Ինչպես տեղեկացնում է Reuters գործակալությունը, Ռուսաստանի նախագահ Վլադիմիր Պուտինը չի մասնակցի Վաշինգտոնում մայիսի 18-19-ը կայանալիք «Մեծ ությակի» գագաթնաժողովին։

Նրա փոխարեն հյուսիսում գտնվող Դևիդ Քեմփում կայանալիք հավաքին կմասնակցի ՌԴ վարչապետ Դմիտրի Մեդվեդևը:

Պուտինն այդ մասին անձամբ է տեղեկացրել է ԱՄՆ նախագահ Բարաք Օբամային`հեռախոսազրույցի ընթացքում: Իր որոշումը Պուտինն պատճառաբանել է այն հանգամանքով, որ զբաղված է լինելու նոր կառավարություն ձևավորելու հարցերով:

Ինչպես տեղեկացնում է Haberler կայքը Թուրքիայի Էրզրում քաղաքում այսօր կմեկնարկից սիմպոզիումը, որին կմասնակցեն 75 գիտնականներ, որոնցից 12-ն օտարերկրացի. արդեն էրզրումում են ամերիկացի, ֆրանսիացի, իրանցի, ադրբեջանցի գիտնականները:Գիտաժողովը կտևի մինչև մայիսի 4-ը, իսկ այդ ընթացում 15 նիստ տեղի կունենա:
Աթաթուրքի անվան համալսարանի հայ-թուրքական հարաբերությունների հետազոտության կենտրոնի տնօրեն Էրոլ Քյուրքչուօղլուն, տեղեկացրել է, որ սիմպոզիումի ընթացքում նաև «նոր փաստաթղթեր են ներկայացվելու»:

«Երկու ժողովուրդների պատմությանն առնչվող փաստաթղթեր են ներկայացվելու: Քննարկվելու են թե օրինակ միջնադարում ի՞նչ դիրքորոշում են ունեցել հայերը թուրքերի հանդեպ կամ Օսմանյան կայսրության տարիներին սուլթան Ֆաթիհ Մեհմեթի կողմից հայկական պատրիարքարանը Բուրսայից Ստամբուլ տեղափոխելու հարցը: Հանդիպման առանցքում հայ-թուրքական հարաբերություններն են լինելու և քննարկվելու են պատմական, գիտական հարթության վրա»,- ավելի վաղ ասել էր նա:

Ինչ-ինչ անհասկանալի պատճառներով, աշխարհի ամենահզոր երկրի նախագահը յուրաքանչյուր տարվա ապրիլի 24-ին ստիպված է զգում կատարել տարօրինակ և անհարկի մի ծիսակատարություն: Ապրիլի 24-ից շաբաթներ առաջ Բարաք Օբաման հրաhանգում է Սպիտակ տան իր աշխատակազմին քրքրել բառարանը և գտնել մի շարք բառեր բացի ցեղասպանությունից նկարագրելու համար Հայոց ցեղասպանությունը:

Արդեն չորորդ տարին է, ինչ նախագահի ձեռնհաս օգնականները հուսախաբ չեն անում նրան: Այս տարի «Հայերի հիշատակի օրվա» համար նրանք գտել են մի տասնյակ բառեր, որոնք նկարագրում են Հայոց ցեղասպանությունն առանց օգտագործելու հենց այդ կոնկրետ եզրույթը: Երբ նրանց մոտ սպառվեց ցեղասպանություն բառի hոմանիշները, նախագահի տքնաջան աշխատողները դիմեցին «Մեծ եղեռն» հայերեն բառերին առանց նշելու դրանց անգլերեն թարգմանությունը, որպեսզի հայերից բացի ոչ ոք չհասկանար, թե ինչի մասին է խոսում նախագահ Օբաման:

Ահա այս տարի նախագահի մարդկանց գտած  հոմանիշները. «վայրագություններ», «գազանաբար կոտորված», «աքսորի  ճանապարհին մեռնել», «անասելի տառապանքներ», «մեռան»,  «պատմության մութ էջեր», «1915 թվականին տեղի ունեցածը», «անցյալի փաստեր», «խլված կյանքեր», «անիմաստ տուժածներ ու մահացածներ» և վերջապես` «Մեծ եղեռնի խավարը»: Ամենինչ, բացի ցեղասպանություն բառից:

Ցեղասպանության վերաբերյալ բանավոր մարմնամարզության մեջ ներգրավվելն անընդունելի և ոչ սազական է Միացյալ Նահանգների նախագահի պաշտոնի համար: Կարել է արդյո՞ք նման խեղճ ու կրակ ջանքերը բացատրել որպես Օբամայի կողմից իր դրժած խոստումները նվազագույնի հասցնելու անհույս փորձեր: Որպես նախագահի թեկնածու` նա բազմիցս և հանդիսավոր կերպով խոստացել է, որ կճանաչի Հայոց ցեղասպանությունը: Սակայն նախագահ դառնալով` նա թաքնվեց վիրավորական հայտարարությունների հետևում, որոնք տրվում են ամեն տարի նրա անունով:

Վերջին չորս տարիների ընթացքում արված իր հայտարարություններում նախագահ Օբաման խուսափեց իր նախընտրական խոստումները կատարելուց` նշելով, որ «Ես շարունակաբար նշել եմ 1915 թվականին կատարվածի վերաբերյալ իմ սեփական տեսակետը: Այդ պատմության վերաբերյալ իմ  տեսակետը չի փոխվել»: Սակայն նա երբեք չփորձեց ամերիկյան հանրությանը ներկայացնել, թե հատկապես ինչ տեսակետ ուներ անցյալում, որն է դա այսօր, և թե ինչ է տեղի ունեցել 1915 թվականին: Նա խորամանկորեն նվազեցնում է Հայոց ցեղասպանության կարևորությունը` կոչելով այն «1915 թվականին կատարվածի վերաբերյալ իմ սեփական տեսակետը»: Մինչդեռ 2008 թվականի հունվարի 19-ին, այդ ժամանակ դեռ նախագահի թեկնածու Օբաման, փորձելով ստանալ հայկական համայնքի փողերն ու ձայները, ոչ մի տարակուսանք չուներ կոչելու այս իրադարձություններն իրենց ճշգրիտ անունով: Այդ ժամանակ, նա ինքնավստահ հայտարարեց, որ «Հայոց ցեղասպանությունը ենթադրություն, սեփական կարծիք կամ տեսակետ չէ» և խոստացավ, որ «նախագահ դառնալով»` նա «կճանաչի Հայոց ցեղասպանությունը»:

Ցավոք, նախագահ Օբաման իր վարչակազմի միակ անդամը չէ, ով չի պահում այս հարցի կապակցությամբ իր նախընտրական խոստումները: ԱՄՆ փոխնախագահ Ջո Բայդենը և պետքարտուղար Հիլարի Քլինթոնը, երկրի բարձրագույն պաշտոնատարներից երկուսը, տվել են նմանատիպ խոստումներ`ճանաչել Հայոց ցեղասպանությունը, երբ սենատոր էին և նախագահի թեկնածու: Մինչ փոխնախագահ Բայդենը ձայնը կտրել է, տիկին Քլինթոնը Հայոց ցեղասպանության ճանաչումը սատարողից դարձավ դրա գլխավոր հակառակորդը: Պետքարտուղար դառնալուց հետո, նա ակտիվորեն լոբբիստական գործունեություն ծավալեց Հայոց ցեղասպանության վերաբերյալ կոնգրեսի բանաձևը տապալելու ուղղությամբ:

Սպիտակ տան կողմից այս անիմաստ խեղկատակությունից չորս տարի անց Ամերիկայի հայկական համայնքն ունի երկու հիմնավոր պատճառ, որպեսզի խնդրի նախագահ Օբամային այլևս հանդես չգալ Հայոց ցեղասպանության վերաբերյալ հայտարարություններով:

Առաջինը` չորս տարի անընդմեջ դրժելով իր խոստումը և ցեղասպանության վերաբերյալ բառախաղեր խաղալով` Օբաման բարոյական իրավունք չունի խոսելու այս չափազանց զգայուն և ցավալի թեմայի վերաբերյալ: Ինչպե՞ս կարող է ԱՄՆ նախագահը դասեր տալ աշխարհում որևէ մեկին մարդու իրավունքների, ժողովրդավարության և արդարության մասին, երբ ինքն այդպես չարաշահել է իր սեփական ժողովրդի վստահությունը և կորցրել բոլորի վստահությունը: Նա պետք է դադարի չարչարել ինքն իրեն, իր աշխատակազմին և համայն հայությանը` չանելով «Հիշատակի օրվա» վերաբերյալ վիրավորական հայտարարություններ: Անիմաստ է նախագահ Օբամայի կողմից յուրաքանչյուր տարի այնպիսի հայտարարություններ անելը, որոնք հայերը չեն ցանկանում, չեն հավանում և վիրավորվում են:

Երկրորդ` ԱՄՆ մեկ այլ նախագահ Ռոնալդ Ռեգանը, արդեն ճանաչել էր Հայոց ցեղասպանությունը 1981 թվականի նախագահական հռչակագրով: Հայոց ցեղասպանությունը նաև ճանաչվել էր ԱՄՆ ներկայացուցիչների պալատի կողմից 1975 և 1984 թվականներին, Արդարադատության նախարարության կողմից 1951 թվականին միջազգային դատարան ուղարկված պաշտոնական հաշվետվությունում և ԱՄՆ 42 նահանգների կողմից: Ուստի, հայկական համայնքը պետք է չխնդրի նախագահ Օբամայից կամ որևէ այլ քաղաքական թեկնածուից ճանաչելու այն, ինչն արդեն իսկ բազմիցս ճանաչվել է:

Ցեղասպանության թեման չափազանց սուրբ թեմա է քաղաքական խաղաքարտ լինելու համար: Նրանք ովքեր ընդունում են Հայոց ցեղասպանության անհերքելի փաստը, անում են դա, ոչ թե զոհերին լավություն անելու համար, այլ իրենց սեփական վարկանիշը և բարոյական կերպարը վերականգնելու համար:

Հարութ Սասունյան

«Կալիֆորնիա Կուրիեր» թերթի խմբագիր

Թարգմանիչ` Կարինե Գևորգյան

Հայոց ցեղասպանութեան 100-ամեակի Լիբանանի կեդրոնական մարմնի նախաձեռնութեամբ տեղի ունեցաւ աննախընթաց տարողութեամբ բողոքի ցոյց թրքական դեսպանատան առջեւ, որուն մասնակցեցան 25.000 հայորդիներ։

Անթիլիասի նահատակաց  մատուռին  առջեւ ցեղասպանութեան զոհերու յիշատակին հոգեհանգստեան արարողութենէն եւ Արամ. Ա. Կաթողիկոսին պատգամը լսելէ ետք տասնեակ հազարաւոր ցուցարարներ քայլարշաւով մեկնեցան դէպի թրքական դեսպանատուն ,որուն առջեւ վեր բարձրացուցին հայ ժողովուրդի բոլոր իրաւունքներու վերականգնման պահանջը բողոքելով Անգարայի ժխտողական քաղաքականութեան դէմ։

Միջազգային, շրջանային եւ լիբանանեան լրատուամիջոցները  բողոքի գործողութեան տարողութիւնը նկատեցին աննախադէպ։

Հարավային Օսիայում տեղի ունեցած նախագահական ընտրություններն անօրինական են և միջազգային հանրությունը չի ճանաչում այն. այսօր հայտարարել է Վրաստանի փոխարտգործնախարար Նինո Կալանդաձեն:

«Մեր տեսակետն այս հարցում անփոփոխ է: Ցխինվալիի շրջանը հանդիսանում է Վրաստանի գրավյալ տարածք, և ցանկացած փորձ այնտեղ օրիանական չի համարվելու, քանի դեռ տեղի էթնիկ ազգաբնակչությունն ընտրելու իրավունք չունի»,- ասել է նա:

Ինչպես տեղեկացնում է News Georgia-ն, փոխարտգործնախարարը նաև հայտարարել է, որ «այսպես կոչված ընտրության» արդյունքները միջազգային հանրությունը նույնպես չի ճանաչում:

Հիշեցնենք, որ Հարավային Օսիայում երեկ տեղի էր ունեցել նախագահական ընտրությունների երկրորդ փուլը, որին մասնակցել էին Դավիդ Սանակոևը և երկրի ներքին գործերի նախկին նախարար Լեոնիդ Տիբիլովը:

Վրաստանի նախագահ Միխեյիլ Սաակաշվիլին շնորհավորել է վրացահայությանն ու հայ առաքելական եկեղեցու աշխարհասփյուռ հետնորդներին՝ Սբ. Հարության տոնի առիթով:

«Այսօր Հայ Առաքելական եկեղեցին նշում է Հիսուս Քրիստոսի հարության տոնը: Հայ և վրացի ժողովուրդների բարեկամությունը գալիս է դարերից, և մեր եկեղեցիները հսկայական դեր են ունեցել աշխարհում քրիստոնեական քաղաքակրթության տարածման հարցում:Անգնահատելի են այն ջանքերը, որոնք ներդնում են մեր հայազգի քաղաքացիները մեր երկրում ժողովրդավարության կառուցման համար: Շնորհավորում եմ ձեզ տոնի առթիվ և մաղթում խաղաղություն, առողջություն և բարեկեցություն ձեր ընտանիքներին»,- ասված է ուղերձում:

Կորեայի հանրապետությունում գտնվող Հայաստանի նախագահ Սերժ Սարգսյանը, աշխատանքային ճաշի ընթացքում ոչ պաշտոնական հանդիպում  է ունեցել ԱՄՆ-ի, Ռուսաստանի ու Չինաստանի ղեկավարներ Օբամայի, Մեդվեդևի ու Հուն Ձինթաոյի հետ:

Հիշեցնենք, որ  Սերժ Սարգսյանը  Սեուլում   մասնակցելու է ատոմային անվտանգության գագաթաժողովին:

Այն տևելու է երկու օր` մարտի 26-27-ին: Գագաթաժողովի ժամկետը համընկնում է Ճապոնիայում տեղի ունեցած երկրաշարժի տարեդարձի հետ, որ տեխնոգեն աղետի էր հանգեցրել Ֆուկուսիմայի ատոմակայանում:

Գագաթաժողովին մասնակցում են 53 երկրների և  չորս միջազգային կազմակերպությունների ղեկավարներ, այդ թվում` ԱՄՆ նախագահ Բարաք Օբաման և Ռուսաստանի նախագահ Դմիտրի Մեդվեդեւը:

Հայաստանի Հանրապետական կուսացկության 13-րդ համագումարը  սկսվեց ՀՀ-ի հիմնով և Տեր Նավասարդ արքեպիսկոպոս Կճոյանի հնչեցած Տերունական աղոթքով, որից հետո ելույթ ունեցավ ՌԴ «Եդինայա Ռոսիա» կուսակցության խորհրդի հայազգի անդամ Արթուր Չիլինգարովը, ով ողջունելով  ներկաներին` հնչեցրեց «Եդինայա Ռոսիա»-ի առաջնորդ Վլադիմիր Պուտինի ուղերձը ՀՀԿ-ին:

«Ողջունում ենք ՀՀԿ-ին, այն կուսակցությանը, որը մեծ ներուժ ունի Հայաստանի Հանրապետության կայունության մեջ: Ցանկանում ենք լավ աշխատանքային համագումար և ճիշտ որոշումների ընդունում»,- ասաց Չիլինգարովը։

ՀՀ նախագահ, ՀՀԿ նախագահ Սերժ Սարգսյանը ներկաներին տեղեկացրեց, որ ՀՀԿ-ի գործադիր մարմնի նիստում հաստատվել է օրակարգի նախագիծը և աշխատակարգը:

Այնուհետև ելույթ ունեցավ Եվրոպայի Ժողովրդական կուսակցության փոխնախագահ Ռումիանա Ժելյաևան, ով իր խոսքում նշեց, որ ՀՀ-ում մի շարք դրական փոփոխություններ իրականացվել են «առաջնորդների շնորհիվ, որոնք անհրաժեշտ կամք են դրսևորել:Վստահ եմ, որ քաղաքական, սոցիալական ու տնտեսական բարենպաստ ընթացքը երկիրը մոտ ապագայում կառաջնորդեն դեպի ժողովրդավարական պետության: Վերջին տարիների ընթացքում Հայաստանը կարևոր քայլեր է ձեռնարկել ԵԺԿ անդամ դառնալու համար: Այժմ ՀՀ-ն ԵԺԿ-ի համար վստահելի գործընկեր է»,- ասաց նա։

Ռումիանա Ժելյաևան նաև վստահություն հայտնեց, որ ՀՀ առաջիկա խորհրդարանական ընտրությունները կանցնեն ազատ և արդար:

Ինչպես հաղորդում է «ՌԻԱ նովոստի» գործակալությունը Աբխազիայում այսօր առավոտյան մեկնարկել են խորհրդարանական ընտրությունները:

Հանրապետությունում բացվել են 174 ընտրատեղամասեր: Ըստ Աբխազիայի Կենտրոնական ընտրական հանձնաժողովի նախագահ Բատալ Տաբագուայի` 35 տեղի համար պայքարելու է 148 թեկնածու, այդ թվում` 16 կին: Հավակնորդներից 125-ն աբխազներ են, 9-ը` հայեր, 8-ը` ռուսներ, 2-ական հույն ու վրացի, մեկական օս և կաբարդինցի:

Չորրորդ գումարման խորհրդարանից 21 պատգամավոր կրկին է առաջադրել իր թեկնածությունը, այդ թվում` խոսնակ Նուգզար Աշուբան և երկու փոխնախագահները` Սերգեյ Մաթոսյանն ու Իրինա Ագրբան:

Ընտրություններին մասնակցելու իրավունք ունի 149. 622 մարդ:

Տեղամասերում տեսախցիկներ են տեղադրված, որոնց միջոցով հնարավոր է հետևել քվեարկության գործընթացին:

Միապալատ խորհրդարանի ընտրություններն անցկացվում են մեծամասնական ընտրակարգով: Քաղաքական կուսակցություններին թույլատրվում է առաջադրել մեկական թեկնածուի, սական ոչ ավելի, քան ընտրատարածքների 1/3-ում:

Պատգամավորներն ընտրվում են 5 տարի ժամկետով: Ընտրությունները համարվում են կայացած, եթե դրանց մասնակցում է ընտրողների 25%-ից ավելին: Թեկնածուները պետք է ստանան կեսից ավելի ձայներ:

Ընտրությունների ընթացքին հետևում են դիտորդներ Ռուսաստանից, Մերձդնեստրից, Մոլդովայից, Հարավային Օսիայից, Լեռնային Ղարաբաղից, Լատվիայից, Վենեսուելայից, Հունգարիայից, Նիկարագուայից, Տուվալուից: Այն կլուսաբանեն Ռուսստանից, Լեհաստանից, Իտալիայից, ԱՄՆ-ից, Մեծ Բրիտանիայից և Իռլանդիայից ժամանած լրագրողները: