Ռուսաստանում ընթացող թեժ նախնտրական պայքարում տարբեր քաղաքական ուժեր «սեփականաշնորհում են» իրենց հասանելիք հասարակական գործիչներին, քաղաքագետներին, լրագրողներին, փորձագետներին։   «Ադրբեջանամետ» դիրքորոշում ունեցող հայտնի հեռուստավարող Շեվչենկոն հայտնվել է Զյուգանովի ու Գրուդինի թիմի ճամբարում, և քննադատում է Պուտինիին և իշխանություններին :

Միաժամանակ չի մոռանում նաև իր Բաքվի տերերին և հոխորտում է հայերի դեմ՝ փորձելով, հակահայկական ֆոն ստեղծել Ռուսաստանի կոմունիստների մոտ և այդ հակահայկականությունը փորձում է կապել Ռուսաստանի շահերի հետ:

 Մանրամսները՝ տեսանյութում:

ՀՀ դեղարտադրողների և դեղ ներմուծողների միության նախագահ Սավել Զաքարյանն այսօր  մամուլի ասուլիսում անդրադարձավ Առողջապահության նախարարության`  մարտի 1-ից դեղերը դեղատոմսով վաճառելու մասին որոշմանը:

Հարցին. թե հնարավո՞ր է, որ այս որոշումից հետո անորակ, ցածր ազդեցության դեղամիջոցների շրջանառությունն ավելանա: Սավել Զաքարյանն ասաց, որ  դրանք ստուգում է դեղերի փորձագիտական կենտրոնը: Այլ հարց է, որ հիվանդը կդժգոհի դեղի որակից:

Հարց եղավ՝ ինչու են  հնդկական դեղերից  հաճախ դժգոհում։ Վերջինս հաստատեց և ասաց, որ ինքը եւս դժգոհ է հնդկական դեղերից, որոնք հայտնվում են մեր շուկայում կամ էլ հատուկ են անում, որ հայտնվեն: «Որոշ դեղերի մուտքը Հայաստան մեր միությունն է կանխել»,- ասաց բանախոսն ու մի դեպք հետաքրքիր պատմեց, թե ինչպես մի քանի տարի առաջ պետական գնումներով հնդկական դեղարտադրող կազմակերպությունն էր հաղթել, սակայն հնդկական դեղի կողմնակի ազդեցությունից բանակում զինվորները լուծ էին ընկել:

Փետրվարի 22-ին՝ ժամը 09:40-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից մահացու վիրավորում է ստացել ՊԲ զինծառայող, 1998թ. ծնված Գրիգոր Կարապետի Եղոյանը:

Դեպքի մանրամասները պարզելու համար կատարվում է քննություն:

Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին:

ԱՀ ՊՆ մամուլի ծառայություն

newmag.am

Թուրքիայի ամենազգայուն կետը պարզվում է` ավելի զգայուն է, քան հնարավոր էր պատկերացնել: Սա Թուրքիայի քաղաքացիների նոր մոլուցքն է` հին կասկածների ֆոնին:
Տեսանյութում կարմիր դրոշը համբուրող երիտասարդը, թուրք ազգայնականների` գորշ գայլերի նշանը ցույց տալով, սպասում է որոնման արդյունքին` իմանալու, թե ովքեր են իր պապերի պապերը: Ավելի վստահ պարզապես չեն լինում` ինքը թուրք է, արմատները որոնում է միայն թուրք լինելն ապացուցելու համար: Սա թրոլինգ է: Տեսանյութի հեղինակը հեգնում է այն ազգայնամոլներին, որոնք այս շաբաթ ճիշտ այսպես բացահայտեցին իրենց հայկական, հունական, ասորական` ոչ այնքան թուրքական արմատները:

Սա թրոլինգ է: Տեսանյութի հեղինակը հեգնում է այն ազգայնամոլներին, որոնք այս շաբաթ ճիշտ այսպես բացահայտեցին իրենց հայկական, հունական, ասորական` ոչ այնքան թուրքական արմատները:
Սոցցանցերում գրառումներ են հայտնվում ազգայնամոլների ընկերներից, որոնք պատմում են. «Մոտ ընկերս, որը թուրք ազգայնամոլ է և անգամ ձեռքերի վրա դաջվածք ունի օղուզական գրություններով, մտել է և պարզել է, որ իր ամբողջ նախնիները, թե մոր կողմից, թե հոր կողմից հայեր են: Հիմա ասում է շոկի մեջ է, ամեն օր կանչում է, ամբողջ գիշեր խմում ենք: Չգիտի ինչ անել»:

Տոհմածառի որոնման ծառայությունը գործարկել է պետությունը: Տեղեկությունը պաշտոնական է, հավաստի այնքան` որքան վստահում եք Էրդողանի կառավարությանը: CNN Turk-ի խմբագիր Սերդար Քորուջուն ևս փորձել է նոր ծառայությունը. «Մենք` Թուրքիայի բոլոր քաղաքացիներս, գիտենք, որ մենք միայն թուրք չենք: Եվ գիտենք, որ պետությունը շատ բան գիտի մեր արմատների մասին: Հիմա հույս ունենք, որ մենք էլ կիմանանք: Ես էլ ստուգեցի, բայց իմ դեպքում ծառայությունը չգործեց: Պետք է արխիվ գնամ: Ընկերս կարողացել է տեղեկություններ իմանալ: Պարզել է` իր մեծ պապի հոր անունն Անի է եղել: Հարցրեց` դա նշանակում է, որ նա հա՞յ էր: Ասացի` հայերի շրջանում Անին կնոջ անուն է, բայց, այո, կարող է պատահել»:

Ծառայությունը խափանվել էր գործարկման առաջին ժամերին` այցելուների մեծ հոսքի պատճառով: Կայքում իսկական բում է գիշերը: Թուրքիայում նկատեցին` մարդիկ գաղտնի են ստուգում իրենց իրական ծագումը:

Թուրքիայում նկատեցին` մարդիկ գաղտնի են ստուգում իրենց իրական ծագումը:
Ինչու գործարկվեց ինքնությունը բացահայտող ծառայությունը: Հստակ չէ: Իշխանության ներսում հակաէրդողանականների որոշում էր, թե Եվրամիությանն անդամակցելու պարտավորություն, որը սպրդել է Էրդողանի հսկողությունից: Ինչպես ավելի վաղ կադաստրի թվայնացումն էր, որը դադարեցվեց, երբ պարզվեց, որ թվայնացվում և ջրի երես են դուրս գալիս նաև մինչև 1915-ը հայերին պատկանած հողերի մասին փաստաթղթերը:

Ինչպես ավելի վաղ կադաստրի թվայնացումն էր, որը դադարեցվեց, երբ պարզվեց, որ թվայնացվում և ջրի երես են դուրս գալիս նաև մինչև 1915-ը հայերին պատկանած հողերի մասին փաստաթղթերը:
Ինքնությունը Թուրքիայում ճնշման ամենաազդեցիկ գործոնն է: Էրդողանից մինչև Աբդուլլահ Գյուլ և նույնիսկ քեմալական քլըքչդարօղլու. բոլորին մեղադրել են հայ լինելու մեջ: Հիմա պետությունն է առաջարկում բացահայտել պապերի ով լինելը` բացելով մինչև այս 7 կողպեքի տակ գաղտնի պահվող արխիվները: Թիրախում հատկապես ազգայնականներն են: Նրանք Էրդողանի միակ դաշնակիցն են, բայց նրանցից առաջ այդ տեղում Գյուլենն ու գյուլենականներն էին:

Արդեն մի քանի տարի է՝ Թուրքիայում՝ Իգդիրում, գործում է այսպես կոչված «Պայքար հայկական անհիմն պնդումների դեմ» թուրք-ադրբեջանական միությունը՝ ASİMDER-ը: Դրա ղեկավար Գյոքսել Գյուլբեյն ընդգծված հակահայ քարզչություն է իրականացնում՝ հրապարակելով կեղծ տեղեկություններ ու զրպարտություններ Հայաստանի հասցեին: Կազմակերպության հրապարակած ամեն մի ապատեղեկատվություն անմիջապես տարածվում է թուրքական ազգայնական ու ադրբեջանական բոլոր կայքերում և հսկայածավալ մի լսարան դա ընդունում է որպես բացարձակ ճշմարտություն: Թե ինչպիսի «տեղեկատվությունների» մասին է խոսքը, բերենք մի քանի օրինակներ:
2018-ի հունվարին Գյուլբեյը հայտարարել է, որ «Հայաստանի ազատության հայ գաղտնի բանակը»՝ ASALA-ն, որի գործունեության դադարեցման մասին հայտարարվել էր 1984 թվականին, կրկին բացվել է Վրաստանի Ջավախք շրջանում «Վիրք-երկիր» անվամամբ: Ըստ Գյուլբեյի՝ «Վիրք-երկիր» միությունը ահաբեկչական կառույց է, որը տարածաշրջանում Ռուսաստանի քաղաքականությունը կյանքի կոչելու համար օգտագործում է Հայաստանում և այլ երկրներում բնակվող հայերին: ASİMDER-ի ղեկավարի պնդմամբ՝ Ախալքալաքում գտնվող ռուսական ռազմաբազան հեռանալիս դյուրակիր զինատեսակները թողել է «Վիրք-երկրի» անդամներին:

Հուլիսի 25-ին ASİMDER-ը հայտարարեց, թե Հայաստանն իր տարածքում՝ Վարդենիսում, Արցախում և Սևանում տեղակայել է Թուրքիայում ահաբեկչական խմբավորում որակված PKK-ի («Քրդական աշխատավորական կուսակցություն») և PJAK-ի («Քուրդիստանի ազատ կյանքի կուսակցություն») գրոհայինների: «Թվով 20 ռազմական ճամբարներում իրականացվում են գրոհայինների ուսումնավարժանքներ, որոնց հետագայում պետք է օգտագործեն Թուրքիայի ու Ադրբեջանի դեմ իրականացվելիք ռազմական գործողություններում: Մեկ այլ ահաբեկչական կազմավորման՝ ASALA-ի ոչնչացումից հետո էլ Հայաստանը չի դադարում լինել միջազգային ահաբեկչության հովանավորներից ու հենարաններից մեկը: Սա պայմանավորված է «Մեծ Հայքի» ստեղծման քաղաքական կուրսով, որ որդեգրել է Հայաստանը»,- ասվում է հայտարարության մեջ:
Հունիսի 11-ին արված հայտարարության մեջ, որը «Սենսացիոն հայտարարություն. ԴԱԻՇ-ն Իրան է հասել Հայաստանի տարածքով» վերնագրով տարածվեց ադրբեջանական ու թուրքական բազմաթիվ քարոզչական կայքերում, ASİMDER-ը հայտարարեց հետևյալը. «Գյուքսել Գյուլբեյը հանդես է եկել սենսացիոն հայտարարությամբ, որում ասվում է, որ ԴԱԻՇ ահաբեկիչները, որոնք անցյալ շաբաթ գրոհեցին Իրանի խորհրդարանը և Խոմեյնիի դամբարանը, Իրան են հասել Հայաստանի տարածքով: Գյուլբեյը նաև հայտնեց, թե իր աղբյուրներն իրեն տեղեկացրել են, որ Հայաստանը օկուպացված Ղարաբաղի տարածքում ճամբարներ է բացել ահաբեկիչների վերապատրաստման համար: Բացի այդ, հայտնի է դարձել, որ Սիրիայի տարածքից հայերին ինքնաթիռներով դուրս են հանում ու բնակեցնում Ղարաբաղում, այնինչ դրանց թվում կարող են լինել նաև ահաբեկիչներ: Իսկ Իրանն ընտրվել է որպես ահաբեկչության թիրախ, որովհետև Թուրքիայի հետ միասին աջակցել է Կատարին»:
Քիչ ավելի վաղ՝ հունիսի 6-ին հրապարակված հայտարարությունում առավել աբսուրդային «տեղեկատվություն» է հրամցվում՝ Ղարաբաղում հայերը տեղակայել են 8000 աֆղանստանցի վարձկանի: «Անցյալ տարվա քառօրյա պատերազմից հետո աֆղանստանցի վարձկանները տեղակայվել են Ղարաբաղի տարածքում: Ծանր կորուստներից հետո հայերը հրաժարվում են իրենց երեխաներին ուղարկել զինվորական ծառայության, այս բացը լրացնում են աֆղանստանցի 8000 վարձկանները: Նրանց կվճարեն 3 հազարական դոլար, նրանց հետ պայմանագիրը կնքված է 5 տարով, որի ավարտից հետո նրանց խոստացել են տալ ՀՀ քաղաքացիություն և վիզաներ՝ դեպի Եվրոպա: Մենք կոչ ենք անում Իրանին՝ թույլ չտալ աֆղանստանցիների մուտքը Հայաստան»,- ասվում է ASİMDER-ի հայտարարության մեջ:
Ավելի հետ գնալով՝ ներկայացնենք 2016 թվականի մայիսի 27-ի ոչ պակաս անհեթեթ հայտարարությունը. «Հայաստանում Ղարաբաղյան պատերազմի ժամանակ գերի ընկած ադրբեջանցիներին ստիպում են աշխատել Մեծամորի ատոմակայանում, որի շահագործման ժամկետը վաղուց անցել է, ոսկու ու քարածխի հանքերում: Նշենք, որ արդեն 23 տարի է՝ Հայաստանն անուշադրության է մատնում Ադրբեջանի պահանջը՝ ետ վերադարձնել ռազմագերիներին ու պատանդներին, որոնց թիվն, ըստ 2011 թվականի մարտի 11-ի որոշման, հասնում է 4049-ի, որոնցից 3273-ը զինվորականներ են, 771-ը՝ քաղաքացիական անձեր, 5-ի կարգավիճակն էլ հայտնի չէ»:
ASİMDER-ի հակահայ քարոզչությունը գնալով առավել մեծ թափ է ստանում՝ իր ավելացող լսարանին Հայաստանը ներկայացնելով որպես ահաբեկչության թիվ մեկ որջ ամբողջ աշխարհում: Իսկ ինչ քայլեր է ձեռնարկում այս վտանգավոր քարոզչության դեմ հայկական կողմը: Չէ որ քարոզչությունը համարվում է 21-րդ դարի կարևորագույն զենքերից մեկը: Որպես օրինակ՝ ՆԱՏՕ-ն, Եվրոխորհրդարանը, Չեխիան, հատուկ հանձնաժողովներ են բացել ընդդեմ ռուսական քարոզչության ու ապատեղեկատվության, իսկ որոշ եվրոպական երկրներ էլ անգամ հատուկ նախարարություններ են բացել:
Ցավոք, Mamul.ամ-ի բազմաթիվ ջանքերն՝ այս մասին որևէ մեկնաբանություն ստանալու ՀՀ պատկան մարմիններից՝ ԱԱծ-ից կամ ՊՆ-ից, արդյունք չտվեցին: Մեր բոլոր հարցադրումներն՝ ինչ է անում հայկական կողմն այս հուժկու ապատեղեկատվության ու զրպարտանքների դեմն առնելու համար, մնացին անպատասխան:

kanaci.info

ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանը փետրվարի 22-ին ընդունել է «ՔոնթուրԳլոբալ ընկերության» զարգացման և գործող ծրագրերի ղեկավար Ռալֆ Նովակին և «Քոնթուր Գլոբալ Հիդրոկասկադ» ՓԲԸ տնօրեն Արա Հովսեփյանին:

Քննարկվել են Որոտան հիդրոէլեկտրակայանների համալիրում իրականցվող ընթացիկ նորոգման աշխատանքներին,  սարքավորումների արդիականացմանն ու ջրային ռեսուրսների առավել արդյունավետ օգտագործմանը վերաբերող հարցերն ու համագործակցության զարգացման հնարավորությունները:

Զրուցակիցներն անդրադարձել են նաև վերականգնվող էներգետիկայի բնագավառում արտադրական կարողությունների զարգացմանն ուղղված ծրագրերի արդյունավետությանը:

Հանդիպման ավատին կողմերը վերահաստատել են  էներգետիկայի բնագավառում համագործակցությունը շարունակելու և զարգացնելու պատրաստակամությունը:

Ամերիկյան Պորտլենդ քաղաքի քոլեջներից մեկի հետաքրքրաշարժ ուսանողը գրադարանում հայտնաբերել է 1599 թ. Ժնևի Սուրբ գիրքը՝ Էլիզաբեթ թագուհու և Վիլյամ Շեքսպիրի գիրքը:

Ըստ տեղական Օրեգոնիան թերթի՝ Lewis & Clark Colleges Aubrey R. Watzek գրադարանում հայտնված այս գիրքը ազնվական ծագում կարող է ունենալ: Էջերից մեկի վրա գրված է. «Տպագրված Լոնդոնում՝ ձերդ գերազանցություն թագուհու համար՝ պատգամավոր Քրիստոֆեր Բարքերից»:

«Սա իրոք հազվագյուտ աշխատություն է», — ասում է Հանա Քրումեն՝ քոլեջի հնագետը:

Սուրբ Գրքի այս հրատարակությունը մնացածներից առանձնանում է իր յուրահատուկ փորագրություններով: Դրանցից մեկը, որը կոչվում է «Իրավիճակ եդեմի պարտեզներից մեկում», հնագույն Միջին Արևելքի քարտեզ է, որտեղ նշված են «Մեծ Հայաստանը», «Մեսոպոտամիան», «Բաբելոնը»:

Քրումեն կարծում է, որ այս գիրքը պատկանել է Ֆրանցիս Ֆրային, ով 19-րդ դարում Անգլիայում լավագույն աստվածաշունչներ հավաքողն էր

Ուսանող Սեմ Բուսանը աշխատում էր հատուկ աշխատությունների և արխիվների բաժնում: Սեպտեմբերի 27-ին, երբ նա արդեն պատրաստվում էր լքել գրադարանը, ներքևի գրադարակներից մեկի վրա տեսավ փակցված «Սուրբ գրքեր» անվանումը:

Հետաքրքրվելով՝ նա բացեց այդ դարակը և գտավ 17-19-րդ դարերում գրառված Սուրբ գրքերի նմուշները:

«Այսպիսի անհարմար վայրում և անսպասելի ժամանակում նման հրաշք գտնելն անմահականորեն հետաքրքիր էր ինձ համար: Իսկ հրատարակության որակն իրոք շատ բարձր էր», — ասում է Բուսանը:

1599 թ. գրի առնված այս գիրքը դպրոցում երկրորդ հնագույնն է: Ամենահինը ունի 500 տարվա պատմություն:

2013-ին թեզի «պաշտպանության» ժամանակ էր Տարոն Մարգարյանը դռնփակ «նիստ» անցկացնում,լրագրողներին ոտնատակ տալիս,էլ ուր մնաց հիմա։

Թեզը թաքուն «պաշտպանող» քաղաքապետը չի կարող լրագրողների համար բաց լինել,չկա նման ճշմարտություն։

Նուբարաշենի գարշահոտությունն ու աղբանոցը հեչ, (ի դեպ եսիմ քանի տարի ա ուսումնասիրում են զիբիլը,որ հարցը լուծեն)Երևանի խնդիրները հեչ, ավագանիում մեղավորներին պատժելը հեչ,ԽՍՀՄ-ի փլուզումից հետո մի հատ շենքի սեյսմակայունություն չի ամրացվել էդ հեչ, քաղաքի դեմքն ավերելը,ընտրություններին ծառայողերին պարգևատրելը հեչ,հատուկ կարգված տնօրենները հեչ, լրագրողները մեջ։

Աշխարհի խնդիրները կան էս փոքր քաղաքում,բայց քաղաքապետն անցել է «թիվ1» հարցի լուծմանը՝ փակել լրագրողներին,էս ա լուծման ենթակա հարցը,փակեն,որ մարդիկ իրենց դեմքերը չտեսնեն։Կառավարությունից վարակվել ու կոմպլեքսավորվում են։Ավելի լավ առաջարկ կա քաղաքապետարանը փակեք,էնքան հաճելի կլինի։

Սրանք փակում են,որ չտեսնեն,ողբամ ձեզ,բա որ մի հանդիպումն էլ մի հաղորդագրությամբ տարածեք ինչքան հաճելի կլինի,ու ամեն բառից առաջ չասեք՝ քաղաքապետի հանձնարարությամբ…

Բեթղեհեմ Արաբյանի ֆեյսբուքյան էջից

Իսպանահայկական արմատներով ֆրանսիացի հանճարեղ կատակերգակ դերասան Լուի դը Ֆյունեսը սիրում էր սպաս, դոլմա և Զորավար Անդրանիկի մասին երգեր։ Այս  մասին ծավալուն հրապարակում էր պատրաստել «Диалог и Дело» հասարակական կազմակերպությունը, որը վերահրատարակել էր  russia-osoboe-mnenie.ru կայքը:

Լուի դը Ֆյունեսի որդին՝ Օլիվյեն, իր հուշերում գրում է. «Նա իսկական արիստոկրատ էր, ով ամբողջ կյանքում սիրեց միայն իր կնոջը, ձուկ որսաց և վարդեր աճեցրեց։

 Նա այդպես էլ չսիրեց աղմկոտ, ձանձրալի ամենօրյա կյանքը։ Նա ասես ապրում էր իր աշխարհում և աշխատում էր, որ այդ աշխարհին ոչ ոք չդիպչի։

Դերասանի անունով է կոչվում նույնիսկ ֆրանսիական ծաղկաբուծական ընկերություններից մեկի ստեղծած վարդի նոր տեսակը՝ վառ նարնջագույն, սուր հոտով մի ուրախ ծաղիկ, որը ոսկե մեդալների է արժանացել զանազան ծաղկային ցուցահանդեսների ժամանակ»։

Լուի դե Ֆյունեսը (1914-1983 թթ.) համաշխարհային կինեմատոգրաֆիայի մեծագույն կատակերգակներից է։ Ֆրասիական և համաշխարհային էկրանի ապագա աստղի ծնողները ծնվել են Իսպանիայի Սևիլիա քաղաքում։

Հոր տատը հայ էր, ծնունդով՝ պատմական Հայաստանի Էրզրում նահանգից։

Մայրն ուներ իսպանական և պորտուգալական արմատներ։ Երիտասարդ տարիներին Լուի դը Ֆյունեսը տարվել է նկարչությամբ և դաշնամուր նվագելով: Զարմանալի չէ, որ հետագայում նա հենց դաշնակահար էլ դարձավ: Ֆյունեսը գերազանց գիտեր ֆրանսերեն, իսպաներեն, անգլերեն և պորտուգալերեն լեզուները, յուրացրել էր նաև հայերենը:

22 տարեկանում Լուի դը Ֆյունեսն ամուսնանում է Ժերմեն Լուիզա Էլոդի Կարրուայեի հետ: Ծնվում է նրանց որդին` Դանիելը: Սակայն 1942թ. նրանք ամուսնալուծվում են:

Մեկ տարի հետո ամուսնանում է Բարտելեմի դը Մոպասանի հետ, որը նշանավոր գրող Գի դը Մոպասանի թոռնուհին էր: Միասին ապրում են 40 երջանիկ տարիներ, մինչև հանճարեղ կատակերգուի մահը` դաստիարակելով իրենց 2 որդիներին` Պատրիկին և Օլիվյեին:

Լուի դը Ֆյունեսը շատ ջերմ հարաբերություններ ուներ բավականին հարուստ ֆրանսահայ Խաչիկ Քեբարջյանի ընտանիքի հետ, շփումներ ուներ Ֆրանսիայի հայկական շրջանակների, անգամ Ֆրանսիայում Հայաստանի պաշտոնական ներկայացուցչության հետ:

Նրա ընտանիքում կազմակերպվող ընդունելությունների ժամանակ հաճախ էր արծարծվում 1915-1923թթ. Թուրքիայում կազմակերպված և իրականացված Հայոց ցեղասպանության թեման:

Ֆյունեսը հաճույքով էր լսում զորավար Անդրանիկին նվիրված երգերը, իսկ ամեն տարի ապրիլի 24-ին պարտադիր այցելում էր Պեր լա Շեզ գերեզմանատուն և իր հարգանքի տուրքը մատուցում ու ծաղիկներ դնում մեծ զորահրամանատարի` Անդրանիկ Օզանյանի շիրմին: Հատկանշական է, որ Ֆրանսիայում Հայաստանի ներկայացուցչության միջոցով նա միշտ գտնում էր տնտեսվար ու մաքրակենցաղ հայ կանանց` իր տանն աշխատելու համար:

Ահա, թե ինչ է պատմում Տավուշի մարզի Սարիգյուղ համայնքի բնակչուհի Աղավնի Սարգսյանը, ով 1971-ից 1,5 տարի Ֆյունեսների տանն աշխատել է՝ որպես սպասուհի, խոհարար, պարտիզպան և հայոց լեզվի ուսուցչուհի. «Իմ և յոթ տարեկան դստերս ու Ֆյունեսների ընտանիքի միջև ձևավորվել էին ջերմ, ընկերական փոխհարաբերություններ: Նրանք մեզ շատ լավ էին վերաբերվում:

Ճիշտ է, ես չէի խոսում նրանց լեզվով, սակայն մենք միմյանց հասկանում էինք առանց դժվարության: Նա արդեն հաջողությամբ կարողանում էր հայերեն ասել «շնորհակալություն» և «բարի լույս» բառերը։

Լուի դը Ֆյունեսի կինն ինձ հետ շատ սիրալիր էր. ազատ ժամանակ անգամ ինձ օգնում էր խոհանոցում: Իսկ երեխաներն օրեցօր ավելի ու ավելի շատ նոր հայերեն բառեր էին սովորում, քանի որ ազատ ժամանակ աղջկաս դասագրքով ես նրանց հայերեն էի սովորեցնում: Հաճույքով էր հայերեն սովորում նաև ինքը` Լուի դը Ֆյունեսը: Նա հաճախ էր ինձ ու դստերս էլ իր երեխաների հետ այգի հրավիրում, և դա արվում էր անշահախնդրորեն:

Նա հաճախ էր ընթրիքին պատվիրում հայկական դոլմա, խորոված, սպաս, քաղցրեղենից` գաթա, փախլավա, և այդ ամենն ուտում էր անթաքույց հաճույքով:

Իմ հիշողության մեջ հատկապես մնացել է Ֆյունեսների ընտանիքի հետ բաժանման պահը: Այդ օրը ողջ ընտանիքը եկել էր կայարան` մեզ ճանապարհելու: Իմ ճամպրուկները լիքն էին նվերներով, իսկ վերջին պահին պարոն Լուին իմ գրպանը մի կլորիկ գումար դրեց` մեզ «բարի ճանապարհ» մաղթելով»:

Տիկին Աղավնին Լուի դը Ֆյունեսի մահվանից հետո ուղիղ 40 օր սուգ պահեց, սև զգեստներ հագավ, իսկ կրծքին միշտ կրում էր այն խաչը, որը նրան, ի նշան երախտագիտության, նվիրել էր Ֆրանսիայի ծիծաղի արքան` էրզրումցի հայուհու թոռը` Լուի դը Ֆյունեսը:

hzham24.ru