Թուրքիան մտադիր է ադրբեջանական Ջոջուղ Մարջանլի գյուղում մի շարք գյուղատնտեսական նախագծեր իրականացնել:

Այս հարցը քննարկվել է Էկոնոմիկայի նախարար Շահին Մուստաֆաեւի եւ Բաքվում Թուրքիայի դեսպան Էրքան Օզորալի հանդիպման ժամանակ, հայտնում է haqqin.az-ը` հղում անելով Ադրբեջանի էկոնոմիկայի նախարարությանը:

Տեղեկատվության համաձայն՝ Ադրբեջանի հետ համատեղ նախագծերը կվերաբերեն մեղվաբուծության, անասնապահության, ջերմոցային տնտեսությունների եւ հուշանվերների արտադրության ոլորտներին:

Մասնավորապես, 15 ընտանիքների համար նախատեսվում է ստեղծել մեղվապահական տնտեսություն, ինչպես նաեւ անասունների 150 գլխաքանակով կաթնային տնտեսություն: Բացի այդ, կկառուցվեն նաեւ 15 փոքրիկ ջերմոցներ:

Հիշեցնենք, որ ադրբեջանական կողմը փորձում է Ջոջուղ Մարջանլին որպես 2016-ի ապրիլյան պատերազմի ժամանակ «ազատագրված» տարածք ներկայացնել:

Իրականում, գյուղը երբեք Լեռնային Ղարաբաղի բանակի վերահսկողության տակ չի եղել: Ավելի վաղ  ԼՂ-ի ներկայացուցիչները կարծիք էին հայտնել, որ գյուղի զարգացման պատրվակով Ադրբեջանի իշխանությունները կարող են այդ տարածքում ռազմակայաններ տեղավորել:

News.am

Այսօր՝ փետրվարի 15-ին, դաժան ու ողբերգական դեպք է տեղի ունեցել Երևանում։ Ժամը 13։50-ի սահմաններում Ոստիկանության Մաշտոցի բաժին ահազանգ է ստացվել, որ Դավիթաշենի կամրջի տակ կնոջ և աղջկա դիեր կան։

Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել են Ոստիկանության Մաշտոցի բաժնի օպերատիվ խումբը՝ բաժնի պետ, Ոստիկանության գնդապետ Գրիշա Ամիրխանյանի գլխավորությամբ։ Ժամանել են նաև Հայաստանի քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժնի խումբը՝ բաժնի պետ, արդարադատության գնդապետ Սահակ Գրիգորյանի գլխավորությամբ։

Տեղում են նաև ԱԻՆ հոգեբանական խումբը՝ հոգեբան Տիգրան Սարգսյանի գլխավորությամբ։ Դեպքի վայր է ժամանել նաև Աջափնյակ վարչական շրջանի դատախազ Դավիթ Վեքիլյանը։ Ոստիկաններն ու քննիչները նշված վայրում հայտնաբերել են միջին և երիտասարդ տարիքի կնոջ դիեր։ Ֆոտոլրագրողի տեղեկություններով՝ նրանք մայր ու դուստր էին։

Մայրը 37 տարեկան էր, իսկ դուստրը՝ 9 տարեկան։ Ըստ նախնական տեղեկությունների, վերջիններս ինքնասպանություն գործելու նպատակով կամրջից իրենց ցած են նետել։ Ոստիկանությունն ու քննչական բաժինը պարզում են մահացածների ինքնությունը։ Դեպք վայր են ժամանել նաև Արտակարգ իրավիճակների նախարարության Փրկարար ծառայության խմբերը, որպեսզի դիերը կարողանան դուրս բերել երթևեկելի գոտի, որից հետո դիերը տեղափոխվելու են դիահերձարան։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

shamshyan.com

SHAMSHYAN.com-ի տեղեկություններով՝ Ոստիկանության Արաբկիրի բաժնի հետաքննչական բաժանմունքում հետաքննություն է սկսվել Երևան քաղաքի Այգեձորի փողոցի բնակիչ՝ 65-ամյա Դավիթ Մալխասյանի դիմումի փաստով։

Ինչպես հայտնում է ֆոտոլրագրող Գագիկ Շամշյանը, վերջինս Ոստիկանության Արաբկիրի բաժին հայտնել է, որ երեկ՝ փետրվարի 14-ին, անհայտ անձը կամ անձինք իրենց շենքի բակում իր որդու՝ նույն հասցեի բնակիչ՝ 28-ամյա Ժորա Մալխասյանին պատկանող Toyota Camry մակնինիշի ավտոմեքենայի վրայից գողացել են 66 TT 666 համարանիշները։ Ոստիկանությունը ձեռնարկում է անհրաժեշտ միջոցառումներ՝ 8 մլն դրամ արժողության համարանիշներն ու այն գողացողին կամ գողացողներին հայտնաբերելու ուղղությամբ։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

shamshyan.com

«Նախ՝ այն, որ պայթյունավտանգ է իրավիճակը, բոլորիս համար ակնհայտ է։ Դրա վկայությունն են 2016 թվականի ապրիլյան դեպքերը։ Այդ տեսակետից հայկական կողմերը միշտ պատրաստ են ցանկացած զարգացումների»,- այսօր կառավարության նիստից հետո լրագրողների հետ զրույցում հայտարարեց ՀՀ արտաքին գործերի նախարարի տեղակալ Շավարշ Քոչարյանը՝ անդրադառնալով ԱՄՆ հետախուզական ծառայությունների հրապարակած զեկույցին, որում չի բացառվում 2018 թվականին բռնության նոր դրսևորումների ռիսկը Ղարաբաղի հակամարտությունում։

Ինչ վերաբերում է բանակցություններին պատրաստ լինելուն, Շ.Քոչարյանը հարցադրում արեց՝ ինչի՞ մասին է խոսքը. «Բավական է հիշատակել Ադրբեջանի նախագահի վերջին ելույթը, որը միանշանակ ցույց է տալիս՝ ով ինչի է պատրաստ և ով պատրաստ չէ բանակցային գործընթացում առաջ գնալուն։ Իր ելույթով Ադրբեջանի նախագահը, նրանց համար, ովքեր դեռ չէին ընկալել, փայլուն ձևով ապացուցել է, որ Լեռնային Ղարաբաղը երբևէ չի կարող լինել Ադրբեջանի կազմում, և Արցախի Հանրապետության միջազգային ճանաչումն անխուսափելի է»:

Մանրամասները՝ տեսանյութում

ԱՄՆ-ի ու Գերմանիայի աստղագետները հայտարարել են, որ այլմոլորակայինների ուղերձները, եթե դրանք երբևէ ստացվեն, պետք է ոչնչացնել առանց գաղտնազերծելու։ Գիտնականները գտնում են, որ մարդկությունը ունակ չէ հայտնաբերել վտանգավոր համակարգչային վիրուսները, որոնք կարող են թաքնված լինել տվյալների մեջ ու վտանգ ներկայացնել մարդկության համար։ Հետազոտությունը տեղադրված է arxiv.org-ում։

Այլ մոլորակների քաղաքակրթություններից ուղերձները կարող են գալ ազդանշանների տեսքով, որոնք կընկալվեն ռադիոհեռադիտակների միջոցով։ Ըստ գիտնականների՝ այլմոլորակայինների ուղարկած այդ ուղերձները մեծ հավանականությամբ վնասակար կլինեն։ Մարդկությունը պետք է հրաժարվի ուղերձը կարդալուց, քանի որ չի կարելի վստահ ասել, որ ուղարկողը չար, թշնամական քաղաքակրթություն չէ։

Հետազոտողները գտնում են, որ հնարավոր են վտանգավոր ուղերձների մի քանի տարբերակներ։ Դրանցից առաջինը կարող է լինել «Մենք վաղը կվերացնենք ձեր Արեգակն ու քաղաքակրթությունը» տիպի տեղեկատվությունը, որը անկախ նրանից ճիշտ կլինի, թե ոչ, մեծ խուճապ կառաջացնի։ Մյուս դեպքում՝ դա կարող է ոչ մեծ ծավալի տեքստ լինել, որը հակաբարոյական ազդեցություն կունենա մշակույթի վրա։ Որպես օրինակ՝ հետազոտողները բերում են այն հիպոթեզը, համաձայն որի Հռոմեական կայսրության անկման պատճառը Աստվածաշունչն է եղել։

Եվ վերջապես ամենահավանականը համարվող Cosmic Call-ը։ Այն իրենից ներկայացնում է երկակի սիմվոլների շարք, որոնք գաղտնազերծվում են նկարի տեսքով։ Եթե հաղորդագրությունը տպվի թղթի վրա՝ այն հետագայում վերլուծելու նպատակով, ապա վտանգավոր կլինի միայն հաղորդագրության բովանդակությունը։ Սակայն համակարգիչն օգտագործելու դեպքում այն կարող է վտանգավոր կոդ պարունակել, ինչն էլ թվային համակարգի մեկուսացում կպահանջի։

Գիտնականները ենթադրում են, որ հաղորդագրությունը գաղտնազերծելու համար հնարավոր չէ պահպանել անվտանգության բոլոր կանոնները։

scannews.am

2016թ. ապրիլյան պատերազմից հետո բացահայտված խայտառակ ձախողումների համար պաշտոնանկ արված զինվորականներից էր ԶՈՒ գլխավոր շտաբի հետախուզության վարչության պետ, գեներալ-մայոր Արշակ Կարապետյանը: Երկու տարի անց սակայն նա նշանակվել է նոր պաշտոնի՝ Ռուսաստանում ՀՀ դիվանագիտական ներկայացուցչությունում ռազմական կցորդ:

Գեներալի վերադարձը կրկին սրում է հարցերը՝ կապված ապրիլյան պատերազմի օրերին տեղի ունեցած իրադարձությունների եւ ռազմա-քաղաքական ղեկավարների պահվածքի հետ:

Այն ժամանակ բանակում տեղի ունեցան պաշտոնանկություններ, եւ գերիշխող տեսակետն այն էր, որ դա կատարվում է իրավիճակը պարզապես լիցքաթափելու, սլաքներն իշխանությունից շեղելու համար: Ըստ էության, պաշտոնանկ արվածներն այդպես էլ չպատժվեցին, չնայած մարդկային ու տարածքային կորուստներին:

Գեներալն իսկապե՞ս թերացել էր, թե՞ քավության նոխազներից մեկն էր: Եթե թերացել էր, այն էլ հետախուզության ոլորտի ղեկավարը, ապա առաջին պատասխանատուն փաստացի նա էր, եւ պատերազմական օրենքներով հայտնի է, թե այդ պարագայում ինչ է լինում: Իսկ եթե չէր թերացել, կատարել էր իր աշխատանքը, այդ դեպքում հարց է առաջանում՝ ինչո՞ւ է անակնկալ եղել ադրբեջանական հարձակումը, որի մասին խոսում էին ռազմա-քաղաքական ղեկավարները:

Երևանի ավագանու «Երկիր Ծիրանի» խմբակցության ղեկավար Զարուհի Փոստանջյանը տեղեկատվություն ստանալու նպատակով՝ դիմել է  ՀՀ «Շտապօգնություն» ՓԲԸ-ի տնօրեն Թագուհի Ստեփանյանին.

Հարգելի տիկին Ստեփանյան,

Ղեկավարվելով «Տեղեկատվության ազատության մասին» օրենքի 6-րդ հոդվածի պահանջներով՝ խնդրում եմ տեղեկատվություն տրամադրել հետևյալի մասին.

Լայն հանրությունը տարիներ շարունակ առնչվել է ՀՀԿ-ն ներկայացնող պաշտոնատար անձանց ոչ համարժեք պահվածքին, որը նաև գնահատվել է որպես թմրամոլների վարքագիծ: Երբեմն  ՀՀԿ-ն ներկայացնող պաշտոնատար անձանց մոտ նկարագրվում է նույնիսկ կոկաինային փսիխոզ, որը, ըստ մասնագետների, հաճախ դրսևորվում է կոկաինային պարանոյաի տեսքով: Այս անձանց մոտ կոկաինային կախվածությունը, ըստ իրենց սպասարկող անձնակազմի, առաջացրել է դեմենցիա և զառանցանքներ:

Ելնելով տվյալ իրավիճակից և հաշվի առնելով փետրվարի 13-ին հոգեբուժական բրիգադի աշխատակիցների ներկայությունը Երևանի ավագանու նիստին՝ ոչ միայն հանրության շրջանում են հարցեր առաջացել, այլ նաև՝ մեզ մոտ:

Այսպես, փետրվարի 13-ին Երևանի ավագանու նիստի ժամանակ նիստերի դահլիճ են եկել  «Շտապօգնություն» ՓԲԸ-ի հոգեբուժական բրիգադի աշխատակիցները, ովքեր մինչև նիստի ավարտը հերթապահել են դահլիճում: Ո՞րն էր տվյալ հոգեբուժական բրիգադի աշխատակիցների առաքելությունը՝ ո՞վ էր նրանց հրավիրել, ո՞ւմ  համար էին նրանք ժամանել և ինչպիսի՞ բուժօգնություն պետք է տրամադրեին՝ իմ այս հարցադրումներին այդպես էլ պատասխան չի տրամադրվել:

Հիմք ընդունելով վերոգրյալը՝ խնդրում եմ տրամադրել տեղեկատվություն հետևյալ հարցերի վերաբերյալ.

Հոգեբուժական բրիգադի աշխատակիցները հաճա՞խ են նման կանչեր ունենում Հայաստանի Հանրապետության նախագահի նստավայրից՝ Բաղրամյան 26 հասցեից:

Հոգեբուժական բրիգադի աշխատակիցները հաճա՞խ են նման կանչեր ունենում Հայաստանի Հանրապետության օրենսդիր մարմնից՝ Ազգային ժողովից՝  Բաղրամյան 19 հասցեից:

Հոգեբուժական բրիգադի աշխատակիցները հաճա՞խ են նման կանչեր ունենում Հայաստանի Հանրապետության Կառավարությունից՝ Հանրապետության հրապարակ, Կառավարական տուն 1 հասցեից:

Հոգեբուժական բրիգադի աշխատակիցները հաճա՞խ են նման կանչեր ունենում  Երևանի քաղաքապետարանից՝ Արգիշտի 1 հասցեից:
Համաձայն Երևանի քաղաքապետարանում շրջանառվող լուրերի՝ շտապ օգնության հոգեբուժական բրիգադի աշխատակիցները երբեմն կանչի հիման վրա  բուժօգնություն են տրամադրում Տարոն Մարգարյանին,  Հովհաննես Ավանեսյանին,  Գոռ Վարդանյանին,  Դավիթ Օհանյանին,  Էդմոնդ Կիրակոսյանին, Սերգեյ Մկրչյանին  և Վասպուրակ Մարտիրոսյանին:  Ականատեսը լինելով 2018 թվականի փետրվարի 13-ին հոգեբուժական բրիգադի աշխատակիցների այցին քաղաքապետարան ու նրանց հերթապահությանը քաղաքապետարանի նիստերի դահլիճում և նրանց ագրեսիվ վարքագծին, նրանց կողմից բռնություն (այդ թվում՝ սեռական ոտնձգություն) իրականացնելուն՝ լրատվամիջոցների առջև, ուղիղ եթերում՝ առաջացրել է հետևյալ հարցերը.

Ո՞վ էր ներկայացրել Շտապ օգնության կանչը, մասնավորապես՝ ո՞ւմ համար էր այն ներկայացվել՝ Տարոն Մարգարյանի՞,  Հովհաննես Ավանեսյանի՞,  Գոռ Վարդանյանի՞, Դավիթ Օհանյանի՞,  Էդմոնդ Կիրակոսյանի՞,  Սերգեյ Մկրտչյանի՞,  Վասպուրակ Մարտիրոսյանի՞:

Զարուհի Փոստանջյան

Երևանի ավագանու «Երկիր Ծիրանի» խմբակցության ղեկավար

Ռուս լրագրող Ալեքսանդր Նևզորովը Երևան վերադառնալու հայտարարության ֆոնին Ադրբեջանի նախագահին «վտանգավոր խելագար» է անվանել, փոխանցում է news.am-ը:

«Էխո Մոսկվի»  ռադիոկայանի «Նեվզորսկիե սրեդի»  հաղորդման ժամանակ Նեւզորովը Ադրբեջանին որպես օրինակ է բերել խոսելով այն մասին, որ«պատմությունը դա հումք է, որից կարելի է ամեն ինչ անել»:

Նրա խոսքով՝ Ալիեւը Երեւանի մասին իր խոսակցություններով«վտանգավոր խելագար» է թվում: Նշելով, որ հարեւան երկրների նախագահների հարցում Ռուսաստանի բախտը այնքան էլ չի բերում, նա ասել է, որ այնուամենայնիվ «ես խորհուրդ կտայի այդ վտանգավոր խելագարին ոչ միայն  ածելի, այլ մեկ սանտիմետրից ավել մեխ չտալ, իսկ ավելի է լավ է դրանք ատամի մաքրիչներով փոխարինել»:

«Նա (Ալիեւը)  չէ որ պատրաստվում է…նա ասեց, որ պատրաստվում է միացնել… վերադարձնել Երեւանը…ասենք լավ…նախագահական մարազմ է…Բայց միանգամից հավաքվեցին ակադեմիկոսները եւ պատմաբանները, որոնք հիմանվորեցին  այդ նախագահական մարազմը: Եվ այդ առասպելն արդեն ստեղծվել է եւ ապրելու է: Եվ մի օր այն արյուանհեղություն եւ ավերվածություններ կառաջացնի եւ ատելության հերթական բռնկումներ: Սա օրինակ է, թե ինչպես են պատմական ֆեյքեր ստեղծվում», — նշել է Նեւզորովը:

Դիտել 35:32 րոպեից:

https://www.youtube.com/watch?v=-kFjU9taT1k

Այս «տարօրինակ» շշով կոնյակն արտադրվում է Հայաստանում՝ կոնյակի արտադրության մեջ մասնագիտացած հայտնի գործարաններից մեկի  կողմից: Կոնյակի այս լուսանկարը «զարդարում է» ոչ միայն հայրենական արտադրողի, այլև ոգելից խմիչնքերի վաճառքով զբաղվող արտասհմանյան մի ընկերության էջը, որտեղ էլ այն ներկայացվում է որպես Հայաստանի արտադրանք:

Նույն էջում գրված է, որ այսօրինակ կոնյակները 5 տարեկան են. կոնյակի մասին այլ մանրամասներ էջում գրված չեն. ինչպես նշված է էջում՝ կոնյակի տեսքն առավել քան խոսուն է: