ՆՏՎ ալիքի «Դաչնի օտվետ» ծրագրի խոհարարական խորագրի հաղորդավար Ստալիկ Խանկիշիևը վստահ է, որ Facebook սոցիալական կայքում նրան արգելափակել են հայ խոհարար Սեդրակ Մամուլյանի ու նրա ընկերների պատճառով։

ՆՏՎ ալիքի «Դաչնի օտվետ» ծրագրի խոհարարական խորագրի հաղորդավար Ստալիկ Խանկիշիևը որոշել է խոհարարական մարտի հրավիրել «Խոհարարական ավանդույթների զարգացման և պահպանման» հասարակական կազմակերպության նախագահ Սեդրակ Մամուլյանին։

Օրերս Facebook սոցիալական կայքի ադմինիստրացիան 30 օրով արգելափակել է ադրբեջանական ծագում ունեցող  ռուսաստանցի խոհարար բլոգեր Ստալիկ Խանկիշիևին։ Պատճառը սոցիալական կայքի մի խումբ օգտատետերի դիմումն է եղել։ Նրանց զայրացրել է Խանկիշիևի «Թյուրքա–հայկական խոհանոցի որոշ հարցերը» հոդվածի դրույթները։ Խանկիշիևը վստահ է, որ Մամուլյանի ընկերները կապ ունեն նրա արգելափակման հետ։

«Ես ու իմ ընկերները զբաղված ենք խոհարարությամբ, ոչ թե քաղաքականությամբ։ Մենք նույնիսկ սոցիալական կայքերում վիճաբանելու ժամանակ չունենք, այնպես որ թող Խանկիշիևն ուրիշ մեղավորներ փնտրի։ Ես իմ հերթին դատապարտում եմ արգելափակման քաղաքականությունը։ Եթե մարդ ասելու բան ունի` թող խոսի ու գրի», – ասաց Մամուլյանը Sputnik Արմենիայի թղթակցին ։

Նրա խոսքով` Խանկիշիևն իրեն տոլմայի ծագման վերաբերյալ վիճաբանության է հրավիրել։ Մամուլյանը հրաժարվել է մի պարզ պատճառով. նա մտադիր չէ կասկածի տակ դնել հայկական խոհարարական ժառանգությունը, նույնիսկ, եթե դա ՅՈՒՆԵՍԿՕ–ն է ասում։

«Քամիների դեմ միայն Դոն Կիխոտն էր պայքարում։ Ադրբեջանում պետք է հասկանան, որ չեն կարող մեզ հետ, մեր ներուժի, մեր պատմության հետ մրցել», – ասաց Մամուլյանը։

Նա համոզված է` Խանկիշեևի անհանգստությունը պայմանավորված է նրանով, որ վերջերս իր` Մամուլյանի ղեկավարած կազմակերպության շնորհիվ աշխարհում ավելի շատ են իմանում Հայաստանի խոհարարական ժառանգության մասին։

«Ես զբաղվում են խոհարարությամբ, ոչ թե քաղաքականությամբ։ Խոհարարությունը ստիպում է զբաղվել գործով, այլ ոչ թե դատարկ քննարկումներով։ Ինչի մասին կարող եմ խոսել մի մարդու հետ, որը իտալական ռիզոտտոն ուզբեկական է համարում», – ասաց Մամուլյանը։

Հայ խոհարարն իրավիճակը ծիծաղելի է համարում, քանի որ Խանկիշիևը փորձում է նույնիսկ Ամերիկայի բացահայտման մեջ ադրբեջանական հետք տեսնել։ Մամուլյանը պատրաստ է պատասխանել ադրբեջանցու մարտահրավերին, եթե այն դուրս չի գա խոհարարական մարտի սահմաններից ու քաղաքականության չի վերածվի։

Մամուլյանն ու նրա թիմն այս տարի պատրաստվում են աշխարհի մի քանի երկրներում տոլմայի մեծ փառատոն կազմակերպել։ Փառատոնը տեղի կունենա Վրաստանում, Ռուսաստանում, Չեխիայում, Գերմանիայում ու մի շարք այլ երկրներում։

armeniasputnik.am

Բաքվի հեռուստաաշտարակի շրջանում սողանքների սպառնալիքն այն աստիճանի է հասել, որ որոշում է կայացվել տարհանել շրջակա գոտու բանակիչներին:

Ինչպես հայտնում են haqqin.az-ը, Սաբալինի շրջանի գործադիր իշխանություններն անցկացրել են հատոոկ շտաբի արտակարգ նիստ, որի նպատակն է եղել քննարկել ստեղծված իրավիճակը: Հատուկ շտաբը որոշում է կայացրել տարհանել սողանքի տարածքում ապրող մարդկանց:

Ոստիկանության աշխատակիցները հանդիպել են վտանգավոր գոտու բնակիչների հետ, առաջարկել ժամանակավորապես թողնել իրենց բնակարաններն ու տեղափոխվել ազգականների մոտ ապրելու: Ստեղծվել են նաեւ ժամանակավոր կացարաններ: Տարածքը վերցվել է ոստիկանության հսկողության տակ:

Ավելի վաղ հաղորդվել էր, որ սողանքներն ակտիվացել էին շինարարական աշխատանքների պատճառով: Տեղանքում գետնի մակերեսին առաջացել են 1,5 մետրանոց ճեղքեր, որոնց խորությունը հասնում է 7 մետրի:

Ձեզ ենք ներկայացնում  կրկին  հակառակորդի ճամբարում2017թ, փետրվարի 25-ին տեղի ունեցած հեռախոսազրույցի ձայնագրությունը,

Արցախի պաշտպանության նախարարությունը հրապարակել է հակառակորդի ճամբարում փետրվարի 25-ին տեղի ունեցած հեռախոսազրույցի ձայնագրությունը, որտեղ նկարագրվում է իրավիճակը ադրբեջանական կողմում:

Ձայնագրությունում կանացի ձայնը, մասնավորապես, ասվում է.

«Ալո, ես Գյունայի հետ եմ խոսել, նա ասաց, որ շատ վիրավորներ կան: Դիրքերում իրադրությունը վատ է: Նրա տղային չեն թողել գա նշանադրության: Պատերազմ է ընթանում, նրանց հավաքել են եւ տարել Աղդամ:

Հրամանատարը չի թույլատրել: Ասել է, որ իրադրությունը շատ վատ է: Այն, ինչ ապրիլին է եղել, այսօր էլ սկսվում է:

Բայց ես որտեղից իմանամ, թե ինչու են սկսել: Ասել են, որ հիվանդանոցը լցված է վիրավորներով: Ամբողջ հողը թողում է պայթյուններից:

Սուտ է խոսում, մենակ չի եղել,շատ են եղել, թաքցնում են»:

«Այս ամենը մեկ անգամ եւս փաստում է, որ այսօր առավոտյան Ադրբեջանի կողմից՝  արցախյան զինուժի հարձակման մասին տարածված տեղեկությունը ոչ այլ ինչ է, քան սեփական հերթական ձախողումը պարտակելու անհաջող փորձ»,-ասված է Արցախի ՊՆ տարածած հաղորդագրությունում:

Հիշեցնենք, որ փետրվարի 25-ին՝ ժամը 03:00-ի և 04:00-ի սահմաններում, շփման գծի միանգամից երկու` հարավարևելյան (Մարտունի) և արևելյան (Աննա) ուղղություններով հակառակորդը, օգտագործելով ականազերծման համապատասխան տեխնիկա և հատուկ միջոցներ, ձեռնարկել է հարձակման փորձ։

«ՊԲ առաջապահ ստորաբաժանումները, նաև շնորհիվ տեսադիտարկման սարքավորումների, երկու ուղղություններում էլ ժամանակին հավաստանշել են ադրբեջանական ստորաբաժանումների առաջխաղացումը և կորուստներ պատճառելով հետ շպրտել ելման դիրքեր:
Բանակի առաջապահ ուժերի պատասխան գործողությունների արդյունքում հակառակորդը տվել է զոհեր և վիրավորներ: Մի քանի դիակ գտնվում է չեզոք գոտում: Հայկական կողմը զոհեր ու վիրավորներ չունի»,-ասված է Արցախի ՊԲ մամուլի հաղորդագրությունում:

Մի հրեա իշխանավոր հարցրեց Հիսուսին.
-Բարի՛ Վարդապետ, ի՞նչ պիտի անեմ հավիտենական կյանքը ժառանգելու համար:
Հիսուսն ասաց նրան.
-Ինչո՞ւ ես ինձ բարի կոչում. միայն Աստված է բարի: Պատվիրանները գիտես. «Մի՛ շնանա, մի՛ սպանիր, մի՛ գողանա, սուտ վկայություն մի՛ տուր, պատվիր քո հորը և մորը»:
Նա ասաց.
-Այդ բոլորը իմ պատանեկությունից ի վեր պահել եմ:
Հիսուս երբ լսեց, ասաց իշխանավորին.
-Մի բան էլ դեռ պետք է անես: Ինչ որ ունես, վաճառի՛ր և տո՛ւր աղքատներին. այդպիսով երկնքում գանձ կունենաս, ապա արի՛ և հետևի՛ր ինձ:
Իշխանավորը երբ լսեց, տրտմեց, որովհետև շատ հարուստ էր: Հիսուս, նրան տրտմած տեսնելով, ասաց.
-Որքա~ն դժվար է հարստություն ունեցողների համար Աստծու արքայություն մտնելը: Շատ ավելի հեշտ է, որ պարանը մտնի ասեղի ծակից, քան հարուստը՝ Աստծու արքայությունը:
(Ղուկասի ավետարան 18:18-25)

Ռուբեն աբեղա Զարգարյան

Սիրիայի հյուսիսում գտնվող քրդական ազգային զինված ջոկատների քաղաքական թևը՝ PYD-ը, կոչ է արել Սիրիայի իշխանություններին ապահովել Աֆրինի և երկրի սահմանի անվտանգությունն ու պաշտպանել տարածքը թուրքական օկուպացիայից, այս մասին հայտնում է բրիտանական Reuters գործակալությունը:

Քրդական ուժերը խնդրել են պաշտոնական Դամասկոսին միջամտել իրավիճակին և Աֆրինում տեղակայել սիրիական բանակի ուժեր՝ տեղի բնակչությանը թուրքական հարձակումից պաշտպանելու նպատակով:

Թուրքական մամուլը PYD-ի այս հայտարարությունը որակել է «ուշագրավ»՝ նշելով Սիրիայի քրդական խմբավորումների և երկրի իշխանությունների միջև երկար տարիներ առկա լարվածությունը, քրդերի՝ ընդդիմադիր դիրքերից հանդես գալն ու ամերիկյան աջակցություն ստանալու պատճառով Սիրիայի նախագահ Բաշար ալ Ասադի կողմից որպես «դավաճաններ» որակվելը:

Հիշեցնենք, որ նախօրեին Սիրիայի փոխարտգործնախարար Ֆեյսալ Մաքդադը հայտարարել էր, որ սիրիական օդուժը պատրաստ է արժանի հակահարված տալ Թուրքիային, որն իր գործողություններով խախտում է Սիրիայի տարածքային ամբողջականությունը:

Հունվարի 20-ին թուրքական ԶՈւ-ն սկսել է Սիրիայի հյուսիսում գտնվող քրդական ազգային զինված ջոկատների (PYD/YPG) դեմ ռազմական գործողությունը, որը ստացել է «Ձիթենու ճյուղ» անվանումը: Օդային առաջին հարձակումներից հետո, հունվարի 21-ին թուրքական ԶՈւ-ի զինվորականներն անցել են լայնամասշտաբ հարձակման նաև ցամաքում: Հայտնի է, որ թուրքական ԶՈւ-ին աջակցում է «Սիրիական ազատ բանակ» ընդդիմադիր խմբավորումը՝ ինչպես 2016թ.-ին ձեռնարկված «Եփրատի վահան» գործողության ժամանակ:

Հայաստանի Հանրապետության կառավարությանն առընթեր ազգային անվտանգության ծառայության կողմից ձեռնարկված մեծածավալ օպերատիվ-հետախուզական միջո­ցա­ռումների և քննչա­կան գործողությունների արդյունքում բացահայտվել է անօրինական միգ­­րա­ցիայի կազ­մակերպմամբ զբաղվող անդրազգային հանցավոր խումբ, որը Հայաստա­նի Հան­րապե­տու­թյան տարածքով իրականացրել է օտարերկրյա քաղաքացիների անօրինա­կան միգրա­ցիա դեպի Իրանի Իսլամական Հանրապետություն, ապա՝ Թուրքիայի Հանրա­պե­­տու­թյուն:

Մասնավորապես, 2017 թվականի հունվար-հունիս ամիսների ընթացքում ՀՀ ԱԱԾ աշխա­տակիցների կողմից բացահայտվել է հայ-իրանա­կան սահ­­մանի Մեղրիի հատվածում Իրաքի 1, Ուզբեկստա­նի 1 և Իրանի 4 քաղաքացիների ապօրինի սահմանահատման 5 դեպք։

Անհրա­ժեշտ քննչական գործողություններ և օպերատիվ-հետախուզական միջոցառումներ իրակա­նաց­նելու, դեպքերի հանգամանքները բազմակողմանի, լրիվ և օբյեկտիվ հե­տա­զո­տելու արդյունքում պարզվել է, որ դրանք կազմակերպել են ԻԻՀ-ում և ԹՀ-ում բնակվող նույն անձինք։ Վերջիններիս ուղղորդմամբ օտարերկրյա քաղաքացիները ժամանել են Հա­յաս­տան, այնուհետև տաքսի ծառայություններ մատուցող ազգությամբ հայ վարորդները, հիմ­նականում գի­շե­րային ուշ ժամերին, նրանց տեղափոխել են անմիջապես հայ-իրանական սահմանագծի մոտ՝ կազմակերպիչների կողմից նախապես մատնանշված վայր։ Այնուհետև հան­ցա­վոր խմբի անդամներից մեկը, կտրելով պետական սահմանի ինժեներա­տեխ­նի­կա­կան կառույցների փշալարերը, սահ­­մա­նախախտներին ուղեկցել է Իրանի տարածք՝ Թուր­քիա տեղափոխելու համար։

Քննությամբ ձեռք բերված բավարար ապացույցների հիման վրա քրեական գործով 6 անձ ներգրավվել է որպես մե­ղադրյալ, նրանցից 3-ի վերա­բերյալ քրեական գործը մեղադրական եզրակացությամբ ուղարկ­վել է դատարան, իսկ 3-ի նկատ­մամբ` հայտարարվել հե­տա­խու­զում։

Հակաօրինական գործունեությանը ներգրավված անձանց ամբողջական շրջանակը բա­­ցահայտելու, միաժամանակ Հայաստանի տարածքն անդրազգային հանցավոր խմբավորում­ների կողմից որպես տարանցիկ ուղի օգտագործելու հնարավորությունը բացառելու նպա­­տակով օպերատիվ-հետախուզական համալիր միջոցառումները շարունակվել են, որոնց շնորհիվ 2017 թվականի դեկտեմբերին Ազգային անվտանգության ծառայու­թյու­նում օպե­րա­տիվ տեղեկություններ են ստացվել Թուրքիայից արտաքսված և անօրինական ճանա­պար­հով նույն երկիր վերադառնալու ցանկություն ունեցող Ուզբեկստանի, Ղրղզստա­նի, Թուրք­մենստանի և Եմենի քաղաքացիների նոր խմբերի` Հայաստան ժամանելու մասին:

Անհապաղ ձեռնարկված մեծածավալ օպերատիվ-հետախու­զա­կան միջոցառումների և քննչա­կան գոր­ծո­ղու­թյուն­ների արդյունքում 2017 թվականի դեկտեմբերի 22-ին և 26-ին, 2018 թվականի հունվարի 15-ին և 19-ին հիշյալ օտարերկրացիների կողմից հայ-իրանական սահմա­նը հա­տե­լու փորձերը կանխվել են։

Տվյալ դեպքերով նույնպես փաստական տվյալներ են ձեռք բերվել, որ օտարերկրացինե­րի տա­րանցման կազմակերպիչները Թուրքիայի Հանրապետության և Իրանի Իսլամական Հանրապետության վերը նշված նույն քաղաքացիներն են։

Վերջիններիս ինքնությունը պարզելու և Հայաստանի Հանրապետության պետական սահ­­մանի անձեռնմխելիության նկատմամբ հետագա հանցավոր ոտնձգությունները կանխելու նպատակով Ազ­գա­յին անվտանգության ծառայության կողմից մշակվել է հատուկ միջո­ցա­ռում­ների ծրա­գիր. տեղեկանալով կազմակերպիչների կողմից հերթական օտարերկրացու՝ Հա­յաս­­­տանի Հանրա­պե­տու­թյունում գտնվող և Ինտերպոլի գծով հետախուզվող ԻԻՀ քաղա­քա­ցու ապօրինի սահմանա­հատման նախապատրաստական գործողությունների և պետա­կան սահմանի ապօրինի հատման նախանշված վայրի մասին, իրանական կողմից սահմա­նա­խախտին դիմա­վորող անձին հենց հանցանքի կատարման վայրում բռնելու նպա­տա­կով դեպքի վայր են ժամանել ՀՀ ԱԱԾ համապատասխան ստորաբաժանումների աշխա­տա­կից­ները և ձեր­բակալել իրանական կող­մից պետական սահմանն ապօրի­նի հատած՝ անօրի­նա­կան միգ­րա­ցիայի կազմակերպ­մամբ զբաղվող ԻԻՀ քաղաքացուն։

Հայաստանի Հանրապետության կառավարությանն առընթեր ազգային անվտանգության ծառայության քննչական վարչությունում վերը նշված դեպքի առթիվ քննվող քրեական գործով արդեն իսկ 7 անձ ներգրավվել է որպես մեղադրյալ, նրանցից 4-ի նկատմամբ խա­փան­ման միջոց է կիրառվել կալանավորումը։

Ան­օրի­նական միգրացիայի կազմակերպիչների ու նրանց հանցա­կիցների ամբողջական շրջանակը, ինչպես նաև Հայաստանի Հանրապետության պահպանվող պետական սահմանն ապօրինի հատելու հնա­րավոր այլ ուղիները պարզելու ուղղու­թյամբ քննչական գոր­ծո­ղու­թյունները շա­րունակ­վում են, ձեռ­նարկ­վում են մեծածավալ օպերատիվ-հետախուզական միջոցա­ռում­ներ:

2017 թվականի ընթացքում ձեռնարկված հետևողական միջոցառումների արդյունքում բա­ցահայտվել է նաև հայ-վրացա­կան սահմանով ապօրինի սահմանահատումների կազմակերպ­ման դեպք։ Պարզվել է, որ պետական հա­տուկ ծառայություն իրականացնող ան­­ձինք, ապօրինի եղանակով գումար վաստակելու շահադիտական նպատակով, մի խումբ անձանց օժանդակությամբ, 2016-2017 թվականների ընթացքում 8 դեպ­քով կազ­մակերպել են իրավա­կան կամ փաս­տա­թղթա­յին խնդիր­ներ ունեցող Վրաստանի 1 և ՀՀ 2 քաղաքացիների մեկ­նու­մը Հայաս­տանից Վրաս­տան կամ հա­կառակ ուղղությամբ՝ ՀՀ Լո­ռու մար­զի ան­տա­ռա­ծածկ տարածքներով։

Հիշյալ դեպքի առթիվ հարուցված քրեական գործով որպես մեղադրյալ ներ­գրավվել է 13 անձ, որոն­ցից 1-ի նկատմամբ քրեական հետապնդումը դա­դա­րեց­վել է նրա մահվան հիմքով, 2-ի նկատմամբ հայտարարվել է հետա­խուզում, իսկ 10 մե­ղադրյալների վերաբերյալ քրեա­կան գործը մեղադրական եզրակացությամբ ուղարկ­վել է դատարան։

Ապօրինի սահմանահա­տում­ների, ինչպես նաև մի­ջազ­գային ահաբեկ­չա­կան կազմակեր­­­պու­թյուն­նե­րի անդամների կողմից Հայաստանի Հան­րապետություն ներթափանցելու կամ ՀՀ տարածքը որպես տարանցիկ ճանապարհ օգտագործելու հնարավոր դեպքերի դեմ մղվող հետևողական պայքարի արդյունքում 2017 թվականի ընթաց­քում Հայաստանի Հան­րա­պետության կառավարությանն առընթեր ազգային անվտան­­­գու­թյան ծառայության կող­մից ձեռնարկված համալիր օպերատիվ-հետախու­զա­կան միջոցա­ռում­ների շնորհիվ բացա­հայտ­վել և ՀՀ ԿԱ ԱԱԾ քննչական վարչությունում այդօրինակ դեպ­քե­րի առթիվ ընդհանուր առմամբ հարուցվել է 45 քրեական գործ, որոնցով 47 անձ (22-ը Հա­յաս­տանի Հան­րա­­պե­տու­թյան, իսկ 25-ը՝ օտարերկրյա քաղաքացիներ) ներգրավվել են որ­պես մեղադրյալ։ Նրան­ցից 40-ի վերաբերյալ 21 քրեական գործ մեղադրական եզրակացու­թյամբ ուղարկվել է դատա­րան, իսկ 7 անձի նկատմամբ հայտարարվել է հետախուզում։

Ապօրինի սահմանահատումների բոլոր դեպքերով Ազգային ան­վտան­գության ծառայությունը գործուն համագործակցություն է հաստատել օտար­երկրյա պետու­թյուն­ների իրա­վա­սու մարմինների հետ, քրեական գոր­ծերով կատարված բազմակողմանի, լրիվ և օբյեկտիվ քննության շնորհիվ վերհանվել են առկա մի­տում­ները, ապօրինի սահմանահատումների առու­­մով առավել խոցելի վայ­րերը և սահմանային պահպանության ու վերահսկողության գործըն­թացում տեղ գտած բացթողումները։ Կատարված վերլուծությունների հիման վրա միջ­­նորդագրեր և գրավոր առա­­ջարկություններ են ներկայացվել իրավասու մարմիններ, արդյունքում՝ ՀՀ ԶՈՒ գլխավոր շտաբի, ՀՀ-ում՝ ՌԴ ԱԴԾ սահմանապահ վար­չության և ՀՀ ԱԱԾ սահմա­նա­պահ զորքերի հետ համագործակցված՝ գործուն մի­ջոցներ են ձեռնարկվել ի հայտ բեր­ված թերացումները վերացնելու և նմանա­տիպ դեպքերը բացառելու ուղղությամբ։

Ծանուցում. Ենթադրյալ հանցանքի համար կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։

ՀՀ ԱԱԾ մամուլի կենտրոն

Արցախի պաշտպանության բանակի տեղեկատվական կենտրոնում երեկ տեղի ունեցած մամուլի ասուլիսի ժամանակ Արցախի պաշտպանության նախարար Լևոն Մնացականյանը խոսել է դիրքապահների համար առավել անվտանգ ծառայության պայմանների, զինծառայողների պատրաստության մակարդակի բարձրացման, զինվորական կարգապահության և բանակում բարոյահոգեբանական վիճակի ամրապնդման ուղղությամբ տարված աշխատանքների, ինչպես նաև նորագույն տեխնոլոգիաների ներդրման և այլ կարևոր հարցերի մասին…

Նույն գիշերը, դիվերսիոն-հետախուզական ներթափանցման փորձի միջոցով թշնամին փորձել է հակառակն ապացուցել՝ սակայն թշնամու առաջխաղացումը կասեցվել է նորագույն տեխնոլոգիաների և մեր զինծառայողների զգոնության շնորհիվ։
Ռազմաճակատի անհաջողությունից հետո թշնամին որոշել է «գրոհի անցնել» տեղեկատվության միջոցով։ Առավոտից տարբեր կայքէջերի միջոցով ապատեղեկատվություններ են տարածվում՝

— թե իբր Հադրութի ուղղությամբ տեղակայված զորամասերից մեկում արցախաբնակ և հայաստանաբնակ զինծառայողների միջև մասսայական ծեծկռտուք է տեղի ունեցել, ինչի հետևանքով կա մեկ զոհ։

— թե իբր հրետանային մարտկոցներից մեկում զինծառայողներից մեկը կրակել է ծառայակցի վրա

— թե իբր սպան ծեծի է ենթարկել զինծառայողներից մեկին և այլն

Հ.Գ…. Չմոռանաք, որ երեկ Ադրբեջանի պաշտպանության նախարարն և Ալիևի ռազմական հարցերով ու իրավապահ մարմինների հետ աշխատանքի գծով օգնական Ֆուադ Ալեսկերովը շտապ գործուղվել էին առաջնագիծ։

Թե ինչ գին է վճարում ադրբեջանական բանակը, Հասանովի ամեն մի գործուղման համար՝ մենք համոզվել ենք 2017-ի փետրվարին։

Ալեն Ղուլյանի ֆեյսբուքյան էջից

 Հունվարի վերջին Հայաստանում ձմեռ կսկսվի:

Ինչպես հայտնում է Հայհիդրոմետկենտրոնը, հունվարի 26-29-ին օդի ջերմաստիճանը ամբողջ հանրապետության տարածքում կնվազի 4-5 աստիճանով:

Ամենից ցուրտ կլինի Շիրակում և Գեղարքունիքում, ինչպես նաև Կոտայքի, Արագածոտնի և Վայոց Ձորի լեռնային շրջաններում. շաբաթ գիշեր այնտեղ սպասվում է 5-10 աստիճան ցուրտ, իսկ մինչև ամսվա վերջ ջերմաստիճանը կնվազի մինչև -7…-12:

Ցրտերը չեն շրջանցի նաև մայրաքաղաքը: Մոտակա 5 օրերի ընթացքում ցերեկվա ժամերին օդի ջերմաստիճանը կտատանվի 1-6 աստիճանի սահմաններում, իսկ գիշերվա ժամերին սպասվում է մինչև -3…-5:

Ընդ որում, հունվարի 26-ի ցերեկը, 27-ին շրջանների զգալի մասում, 28-ին Լոռիում, Տավուշում, Սյունիքում և Արցախում ժամանակ առ ժամանակ սպասվում են տեղումներ, լեռնային և նախալեռնային գոտիներում՝ ձյան, հովտային գոտիներում՝ թաց ձյան և ձնախառն անձրևի տեսքով։ Հունվարի 29-31-ը սպասվում է առանց տեղումների եղանակ:

Քամին՝ հյուսիս-արևելյան՝ 3-8 մ/վ արագությամբ:

Հայաստանի կառավարությունը հունվարի 25-ի նիստում սահմանեց 2018թ. ընտանեկան նպաստի, սոցիալական նպաստի և հրատապ օգնության չափերը:

Պետբյուջեում ընտանիքի կենսամակարդակի բարձրացմանն ուղղված նպաստների համար նախատեսված գումարների 97 տոկոսը նպատակաուղղվում է ընտանեկան նպաստի և սոցիալական նպաստի համար, ընտանիքում երեխայի ծննդյան, ընտանիքում երեխայի առաջին դասարան ընդունվելու, ընտանիքի անդամի մահվան դեպքերում տրվող միանվագ հրատապ օգնությանը, իսկ 3 տոկոսը` եռամսյակային հրատապ օգնության վճարմանը:

1. Ընտանեկան նպաստի համար ընտանիքի անապահովության uահմանային միավորի մեծությունը` 30.00 միավոր
2. ընտանեկան նպաuտի բազային մաuը` 18000 դրամ.
3. 30.01-35.00 անապահովության միավորով ընտանեկան նպաստի իրավունք ունեցող ընտանիքների յուրաքանչյուր 18 տարին չլրացած անդամին տրվող հավելումը` 5500 դրամ, չորu և ավելի` 18 տարին չլրացած անդամ ունեցող ընտանիքների յուրաքանչյուր 18 տարին չլրացած անդամին տրվող հավելումը` 6500 դրամ, բարձր լեռնային կամ uահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը` 6000 դրամ, բարձր լեռնային կամ uահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը` 7000 դրամ.
4. 35.01-39.00 անապահովության միավորով ընտանեկան նպաստի իրավունք ունեցող ընտանիքների`  յուրաքանչյուր 18 տարին չլրացած անդամին տրվող հավելումը` 6000 դրամ, բազմազավակ ընտանիքի յուրաքանչյուր 18 տարին չլրացած անդամին տրվող հավելումը` 7000 դրամ, բարձր լեռնային կամ uահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը` 6500 դրամ, բարձր լեռնային կամ uահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը` 7500 դրամ.
5. 39.01 և ավելի անապահովության միավորով ընտանեկան նպաստի իրավունք ունեցող ընտանիքների` յուրաքանչյուր 18 տարին չլրացած անդամին տրվող հավելումը` 6500 դրամ, բազմազավակ ընտանիքի յուրաքանչյուր 18 տարին չլրացած անդամին տրվող հավելումը` 7500 դրամ, բարձր լեռնային կամ uահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը` 7000 դրամ, բարձր լեռնային կամ uահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը` 8000 դրամ:

Միանվագ հրատապ oգնության չափերն են

• երեխայի ծննդյան դեպքում` 50000 դրամ,
• երեխայի` առաջին դաuարան ընդունվելու դեպքում` 25000 դրամ,
• ընտանիքի անդամի մահվան դեպքում` 50000 դրամ.
• եռամսյակային հրատապ oգնության ամսական չափը` 18000 դրամ:
• մինչև 2 տարեկան երեխայի խնամքի նպաստի չափը` 18000 դրա:

Լրագրի  զրուցակիցն է Մարտական խաչի ասպետ Վահան Բադասյանը