Դատական համակարգի բարեփոխումների համար ստեղծվելու է Գնահատման հանձնաժողով, որը հետեւելու է, թե դատավորի կողմից որքան է ողջամիտ ժամկետները պահպանվում, դատական ակտերն արդյոք հիմնավորվածության չափանիշներին համապատասխանո՞ւմ են, արդյոք դատավորի կողմից պահպանվո՞ւմ են էթիկայի նորմերը, վարքագծի կանոնները եւ դրա հիման վրա առաջխաղացման ցուցակն է դատավորների վարվելու, որոշելու են վերապատրաստման դասերը։ Այս մասին այսօր՝ մայիսի 11-ին, ՀՀ վարչապետ Նիկոլ Փաշինյանի հետ վեթինգի վերաբերյալ քննարկման ժամանակ ասաց Արդարադատության նախարար Ռուստամ Բադասյանը։

«Լինելու է դատավորների գործունեության գնահատման հանձնաժողով, որը բաղկացած է լինելու 5 անդամներից, որոնք պետք է ընտրվեն դատավորների ընդհանուր ժողովի կողմից։ Նրանցից 3-ը դատավոր են, իսկ 3-ը՝ քաղաքացիական հասարակության ներկայացուցիչներ։ Սա միտումնավոր է արվում, որպեսզի պրոցեսը թափանցիկ լինի։ Գնահատման հանձնաժողովը հիմա կարգապահական վարույթ կարող է հարուցել, սակայն իր առաքելություն դա չի»,- ասաց նախարարը։

Վարչապետը հարցրեց՝ եթե ֆիքսում ենք, որ դատավորը նախկին դատավճիռներում խախտումներ է արել, ի՞նչ է արվելու այդ դեպքում, Բադասյանն ասաց. «Եթե չեն անցել վաղեմության ժամկետները։ Տարբեր խախտումների դեպքում, տարբեր վաղեմության ժամկետներ են, ինքն իրավունք ունի դիմելու Էթիկայի եւ կարգապահական հարցերի հանձնաժողովին, որն էլ իրավունք ունի կարգապահական վարույթ հարուցել եւ դրանով միջնորդություն ներկայացնել ԲԴԽ։ Եթե հիմա պետք է դիմեն Արդարադատության նախարարին՝ դատավորի նկատմամբ կարգապահական վարույթ հարուցելու հարցը քննարկելու համար կամ Էթիկայի եւ կարգապահական հարցերի հանձնաժողովի իրավանախորդին, եւ եթե ինքը չունի դիմում, ապա իրավասու չէ որեւէ հարց քննարկել դատավորի կարգապահական պատասխանատվության հետ կապված, ապա Գնահատման հանձնաժողովը եթե տեսնում է դիտավորությամբ կամ կոպիտ ամփութությամբ կատարված խախտումներ դատավորի կողմից, ապա ինքն իրավունք ունի այդ գործը փոխանցել Էթիկայի եւ կարգապահական հարցերի հանձնաժողովին»։

Բադասյանը նշեց, որ չի բացառվում որ փորձը չհաջողվի. «Որեւէ մեկը չի խոսում 100 տոկոս հաջողված փորձի մասին։ Կարող ենք բոլոր փորձերը հաշվի առնելով՝ նախաձեռնել սահմանադրական փոփոխություններ եւ հաջողված, ամատարած վեթինգի համակարգ դնել, որն անխուսափելիորեն ռիսկեր է պարունակելու»։

Վարչապետն էլ ասաց, որ գերանդին չեն վերցնելու եւ հնձեն ամեն ինչ. «Մենք համակարգերին շանս ենք տալիս, որպեսզի իրենք այդ խնդիրները լուծեն։ Եթե ամեն ինչ գնա հենց այդպես, արդյունքում կունենանք անկախ համակարգ»։

Վերին Լարսի չեզոք գոտում գտնվող ՀՀ շուրջ երկու տասնյակ քաղաքացիների մեջ առողջական տարբեր խնդիրներ ունեցողներ կան։ Այս մասին NEWS․am-ի հետ զրույցում նշեց նրանցից Մարինե Բաբայանը։

«9 մեքենա, 17 մարդ, որից մեկը ինվալիդ կաստիլներով է, մեկը՝ մեծահասակ կին, մեկը շաքարով հիվանդ, մենք գերի ենք ընկել, հասկանո՞ւմ եք։ Մարդ կա՝ 10 օր, մարդ կա՝ մի ամիս։ Ես 5 օր է, ինչ այստեղ եմ։ Միայնակ եմ, իմ մեքենայով»,- նշեց տիկին Մարինեն՝ նշելով, որ վրացական կողմի հետ մի ամբողջ օր այսօր հարցն են պարզաբանել։

Նշենք, որ քաղաքացիները մի քանի օր առաջ նույնպես բարձրաձայնել էին խնդրի մասին, ինչից հետո Վրաստանում Հայաստանի դեսպանությունը հերքում էր տարածել՝ նշելով, որ լրատվամիջոցներում տեղ գտած այն տեղեկատվությունը, թե ՀՀ որոշ քաղաքացիներ, հատելով Ռուսաստանի Դաշնության սահմանը փորձել են մուտք գործել Վրաստանի տարածք, սակայն չեն կարողացել եւ արդեն մեկ ամիս է գտնվում են Վերին Լարսի չեզոք գոտում, իրականությանը չի համապատասխանում, դեսպանության դիվանագետները կապ են հաստատել Վերին Լարսի վրացական անցակետի ղեկավարության հետ, ովքեր նշել են, որ չեզոք գոտում սպասող որեւէ քաղաքացի այս պահին չկա։

Մայիսի 12-ի, ժամը 11:00-ի դրությամբ՝ հաստատվել է կորոնավիրուսային հիվանդության ընդհանուր 3538 դեպք, որոնցից 1430-ն` առողջացած, 47-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 2042 պացիենտ: Ընդհանուր առմամբ, կատարվել է 33313:

ՀՀ քննչական կոմիտեի զինվորական քննչական գլխավոր վարչության յոթերորդ կայազորային քննչական բաժնի վարույթում քննվող քրեական գործով պարզվել է, որ 1998թ. ծնված Լոռու մարզի Վանաձոր քաղաքի բնակիչ Ն.Ե.-ն 2014 թվականին զննվել է Լոռու մարզի զինկոմիսարիատի զորակոչային բժշկական հանձնաժողովի կողմից և առանց առողջական խնդիրների կցագրվել:

ՀՀ Քննչական կոմիտեից NEWS.am-ին հայտնում են, որ սակայն, վերջինիս հոր՝ Խ.Ե.-ի և Լոռու մարզի զինկոմիսարիատի նախկին աշխատակից Ս.Գ.-ի օժանդակությամբ՝ հիվանդության սիմուլյացիայի ճանապարհով խուսափել է ժամկետային զինվորական ծառայության հերթական՝ 2019թ. ձմեռային զորակոչից՝ այդ ծառայությունից ազատվելու՝ Հայաստանի Հանրապետության օրենսդրությամբ սահմանված կարգով հիմքերի բացակայության պայմաններում։

Ձեռք բերված բավարար ապացույցների համակցությամբ՝ Ն.Ե-ին մեղադրանք է առաջադրվել՝ ՀՀ քրեական օրենսգրքի 327-րդ հոդվածի 2-րդ մասի 1-ին կետով (ժամկետային զինվորական հերթական զորակոչից խուսափելը՝ այդ ծառայությունից ազատվելու՝ Հայաստանի Հանրապետության օրենսդրությամբ սահմանված կարգով հիմքերի բացակայության դեպքում՝ հիվանդության սիմուլյացիայի ճանապարհով): Վերջինիս նկատմամբ որպես խափանման միջոց է ընտրվել կալանավորումը:

Ս.Գ.-ին և Խ.Ե.-ին մեղադրանք է առաջադրվել՝ ՀՀ քրեական օրենսգրքի 38-327-րդ հոդվածի 2-րդ մասի 1-ին կետով: Ս.Գ.-ի նկատմամբ որպես խափանման միջոց է ընտրվել կալանավորումը, իսկ Խ.Ե.-ի նկատմամբ որպես խափանման միջոց կալանավորումը ընտրելու մասին քննիչի միջնորդությունը Լոռու մարզի ընդհանուր իրավասության առաջին ատյանի դատարանի կողմից մերժվել է, և նրա նկատմամբ որպես խափանման միջոց է կիրառվել ստորագրություն չհեռանալու մասին:

Քրեական գործով նախաքննությունը շարունակվում է:

Ստամբուլի Բաքըրքյոյի հայկական Սուրբ Աստվածածին եկեղեցու դուռը այրել ցանկացող Մ.Ք.–ն ձերբակալվելուց հետո ոստիկանությունում  հայտարարել է, թե այրել է դուռը, քանի որ հայերն են կորոնավիրուսը բերել ։

Թուրքական Sozcu–ի փոխանցմամբ՝  մի տղամարդ փորձել է այրել Բաքրքյոյի հայկական Սուրբ Աստվածածին եկեղեցու դուռը, սակայն տեսնելով, որ նկատել են իրեն, արագ հեռացել է։

Հայոց պատրիարքարանի պատասխանատուներն ահազանգել են կատարվածի մասին, որից հետո հայտարարությամբ են հանդես եկել ոստիկանությունը եւ նահանգապետարանը։ Կարճ ժամանակ անց ձերբակալվել է Մ.Ք. անունով քաղաքացին, ով ընդունել է իր արարքը՝ պատճառաբանելով, որ հայերն են կորոնավիրուսը բերել, որի համար էլ փորձել է այրել եկեղեցու դուռը։

Առողջապահության նախարար Արսեն թորոսյանը ֆեյսբուքյան էջում գրել է. «Ամփոփելով կորոնավիրուսային հիվանդության տարածման վերջին օրերի միտումները, ուզում եմ տեղեկացնել, որ մենք այս պահին գտնվում ենք դեպքերի 15 օրյա կրկնապատկման փուլում: Դա նշանակում է, որ եթե այս միտումը պահպանվի, ապա մենք մայիսի 24-ին կունենանք մոտ 6.350 դեպք, իսկ հունիսի 8-ին` մոտ 12.700 դեպք:

Իհարկե կունենանք նաև կորոնավիրուսային հիվանդությունից բուժված հազարավոր և դժբախտաբար նաև մահացած տասնյակ քաղաքացիներ, որոնցից ոմանք չի բացառվում, որ լինեն մեր տարեց կամ քրոնիկական հիվանդություններով մտերիմներն ու հարազատները, մեր հայրերը և մայրերը, մեր տատիկներն ու պապիկները (շաքարային դիաբետ, զարկերակային գերճնշում, սրտի իշեմիկ հիվանդություն, թոքերի քրոնիկ օբստրուկտիվ հիվանդություն և այն):

Այս ամենը շեշտում եմ, որպեսզի վերհիշենք մեր անփոփոխ օրակարգը` պահպանել բոլոր սահմանված կանոնները և դանդաղեցնել վիրուսի տարածումը:

Նոր վարքագիծ որդեգրելու այլընտրանքը վերոշարադրյալ կամ ավելի վատ սցենարն է: Մենք ստիպված ենք լինելու դեռ երկար ժամանակ պահպանել բոլոր կանոնները:

Հ.Գ. վաղը մի քանի ժամով անձամբ լինելու եմ կորոնավիրուսային հիվանդության բուժմամբ զբաղվող հիվանդանոցներից մեկում և ուղիղ եթերով ներկայացնելու եմ վերակենդանացման բաժանմունքում բուժվող պացիենտների հիվանդությունների պատմությունները»:

Այս պահին 45 ծանր եւ ծայրահեղ ծանր պացիենտ ունենք «Սուրբ Գրիգոր Լուսավորիչ» ԲԿ–ի վերակենդանացման բաժանմունքում։ Այս մասին այսօր՝ մայիսի 10–ին, ֆեյսբուքյան ուղիղ եթերում ասաց ԲԿ այցելած առողջապահության նախարար Արսեն Թորոսյանը։

Նրա խոսքով՝ եւս 70 ծանր եւ ծայրահեղ ծանր պացիենտներ կան ԲԿ–ի այլ բաժիններում։

Նախարարը բժիշկներ հետ շրջեց ԲԿ–ի վերակենդանացման բաժանմունքում, հետաքրքրվեց, թե պացինտենրի մոտ հիմնականում խրոնիկական ո՞ր հիվանդություններն են գերակշռում, ինչին ԲԿ–ի աշխատակիցը պատասխանեց. «Հանդիպող հիվանդություններից հիմնականում գերակշռում են շաքարային դիաբետ եւ զարկերակային ճնշումը»։

Նախարարն անդրադարձավ նաեւ ԲԿ–ի ծանրաբեռնվածությանը. «Գրիգոր Լուսավորիչ ԲԿ–ի վերակենդանացման բաժանմունքն ամենամեծն է Հայաստանում եւ այս պահին ազատ տեղ չկա»։

Հայաստանում մայիսի 11-ի դրությամբ հաստատվել է կորոնավիրուսով վարակման79 նոր դեպք: Մահացել է 1 քաղաքացի: Վարակվածների ընդհանուր թիվը 3392 է, մահացածների թիվը՝ 46:

Այս մասին տեղեկացնում է ՀՀ ԱՆ հիվանդությունների վերահսկման և կանխարգելման ազգային կենտրոնը:

Մեկ օրում առողջացածների թիվը 34 է, ընդհանուր առողջացածներինը՝ 1359, փաստացի բուժվողներինը՝ 1970: Ընդհանուր առմամբ թեստավորվել է 32561 քաղաքացի:

Առողջապահության նախարար Արսեն թորոսյանը ֆեյսբուքյան էջում գրել է. «Ամփոփելով կորոնավիրուսային հիվանդության տարածման վերջին օրերի միտումները, ուզում եմ տեղեկացնել, որ մենք այս պահին գտնվում ենք դեպքերի 15 օրյա կրկնապատկման փուլում: Դա նշանակում է, որ եթե այս միտումը պահպանվի, ապա մենք մայիսի 24-ին կունենանք մոտ 6.350 դեպք, իսկ հունիսի 8-ին` մոտ 12.700 դեպք:

Իհարկե կունենանք նաև կորոնավիրուսային հիվանդությունից բուժված հազարավոր և դժբախտաբար նաև մահացած տասնյակ քաղաքացիներ, որոնցից ոմանք չի բացառվում, որ լինեն մեր տարեց կամ քրոնիկական հիվանդություններով մտերիմներն ու հարազատները, մեր հայրերը և մայրերը, մեր տատիկներն ու պապիկները (շաքարային դիաբետ, զարկերակային գերճնշում, սրտի իշեմիկ հիվանդություն, թոքերի քրոնիկ օբստրուկտիվ հիվանդություն և այն):

Այս ամենը շեշտում եմ, որպեսզի վերհիշենք մեր անփոփոխ օրակարգը` պահպանել բոլոր սահմանված կանոնները և դանդաղեցնել վիրուսի տարածումը:

Նոր վարքագիծ որդեգրելու այլընտրանքը վերոշարադրյալ կամ ավելի վատ սցենարն է: Մենք ստիպված ենք լինելու դեռ երկար ժամանակ պահպանել բոլոր կանոնները:

Հ.Գ. վաղը մի քանի ժամով անձամբ լինելու եմ կորոնավիրուսային հիվանդության բուժմամբ զբաղվող հիվանդանոցներից մեկում և ուղիղ եթերով ներկայացնելու եմ վերակենդանացման բաժանմունքում բուժվող պացիենտների հիվանդությունների պատմությունները»:

Տավուշի մարզում մայիսի 8-ին կրակոցներ են հնչել. ժամը 19։30-ի սահմաններում ոստիկանության Իջևանի բաժին ահազանգ է ստացվել, որ Աչաջուր գյուղի «Քոքոբելյաններ» կոչվող ջերմոցի դիմաց վիճաբանություն, ծեծկռտուք է տեղի ունեցել, որի ժամանակ հնչել են կրակոցներ։

Shamshyan.com-ի  հաղորդմամբ, ոստիկանները պարզել են, որ ՀՀ ՊՆ ծառայող Սայադ Նազարյանը, ում հետ եղել են նաև 3 ՀՀ ՊՆ ծառայողներ, Իջևանի բնակիչ՝ 43-ամյա Էդմոնդ Էդիլյանի հետ ծեծի են ենթարկել Աչաջուր գյուղի բնակիչներ՝ 49-ամյա Վաչիկ Քոքոբելյանին, 29-ամյա Սևադա Քոքոբելյանին և 19-ամյա Յուրի Քոքոբելյանին, որոնք ստացել են մարմնական վնասվածքներ։

Աղբյուրի տեղեկություններով՝ ծեծկռտուքի ժամանակ հնչել են նաև կրակոցներ, որից հետո Քոքոբելյաններին ծեծի ենթարկողները դիմել են փախուստի։

Այնուհետև դեպքի վայր են ժամանել ՀՀ Պաշտպանության նախարարության ռազմական ոստիկանության Իջևանի ռազմական ոստիկանության բաժնի ծառայողները։

Իջևանի ոստիկանությունն ու ռազմական ոստիկանությունը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ Ս. Նազարյանի, նրա հետ գտնվող մյուս զինվորականների ամբողջական տվյալները պարզելու, նրանց, ինչպես նաև հանցագործության գործիք ինքնաձիգը հայտնաբերելու ուղղությամբ։

Աղբյուրի տեղեկություններով՝ Վ. Քոքոբելյանը «ԷԿՈ ֆրուկտ» ՍՊԸ համասեփականատերն է, Ս. Քոքոբելյանը Ազգային ժողովի նախկին պատգամավոր Խաչատուր Քոքոբելյանի որդին է, ով աշխատում է «Գրին Հաուս» ՍՊԸ-ի տնօրեն, իսկ Յու. Քոքոբելյանը սովորում է Երևանի պետական համալսարանում։