Մի բան պարզ է՝ վերացական, «օդի մեջ» խոսակցությունները՝ «քաղաքական գնահատական տանք Տիգրան Սարգսյանի կառավարության աշխատանքին», բացարձակապես անօգուտ են և շատ արագ կարող են վերածվել «ներկաների» և «նախկինների» ավանդական սնամեջ լեզվակռվի, որի նմուշները բազմաթիվ էին 1998 թվականին և երբեմն հանդիպել են նաև հետագայում:

Վերջին նման բանավեճը անցած տարվա վերջին հրահրել է ինքը՝ Տիգրան Սարգսյանը, խոսելով 2000-ականների սկզբի «շինարարական փուչիկի» մասին: Եթե նախկին վարչապետը երկրորդ նախագահին իր այդ դատողություններով [ճիշտ թե սխալ՝ կարևոր չէ] «չջղայնացներ», ապա գուցե «ոչ իշխանական» քարոզչությունն իր դեմ այդ աստիճանի չէր սաստկանա, և քառյակն էլ այդքան ակտիվ չէր պայքարի վարչապետի հրաժարականի համար:

Առհասարակ այս հարցում պետական մշակույթը, իմ կարծիքով, պետք է բաղկացած լինի երկու փոխլրացնող տարրերից, ա/ չբարդել քո դժվարությունները նախորդների վրա, չտրտնջալ «ծանր ժառանգության» կապակցությամբ [ինչպես և վարվում է, ի պատիվ իրեն, ներկայիս կառավարությունը], բ/ եթե ակնհայտ է, որ անցյալում կատարվել է հանցագործություն, ապա առանց վարանելու հարուցել քրեական գործ և պատժել մեղավորներին՝ անկախ նրանից, թե ովքեր են նրանք:

Մենք չպիտի ապրենք ո՛չ նախկիններին վարկաբեկելու, ո՛չ էլ հանցագործությունները կոծկելու պայմաններում:

Առավոտ

Քառյակն այսօրվա նիստում քննարկել է բյուջեի կատարողականի շուրջ միասնական դիրքորոշում հայտնելու հարցը:

Նիստից հետո ԲՀԿ խմբակցության քարտուղար Նաիրա Զոհրաբյանը լրագրողների հետ զրույցում հայտնել է, որ ԱԺ ոչ իշխանական ուժերը դեմ կքվեարկեն կառավարության 2013 թ. բյուջեի կատարողականին:

«Քանի որ քառյակի բոլոր ուժերը անցյալ տարվա բյուջեին քվեարկել էին դեմ, մենք որոշեցինք դեմ քվեարկել անցյալ տարվա բյուջեի կատարողականին»,- նշել է Նաիրա Զոհրաբյանը:

Նրա տեղեկացմամբ, հստակեցվել է միասնական պահանջների ցանկը, որը ներկայացվելու է նոր կառավարությանը:

«Քառյակի հաջորդ նիստում արդեն մենք կունենանք համատեղ պահանջների վերջնական ձևակերպումները, տեքստը ու բնականաբար մեր գործողությունների ծրագրով կշարժվենք առաջ»,- նշել է ԲՀԿ խմբակցության քարտուղարը:

Միասնական հանրահավաք անցկացնելու վերաբերյալ վերջնական ճշգրտումները, Նաիրա Զոհրաբյանի խոսքով, կարվեն հաջորդ նիստում:

Ազգային ժողովում ոչ իշխանական ուժերը նիստ են անցկացնում  ԲՀԿ խմբակցությունում:

Նիստին մասնակցում են ԲՀԿ խմբակցության քարտուղար Նաիրա Զոհրաբյանը, պատգամավոր Վարդան Օսկանյանը, «Ժառանգություն» խմբակցության ղեկավար Ռուբեն Հակոբյանը և քարտուղար Թևան Պողոսյանը, ՀԱԿ խմբակցության ղեկավար Լևոն Զուրաբյանը և պատգամավոր Արամ Մանուկյանը, ՀՅԴ խմբակցության ղեկավար Արմեն Ռուստամյանը և քարտուղար Աղվան Վարդանյանը:

Մայիսի 29-ին սպասվող Եվրասիական տնտեսական բարձրագույն խորհրդի նիստին մասնակցելու համար Սերժ Սարգսյանին նիստի կազմակերպիչների կողմից հրավեր ուղարկվել է, սակայն տեղեկություն չկա, թե վերջինս կմասնակցի՞ այդ նիստին, թե ոչ: Այս մասին երեկ «Հայկական ժամանակ»-ի թղթակցի հետ զրույցում ասել է Եվրասիական տնտեսական հանձնաժողովի ինտեգրման զարգացման դեպարտամենտի տնօրեն Վիկտոր Սպասկին, ով նիստին մասնակցելու է որպես փորձագետ:

Վերջինս հայտնել է, որ նիստի կազմակերպչական հարցերի վերաբերյալ այդքան էլ տեղեկացված չէ:

«Գիտեմ, որ հրավեր եղել է, սակայն թե ովքեր և ինչ ձևաչափով կմասնակցեն՝ չգիտեմ»,-ասել է ԵՏՀ-ի ներկայացուցիչը պատասխանելով թղթակցի հարցին, թե ներկա լինելո՞ւ է այդ նիստին Սերժ Սարգսյանը:

ՀՀ էկոնոմիկայի փոխնախարար, Մաքսային միությանը Հայաստանի անդամակցությունը նախապատրաստող աշխատանքային խմբի ղեկավար Կարինե Մինասյանի հետ երեկ թերթին չի հաջողվել կապ հաստատել, քանի որ, ինչպես տեղեկացրել են նախարարության լրատվական բաժնից, նա մեկնել է Աստանա մասնակցելու ԵՏՄ-ի նիստին:

Հայկական ժամանակ

Այսօր ՀՀ կառավարության ընդունելությունների տանը տեղի է ունեցել «Հայաստան» համահայկական հիմնադրամի հոգաբարձուների խորհրդի 23-րդ նիստը, որը վարել է խորհրդի նախագահ, ՀՀ Նախագահ Սերժ Սարգսյանը: Այս մասին հայտնում են ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունից:

Մինչ օրակարգի հարցերին անցնելը, խորհրդի մասնակիցները նախ շնորհավորել են ի պաշտոնե խորհրդի կազմում ընդգրկված նոր անդամներին՝ ՀՀ ԱԺ նախագահ Գալուստ Սահակյանին, վարչապետ Հովիկ Աբրահամյանին, ֆինանսների նախարար Գագիկ Խաչատրյանին և ՀՕՄ-ի նոր ներկայացուցիչ Վիգի Մարաշլյանին:

Սերժ Սարգսյանը խորհրդի անդամներին տեղեկացրել է, որ ԱՄՆ-ի Արևմտյան շրջանի տեղական մարմնի ատենապետ է ընտրվել Անդրանիկ Բաղդասարյանը: Նա «Հայաստան» համահայկական հիմնադրամին կատարել է 500 հազար ԱՄՆ դոլարի նվիրատվություն և հիմնադրամի հոգաբարձուների խորհրդի որոշման համաձայն համարվում է բարերար: Խորհրդի նախագահ Սերժ Սարգսյանը նիստի սկզբում բարերար անդամի վկայագիրը հանձնել է Անդրանիկ Բաղդասարյանին:

Նիստի օրակարգը հաստատելուց և «Հայաստան» համահայկական հիմնադրամի միջոցներով 2013թ. կատարված աշխատանքների մասին պատմող հաշվետու ֆիլմը դիտելուց հետո, հոգաբարձուների խորհուրդն անցել է օրակարգի հարցերի քննարկմանը, որի շրջանակներում հիմնադրամի գործադիր տնօրեն Արա Վարդանյանը ներկայացրել է գործադիր վարչության հաշվետվությունը 2013թ. կատարած աշխատանքների մասին: Այնուհետև նիստի մասնակիցները լսել են վերստուգիչ հանձնաժողովի և «Գրանթ Թորնթոն» աուդիտորական կազմակերպության հաշվեքննության եզրակացությունը: Խորհուրդն ընդունել է հաշվետվությունը՝ ի գիտություն ընդունելով վերստուգիչ հանձնաժողովի զեկույցը: Նիստում քննարկվել և ընդունվել է նաև «Հայաստան» համահայկական հիմնադրամի «Մարաթոն-2014»-ի նպատակաուղղվածության մասին հարցը, որը զեկուցել է ԼՂՀ նախագահ Բակո Սահակյանը:

ՀՀ կառավարությանն առընթեր անշարժ գույքի կադաստրի պետական կոմիտեի նախագահ է նշանակվելու Ազգային ժողովի ՀՀԿ խմբակցության պատգամավոր, Հայաստանի առևտրաարդյունաբերական պալատի նախագահ Մարտին Սարգսյանը:

Հիշեցնենք, որ Կադաստրի նախկին պետ Երվանդ Զախարյանը նշանակվել է էներգետիկայի և բնական պաշարների նախարար:

Ղեկավարվելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 6-րդ ենթակետով՝
Նազարեթ Մնացականյանին ազատել Հայաստանի Հանրապետության սպորտի և երիտասարդության հարցերի նախարարի տեղակալի պաշտոնից։ Այս մասին տեղեկանում ենք e-gov.am կայքից:

Մեկնարակել է ՀՀԿ  15-րդ համագումարը:

Կարեն Դեմիրճյանի անվան մարզահամերգային համալիր ժամանեց Նախագահ Սերժ Սարգսյանը։ Համագումարին մասնակցում են ՀՀ վարչապետ Հովիկ Աբրահամյան, ՀՀ նախկին վարչապետ Տիգրան Սարգսյանը, ներկա և նախկին  մարզպետները, նախարարները, ինչպես նաև ՀՀ նախկին ոստիկանապետ Ալիկ Սարգսյանը:

Մարզահամերգային համալիրի բակում՝ Տիգրան Սարգսյանը հրաժարվեց պատասխանել լրագրողների հարցերին, մեջքով շրջվելով նրանց և ասելով, որ կպատասխանի մեկ ուրիշ օր:

Չնայած Հովիկ Աբրահամյանի  հորդորներին, որ երկու խոսքով պատասխանի, Տիգրան Սարգսյանը տեղի չտվեց:

«Ես ներողություն եմ խնդրում, այսօր չեմ ցանկանում պատասխանել ձեր հարցերին»,-ասաց ՀՀ նախկին վաչապետը, ապա դիմելով՝ Հովիկ Աբրահամյանին, հարցրեց. «Պարոն Աբրահամյան, ներողություն խնդրեցի չէ՞»:

[nggallery id=166]

ԱԺ պաշտոնական կայքից արդեն մի քանի օր է՝ անհետացել է Ազգային ժողովի նախագահ Գալուստ Սահակյանի ստորագրությունը:

Հիշեցնենք, որ ԱԺ նախկին նախագահ Հովիկ Աբրահամյանի՝ վարչապետ նշանակվելուց հետո, երբ ԱԺ նախագահի նկարը փոխվել էր, Գալուստ Սահակյանի նկարի տակ մի կարճ պահ դեռ Հովիկ Աբրահամյանի ստորագրությունն էր: Վրիպակը, իհարկե, շատ արագ շտկվեց և Գալուստ Սահակյանի նկարի տակ դրվեց նրա իսկ ստորագրությունը, որը, սակայն, ինչպես նշեցինք՝ մի քանի օր է, հանվել է:

Հայկական ժամանակ

Վարչապետ Հովիկ Աբրահամյանը վերջին նշանակումներն է անում: Հերթը հասել է փոխնախարարներին: Հետաքրքրականն այն է, որ նշանակված նախարարների և փոխնախարարների կենսագրականները ուսումնասիրելու արդյունքում պարզ է դարձել, որ նրանցից շատերը չեն ծառայել ՀՀ զինված ուժերում կամ ԽՍՀՄ բանակում: Նախ անդրադառնանք նորանշանակ փոխնախարարներին:

Չծառայած պետական բարձրաստիճան պաշտոնյայի վառ օրինակը Հայաստանի Հանրապետության արդարադատության նախարարի նորանշանակ տեղակալ Սուրեն Քրմոյանն է, որը մինչև այդ զբաղեցնում էր ՀՀ Առողջապահության նախարարության աշխատակազմի ղեկավարի պաշտոնը:

Արդարադատության մեկ այլ նորանշանակ փոխնախարար Արմեն Մկրտչյանի կենսագրականից պարզ է դառնում, որ նա զինապարտ է:

Հայաստանի Հանրապետության ֆինանսների նախարարի նորանշանակ տեղակալ Վախթանգ Միրումյանի կենսագրականը լռում է նրա՝ զինապարտ լինելու կամ չլինելու մասին: Սակայն պարզ է, որ 17-ից մինչ 22 տարեկանը ուսանել է Երևանի պետական ժողովրդական տնտեսության ինստիտուտի շուկայագիտության ֆակուլտետում: Պարզ է, որ ուսումն ավարտելուց հետո նա պետք է զորակոչվեր բանակ, սակայն նրա դեպքում դա տեղի չէր ունեցել:

Անհայտ է մնում նաև Հայաստանի Հանրապետության քաղաքաշինության նախարարի նորանշանակ տեղակալ Արամ Բադալյանի չծառայելու պատճառը:

Չորրորդ ինքնիշխանություն