Ղարաբաղի գծով խաղաղ պայմանագիրը ձախողվել է Հեյդար Ալիևի շրջապատի պատճառով, որը չէր ցանկանում տարածքներ զիջել: Այդ մասին հայտարարել է Ռուսաստանի Արտաքին հետախուզության ծառայության նախկին տնօրեն, այժմ Պրիմակովի անվան համաշխարհային տնտեսության և միջազգային հարաբերությունների ինստիտուտի առաջատար փորձագետ Վյաչեսլավ Տրուբնիկովը, հայտնում է BaltNews.lv-ն:

«Ես 4 տարի մասնակցել եմ ԵԱՀԿ Մինսկի խմբի աշխատանքներին, որը քննարկում էր Մերձդնեստրի և Լեռնային Ղարաբաղի հիմնահարցերը: Դա շատ դժվար էր: Սակայն Ղարաբաղի մասով իմ օրոք դրական իրավիճակ էր: Հանգուցյալ Հեյդար Ալիևն ու ՀՀ նախկին նախագահ Ռոբերտ Քոչարյանը, այդ թվում նաև Լեռնային Ղարաբաղի ղեկավարությունը, շատ ճիշտ էին ամեն ինչ ընկալում: 2000-ի ապրիլին մենք հանդիպեցինք Ֆլորիդայի նահանգի Քի Ուեսթում»,-ասել է Տրուբնիկովը:

«Մենք գտել էինք բանաձևը. Արժույթի միջազգային հիմնադրամի միջոցներով հնարավոր կլիներ միջանցք ապահովել Ադրբեջանի համար դեպի հարավ, և Հայաստանից մինչև Ստեփանակերտ: Սակայն Հեյդար Ալիևը…Նա սկզբում ոչ ոքի չէր ասում, իսկ երբ պատմեց իր մերձավոր պաշտոնյաներին, նրանք դեմ եղան. «Ինչպե՞ս, մեր տարածքից կտորներ ենք տալու»,-ասել է նա:

Կրթության փորձագետ Անահիտ Բախշյանը վարչապետ Կարեն Կարապետյանին ուղղված Բաց նամակով տեղեկացնում է, որ ԿԳ նախարար Լևոն Մկրտչյանի հրամանը հակասում է օրենքին: Մասնավորապես՝ մինչ այս դպրոցի ղեկավարման իրավունքի հավաստագիրը տնօրեններին տրվում էր 5 տարի ժամկետով, որից հետո նրանք կարող էին վերապատրաստվել, կրկին քննություն հանձնել ու ստանալ հավաստագիր: Սակայն նախարար Լևոն Մկրտչյանի նոր հրամանով՝ մեկ անգամ ուսումնական հաստատության ղեկավարման իրավունք ստացած անձինք վերապատրաստումից հետո այլեւս քննություն չեն հանձնելու: Իսկ սա հակասում է կրթության ոլորտում պաշտոնավարման ժառանգականության մասին վարչապետի հնչեցրած այն մտքին, որ «Սերնդափոխություն է պետք, չպետք է թողնենք պապական նստեն»: Նամակում մասնավորապես ասվում է. «ԱԺ-ում ՀՀ կառավարության ծրագրի քննարկման ժամանակ ցավով արձանագրեցի, որ Դուք էլ (ում նկատմամբ կարծես ինչ-որ չափով հավատ կա հասարակության որոշ մասի մոտ), չեք լսում նույնիսկ խորհրդարանական ընդդիմությանը: Միանգամից ասեմ, որ այդ փաստից շատ վատ տպավորություն ստացա: Այս նամակիս արձագանքից կհասկանամ Ձեր՝ պատասխանատվություն ստանձնողի խոսքերին որքանով կարելի է վստահել: Շատ կուզենայի ԱԺ-ից ստացած տպավորությունս վրիպման արդյունք լիներ, որը յուրաքանչյուրիս հետ էլ կարող է պատահել:

«Այդ օրը կրթության ոլորտում պաշտոնավարման ժառանգականության մասին ասացիք. «Սերնդափոխություն է պետք, չպետք է թողնենք պապական նստեն»: Հենց Ձեր այս պնդման օրինականության հիմքն ամրագրվել է 2009-ին ընդունված՝ «Հանրակրթության մասին» ՀՀ օրենքով, ուսումնական հաստատության ղեկավարման իրավունք՝ ՀԱՎԱՍՏԱԳԻՐ կոչվող փաստաթղթով, որը տրվում է 5 տարով, և նորը ստանալու համար տնօրենի թեկնածուից Օրենքը պահանջում է վերապատրաստվել ու հանձնել նոր քննություն: «Օրենքը պետք է գործի, դա ակնհայտ ճշմարտություն է»,- ասացիք Դուք:

