«Հունվարի 20-ից համարեք գարունը գալիս է»,- ֆեյսբուքի իր էջում երեկ ավետել էր ՀՀ ԱԻՆ հիդրոմետ ծառայության օդերեւութաբանության կենտրոնի պետ Գագիկ Սուրենյանը:

Մեզ հետ զրույցում այսօր նա մանրամասնեց, որ գարուն ասվածը չի նշանակում, թե եղանակը համապատասխանելու է ապրիլ կամ մայիս ամիսներին հատուկ ջերմային ֆոնին: Սպասվում է, որ կդիտվի մարտին համապատասխանող ջերմաստիճան:

«Հունվարի 19-ից սկսած նորից մեզ մոտենալու են հարավային տաք օդային հոսանքներ: Կանխատեսվում է, որ Լոռիում, Տավուշում, Սյունիքում եւ Արցախում կտաքանա 8-10, իսկ մյուս մարզերում 4-5 աստիճանով: Օրինակ՝ Սյունիքի եւ Տավուշի հովտային գոտիներում օդի ջերմաստիճանը կհասնի մինչեւ +14 +17 աստիճանի, Արարատյան դաշտում՝ մինչեւ +11 +12-ի: Կլիմայական միջին ջերմաստիճանը հաշվի առնելով՝ դա մարտի ջերմային ֆոն է»,- ասաց Գագիկ Սուրենյանը:

Նրա խոսքով, այդ ընթացքում եղանակը կլինի փոփոխական՝ ինչպես սովորաբար դիտվում է մարտին՝ Հայաստանում. «Կլինի փոփոխական եղանակ՝ կցրտի, նորից կտաքանա, բայց միջին ջերմաստիճանը մարտին համապատասխանող ջերմային ֆոն է լինելու: Տաք ջերմային ֆոնը պահպանվելու է նաեւ հունվարի 20-ից հետո, բայց ամեն դեպքում գարուն ասվածը չի նշանակում, թե ապրիլ կլինի, ծառերը կծաղկեն: Ձմռան համար շատ բարձր ջերմաստիճան կլինի, բայց՝ մարտին հատուկ»:

Օդերեւութաբանության կենտրոնի պետը տեղեկացրեց, որ այսօր ցերեկը, որքան էլ եղանակը համեմատաբար սառն է թվում, ջերմաստիճանը, օրինակ Արարատյան դաշտում կլիմայական միջինից բարձր է 5 աստիճանով: Իսկ ամբողջ ձմռան ընթացքում կլիմայական միջինից ամենաբարձր ջերմաստիճանը եղել է +10-ը՝  հունվարի 1-2-ին:

armtimes.com

Թուրքիայում մանկական պոռնոգրաֆիկ նյութեր ներբեռնելու և դրանք համացանցում տարածելու համար ձերբակալվել է Հայաստանի Հանրապետության քաղաքացի Մ.Մ.-ն:

Ըստ թուրքական «Hurriyet» թերթի կայքի՝ ՀՀ քաղաքացու համացանցային տվյալները Թուրքիայի իրավապահ մարմիններին է տրամադրել ԱՄՆ-ի «Կորած և շահագործման ենթարկված երեխաների որոնման ազգային կենտրոնը» (NCMEC), որի աշխատակիցներն ավելի վաղ հայտնաբերել են Մ.Մ.-ի İP հասցեն ու հետևել նրա գործողություններին:

Նշվում է, որ ոստիկանությունը հայտնաբերել է կասկածյալի բնակության հասցեն և ձերբակալել նրան, սակայն կասկածյալի համակարգչի հիշողության քարտի կոդավորված լինելու պատճառով չի կարողացել ապահովել անհրաժեշտ ապացույցներ՝ ազատ արձակելով վերջինին: Շատ չանցած, սակայն, կասկածյալը կրկին ձերբակալվել է, քանի որ ոստիկանության մասնագետներին հաջողվել է կոտրել նրա համակարգչի կոդերը և հայտնաբերել  մանկանական պոռնոգրաֆիկ տեսանյութեր:

ՀՀ քաղաքացի 24-ամյա Մ.Մ.-ն  «արգելված կայքերից մանկական պոռնոգրաֆիկ նյութեր ներբեռնելու, պահեստավորելու և դրանք տարածելու» մեղադրանքով կալանավորվել է:

