ՀՀ հատուկ քննչական ծառայությունում քրեական գործեր են հարուցվել ՀՀ ԱՆ ԴԱՀԿ ծառայության տարբեր ստորաբաժանումների հարկադիր կատարողների և ոստիկանների կողմից պաշտոնեական լիազորությունները չարաշահելու և պաշտոնեական կեղծիք կատարելու առերևույթ հանցագործությունների առթիվ ստացված հաղորդումների հիման վրա:

Այսպես, Ռ. Բ.-ն ՀՀ հատուկ քննչական ծառայությունում հաղորդում է տվել, որ դատարանի կողմից տրված կատարողական թերթերի հիման վրա ՀՀ ԱՆ ԴԱՀԿ ծառայության Երևան քաղաքի Աջափնյակ և Դավթաշեն բաժնում հարուցվել են կատարողական վարույթներ` պարտապաններից 19.000 ԱՄՆ դոլար բռնագանձելու և իրեն վերադարձնելու վերաբերյալ: Սակայն նշված բաժնի հարկադիր կատարողը, անձնական շահագրգռվածությունից ելնելով, դիտավորությամբ տևական ժամանակ չի կատարել դատարանի որոշման պահանջները և որոշումներ է կայացրել հիշյալ պարտապանների նկատմամբ հետախուզում հայտարարելու մասին, մինչդեռ, ըստ Ռ. Բ.-ի, կատարողական գործողությունների ընթացքում պարտապանները գտնվել են տանը, քանի որ ստացել են դատարանի կողմից ուղարկված համապատասխան ծանուցումները: Արդյունքում` հիշյալ հարկադիր կատարողը ձևական որոշումներ է կայացրել, թե իբր հնարավոր չի եղել հայտնաբերել հետախուզվողներին, և այդ հիմքով ավարտել է կատարողական վարույթները:

Բացի այդ, Ռ. Բ.-ն հայտնել է, որ ՀՀ ոստիկանության Մաշտոցի բաժնի աշխատակիցները հնարավորություն են  ունեցել հետախուզական գործերի շրջանակներում հայտնաբերել պարտապաններին, սակայն նրանք նույնպես չեն կատարել իրենց ծառայողական պարտականությունները: Հարկադիր կատարողի և ոստիկանության ծառայողների գործողությունների հետևանքով դատարանի վճռով նախատեսված 19.000 ԱՄՆ դոլարի բռնագանձումը մնացել է անկատար:

Մեկ այլ ՀՀ քաղաքացի` Լ. Մ.-ն, իրեն ծեծի ենթարկելու դեպքի առթիվ հարուցված քրեական գործի նախաքննության ընթացքում հաղորդում է տվել, որ ԴԱՀԿ ծառայության աշխատակիցների նախաձեռնությամբ կատարված կատարողական գործողությունների ընթացքում Գյումրի քաղաքում տեսակցություն է կազմակերպվել իր երեխայի և նախկին ամուսնու միջև: Այնուհետև ԴԱՀԿ ծառայության աշխատակիցները կեղծ արձանագրություն են կազմել, որում նշել են, թե իբր կատարողական գործողության ընթացքում հրմշտոց է տեղի ունեցել, որին  մասնակցել են նաև ոստիկաններ, մինչդեռ իրականում, ըստ Լ. Մ.-ի, նախկին ամուսինն իրեն ծեծի է ենթարկել, իսկ ոստիկանության աշխատակիցներ այնտեղ չեն եղել:

Այսպիսով, ՀՀ ԱՆ ԴԱՀԿ ծառայության և ոստիկանության պետական հատուկ ծառայություն իրականացնող անձանց կողմից պաշտոնեական լիազորությունները չարաշահելու և պաշտոնեական կեղծիք կատարելու վերը նշված դեպքերի առթիվ ՀՀ հատուկ քննչական ծառայությունում ՀՀ քրեական օրենսգրքի 308-րդ և 314-րդ հոդվածների 1-ին մասերով հարուցվել են քրեական գործեր:

Կատարվում է նախաքննություն:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

2008թ․ փետրվարի 19-ի նախագահական ընտրություններից հետո՝ հազարավոր քաղաքացիների մասնակցությամբ, ընտրությունների արդյունքները վերանայելու պահանջով շուրջօրյա հանրահավաքներն ավարտվեցին 2008թ-ի մարտի 1-ին, երբ իշխանությունը, բռնի ուժ կիրառելով, Ազատության հրապարակից ցրեց շուրջօրյա հանրահավաքի մասնակիցներին։

2008 թ.-ի մարտի 12-ին ԿԸՀ-ի կողմից  ընտրված նախագահ ճանաչված վարչապետ Սերժ Սարգսյանը՝ արտակարգ ռեժիմի պայմաններում պատասխանեց մի քանի բլոգերների հարցերի:

Անդրադառնալով այն հարցին, թե ինչու՞ իշխանությունները տեսնելով քաղաքապետարանի մոտ հավաքված մարդկանց , որևէ բան չձեռնարկեցին լարումները քչացնելու և կոմպրոմիսներ գտնելու ուղղությամբ, Սարգսյանը նշեց՝ իշխանությունները շատ բան են արել, որպեսզի խուսափեն այդ բախումից.

«Ոստիկանության կոչը ՝ չդիմել անօրիանական միջոցների, մնաց օդում կախված:

Տեսել ե՞ք, դուք վավերագրական կադրերը, թե ինչպես 40-50 հոգով ծեծելով սպանում էին ոստիկանին, իսկ ընդդիմադիր պատգամավորներից 1-ն էլ դանակահարվեց միայն այն պատճառով, որ ցանկանում էր պաշտպանել անզեն ոստիկանի»,- ասել է Ս. Սարգսյանը:

Այս հայտարարության կոնտեքստում, ինչպիսինն է՝ 40-50 հոգով ծեծելով սպանել են ոստիկանի, և դիտարկելով այսօր ՀՀԿ խմբակցության պատգամավոր Սամվել Նիկոյանի այն պնդումը, որ Ռոբերտ Քոչարյանը պետք է հարցաքննվի իր հայտարարության մասով, կարելի է վստահորեն ասել, որ Սերժ Սարգսյանը ևս պետք է  հարցաքննվի, իր հայտարարությունների և ունեցած փաստերի համար:

politik.am

Սումգայիթի ջարդերի 30-րդ տարելիցի կապակցությամբ ԱՄՆ-ի հայ համայնքի ներկայացուցիչները բողոքի ակցիա են անցկացրել Վաշինգթոնում Ադրբեջանի դեսպանատան շենքի դիմաց:

Ցուցարարների ձեռքին «Կանգնեցրեք Ալիևին», «Սումգայիթ 30» և «Արցախը

Հայաստանն է» գրությամբ պաստառներ են եղել:

Ակցիայի մասնակիցներն ադրբեջանական իշխանություններից պահանջել են ճանաչել 1988-ի իրադարձությունները: Այս մասին ասվում է Ամերիկայի Հայ Ազգային Կոմիտեի (Armenian National Committee of America, ANCA) ֆեյսբուքյան էջում:

Ակցիայի ավարտին հայկական Սուր Խաչ եկեղեցու վանահայր Սարգիս Ակտավուկյանը աղոթք է կարդացել Սումգայիթի զոհերի հիշատակին:

Յուրահատուկ այս  հրանոթը հաշված վայրկյաններում մետաղաջարդոնի է վերածում հակառակորդի տանկերը

Մգեր Արմենիայի պրոդյուսեր Գեորգի Հարությունյանը վստահ է, որ «Դեպի Եվրատեսիլ»-ում պրոֆեսիոնալ ժյուրին երգչին 1 է գնահատել՝ նրան վիրավորելու նպատակով: Փետրվարի 25-ին մրցույթի եզրափակչում Մգերը 6 էր ստացել հեռուստադիտողների SMS քվեարկության արդյունքում, սակայն միջազգային պրոֆեսիոնալ ժյուրին նրան ամենացածր գնահատականն էր տվել՝ 1: Armtimes.com-ի հետ զրույցում երգչի պրոդյուսեր Գեորգի Հարությունյանը նշեց, որ, եթե ժյուրին իսկապես պրոֆեսիոնալ լիներ, այդպես չէր վարվի:

«Պրոֆեսիոնալ բառը չի սազում այդ ժյուրիին: Պրոֆեսիոնալ ժյուրին չի կարող այս մրցույթի լավագույն երգչին տալ 1 բալ, այն դեպքում, որ կիսաեզրափակչում այդ չակերտավոր պրոֆեսիոնալ ժյուրին Մհերին տվել էր 7 բալ: Մյուս երկրներում, եթե անգամ անարդար է լինում, դա գոնե ավելի գեղեցիկ են ձեւով են անում, չեն փորձում երգչին ստորացնել 1 գնահատելով: 1 գնահատելով՝ փորձեցին ստորացնել Մհերին, բայց իրենց մոտ չստացվեց: Ով որոշել էր նման բան անել, չստացվեց, որովհետեւ ժողովուրդն սկսեց ավելի շատ սիրեց Մհերին»,- ասաց նա՝ ավելացնելով, որ հաղթողը՝ Սեւակ Խանաղյանը կարող էր առավելագույն՝ 12 միավոր ստանալ, բայց Մգերը 1 ստանալ չէր կարող:

Պրոդյուսերը լուրջ կասկածներ ունի ընտրության ընթացքի արդարացիության հարցում: Նա նկատել է, որ Սեւակն ու իր թիմի ներկայացուցիչները նախապես շամպայն են բերած եղել տոնելու համար: Ըստ Հարությունյանի՝ սա կարող է հուշել, որ արդյունքը կանխորոշված է եղել: Պրոդյուսերը վստահ չէ, որ միջազգային ժյուրի ընդհանրապես եղել է:

«Մեզ մարդկանց ցույց չեն տվել որպես ժյուրի: Մենք չենք տեսել ժյուրիին: Ժյուրին եղել է չգիտեմ՝ որտեղ. էկրաններով է նայել: Ամեն մրցույթից 1 օր առաջ տեսագրություն է արվել (խմբ. գլխավոր փորձը), մեզ ասել են, որ ուղարկվել է ժյուրիին, ժյուրին գնահատել է: Ընդհանրապես ժյուրին մարդ է եղել, թե ֆիկցիա է եղել, ոչ ոք չի կարող ասել»,- ասաց նա:

Գեորգի Հարությունյանը Սեւակին արժանի մասնակից է համարում: Ընդգծում է, որ նա լավ արտիստ է եւ հաջողություն է մաղթում «Եվրատեսիլ 2018»-ում: Հույս ունի, որ նա ըստ արժանվույն կներկայացնի Հայաստանը, սակայն մյուս կողմից էլ կարծում է, որ «Դեպի Եվրատեսիլ»-ում կային ավելի համապատասխան կատարողներ:

«Եվրոպական բլոգներ կան, որոնք հետեւում են «Եվրատեսիլ»-ին: Բոլորում Կամիլն առաջատար էր: Wiwibloggs-ի բլոգերը, որ հյուր էր «Դեպի Եվրատեսիլ»-ում, իր մեկնաբանություններում նշել էր, որ Մհերի երգն ամենահիշվողն է: Իմ կարծիքով՝ «Նեմրայի» երգը լավագույնն էր: Եթե հաղթեր Կամիլը կամ «Նեմրան», չեմ կարծում, որ աժիոտաժ կլիներ: Կամիլ՝ 2 միավոր, Մհեր՝ 1, Հասմիկ Շիրոյան՝ 3, նշանակում է՝ նստեք ձեր տեղը, տեսեք՝ ինչ կարող ենք անել: Ամենաուժեղ եռյակին  գցել ամենավերջ…. մենք ծիծաղեցինք, չտխրեցինք: Կտխրեինք, եթե 2-րդ տեղում լինեինք»,- նշեց նա:

Պրոդյուսերն ասաց, որ տեղի ունեցածը չի տխրեցրել Մգեր Արմենիային: Նա բարձր տրամադրություն ունի: Կենտրոնացած է նոր ծրագրերի վրա:

Թուրքիայի նախագահ Ռեջեփ Էրդողանը այս տարվա 56 օրերի ընթացքում հասցրել է շոկի ենթարկել ամբողջ աշխարհը իր արտասովոր կոչերով: newmag-ը մեկտեղել է Էրդողանի արտառոց հայտարարությունները, որոնք արվել են միայն այս տարվա առաջին երկու ամիսների ընթացքում:

1.Ամերիկացի հրամանատարները դեռ օսմանյան ապտակ չեն ստացել:

Այս հայտարարությունից հետո Թուրքիա մեկնեց ԱՄՆ պետքարտուղարը: Թուրքիայի ԱԳ նախարարը ասաց, որ այս խոսքերը ոչ թե իրենց, այլ թուրք ժողովրդի կարծիքն են արտահայտում:

2.Մինչև Թրամփը ինձ չզանգի, ես իր հետ չեմ խոսի, առաջինը չեմ զանգելու:

Էրդողանը նեղացել էր Թրամփից, քանի որ ԱՄՆ-ը շարունակում էր աջակցել Սիրիայի քրդերին, որոնք ԻՊ ահաբեկիչների դեմ կռվող ամենակենսունակ ուժն էին Սիրիայի հյուսիսում:

3.Կեղտոտ հետույքով մարդիկ մեզ սպառնում են:

Էրդողանն այսպես է արտահայտվել Սիրիայում խաղաղ բնակիչներին պաշտպանող քրդերի և արաբների հասցեին:

4.Աբդուլլահ Գյուլը ընկել է գնացքից, ընկած տեղում էլ կմնա:

Այս արտահայտությամբ Էրդողանը արձագանքեց նախկին նախագահ Գյուլի խիստ մեղմ ու նույնիսկ անուղղակի քննադատությանը:

5.Պարո՛ն Թրամփ, Ձեր դոլարով մեր ժողովրդավարությունը չեք գնի:

Սա Թրամփին ու ԱՄՆ-ին վիրավորող շարքային արտահայտություններից մեկն էր միայն: Էրդողանին նույնիսկ հաջողվել է Վաշինգտոնի կենտրոնում ԱՄՆ հայ, քուրդ և եզդի քաղաքացիների ծեծելու հրաման տալ ու մարսել դա, չնայած ամեն ինչ ֆիքսել էին Ամերիկայի Ձայնի տեսախցիկները:

6.Ամուսնական դավաճանությունը պետք է քրեականացնել:

Ավելին, Էրդողանը բազմիցս պահանջել է, որ թուրքերը 3-ի փոխարեն 5 երեխա ունենան՝ խոստանալով օգնել այդ հարցում…

7.Եթե այս երեխան նահատակվի մարտում, մենք նրան կպատվենք մեր դրոշով:

Սա Էրդողանը ասել է անցած շաբաթ, երբ ելույթ էր ունենում հերթական հանրահավաքում: Նրա կողքին երեխա էր՝ զինվորական համազգեստով ու Թուրքիայի դրոշով:

8. Ամառը թեժ է լինելու…

Սա ասվել է Սիրիայի մասին, բայց Էրդողանի արկածախնդրությունը խոստանում է թեժ ամառ ամբողջ տարածաշրջանին:

newmag.am

«Եվրատեսիլ 2018» երգի մրցույթում Հայաստանի պատվիրակ Սևակ Խանաղյանի ելույթին անդրադարձել են ոչ միայն հայաստանյան, այլև արտասահմանյան լրատվամիջոցները:

«Արմենպրես»-ի հաղորդմամբ` իսպանական Vanitatis կայքում նշվում է. «Սևակ Խանաղյանը հայալեզու  «Քամի»երգով հաղթեց «Դեպի Եվրատեսիլ» նախագծում` հնարավորություն ստանալով Լիսաբոնում կայանալիք «Եվրատեսիլ 2018» երգի մրցույթում ներկայացնել Հայաստանը: Նա 12-ական միավոր ստացավ ինչպես պրոֆեսիոնալ ժյուրիի, այնպես էլ` հեռուստադիտողների քվեարկության արդյունքում: Աղյուսակում նրան հաջորդեցին «Նեմրա» ռոք խումբը, Ամալիյա Մարգարյանը, իսկ Կամիլ շոուն իր «Պուերտո Ռիկո» երգով զբաղեցրեց չորրորդ տեղը»,-գրված է կայքում:

WIWIBLOGGS-ը գրում է, որ Սևակ Խանաղյանը ֆավորիտ համարվող «Քամի» երգով բացել է «Դեպի Եվրատեսիլ» նախագծի եզրափակիչը: Wiwi բլոգեր Դեբանը երգի մասին ասել է. «Սևակը փորձառու վոկալիստ է, որը երգեցողության բազմամյա բեմական փորձ ունի ինչպես հայրենիքում, այնպես էլ` արտասահմանում: Համարձակ քայլ է հայերեն երգելը, քանի որ ոչ բոլորը կհասկանան, թե ինչի մասին է երգը, սակայն ոչ ոք չի կարող ժխտել նրա հզոր վոկալային տվյալները»,- նշել է նա:

«Եվրատեսիլ 2018»-ի պաշտոնական կայքն արդեն հրապարակել է Սևակ Խանաղյանի Հայաստանը Լիսաբոնում ներկայացնելու մասին լուրը: Կայքում նշվում է, որ Սևակ Խանաղյանը միավորների բացարձակ առավելությամբ հաղթել է «Դեպի Եվրատեսիլ» նախագծում: Երգչի մասին համառոտ ակնարկում նշվում է, որ չնայած երկարատև և բեմական փորձին` նրան լայն ճանաչում է բերել ուկրաինական X-ֆակտոր նախագիծը, որտեղ Սևակ Խանաղյանը հաղթել է:

«Եվրատեսիլ-2018» երգի մրցույթն այս տարի անցկացվելու է Լիսաբոնում: Մրցույթին կմասնակցեն 42 երկրներիներկայացուցիչներ:

Ռուսաստանի հայերի միության նախագահ Արա Աբրահամյանի կրտսեր դստեր Անյա Աբրահամյանը  Instagram-ում տեղադրել է իր նոր՝ համարձակ ֆոտոշարքը: