությունը հայտնել է. «Մենք հարգում ենք Հայաստանի՝ որպես անկախ երկրի ցանկությունը՝ շարունակելու իր ընտրած անվտանգային հարաբերությունները, և մենք աջակցում ենք տարածաշրջանի բոլոր երկրների ինքնիշխանությանը և տարածքային ամբողջականությանը»։

Անդրադառնալով Մոսկվայի հետ Երևանի հարաբերություններում առկա խնդիրներին՝ ԱՄՆ արտաքին քաղաքական գերատեսչությունը նշել է. «Ռուսաստանը վստահելի կամ բարեխիղճ դաշնակից կամ գործընկեր չէ Հարավային Կովկասում կամ այլուր: Մենք բազմիցս տեսել ենք, որ Ռուսաստանին չեն մտահոգում Հայաստանի շահերը»: Հիշեցնենք, որ  վարչապետ Նիկոլ Փաշինյանը France 24-ին տված հարցազրույցում  նշել էր, որ «Հայաստանի մասնակցությունը ՀԱՊԿ-ին, ըստ էության, գործնականում սառեցված է, իսկ ինչ կլինի վաղը՝ վաղը կերևա»։

Մենք պատերազմի նախաշեմին ենք. վարչապետի երեկվա հարցազրույցը որպես իր տրամաբանական հետեւանք ունենալու է նոր պատերազմը, նոր տարածքային ու մարդկային կորուստները: Այս մասին NEWS.am-ի հետ զրույցում նշեց ռազմական փորձագետ Դավիթ Ջամալյանը:

«Ինչ պետք է անել պատերազմը կանխելու համար. ոչ թե պետք է սառեցնել հարաբերությունները ՀԱՊԿ-ի հետ, այլ գործադրել հայ-ռուսական դաշինքի ամբողջ ռազմաքաղաքական ռեսուրսը, Հայաստան արագ ներմուծել սպառազինություն, անհրաժեշտության դեպքում նաեւ զինուժ, եթե պետք է բացահայտ արվի ամեն ինչ, պետք է դիմել ՀԱՊԿ-ին կոլեկտիվ անվտանգության 4-րդ հոդվածի համաձայն, ինչը ենթադրում է անհապաղ արձագանք:

Պետք է ընդունել իրանական կողմի խիստ գրավիչ առաջարկները՝ սկսած սպառազինության մատակարարումներից մինչեւ անհրաժեշտության դեպքում նաեւ զինուժի տրամադրում: Ամրացնել Հայաստանի սահմանները Հայաստանի զինված ուժերին զուգահեռ նաեւ դաշնակիցների ուժերով, ոնո քպատրաստ են գալ: Այդ կերպ պատերազմը կկանխվի, հակառակ դեպքում մենք տեսնելու ենք պատերազմի շատ մոլեգին սկիզբ:

Այդ ողջ ողբերգական իրադարձությունների ընթացքում Երեւանը բեմականացնելու է երկիրը պաշտպանելու իմիտացիա, արդյունքում Ադրբեջանն իր ցանկալին փորձելու է ձեռք բերել: Այստեղ կա միայն մեկ բայց. Խոսքը Ռուսաստանի եւ Իրանի հակազդեցության ծավալների մասին է: Եթե այդ երկու զսպող գործոնները աշխատեն, հնարավոր կլինի մեծ աղետից խուսափել»,-ասաց նա:

Երկրապահ կամավորական միությունը փետրվարի 13-ին տարածեց  հաղորդագրություն, ըստ որի՝ նախորդ օրը նախնական տվյալներով հանկարծամահ է եղել ԵԿՄ անդամ 40-ամյա Գոռ Ասատրյանը։

Հրապարակված վարկածն ի սկզբանե կասկածելի է եղել մահացածի ընտանիքի, հարազատների համար։ Պարզվում է, որ կամավորական Գոռ Ասատրյանը ոչ թե հանկարծամահ է եղել, այլ նրան սպանել են։

«Փետրվարի 12–ին ահազանգ էր ստացվել այն մասին, որ ԵԿՄ անդամ Գ․ Ասատրյանը առավոտյան քնից չի արթնացել և ըստ նախնական տվյալների՝ հանկարծամահ է եղել:

Դեպքի առթիվ ՀՀ քրեական օրենսգրքի 155-րդ հոդվածի 1-ին մասով նախաձեռնվել է քրեական վարույթ, որի նախաքննության իրականացումը հանձնարարվել է քննչական խմբին։

Նախաքննության ընթացքում նշանակված դատաբժշկական փորձաքննությամբ կատարված դիահերձման, ինչպես նաև այլ վարութային և ապացուցողական գործողությունների արդյունքում պարզվել է, որ Տ․Կ․-ի և Գ․ Ասատրյանի միջև ծագած վիճաբանությունից հետո, փետրվարի 12-ի գիշերը՝ 00․05-ի սահմաններում, Տ․Կ․-ն ձեռքով ուժգին հարված է հասցրել մահճակալին պառկած Գ․ Ասատրյանի պարանոցի շրջանին, ինչի հետևանքով վերջինս ստացել է կյանքի հետ անհամատեղելի վնասվածքներ և մահացել է։

Ձեռք բերված բավարար փաստերի հիման վրա Տ․Կ․-ին մեղադրանք է ներկայացվել ՀՀ քրեական օրենսգրքի 155-րդ հոդվածի 1-ին մասով։ Նրա նկատմամբ որպես խափանման միջոց է կիրառվել կալանավորումը։ Նախաքննությունը շարունակվում է»,-Panorama.am-ին հայտնեցին քննչական կոմիտեից։

Նշենք, որ Քրեական Օրենսգրքի 155 հոդվածի 1-ին մասը սահմանում է.  «Սպանությունը` ապօրինաբար մեկ ուրիշին կյանքից զրկելը պատժվում է ազատազրկմամբ` ութից տասնհինգ տարի ժամկետով»։