Ստիպված եմ հրապարակային նամակով դիմել Ձեզ՝ հայտնելով, որ ԿԳ նախարար պարոն Լևոն Մկրտչյանի 18.05.2010թ. N 395-Ն հրամանը հակասում է «Հանրակրթության մասին» ՀՀ օրենքի 12-րդ հոդվածով սահմանված՝ ուսումնական հաստատության տնօրենի հավաստագրման եւ ընտրության ընթացակարգին: Ըստ օրենքի՝ ուսումնական հաստատության տնօրենի թափուր տեղի համար հայտարարվում է մրցույթ, որին մասնակցելու իրավունք է ստանում այն անձը, ով վերջին 10 տարվա մեջ ունի 7 տարվա մանկավարժական ստաժ, անցել է վերապատրաստում համապատասխան լիցենզավորված կազմակերպության կողմից, այնուհետեւ քննություն՝ գրավոր եւ բանավոր փուլերով և ստանում է ուսումնական հաստատության ղեկավարման իրավունք՝ հավաստագիր:

Հստակ գրված է, որ ղեկավարման իրավունքի հավաստագիրը տրվում է 5 տարի ժամկետով: Նույն օրենքի 15-րդ կետն ասում է. «Ուսումնական հաստատության ղեկավարման իրավունքի հավաստագիր ստացած անձը կարող է մինչեւ հավաստագրի ժամկետի լրանալը դիմել եւ անցնել սույն հոդվածի 3-րդ մասով սահմանված վերապատրաստումը եւ ստանալ ուսումնական հաստատության ղեկավարման ՆՈՐ հավաստագիր»: Օրենքի 12-րդ հոդվածի 15-րդ կետում շեշտված «հավաստագրի ժամկետ» ու «նոր հավաստագիր» նորմերի անհրաժեշտությունն ամրագրված է Հանրակրթական ուսումնական հաստատության ղեկավարման իրավունքի (հավաստագրման) համար քննության կազմակերպման և անցկացման կարգի 82-րդ և 83-րդ կետերով, որտեղ սահմանված է ՀԱՎԱՍՏԱԳՐԻ ՇՆՈՐՀՄԱՆ ԿԱՐԳԸ՝ «Վերապատրաստված, քննությանը մասնակցած և Հավաստագրման հանձնաժողովի որոշումով «Ուսումնական հաստատության ղեկավարման իրավունքի (հավաստագրի)» շնորհման ենթակա հավակնորդին շնորհվում է «Ուսումնական հաստատության ղեկավարման իրավունքի հավաստագիր»՝ 5 տարի ժամկետով, որը նա ստանում է քննության արդյունքները ամփոփելուց հետո 10-օրյա ժամկետում»:

Միանշանակ է՝ միայն վերապատրաստված, ՔՆՆՈՒԹՅԱՆԸ մասնակցած հավակնորդը կարող է ստանալ ՀԱՎԱՍՏԱԳԻՐ, այն էլ քննությունների արդյունքները ամփոփելուց 10 օր հետո: Ըստ նախարարի 18.05.2010թ. N 395-Ն հրամանի՝ մեկ անգամ ուսումնական հաստատության ղեկավարման իրավունք ստացած անձինք վերապատրաստումից հետո այլեւս քննություն չեն հանձնելու և այս անօրինական հրամանն արդեն մտել է ուժի մեջ: Պարոն Վարչապետ, Ձեզ եմ դիմում, որպեսզի կառավարությունը կասեցնի ԿԳ նախարարի անօրինական հրամանի գործունեությունը»,-գրում է Բախշյանը:

Հոկտեմբերի 21-ին Ազգային ժողովում կառավարության ծրագրի քննարկման ժամանակ ԱԺ փոխնախագահ Հերմինե Նաղդալյանն առաջարկել էր իրականացվող կրճատումների հաշվին գոնե 10 տոկոսի չափով բարձրացնել պետական կառավարման  համակարգի աշխատողների աշխատավարձերը, որպեսզի ապագայի նկատմամբ լավատեսություն և հավատ լինի։

