Թուրքիայի և Ադրբեջանի բարձրաստիճան պաշտոնյաների, հիմա էլ Բրայզայի այս հայտարարույթյունները նպատակ ունեն միջազգային հանրության, ՀՀ գործընկերների աչքին հայկական ընդդիմությանը և Սփյուռքին ապակառուցողական տարրեր ներկայացնելուն։ Այս մասին ֆեյսբուքում գրել է ԱԺպատգամավոր Քրիստինե Գրիգորյանը.

«Այսօր Ադրբեջանում ԱՄՆ նախկին դեսպան Մեթյու Բրայզն հարցազրույցում ասել է․

«‎Խաղաղության պայմանագրի ստորագրման հիմնական խնդիրը հայկական ընդդիմության և սփյուռքի հակազդեցությունն է»։

Չնայած բոլոր քննադատություներին, որերորդ անգամ այսպիսի արձագանքները հստակ ցույց են տալիս, որ Հայաստանում և Սփյուռքում մարդկանց արձագանքը զսպել է Նիկոլ Փաշինյանին իրականացնել Ալիևի հետ ձեռք բերված պայմանավորվածությունները։

Ի՞նչու են արվում այսպիսի հայտարարությունները

Թուրքիայի և Ադրբեջանի բարձրաստիճան պաշտոնյաների, հիմա էլ Բրայզայի այս հայտարարույթյունները նպատակ ունեն միջազգային հանրության, ՀՀ գործընկերների աչքին հայկական ընդդիմությանը և Սփյուռքին ապակառուցողական տարրեր ներկայացնելուն և նրանց դերակատարության աճը կանխելուն։

Մինչդեռ իրականում այս հայտարարությունները պետք է ուղենիշ դառնան բոլորիս համար, որովհետև որերորդ անգամ մատնանշվում է Թուրքիայի և Ադրբեջանի համար ամենաշատ խնդիրներ ստեղծող գործոնները, հետո արդեն սովորույթի և զարմանալի պատահականության հետևանքով Հայաստանում իշխող ուժի կողմից սկսում է սաստկանալ նույն այդ ուժերի դեմ պայքարը»։

Քաղաքական վերլուծաբան Վարդան Բալյանը ֆեյսբուքի իր էջում գրում է. «Սուվորովն ասում էր՝ ավելի լավ է վտանգին ընդառաջ գնալ, քան սպասել տեղում:

ՄԱԿ-ում Ռուսաստանի Դաշնությանը ագրեսոր ճանաչելու մասին բանաձևին կողմ քվեարկելով Հայաստանը վճռական քայլ արեց դեպի վտանգը: Հիշեցնեմ, որ զուգահեռաբար Վաշինգտոնում մեկնարկում են Միրզոյան-Բլինքեն-Բայրամով եռակողմ և Միրզոյան-Բայրամով երկկողմ բանակցությունները, որոնք, ըստ ամենայնի, պետք է տևեն մի քանի օր: Այս զարգացումներին ընդառաջ Ալիևը Լաչինի միջանցքում տեղակայում է հսկիչ անցակետ, ռուսները փոխում են խաղաղապահ զորակազմի հրամանատարին, Իսրայելը ակտիվացնում է Հարավային Ադրբեջանի խաղաքարտը, Թուրքիայում իշխանության համար պայքարը թևակոխում է վճռական փուլ…

Ձեռնպահ կմնամ իշխանության արտաքին քաղաքական գործողություններին որևէ գնահատական տալուց, քանի որ օբյեկտիվորեն չեմ տիրապետում ամբողջական տեղակատվության: Հուսով եմ, իրավասու պաշտոնյաները լիարժեք գիտակցում են իրենց քայլերի նշանակությունը և հաշվարկել հնարավոր զարգացումները: Բոլոր պարագաներում հստակ է մեկ բան՝ ներկա իրավիճակում մենք չենք կարողանալու լինել շահողների մեջ, առավելագույնը, որին կարող ենք հավակնել՝ հանգուցալուծումից հնարավորինս քիչ տուժել:

Հետգրություն. անվտանգային սպառնալիքները՝ ընդհուպ նոր ռազմական էսկալացիայի, էապես աճում են»:

Ապրիլի 30-ին ադրբեջանական աղբյուրները սկսեցին շրջանառել մի տեսանյութ՝ ներկայացնելով, թե հայ բնակիչներն արդեն ազատ օգտվում են Արցախ-Հայաստան ճանապարհից և անցում Հակարիի կամրջին տեղադրված ադրբեջանական անցակետով։

Դրանից հետո պաշտանական Արցախը վերահաստատեցին, որ Արցախ-Հայաստան երկկողմանի տեղաշարժը կազմակերպվում է բացառապես Ռուսաստանի Դաշնության խաղաղապահ զորակազմի և Կարմիր Խաչի միջազգային կոմիտեի կողմից և ուղեկցությամբ։

Արցախի հանրային հեռուստաընկերությունը ներկայացրել է, թե ինչպես է նկարահանվել ադրբեջանական քարոզչական տեսանյութը։

ԱԺ «Պատիվ ունեմ» խմբակցության քարտուղար Տիգրան Աբրահամյանը գրում է.

«Ադրբեջանը Շուշիի հարակից հատվածով անցնող միջպետական ճանապարհի «բնապահպաններին» հանել է, սակայն նույն տեղում ծառայություն են իրականացնում ադրբեջանցի զինծառայողները:

Մեծ առումով, «բնապահպանները» շարունակում են ծառայությունը, ուղղակի իրենց իրական` զինվորական համազգեստով ու զենքով:

Փաստացի այս պահին Ադրբեջանը ՀՀ-ն կապող միջանցքի 2 հատվածներում անցագրային ռեժիմ է սահմանել` Հակարի գետի կամուրջին` անմիջապես Կոռնիձոր գյուղի մատույցներում և Շուշիի հարակից հատվածում, որտեղ վերջին 4 ամիսներին էկոակտիվիստների անվան տակ տարբեր ուժային կառույցների ներկայացուցիչներ էին:

Արցախից պաշտոնապես տեղեկացնում են,  որ Շուշիի հատվածում ադրբեջանցիները երեկ կանգնեցրել և երկար ժամանակ արգելել են ՀՀ-ից Արցախ հումանիտար բեռի տեղափոխումը, որն իրականացվում էր ռուս խաղաղապահների միջոցով:

Ժամանակը գնում է, ճնշումն Արցախի նկատմամբ երկրաչափական պրոգրեսիայով աճում, սակայն իրավիճակային հանգուցալուծում դեռևս չկա:

Մինչև ՀՀ իշխանությունը միջանցքը որպես ՌԴ պատկանելիության տարածք է որակում, իսկ ՌԴ-ից հորդորում են ՀՀ իշխանութանը գործընթացի պատասխանատվությունից չխուսափել, արցախցիների վիճակը շարունակում է վատթարանալ»։

Flyone Armenia ավիաընկերության Փարիզ-Երևան չվերթի ուղևորները, որոնք Թուրքիայի օդային տարածքն անսպասելիորեն փակվելու պատճառով ստիպված վայրէջք էին կատարել Քիշնևում, վերադարձել են Հայաստան։ Այդ մասին «Փաստինֆո»-ին հայտնեց Flyone Armenia ավիաընկերության տնօրենների խորհրդի նախագահ Արամ Անանյանը։

«Ապահովվել է Քիշնևից մեր ուղևորների վերադարձը։ Հիմա նրանց հետ իրազեկման աշխատանքեր ենք իրականացնում և աշխատելու ենք ապահովել նրանց բոլորի ճամփորդական ծրագրերը»,-նշեց Անանյանը։

Մեր ճշտող հարցին՝ ի՞նչ է նշանակում «աշխատելու ենք ապահովել ճամփորդական ծրագրերը», ենթադրվում է, որ ա՞յլ երկրների տարածքով են դրանք իրականացվելու, Անանյանն այսպես պատասխանեց․«Այս պահին կսահմանափակվեմ այսքանով»։

Արամ Անանյանի խոսքով՝ Flyone Armenia ավիաընկերության այսօրվա չվերթներից ոչ մեկը չի չեղարկվել։ Նշենք, որ Զվարթնոց օդանավակայանի կայքում տեղադրված մեկնումների ցանկի համաձայն՝ այսօր դեպի Եվրոպա չվերթ նշված ավիաընկերությունը չունի։ Flightradar24-ի համաձայն ևս՝ Flyone Armenia-ին պատկանող որևէ ինքնաթիռ երկնքում այս պահին չկա։

Թուրքիայի ավիացիոն իշխանություններն առ այս պահը չեն պարզաբանել, թե ինչու են հայկական Flyone Armenia ավիաընկերության օդանավերի համար՝ առանց նախազգուշացման փակել իրենց օդային տարածքը՝ այն դեպքում, երբ նշված ավիաընկերությանը տվել էին դեպի Եվրոպա Թուրքիայի օդային տարածքով չվերթներ իրականացնելու թույլտվություն։

Արամ Անանյանը նշեց, որ տեղեկություն չունի, թե ինչու են Թուրքիայի ավիացիոն իշխանությունները փակել իրենց երկրի օդային տարածքը Flyone Armenia ավիաընկերության օդանավերի համար։ Նրա խոսքով՝ իր ունեցած տեղեկությունը փոխանցել է հանրությանը՝ երեկ երեկոյան։
Հիշեցնենք, որ երեկ երեկոյան «Արմենպրես» գործակալության հետ զրույցում Արամ Անանյանն ասել էր հետևյալը․ «Մեզ համար անհասկանալի պատճառներով և առանց

որևէ տեսանելի հիմքի Թուրքիայի ավիացիոն իշխանությունները չեղարկել են Թուրքիայի օդային տարածքով դեպի Եվրոպա չվերթեր իրականացնելու՝ Flyone Armenia ավիաընկերությանը նախօրոք տրամադրված թույլտվությունը։ Թուրքիայի ավիացիոն իշխանությունները չեղարկումը իրականացրել են առանց նախօրոք իրազեկման՝ մեր ավիաընկերությանն ու մեր ուղևորներին կանգնեցնելով փաստի առաջ»։

Մեր քաղաքացիները խաղաղապահների աջակցությամբ միակողմանի ու անխափան կերպով անցել են ճանապարհը, սակայն անցակետի տեղադրման պատճառով Գորիսում մնացած հայրենակիցների հետ իրենց բնակավայր վերադարձի ճանապարհին անցակետում նրանք հանդիպել են ադրբեջանցիների: Վերջիններս, մեր քաղաքացիներին դնելով անելանելի վիճակում, ստիպել են կատարել իրենց պահանջները, տեսանկարահանել այդ գործընթացը` հերթական բեմականացումը ցուցադրելու համար: Այս մասին իր ֆեյսբուքյան էջում գրել է Արցախի պետնախարար Գուրգեն Ներսիսյանը:
«2023 թվականի ապրիլի 23-ից Ադրբեջանը ապօրինի անցակետ է տեղադրել Արցախ-Հայաստան սահմանագծին (Լաչինի միջանցքում), որի հետևանքով Արցախի Հանրապետության Շուշիի շրջանի համայնքները մնացել են լիակատար շրջափակման մեջ` կտրվելով ինչպես Ստեփանակերտից, այնպես էլ ՀՀ-ից: 
Ապրիլի 23-ից Շուշիի շրջանի Մեծ Շեն, Հին Շեն, Եղցահող և Լիսագոր համայնքների բնակիչների հումանիտար վիճակն օր-օրի վատթարացել է, փորձ է արվել Կարմիր խաչի արցախյան գրասենյակի միջոցով այդ համայնքներին սնունդ և դեղորայք մատակարարել, սակայն այդ ջանքերը արդյունք չեն տվել: Ռուս խաղաղապահների աջակցությամբ սկզբնական օրերին ծնողների մոտ են վերադարձվել Գորիս քաղաքում մնացած երեք անչափահաս երեխաները, իսկ մնացածների վերադարձն Ադրբեջանը արգելել էր: 
Լիակատար ու երկկողմանի շրջափակման մեջ գտնվող գյուղերի բնակիչների հրատապ հումանիտար խնդիրները լուծելու համար մի խումբ բնակիչներ դիմել են տեղում ծառայություն իրականացնող ռուս խաղաղապահներին, որոնց կողմից թույլատրվել է առանց զննության մասնավոր մեքենաներով անցնել Հակարիի կամրջի մոտ տեղադրված անցակետով` նախապես հավաստիացնելով, որ ադրբեջանցիների կողմից որևէ հսկողական միջամտություն չի լինելու: Մեր քաղաքացիները խաղաղապահների աջակցությամբ միակողմանի ու անխափան կերպով անցել են ճանապարհը, սակայն անցակետի տեղադրման պատճառով Գորիսում մնացած հայրենակիցների հետ իրենց բնակավայր վերադարձի ճանապարհին անցակետում նրանք հանդիպել են ադրբեջանցիների: Վերջիններս, մեր քաղաքացիներին դնելով անելանելի վիճակում, ստիպել են կատարել իրենց պահանջները, տեսանկարահանել այդ գործընթացը` հերթական բեմականացումը ցուցադրելու համար:
Սա հերթական ապացույցն է, որ ադրբեջանական ապօրինի անցակետը խոչընդոտում է Արցախի քաղաքացիների, մեքենաների ու բեռների անխափան տեղաշարժը՝ խախտելով 2020թ. նոյեմբերի 9-ի եռակողմ հայտարարության դրույթները և ՄԱԿ-ի Արդարադատության միջազգային դատարանի որոշումը: Արցախի Հանրապետության ժողովուրդը սպասում է Լաչինի միջանցքի` Եռակողմ հայտարարությամբ սահմանված ռեժիմի վերականգնմանը` 5 կմ լայնությամբ միջանցք բացառապես ռուսական խաղաղապահ ուժերի վերահսկողությամբ»:Հիշեցնենք, որ ավելի վաղ ադրբեջանական լրատվամկջոցները մի տեսանյութ էին տարածել, որում երեւում է, որ Արցախի բնակիչները ազատ երթեւեկում են Հակարիի կամրջի վրա տեղադրված անցակետով: Տեսանյութն առաջացրել էր արցախցիների վրդովմունքը:

Ամեն անգամ ցավով արձանագրում ենք, որ ծնունդով Արցախից ԱԽ քարտուղար Արմեն Գրիգորյանը Արցախի ամոթն է, որը լծված է Արցախը հանձնելու գործընթացին: Այս մասին NEWS.am-ի հետ զրույցում նշեց Արցախի ԱԺ «Արդարություն» խմբակցության պատգամավոր Մետաքսե Հակոբյանը:

Անդրադառնալով ՀՀ վարչապետ Նիկոլ Փաշինյանի պնդումներին, թե իրենք որեւէ քայլ չեն անում առանց Արցախի իշխանություների, Մետաքսը Հակոբյանն ասաց, որ ինքը այդ մասին հարց է ուղղել Արցախի պետնախարարին, որը պատասխանել է, որ որեւէ առնչություն չկա, միակ առնչությունը ՀՀ իրավապահ մարմինների հետ  երբեմն. «Նույնկերպ պատասխան նտվեց նաեւ ԱԳՆ ներկայացուցիչը, նույն բանը ասաց Արցախի ԱԺ նախագահը: Այսինքն ստացվում է, որ երբ Նիկոլ Փաշինյանը նման բան է հայտարարում, դա ընդամենը երկու անձանց միջեւ է՝ ՀՀ վարչապետի եւ Արցախի նախագահի»:

Ինչ վերաբերում է Հակարի կամրջի վրա ադրբեջանական  անցակետ տեղադրելուն, Մետաքսե Հակոբյանը պնդեց, որ դա այնքան էլ անակնկալ չէր որեւէ մեկի համար. «Հիշում եք, որ Բայրամով-Լավրով հանդիպումը կայացավ եւ հայկական կողմը չմասնակցեց: Այդ օրը Լավրովը հայտարարեց, որ այո, տեղադրվելու է անցակետ, սկան ապարատ է դրվելու, այն լինելու է ռուս խաղաղապահների հսկողության ներքո, որպեսզի փարատվի Ադրբեջանի կասկածները: Հիմա հասկանալի է, թե ինչու չկար Հայաստանի կողմից ներկայացուցիչ, որովհետեւ իր լռությամբ պետք է հաստատեր իրենց մասնակցությունը դրան: Հետեւաբար, ավելի լավ էր չներկայանալ, որ ակնհայտ չլիներ, որ դա Հայաստան-Ադրբեջան պայմանավորվածություններն են եւ Ռուսաստանը չէ, որ պետք է չեղարկեր այդ պայմանավորվածությունները:

Դրան զուգահեռ Հայաստանի եւ Արցախի իշխանությունները ինխրոն եւս մեկ գործընթաց են տանում, այն է՝ բոլոր խնդիրները տեղափոխել ռուս-ադրբեջանական հարթակ: Այսինքն մեղավոր է Ադրբեջանը, որ չի կատարում իր պարտավորությունները, բայց առավել մեղավոր է ռուսական կողմը, որ դա չի կանխում: Իսկ որո՞նք են հայկական իշխանությունների անելիքները»:

Ադրբեջանական անցակետի տեղադրումը Գորիս-Ստեփանակերտ ճանապարհին ռուսական կողմին ուղղված սադրանք է, որին մասնակից է նաև ՀՀ իշխանությունը։ Այս օրերին, ըստ տարբեր՝ այդ թվում արևմտյան լրատվամիջոցներից եկող ինֆորմացիայի, ռուսական զորքերը լուրջ գործողություններ են ծավալում Բախմուտի ուղղությամբ, և այնտեղից ռուսների ուշադրությունը շեղելու նպատակով են այստեղ նման քայլեր արվում։ «Փաստինֆո»-ի հետ զրույցում նման տեսակետ հայտնեց քաղաքական վերլուծաբան Բագրատ Մովսեսյանը։

«Խաղաղապահները հիմա նույն վիճակում են, ինչ Փառուխի դեպքերի ժամանակ։ Այն ժամանակ էլ մեր զորքերը հետ են քաշվել, ադրբեջանցիները մտել են, ու արդյունքում մեղադրանքներն ուղղվել են խաղաղապահներին։ Հիմա էլ մեղադրանքներ են հնչում նրանց հասցեին, բայց, իմ ունեցած տեղեկություններով, ադրբեջանական անցակետը դուրս է գտնվում խաղաղապահներին վստահված հատվածից։ Բացի այդ, խաղաղապահներն ադրբեջանցիներին, թեկուզ այն տեղերից, որտեղ հայտնվել են 5 կմ-ոց հատվածը խախտելով, քշելու իրավասություն չունեն․ ընդամենը կարող են բարձրաձայնել արձանագրված խախտումների մասին»,-ասաց վերլուծաբանը։

Պաշտոնական հաղորդագրություններում հաճախակի՝ մանավանդ ադրբեջանական ամեն մի սադրանքից հետո հանդիպող հետևյալ նախադասությունը․ «Ռուս խաղաղահները բանակցում են հայկական ու ադրբեջանական կողմերի հետ», վերլուծաբանի խոսքով՝ հերթապահ նախադասություն չէ։ Նրա վստահեցմամբ՝ խաղաղապահ առաքելություն ստանձնած կողմն, իրոք, բանակցում է և այս անգամ ավելի կոշտ քայլերի է գնալու։

«Իմ ունեցած տեղեկություններով խաղաղապահ զորախմբի նորանշանակ հրամանատար Լենցովը բավականին կոշտ բնավորության տեր է, այսինքն՝ շատ ավելի նման է Մուրադովին՝ առաջին հրամանատարին։ Նա տարբերվում է Վոլկովից․ չեմ կարծում, թե զիջումների կգնա։ Ի դեպ, երեկ Փաշինյան-Պուտին հեռախոսազրույցին հաջորդած իշխանական տեղեկատվական հոսքերն էլ հուշում էին, որ հեռախոսազրույցը բավականին լարված է անցել։ Ռուսական կողմը, ըստ իս, անցնելու է լուրջ գրոհի, քանի որ ադրբեջանական անցակետի տեղադրումը, իրոք, ՌԴ-ի դեմ ուղղված սադրանք է»,-նշեց Մովսեսյանը։

Ինչ վերաբերում է քննարկումներին, թե անցակետն ում տարածքում է տեղադրված՝ ՀՀ-ի, թե Ադրբեջանի, վերլուծաբանը հղում արեց 1926թ․ պաշտոնապես հաստատված քարտեզներին, որոնց համաձայն ոչ միայն այդ հատվածը, այլև դեպի արևելք ընկած ահագին տարածքներ Հայաստանի մաս են կազմում։

Անդրադառնալով երեկվա՝ Երևան-Կապան չվերթին, վերլուծաբանը մտավախություն հայտնեց, որ դա ոչ միայն ստեղծված լրջագույն իրավիճակից մարդկանց շեղելու նպատակով է արվել, այլև՝ Տիգրանաշենի հնարավոր հանձնումը մեղմելու համար։

«Ուզում են ցույց տալ, թե, իբր, օդային ճանապարհով կարող ենք Կապան հասնել և դա անվտանգ է։ Իրականում, ադրբեջանցիները Կապանի օդանավակայանին բավականին մոտ են դիրքավորված, ու բացի այդ, հնարավոր է օդային կապի հնարավորությունը պատրվակ բռնեն ու Տիգրանաշենը հանձնեն։ Այդ դեպքում Ադրբեջանը, բնականաբար, այնտեղ էլ հսկիչ անցագրային կետ կտեղադրի։ Ու Սյունիքի հետ կապվելու ընդամենը մեկ՝ օդային ճանապարհ կունենանք»,-եզրափակեց Բագրատ Մովսեսյանը։

Հայաստանում 2023-ի առաջին եռամսյակում տնտեսական ակտիվությունն աճել է 12,2%-ով. Վիճակագրական կոմիտեն է հրապարակել սոցիալ-տնտեսական վիճակը բնութագրող ընթացիկ-օպերատիվ ամփոփմամբ ստացված նախնական հիմնական մակրոտնտեսական ցուցանիշները:

Համաձայն պաշտոնական վիճակագրության՝ այս տարվա առաջին եռամսյակում համեմատաբար բարձր աճ է արձանագրվել ծառայությունների ոլորտում՝ 22,9%, շինարարությունում` 15,6%, առևտրի շրջանառությունում` 21%: Արդյունաբերության ոլորտում աճը կազմել է 3,6%, գյուղատնտեսությունում՝ 1,4%:

Հունվար-մարտին արտաքին առևտրաշրջանառությունն աճել է ավելի քան երկու անգամ՝ 102,2%-ով։ Ընդ որում, արտահանումն աճել է 126,5%-ով, իսկ ներմուծումը՝ 89,1%-ով:

«Ըստ էության, շարունակվում է անցյալ տարվա երկնիշ աճի միտումը, որը պայմանավորված է արտաքին գործոններով: Այսինքն՝ ՀՀ հոսող եկամտի, տրանսֆերտների շարունակական աճը նպաստում է, որ տնտեսության մեջ այս ցուցանիշները շարունակ աճեն»,- 168.am-ի հետ զրույցում անդրադառնալով պաշտոնական վիճակագրությանը՝ նշեց ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը:

«Այս երեք ոլորտներն են, որ ապահովել են տնտեսական աճը:

Իսկ, օրինակ, արդյունաբերության աճը բավական համեստ է, գյուղատնտեսությունը երկար ժամանակ անկումից հետո գրանցել է ընդամենը 1.4 տոկոս աճ. այսինքն՝ կարող ենք արձանագրել, որ ՀՀ ներսում ստեղծվող արտադրանքը՝ մշակող արդյունաբերություն, տեքստիլ, գյուղատնտեսություն և այլն, համեստ աճեր են գրանցել (ի դեպ, այդ աճերն էլ հիմնականում ապահովել են ծխախոտն ու ոսկերչությունը):

Տնտեսական կառուցվածքը հուշում է՝ եթե ունենանք ֆինանսական ներհոսքի կտրուկ նվազում (փետրվարին այդ հոսքը հասել էր մինչև 700 միլիոն դոլարի նույնիսկ), ապա մենք ունենալու ենք բավականին խորը ճգնաժամ-անկում. ավելի մեծ ճգնաժամ, քան 2009 թվականի 14 տոկոս անկումն է»,- մանրամասնեց նա:

Սուրեն Պարսյանն արձանագրեց նաև, որ այս ցուցանիշները վկայում են, որ տնտեսական բլոկի, կառավարության վստահեցումները, թե իրենք խթանում են արդյունաբերության, գյուղատնտեսության ոլորտը, թե այնպես են անում, որ այդ աճը երկարաժամկետ լինի, անհիմն են:

«Գյուղատնտեսության, արդյունաբերության ոլորտի արձանագրված 1.4 և 3.6 տոկոս աճերը կարող էին նաև իներցիոն լինել:

Այսինքն՝ կառավարությունը չի օգտվում այս ժամանակահատվածից՝ տնտեսության մեջ որակական, արտադրողական փոփոխություններ կատարել:

Մենք չենք նախապատրաստում մեր տնտեսությունը տրանսֆերտների ապագա կտրուկ կրճատմանը, ճգնաժամին և ունենալու ենք բավականին լուրջ պայթյուն: Եվ եթե այսօր տնտեսական աճից օգտվում են սահմանափակ թվով կազմակերպություններ, այսինքն՝ խոշոր ներկրողները, զբոսաշրջային ընկերությունները, բանկային համակարգը, ապա այդ ճգնաժամից տուժելու են բոլորը»,- պարզաբանեց տնտեսագետը:

Ուշադրություն հրավիրելով արտահանման աճի ցուցանիշին՝ մեր զրուցակիցը նկատեց, որ դա պայմանավորված է վերարտահանմամբ:

«Չի կարող արդյունաբերության 3.6 տոկոս շատ համեստ աճի պայմաններում արտահանումը 2.2 անգամ աճել, այսինքն՝ ի՞նչ ես արտադրել, որ կարողանում ես արտահանել այդքան շատ,- շեշտեց նա, ապա պատասխանելով հարցադրմանը, թե հնարավո՞ր է, որ այս վերարտահանումների հետևանքով հայտնվենք ԱՄՆ երկրորդային պատժամիջոցների տակ, ասաց,- Մենք արդեն իսկ առաջնային սանկցիաների տակ ենք ընկել. ԱՄՆ առևտրային դեպարտամենտը ՀՀ-ում գործող կազմակերպություններից մեկին արդեն գցել է սանկցիաների տակ՝ պայմանավորված նրանով, որ այդ կազմակերպությունը ՀՀ է ներկրում սարքավորումներ, չիպեր և վերարտահանում է ՌԴ:

Այսինքն՝ մենք արդեն իսկ սանկցիաների տակ ենք. խնդիրն այն է, որ առանձին ձեռնարկությունների տեսքով: Բայց այսպիսի տեմպերով շարունակելու դեպքում հնարավոր է, որ Արևմուտքը կտրուկ քայլերի գնա, ինչին չի գնում՝ քաղաքական իրավիճակով պայմանավորված (Արևմուտքը չի ցանկանում, որ դրա հետևանքով ՀՀ-ն կտրուկ իր գիծը փոխի, պրոռուսական քաղաքականություն իրականացնի, և փորձում է Հայաստանին սիրաշահել)»:

Ադրբեջանի արտաքին գործերի նախարարությունն «անհեթեթ» (չակերտները Tert.am-ի) է որակել ՀՀ վարչապետ Նիկոլ Փաշինյանի՝ կառավարության նիստում արված հայտարարությունը Լաչինի միջանցքի սկզբնամասում ադրբեջանական անցակետ տեղադրելու վերաբերյալ: Այս մասին հայտնել են ադրբեջանական լրատվամիջոցները։

«Վճռականորեն հերքում ենք Հայաստանի վարչապետ Նիկոլ Փաշինյանի անհեթեթ արտահայտությունները, որոնք արել է ապրիլի 27-ի իր ելույթում հայ-ադրբեջանական սահմանին հսկիչ անցակետի տեղադրման մասին»,- ասվում է հայտարարության մեջ:

Բաքուն հայտնել է, որ «հայկական կողմի ցանկացած միջամտություն սեփական տարածքում [ադրբեջանական] սահմանային անցակետի բացմանը, որը Ադրբեջանի ներքին գործն է, ոտնձգություն է Ադրբեջանի ինքնիշխանության և տարածքային ամբողջականության նկատմամբ և հակասում է այն պարտավորություններին, որ ստանձնել է Հայաստանը Պրահայում և Սոչիում, ինչպես նաև միջազգային իրավունքի նորմերին և սկզբունքներին» (չակերտները Tert.am-ի):

«Հայկական կողմի այդպիսի հայտարարությունները ոչ միայն չեն նպաստում տարածաշրջանում խաղաղությանն ու հանդարտությանը, այլև դիտավորյալ կերպով ուղղված են լարվածության ավելացմանը»,- նշված է ադրբեջանական ԱԳՆ-ի հայտարարության տեքստում:

Նախարարությունն «անընդունելի և անհեթեթ» (չակերտները — Tert.am-ի) է որակել Փաշինյանի այն հայտարարությունը, որ «սահմանային անցակետի ստեղծումը հետապնդում է «էթնիկ զտումներ»։ «Գոյություն ունեն համապատասխան պայմաններ Ադրբեջանի Ղարաբաղի տարածաշրջանի տեղի հայ բնակիչների երկու ուղղություններով թափանցիկ, անվտանգ ու կանոնավոր երթևեկության համար», — ասվում է Ադրբեջանի ԱԳՆ-ում:

Բաքվից հավելել են, որ ադրբեջանական կողմը երկխոսելու է «իր հայկական ծահում ունեցող բնակիչների հետ ադրբեջանական օրենսդրության շրջանակներում, իսկ երրորդ կողմերի միջամտությունն այդ հարցում անընդունելի է» (չակերտները — Tert.am-ի)։