Նշվում է, որ Մ.Մ.-ն Ստամբուլի համալսարանի բժշկական ֆակուլտետի 6-րդ կուրսի ուսանող է:

Շաբաթ երեկոյան ՀՀ ՊՆախարար Վիգեն Սարգսյանը Ֆեյսբուքում գրառումկատարեց այն մասին, որ վիրավոր զինվորին օգնություն է հարկավոր, և ինքը հասարակական աջակցություն է ակնկալում:

Գրառումը մեծ արագությամբ տարածվեց, իսկ արձագանքները հիմնականում բացասական էին՝ ինչպե՞ս կարելի է նախարարի մակարդակով զինվորի վիրահատության համար հանգանակություն կազմակերպել: Սա այն դեպքում, երբ ՊՆ պաշտոնյաններից շատերի ծառայողական մեքենան նույնքան արժե, որքան այդ զինվորի վիրահատության համար անհրաժեշտ գումարը: Օգտատերերի մի մասն էլ գրում էր՝ ուր են հիմնադրամների փողերը, արդյոք մեր երկրում ամեն բան օրենքո՞վ է, այս դեպքն էլ չի՞ կարող շրջանցել օրենքը:

Բացի այդ, հասարակությանն ալեկոծեց Վիգեն Սարգսյանի և յուր խոսնակ Արծրուն Հովհաննիսյանի անքաղաքավարի շփումը մեկնաբանություններ գրողների հետ: «Բոշա» գրողին «բոշան դու ես» պատասխանող նախարարը հայտնվեց քննարկումների կիզակետում: Մարդիկ քննարկում ու քննադատում են թե՛ Սարգսյանի պատասխանները, թե՛ գրառումը, նաև հիշեցնում, թե ինչպես է այդ զինվորը վիրավորվել:
Զինվորն ապրիլյան քառօրյա պատերազմը դիմագրաված, սակայն դրանից ամիսներ անց Հադրութում իր իսկ սպայի կողմից գլխի ծանր վիրավորում ստացած նախկին զինծառայող՝ 21-ամյա Ալբերտ Դալլաքյանն է:

Ալբերտ Դալլաքյանին վիրավորելու համար Քրեական օրենսգրքի 373-րդ հոդվածի 2-րդ մասի հատկանիշներով մեղադրանք է առաջադրվել դասակի հրամանատար, լեյտենանտ Ավագ Նահապետյանին: Ըստ Քննչական կոմիտեի տարածած հաղորդագրության՝ նախնական քննության տվյալներով՝ ժամկետային զինծառայող, շարքային Ալբերտ Դալլաքյանը գլխի շրջանում հրազենային վիրավորում է ստացել 2016թ. հունիսի 24-ին՝ ժամը 16:10-ի սահմաններում, N զորամասի պահպանության տակ գտնվող մարտական դիրքի գետնատնակում՝ դասակի հրամանատարի կողմից զենքի հետ վարվելու կանոնները խախտելու հետևանքով:

Մասնավորապես՝ պարզվել է, որ դասակի հրամանատար, լեյտենանտ Ավագ Նահապետյանն ինքնաձիգը լիցքավորելուց հետո պատահաբար սեղմել է ձգանը, ինչի արդյունքում արձակված գնդակը դիպել է գետնատնակում գտնվող Ա.Դալլաքյանի գլխին՝ անզգուշությամբ պատճառելով գլխի հրազենային գնդակային միջանցիկ վիրավորում՝ կյանքին վտանգ սպառնացող:

Նկատենք, որ Ալբերտին ծանր վիրավորած սպա Ավագ Նահապետյանը մինչ այժմ պատասխան չի տվել, քրգործի քննությունը դեռ շարունակվում է:

Ռուսաստանի նախագահ Վլադիմիր Պուտինը թույլ չի տա, որ օրենքով գողերը և քրեական հեղինակությունները խանգարեն ֆուտբոլի աշխարհի 2018 թ. առաջնության նորմալ անցկացմանը: «Հայկական ժամանակ»-ի տեղեկություններով՝ Ռուսաստանում օրեքնով գողերի, քրեական հեղինակությունների ներքին ցուցակ է կազմվել: Բոլորին հրահանգվել է մրցաշարի ընթացքում՝ հունիսի 14-ից հուլիսի 15-ը, երկրում չլինել:

Այս արգելքը տարածվել է նաեւ հայազգի քրեական հեղինակությունների վրա: Նրանցից է Ռոբսոնը՝ Ռուբեն Թաթուլյանը, որի ազդեցության գոտին Սոչին է: «Հայկական ժամանակ»-ի տեղեկություններով՝ հիմա նա արդեն գտնվում է Ֆրանսիայում, բնակվում է Փարիզի իր տանը:

Աշխարհի առաջնությունն անցկացվելու է Ռուսաստանի 11 քաղաքներում՝ Մոսկվայում, Սոչիում, Կալինինգրադում, Սանկտ-Պետերբուրգում, Վոլգոգրադում, Կազանում, Նիժնի Նովգորոդում, Սամարայում, Սարանսկում, Դոնի Ռոստովում, Եկատերինբուրգում:

Միջազգային մամուլում պարբերաբար տեղեկություններ են տարածվում, որ Ռուսաստանը չի կարող կազմակերպել մրցաշարի ապահով անցկացումը:

15 աշակերտ տուժել է Պերմում դպրոցի վրա կատարված հարձակումից, հայտնում է Ren TV–ն։

Միջադեպը տեղի է ունեցել 127-րդ դպրոցում, Մոսկվայի ժամանակով `08:19-ին: Կասկածյալներն արդեն ձերբակալվել են: ՌԴ առողջապահության նախարարության տվյալներով՝ երկու տուժած՝ մեկ ուսուցիչ և տասնվեցամյա մեկ դպրոցական, գտնվում են ծայրահեղ ծանր վիճակում, նրանց վիրահատում են:Վիրավորվածների թվում է  նաև 4-րդ դասարանի  աշակերտուհի, 2007 թ. ծնված Մենուլա Աբրոյանը. վիրավորներից երկուսի  վիճակը  գնահատվում է ծայրահեղ ծանր։

Հրապարակվել է հարձակման կազմակերպչի՝ 16-ամյա Լև Բ.-ի ձերբակալության տեսանյութը: Նա լրիվ արյան մեջ կորած  է եղել, քանի  որ փորձել է ինքնասպանություն գործել:

Արմեն Ջիգարխանյանի միակ դուստրը մահացել է 30 տարի առաջ: Այն ժամանակ դեպքը որակել են դժբախտ պատահար: Սակայն դերասանի նախկին կին Վիտալինա Ցիմբալյուկ-Ռոմանովսկայան իր տարբերակն ունի այն մասին, թե ինչ է տեղի ունեցել դերասանի ժառանգի հետ: Այս մասին գրում է Dni.ru-ն:

 «Նա մահացավ 23 տարեկանում: Մի քանի անգամ ես Ջիգարխանյանին առաջարկել էի այցելել նրա գերեզմանին, սակայն նա միշտ սկսում էր նյարդայնանալ և թեման շեղել: Մենք պատմում էինք Ելենայի մասին մտերիմներին: Չեմ բացառում, որ այսպիսի արձագանքը մեղքի զգացումի արտահայտում էր»,- հայտնել է դաշնակահարուհին:

 Ցիմբալյուկ-Ռոմանովսկայան վստահ է, որ դերասանի դուստրն ինքնասպան է եղել: «Երբ դուստրը կյանքն ավարտում է իր կամքով, դա կապված է գիտակցված գործողության հետ, բողոքի հետ»,- հավելել է դերասանի նախկին կինը: Վիտալինայի խոսքով՝  Ելենան ինքնասպան է եղել, և այդ քայլին աղջկան դրդել է սեփական ընտանիքը:

Խելագարությունը ճաքեր չի տալիս: Չես կարող այնտեղ բանականության հատիկ խցկել: Թեկուզ որպես «համակարգչային» վիրուս: Որպեսզի ուտի խելագարությունը:

Պաշտպանության նախարար Վիգեն Սարգսյանը կոչ է հրապարակել, որով բուժման կարիք ունեցող զինվորի համար փող է խնդրում: 1000 դրամներն այդ զինվորի վրա չեն տարածվում, որովհետեւ 2017-ի հունվարի 1-ից վաղ է վիրավորվել:

Իսկ եթե հանկարծ հավաքվեց այդ 45 հազար դոլարը, որն այդ զինվորի համար չարքաշ քաղաքացուց խնդրում է շքեղագույն կյանքով ապրող Վիգեն Սարգսյանը, ի՞նչ մտածի Սյունիքի մարզի Անգեղակոթ գյուղի բնակիչ 19-ամյա Դավիթ Բաղիկյանի հայրը, որը բանակում գլխից հաշմանդամ դարձած որդու համար ՊՆ-ից դեղի փող էր խնդրում ու գրավոր ստանում մերժումը՝ ֆինանսական օգնություն հատկացնելու վերաբերյալ Ձեր խնդրանքը բավարարել հնարավոր չէ: Այս մեծատառով գրված «Ձեր»-ը դագաղին խփվող ոսկե մեխ է, ընկեր ՊՆ ԶՍՊ վարչության պետ Առուշանյան: Դուք էս ի՞նչ եք անում:

Ինչու՞ Դավիթ Բաղիկյանի համար հանգանակություն չեք կազմակերպում, եթե 1000 դրամները նրա վրա չեն տարածվում միայն այն պատճառով, որ 2017-ի հունվարի 1-ից շուտ է վիրավորվել, ինչպես Ալբերտը: Օրենքից անտեղյակ քաղաքացին նախարարի օգնության կոչի տակ գրում է. «1000 դրամները պրծա՞ն, թե թազա բոշայության ձեւ է»: Նախարար Վիգեն Սարգսյանն անձամբ է պատասխանում. «Բոշան դու ես»:

Քաղաքացին բոշա բառը դարձրել է վիրավորանք, ինչպես թուրքերն են «հայ» բառը կիրառում որպես վիրավորանք: Նախարարը դա չի հասկացել: Նա չգիտի, որ բոշաները հայախոս քրիստոնյա գնչուներ են: Դա իր հերթին: Նա վիրավորում է քաղաքացուն՝ հարկատուին: Ինքը դրա իրավունքը չունի: Ինքը պետք է թողնի իր աթոռը հենց միայն վիրավորելու պատրաստակամության համար: Որովհետեւ քաղաքացին կարող է նաեւ էթիկայի ու մտքի հետ կապված խնդիրներ ունենալ: Քաղաքացին մտավոր առողջության խնդիրներ ունենալու սահմանափակումներ չունի: Նախարարն ունի: Եթե անգամ քաղաքացին հարկատու չէ, նա ընտրող է: Նշանակում է՝ իշխանություն բաշխող:

Նախարարի մամուլի քարտուղարն իր հերթին է վրիպում: Պետական աշխատավարձ ստացող մամուլի քարտուղարը նախարարի կոչին լուրջ չվերաբերվող քաղաքացիներին ծաղրում է հետեւյալ բառերով. «Ամեն մեկին թվում է, թե մի քանի հազարով մի քանի զինծառայողի օգնելով պետությունից ու նախարարությունից շատ են օգնել մարդկանց»: Չեղավ: Մի այլ կերպ չեղավ: Տղերք, դուք ձեր գրպանի՞ց եք օգնում: Դարձյալ պետության փողերը չե՞ն: Այսինքն, էդ նույն քաղաքացու փողերը չե՞ն, որին ծաղրում եք:

Եկեք էս գլխից որոշենք՝ եթե մենք ենթակա ենք ծաղրի, բանակի զինվորներին որտեղից ուզում եք ճարեք: Դուք գուցե ապագա կամ նախկին զինվորին եք ծաղրում, նրա հորը, մորը, եղբորը կամ քրոջն եք ծաղրում: Եվ նա, ասում եմ ձեզ, պարտավոր չէ ձեր զսպվածությունն ունենալ, նրան դրա համար չեն վճարում, այդ առիթով օրենքի որեւէ կետ չկա, նա էթիկայի որեւէ հանձնաժողովի առաջ պատասխանատու չէ, նա ոչ մեկից ստացած գումարները չի մսխում: Նա պարզ դիրքորոշում է հայտնում: Նա գուցե իր էմոցիոնալ պատճառներն ունի,  որոնք պոռթկալու միակ ամբիոնն են գտել: Իշխանության հանդեպ քաղաքացու անհավատության համար ո՞վ պետք է պատասխան տա՝ խաչքավո՞րը:

Ֆեյսբուքում նախարարի պաշտպանները գրում են՝ չեք ուզում օգնեք, մի օգնեք, ինչու՞ եք անլուրջ վերաբերվում, վատաբանում: Ընկերներ, այսքան ժամանակ չհասկացա՞ք: Ի՞նչ կապ ունի Ալբերտն այս ամենի հետ: Վիգեն Սարգսյանը ներկայանում է իբրեւ «Հայաստան» համահայկական հիմնադրամ, որպեսզի զինվորին հաշմելու բանակային թողտվությունը կոծկի մեր մարդասիրությամբ:

Որպես էդ մարդասիրության արանքի գովազդային ընդմիջում Թոխատյան Հրանտն է խոստանում 1000 դոլար փոխանցել, Աշոտյանն է գրում՝ Վիգեն ջան: Իբր՝ լավ բան է անում, տեր եղեք:

Աշոտյանը հո գիտի՞, թե ինչ շքեղ կյանքով է ապրում պարոն Վիգենը Հյուսիսային Պողոտայում: Ինքն էլ՝ ոչինչ: Միայն կոռուպցիայի ու կեղծիքների մեջ հաջողած երկրում բարեգործությունն ինքնականիբալիզմ է: Մարդասիրական էս կեղծիքով մեջ ինքը մեզ առաջարկում է ուտել հենց մեզ, եւ որպես գումար տվող, եւ որպես գումար չտվող: Որպես տվող մենք պետությանն ազատում ենք էդ զինվորի հանդեպ պարտքից, որպեսզ չտվող դառնում ենք զինվոր սպանող: Իսկ դա մարսվող բան չէ:

Մհեր Արշակյան

medialab.am

Աստվածաշունչը համարվում է աշխարհի ամենահին, ամենաշատ հրատարակվող գրքերից մեկը: Գոյություն ունեն բազում հետաքրքիր փաստեր, որոնք կապված են դրա հետ:

Ներկայացնում ենք այդ փաստերից միայն մի փոքր մասը, բայց դրանցից յուրաքանչյուրն արժե, որպեսզի ամեն մարդ իմանա դրանց մասին:

 1. Աստվածաշնչում հիշատակվում են միաեղջյուրները

Աստվածաշնչում հիշատակվել են միաեղջյուրները: Իրականում, Սուրբ գրքում այդ միֆական արարածները հիշատակվում են 5 անգամ: Դրանց նկարագրում են՝ որպես կենդանիներ, որոնք հիշեցնում են ճակատի հատվածում մեծ եղջյուր ունեցող ձիու:

2. Աստվածաշունչը տակն են դրել…

Երբ 14-ամյա Ջորջ Սթինիին դատապարտեցին մահապատժի` էլեկտրական աթոռի միջոցով, նա այնքան փոքր էր, որ գլուխը չէր հասնում հոսանք անցկացնող սաղավարտին: Տղայի տակ Աստվածաշունչ դրեցին: Ջորջի մահապատժից 70 տարի հետո նրա արդարացրին:

3. «616»

«666» թիվը համարվում է «գազանի» թիվը: Այնուամենայնիվ, ըստ Աստվածաշնչի, այդ թիվն իրականում «616» է: Ուղղակի, «666»-ը համարեցին ավելի չարագուշակ:

4. Աստվածաշնչային թվաբանություն

Եթե Աստվածաշնչի բառերի քանակը բաժանեք դրա բանաստեղծությունների թվի վրա, կստանաք «666» թիվը:

5. «Մի վախեցիր»

Աստվածաշնչում «Մի վախեցիր» արտահայտությունը կրկնվում է 81 անգամ: Հոգեբանները պնդում են, որ եթե ինչ-որ մեկին անընդհատ կրկնեն, որ պետք չէ վախենալ, մարդը սկսում է ենթագիտակցաբար զգուշանալ դրանից:

6. Մխիթարություն կրոնասեր մարդկանց համար

Համաձայն «Kindle»-ի տվյալների, Աստվածաշնչի ամենահանրաճանաչ հատվածը հանդիսանում է այն, որում ասվում է, թե ինչպես պայքարել տագնապի դեմ: Ակնհայտորեն դա հանդիսանում է մխիթարություն կրոնասեր մարդկանց համար:

7. Ծննդյան օր

 Եհովայի վկաները ծննդյան օրերը չեն նշում, քանի որ Աստվածաշնչում նկարագրված 2 ծննդյան օրերի տոնակատարություններն էլ ավարտվել են սպանությամբ:

8. Համասեռամոլ անբարոյականություն

Հիսուսն Աստվածաշնչում երբեք չի խոսել համասեռամոլության մասին: Բայց, ինչպես բոլորը գիտեն, նա նախատել է սեռական անբարոյականության բոլոր տեսակները:

9. Երեք գուշակ (волхвы)` երեք նվեր…

Աստվածաշնչում ոչ մի տեղ չի խոսվում երեք գուշակների և երեք նվերների մասին: Կոնկրետ քանակ չի նշվում:

10. 5 միլիարդ

Աստվածաշունչը հանդիսանում է ամենաշատ հրատարակվող և վաճառվող տպագիր գիրքն աշխարհում: 1815թ.-ից մինչև 1975թ. ընկած ժամանակահատվածում տպագրվել է Աստվածաշնչի 2.5 մլրդ օրինակ: Ավելի ուշ կատարված հաշվարկներով՝ այդ թիվը հասնում է 5 միլիարդի:

11. Գուտենբերգի Աստվածաշունչ

Գուտենբերգի Աստվածաշունչն ընդգրկված է «Համաշխարհային գրադարանի»` բոլոր ժամանակների լավագույն 100 գրքերի մեջ։

12. 40 մարդ

Աստվածաշունչը գրվել է մ.թ.ա. 1500թ.-ից մինչև մ.թ. 100թ.-ը: 1600 տարվա ընթացքում Սուրբ Գիրքը գրելու գործին մասնակցել է մոտ 40 մարդ:

13. Բացարձակ տեքստ

Սուրբ Գիրքը երբեք չի հակասում ինքն իրեն: Որոշ մարդիկ պնդում էին, որ գտել են հակասություններ, բայց դրանք միայն արտահայտություններ էին, որոնք «պոկված էին» կոնտեքստից:

14․ 1200 լեզու

Աստվածաշունը թարգմանված է եղել աշխարհի ժողովուրդների ավելի քան 1200 լեզուներով: Ոչ մի այլ գիրք չի կարող նույնիսկ մոտենալ այս արդյունքին:

Հայտնի ռուս երգչուհի Լյուբով Ուսպենսկայան երգել է Վենետիկի փողոցներից մեկում, որպեսզի Ռուսաստան վերադառնալու տոմսի համար գումար հավաքի, գրում է «Սոբեսեդնիկ» թերթը։

Շանսոնի թագուհին մի քանի օրով Իտալիա է մեկնել, և հավանաբար մեծ գումարներ է ծախսել։ Այդ պատճառով երգչուհին մի օր «ձեռքը պարզած» է փողոց դուրս եկել։

Ռուս երգչուհին վերցրել է գլխարկն ու սկսել երգել փողոցներից մեկում՝ հույս ունենալով, որ անցորդները գումարային նվիրաբերումներ կանեն։

«Մնացել ենք առանց կոպեկի։ Լյուբով Ուսպենսկայան վերադարձի տոմսի համար գումար է հավաքում»,- հայտնել է երգչուհու ուղեկիցը։

Սկզբում Ուսպենսկայան կատարել է Ricchi e Poveri խմբի Come Vorrei-ն, իսկ հետո անցել սեփական երգացանկին։

Րոպեների ընթացքում երգչուհուն հաջողվել է մի քանի տասնյակ եվրո հավաքել: Գումար են տվել հիմնականում ռուս զբոսաշրջիկները, որոնք նրան միանգամից ճանաչել են։

Հայաստանին սպառնում է ևս մեկ չոր ու հրդեհավտանգ ամառ։ Մասնագետները չեն բացառում հերթական երաշտն ու հույս են դնում աստծո բարեհաճության վրա։

Քիչ տեղումներ, անոմալ տաք եղանակ, կիսադատարկ ջրամբարներ։ Բնապահպան Կարինե Դանիելյանը չի բացառում, որ Հայաստանն այս ճանապարհով գնում է դեպի անապատացում, իսկ մինչ այդ առջևում հերթական չոր ու անջուր ամառն է։

«1992թ-ին աշխարհի ամենահայտնի գիտնականների ստորագրությամբ նամակ է ուղղվել մարդկությանը` ՄԱԿ-ի միջոցով, որ եթե այսպես շարունակվի, ապա մոլորակն այնպես կփոխվի, որ մարդն այլև չի կարողանա ապրել դրա վրա։ Եվ մեզ մնացել էր 10-20 տարի մեր վերաբերմունքը փոխելու, բայց մենք չփոխեցինք»,- ասում է բնապահպանը։

Համաշխարհային գլոբալ կլիմայական փոփոխությունների կանխատեսումներով՝ մթոլորակի որոշ հատվածներ կանապատացվեն, որոշ հատվածներում` հակառակը`գերխոնավեցում է տեղի ունենալու` ջրհեղեների, սելավների տեսքով։

Չոր ու առանց տեղումների ձմռեռը հուշում է, որ Հայաստանն, ըստ ամենայնի, առաջինների շարքում է։

ՀՀ գյուղատնտեսության նախարարությունը չի շտապում հերթական երաշտ տարին կանխատեսել։ Նախարարի տեսակալ Աշոտ Հարությունյանը նշում է, որ ձմռան ընթացքը միշտ չէ, որ առաջիկա ամռան ցուցիչ կարելի է համարել և որպես ապացույց հիշեցնում անցած տեղումնառատ ձմեռը։

«2015թ-ին էլ կար երաշտի մտավախություն, բայց բնությունն ինքնակարգավորվեց, և մենք 2015-ին ունեցանք աննախադեպ բերքառատ տարի։ 2016-ի վերջին, 2017-ի սկզբին ունեցանք ձյան տեղումներ, բայց հետո հարց առաջացավ` ի՞նչ եղավ այդ ձյունը»,- ասում է Հարությունյանը` ակնարկելով տեղումնառատ ձմռանը հաջորդած երաշտային ամառը։

Առջևում դեռ ձմռան` 1.5 և գարնան 3 ամիս կա, նշում է Հարությունյանը` հույս հայտնելով, որ այդ ընթացքում դեռ տեղումներ կլինեն։

«Տա աստված, մենք կունենանք առատ տեղումներ` լինի ձյան տեսքով, թաց ձյան, թե հորդառատ անձրևների: Այդ դեպքում հողը հագեցած կլինի, ամբողջ ջուրը չի ներծծի, կունենանք ակտիվ հոսքեր, որոնք ջրամբարները կլցնեն»,- ասաց Աշոտ Հարությունյանը։

Իսկ անցած տարի ամռանը շոգի պատճառով նորմայից ավելի գոլորշիացած ու ոռոգման համար գերօգտագործված ջրի պաշարը հայաստանյան ջրամբարներում այդպես էլ դեռ չի վերականգնվել։

ՀՀ ԱԻՆ տրամադրած պաշտոնական տվյալներով՝ մեր երկրի ջրամբարներն այսօրվա դրությամբ դեռ շարունակում են 80%-ով դատարկ մնալ։ Այսպես` Ախուրյանի ջրամբարում ջրի ծավալը հունվարի 10-ի դրությամբ 525 մլն խմ-ի փոխարեն 113 է, Արփի լճում`105-ի փոխարեն 13, Ապարանի ջրամբարում` 91-ի փոխարեն 14.8, Ազատի ջրամբարում` 70-ի փոխարեն 19.3, Մարմարիկում` 24-ի փոխարեն 2.57 մլն խմ։

Հիշեցնենք՝ 2017թ-ի ամռանը աննախադեպ շոգի պատճառով, գյուղատնտեսական հողատարածությունների ոռոգումն ապահովելու համար Ջրային տնտեսության պետական կոմիտեն ստիպված եղավ ջրամբարներից բաց թողնել գրեթե ամբողջ ջրի պաշարը։

armeniasputnik.am