Հանրապետության հրապարակում մայիսի 4-ին  փուչիկների պայթյունից տուժածների մի մասին պլաստիկ վիրահատության կենթարկի Ադրիան Դայգլեր անունով գերմանացի բժշկը։ Այս մասին որոշվել է երեկ` Առողջապահության նախարար Հարություն Քուշկյանը
Գերմանացի բժշկ Ադրիան Դայգլերըի հետ հանդիպման ժամանակ:

Խորհրդակցության ընթացքում պետք է որոշվեր հիվանդներին արտերկիր տանել-չտանելու հարցը, քննարկվեին և համաձայնեցվեին բուժմանը վերաբերող հարցեր:

Ադրիան Դայգլերը Գերմանիայի Հեյդելբերգի Համալսարանական կլինիկայի պլաստիկ, վերականգնողական վիրաբուժության և այրվածքների կենտրոնի պրոֆեսոր է և Հայաստանում է հրավիրվել ՀՀ նախագահի Սերժ Սարգսյանի հանձնարարությամբ։

Այս պահին ամբողջական տվյալներ չկան, թե քանի պլաստիկ վիրահատություն կպահանջվի:

Արագածոտնի մարզից հայտնել են, որ որ մայիսի 16-ին, ժամը 19.00-ի սահմաններում օձի խայթոցից թունավորումով Աշտարակի հիվանդանոց, այնուհետև’ Երևանի «Մուրացան» մանկական հիվանդանոց է տեղափոխվել Նոր Եդեսիա գյուղի բնակվող, 2009 թ. ծնված Ասպրամ Գինովյանը:
Ըստ բժիշկների’ երեխայի առողջական վիճակը ծանր է: Այս մասին հայտնում է ՀՀ ԱԻՆ-ն:

Այսօր լրագրողների հետ հանդիպման  ժամանակ  հոգեբան Սամվել Խուդոյանը խոսելով  ինքնասպանությունների մասին նշեց որ  դրանց թիվը տարվա այս եղանակին` գարնանը սովորաբար մեծանում է, իսկ  աճ Հայաստանում չի նկատվում,այլ պարզապես այդ մասին ինֆորմացիան է շատացել. «Դժվար է ասել, որ շատացման միտում է նկատվում: Չկան առանձնահատուկ հիմքեր, որ ասենք միտում կա շատանալու: Ուղղակի կարելի է ասել, որ այս տարի ավելի շատ էր»,- ասաց հոգեբանը:

Անդրադառնալով այն հարցին թե  արդյո՞ք ինքնասպանությունների մասին անընդհատ խոսելը, մեծացնում է դրանց թվաքանակը, նա պատասխանեց. «Նայած՝ ինչ ես խոսում։ Եթե փաստն ես արձանագրում, ապա այո, իսկ եթե խոսում ես բացասական երևույթների մասին, ապա ոչ»:

Նրա խոսքով ինքնասպանություններին դիմելու պատճառների թվում առաջինը սերն ու հոգեկան հիվանդություններն են, ապա հարազատների
կորուստները, խաղամոլությունը:

Հոգեբանի համոզմամբ  խաղամոլության պատճառով ինքնասպանության դիմողների թիվը, կարելի է կրճատել, եթե պետական մակարդակով պարտադրվի խաղատներին, որպեսզի դրանք թույլ չտան խաղատուն մտնել խաղամոլության հատկանիշներ ունեցող մարդկանց: Ըստ Խուդոյանի՝ տվյալ դեպքում կօգնի նաև այն, եթե խաղատանը լինի հոգեբան:

Սամվել Խուդոյանի խոսքով՝ հետազոտությունները ցույց են տալիս., որ տղամարդիկ ավելի հաճախ են գործում ինքնասպանություններ, իսկ կայանք ավելի շատ փորձ են անում:

Ոստիկանության  տեղեկատվության համաձայն,  Լոռու մարզի «Բագրևանդ» կոչվող հանդամասում կայծակնահարումից մահացել է Ստեփանավանի Երիտասարդական 64 շենքի 32-րդ բնակարանի բնակիչ` 1965 թ. ծնված Պարգև Ստեփանյանը:

Ապրիլի 20-ին Ֆրանսիայում կայացավ «Staps For Life» բարեգործական միջոցառում, որի հասույթը միջոցառման կազմակերպիչները նախատեսել էին տրամադրել «ՄաՄաՍյու» ֆոնդին:

«ՄաՄաՍյու» բարեգործական հիմնադրամը ստեղծվել է եզակի դեպքից՝ քաղցկեղով հիվանդ կնոջ համար դրամահավաք կազմակերպելու նպատակով: Այն շուրջ մեկ տարի է միջոցներ է հավաքում Սյուի մայրիկի` Օլգա Սեպետչյանի կրծքագեղձի քաղցկեղը հաղթահարելու համար: Սյուի մայրիկն արդեն ապաքինվում է: Սակայն խնդիրը գլոբալ է, և ֆոնդը որոշել է շարունակել իր գործընթացը հայ կանանցից յուրաքանչյուր 13-երորդին բաժին հասնող կրծքագեղձի քաղցկեղի դեմ պայքարելու համար:

Սյու Սեպետչյանը զրույցի ժամանակ իր խորին շնորհակալությունը հայտնեց Marne La Vallée համալսարանին եւ Սպորտային ֆակուլտետի ուսանողներին` Սոֆի Դուաքսի եւ Գասպար Մանիի գլխավորությամբ: Բարեգործական միջոցառումն անցավ բարձր մակարդակով, իր մեջ ներառելով տարբեր սպորտաձեւերի մրցաշարեր, փոքրիկ ճաշկերույթ ու համերգ, որի ընթացքում ելույթ ունեցան երեք երաժշտական կոլեկտիվ` «Lucky Charms» ֆրանսիական ռոք խումբը, «Anicide», ծանր մեթալ-ռոք խումբը եւ «Akete» ռեգիի խումբը, որոնց առանջին շնորհակալություն են հայտնում «ՄաՄաՍյու» բարեգործական ֆոնդն ու միջոցառման կազմակերպիչները:

«ՄաՄաՍյու» բարեգործական հիմնադրամը համախոհ և աջակից կազմակերպություններ ու անհատներ է փնտրում, ովքեր պատրաստ են օգնության ձեռք մեկնել և համամասնակից լինել  գործին: Հիմնադրամի նպատակն է օգնել կանանց` պայքարելու կանացի վերարտադրողական ֆունկցիայի օրգանների քաղցքեղի դեմ:

Վահրամ Սահակյանի vraert.com կայքն անորոշ ժամանակով դադարեցրել է իր աշխատանքները՝ հեղինակի ծանր հիվանդության պատճառով: Արձակագիր Էդգար Կոստանդյանն այսօր իր ՝ kostandyanblog-ում հայտնել է, որ Վահրամ Սահակյանի առողջական վիճակը դեռ անկայուն է:

Կասեցվել են նաեւ նրա էջերը՝ բոլոր սոցիալական ցանցերում, դադարեցված են հոդվածները մամուլում, մասնակցությունը հեռուստատեսությամբ։

Վահրամ Սահակյանը, պարբերաբար գտնվում է հիվանդանոցում եւ տվյալ պահին անկարող է մասնակցել որեւէ գրական, հասարակական-քաղաքական ձեռնարկման։

Փետրվարի 15-ն ամբողջ աշխարհում նշվում է որպես մանկական քաղցկեղի դեմ պայքարի օր: Ամեն տարի ամբողջ աշխարհում այդ հիվանդությամբ տառապում է 175 հազար երեխա, որոնցից 90 հազարը մահանում են: Ընդ որում, ինչպես հաղորդում է NEWSru.com-ը, սա ճշգրիտ վիճակագրություն չէ, քանի որ մանկական քաղցկեղի ոչ բոլոր դեպքերն են գրանցվում: Բժիշկների կարծիքով, հիվանդության վաղ շրջանում ճիշտ բուժում ստանալու դեպքում հիվանդության դեքպերի 70%-ը հնարավոր է բուժել: Որքան ուշ է ախտորոշում տրվում, այնքան ավելի քիչ է բուժվելու հնարավորությունը:

Հատկապես լուրջ է խնդիրը զարգացածության ցածր մակարդակ ունեցող երկրներում: Եթե մյուս երկրներում ողջ է մնում հիվանդությամբ տառապող երեխաների 80%-ը, ապա այստեղ միանգմայն հակառակ պատկերն է:

Պոլսո Պատրիարք Մեսրոպ արքեպիսկոպոս Մութաֆյանն արդեն 5 ամիս է գտնվում է Ստամբուլի հայկական ազգային հիվանդանոցում` բժիշկների հսկողության ներքո: Սրբազան հայրն ընդամենը 55 տարեկան է:Նրա առողջական վիճակը տարօրինակ կերպով  միանգամից վատթարացավ ու այժմ ծանր հիվանդությունը նրան զրկել է մարդկանց հետ հարաբերվելու ունակությունից, սկզբում նշվում էր, որ Մեսրոպ պատրիարքը մանկամիտ է դարձել. սակայն մեր ունեցած տեղեկությամբ նա տառապում է նաև հիշողության կորստով, ոչ ոքի չի ճանաչում