Հետքրքիր առաջարկ է, բայց մտորումների տեղիք տվող: Շատ մոտավոր մի հաշվարկ կատարենք:

ՀՀ 2016 թ. պետական բյուջեի նախագծով՝ օրենսդիր, գործադիր և դատական իշխանության մարմինների աշխատողների աշխատավարձի ֆոնդը 2016 թ. համար ծրագրվել է 63 մլրդ 496,8 մլն դրամ: Ենթադրենք, թե կառավարությունը 2017 թ. բյուջեով 30 տոկոսով (սա բավական լուրջ ցուցանիշ է) կրճատում է պետական աշխատավարձերը, և կոպիտ հաշվարկներով՝ 2017 թ. համար աշխատավարձի ֆոնդը նախատեսում է 45 մլրդ դրամ (բնականաբար, դեռ կրճատումների ծավալը հայտնի չէ): Եթե Հերմինե Նաղդալյանի առաջարկով հաշվարկենք, ապա հաջորդ տարվա պետական մարմինների ծախսերը կավելանան 4 մլրդ 500 մլն-ով՝ դառնալով մոտ 49 մլրդ 500 մլն դրամ:

Միգուցե, «լավատեսության և հավատի» համար կարելի էր առաջարկել, օրինակ՝ կենսաթոշակների բարձրացում: Այսպես` ՀՀ աշխատանքի և սոցիալական հարցերի նախարարության կայքում տրված վիճակագրության համաձայն՝ սոցիալական կենսաթոշակներ ստացող կենսաթոշակառուների թիվը 58 588 է, որոնք ստանում են 16 հազարական դրամ: Սոցիալական կենսաթոշակների համար բյուջեից տրվող տարեկան գումարը կազմում է 11 մլրդ 248,9 մլն  դրամ: Եթե այս թվին գումարենք պետաշխատողների առաջարկվող 10 տոկոս ավելացած աշխատավարձը, ապա յուրաքանչյուր սոցիալական կենսաթոշակառու նախկին 16 հազարի փոխարեն կարող է ստանալ 22 հազար դրամ` մոտ 6000 դրամով ավելին:

Հայաստանում կենսաթոշակների բարձրացում վերջին անգամ եղել է 2015թ. հունվարի 1-ին: 14%-ով ավելացել է աշխատանքային կենսաթոշակների չափը, իսկ սոցիալական կենսաթոշակի չափն ավելացել է 2000 դրամով՝ դառնալով 16000 դրամ: 2016 թ. հոկտեմբերի 4-ին ՀՀ ֆինանսների նախարար Վարդան Արամյանը հայտարարել էր, որ 2017-ի ՀՀ պետական բյուջեով կենսաթոշակների ու նպաստների բարձրացում չի նախատեսվում:

Փաստորեն, հաջորդ տարի էլ սոցիալական կենսաթոշակառուների կենսաթոշակը կմնա 16 հազար դրամ, իսկ Հայաստանում սպառողական նվազագույն զամբյուղը կազմում է 70 հազար դրամ:

Դժվար թե ԱԺ փոխնախագահ Հերմինե Նաղդալյանը ծանոթ չլինի վերը նշված թվերին, բայց, երևի, պետական աշխատողների աշխատավարձերի բարձրացումը, ըստ նրա, ավելի  «լավատեսական և հավատ ներշնչող» կլինի:

Իսկ՝ ըստ կառավարությա՞ն:

Vesti.am

Հայազգի երկու քաղաքացիների` 43-ամյա Էդուարդ Նշանյանի ու 46-ամյա Արմեն Իսրայելյանի սպանության կասկածյալը հայ է՝ ոմն Սամվել, որը ՀՀ քաղաքացի է` 30-35 տարեկան: Նա ներկայումս հետախուզվում է։ Այս մասին  Tert.am-ը տեղեկացավ Մոսկվայի ոստիկանության իր աղբյուրներից:

Ոստիկանություն ահազանգը եղել է հոկտեմբերի 23-ին` սպանված Էդուարդ Նշանյանի քրոջից` Հասմիկ Նշանյանից:

Էդուարդ Նշանյանն ունեցել է գլխի շրջանում հրազենային վնասվածքներ, իսկ Արմեն Իսրայելյանը, որը Երևանի Մալաթիա–Սեբաստիա վարչական շրջանի բնակիչ է, որովայնային:

Ըստ մամուլի՝ հնարավոր է` Արմեն Իսրայելյանն ԱԺ պատգամավոր Սամվել Ալեքսանյանի  նախկին աշխատակիցն է՝ «Ձկնկուլ» մականվամբ, ով վերջինիս հետ ֆինանսական խնդիրներ է ունեցել։

Բնակարանը, որում հայտնաբերվել են դիերը, պատկանել է Էդիկ Հարությունյանին, որը նույնպես ՀՀ քաղաքացի է:

tert.am

ՈՒշադրություն
Հոկտեմբերի 25-27-ը բացառությամբ Երևանի, Արարատյան դաշտի, Արագածոտնի և Վայոց Ձորի նախալեռների` մյուս բոլոր գոտիներում հիմնականում սպասվում է ձյուն, առանձին հատվածներում `բուք, ճանապարհներին` մերկասառույց և ցածր հորիզոնական տեսանելիություն: Հորդորում ենք նշված ժամանակահատվածում մարզեր երթևեկել բացառապես ձմեռային անվադողերով:

Հանրապետության տարածքում՝

Հոկտեմբերի 24-ին կեսօրից հետո, 25-27-ին ողջ հանրապետությունում սպասվում են տեղումներ:

28-ին առավելապես առանց տեղումների եղանակ:

Քամին՝ արևմտյան՝ 3-8 մ/վրկ արագությամբ:

Օդի ջերմաստիճանը 24-26-ին կնվազի 8-10 աստիճանով:

Երևանում՝

Հոկտեմբերի 24-ին երեկոյան ժամերից, 25-27-ին սպասվում է անձրև:

28-ին սպասվում է առանց տեղումների եղանակ:

Խմիր, ինչքան սիրտդ կկամենա

Այն ժամանակ, երբ Թամանյանը զբաղվում էր Երևան քաղաքի նախագծմամբ, նա ստիպված անընդհատ փոքրիկ կժերով ջուր էր գնում երիտասարդ վաճառողներից, և ասում են, որ հենց այդ պատճառով էլ նախագծի մեջ են հայտնվել «կապույտ կետեր»: Այսօր յուրաքանչյուր զբոսաշրջիկ կարող է գումար չծախսել ծարավը հագեցնելու համար, երբ քայլում է քաղաքի փողոցներով: Սակայն ի սկզբանե հարկավոր է զբոսաշրջիկներին համոզել, որ յուրաքանչյուր քայլի հանդիպող ցայտաղբյուրներից հոսող ջուրը ամբողջովին մաքուր է և անվտանգ:

Տրանսպորտային «մշակույթ»

Շատերը կասեն, որ Երևանում գործող միկրոավտոբուսներն ու տաքսիները բազմաթիվ բացասական կողմեր ունեն, սակայն պարզվում է, որ օտարերկրացիներին շատ զարմացնում է ոչ միայն դրանց լիության փաստը, այլև այն, որ դրանց մեջ բոլորը բոլորին տեղ են զիջում: Նրանք նաև զարմանք են ապրում տեսնելուց, թե ինչպես են գումարը տալիս անծանոթին, որ իրենց անունից վերջինս փոխանցի վարորդին, և դրանից հետո էլ մնացորդը բարեհաջող կերպով ետ է վերադառնում իրենց: Երևանում տաքսիները լիովին հասանելի են զբոսաշրջիկների համար՝ մատչելի գներով: Այլ երկրներում տաքսիների հաշվիչները անդադար պտտվում են՝ հաշվի չառնելով խցանումները և անհրաժեշտ դադարները, ինչի հետևանքով էլ վերջնական գումարը վճարում են ոչ թե անցած ճանապարհի համար, այլ մեքենայում գտնվելու ժամանակի:

Հարբած մարդկանց բացակայությունը փողոցներում

Հետսովետական երկրներից եկածներին և միաժամանակ նաև եվրոպացիներին մեր երկրում շատ բաներ կարող են զարմացնել: Սակայն փաստ է, որ Երևանում գրեթե չես գտնի այնպիսի մարդկանց, որոնք ծայրաստիճան հարբած են և ցանկանում են իրենց «ոգեշնչումը» փոխանցել անցորդներին: Զարմանալի է նրանց համար նաև այն, որ փողոցում զբոսնող երիտասարդների ձեռքին երբեք չես տեսնի գարեջրի շշեր:

Անհավանական մաքուր մետրո

Առանց բացառության՝ բոլոր զբոսաշրջիկներին հիացնում է մեր մետրոյի մաքրությունը: Որպես օրինակ՝ նյույորքցիները, որոնք օգտվում են աշխարհում ամենամեծ մետրոյից, աչքերին չեն հավատում՝ տեսնելով հայկական մետրոյի մաքրությունը: Եվ երևի թե երևանցիներից շատերը չեն էլ նկատել, որ մետրոպոլիտենի ոչ մի կայարանում աղբամաններ կամ պաստառներ՝ «չկեղտոտել», «պահպանել մաքրություն» գրառմամբ չկան: Եվ անգամ առանց դրանց մեր քաղաքի ոչ մի բնակիչ իրեն թույլ չի տալիս կեղտոտել կայարանը կամ ծխել:

Հանգիստ և անվտանգ գիշերներ

Ուշ գիշերներին Երևանի փողոցներով քայլելիս կարող եք հանդիպել ժպտացող շատ օտարերկրացիների: Նրանք զարմանում են, որ Երևանում գիշերային ժամերին հանգիստ կարելի է դուրս գալ փողոց և ուղղակի զբոսնել առանց ոչնչից վախենալու: Նրանց համար հետաքրքիր է նաև այն, որ Երևանի կենտրոնում գտնվող խանութները և ծառայողական կենտրոնները գործում են շուրջօրյա:

Երևանը խաչմերուկ է Ասիայի և Եվրոպայի միջև

Վերջին տասնամյակի ընթացքում Երևանում անընդհատ տարբեր տեսակի շինարարություններ են իրականանում. կառուցվում են նոր և ժամանակակից շենքեր, խանութներ, սրճարաններ: Եվ օտարերկրացիների համար զարմանալին այն է, որ Երևանի կենտրոնում գտնվող ճոխ սրճարանների ու ռեստորանների, մի քանի շերտով ասֆալտապատված ճանապարհների մեջ հանգիստ ապրում են ասիական հոգին և ավանդույթները. տղամարդիկ, որոնք նարդի են խաղում, կանայք, որոնք բուրդ են «ծեծում»:

Ատամնաբույժներից և վարսահարդարներից պետք չէ վախենալ

Շատ հայեր տարին մեկ անգամ պարտադիր այցելում են ատամնաբույժի՝ ատամները «վերանորոգելու» համար: Իսկ շատ օտարերկրացիներ այսօր գալիս են Հայաստան ատամնաբույժների այցելելու համար, քանի որ գները մատչելի են նրանց համար, և որակն ապահովված է: Այստեղ գտնվելու գրեթե ողջ ընթացքում նրանք գեղեցկության սրահներ են այցելում, կարգի են բերում մազերն ու եղունգները և ամեն անգամ տարբեր լեզուներով կամ ժեստերով փորձում են հասկացնել, որ Հայաստանում այսպիսի ծառայություններն իրոք էժան են:

Հայի տան դռները միշտ բաց են հյուրի առջև

Եվրոպացու համար առաջին հայացքից անընդունելի կարող է թվալ անծանոթ մարդուն հյուր ընդունելը, հատկապես եթե այդ մարդը հարազատ, բարեկամ կամ ընկեր չէ, այլ ուղղակի մեկը, ում հետ ծանոթացել ես ինքնաթիռում: Փորձեք եվրոպացուն իր ծանոթի ծանոթի տուն տանել, որը հայ է, և տեսեք, թե ինչ զարմանք կապրի նա. նրա առջև մի քանի րոպեի ընթացքում բացվում է մեծ սեղան, հավաքվում են ընտանիքի բոլոր անդամները, երկար կենացներ են հնչում, և սկսվում են ավանդական «սա կեր, թե չէ կնեղանամ» արտահայտությունները: Եվ հայի համար առհասարակ կարևոր չէ՝ հիվանդը դիաբետ ունի, թե ոչ, ալերգիաներ կամ սեփական սննդակարգ ունի, թե ոչ. դուք նրա հյուրն եք, և դրանով ամեն ինչ ասված է։

NewsBook-ի տեղեկություններով` երեկ Մոսկվայում սպանված երկու անհայտ անձանցից մեկը Ձուկ մականվամբ Արմեն Իսրայելյանն է:

Քիչ առաջ Newsbook-ը տեղեկություն տարածեց, որ այսօր Մոսկվայում սպանվածհայերից մեկը Արմեն Իսրայելյան է Ձկնկուլ մականունով հայտնի, որը նախկինում աշխատել է ՀՀ ԱԺ պատգամավոր Սամվել Ալեքսանյանի մոտ:

Տեղեկությունը պաշտոնապես դեռ չի հաստատվում: Արմեն Իսրայելյանի կինը՝ Քրիստինեն, հեռախոսազանգերին չի պատասխանում: Իսկ ՀՀ արտաքին գործերի նախարարությունն էլ իր ֆեյսբուքյան էջում սույն դեպքի վերաբերյալ հետեւյալ գրառումն է կատարել:

«Ռուսաստանի իշխանությունների տրամադրած տեղեկատվությամբ՝ հայտնի է հոկտեմբերի 23-ին Մոսկվայում սպանված ՀՀ քաղաքացիների ինքնությունը: Առկա է գործով կասկածյալ, ով ներկայում գտնվում է հետախուզման մեջ»:

Սպանվածներից մեկն էլ ըստ ռուսական լրատվամիջոցների՝ 43-ամյա Էդուարդ Նշանյանն է:

Նշենք, որ Սամվել Ալեքսանյանն այսօր Ազգային ժողով չի գնացել:

Հիշեցնենք, որ Ալեքսանյանի նախկին աշխատակից Արմեն Իսրայելյանը, որը 2002-ից աշխատել է ՀՀ ԱԺ պատգամավոր Սամվել Ալեքսանայնին պատկանող ընկերություններից մեկում, armtimes.com-ի թղթակցին պատմել էր, թե ինչպես է Ալեքսանյանն առեւանգել իրեն, խլել բիզնեսները: Մեր հրապարակումից հետո ՀՔԾ-ում մի քանի դրվագներով քրեական գործ հարուցվեց, սակայն Ձկնկուլը 19 օրվա մեջ 19 տարբեր հերքումներով հանդես եկավ՝ մեկ նշելով, թե խմած է հարցազրույց տվել, մեկ էլ՝ թե տեղյակ չի եղել, որ զրուցակիցը լրագրող է եղել, այլ իմացել է, որ «իր ընտանիքի անդամ է»:

Իսրայելյանը:

Ամիսներ առաջ մամուլում հայտնվեցին տեղեկություններով, որ Ուկրաինայում Հայաստանի Հանրապետության արտակարգ և լիազոր դեսպան Անդրանիկ Մանուկյանը դեսպանատան հաշվեկշռին գրանցված մեքենաների պետհամարանիշներ է վաճառում: Այս մասին բազմաթիվ հրապարակումներ եղան ուկրաինական լրատվամիջոցներում: Հայ դեսպանը տարածվող լուրերը հերքեց և նշեց, որ ինքը Ուկրաինայում օրենքի հետ կապված խնդիրներ չունի և չի ունեցել:

Մալթայից թռիչք իրականացրած թեթև մարդատար օդանավը, որը տեղափոխում էր Եվրամիության ներկայացուցիչներին, կործանվել է օդ բարձրանալուց կարճ ժամանակ անց: Այս մասին տեղեկացնում է Reuters-ը:

Դեպի Լիբիա ուղևորվող օդանավի կործանումը ամենաողբերգական պատահարն է Մալթայի օդանավերի պատմության ընթացքում:

Պարբերականը, հղում կատարելով Լուկա քաղաքի օդանավակայանի իր աղբյուրներին, նշում է, որ զոհված պաշտոնյաները աշխատել են Եվրամիության սահմանների պահպանության վերջերս ստեղծված գործակալությունում (Frontex)։

Ականատեսների տեղեկություններով՝ ինքնաթիռը կոշտ վայրէջք է կատարել՝ չհասնելով թռիչքուղուն, ինչից հետո սկսել է այրվել։

Ինքնաթիռը Լյուքսեմբուրգից ուղևորվում էր Լիբիայի Միսուրատա քաղաք։

Ներկայում փրկարարները փորձում են գտնել փրկվածների: Ինքնաթիռը կարող էր փոխադրել շուրջ 10 անձի:

Զոհերի քաղաքացիության մասին որևէ տեղեկատվություն չկա:

***

Ավելի ուշ հայտարարվեց, որ կործանված ինքնաթիռում ԵՄ-ի պաշտոնյաներ չեն եղե.«Ինքնաթիռը նաեւ կապված չէր Եվրամիության գործունեության հետ»: