Համացանցում են հայտնվել ռուսական Ան-148 ինքնաթիռի կործանման պահի կադրերը, այն ֆիքսել է Մերձմոսկովյան շրջանում գտնվող սեփական տներից մեկի անվտանգության համակարգի տեսախցիկը: Կադրերում երևում է օդանավի՝ գետնին բախվելու պահին տեղի ունեցած պայթյունի պահը:

Հիշեցնենք, որ Մոսկվայի մարզի Ռամենսկի շրջանում վթարի է ենթարկվել Մոսկվայի «Դոմոդեդովո» օդանավակայանից մեկնած և դեպի Օրսկ քաղաք ուղևորվող Ան-148 ինքնաթիռը:

Ինքնաթիռի կործանման պատճառը, նախնական տվյալներով, շարժիչներից մեկի խափանումն ու դրան հաջորդած բռնկումն է եղել: Կործանման հետևանքով մահացել է 71 մարդ, այդ թվում՝ երկու հայ: Զոհերի մարմինների ճանաչումը տեղի կունենա Մոսկվայի փորձաքննությունների բյուրոյում:

Զոհերի հոգեհանգստի արարողությունները կանցկացվեն Օրսկի թեմի բոլոր եկեղեցիներում 40 օրվա ընթացքում:

Մոսկվայի ժամանակով փետրվարի 11-ին, ժամը  14։21 «Դոմոդեդովո» օդանավակայանից դուրս գալուց 7 րոպե անց Ան–148 ինքնաթիռը կորել է ռադարների տեսադաշտից և կործանվել։Այն Մոսկվայից մեկնում էր Օրսկ։
Ինքնաթիռում 71 մարդ է եղել, որից 65–ը`ուղևոր։

«Մաշ» տելեգրամ ալիքը հաղորդում է, որ  կործանված Ան–148 ինքնաթիռի անձնակազմի անդամների ինքնությունը պարզվել է։ Անձնակազմի 6 անդամներն են.

Վալերի Գոուբանով` անձնակազմի ղեկավար,

Սերգեյ Ղամբարյան` 2–րդ օդաչու,

Անաստասիա Սլավինսկայա` բորտուղեկցորդուհի,

Վիկտորյա Կոբոլ` ուղեկցորդուհի,

Օլեգ Սերգեև` տեխնիկական աշխատող,

Անդրեյ Ռյաբինին` տեխնիկական աշխատող։

Հրապարակվել է զոհերի ամբողջական ցանկը, համաձայն որի, բացի երկրորդ օդաչուից, ազգությամբ հայ է նաեւ ուղեւորներից մեկը՝ Վարսիկ Սեւոյանը: Այսպիսով, ինքնաթիռում 2 հայ է եղել: Զոհվել են նաեւ 2 երեխաներ:

ԶԼՄ-ների փոխանցմամբ, ականատեսները հայտնել են, որ ինքնաթիռի թեւի հատվածում ինչ-որ բան է պայթել, այնուհետ օդանավն ընկել է: Որոնողական աշխատանքների վայրում սաստիկ ձյուն րէ, քամի ու վատ տեսանելիություն։
Ինչպես հաղորդում է «Արմենպրես»-ը, «Lenta.ru»-ի աղբյուրի խոսքով՝ օդանավի անկման վայրից ոչ հեռու գտնվել են այլ օդային ապարատի բեկորներ։ Մեկ այլ աղբյուր չի բացառել, որ դա ուղղաթիռ է, որին օդում կարող էր բախվել Ան-148-ը։

Ըստ ՏԱՍՍ-ի աղբյուրի՝ օդանավի կործանման պատճառ կարող էին լինել եղանակային պայմանները, ինչպես նաև անձնակազմի սխալը։ Մեկ այլ աղբյուրը հայտնել է, որ ինքնաթիռի վթարից հետո կենդանի մնացածներ չկան։

Ռուսաստանում այսօր՝ փետրվարի 12-ը ազդարարվել է սգո օր:

Հիսուսի մոտ բերեցին կույր ու համր մի դիվահարի, և Հիսուսը բժշկեց նրան, այնպես որ համր և կույր մարդն սկսեց խոսել ու տեսնել։ Բոլոր ներկաները զարմացան և հարցնում էին.
— Մի՞թե սա է Քրիստոսը՝ Դավթի Որդին։
Բայց փարիսեցիները երբ այս լսեցին, ասացին.
— Նա դևերի իշխանի՝ Բեեղզեբուղի զորությամբ է հանում դևերին։
Երբ Հիսուսն իմացավ նրանց միտքը, ասաց.
— Ամեն թագավորություն, որ ինքն իր մեջ բաժան-բաժան է լինում, կործանվում է, և ամեն քաղաք կամ ընտանիք, որ ինքն իր մեջ բաժանված է, կանգուն չի մնում։ Եթե Սատանան իր գործակալների դեմ է ելնում, ուրեմն իր մեջ բաժան-բաժան է եղած. արդ, նրա թագավորությունն ինչպե՞ս կարող է կանգուն մնալ։ Եվ եթե ես Բեեղզեբուղի զորությամբ եմ դուրս հանում դևերին, ձեր հետևորդները ո՞ւմ զորությամբ են դուրս հանում դրանց։ Ուրեմն հենց ձեր հետևորդները պիտի դատապարտեն ձեզ։ Իսկ եթե Աստծու Հոգու զորությամբ եմ հանում չար ոգիներին, նշանակում է Աստծու թագավորությունն արդեն հասել է ձեզ վրա։ Ոչ ոք չի կարող մի ուժեղ մարդու տունը մտնել և կողոպտել նրա ունեցվածքը, եթե նախապես չկապի այդ ուժեղ մարդուն։ Դրանից հետո միայն նա կկողոպտի նրա տունը։
Ով ինձ հետ չէ՝ հակառակ է ինձ, և ով ինձ հետ չի հավաքում՝ ցրում է։ Դրա համար ասում եմ ձեզ. մարդիկ ինչքան էլ մեղք գործեն կամ հայհոյություն անեն, Աստված պիտի ների նրանց այդ բոլորը, բայց նա չի ների նրան, ով հայհոյում է Սուրբ Հոգուն, այսինքն՝ նախատում է նրան։ Ով որ Մարդու Որդու դեմ խոսք ասի, Աստված պիտի ների նրան, բայց ով ասի Սուրբ Հոգու դեմ, նա չի ների նրան ո՛չ այս աշխարհում և ո՛չ էլ հանդերձյալում։
(Մատթեոսի ավետարան 12:22-32)

Իսրայելի ավիացիոն ուժերը հայտնել են, որ երկրի զգալի հատվածում փակել են օդային տարածքը: Երկրի գլխավոր օդանավակայանը, սակայն, շարունակում է աշխատել նորմալ ռեժիմով՝ չնայած իրանական անօդաչու թռչող սարքի հետ տեղի ունեցած միջադեպին և դրան հաջորդած ժամանակահատվածում Սիրիայի տարածքում իսրայելական օդուժի թռիչքներին: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
Տեղի իշխանությունները հայտնել են նաև, որ փետրվարի 10-ի առավոտյան՝ դեպքերի ամենաթեժ պահին, 15-20 րոպեով հետաձգվել են Թել Ավիվի միջազգային օդանավակայանից թռիչք և վայրէջք իրականացնող մի քանի ինքնաթիռների թռիչքներ:
«Ներկայում օդանավակայանն աշխատում է նորմալ ռեժիմով: Շֆաիմից հյուսիս ողջ օդային տարածքը փակ է բոլոր տեսակի թռիչքների համար»,- ասվում է Իսրայելի օդանավակայանների ղեկավարման գերատեսչության հայտարարության մեջ:
Ավելի վաղ Իսրայելի զինված ուժերից հայտնել էին, որ վերցրել են Սիրիայից այդ երկրի տարածք ներխուժած իրանական անօդաչու թռչող սարքի կառավարումը: Դրան ի պատասխան նրանք հարձակվել են Սիրիայի տարածքում իրանական թիրախների վրա:
Դրանից հետո, Իսրայելի զինված ուժերից տեղեկացրեցին երկրի հյուսիսում Սիրիայից օդային հարվածի հետևանքով իսրայելական F-16 ռազմական կործանիչի ընկնելու մասին: Ինքնաթիռի անձնակազմը ողջ էր մնացել:
Ուշագրավ է, որ սիրիական SANA գործակալության տվյալներով՝ իսրայելական կողմը հարձակվել է երկրի կենտրոնում պետական ռազմական օբյեկտների վրա, ինչին ի պատասխան սիրիական հակաօդային պաշտպանության համակարգերը հարվածներ են հասցրել իսրայելական ինքնաթիռներին:

Ադրբեջանի նախագահ Իլհամ Ալիևի այն հայտարարությունը, թե Երևանը «պատմական ադրբեջանական հող է», հետաքրքիր է ոչ միայն այն պատճառով, որ գիտական տեսակետից բացարձակ անհեթեթություն է՝ գլխավորն այն է, որ նման մարգինալ պատմագրությունը երբեմն իսկական պատերազմի է հանգեցնում: Այս մասին ասվում է ռուսական «Վզգլյադ»պարբերականի հոդվածում:

Ադրբեջանի նախագահ Իլհամ Ալիևը հերթական անգամ սպառնալից ելույթ է ունեցել, այս անգամ «Ենի Ադրբեջան» կուսակցության համագումարում, որտեղ հայտարարել է, թե «Երևանն ու Զանգեզուրն ադրբեջանցիների պատմական հողերն են»: «Եվ ադրբեջանցիները պետք է վերադառնան այդ հողեր: Դա է մեր քաղաքական և ռազմավարական նպատակը և մենք պետք է փուլ առ փուլ մոտենանք այդ նպատակին»,-ասել է Ալիևը:

Թերթը նշում է, որ Երևանում Ալիևի հայտարարություններն օրինաչափ գնահատականի արժանացան:

Հայաստանում ռասիստական են որակել Ալիևի հայտարարությունները: ՀՀ ԱԳՆ մամուլի քարտուղար Տիգրան Բալայանը հայտարարել էր: «Ընդամնեը 100 տարի առաջ աշխարհի քաղաքական քարտեզի վրա հայտնված Ադրբեջանի տարածքային նկրտումները Հայաստանի նկատմամբ նորություն չեն. Բաքվի ռեժիմի տարբեր ներկայացուցիչներ բազմիցս են հնչեցրել նման հայտարարություններ»:

Հեղինակը նշում է, որ հայտարարությունն արված է «խոհանոցային պատմագրության» ոճով:

«Խոհանոցային պատմագրությունը»՝ սեփական պատմությունը արհեստականորեն երկարացնելու կամ տարածքներ ու ազդեցություն վերագրելու ոչ գիտական փորձերն են:

Նշելով, որ նման երևույթներ բնորոշ են նաև այլ ժողովրդներին՝ հեղինակը շեշտում է, որ միայն Բաքվում են այդ ուղղությամբ աշխատում ակադեմիական գիտնականներ ու ամբողջ գիտական ինստիտուտներ, մի ամբողջ քարողչական համակարգ, որի համար չեն խնայում ոչ միջոցներ, ոչ կապեր:

Անցնելով Աղվանքի մշակույթն ու պատմությունը յուրացնելու փուլը՝ ադրբեջանական պատմագրությունը սկսել է պատմությունն ուղղակի առաստաղից վերցնել, կամ «սրբագրել ու ուղղել», ինչպես, օրինակ, Երևանի խանության և Զանգեզուրի դեպքում, ասվում է հոդվածում:

«Եվ այն, ինչ հիմա Ալիևն ասում է ամբիոնից, մի քանի տարի անց կվերարտսդրվի «գիտական աշխատություններում, շնորհանդեսներում, ցուցահանդեսներում և ֆիլմերում», ինչպես և ասել է նա իր ելությում: Իրականում դա շատ տխուր է: Համաշխարհային պատմության մեջ դեռ չի եղել մի դեպք, երբ խոհանոցային պատմագրության նման զանգվածային կիրառումը ինչ-որ լավ բանի հանգեցներ: Այնպես որ մարգինալ պատմագրությունը բոլորովին էլ անվնաս բան չէ, ինչպես կարող են մտածել նորմալ խորհրդային դպրոցական կրթություն ունեցող մարդիկ: Ամեն ինչ շատ վատ կարող է լինել»,-ասվում է հոդվածում:

panarmenian.net

Այսօր՝ փետրվարի 10-ին, խոշոր հրդեհ է տեղի ունեցել Գեղարքունիքի մարզում: Ժամը 13:00-ի սահմաններում, դեռևս անհայտ պայմաններում, Երևան-Իջևան ավտոճանապարհի Դիլիջանի թունելի մեջ հրդեհ է բռնկվել Տավուշի մարզի Գետահովիտ գյուղի բնակիչ, 22-ամյա Արթուր Գաբրիելյանի կողմից վարած Ford Fiesta մակնիշի 30 ՏՏ 782 համարանիշի ավտոմեքենայում:

Shamshyan.com-ի փոխանցմամբ՝ ըստ նախնական տեղեկությունների՝ բարեբախտաբար, զոհեր և վիրավորներ չկան:

Օպերատիվորեն ժամանել են Արտակարգ իրավիճակների նախարարության փրկարար ծառայության Սևանի հրշեջ-փրկարարական ջոկատը, ովքեր մարել են ավտոմեքենայում առաջացած հրդեհը, սակայն այն ամբողջովին վերածվել է մոխրակույտի:

Դեպքի վայր են ժամանել Ճանապարհային Ոստիկանության 2-րդ սպայական գումարտակի 4-րդ վաշտի ծառայողները ՝ վաշտի հրամանատար Էդգար Սուսլիյանի գլխավորությամբ:

Նշված հատվածում երթևեկությունը ժամանակավորապես դադարեցվել է, որպեսզի հրշեջները կարողանան մարել ավտոմեքենայում առաջացած կրակն ու ավտոմեքենան դուրս բերեն թունելից:

Մանրամասները՝ այստեղ.

Հոդված 1․ ՀՀ նախագահը պետության գլուխն է: Եթե նա գլուխը կորցնի կամ լուրջ ընդունի իր «գլխությունը», ապա տե՛ս հաջորդ հոդվածները:

Հոդված 2․ Վերջին 6 (կամ մի քիչ պակաս) տարում ՀՀ-ում մշտապես բնակված անձին ուղիղ եթերում ՀՀ նախագահ է նշանակում Սերժ Սարգսյանը՝ ՀՀԿ-ի միաձայն հավանությամբ ու նախագահի թեկնածուի՝ անսպասելի սպասված առաջարկից զարմացած աչքերի առկայությամբ (նախագահ նշանակվելուն պես տվյալ անձն իր աշխատասենյակում կախում է Սերժ Սարգսյանի, Անգլիայի թագուհու, նրա որդու և Կլոդ Մոնեի նկարները, մյուս պաշտոնյաները (ներառյալ վարչապետը)՝ միայն Սերժ Սարգսյանի նկարը):

Նախագահի կինը իրավունքի ուժով չի համարվում առաջին տիկին: Եթե դա դուր չի գալիս նախագահին, ապա նա դիմում է ՍԴ՝ հարցի պարզաբանման նպատակով: ՍԴ-ն պարզաբանում է հարցը և թեման համարում փակված, իսկ նախագահի երգը՝ երգված (ՀՀ մշակույթի նախարարությունը նպաստում է «Նե բիվայետ ստռանի բեզ պեռվոյ լեդի» երգի մասսայականացմանը):

Հոդված 3․ Եթե նախագահի թեկնածուն չեմուչում է անում, ձևեր թափում ու խաղեր տալիս՝ հայտարերելով, թե Սերժ Սարգսյանի առաջարկի շուրջ կմտածի ներգնա ու արտագնա տուրիստական այցերից հետո միայն, ապա նա նախագահ է դառնում վարչապետի հրամանագրով կամ իրավունքի ուժով:

Նախագահի թեկնածուն կարող է դիմել ՍԴ իր՝ նախագահ չդառնալու ցանկության սահմանադրականությունը պաշտպանելու հայցով: ՍԴ-ն իր անդամների 1/5-ով մերժում է թեկնածուի հայցը և վերջինս ուզած-չուզած նախագահ է դառնում ՍԴ որոշմամբ:

Հոդված 4․ ՀՀ նախագահն իրավունք ունի՝

Ա. անվերջ և անդադար պատմել իր ու Վազգեն Սարգսյանի ջերմ հարաբերությունների մասին,

Բ. անվերջ, անդադար, առիթ և անառիթ ժպտալ,

Գ. պարբերաբար ցույց տալ իր նկարները արքայազնի, թագուհու և այլ երևելի անձանց հետ,

Դ. պաշտոնավարումից առաջ, պաշտոնավարման ժամանակ և, առավել ևս, պաշտոնավարումից հետո ավելի շատ լինել արտերկրում (օրինակ՝ Լոնդոնում), քան Հայաստանում,

Ե. վարչապետի թույլտվությամբ ընդունել և ճանապարհել այլ երկրների դեսպաններին ու լուսանկարվել նրանց հետ,

Զ. ունենալ լավ վերանորոգված գրասենյակ Երևանի թանկանոց հատվածում, ասենք՝ Մատենադարանի մոտ:

Հոդված 5․ ՀՀ նախագահին արգելված է՝

Ա. օգտագործել «քաղաքականություն» բառը,

Բ. խոսել Հայաստանի առարկայական խնդիրներից ու հայտնել տեսակետ,

Գ. խաղեր տալ ԱԺ-ի հետ,

Դ. չստորագրել վարչապետի գրասենյակից եկած որևէ փաստաթուղթ,

Ե. մասնակցել ՀՀ անվտանգության խորհրդի նիստերին, ծպտուն հանել վարչապետի գործունեության մասին, գնահատական տալ հանրային հետաքրքրություն ներկայացնող հարցերի վերաբերյալ և հետաքրքրվել պետության ներքին ու արտաքին խնդիրներով,

Զ. նյարդայնանալ իր կարգավիճակից:

Հոդված 6․ ՀՀ նախագահին ուղիղ եթերում աշխատանքից ազատում է Սերժ Սարգսյանը՝ ՀՀԿ-ի միաձայն հավանությամբ ու նախագահի՝ իր ազատման մասին սպասելի չսպասված լուրից ծառս եղած հայացքի առկայությամբ:

Հոդված 7․ ՀՀ նախագահն իր պաշտոնավարման ժամկետի ավարտից հետո կարող է հետապնդվել իր չունեցած լիազորություններից օգտվելու և չկատարած քայլերի համար:

. . .

Ինչպես ինքներդ եք տեսնում, բարեփոխված Սահմանադրությամբ ահագին լիազորություններ են անցել նախագահին և տեղի է ունեցել իշխանության ապակենտրոնացում: Վարչապետը ստիպված է լինելու բոլոր գործերով ինքը զբաղվել, իսկ ահա նախագահն ահագին ազատ ժամանակ է ունենալու, ինչը ժողովրդավարության դրսևորում է: Դե իսկ խորհրդարանը դառնալու է այն մարմինը, որի գլխին է ջարդվելու այս ամենը:

«7 օրի» օրենսդրական բարեփոխումների ուսումնասիրման կենտրոն

7or.am