Հռոմի Ֆրանցիսկոս պապը դատապարտել է «մայր» բառի օգտագործումը` ամերիկյան հզորագույն ավիառումբը նկարագրելիս:

Ինչպես հաղորդում է Press TV-ն, այս մասին քահանայապետը հայտարարել է  Վատիկանում Խաղաղության և մարդու իրավունքների համակարգման ազգային միության կազմակերպած միջոցառմանն ունեցած ելույթի ընթացքում, որի ունկնդիրների մեծամասնությունն ուսանողներ են եղել:

«Ես ամաչեցի` լսելով այդ անվանումը: Մայրը կյանք է տալիս, իսկ այդ սարքը մահ է բերում, մինչդեռ մենք այն մայր ենք անվանում: Ինչ է կատարվում»,– ասել է Ֆրանցիսկոս պապը` խոսելով ԱՄՆ Զինուժի սպառազինման կազմում ընդգրկված ավիառումբի մասին, որը «բոլոր ռումբերի մայր» են անվանում:

Պրեմիեր լիգայի 30-րդ տուրում Լոնդոնի «Արսենալը» «Էմիրեյթս» ստադիոնում ուժերը չափեց «Ուոթֆորդի» հետ:

Խաղն ավարտվեց Արսեն Վենգերի գլխավորած թիմի հաղթանակով` 3:0: Խաղի հաշիվը 8-րդ րոպեին բացեց Շկոդրան Մուստաֆին: 59-րդ րոպեին Հենրիխ Մխիթարյանի փոխանցումից հետո Պյեր-Էմերիկ Օբամեյանգը շրջանցեց դարպասապահ Օրեստիս Կարնեզիսին և գրավեց մրցակցի անպաշտպան դարպասը:

Րոպեներ անց «Ուոթֆորդը» չկարողացավ կրճատել հաշվի տարբերությունը. նշանակված 11 մետրանոցից վրիպեց Տրոյ Դինին: 77-րդ րոպեին Պյեր-Էմերիկ Օբամեյանգի փոխանցումից հետո գոլի հեղինակ դարձավ Հենրիխ Մխիթարյանը: Գոլից հետո Մխիթարյանն անմիջապես փոխարինվեց:

Այս հաղթանակից հետո «Արսենալը» Այս հաղթանակից հետո «Արսենալը» վաստակած 48 միավորով մրցաշարային աղյուսակի 6-րդ տեղում է: «Ուոթֆորդը» 36 միավորով զբաղեցնում է 10-րդ հորիզոնականը:

«Հանուն Հայաստան պետության» ճակատը «Հայկական Վերածնունդ» սփյուռքյան կազմակերպության հետ համատեղ Ազատության հրապարակում անցկացրեց իր առաջին համահայկական հանրահավաքը: Հանրահավաքն ամբողջությամբ կարող եք դիտել Factor.am-ի տեսանյութում:

ՄԵԾ ՊԱՀՔ, օր քսանյոթերորդ

Հիսուս ասում է.
— Այն ժամանակ արդարները երկնքի արքայության մեջ կփայլեն արեգակի նման։ Ով լսելու ականջ ունի, թող լսի։
— Երկնքի արքայությունը նման է մի արտի մեջ պահված գանձի։ Երբ մեկն այն
գտնում է, կրկին ծածկում է հողի տակ և ուրախությունից գնում վաճառում է իր
ամբողջ ունեցածը ու գնում այդ արտը։
— Դարձյալ, երկնքի արքայությունը նման է այն վաճառականին, որը գեղեցիկ
մարգարիտներ է որոնում։ Երբ շատ թանկարժեք մի մարգարիտ է գտնում, գնում վաճառում է իր ամբողջ ունեցածը և գնում այդ մարգարիտը։
— Դարձյալ, երկնքի արքայությունը նման է ծովը նետված ուռկանի, որի մեջ ամեն տեսակ ձուկ է բռնվում։ Երբ ուռկանը լցվում է, ձկնորսները ցամաք են քաշում այն և նստելով՝ առանձնացնում են ձկները. լավերը հավաքում են ամանների մեջ, իսկ անպետքները՝ թափում։ Ահա այդպես է լինելու աշխարհի վախճանին։ Հրեշտակները պիտի ելնեն, չարերին զատեն արդարների միջից և նետեն բոցավառ հնոցի մեջ, որտեղ նրանք լաց պիտի լինեն ու կրճտեն իրենց ատամները:
(Մատթեոսի ավետարան 13:43-50)

Ամերիկացի հեղինակներ Մայքլ Իսիքոֆը,Դևիդ Քորնը և Մաթեր Ջոնսը «Ռուսական ռուլետկա. ԱՄՆ-ի դեմ Պուտինի հայտարարած պատերազմի և Դոնալդ Թրամփի ընտրվելու մասին պատմությունը» վերնագրով գրքում մի շարք ուշագրավ դրվագներ են բացահատել 2013 թվականին Մոսկվայում ԱՄՆ գործող նախագահ Դոնալդ Թրամփի կազմակերպած «Միսս տիեզերք» մրցույթի և դրան հաջորդած երեկույթի վերաբերյալ: Այս մասին գրում է Yahoo News-ը:

Գրքում նկարագրվում է, թե ինչպես է երեկույթի ընթացքում հայազգի 26-ամյա դերասանուհի Էդիտա Շահումյանը գրավել այն ժամանակ դեռևս գործարար Թրամփի ուշադրությունը: Թրամփը մոտեցել է Շահումյանին և, ցույց տալով ռուսաստանցի հայտնի ռեփեր Տիմատիին, հարցրել է, թե արդյո՞ք վերջինս դերասանուհու ընկերն է, իսկ Շահումյանը բացասական պատասախան է տվել՝ ասելով, որ Տիմատիի ընկերուհին չէ:

Այդ ժամանակ Թրամփին է մոտեցել նրա հետ լուսանկարվել ցանկացող մի կին. նա այդ պահին բռնել է հայ դերասանուհու ձեռքը՝ չթողնելով նրան հեռանալ: Դրանից հետո Շահումյանը Թրամփի հետ մի քանի սելֆի է արել: «Դուք շատ գեղեցիկ եք, հատակապես Ձեր աչքերը»,- հաճոյախոսություններ է շռայլել Թրամփը Շահումյանին՝ առաջարկելով նրան գնալ իր հետ ԱՄՆ: Շահումյանն էլ հակադարձել է, թե ինքը հայուհի է, և հայուհիները շատ ավանդապաշտ են: «Դուք պետք է հանդիպեք իմ մայրիկի հետ»,- ասել է նա:

Նշվում է, որ հանդիպումից հետո Թրամփն ինչ-որ մեկի միջոցով իր այցեքարտն է փոխանցել դերասանուհուն, սակայն, ըստ գրքի, վերջինս այդպես էլ չի զանգահարել:

panarmenian.net

Razm.info մասնագիտացված կայքը բաց աղբյուրների մշտադիտարկման արդյունքում 2018թ. փետրվարին Ադրբեջանի պաշտպանական և անվտանգության համակարգերում արձանագրել է մահվան 3 դեպք: Մահացածներից 1-ը մարտական կորուստ է, 1-ը՝ ոչ մարտական, մյուսի մահվան հանգամանքները հայտնի չեն:

Ադրբեջանի պաշտոնական աղբյուրները մահվան 3 դեպքերից և ոչ մեկի մասին չեն հայտնել:

• Փետրվարի 10-ին Զաքաթալայի շրջանում հուղարկավորել են Աղդամի շրջանում անհայտ պատճառներով մահացած զինծառայող, 1999 թ․ ծնված Մեմմեդով Ղարիբ Թուրան օղլուին (Turan Qərib oglu Məmmədov)։ Կա վարկած, որ նա ինքնասպան է եղել:

• Փետրվարի 10-ին սոցիալական ցանցերից հայտնի է դարձել Ադրբեջանի բանակի զինծառայող Մեհդիև Ֆահմին Դաշգըն օղլուի (Mehdiyev Fəhmin Daşqın oğlu) մահվան մասին: Ըստ շրջանառվող տեղեկությունների՝ զինծառայողը մահացել է էպիլեպսիայից:

• Փետրվարի 26-ին մահացել է Ադրբեջանի ԶՈւ զինծառայող 1999թ. ծնված, շարքային Ջաֆարով Գուրբան Խանլար օղլուն (Cəfərov Qurban Xanlar oğlu): Ըստ շրջանառվող տեղեկությունների՝ զինծառայողը սպանվել է առաջնագծում հրաձգության ժամանակ:

Ամբողջությամբ՝ սկզբնաղբյուր կայքում։

Լիբանանահայերը բաստուրմայով բուտերբրոդների մեջ դնում են թարմ լոլիկ և վարունգ` կծվությունը մեղմելու համար։

Միջերկրածովյան և բուն հայկական խոհանոցի միաձուլմամբ էլ հենց տարբերվում է Լիբանանի հայերի խոհանոցը։ Երկու ճյուղերը միաձուլվելով` հիանալի ուտեստներ են դառնում, որոնց ավելի ախորժելի են դարձնում հայկական համեմունքները, մածնով, ինչպես նաև նռան հյութով պատրաստած սոուսները։

Թերևս ամենամեծ պահանջարկն ունի «Մայրիկ» ռեստորանը, որը բացել է Ալիս Կամակյանը, իսկ որպես հիմք վերցրել է տեղի հայերի բաղադրատոմսերը։ Այսօր այնտեղ 40 մարդ է աշխատում, իսկ տերերը նման ռեստորան են բացել նաև Դուբայում։

Լավ հասկանալու համար, թե որտեղից են ծագել այդ ուտեստները, մի քանի տարի առաջ նա մեկնել է Թուրքիայի արևելյան հատված։ Հայերին ոչ միայն ուզում էին սպանել, այլև բնաջնջել` չթողնելով ոչ մի հիշատակում նրանց մասին, ասում է նա։ Լեզուն, որով նրանք խոսում էին, վանքերը, ուր հաճախում էին, հացը, որ ուտում էին։ Նա այդ ժամանակ իմացավ, որ թուրք սուլթանների խոհարարները հայեր են եղել։

Այսօր նրանց ժառանգների և հետնորդների վարպետությունը հասանելի է բոլոր նրանց համար, ովքեր ցանկանում են համտեսել հայկական խոհանոցի ուտեստները կամ պարզապես քաղցած են։

armeniasputnik.am

Մարտի 4-ից 10-ն ընկած ժամանակահատվածում արցախա-ադրբեջանական հակամարտ զորքերի շփման գծում հակառակորդը հրադադարի պահպանման ռեժիմը խախտել է շուրջ 220 անգամ։ Ինչպես տեղեկացնում է ԱՀ ՊՆ մամուլի ծառայությունը, այդ ընթացքում հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է ավելի քան 2500 կրակոց: ՊԲ առաջապահ զորամասերը հիմնականում ձեռնպահ են մնացել պատասխան գործողություններից և շարունակել վստահորեն իրականացնել իրենց առջև դրված մարտական խնդիրը:

Միացյալ Նահանգները կարող են Ռուսաստանը ոչնչացնել սուզանավերի միջոցով, 2019 թվականի պաշտպանական բյուջեի քննարկման ժամանակ հայտարարել է ԱՄՆ Ռազմավարական հրամանատարության ղեկավար Ջոն Հայթենը: Լսումների հեռարձակվումը ներկայացված է ԱՄՆ Ներկայացուցիչների պալատի Զինված ուժերի կոմիտեի կայքում, փոխանցում է «ՌԲԿ»-ն:

«Նրանք չգիտեն, թե որտեղ են մեր սուզանավերը, իսկ դրանք կարող են ոչնչացնել իրենց երկիրը, եթե մենք գնանք այդ ճանապարհով»,- ասել է Հայթենը՝ մեկնաբանելով զենքի նոր ռազմավարական տեսակների մասին Վլադիմիր Պուտինի հայտարարությունը: Նա ընդգծել է, որ ԱՄՆ ռազմավարական ուժերը պատրաստ են բոլոր հնարավոր սպառնալիքներին:

news.am

2018 թ. փետրվարի 15-ին Լոռու մարզի ընդհանուր իրավասության դատարանը որոշեց դատաբժշկական և ռազմաբժշկական համալիր փորձաքննություն նշանակել Կենտրոնական բժշկական հանձնաժողովի որոշմանը համաձայն չլինելու պատճառով զինծառայության չմեկնած զորակոչիկ Տ. Մ.-ի գործով:

Նախկինում երկու անգամ տարկետում ստացած զորակոչիկին առողջական նույն խնդիրներով ՀՀ ՊՆ Կենտրոնական բժշկական հանձնաժողովը նախ 2016 թ. հուլիսի 28-ին, ապա 2017 թ. հունվարի 30-ին զինծառայությանը պիտանի է ճանաչել: Սակայն զորակոչիկը համաձայն չի եղել որոշումների հետ և զինծառայության չի մեկնել:

Տ. Մ.-ն և նրա ներկայացուցիչ Ս. Սողոմոնյանը Վարչական դատարանում վիճարկում են նաև Կենտրոնական բժշկական հանձնաժողովի՝ զորակոչիկին զինծառայությանը սահմանափակումով պիտանի ճանաչելու որոշումները:

Զինծառայությունից խուսափելու հիմքով 2016 թ. սեպտեմբերի 7-ին հարուցված քրեական գործի նախաքննության ընթացքում Տ. Մ.-ի ունեցած առողջական խնդիրների ուղղությամբ նշանակված դատաբժշկական փորձաքննություններով հիվանդության վաղեմությունը որոշել հնարավոր չի եղել, բայց և փաստվել է, որ այն առողջական խնդիրները, որոնց հիման վրա զորակոչիկը նախկինում տարկետում է ստացել, շարունակում են առկա լինել, և առողջության բարելավում չի նկատվել:

Չնայած դրան՝ վարույթն իրականացնող մարմինը, առանց դատաբժշկական եզրակացության հիման վրա ռազմաբժշկական փորձաքննություն նշանակելու, Տ. Մ.-ին մեղադրանք է առաջադրել և գործը մեղադրական եզրակացությամբ ուղարկել դատարան: Ընդ որում՝ մեղադրական եզրակացության հիմքում այն նույն բժշկի ցուցմունքներն են, որը զորակոչիկին զինծառայությանը պիտանի է ճանաչել, և որի կայացրած որոշմանը համաձայն չի եղել զորակոչիկը:

Իր ցուցմունքներում ԿԲՀ սրտաբան-փորձագետ Հայկ Հովսեփյանը նշել է, որ հետազտության արդյունքների հիման վրա Տ. Մ.-ն ենթակա է զորակոչման: Ակնհայտ է, որ բժիշկը չէր կարող ցուցմունքներում հակասել իր կայացրած որոշմանը և հակառակը պնդել:

Լոռու մարզի ընդհանուր իրավասության դատարանում գործի քննության ընթացքում Տ. Մ.-ի շահերի պաշտպան, ՀՔԱ Վանաձորի գրասենյակի փաստաբան Ս. Սողոմոնյանը 2018 թ. փետրվարի 15-ին միջնորդեց դատաբժշկական և ռազմաբժշկական համալիր փորձաքննություն նշանակել: Միջնորդությունը հիմնավորեց նրանով, որ «նախաքննության ընթացքում ձեռք բերված ապացույցները բավարար չեն, թերի են և չեն հիմնավորում այն հանգամանքը որ Տ. Մ.-ն զորակոչից խուսափել է՝ առանց օրինական հիմքերի»:

Չնայած մեղադրող դատախազ Ս. Առաքելյանի առարկությանը՝ դատարանը բավարարեց միջնորդությունը և իր որոշմամբ ընդգծեց, որ «փորձաքննության նշանակումը կարող է գործի արդարացի լուծման համար կարևոր նշանակություն ունենալ»:

Հելսինկյան Քաղաքացիական Ասամբլեայի Վանաձորի գրասենյակ