«Չենք լռելու» նախաձեռնությունը հայտարարություն է տարածել, որտեղ նշվում է, որ արյան սուր հիվանդությամբ տառապող Արթուր Քոչարյանը, ում Մոսկվայում բուժման գումարը ՊՆ-ն մոտ մեկ ամիս չէր տրամադրում, սակայն համաձայնվել էր փոխանցել «Չենք լռելու»-ի տեսանյութի բարձրացած աղմուկից հետո, դեկտեմբերի 3-ին մահացել է:

«Պաշտպանության նախարարությունը չափազանց երկար ձգձգեց: Բժիշկներն ասում են, որ եթե որդիս տեղափոխվեր Մոսկվա գոնե մեկ ամիս առաջ, նրա կյանքը հնարավոր կլիներ փրկել: Որդուս թաղելուց հետո ես չեմ լռելու: Բոլորը պետք է իմանան, որքան է այս երկրում զինվորի կյանքի արժեքը ցոփության մեջ ապրող գեներալների համար»,- «Չենք լռելու»-ի հետ զրույցում երեկ ասել է Արթուրի հայրը՝ Ռոմիկ Քոչարյանը:

http://www.youtube.com/watch?feature=player_detailpage&v=kVHwzdL6UeQ

Դեկտեմբերի 1-ը ՁԻԱՀ-ի դեմ պայքարի համաշխարհային օրն է: Այս օրն առաջին անգամ կազմակերպվել է Առողջապահության համաշխարհային կազմակերպության կողմից` 20 տարի առաջ: Այս օրն իր մեջ պարունակում է կոչ` ուղղված համայն աշխարհի մարդկությանը` միավորելու բոլոր ջանքերը կասեցնելու ՄԻԱՎ-ի եւ ՁԻԱՀ-ի համաճարակը, որը, հիրավի, դարձել է ոչ թե մեկ երկրի կամ տարածաշրջանի, այլ ողջ երկրագնդի լրջագույն մարտահրավերներից մեկը:

1988թ. մինչև 2008թ. դեկտեմբերի 1-ը Հայաստանի Հանրապետությունում գրանցվել է ՄԻԱՎ վարակի 656 դեպք ՀՀ քաղաքացիների շրջանում, որոնցից 118-ը 2008թ. ընթացքում:

ՄԻԱՎ վարակով հիվանդների ընդհանուր կազմում գերակշռում են արական սեռի ներկայացուցիչները` 489 մարդ (74,5%), իգական սեռի ներկայացուցիչների մոտ արձանագրվել է վարակի 167 դեպք (25,5%): ՄԻԱՎ վարակի 13 դեպք (2%) է արձանագրվել երեխաների մոտ:

ՄԻԱՎ-ով վարակվածների շուրջ 60%-ը 25-39 տարիքային խմբում է:

Հայաստանի Հանրապետությունում ՄԻԱՎ վարակի փոխանցման հիմնական ուղիներն են հետերոսեքսուալ ճանապարհը (48,9%) և թմրամիջոցների ներարկային օգտագործման միջոցով վարակումը (43,9%): Սրանցից բացի, Հայաստանում արձանագրվել են մորից երեխային, արյան և հոմոսեքսուալ ճանապարհներով ՄԻԱՎ վարակի փոխանցման դեպքեր:

ՄԻԱՎ վարակով հիվանդներից 284-ի մոտ (կին` 59, երեխա` 6) ախտորոշվել է ՁԻԱՀ, ըստ որում, 74-ի մոտ` 2008թ. ընթացքում: Համաճարակի սկզբից գրանցվել է ՄԻԱՎ/ՁԻԱՀ-ով հիվանդների մահվան 154 դեպք: Մահացածների թվում կան 24 կին և 3 երեխա:

«Հայկական Վարկած»-ի խմբագրություն էր զանգահարել ՀՀ առողջապահության նախարարի մամլո խոսնակ Անահիտ Հայթայանը` դժգոհելով  մեր կայքում այսօր հրապարակված «Առողջապահության նախարարությունը ձեռքերը լվանո՞ւմ է» հոդվածի բովանդակությունից:

Նա պնդում է, որ հրապարակված տեքստը իր մեկնաբանությունը չի ներկայացրել:

1. Նա պնդում է, որ ՀՀ ԱՆ-ն երբևիցէ «ձեռքերը չի լվացել» սիբիրախտի խնդրից և ամեն օր հանդես է գալիս նոր հրապարակումներով պաշտոնական ինտերնետային կայքում:

(Ի դեպ այդ մասին մենք չենք էլ գրել):

2. Ա. Հայթայանը ժխտում է, որ մեզ հետ խոսելիս իրեն թույլ է տվել «գյուղնախարարությունում շատ խառն են» արտահայտությունը, այլ նշել է, որ ՀՀ գյուղատնտեսության նախարարությունում անասունների անկումների նոր դեպքեր են գրանցվում:
(Կարծում ենք օրինաչափ կլիներ, եթե խառը լինեին, քանի որ մենք այսօր  երկու տարբեր մարզերում տեղի ունեցած  կենդանիների անկման մասին տեղեկություն ստացանք):
3. Նա պնդում է նաև, որ իրենք ոչ թե պլանավորել են երկու շաբաթ չխոսել այդ թեմայի մասին, այլ պարզապես հիմա դրա մասին խոսելու անհրաժեշտություն չեն տեսնում, նոր արտառոց դեպքի գրանցման պարագայում, իրենք հանդես կգան համապատասխան հայտարարությամբ:
(Չենք կարծում, որ հանրության հետաքրքրությունը այս իրավիճակում փարատելու, նրանց իրազեկելու համար անհրաժեշտ են նոր հիվանդներ):

«Հայկական Վարկած»

Նոյեմբերի 21-ին, ժամը 01.00-ին, հիվանդանոցից ոստիկանության Նոր Նորքի բաժնում հաղորդում է ստացվել, որ Թոթովենցի փողոցի 7 շենքի թիվ 8 բնակարանից շմոլ գազի թունավորումով իրենց մոտ բուժօգնության են տեղափոխվել 1960 թ. ծնված Շուշան  Ալեքսանյանը, 1955 թ. ծնված Գոհար Այվազյանը  և 1953 թ. ծնված Լևոն  Այվազյանը:

Պարզվել է, որ նրանք թունավորվել են բնակարանում գազի կաթսայից տեղի ունեցած գազի արտահոսքից:
Կատարվում է նախաքննություն:

Հայաստանում անպտղությունը կազմում է 16-17%, իսկ Արցախում՝ 20-21%. այս մասին այսօր լրագրողների հետ հանդիպման ժամանակ տեղեկացրել է Վերարտադրողական առողջության հայկական ասոցիացիայի նախագահ, գինեկոլոգ Էդուարդ Համբարձումյանը, նշելով, որ  Լեռնային Ղարաբաղում անպտղությունն ավելի մեծ տոկոս է կազմում, քան Հայաստանում:

Ըստ նրա՝ դա հիմնականում կապվում է նրա հետ, որ այսօրվա սերունդը պատերազմի հետևանքով վախի, ցրտի ու մթության մեջ մեծացած երեխաներն են:

Գինեկոլոգի խոսքով, Հայաստանում յուրաքանչյուր 7-րդ զույգը անպտղության խնդիրներ ունի և պետությունը լուրջ ուշադրություն պետք է դարձնի հարցին, քանի որ հենց սրանից է կախված ազգի դեմոգրաֆիկ աճը:

«Հայաստանում արհեստական բեղմնավորումը արժե 3500-5000 հազ. ԱՄՆ դոլար, իսկ արտասամանում այն գրեթե եռակի անգամ թանկ է: Միայն ու միայն ֆինանսական խնդիրների պատճառով, երբեմն, չի կատարվում արհեստական բեղմնավորում»,– ասել է նա և ավելացրել, որ երբեմն զույգն անհրաժեշտ գումարը գտնում է, բայց արհեստական բեղմնավորման փորձն անհաջող է լինում:

Էդուարդ Համբարձումյանի տեղեկացմամբ, գոյություն ունի անպտղության մոտ 40 տեսակ, որոնցից 22-ը կանաց հետ է կապված, 18-ը՝ տղամարդկանց:

Առողջապահության նախարարության հիգիենիկ և հակահամաճարակային հսկողության տեսչության պետ Արտավազդ Վանյանն այսօր լրագրողների հետ հանդիպման ժամանակ տեղեկացրել է, որ Սիբիրյան խոցով հիվանդանոցներում 5 հոգի կա, որոնց վիճակը միջին ծանրության է։

Նրա խոսքով, վարակի ոչնչացման համար ներգրավված են բոլոր շահագրգիռ կողմերը և սիբիրյան խոցի առաջին նախանշանի՝ կարմրակապտավուն բծի առկայության դեպքում պետք է սթափվել:

«Կատարվում են բնակարանային համայցեր, բաժանվում են հուշաթերթեր, հորդորվում է վարել առողջ ապրելակերպ. կասկածելի դեպքերում տվյալ տանը կատարվում է ախտահանման աշխատանքներ»,- նշել է Արտավազդ Վանյանը:

Վանյանի տեղեկացմամբ, բուժումն իրականացվում է հիմնականում պետպատվերի շրջանակներում և մեկ շաբաթում հնարավոր է բուժել:

«Բակային համայցերի արդյունքում հայտնաբերվել է սիբիրյան խոցով հիվանդ մոտ 50 մարդ, բայց նրանցից միայն 8-ի մոտ է հաստատվել: Հայաստանում տարածված է սիբիրյան խոցի մաշկային ձևը: Ծանր դեպքեր դեռ չենք ունեցել: Կարևորն այն է, որ այն վարակիչ չէ և մեկ շաբաթում բուժվում է »,- ընդգծել է բանախոսը:

Նոյեմբերի 4-ին, ժամը 22.10-ին, շմոլ գազի թունավորումով հիվանդանոց է դիմել Ֆուչիկի փողոցի 6 շենքի թիվ 44 բնակարանի բնակիչներ՝ 1978 թ. ծնված Արթուր Խաչատրյանը, 1982 թ. ծնված Գոհար Պետրոսյանը և 2010 թ. ծնված Մոնիկա Խաչատրյանը:

Պարզել է, որ նույն օրը, ժամը 21.30-ին, նշված բնակարանում, լոգարանի կաթսայից գազի արտահոսքի պատճառով նրանց ինքնազգացողությունը վատացել է և դիմել են հիվանդանոց:
Հանգամանքները պարզվում են:
Կատարվում է քննություն:

***

Նոյեմբերի 5-ին, ժամը 00.15-ին, «Արմենիա» բժշկական կենտրոնից ոստիկանության Էրեբունու բաժնում հաղորդում է ստացվել, որ շմոլ գազի թունավորումով Ռոստովյան փողոցի 36 շենքի թիվ 2 բնակարանից իրենց մոտ բուժօգնության են տեղափոխվել 1985 թ. ծնված Սյուզաննա Ավետիսյանը, 1940 թ. ծնված Մարտին Թադևոսյանը և 1959 թ. ծնված Ռուզաննա Մարտիրոսյանը, որոնք հիվանդանոցում հայտնել են, որ թունավորվել են բնակարանում` լողանալուց հետո:
Հանգամանքները պարզվում են:
Կատարվում է քննություն:

Այս մասին հայտնում է ոստիկանության մամլո ծառայությունը։

Այսօր լրագրողների հետ հանդիպման ժամանակ  ասաց գինեկոլոգ Գեորգի Պողոսյանը նշեց, որ արհեստական կուսաթաղանթի թեման ժամանակավրեպ է, քանի որ 1,5 տարի առաջ Հայաստանում կար արհեստական կուսաթաղանթի վաճառք իրականացնող խանութ, բայց վաճառք չլինելու պատճառով այն փակվեց:

Նրա խոսքով` դա բժշկական խնդիր չէ, բժշկությունը զբաղվում է առողջությամբ, ոչ թե պահեստամասերով: Իսկ այն բժիշկները, ովքեր զբաղվում են նման հարցերով, օժանդակում են խաբեությանը և իրավունք չունեն բժիշկ կոչվելու: Գեորգի Պողոսյանը իր զարմանքը հայտնեց այդ թեմայի` նման հասարակական քննարկման արժանանալու կապակցությամբ և   նշեց, որ տպավորություն է ստեղծվում, թե մենք այլ խնդիրներ չունենք, «սաղ պարերը պարել ենք, մնացել է սարի սմբո՞ւլը»:

Ասուլիսի մյուս բանախոս սեքսոպաթոլոգ Վրեժ Շահրամանյանը անդրադառնալով թեմային նշեց, որ դա արհեստական թաղանթ է, որն ունի եզրերին գունաներկ: Դրանք այն երկրների համար են, որտեղ  կուսաթաղանթն իրենից արժեք է ներկայացնում: Նա ևս խորհուրդ տվեց  չզբաղվել նման կեղծարարություններով:

«Հրապարակը» գրում է, թե մինչ գյուղատնտեսության փոխնախարար Գրիշա Բաղյանը  երեկ շտապում էր լրագրողներին հավատացնել, թե  սիբիրյան խոցի բռնկումներ չկան, եւ իր ղեկավարած կառույցն անթերի է աշխատել է, մենք ժամեր անց ահազանգ ստացանք, որ Վարդենիսի տարածաշրջանի Ծովակ գյուղում վերջին օրերին դարձյալ կովեր են  սատկել:

Ահազանգողներն իրենց զարմանքն էին հայտնում Բաղյանի հավաստիացումների հետ կապված: Նշենք, որ նույն Գրիշա Բաղյանը դեռեւս օրեր առաջ, երբ նոր-նոր շշուկներ էին տարածվել սիբիրախտի ի հայտ գալու հետ կապված, մեզ հետ հեռախոսազրույցում վրդովված ասաց, թե իրենք իրենց գործն անթերի կատարել են, հիվանդ կով չունեն, իսկ տվյալ հիվանդությունը կարող է գյուղացուն անցնել հողից, ջրից եւ այլն:

Եվ ահա, օրեր անց հայտնի դարձավ, որ սիբիրախտի աղբյուր է եղել միսը, իսկ այդ ամենն առաջացել է Բաղյանենց թերացումների՝ կովերին պատշաճ չպատվաստելու հետեւանքով:

Ուշագրավն այն է, որ երեկվա ահազանգը հաստատվեց նաեւ գյուղատնտեսության նախարարության ենթակայության տակ գտնվող մեկ այլ կառույցից՝ Սննդի  անվտանգության ծառայությունից: Մամլո խոսնակ Բաբկեն Պիպոյանը մեզ հետ զրույցում հաստատեց, որ վերջին մի քանի օրերին եղել է անկում: Իսկ թե ինչու էր անասունների գծով կուրատոր Բաղյանն այն թաքուն պահում, հայտնի չէ:

«Հրապարակ».

Այսօր լրագրողների հետ հանդիպման ժամանակ հայտարարեց ՀՀ գյուղատնտեսության նախարարության Սնդի անվտանգության պետական ծառայության անասնաբուժական տեսչության պետ Հովհաննես Մկրտչյանը տեղեկացրեց, որ Սիբիրախտ հիվանդության աղբյուրը Վարդենիսի մերձակա Ծովակ գյուղի բակերից մեկում անասունի մորթն է եղել:

Ահազանգը ստացվել է հոկտեմբերի 15-ին, երբ հիվանդանոց է տեղափոխվել սիբիրախտի ախտանիշերով մի մարդ. «Հանգամանքները ցույց են տվել, որ բակային մորթ է իրականացվել, որի հետեւանքով այդ մարդը վարակվել է հիվանդ կենդանու մսից»,- ասաց Հ. Մկրտչյանը: Աշխատանքները դժվարացել են նրանով, որ գյուղացիները սկսել են խոչընդոտել մսեղիքի որոնմանը: Այնուամենայնիվ՝ գյուղում առկա մսեղիքը հայտնաբերվել է, այրվել, իսկ այրված վայրը ախտահարվել է:

Մկրտչյանը հավաստիացրեց, որ այս պահին Ծովակում և հարակից համայնքներում վարակված կենդանիներ չկան, իրականացվել են պատվաստման աշխատանքներ: