Գերմանական հետախուզության զեկույցը կասկածի տակ է դնում ԱՄՆ այն պնդումները, որ COVID-19-ն առաջացել է չինական լաբորատորիայում՝ նշելով, որ մեղադանքները հիվանդությունը զսպելու ԱՄՆ անընդունակությունից ուշադրությունը շեղելու փորձ են, հայտնում է Der Spiegel-ը:

ԱՄՆ պետքարտուղար Մայք Պոմպեոն կիրակի հայտարարել էր, որ «զգալի քանակությամբ ապացույցներ կան», որ կորոնավիրուսը հայտնվել է չինական լաբորատորիայում:

Der Spiegel-ի տեղեկություններով՝ գերմանական BND հետախուզական գործակալությունը խնդրել է ԱՄՆ գլխավորած «Հինգ աչք» հետախուզական դաշինքի անդամներին ներկայացնել մեղադրանքի օգտին ապացույցները: Դաշինքի անդամներից՝ ԱՄՆ, Մեծ Բրիտանիա, Կանադա, Ավստրալիա եւ Նոր Զելանդիա, ոչ մեկը չի ցանկացել աջակցել Պոմպեոյի մեղադրանքներին:

Հետախուզության զեկույցը , որը պատրաստվել է Գերմնաիայի պաշտպանության նախարար Անեգրետ Կրամպ-Կարենբաուերի համար, պնդում է, որ ԱՄՆ մեղադրանքները եղել են նախագահ Դոնալդ Թրամփի «անհաջողություններից» հանրության ուշադրությունը շեղելու կանխամտածված փորձ:

Հատուկ քննչական ծառայությունում հարուցվել է քրեական գործ ՀՀ ԱԺ փոխնախագահ Ալեն Սիմոնյանի և «Ադեկվադ» միաբանության համահիմնադիր Արթուր Դանիելյանի հաղորդումների առթիվ:

Այս մասին Tert.am-ի հարցմանն ի պատասխան հայտնեց Հատուկ քննչական ծառայության մամուլի քրատուղար Մարինա Օհանջանյանը:

«Նշված անձնանց հաղորդումների առիթվ նախապատրաստված նյութերի հիման վրա ՀՀ հատուկ քննչական ծառայությունում ՀՀ քրեական օրենսգրքի 258-րդ հոդվածի 2-րդ մասի և 117-րդ հոդվածի հատկանիշներով հարուցվել է քրեական գործ: Կատարվում է նախաքննություն»,-ասաց Օհանջանյանը:

Նշենք, որ ՔՕ-ի 117-րդ հոդվածը սահմանում է՝ դիտավորությամբ առողջությանը թեթև վնաս պատճառելը, իսկ 258-րդ հոդվածի 2-րդ մասը սահմանում է՝ խուլիգանություն, որը կատարվել է անձի նկատմամբ բռնություն գործադրելով:

Հիշեցնենք, որ Ալեն Սիմոնյանի և Արթուր Դանիելյանի միջև ապրիլի 29-ին միջադեպ էր տեղի ունեցել: Ավելի ուշ Ալեն Սիմոնյանը հայտնել էր, որ ինքը բարևել է Արթուր Դանիելյանին, վերջինս ի պատասխան վիրավորել է իրեն, ինչից հետո ինքը գլխով հարվածել է նրան:

Կորոնավիրուսային հիվանդության (COVID-19) հետևանքով առաջացած մահվան դեպքերի վերաբերյալ հայտնում ենք, որ մայիսի 8-ի դրությամբ ընդհանուր թիվը կազմում է 43:

Գրեթե բոլոր պացիենտներն ունեցել են ուղեկցող քրոնիկական հիվանդություններ, այդ թվում` սրտի իշեմիկ հիվանդություն (38% դեպքերում), սրտի ռիթմի խանգարումներ (13%), զարկերակային հիպերտենզիա (60%), շաքարային դիաբետ (38%), մետաբոլիկ համախտանիշ, քրոնիկական պիելոնեֆրիտ, մնացորդային երևույթներ կրած ինֆարկտից և ինսուլտից հետո, թոքերի քրոնիկ օբստրուկտիվ հիվանդություն, շագանակագեղձի քաղցկեղ, սակավարյունություն և այլն: Հիմնականում պացիենտներն ունեցել են 1-ից ավելի ուղեկցող քրոնիկական հիվանդություններ։

Դեպքերի գերակշիռ մասում անմիջականորեն մահվանը հանգեցնող ախտաբանական վիճակ է հանդիսացել բազմաօրգանային անբավարարությունը, սուր շնչառական անբավարարությունը, իսկ որպես հիվանդություն կամ ախտաբանական վիճակ, որը հանգեցրել է վերը նշվածին, հիմնականում եղել է երկկողմանի թոքաբորբը:

Հարկ է նշել, որ պացիենտներից 5-ի մոտ ախտորոշվել է սրտամկանի սուր ինֆարկտ, 5-ի մոտ` ուղեղի արյան շրջանառության սուր խանգարում, 2-ի մոտ` նախասրտերի շողացում, իսկ 5 պացիենտ ունեցել է քրոնիկական երիկամային անբավարարություն (տերմինալ շրջան), որոնք իրենց հերթին հանդիսացել են անմիջականորեն մահվանը հանգեցնող ախտաբանական վիճակի առաջացման պատճառ:

Ունեցել ենք մահվան մեկ դեպք (69-ամյա տղամարդ), երբ պացիենտը չի ունեցել ուղեկցող քրոնիկական հիվանդություն։

Կից գրաֆիկական պատկերում մահվան դեպքերն արտացոլված են` ըստ սեռի և տարիքային խմբի:

Հայաստանում մայիսի 9-ի դրությամբ հաստատվել է կորոնավիրուսով վարակման 146 նոր դեպք: Մահացել է1 քաղաքացի:

Վարակվածների ընդհանուր թիվը 3175 է, մահացածների թիվը՝ 44:

Այս մասին տեղեկացնում է ՀՀ ԱՆ հիվանդությունների վերահսկման և կանխարգելման ազգային կենտրոնը:

Մեկ օրում առողջացածների թիվը 49 է, ընդհանուր առողջացածներինը՝ 1267,  փաստացի բուժվողներինը՝ 1852: Ընդհանուր առմամբ թեստավորվել է 30397 քաղաքացի:

Եվս 2 քաղաքացի, ում մոտ կորոնավիրուս է ախտորոշված եղել, մահացել են այլ հիվանդություններից: Այդպիսի դեպքերի ընդհանուր թիվը 12 է:

Կորոնավիրուսից այսօր գրանցված մահվան դեպքի վերաբերյալ ԱՆ-ն հայտնում է, որ պացիենտը եղել է 61 տարեկան (կին) և ունեցել է ուղեկցող խրոնիկական հիվանդություններ:

ՀՀ քննչական կոմիտեի Լոռու մարզային քննչական վարչությունում քննվող քրեական գործով կաշառք ստանալու մեղադրանք է առաջադրվել Վանաձորի Հ.Թումանյանի անվան պետական համալսարանի ֆակուլտետներից մեկի ամբիոնի վարիչին:

Քննությամբ պարզվել է, որ տվյալ դասախոսը որոշակի գումարի դիմաց ուսանողներին դրական գնահատականներ է նշանակել կիսամյակային, կուրսային աշխատանքների, քննությունների, ստուգարքների դիմաց:

Ընդ որում, գումարը պահանջել և ստացել է միջնորդի միջոցով: Նրա միջոցով պայմանավորվել է ուսանողների հետ, իսկ ստացած կաշառքների մի մասը մատուցած ծառայության դիմաց տվել է միջնորդին:

Ձեռք բերված բավարար ապացույցների հիման վրա՝ ամբիոնի վարիչին մեղադրանք է առաջադրվել ՀՀ քրեական օրենսգրքի 200-րդ հոդվածի (առևտրային կաշառքը) 3-րդ մասով, 311-րդ հոդվածի (կաշառք ստանալը) 3-րդ մասի 3-րդ կետով և 311-րդ հոդվածի 1-ին մասով: Նրա նկատմամբ որպես խափանման միջոց է ընտրվել կալանավորումը:

Նախաքննությունը շարունակվում է:

Թուրքիայի արտահանողների գլխավոր ասոցիացիաներից մեկը թուրք արտադրողներին նախազգուշացրել է, որ անհատական պաշտպանութան միջոցներ արտադրելիս հարկավոր է համապատասխանել չափանիշներին: Այս մասին հաղորդում է Reuters լրատվական գործակալությունը:

Բանն այն է, որ ապրիլին Մեծ Բրիտանիան Թուրքիայից գնել էր 400 հազար վիրաբուժական խալաթ, սակայն ստուգումից հետո պարզվել է, որ դրանք պիտանի չեն օգտագործման համար:

Մեծ Բրիտանիայի առողջապահության նախարարության խոսնակը CNN-ին հայտնել է, որ ապրանքը որակի ստուգման գործընթացը հաջողությամբ չի անցել, հետևաբար, չի բաժանվել բուժաշխատողներին:

Պաշտոնյան նաև հայտնել է, որ Բրիտանիայի կառավարությունը կպահանջի վերադարձնել գումարը, եթե արտադրողը չուղարկի ստանդարտին համապատասխանող խալաթներ:

Ի դեպ, Մեծ Բրիտանիայի կառավարությունը բազմիցս քննադատության է ենթարկվել հիվանդանոցներում անհատական պաշտպանության միջոցների պակասի պատճառով: Պարբերականը հաղորդում է, որ ապրիլի վերջին կատարված հարցման համաձայն՝ բրիտանացի բժիշկների մեկ երրորդից ավելին ասել է, որ չունի համապատասխան անհատական պաշտպանիչ միջոցներ:

ԱԺ-ում  ԼՀԿ խմբակցության ղեկավար Էդմոն Մարուքյանի ելույթի ժամանակ իրավիճակը թեժացավ եւ ձեռքի դրվեցին բռունցքները:

«Երբ ամբիոնից սրիկա կամ նման բառեր եք օգտագործում, դա լարվածություն է առաջացնում»,-ասաց Մարուքյանը՝ դիմելով «Իմ քայլի» խմբակցության պատգամավոր Էդմոն Մարուքյանին: Տեղից «Իմ քայլի» պատգամավոր Սասուն Միքայելյանը սկսեց բղավել, որը չէր լսվում: Փոխարենը լսվում էր Մարուքյանը խոսքը. «Պարոն Միքայելյան, հոպար չեմ ձեզ համար: Ի՞նչը կցխես»,-ասաց նա ու իջավ ամբիոնից: Նրան մոեցավ Սասուն Միքայելյանն ու բռունցքներով սկսեց հարվածել: Մարուքյանը պատասխանեց, որից հետո մեծ ծեծկռտուք սկսվեց:

Պատգամավորներն դուրս եկան իրենց տեղից եւ չէր հասկացվում, թե ով էր եկել բաժանելու, ով՝ հարվածելու:
Հրմշտոցի մեջտեղում էին նաեւ ԱԺ նախագահ Արարատ Միրզոյանն ու փոխվարչապետ Տիգրան Ավինյանը: Նրանք փորձում էին հանդարտեցնել իրավիճակը:

Քիչ անց Արարատ Միրզոյանը վերադարձավ իր տեղը եւ բոլորին կոչ արեց զբաղեցնել իրենց տեղերը:

Այս մասին ֆեյսբուքյան իր էջում գրել է Միքայել Մինասյանի փաստաբան Ամրամ Մակինյանը։

Նա, մասնավորապես, գրել է.

«Այսօր տեղեկացա, որ Մանվել Տեր-Առաքելյանի ֆեյսբուքյան գրառման հիման վրա հատուկ քննչական ծառայությունում նյութեր են նախապատրաստվում նրան ենթադրյալ պատկանող «Օդեոն» սրճարանը ,,խլելու,, կապակցությամբ:

Սուրբ Աթոռում ՀՀ նախկին դեսպան Միքայել Մինասյանի դեմ քրեական գործ հարուցելու մոլուցքն այս անգամ իսկական կոմեդիայի է վերածվել։ Ակնհայտ է, որ հանձնարարություն տվողները ոգեւորությունից այնքան են շտապել, որ չեն էլ ճշտել ինչ պատմության մասին է խոսքը, որտեղ է խնդրո առարկա տարածքը եւ այլն։

Սույն գրառմանը կից հրապարակում եմ նշված «սրճարանի» նկարը, որն իրենից ներկայացնում է Կարապի լճի անմիջական հարեւանությամբ, Առնո Բաբաջանյանի արձանին կից հինգ մետր խորությամբ խայտառակ կատլավան։

Հիշեցի՞ք ինչի մասին է խոսքը։ Հիշեցի՞ք ինչպես էին մեր հարյուրավոր համաքաղաքացիներ, բնապահպաններ, հարգարժան գործիչներ՝ Կարինե Դանիելյանը, Ավետիք Իշխանյանը, Լյուդմիլա Հարությունյանը, շատ ուրիշներ, լրատվամիջոցներ ու ակտիվիստների խմբեր մեջք մեջքի տված 2007 թվականի հուլիսին մասնակցում այդ «սրճարանի խլման» գործին։

Մասնակցե՞լ է արդյոք այդ գործընթացի որոշումների կայացման հարցում Միքայել Մինասյանը, դեռ չենք ճշտել, բայց մի մոռացեք, որ Երեւան քաղաքում Կարապի լճի եւ հարակից այգու կառուցման առաջնորդը եւ հիմնական ջատագովը եղել է Միքայել Մինասյանի երջանկահիշատակ պապը՝ Գրիգոր Հասրաթյանը։ Իսկ թե ինչ եղավ «խլված սրճարանի հետ», բոլորին քաջ հայտնի է, լուսանկարը՝ կից։

Հասկանալի է, որ Մինասյանի վերաբերյալ Արտուշ Գաբրիելյանի դակած աբսուրդային մեղադրանքն այն չէր, ինչ ակնկալում էին երկրի քաղաքական իշխանությունները։ Բայց դժվար էր պատկերացնել, որ դրան կհաջորդի ֆեյսբուքյան ֆեյք ստատուտի հիման վրա նշված կատլավանը «խլելու» վերաբերյալ նյութերի նախապատրաստումը՝ խայտառակ մի շինարարություն, որի դեմ ժամանակին պայքարում էին երեւանցիների ճնշող մեծամասնությունը:

Դե հիմա պատկերացրեք, թե ինչ իրավական կրկես է սպասվում այս գործով»։

Հայաստանում մայիսի 8-ի դրությամբ հաստատվել է կորոնավիրուսով վարակման 145 նոր դեպք: Մահացել է 1 քաղաքացի:

Վարակվածների ընդհանուր թիվը 3029 է, մահացածների թիվը՝ 43:

Այս մասին տեղեկացնում է ՀՀ ԱՆ հիվանդությունների վերահսկման և կանխարգելման ազգային կենտրոնը:

Մեկ օրում առողջացածների թիվը 33 է, ընդհանուր առողջացածներինը՝ 1218,  փաստացի բուժվողներինը՝ 1758: Ընդհանուր առմամբ թեստավորվել է 29205 քաղաքացի:

Եվս 1 քաղաքացի, ում մոտ կորոնավիրուս է ախտորոշված եղել, մահացել են այլ հիվանդություններից: Այդպիսի դեպքերի ընդհանուր թիվը 10 է:

Այսօր Ազգային ժողովում հանդիպել են ՀՀ վարչապետ Նիկոլ Փաշինյանն ու «Լուսավոր Հայաստան» խմբակցության ղեկավար Էդմոն Մարուքյանը:

«Քննարկվել են այն բոլոր հայտարարությունները, որոնք հրապարակային արվում են, այդ թվում Արցախի հիմնախնդիրը: Արցախի հարցն էն հարցն է, որ բոլորս համախմբված ենք: Էս մասով տարաձայնություն չկա: Կարծում եմ՝ ժամանակ առ ժամանակ նման քննարկումների կարիք կա»,- լրագրողների հետ զրույցում ասաց Մարուքյանը:

Նա նշեց, որ որ Արցախի շուրջ եղած այն բոլոր հարցերը, որոնք շահարկվում էին, դրանք իր համար ի սկզբանե փարատված էին և հիմա, առավել ևս, փակված են:

Հարցին՝ վարչապետն ասա՞ց, որ սեղանին փուլային տարբերակ չկա դրված, Մարուքյանը պատասխանեց, «Բնականաբար, այն ինչ ասվեց, եթե հրապարակային հայտարարություններից դուրս գալու լինի, դուրս կգանք: Էս պահին ես մտահոգություն չունեմ Արցախի հիմնախնդրի հետ կապված՝ շահարկումների վերաբերյալ»,- ասաց Էդմոն Մարուքյանը՝ հավելելով. «Եթե Արցախը հանձնելու հարց կառաջանա, բայց ես նման բան իմ երևակայության մեջ չեմ պատկերացնում, Հայաստանում նման իշխանություն չեմ պատկերացնում»: