Երեւանի ավագանին այսօր` նոյեմբերի 15-ի իր նիստում քաղաքապետ  ընտրեց  Տարոն Մարգարյանին: Նա այդ պաշտոնի համար առաջադրված միակ թեկնածուն էր եւ Երեւանի ավագանիում ընտրվել է միաձայն` 49 կողմ ձայներով: Ընտրություններին չի մասնակցել ավագանու 3 անդամ, որոնցից մեկը Երեւանի նախկին քաղաքապետ, ՀՀԿ-ական Գագիկ Բեգլարյանն է: ԲՀԿ-ն թեկնածու չէր առաջադրել եւ պաշտպանում էր ՀՀԿ-ական Տարոն Մարգարյանի թեկնածությունը: Նա Երեւանի թվով 54-րդ քաղաքապետն է:

Քիչ առաջ ավարտվեց Երևանի ավագանու նիստը, որի ընթացքում ավագանու «ՀՀԿ» խմբակցությունը քաղաքապետի պաշտոնում առաջադրեց փոխքաղաքապետ, քաղաքապետի ժամանակավոր պաշտոնակատար Տարոն Մարգարյանի թեկնածությունը:
«ԲՀԿ» խմբակցությունը թեկնածու չառաջարկեց` նշելով, որ որոշել է պաշտպանել ՀՀԿ թեկնածուին:

Կարեն Կարապետյանի հրաժարականից հետո ավագանու անդամի թափուր մնացած տեղը այսուհետև կզբաղեցնի Գևորգ Ֆելիքսի Գաբրիելյանը:

Տարոն Մարգարյանը շնորհակալություն հայտնեց կուսակցության նախագահ Սերժ Սարգսյանին և «ՀՀԿ» խմբակցության բոլոր անդամներին իր թեկնածությունն առաջարկելու համար:

«Տարածքային ինքակառավարման համակարգն ինձ հարազատ է: Լինելով Ավան համայնքի ղեկավար և երկու տարի զբաղեցնելով քաղաքապետի տեղակալի պաշտոնը` կարևորում եմ աշխատանքի թիմային ոգին: Շնորհակալ եմ վստահության համար: Ստանալով ձեր քվեն` կփորձեմ թեթևացնել Երևանի քաղաքացիների հոգսը»,- ասաց նա:

Ավագանու փակ գաղտնի քվեարկությունը կսկսվի ժամը 12:00-ին, ավագանու հաշվիչ հանձնաժողովը արդյունքները կհայտարարի 13: 00-ին:

Իջեւանում կայացած ընտրությունների վերաբերյալ հետաքրքիր մանրամասներ են ի հայտ գալիս: Այն, որ13 տարի անընդմեջ քաղաքապետի աթոռը զբաղեցնող Վարուժան Ներսիսյանի դիրքերը նկատելիորեն թուլացան, երբ նա անդամագրվեց ՀՀԿ-ին, վկայում է նրա կրած երեկվա պարտությունը:

Նա նախորդ չորս ընտրություններում եղել է անկուսակցական եւ իշխանությունների «չուզած» թեկնածուն: Անկուսակցական Ներսիսյանը նախորդ չորս ընտրություններում «կենաց ու մահու»  կռիվ է մղել պետական հզոր կառույցների` իրավապահների, դատախազության, եւ այլոց դեմ եւ միշտ հաղթել է; Իջևանում ասում են, թե  «թուղթ ու գիր արված»  անդամատոմս են տվել նրան  ՀՀԿ-ից, որ այսպիսի պարտություն կրեց, ու զարմացած են:

Պարզ տրամաբանությամբ, ստացվում է, որ ՀՀԿ-ն Ներսիսյանին  «քաշեց»` ընդունելով իր շարքերը: Նրա դեմ աշխատում էին բոլոր այն օղակները, որոնց իշխանությունը  «գործի է » դնում բոլոր ընտրությունների ժամանակ: Իսկ երբ խորանում ես մարզային իշխանավորների ինտրիգների մեջ, գրեթե ամեն ինչ հստակ է դառնում:

Տավուշի մարզպետ, ՀՀԿ մարզային խորհրդի ղեկավար  Արմեն Ղուլարյանը ԲՀԿ-ական Վարդան Ղալումյանի հետ խնամիական կապերի մեջ է: Ավելի ստույգ անմիջական խնամի է Իջեւանի ՀՀԿ կառույցի ղեկավար Արծրուն Ղալումյանի հետ: Իսկ վերջինիս կյանքի գերխնդիրն էր դարձել Ներսիսյանին տապալել, բայց 10 տարուց ավել ապարդյուն ջանքեր էր թափում:

Այս ընտրությանը, նա իր բարեկամ Վարդանին ՀՀկ-ից  «գործուղեց» ԲՀԿ, որպեսզի նա այնտեղ ամուր տանիք ունենա , վստահ լինելով որ ընտրություններին նրան կօգնեն: Այդպես էլ եղավ: ԲՀԿ-ն, ինչպես Հովհաննես Սահակայնն է ասում,  լավ աշխատեց:

Բայց Ղուլարյանի մասին չմոռանանք: Նա իր կուսակից Ներսիսյանին թողած սատարում էր խնամի Արծրունի բարեկամին: Ղուլարյանի որդիները, անմիջական ենթականերն ու մտերիմները ԲՀԿ-ական թեկնածուի շտաբի ակտիվիստներից էին: Իսկ Վարդան Ղալումյանի հաղթանակից հետո մարզպետ Ղուլարյանը ԲՀԿ-ականների հետ միասին  մի լավ քեֆ է արել ու  նշել  հաղթանակը:

ԱԺ նախագահի գլխավոր խորհրդական Վիկտոր Մնացականյանը, ԱԺ նախագահի օգնական Սերգեյ Լոքյանը եւ ԱԺ մշակույթի հարցերի պատասխանատու Արմինե Անտիկյանն  աշխատանքից ազատվելու դիմում են ներկայացրել: Չնայած, նրանք չեն հայտնում իրենց  նոր աշխատանքի մասին, սակայն տրամաբանական է, որ կգնան օգնելու Հովիկ Աբրահամյանին:

Այսօր՝  նոյեմբերի 11-ին,«Վարկած» ակումբի հյուրն էր քաղաքագետ – վերլուծաբան Աշոտ Մանուչարյանը:

«Հայաստանի մասին խոսելիս հնարավոր չէ սահմանափակվել միայն Հայաստանով. մոլորակի վրա զարմանալի փոփոխություններ են կատարվում, մարդկությունը իր զարգացման փուլում ճգնաժամ է ապրում, այդ են վկայում հեղափոխությունները, ուժային կենտրոնների միջև բախումները»։

Նա համոզված է, որ անկախ նրանից, թե որ ուժերն են լինելու իրադրության տերը, Հայաստանի կյանքը լինելու է նույնը. «Իսկ մինչեւ հունվար գլոբալ կենտրոններից մեկը պիտի փորձի ամրապնդել դիրքերը՝ դժվարություն ստեղծելով մյուսի համար, իսկ եթե դա չանի,մյուս կենտրոնը կդառնա իրավիճակի տերը: Եթե իշխանությանը հաջողվեց մինչեւ հունվար չեզոքացնել նախկին իշխանությանը, ապա մի կողմից հնարավոր է, որ Մոսկվան ցանկանա ընդդիմությանը դարձնել իր ուժը, իսկ Արեւմուտքը ցանկանա ամեն ինչ անել՝ համաձայնության բերելով երկուսին, որպեսզի Մոսկվան դա չանի»:

Հայաստանը գավառ է աշխարհի համար և միշտ էլ հետ է ընկնում զարգացումներից. «Մարդկային զարգացման մոդելները, որ մեզ մոտ բարձրաձայնում են` ժողովրդավարական արժեքներ, քաղաքացիական հասարակություն և այլն, աշխարհի մեծ մասն արդեն անցել է այդ էտապը: Մենք պարզապես հասկացել ենք, որ մեզ մոտ՝ Հայաստանում, կան խորը խնդիրներ, և մենք էլ պիտի շարժվենք տեղից։ Ահա սա է ներկա պահին Հայաստանում տիրող փոփոխությունների ողջ խորքային իմաստը»:

Մանուչարյանի համոզմամբ՝ իշխանությունն այս կտրուկ քայլերով փորձում է աշխարհի իր ավագ գործընկերներին և սեփական ժողովրդին ցույց տալ, որ անհրաժեշտ փոփոխություններ ունակ է կատարել սեփական ուժերով: «Իրականում այդ փոփոխությունները ավելի շատ խորամանկություններ են պարունակում, քան կարող ենք պատկերացնել: Հաստավիզ օլիգարխներին գալու են փոխարինելու, այսպես կոչված, հարվարդյան երիտասարդները, որոնք ավելի վտանգավոր կլինեն, քան օլիգարխները»,- զգուշացրեց նա:

Իսկ նորանշանակ ոստիկանապետ Վովա Գասպարյանի կադրային փոփոխությունները, ներքին գործերի նախկին նախարարը չցանկացավ մեկնաբանել, պատճառաբանելով, որ ինքը վատ կոնսուլտանտ է նեքին գործերի իմաստով, քանի որ երբ ինքը նախարար դարձավ, համակարգը կազմաքանդված էր, եւ երկիրը պատրաստվում էր պատերազմի, ստեղծվում էր բանակ Ներքին գործերի համակարգում եւ այդ ժամանակ ինքը կարողացել է ապահովել  ներքին գործերի համակարգի քաղաքական տանիքը:

Հետո մի հետաքրքիր դիտարկում կատարեց Մանուչարյանը։ Այն ինչ կատարվում է այսօր, նշանակում է, որ մարդն իր նախնական զարգացման փուլն ավարտել է և փնտրում է ուղիներ նոր վիճակի անցնելու համար. «Մարդը պետք է նախևառաջ փոխի իր վերաբերմունքը շատ ուտելու, շատ հաճույքներ և տարածքներ ունենալու հանդեպ: Եթե ոչ, Երկիր մոլորակը կհրաժարվի մարդուց, քանի որ երկրագնդի ռեսուրսները սպառվում են: Առաջիկա մարտահրավերները ավելի խորն են լինելու, քան մինչ այժմ է եղել, դա պարենային և բնական աղետների ճգնաժամն է լինելու»:

Քանի որ վիճակն օր –օրի ծանրանում է, ընչազուրկների թիվը մեծանում է, ներսից խթանիչներ լինելու դեպքում, Հայաստանում հեղափոխություն կլինի: «Ամբողջ քաղաքական պնակը, լինի դա ընդդիմություն, թե իշխանություն, պայքարում են երեք բանի համար` իշխանություն, փող և փառք: Այնպես որ, անկախ այն բանից, թե ով կգա իշխանության, ժողովրդի վիճակը մնալու է նույնը», -համոզված է Մանուչարյանը:

Շուշան Գալստյան

«Նոր ժամանակներ» կուսակցության նախագահ Արամ Կարապետյանի կարծիքով Հայաստանում այսօր անտրամաբանական իրավիճակ է. «Հայաստանում այն վիճակն է, երբ ցանկանում են անել լավ բան, բայց ստացվում է ավելի քան վատ։ Այն, ինչ լսում եմ Բարգավաճից ու Օրինաց երկրից, ինձ թույլ է տալիս ենթադրելու, որ կոալիցիայում ամեն ինչ կարգին է, պառակտման միտում չկա, ու հարցը միայն պաշտոնների բաժանման մեջ է»:

Կարապետյանի կարծիքով՝ Հայաստանում այսօր ոչ մի տեսակի խմբային ու թիմային մտածելակերպ չկա և նրա բնորոշմամբ՝ անհասկանալի միքս է առաջացել, որտեղ բոլորը զբաղված են անհասկանալի գործերով:Հայաստանում անգամ պաշոնանկություններն են կիսատ մնում։ «Պաշտոնանկությունները պետք է տրամաբանված լինեին, մենք հասկանայինք՝ ինչու է դա արվում։ Դա բացատրված չէ։ Ալիկ Սարգսյանը հեռանալուց առաջ մի ճիշտ խոսք ասեց ՝ մի օր նշանակում են, մի օր էլ պիտի հեռացնեն։ Է, բոլորս էլ գիտենք այդ մասին»,– ասաց նա:

Կարապետյանը նաև մի թարմ միտք հայտնեց. Սերժ Սարգսյանը հրաժարական կտա գնալով արտահերթ ընտրությունների.«Կարծում եմ Սարգսյանը միտք ունի արտահերթ ընտրությունների և կարծում եմ, որ Սահակաշվիլու օրինակով հրաժարական կտա ու այդպիսով կհաղթի։ Կգնա ու կվերադառնա»: Նրա՝ իր ասածի վկայություն է համարում վերջին պաշտոնանկությունները։

Սակայն, եթե նախագահն այդպես վարվի, շատ կսխալվի, քանի որ Հայաստանն այն վիճակում չէ այսօր, ինչ Վրաստանը, համոզված է ՆԺԿ նախագահը:

Նա ասաց. «Ես կատեգորիկ դեմ եմ այսօր արտահերթ ընտրություններին, որովհետև շատ մոտիկ ապագայում խորհրդարանական ընտրություններ են, հետո՝ նախագահական, և չնայած ես կուզենայի օր առաջ տեսնել ուրիշ իշխանություն, ռեալ մտածելով հասկանում եմ, որ դա սխալ կլինի»: Ինչ վերաբերվում է ընտրությունների որակին. Ըստ նրա, բոլորը գիտեն արդեն բաժանվող ընտրակաշաքների մասին և չեն կասկածում, որ ընտրությունների ժամանակ կեղծիքները ավելի շատ են լինելու։ «Անգամ Լևոն Տեր-Պետրոսյանը հանրահավաքի ժամանակ ասաց, որ շուրջ 500 հազար ձայն կկեղծվի ու ոչ մի քայլ չի արվում այդ ուղղությամբ, էլ ինչների՞ս է պետք այս պահին արտահերթ ընտրությունները»:

Ինչ վերաբերվում է ՀՀ երկրորդ նախագահին. «Քոչարյանը չի ուզում մնալ երիտասարդ թոշակառու եւ իր քայլերով ապացուցում է դա: Քոչարյանը շատ ավելի լավ հնարավորություն ունի այդպիսին չդառնալու համար։ «Օրինակ այդպես վարվեց Կարեն Կարապետյանը։ Նա տեսավ, որ այստեղ ոչ մի բան չի ստացվում, ու որոշեց գործունեությունը շարունակել դրսում։ Նույն կերպ կարող է վարվել Քոչարյանը և դառնալ ասենք, ԼՂՀ նախագահ»,– ճանապարհ ցույց տվեց բանախոսը:

Փաստորեն Կարապետյանը եկել էր ասելու` ինչ էլ անենք ավելին չենք ունենալու:

Այսօր Տիգրան Կարապետյանը դառնացած եկել էր իր դարդերը լրատվամիջոցներին պատմելու. Նա ասաց, որ հիասթափված է Հայ ազգային կոնգրեսի գործելաոճից և հանրահավաքից։ Կրկնեց մի անգամ արդեն ասածը թե` Կոնգրեսի հանրահավաքին գնացել է ոչ թե ՀԱԿ–ին աջակցելու, այլ իր «ժողովրդի կողքին լինելու համար»:

Հետո էլ զարմացել.«Սակայն ոչ ոք չմոտեցավ ինձ, ոչինչ չասաց, էլ չեմ ասում, որ անգամ ժողովրդին տեղյակ չպահեցին իմ այնտեղ գնալու մասին։  Ինչի պիտի ասեին, որ հանկարծ կուրախանային, կծափահարեին իրենցից բացի ուրիշ մեկին»:

Չնայած դրան նա ասաց, որ ամեն դեպքում կլինի իր ժողովրդի կողքին և կմասնակցի նաև հաջորդ հանրահավաքին: Բանն այն է, որ  Կարապետյանը պնդում է, թե Կոնգրեսի հանրահավաքի մասնակիցների հիմնական մասն իր աջակիցներն են եղել, որոնց ինքը դեմքով է ճանաչում։

Դառնացած է Կարապետյանը. չկա գաղափարի շուրջ համախմբված կայուն խումբ։

«Այդ հանրահավաքի ժամանակ ինձ ամենից շատ հիասթափեցրեց Բագրատյանի ելույթը։ Ասում է՝ իշխանությունները այնքան էլ ճիշտ չեն գործում, այնինչ պիտի ասի, որ իշխանությունները ամեն րոպե խաբում են, քցում ու թալանում։ Թե չէ համեմատության մեջ են դնում, այսինքն իշխանությունները ավելի վատ են անում, քան մենք կանեինք»,– պարզաբանեց նա:

Կարապետյանը խոսեց նաև  վերադասավորումների մասին. «Վերջին վերադասավորումները նախընտրական են:Հայաստանի հանրապետական կուսակցությունն աշխատում է բոլոր ուղղություններով, իսկ մնացած կուսակցություններրը, մասնավորապես՝ ՀԱԿ-ը դեռ պասիվ են:

Իսկ ըստ իշխանության տրամաբանության, դրանք պետք է արդյունք տան. «Նախագահները միշտ պարտվում են Երեւանում պարզ պատճառով, որ 5000-ները չեն օգնում: Օրինակ՝ քաղաքապետի նշանակումը Ավանի բնակչության ձայները որոշակիորեն կապահովի: Որքան ես գիտեմ, մեր տվյալներով՝ Էդիկ Մադաթյանի՝ Խուճուճ Էդոյի որդուն ցանկանում են նշանակել փոխքաղաքապետ, որը եւ Մհերի փեսան է: Փաստորեն՝ Էրեբունի համայնքի ձայները նույնպես ապահովված են: Գագիկ Բեգլարյանն էլ Կենտրոն թաղամասի ձայները պետք է ապահովի»,-նշեց ԺԿ առաջնորդը:

Նա համոզված է, որ  իշխանությունները փորձում են սիրաշահել երեւանցիներին եւ դրանով է պայմանավորված երևանցի  Տարոն Մարգարյանին՝ Երեւանի քաղաքապետ, եւ Վովա Գասպարյանին՝ ոստիկանապետ նշանակելը:

Իսկ «Բարգավաճ Հայաստան» կուսակցության դեմ տարվում է որոշակի պայքար` «չեզոքացվում է Հովիկ Աբրահամյանի ռեսուրսը»: Միքայել Մինասյանն էլ գնում է շտաբ՝ վերահսկելու Հովիկ Աբրահամյանին:

Իշխանությունները, նրա խոսքով, կասկածում են բոլորին, դրա համար էլ գնում են իրենց ապահովելու քայլերի:

Իսկ վերջում Կարապետյանը հայտարարեց, թե` «Մեր դիրքորոշումն է մնալ այլընտրանք, եթե ժողովրդի զգալի մասը չի ընդունում իշխանավորին եւ չի ընդունում Լեւոն Տեր-Պետրոսյանին, կարող է  ձայն տալ մեզ՝ որպես այլընտրանքային կուսակցություն»:

Ի դեպ, նա ՀՀ նախագահի անփոփոխ թեկնածուների ցուցակում իր կայուն տեղն ունի. Այս անգամ էլ մտադիր է առաջադրվել 2013թ նախագահական ընտրություններին:

Այսօր ԿԲ նախկին նախագահ Բագրատ Ասատրյանն ու ԱԺ Ֆինանսատնտեսական հարցերի մշտական հանձնաժողովի նախագահ Վարդան Այվազյանը փորձեցին  քննարկել հարկային փոփոխությունների նոր փաթեթը սակայն վեճի բռնվեցին իշխանության տնտեսական քաղաքականության հարցում:

Ըստ Բագրատ Ասատրյանի, եթե գնահատենք հարկային բեռը, հարկեր — ՀՆԱ հարաբերակցությունը կլինի 27 տոկոս՝ մեր օրենսդրության պայմաններում, մենք հավաքագրում ենք 17 տոկոսը: Նրան ի պատասխան Վարդան Այվազյանյան ասաց. — «Եկեք բացենք ՀՆԱ-ն ու տեսնենք՝ ինչն է հարկվում, ինչը՝ չէ։ Օրինակ ո՞վ է համաձայն գյուղատնտեսությունն էս վիճակում հարկենք։ Եթե կա էդպիսի մեկը, ուրեմն բերեք, առաջարկություն արեք և գյուղատնտեսությունը, որը ՀՆԱ-ի մեջ կազմումա ոչ պակաս 20 տոկոսից, ամբողջությամբ դնենք հարկենք»:

Ասատրյանը հակադարձեց, թե` «Տարեցտարի ավելի վատ ենք ապրում:Նախաճգնաժամային տարեվերջի ծրագրով, բյուջեի եկամուտները պետք է կազմեին 3 միլիարդ 100 հազար ԱՄՆ դոլար: Էդքան էս իշխանությունը չարչարվեց, աշխատեց, բայց գալիք տարվա ծախսային ծրագիրը 2 միլիարդ 750 հազար ԱՄՆ դոլար եղավ: Այսինքն նահանջ ենք ապրում»: Այվազյանը փորձեց փրկել իրավիճակը. «Հայաստանը գտնվում է գալակտիկայի մի անկյունում և տնտեսական ճգնաժամը՝ մինուս 14,6 տոկոս, բացարձակ Հայաստանի հետ կապ չունե՞ր»:

Ասատրյանը մեղադրեց.«Դա նրանից է, որ էս իշխանությունները զավթել են իշխանությունը»: Ըստ նրա  ճգնաժամը որևէ կապ չունի` «դիմադրեիք էդ ճգնաժամին, բա իշխանությունը ինչի՞ համար է»: «Բա դիմադրելա իշխանությունը», արդարացավ Այվազյանը:

Ինչի՞ն ա դիմադրել,- հարցրեց ԿԲ բանկի նախկին նախագահը,- էդ դիմադրության արդյունքում է 15 տոկոս անկում գրանցվե՞լ: Սպասեք հրապարակեմ. 2008թ.-ին, երբ բոլորիս համոզում էին, թե 2012-ին ՀՆԱ-ն նոմինալ պետք է լինի 5 տրիլիոն 570 միլիարդ դրամ, այս տարվա հաստատվող ՀՆԱ-ն 25 տոկոսով ավելի պակաս է: Բյուջեի ծախսերը 23 տոկոսով ավելի ցածր են, էլի թվարկե՞մ… Հրաժարական տվեք, պրծեք»:
«Ժամանակը կգա, կտեսնենք, թե ով հրաժարական կտա և ով կմնա: Եկեք ընտրություններից հետո խոսենք», — զայրացավ ԱԺ պատգամավորը:

Հայաստանի Կենտրոնական ընտրական հանձնաժողովն այսօր` նոյեմբերի 10-ին, նիստ է գումարել եւ որոշում է կայացրել Երեւանի ավագանու անդամի թափուր մանդատը հանձնել ՀՀԿ համամասնական ցուցակի 76-րդ տեղը զբաղեցնող Գեորգի Գաբրիելյանին:

Ավագանու անդամի տեղը թափուր էր մնացել նոյեմբերի 2-ին, երբ Երեւանի նախկին քաղաքապետ Կարեն Կարապետյանը հրաժարվել էր նաեւ ավագանու անդամի մանդատից:

Ի դեպ, Գեորգի Գաբրիելյանից առաջ ցուցակում ընդգրկված 12 անձինք ինքնաբացարկի դիմում են ներկայացրել: Ավագանու անդամի նշանակմանը կողմ են քվեարկել ԿԸՀ յոթ անդամներից վեցը:

Գեորգի Գաբրիելյանը ըստ ԿԸՀ պաշտոնական կայքի, 29 տարեկան է, զբաղվում է ՀՀԿ կենտրոնական գրասենյակում ՀՀԿ տարածքային կազմակերպությունների աշխատանքների համակարգմամբ:

Այսօր հերթական  ասուլիսին էր հրավիրել սոցիոլոգ Ահարոն Ադիբեկյանը:
Նրա խոսքով՝ ընտրողների 15 տոկոսը իր որոշումը կայացնում է ընտրություններից մեկ շաբաթ առաջ: «Մենք 4 բևեռ ունենք` ՀՀԿ ԲՀԿ, ՀԱԿ և ՀՅԴ, «Ժառանգություն» և ՕԵԿ: Սակայն հատկանշական է, որ հեղինակության տեսանկյունից, նա  առաջին տեղում կարգեց ՀՀԿ-ն է, այնուհետև՝ ԲՀԿ-ն, ՀԱԿ-ը և ՕԵԿ-ը»: Ըստ սոցիոլոգի ստացվեց որ ` ՀՅԴ-ն ու  «Ժառանգություն» ը ավելի քիչ ռեյտինգ ունեն քան ԱԽՔ-ի կուսակցությունը:

«Քանի որ 915 համայնքներից 675-ը գտնվում է Հանրապետական կուսակցության, 100-ը՝ ՕԵԿ-ի, 70-ը՝ ԲՀԿ-ի վերահսկողության ներքո` ստացվում է, որ ընտրողների երկու երրորդը վերահսկվում է: Նրանցից յուրաքանչյուրը ունի սեփական PR կամպանիան, որն էլ ընտրություններից առաջ աշխատեցնում է՝ հաջողությունների հասնելու համար:

Նա ասաց, որ վերջին հրաժարականները՝ մասնավորապես ԱԺ նախագահ Հովիկ Աբրահամյանի և նախագահի աշխատակազմի ղեկավարի տեղակալ Միքայել Մինասյանի պաշտոնաթողությունները, անպայման կազդեն ՀՀԿ-ի հաջողությունների վրա, սակայն դժվարացավ  ասել, թե ինչ չափով:

Նախընտրական շրջանում, ըստ Ադիբեկյանի, սովորաբար կողմնորոշված է լինում ակտիվ ընտրողների միայն մեկ երրորդը, մյուս մեկ երրորդը տատանվում է: