ՀՀ հատուկ քննչական ծառայությունում քննված քրեական գործի նախաքննության ընթացքում ձեռք բերված բավարար ապացույցների համակցությամբ հիմնավորվել է, որ ՀՀ Երեւան քաղաքի ընդհանուր իրավասության դատարանի դատավոր Դավիթ Գրիգորյանն իր վարույթում քննված դատական գործերով նույն դատարանի դատական նիստերի քարտուղար Գոռ Վարդանյանի օժանդակությամբ կատարել է պաշտոնեական կեղծիքներ: Այս մասին հաղորդագրություն է տարածել Հատուկ քննչական ծառայությունը:

Հաղորդագրության մեջ նաեւ ասվում է. «Մասնավորապես, Երեւան քաղաքի ընդհանուր իրավասության դատարանում 07.09.2018թ.-ին ստացվել է քաղաքացու կողմից քննիչի եւ դատախազի որոշումների դեմ բերված բողոքը, որի վերաբերյալ դատական գործը մակագրվել է դատավոր Դավիթ Գրիգորյանին:

Վերջինս, պարտավոր լինելով բողոքի քննությունը սկսել այն ստանալու պահից տասն օրվա ընթացքում, բողոքի քննությունն այդ ժամկետում սկսված ցույց տալու, դատավարական ժամկետները պահպանված լինելու պատրանք ստեղծելու եւ այդ կերպ հետագայում աշխատանքում թերացման պատճառով հնարավոր իրավական ներգործության միջոցների կիրառումից զերծ մնալու անձնական դրդումներով, դատական նիստ կայացած չլինելու պայմաններում դատական նիստերի քարտուղար Գոռ Վարդանյանի օժանդակությամբ կազմել է 14.09.2018թ.-ին դատական նիստ անցկացնելու մասին կեղծ արձանագրություն:

Դրանում ակնհայտ կեղծ տեղեկություններ են մտցվել առ այն, թե իբր դատական նիստին չեն ներկայացել բողոքաբերը, ՀՀ քննչական կոմիտեի եւ դատախազության ներկայացուցիչները, որոնց չներկայանալու մասին դատարանն իբր տեղեկություններ չունի, եւ նշված հիմքով էլ դատական նիստը հետաձգվել ու նշանակվել է մեկ այլ օր:

Հիշյալ բողոքի նյութերին են կցվել կողմերին ուղղված, 14.09.2018թ.-ին դատական նիստին ներկայանալու մասին դատարանի գրասենյակում չգրանցված, անստորագիր եւ առանց ելքագրման ձեւական ծանուցագրեր: Ակնհայտ կեղծ տեղեկություններ պարունակող վերը նշված արձանագրությունը կազմելուց եւ իրենց ստորագրություններով հավաստելուց հետո Դ. Գրիգորյանը եւ Գ. Վարդանյանն այն կցել են դատական գործի նյութերին:

Բացի այդ, 11.09.2018թ.-ին Երեւան քաղաքի ընդհանուր իրավասության դատարանում ստացվել է  ՀՀ ԱՆ պրոբացիայի պետական ծառայության Երեւանի բաժնի պետի համապատասխան միջնորդությունը, որի վերաբերյալ դատական գործը նույն օրը մակագրվել է դատավոր Դ. Գրիգորյանին: Վերջինս որպես իր աշխատանքի արդյունավետ գնահատման դրական չափանիշ, այն է` ողջամիտ ժամկետում դատական գործի քննություն ցույց տալու, ինչպես նաեւ հետագայում աշխատանքում թերացման պատճառով հնարավոր իրավական ներգործության միջոցների կիրառումից զերծ մնալու անձնական դրդումներով, դատական նիստ կայացած չլինելու պայմաններում դարձյալ դատական նիստերի քարտուղար Գ. Վարդանյանի օժանդակությամբ կազմել է հիշյալ գործով 14.09.2018թ.-ին դատական նիստ անցկացնելու մասին կեղծ արձանագրություն:

Դրանում ակնհայտ կեղծ տեղեկություններ են մտցվել առ այն, թե իբր դատական նիստին կողմերը չեն ներկայացել, եւ նրանց չներկայանալու մասին դատարանն իբր տեղեկություններ չունի: Նշված հիմքով էլ դատական նիստը հետաձգվել եւ նշանակվել է մեկ այլ օր:

Հիշյալ բողոքի նյութերին են կցվել կողմերին ուղղված, 14.09.2018թ.-ին դատական նիստին ներկայանալու մասին դատարանի գրասենյակում չգրանցված, անստորագիր եւ առանց ելքագրման ձեւական ծանուցագրեր: Այս դեպքում եւս ակնհայտ կեղծ տեղեկություններ պարունակող վերը նշված արձանագրությունը կազմելուց եւ իրենց ստորագրություններով հավաստելուց հետո Դ. Գրիգորյանը եւ Գ. Վարդանյանն այն կցել են դատական գործի նյութերին:

Ընդ որում, հատկանշական է, որ վերոհիշյալ երկու դատական գործերով էլ 2018թ. սեպտեմբերի 14-ով թվագրված դատական նիստերի արձանագրություններում նշվել է նիստերի անցկացման նույն ժամը, մինչդեռ Դ. Գրիգորյանը եւ Գ. Վարդանյանը նշված օրը եւ ժամին Երեւանի ընդհանուր իրավասության դատարանի Ավանի նստավայրում չեն գտնվել:

Վերը նշված հանրորեն վտանգավոր արարքները կատարելու համար դատավոր Դավիթ Գրիգորյանին մեղադրանք է առաջադրվել ՀՀ քրեական օրենսգրքի 314-րդ հոդվածի 1-ին մասով /2 դրվագ/, իսկ դատական նիստերի քարտուղար Գոռ Վարդանյանին` 38-314-րդ հոդվածի 1-ին մասով /2 դրվագ/ :

Դավիթ Գրիգորյանի եւ Գոռ Վարդանյանի վերաբերյալ քրեական գործի նախաքննությունն ավարտվել է: Գործը մեղադրական եզրակացությամբ հանձնվել է հսկողություն իրականացնող դատախազին` այն հաստատելու եւ դատարան ուղարկելու միջնորդությամբ:

Արդեն իսկ հնչած տարբեր կարծիքներից խնդիրն այլ ձևակերպում ստացավ, փաստացի այլ լուծման ենք գնում, ոչ թե հանրային բաց վայրերում պահանջ կդրվի դիմակներ կրելու, այլ առկայության: Այս մասին ԱԺ հատուկ նիստին ասաց ՀՀ փոխվարչապետ, պարետ Տիգրան Ավինյանը:

ԲՀԿ-ական պատգամավոր Արտյոմ Ծառուկյանն առաջարկեց, որ դիմակները կրելը պարտադիր լինի մայիսի 18-ից, այլ ոչ թե 25-ից, քանի որ տրանսպորտը վերաբացվելու է մայիսի 18-ից: Ավինյանը նշեց, որ պատգամավորի առաջարկը խելամիտ է, և որ հենց այդպես էլ կանեն:

«Կուզնեայի պարզաբանում ստանալ՝ սգո արարողությունների վերաբերյալ, ի՞նչ է թեթևանում, եթե հեռավորությունը պահեն սեղանների, կարո՞ղ են մեծ քանակով հոգեհացի արարողություն անել, թե՞ ոչ»,- հարցրեց պատգամավորը:

«Պարոն Ծառուկյան, ցավոք, ո՛չ, որովհետև հանրային միջոցառումների թվաքանակի սահմանափակումն ուզում եմ նշել, որ նվազեցվել է: Հենց հոգեհանգստի ու թաղման արարողությունների համար մենք առանձին մոտեցում ունենք, և առանձին որոշակի կարգ է սահմանված, այնուամենայնիվ, պետք է հաշվի առնենք, որ ապրում ենք համավարակի պայմաններում, և հարսանիքներ այս պայմաններում դժվար է կազմակերպել, որոշակի սահմանափակումներով են նաև կազմակերպվում հոգեհանստի և թաղման արարողոթյունները»,- արձագանքեց պարետը:

Հ-ում արտակարգ դրության երկարաձգման որոշումն այսօր քննարկվել է նաև ԱԺ-ի արտահերթ նիստում: ՀՀ պարետ Տիգրան Ավինյանն ասել է, որ այս ընթացքում ոչ թե դրվագային լուծումներ են լինելու, այլ գործելու են հստակ սահմանված կանոններ:

Փոխվարչապետին պատգամավորների ուղղած հարցերը վերաբերել են դիմակներ կրելու անհարմարություններին, գներին, հանրային միջոցառումների ժամանակ կանոնների պահպանման խնդիրներին, նախակրթարանների ու այլ հաստատությունների վերաբացմանը, նաև վաղվանից կանոնավոր ուղևորափոխադրումներ իրականացնելու վերաբերյալ կարգավորումներին: Նիստը տևել է ավելի քան երկուսուկես ժամ:

Մանրամասները՝ տեսանյութում։

Հայաստանում մայիսի 15-ին՝ ժամը 11:00-ի դրությամբ նոր կորոնավիրուսով վարակվելու 142 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:

Ընդհանուր առմամբ՝ մայիսի  14-ին հաստատվել է կորոնավիրուսի 4044 դեպք:

Ընդհանուր թեստերի թիվը կազմում է 37476 (վերջին մեկ օրում՝ 1451): Փաստացի այս պահին բուժվում է 2304 անձ (մեկ օրում ավելացել է 86-ով):

Վերջին տվյալներով ապաքինվել է 1666 անձ (վերջին մեկ օրում՝ 94 մարդ), 52 պացիենտ մահացել է (ավելացել է 3-ով):

Եվս 1 քաղաքացի, ում մոտ կորոնավիրուս է ախտորոշված եղել, մահացել են այլ հիվանդություններից: Այդպիսի դեպքերի ընդհանուր թիվը 22 է:

Գերմանիայում իր մասնագիտական գործունեությունը ծավալով հայ ուռուցքաբան, արյունաբան Տարոն Սարիբեկյանը, որ վարակվել է կորոնավիրուսով, արդեն ապաքինման փուլում է։

NEWS.am-ի հետ զրույցում բժիշկը պատմել է, որ մի քանի օր ջերմության բարձրացում է ունեցել, սարսուռ, հազ, մարմինի կոտրտվածություն, մկանացավեր։

Չնայած դրան, իր որոշմամբ բուժման ընթացքը տանն է անցկացնել՝ համարելով, որ հիվանդանոցային բուժման կարիք ունեն ավելի լուրջ սիմպտոմներ ունեցող հիվանդները։

29-ամյա բժիշկը թեեւ ուռուցքաբան է, բայց հերթապահության օրերին առնչվել է հիվանդանոցի ինտենսիվ թերապիայում բուժում ստացող՝ կորոնավիրուսով հիվանդների հետ, եւ, ինչպես նշում է, վարակի հաստատվելը սպասելի է եղել իր համար։

NEWS.am-ը զրուցել է երիտասարդ բժշկի հետ՝ հիվանդության ընթացքի, նրա ձեռք բերած փորձի շուրջ։ Մանրամասները՝ տեսանյութում։

Ֆեյսբուքյան օգտատեր Արամ Ավետիսյանը սոցիալական ցանցի իր էջում տեսանյութ է տեղադրել, որում նրա խոսքով այն հայկական ծխախոտն է, որը մաքսանենգ ճանապարհով տեղափոխվել էր Ռուսաստան։

«Ահա այսպիսի տեսք ուներ ինքնաթիռում հայտնված հայկական ծխախոտը:

Շնորհակալություն եմ հայտնում ՌԴ մեր գործնկերներին տեսանյութը ինձ ուղարկելու համար)))»,- գրել է նա։

Ավելի վաղ տեղեկացրել ենք, որ ՌԴ իրավապահները Երեւանից 40 տոննա մաքսանենգ ծխախոտ տեղափոխող ինքնաթիռ են կալանավորել: Այս լուրից հետո մամուլում եւ սոցիալական ցանցերում տեղեկություններ հայտնվեցին, որ սույն մաքսանենգության հետեւում կանգնած է Նիկոլ Փաշինյանի կնոջ եղբայրը՝ իմքայլական պատգամավոր Հրաչ Հակոբյանը, որը սակայն, շտապեց հերքել այս տեղեկատվությունը:

«INFOPORT»-ի տվյալներով՝ ծխախոտն արտադրվել է ՊԵԿ նախկին նախագահ Վարդան Հարությունյանին պատկանող արտադրամասում: Մաքսանենգ ճանապարհով ծխախոտը ՌԴ արտահանելու գաղափարի հեղինակն ու կազմակերպիչը Խաչատուր Սուքիասյանի եղբոր խնամին է՝ քրեական հեղինակություն հանդիսացող Արամ Խռանյանը, որը հայտնի է «Արամչո» մականվամբ: Նա երկար տարիներ շարունակ ներգրավված է եղել տարբեր քրեական պատմություններում, բազմիցս դատապարտված է եղել, գտնվել ԱՄՆ բանտում: Վերջին շրջանում ռուսաստանաբնակ քրեական հեղինակությունների հետ հարաբերությունները փչացնելուց հետո նրան օգնության է հասել Խաչատուր Սուքիասյանը՝ միջնորդելով ՀՀ իշխանություններին կազմակերպել Արամ Խռանյանի վերադարձը Հայաստան: Միջնորդությունը բավարարվել է:

Երեւանի ավագանու նախկին անդամի խոսքով, մաքսանենգ ճանապարհով ծխախոտ արտահանելով դրա եկամուտների մի որոշ մասը մտնում է պետական բյուջե եւ, ըստ օդում կախված հավաստի լուրերի, խոսքը ամսական շուրջ 15 մլն դոլարի մասին է, որը տարեկան շուրջ 150-170 մլն դոլար է կազմում:

Քաղտեխնոլոգ Արմեն Բադալյանը «Փաստինֆո»-ի հետ զրույցում նշել էր, որ կան բազմաթիվ հարցեր, թե այդ ինչ ծխախոտ էր, ուր էր գնում, ում գրպանն էր այդ գումարները մտնելու, դա առաջին անգամ էր, թե ոչ, ինչպես է եղել, որ արտակարգ դրության ժամանակ Հայաստանից ինքնաթիռ է թռչել եւ մաքսանենգ ապրանք տարել այն դեպքում, երբ արտակարգ դրության պայմաններում ինքնաթիռը կարող է դուրս գալ, երբ վարչապետը դրա մասին առնվազն գիտի: «Հետեւաբար` նաեւ հարց է առաջանում արդյոք վարչապետն իմացել է, որ դա մաքսանենգ ծխախոտ է, թե նրան ստել են: Նաեւ պետք է հասկանալ, թե ինչո՞ւ սա հիմա եղավ եւ ինչի՞ մասին է վկայում, արդյո՞ք ռուսական իշխանություններն արդեն ուրիշ հարցեր են բարձրացնում»,-ասել էր Արմեն Բադալյանը:

։