09.09.2024 | 12:51
Խնդրում ենք ընթերցողների ներողամտությունը26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...18.05.2024 | 15:10
Բացի Սրբազանից վարչապետի այլ թեկնածուի քննարկումը բերելու է ակնհայտ քաղաքական խի...Մայրաքաղաքում փողոցային առևտրի դադարեցումից հետո անգործ մնացածներն այսօր հերթական բողոքի ցույցն են անցկացրել: Այս անգամ նրանց բողոքի թիրախը Հանրային հեռուստառադիոընկերությունն էր: Բողոքի առիթը փետրվարի 10-ի «Տեսանկյուն» հաղորդաշարի վարող Գևորգ Ալթունյանի անդրադարձն էր փողոցային առևտրին:
Առևտրականներին վրդովեցրել էր, որ իմաստունի կեցվածք որդեգրած այս հեռուստամեկնաբանն իրենց բողոքը վերաձևակերպել էր այսպես. «Տարիների ընթացքում բացօթյա առևտուր անելը վերածվել է մոդելի»: Եվ, ըստ նրա, գարշելի է, երբ քաղաքական ուժերն իրենց նպատակների համար փորձում են օգտագործել այդ մարդկանց բողոքը:
Իհարկե, փողոցային առևտուրը հաճելի բան չէ, և այդ մարդիկ էլ լավ օրից չէր, որ տարիներ շարունակ հաց վաստակելու այդ միջոցն էին ընտրել: Դե, Գևորգ Ալթունյանից էլ որևէ բան սպասել չարժե. նա ընդամենը Հանրայինի եթերից ասում է այն, ինչ իրեն թելադրում են: Եթե փորձի ասել` ինչ մտածում է կամ ունենար այնպիսի մտքեր, որոնք այդքան էլ չհամընկնեին Հանրայինի ղեկավարության մտքերին, ապա դժվար թե Գևորգը հայտնվեր Հանրայինի եթերում: Սա չգրած, բայց բոլորին հայտնի կանոն է. Հայաստանում ինքնուրույն լրագրող, ինքնուրույն մտածելակերպ ունեցող մարդ հասկացությունը գրեթե շռայլություն է:
Փողոցային առևտրով զբաղվողները պարզապես առևտրականներ չեն, փողոցում առևտուր անելով հանդերձ` նրանք բավական լավ պատկերացնում են, թե Հայաստանում որը որից հետո է, դրա համար էլ գնացել են ուղիղ Ռադիոտուն և բողոք ներկայացրել Հանրային հեռուստառադիոընկերության ղեկավարությանը:
«Ինչու՞ Հանրայինը չի խոսում այն մասին, որ մինչև հիմա մեր միակ հույսն էլի մնացել է բացօթյա առևտուրը, և չեն ստեղծվել ուրիշ աշխատատեղեր կամ հնարավորություններ, որոնց միջոցով մեզ պես հազարավորները կարողանային քիչ թե շատ արժանապատիվ ապրուստ վաստակել և ոչ թե ամբողջ օրը փողոցում մանր առևտուր անել: Այս քաղաքապետը մեզ ծայրահեղ վիճակի է հասցրել, և կուսակցությունների կամ ուրիշների օգնությունը մեզ համար գարշելի չէ: Գարշելին այն է, երբ իշխանությունը զրկում է մեզ ամենօրյա հացից, ճնշում մեր բողոքը, երբ հեռուստատեսությունները չեն խոսում այդ մասին ու չեն պաշտպանում մեր ապրելու իրավունքը»,- իրենց բողոքի մեջ շարադրել են օրվա ապրուստից զրկվածները: «Նա մեզ անվանեց Գիքոր, իսկ այն կուսակցությունները, որոնք մեզ սատարում են` բազազներ: Այո´, այսօր մեր երկիրը բազազներից ու գիքորներից է կազմված: Բայց բազազները հենց մեր իշխանության ներկայացուցիչներն են»,- ասում էր ակցիայի մասնակիցներից մեկը:
Ավագանու նախորդ նիստում քաղաքապետ Կարեն Կարապետյանը հայտնեց, որ փողոցային առևտուրը ապօրինի է, այնպես որ` ինքը չի զիջի ու չի նահանջի: Սակայն փողոցային առևտուր անողներն էլ կարծես մտադրություն չունեն զիջելու և առևտուր անելու քաղաքապետի առաջարկած շուկաներում: Այնպես որ, դժվար է ասել, թե այս մարդիկ էլ ինչ կարող էին անել, եթե ոչ` գոնե լսել այն քաղաքական ուժերին, որոնք մտահոգված են այս մարդկանց ճակատագրով կամ գոնե ձևացնում են, թե մտահոգված են: Իսկ իրականությունն այն է, որ այս երկրում իսկապես շարքային քաղաքացին անպաշտպան է, իսկ նրա ապագան` մշուշապատ:
«ԲՀԿ–ն այսօր էլ հավատարիմ է կոալիցիոն համաձայնագրի տառին ու ոգուն։ Մենք կոալիցիոն կառավարության կազմում բարեխղճորեն իրականացնում ենք մեկ միասնական ծրագիր, որն ուղղված է մեր հանրապետության զարգացման, մեր պետականության կայացմանն ու հզորացմանը»,- Այսօր ԲՀԿ համագումարում հայտարարեց Գագիկ Ծառուկյանը: Կուսակցության նախագահի համոզմամբ վերջին տարիներին ընտրությունները, դրանց նախորդող ընտրական կրքերն ու հետընտրական զարգացումները ցավոտ են ընթացել Հայաստանում. «Քաղաքական մթնոլորտի շիկացումը, քաղաքական պայքարի թեժացումը երբեմն անցնում է թույլատրելիի սահմանները։
ԲՀԿ–ն միշտ էլ կողմնակից է եղել քաղաքակիրթ պայքարի մեթոդներին, քաղաքական երկխոսությանն ու փոխզիջումներին։ Ընտրությունները չպետք է խաթարեն քաղաքական անդորրը, չպետք է պառակտեն հայ հասարակությանը։ Մենք վստահ ենք, որ ՀՀ քաղաքական իշխանությունն ունի բավարար քաղաքական կամք՝ առաջիկա խորհրդարանական և նախագահական ընտրությունները միջազգային ընդունված չափանիշներին համապատասխան անցկացնելու համար:
Միաժամանակ, Ծառուկյանը ի պատասխան համագումարին նախորդած բոլոր քննարկումներին ու սպասումներին ամփոփեց. որ կոալիցիոն աշխատանքում գործընկերների հետ եղել են տարաձայնություններ. «Իհարկե, համատեղ աշխատանքի արդյունքում եղան դեպքեր, երբ մենք կոալիցիոն գործընկերների հետ ունեցանք առանձին հարցերի վերաբերյալ տարբեր մոտեցումներ, սակայն այդ ամենը նույնպես բնական է տեղավորվում է առողջ տրամաբանության շրջանակներում»:
Մանրամասները առաջիկայում
«Բարգավաճ Հայաստան» կուսակցության համագումարի նախաշեմին ԲՀԿ առաջնորդը որոշել էր նվեր մատուցել դասական երաժշտության սիրահարներին և Հայաստան էր հրավիրել աշխարհահռչակ «I Solisti Veneti» նվագախումբը` մաեստրո Կլաուդիո Շիմոնեի ղեկավարությամբ:
«Վենետիկի մենակատարները» բացառիկ էին, մաեստրո Շիմոնեն անկրկնելի, ինչի շնորհիվ էլ
համերգն անցավ ամենաբարձր մակարդակով, սակայն այս ամենով հանդերձ, Ալ. Սպենդիարյանի անվան օպերայի և բալետի ակադեմիական թատրոնը պատրաստ չէ հասնել միջազգային չափանիշներին հենց միայն նրանով, որ այս կառույցի զուգարաններում բացակայում է զուգարանի թուղթը, օճառը:
Եվ սա նորություն չէ, ավելի վաղ համերգներից մեկի ժամանակ, օպերայի զուգարանում, մի հետաքրքիր տեսարանի հանդիպեցինք. մի կին նստած էր սեղանի առաջ` ճիշտ զուգարանի դռան մոտ և կնոջ դիմաց դրված էր հավանաբար ճիշտ այն չափաբաժնով կտրված զուգարանի թղթեր, ինչքան անհրաժեշտ էին ներս մտնողներին: «Գագիկ Ծառուկյան» հիմնադրամի հովանավորած համերգին հիշյալ կինը չկար, Խե~ղճ Ծառուկյան… մարդը երևի չգիտեր, որ ինքը հսկայական գումարներ է ծախսում, սակայն մի փոքր դետալ փչացնում է մեր քաղաքակիրթ լինելու պատրանքը:
Լ. Կ.
ԱԺ «Ժառանգություն» խմբակցության քարտուղար Լարիսա Ալավերդյանը Սևանա լճի հետ կապված հիմնախնդիրներին վերաբերող նամակով դիմել է ՀՀ գլխավոր դատախազ Աղվան Հովսեփյանին:
Հարգելի պարոն Գլխավոր դատախազ,
Ձեր ուշադրությունն եմ հրավիրում Սևանա լճի հետ կապված մի շարք հարցերի վրա` ակնկալելով դատախազության համարժեք արձագանքը:
Առաջին հարցը վերաբերում է Սևանա լճում արժեքավոր ձկնատեսակների արդյունաբերական պաշարների անհետացման փաստին: Եվ դա այն պայմաններում, երբ համաձայն ՀՀ կառավարության 2009թ. ծրագրով նախատեսված միջոցառումների և առաջնային խնդիրների իրականացման մասին ՀՀ բնապահպանության նախարարության հաշվետվության, որը տեղադրված է նախարարության կայքէջում` Սևանա լճի ջրի մակարդակը վերջին 8 տարիներին բարձրացել է 291սմ-ով, իսկ վերջին 6 տարիներին լիճ է բաց թողնվել 1.147.000 հատ իշխանի մանրաձուկ: Այդ հենքին Սևանա լիճ բաց թողնված իշխանի մեկ միլիոնը գերազանցող թիվը կասկած է հարուցում, քանի որ լճում իշխանի քանակության վրա այն, փաստացի, որևէ դրական ազդեցություն չի ունեցել: Մեր կարծիքով` նման իրավիճակի համար չկա որևէ օբյեկտիվ պատճառ:
Սևանա լճում ձկնապաշարների վերացման հիմնական պատճառը, մասնագետների կարծիքով, այն է, որ ձկան որսը լճում որևէ կերպ չի կարգավորվում: Իսկ եթե չկա ձկնորսության հստակ կանոնակարգ, ապա չի կարող լինել և արդյունավետ վերահսկողություն այդ կանոնակարգին հետևելու հանդեպ:
Ձկան որսի վերաբերյալ կանոնակարգի բացակայության մասին է խոսում ԱԺ պատգամավոր Անահիտ Բախշյանի հարցմանը (ելից թիվ 1/22 1/11429` 25 հոկտեմբերի 2010թ.) ՀՀ բնապահպանության նախարարի տված պատասխանը: Սևանա լճում ձկան որսի գործող կանոնակարգ պարունակող փաստաթուղթ տրամադրելու` պատգամավորի խնդրանքին ի պատասխան, նախարարը հղում է կատարել ՀՀ կառավարության երկու որոշումներին (2002թ. օգոստոսի 22-ի N 1380-Ն և 2004թ. ապրիլի 8-ի N 646-Ն), որոնք չեն պարունակում Սևանա լճում ձկնորսության վերաբերյալ այնպիսի կոնկրետ պահանջներ, ինչպիսիք են ձկնորսության վայրերը, դրա թույլատրված և արգելված որսորդական պարագաները, որսի սեզոնի սկզբի և ավարտի ժամկետները, շաբաթվա` ցանցերով որսը թույլատրող օրերը, այն ձկնատեսակների ցանկը, որոնք թույլատրված է որսալ, դրանց որսի թույլատրելի ծավալները մեկ օրվա ընթացքում և այլն: Նախարարը հղում է արել նաև «Որսի ու որսորդական տնտեսության վարման մասին» ՀՀ օրենքին, որն ընդհանրապես որևէ կապ չունի Սևանա լճում ձկնորսության հետ: Սևանա լճում ձկնորսության արդյունավետ կարգավորման բացակայության մասին են վկայում նաև ԶԼՄ-ներում հրապարակված բազմաթիվ հոդվածները: Բացակայում է անգամ մանրավանդակ ցանցերով ձկնորսություն իրականացնելու արգելքը, ինչի անհրաժեշտությունն ակնհայտ է և ինչն, ի դեպ, հեշտ է ստուգել: Մանրավանդակ ցանցերով ձկան շուրջօրյա զանգվածային որսը, որն այժմ առկա է, հնարավորություն չի տալիս ձկներին հասնելու սեռական հասունության տարիքի: Բացի դրանից, լճից արժեքավոր ձկնատեսակների արդյունաբերական պաշարների վերացման պատճառ է լճի աղտոտումը բուսական մնացորդներով, կոյուղաջրերով, գյուղատնտեսական գործունեության արգասիքներով: Համաձայն Բնապահպանության նախարարության կանոնադրության (կկ. 7ա, 7բ, 8ա)` բոլոր այս հարցերը գտնվում են նրա իրավասության ներքո: Այսպիսով` լճից ձկների վերացման պատճառը, փաստորեն, Բնապահպանության նախարարության, նրա պետական բնապահպանական տեսչության և «Սևան» պետական ոչ առևտրային կազմակերպության անգործությունն է:
Երկրորդ հարցը վերաբերում է Սևանի մակարդակի բարձրացման հետևանքով ափամերձ տարածքների` բուսականությունից մաքրմանը: Մաքրման աշխատանքների իրականացման նպատակով ՀՀ կառավարությունն ամեն տարի գումարներ է հատկացնում` հիմնվելով Բնապահպանության նախարարության ներկայացրած հայտի վրա, սակայն ԶԼՄ-ների հաղորդումների համաձայն` և դա հաստատում են նաև մեր դիտարկումները, փաստացիորեն ափամերձ տարածքների մաքրման աշխատանքներ չեն իրականացվում: Չնայած, համաձայն Բնապահպանության նախարարության վերոհիշյալ հաշվետվության, 2005թ. մաքրվել է 92 հեկտար, 2006թ.` 123 հա, 2007թ.` 95 հա, 2008թ.` 95 հա, 2009թ.` 600 հա տարածք: Այսպիսով` ստացվում է, որ վերջին 5 տարում մաքրվել է ավելի քան 1000 հեկտար ափամերձ տարածք:
Համաձայն ՀՀ գլխավոր դատախազության պաշտոնական կայքէջում հրապարակված տեղեկատվության` 2010թ. սեպտեմբերի 2-ին Գլխավոր դատախազության` պետական շահերի պաշտպանության վարչությունում քրեական գործ է հարուցվել Սևանի ափամերձ տարածքների մաքրմամբ զբաղվող կազմակերպությունների նկատմամբ: 2006-2008թթ. Բնապահպանության նախարարության կողմից Սևանի ափամերձ տարածքների մաքրման նպատակով հայտարարված մրցույթի հաղթողներ էին ճանաչվել «Ուայդ Գեյթ», «Թրի Գրեն» և «Գ.Էլոյան և որդիներ» ՍՊԸ-ները: Ստուգումների ընթացքում պարզվել է, որ 2006-2008թթ. «Ուայդ Գեյթ» ՍՊԸ-ի, իսկ 2009թ.-ին` «Թրի Գրեն» և «Գ.Էլոյան և որդիներ» ՍՊԸ-ների կողմից կատարված աշխատանքները չեն համապատասխանում նրանց հետ կնքված պայմանագրերով ամրագրված պահանջներին: Այդուհանդերձ` չկատարված աշխատանքն ընդունվել և հավաստվել է «Սևան» ազգային զբոսայգու և Բնապահպանության նախարարության աշխատակիցների կողմից: Քննության ընթացքում ձեռք բերված փաստերի հիման վրա գործեր են հարուցվել ՀՀ ՔՕ մի շարք հոդվածներով (հոդ. 179, մաս 2, կետ 3, մաս 3, կետ 1, հոդ. 214, մաս 2, հոդ. 308 և 315, մաս 2): Գործն ուղարկվել է ՀՀ ոստիկանության Գլխավոր քննչական վարչություն` հետաքննության անցկացման համար: Մենք ողջունում ենք այս քրեական գործերի հարուցումը, միաժամանակ փաստում, որ թե’ ԶԼՄ-ների հաղորդումները և թե’ մեր դիտարկումները վկայում են, որ մաքրման աշխատանքների իրականացման որևէ տեսանելի նշաններ Սևանա լճի ափերի որևէ հատվածում չկան նաև 2010թ.-ին:
Երրորդ հարցը վերաբերում է Սևանա լճի ափամերձ տարածքներում գտնվող այն շենք-շինությունների ապամոնտաժմանը, որոնք կառուցված են 1905 մետրից ցածր (մինչև 2008թ.-ը` 1908մ-ից):
Համաձայն ՀՀ նախագահին առընթեր Սևանա լճի հիմնահարցերով զբաղվող հանձնաժողովի նախագահ Վլադիմիր Մովսիսյանի` «Նովոստի Արմենիա» մամուլի կենտրոնում հրապարակած տեղեկության (տես` «Դելովոյ էքսպրես» ռուսալեզու թերթի 2010թ. թիվ 24-ը), Սևանի ափամերձ տարածքներում ջրածածկ են լինելու 1.697 շինություն և կառույց, որոնցից պետական գրանցում ունեն միայն 481-ը, իսկ մնացած 1.216-ն ապօրինի են:
Մի շարք տարիների ընթացքում պետական իշխանության և տեղական ինքնակառավարման մարմինները, «Սևան» ազգային զբոսայգու տարածքի օգտագործման իրավունքն իրացնող պետական կազմակերպությունները, որոնք ի պաշտոնե պարտավոր էին կանխել ապօրինի շինարարությունը` «չէին նկատում» լճի ափերին ընթացող զանգվածային շինաշխատանքները: ՀՀ կառավարության 2003թ. մայիսի 8-ի թիվ 613-Ն որոշման 14-րդ կետի համաձայն` ապօրինի շինարարությունը պարտավոր են կանխել, դադարեցնել և դրա հետևանքները վերացնել համայնքների ղեկավարները, եթե այդ տարածքները գտնվում են նրանց իրավասության ներքո: Համայնքների իրավասությունից դուրս տարածքներում ապօրինի շինարարության առկայության դեպքում դրա կանխման, դադարեցման և հետևանքների վերացման պարտականությունը, փաստացի, դրված է Գեղարքունիքի մարզպետի վրա: Բացի դրանից, ապօրինի շինարարության կանխման, դադարեցման և հետևանքների վերացման պարտականությունը, փաստացի, դրված է նաև ՀՀ բնապահպանության նախարարության և «Սևան» ազգային զբոսայգի» պետական ոչ առևտրային կազմակերպության վրա: Այստեղ ակնհայտորեն երևում են համայնքների ղեկավարների, Գեղարքունիքի մարզպետի, «Սևան» ազգային զբոսայգու» ղեկավարի ու Բնապահպանության նախարարության պատասխանատու անձանց կոռուպցիոն գործունեության հատկանիշները: Նշված անձինք առ այսօր շարունակում են արհամարհել օրենքի և ենթաօրենսդրական ակտերի պահանջները, անգամ այն բանից հետո, երբ իրենց իրավասության տակ գտնվող տարածքներում ապօրինի շինարարության վերաբերյալ փաստերը հանրության սեփականությունը դարձան:
Ջրածածկման ենթակա գոտում առկա 481 շենք-շինությունների թվում ակնհայտորեն կան ապօրինի ճանապարհով օրինականացվածներ: Մասնավորապես այդ 481-ից 263-ը, որոնք կառուցվել են վերջին տարիներին, պատկանում են «Լավանդա Սիթի» ընկերությանը: Այս ընկերության կառուցած օբյեկտների պետական գրանցումը բավականին կասկածելի է: Կարծում եմ` Գլխավոր դատախազությունը պետք է զբաղվի այս հարցով, քանզի այստեղ ևս նկատելի են կոռուպցիոն երևույթների դրսևորումներ պետական այն պաշտոնյաների կողմից, ովքեր կապ են ունեցել նշված կառույցների պետական գրանցման հետ: Չէ որ 1908մ-ից (իսկ 2008թ.-ից` 1905մ-ից) ցածր շինարարություն իրականացնելու արգելքը մտցվել էր դեռևս խորհրդային շրջանում` ՀԽՍՀ նախարարների խորհրդի նախագահ Ֆ.Սարգսյանի` 18.10.1978թ. թիվ 755 որոշմամբ: 2002թ. մայիսին ՀՀ կառավարությունը կրկնօրինակել էր այդ հրահանգը 12.05.2002թ.-ին ընդունված իր թիվ 927 որոշմամբ:
Սակայն 18.12.2008թ. թիվ 1563-Ն որոշմամբ ՀՀ կառավարությունը փաստացի սկսեց անօրինական համարել բոլոր շինություններն ու կառույցները, որոնք գտնվում են 1905մ-ից ցածր` նախկին 1908մ-ի փոխարեն: Այսպիսով` հետին թվով «օրինականացվեցին» մի շարք շինություններ, որոնք մինչ այդ դասվում էին անօրինականների թվին:
Ինչ վերաբերում է Սևանի ափերին գտնվող և օրինականների թվին դասվող մյուս կառույցներին, ապա ՀՀ նախագահին առընթեր Սևանա լճի հիմնահարցերով զբաղվող հանձնաժողովի տվյալներով` 62 գույքային միավորումներից միայն 19-ը իրավական հիմքեր ունեն պետությունից փոխհատուցում պահանջելու իրենց օբյեկտների ջրածածկման համար: Արդյոք դա չի՞ նշանակում, որ մնացած 43-ի պետական գրանցման հարցում ամեն ինչ չէ, որ օրինական է:
Չորրորդ հարցն այն մասին է, որ ափամերձ տարածքների վարձակալների մեծամասնությունը բնակչությանը զրկում է Սևանի ափին անարգել հանգստանալու հնարավորությունից` պահանջելով վճարել դրա դիմաց: Սրանով խախտվում է ՀՀ կառավարության 2004թ. մայիսի 13-ի թիվ 766-Ն որոշումը, համաձայն որի վարձակալությամբ ստացած լողափի գոտու տարածքների առնվազն 20%-ը վարձակալների կողմից պետք է ազատ ու անհատույց տրամադրվի լճի ափին հանգստանալ ցանկացողներին:
Հինգերորդ հարցը վերաբերում է Սևանի ափամերձ տարածքներում ծովի մակարդակի նկատմամբ նախկին 1908 մետրի փոխարեն սկսած 1905 մետրից շինարարության թույլատրման հիմնավորվածությանը: Կառավարության այս կամայական որոշումը (18.12.2008թ., թիվ 1563-Ն), որն ըստ երևույթին ընդունված է Սևանի ափերին օբյեկտների սեփականատեր հանդիսացող մի քանի օլիգարխի և բարձրաստիճան պաշտոնյաների մասնավոր շահերի սպասարկման նկատառումներով, գիտականորեն հիմնավորված չէ, քանի որ բացակայում է այս հարցով Սևանա լճի պահպանության փորձագիտական հանձնաժողովի եզրակացությունը: Մինչդեռ դա «Սևանա լճի մասին» օրենքի 19-րդ հոդվածի պահանջն է: Այս նույն` Սևանա լճի պահպանության փորձագիտական հանձնաժողովի եզրակացության բացակայության պատճառով անօրինական է նաև կառավարության 14.09.2006թ. թիվ 1386-Ն որոշումը, որը սահմանում է փրփրաբաշ ալիքի առավելագույն բարձրությունը, ինչն էլ հիմք է հանդիսացել 1905մ նիշից վեր շինարարության սկզբունքային թույլատրման մասին կառավարության 18.12.2008թ. թիվ 1563-Ն որոշման ընդունման համար: Խորհրդային ժամանակաշրջանում Սևանա լճի խորը գիտական հետազոտությունների հիման վրա հայ գիտնականները եկել էին այն եզրակացության, որ լճի բնապահպանական հավասարակշռության վերականգնման համար ջրի մակարդակը պետք է բարձրացնել առնվազն մինչև 1903,5 մետրանոց նիշը: Այս թիվը օրենսդրորեն ամրագրվել էր: Սևանի ափերին օբյեկտների շինարարության թույլատվությունը տրվում էր սկսած 1908մ նիշից: Այդ որոշումը (թիվ 755` 18.10.1978թ.) ընդունվել էր ՀԽՍՀ նախարարների խորհրդի (կառավարության) կողմից` լճում ջրի մակարդակի հավելյալ բարձրացման կարիք առաջանալու դեպքում դրա` ևս մի քանի մետր բարձրացման հնարավորությունն ապահովելու նպատակով: Դա կարող էր տեղի ունենալ, եթե չարդարացվեին գիտնականների կանխատեսումները Սևանի ջրի անհրաժեշտ նվազագույն մակարդակի վերաբերյալ, որը կապահովեր նրա ինքնամաքրումը: Իր նոր` 18.12.2008թ. թիվ 1563-Ն որոշմամբ կառավարությունը, փաստորեն, ստանձնել է Սևանի ափերին տեղակայված օբյեկտների սեփականատերերին փոխհատուցելու պարտավորություն` լճում ջրի մակարդակը ևս մի քանի մետրով բարձրացնելու անհրաժեշտություն առաջանալու դեպքում: Մինչդեռ Սևանի ջրի մակարդակը 1903,5 մետրից ավելի բարձրացնելու անհրաժեշտությունն արդեն այսօր է տեսանելի` նոր և անչափ էական գործոնի` աշխարհում կտրուկ գլոբալ տաքացման ի հայտ գալու կապակցությամբ:
Հիմնվելով վերոգրյալի վրա` դիմում եմ Ձեզ ակնկալելով.
1. Ձեռնարկել համապատասխան միջոցներ ընդդեմ Բնապահպանության նախարարության, նրա բնապահպանական տեսչության և «Սևան» ազգային զբոսայգի» ՊՈԱԿ-ի` Սևանա լճում արժեքավոր ձկնատեսակների արդյունաբերական պաշարների անհետացման փաստով, որը տեղի է ունեցել բնապահպանական օրենսդրության և նշված նախարարության կանոնադրության պահանջների չկատարման, անգործության և լճում ձկների արդյունաբերական տեսակների քանակի վերականգնման նպատակով հատկացված բյուջետային միջոցների անարդյունավետ օգտագործման հետևանքով:
2. Իրականացնել դատախազական ստուգումներ 2010թ.-ին Սևանի ափամերձ տարածքները ծառերից ու թփուտներից մաքրելու աշխատանքներ իրականացրած կազմակերպությունների նկատմամբ` վերջիններիս հետ կնքված պայմանագրերում առկա պարտավորությունների կատարման փաստի առնչությամբ և պայմանագրային կետերի չկատարում հայտնաբերելու դեպքում նրանց, ինչպեսև Բնապահպանության նախարարության` նրանց աշխատանքն ընդունած պաշտոնատար անձանց հանդեպ հարուցել քրեական գործեր:
3. Քրեական գործեր հարուցել համապատասխան պաշտոնատար անձանց հանդեպ, պետական իշխանության (մարզպետարանի, Բնապահպանության նախարարության), տեղական ինքնակառավարման մարմինների, «Սևան» ազգային զբոսայգի» պետական ոչ առևտրային կազմակերպության կողմից` իրենց իրավասության ներքո գտնվող տարածքներում 1905մ նիշից (ՀՀ կառավարության 2008թ. դեկտեմբերի 18-ի թիվ 1563-Ն որոշման չեղյալ ճանաչելու դեպքում` 1908մ նիշից) ցածր ապօրինի շինարարության հանդեպ անգործության փաստով:
4. Իրականացնել դատախազական ստուգումներ` պարզելու համար Սևանա լճի ափամերձ տարածքներում ծովի մակարդակից 1905մ նիշից (իսկ կառավարության 2008թ. դեկտեմբերի 18-ի թիվ 1563-Ն որոշումն անվավեր ճանաչելու դեպքում` 1908մ նիշից) ցածր կառուցված և օրինականների թվին դասվող բոլոր 481 շենք-շինությունների պետական գրանցման օրինականությունը և օրինազանցությունների բացահայտման դեպքում հարուցել քրեական գործեր խախտումներ թույլ տված պաշտոնատար անձանց հանդեպ:
5. Իրականացնել դատախազական ստուգումներ վարձակալների կողմից քաղաքացիների` Սևանա լճի ափ ազատ ու անհատույց մուտք ունենալու իրավունքի ապահովման կապակցությամբ և պատասխանատվության ենթարկել այն պաշտոնատար անձանց ու վարձակալներին, ովքեր թույլ են տվել օրենքի խախտում, եթե այդպիսին կհայտնաբերվի:
6. Բողոքարկել ՀՀ կառավարության 2006թ. սեպտեմբերի 14-ի թիվ 1386-Ն և 2008թ. դեկտեմբերի 18-ի թիվ 1563-Ն որոշումները, որոնցով կառավարությունը խախտել է «Սևանա լճի մասին» ՀՀ օրենքի 19-րդ հոդվածը և փաստացի օրինականացրել մինչ այդ անօրինականների թվին դասվող, ծովի մակարդակից 1905-1908մմ միջակայքում կառուցված օբյեկտները` որպես հակաօրինական և պետությանը մեծապես նյութական վնաս հասցնող:
Հուսով եմ, որ արդյունքների մասին կտեղեկացնեք գրավոր:
Հարգանոք`
Լարիսա Ալավերդյան ՀՀ ԱԺ «Ժառանգություն» խմբակցության քարտուղար
11 փետրվարի 2011թ.
Ազգային ժողովի նախկին պատգամավոր, հայտնի գործարար Խաչատուր Սուքիասյանը բավարար չի համարում, որ Հատուկ քննչական ծառայությունը իր նկատմամբ հարուցված գործը կարճել է «ապացույցների անբավարարության» հիմքով։ Նա ասել է, որ բողոքարկելու է դատարանի որոշումը։
Այսօր «Ազատություն» ռադիոկայանի հետ հարցազրույցում Սուքիասյանի փաստաբան Արա Զաքարյանը պարզաբանել է. «Տվյալ դեպքում խոսքը պետք է գնա գործը ոչ թե ապացույցների անբավարարության հիմքով կարճելուն, այլ մեր պաշտպանյալի գործողություններում հանցակազմի բացակայության հիմքով հետապնդումը դադարեցնելու մասին»։ Սուքիասյանի պաշտպանները պատրաստվում են դիմել դատարան եթե գլխավոր դատախազությունը մերժի բողոքը, իսկ եթե տեղական ատյանները չբավարարեն բողոքը, իրենք հայց կներկայացնեն Մարդու իրավունքների եվրոպական դատարան։
«Էս երկրում կարծես կարելի է բռնաբարել և չնստել, ա´յ, էսպիսի տրամադրություն է: Սա չի համարվում ծանր հանցագործություն: Իմ կարծիքով, սա սպանության տիպի հանցագործություն պիտի համարվի»,- այսօր ՀՀ վարչապետի` արդեն նախկին խորհրդական Սերոբ Տեր-Պողոսյանի ձերբակալության առնչությամբ ասաց ՀՀ ոստիկանապետ Ալիկ Սարգսյանը
։
Մանկապղծության կասկածանքով, ապա ավելի մեղմ` անձին սեռական գործողությունների հարկադրում հոդվածով մեղադրվող Սերոբ Տեր-Պողոսյանը միայն ՀՀ վարչապետի խորհրդականը չէր, նաև ՀՀ ոստիկանությանը կից հասարակական խորհրդի անդամ էր։ Բնականաբար, Տեր-Պողոսյանի ձերբակալությունը ստվեր է գցում նաև նրանց վրա, ովքեր այս կամ այն կերպ առնչվել են հիշյալ անձնավորությանը: Ու այսօր բոլորը հրաժարվում են նրանից, ինչպես ժամանակին հրաժարվեցին Նաիրի Հունանյանից։
Բացահայտման հենց հաջորդ օրը վարչապետն իր բլոգում հոգեցունց գրառում թողեց` ի սկզբանե հերքելով, թե գաղափար է ունեցել իր խորհրդականի վարքի մասին: Դե, ոստիկանապետի չուզողներն էլ քիչ չեն, և անմիջապես լուր տարածվեց, որ Սերոբ Տեր-Պողոսյանը միայն ՀՀ ոստիկանությանը կից հասարակական խորհրդի անդամ չէր, նաև Ալիկ Սարգսյանի դստեր հարսանիքի քավորն է եղել: Կառավարության այսօրվա նիստի ավարտից հետո ՀՀ ոստիկանապետ Ալիկ Սարգսյանը փորձեց լույս սփռել Սերոբ Տեր-Պողոսյանին առնչվող մի շարք իրողությունների վրա:
— Երեկ ձերբակալվեց ՀՀ վարչապետի խորհրդական, նաև ՀՀ ոստիկանությանը կից հասարակական խորհրդի անդամ Սերոբ Տեր-Պողոսյանը: Տարօրինակ չէ՞, որ Դուք տեղյակ չեք եղել նրա վարքի, մանկապղծության փաստի մասին:
— Եկեք մի հարց էլ ես տամ Ձեզ: Դուք ի՞նչ կարծիքի եք, ես կարո՞ղ էի տեղյակ լինել, որ էդ մարդը էդպիսի բանով է զբաղվում ու նույնիսկ նրա ծննդյան օրվա արարողությանը մասնակցեի: Դուք բարի եղեք գրեք, որ դաշնակները գրել էին, թե թամադություն է արել, բարի եղեք, գրե´ք` թամադա կյանքում չեմ եղել: Նրանք ունեցել են վարձու թամադա, երիտասարդ տղա էր, որը շատ լավ ղեկավարում էր էդ սեղանը: Ես ընդամենը իմ մի քանի աշխատակիցներով, տեղակալներիս հետ` որպես հասարակական խորհրդի անդամ մտել եմ, շնորհավորել ու դուրս եկել: Դա տևել է ընդամենը երեսուն րոպե: Նույնիսկ կենաց չեմ ասել:
— Ասում են` հենց ոստիկանությունից է արտահոսք եղել, որ այդ անձնավորությունը նաև Ձեր դստեր հարսանիքի քավորն է եղել:
— Ի՞նչ, ի՞նչ քավոր: Դե, ամեն սուտ… Ով որ ոստիկանությունից էդպիսի բան է տարածել, աշխարհի ամենաանբարոյական մարդն է, հաստատ իր զավակներն են այդ կարգավիճակում: Իմ դստեր հարսանիքին ոչ թե իմանալով չեմ կանչել, այլ ուղղակի Սերոբի հետ ես էդպես ընկեր չեմ եղել, որ հրավիրեմ էրեխուս հարսանիքին: Ի՞նչ քավոր, էս ինչե~ր եք ասում… Նա իմ երկու երեխաների հարսանիքին կյանքում չի եղել, հրավիրված էլ չի եղել, իմ տանը չի եղել, իմ ընտանիքի հետ նա ծանոթ չի: Դա լկտի սուտ է: Չէ՞ որ տեսագրություն կա, կասետները կան հարսանիքների, չէ՞ որ էսքան մարդ է մասնակցել` 400 մարդ: Ո՞նց կարելի է ասել…
— Բայց, պարո´ն ոստիկանապետ, այստեղ Ձեր դեմ է աշխատում նաև Ձեր չիմացությունը: Այդ անձնավորությունը ՀՀ ոստիկանությանը կից հասարակական խորհրդի անդամ էր, բայց ամբողջ Ախթալայում հայտնի է եղել նրա կերպարը, խոսակցություններ միշտ եղել են, ասում են, որ տեղի իրավապահ մարմիններն էլ տեղյակ են եղել նրա «թուլությունից»: Եվ Դուք նման անձնավորությանն ընդգրկում եք Ձեր հասարակական խորհուրդ… Ձեր կարծիքով, ոստիկանապետի նման անտեղյակությունը նորմա՞լ է: Ստացվում է որ դուք լուրջ չեք վերաբերվել «խորհրդին»։
— Հիմա ասեմ: Ես պատժելու եմ, կոլեգիայի ժամանակ էլ հայտարարեցի Թումանյանի բաժնի պետին: Միայն այն բանի համար, որ ինֆորմացիային չի տիրապետել և նախապես տեղյակ չի պահել: Ես Սերոբին տեսել եմ վեց ամիսը մի անգամ կամ տարին մի անգամ հասարակական խորհրդի նիստերին: Նա ճանապարհային ոստիկանության գծով հանձնաժողովի անդամ էր: Ինքը ակտիվ ելույթներ էր ունենում` «պարո´ն նախարար, առաջարկում եմ սա, սա…», բաժնին աջակցություն է ցուցաբերել վերանորոգման հարցերով, որի կապակցությամբ ես նրան շնորհակալություն եմ հայտնել, եթե չեմ սխալվում` մեդալ էլ եմ տվել, որ համագործակցել է մեզ հետ: Բայց որ նա կարող էր զբաղվել մանկապղծությամբ, սեռական շեղում ունենար… Էսօր հազար մարդու հետ եմ շփվում, հազար հոգու հետ եմ խոսում, ես ինչ իմանամ` ով ով է:
— Դուք ներկայանում եք որպես ընտանիքի մարդ, հայկական ավանդական ընտանեկան արժեքներ հարգող, և մեկ էլ պարզվում է` մանկապիղծի հետ…
— Եթե ինձ չեն ճանաչում, իրավունք ունեն ինչ-որ բաներ ասելու, բայց իրավունք չունեն գոնե` սուտը բերել տեղավորելու իմ կողքին: Նա ընդամենը մեր հասարակական խորհրդի անդամ է եղել, որտեղ 50 մարդ կա: Դեկտեմբերի 30-ին ես հրամանով ամբողջ հասարակական խորհրդի գործունեությունը դադարեցրել եմ: Մտածեցի` դադարեցնեմ, ձևավորեմ նոր հասարակական խորհուրդ: Արդեն կյանքը ստիպեց` բոլորին դոսյեներով եմ բերելու. հասարակական խորհրդի անդամների մեջ շատ արվեստագետներ կան, Եվրոպայի հետ շատ շփվողներ կան և այլն, և այլն, հիմա սկսելու եմ բոլորին դոսյեներով, բաժնի պետերից…
— Ձեր կարծիքով, նման մարդկանց դոսյեում գրվա՞ծ է, թե նրանք ինչ սեռական կողմնորոշում ունեն։
— Ի՞նչ անեմ: Աչքս վախեցավ արդեն: Էսօր կարող է նստեմ մեկի հետ սուրճ խմեմ, վաղը որ պարզվի` սա շեղում ունի, ես ի՞նչ պետք է ասեմ: Սերոբի հետ Դուք շփված կա՞ք երբևէ: Արտաքինից բարեկիրթ, շատ հայրենասեր, ազգին սիրող…Իսկ էդ ծնունդին գիտե՞ք ինչպես եղավ, ծնունդին Ախթալայից բազմաթիվ մարդիկ կային, տեսնեիք` ո~նց էին մեծարում իրեն: Ո~նց էին դեմը պարում, որպես իսկական հայենասերի, հայ մարդու, գործարարի… Ինչ կենացներ էին խմում` «բոլորիս ընտանիքների նկատմամբ, բոլորին ուշադրություն, էսքան ընտանիք կապված է իր հետ»… Ձեզ թվում է, էդ մարդիկ իմացե՞լ են, որ էդպիսի խոսքեր էին ասում: Ես Սերոբին տեսել եմ շալվարով-կոստյումով, ակուրատնի հագած, հայրենասերի դեմքով, մտել է ինձ մոտ, դուրս է եկել, ընդամենը մեկ-երկու անգամ:
— Իսկ որպես ոստիկանապետ ինչպե՞ս եք վերաբերվում այն փաստին, որ էդպիսի հանցագործին ընդամենը երկուհարյուրապատիկի-երեքհարյուրապատիկի չափի տուգանքով կարելի է ազատել:
— Ա´յ, դա արդեն օրենքի մասին գրեք: Սեռական ոտնձգությունների հետ կապված մեր օրենքը շատ թույլ է:
Լուսինե Կեսոյան
ՀՀ քրեական գործերով վերաքննիչ դատարանում, դատավոր Արմեն Դանիելյանի նախագահությամբ, այսօր շարունակվեց Արմավիրի մարզի Մրգաստան գյուղի բնակիչ Հովհաննես Եղիազարյանի վերաքննիչ բողոքի քննությունը:
Հիշեցնենք, որ այս քրեական գործն ունի շուրջ 2,5 տարվա պատմություն: 2008թ. սեպտեմբերի 23-ի գիշերը Մրգաստան գյուղի իր տան
մոտ Հովհաննես Եղիազարյանի վրա է հարձակվել իր հորաքրոջ որդի Վարշամ Ղարիբյանը և բռունցքներով հարվածներ հասցրել, ապա նստելով Եղիազարյանի ավտոմեքենայի ղեկին`տարել «Էլիտ Շանթ» ընկերություն, որտեղ նորից շարունակել է ծեծել և խոշտանգել Եղիազարյանին: Ղարիբյանը Եղիազարյանին նաև ստիպել էր ստորագրել մի ստացական, որով իբր պարտք է 2 մլն դրամ և պարտավորվում է դրա դիմաց հանձնել իր «Աուդի» մակնիշի ավտոմեքենան: Պարզվել էր նաև, որ Եղիազարյանին ստիպել էին ևս մեկ պարտավորագիր ստորագրել, ըստ որի` վերջինս պետք է մինչև 2008-ի նոյեմբերի 29-ը Ղարիբյանին հանձնել 10 մլն դրամ: Ստացած մարմնական վնասվածքների հետևանքով Եղիազարյանը ստացել էր գլխուղեղի ցնցում, քթի կոտրվածք և բուժում ստացել «Արմենիա» բժշկական կենտրոնում:
Հիշեցնենք նաև, որ տուժողի պաշտպանը դատարանին է ներկայացրել 7 անձի ցուցմունքներ, որոնք վկայում են Եղիազարյանի ծեծի ենթարկվելու փաստի մասին: Հովհաննես Եղիազարյանի շահերի պաշտպան Լուսինե Սահակյանը հենց սկզբից նախագահող դատավորին ինքնաբացարկի միջնորդություն ներկայացրեց` պնդելով, որ Արմեն Դանիելյանը չի կարող օբյեկտիվ վերաբերմունք դրսևորել գործի նկատմամբ և լինել անկաշկանդ: Փաստաբանը համոզված էր, և նշեց, թե քանի դեռ դատավորը շարունակում է «ազդվել» գլխավոր դատախազից, չի կարող արդարացի վճիռներ կայացնել: Իսկ որ դատավոր Դանիելյանը շատ զգույշ և ազդեցությունների հակված դատավոր է, շատերը գիտեն։
Դատավորը մեկ ժամից ավելի առանձնացավ` քննելու իրեն ներկայացված ինքնաբացարկի միջնորդությունը, հետո վերադարձավ և ներկաներին հայտնեց միջնորդության մերժման մասին: Բողոք բերող կողմը այսօր հանդես եկավ Արմավիրի մարզի ընդհանուր իրավասության դատարանի 2010 թ.-ի դեկտեմբերի 24-ին կայացրած վճիռը չեղյալ հայտարարելու պահանջով: Վճիռը կայացրել է Արմավիրի մարզի ընդհանուր իրավասության դատարանի դատավոր Հ.Մելքոնյանը:
Տուժողը պահանջում է մերժել և կասեցնել ՀՀ ոստիկանության ՔԳՎ Վաղարշապատի քննչական բաժանմունքի ավագ քննիչ Պ. Բոյաջյանի գործողությունը, քանի որ վերջինս կարճել է խոշտանգումների և ծեծի ենթարկված Հովհաննես Եղիազարյանի գործը: Փաստաբան Լուսինե Սահակյանը դատարանից պահանջեց ոչ միայն բեկանել նախորդ դատական ատյանների վճիռը, այլև պատասխանատվության ենթարկել Պ. Բոյաջյանին, քանի որ վերջինիս գործողությունները չեն բխել օրենքից:
Պաշտպան Լուսինե Սահակյանը դատարանին ներկայացրեց բոլոր ապացույցներն ու դատաժշկական փորձաքննության արդյունքները: Իր ելույթում փաստաբանը մի քանի անգամ նշեց, որ այդչափ ապացույցներով հանդերձ` չեն կարողանում ապացուցել տուժողի հանդեպ կատարվածը: Դատավորը նիստը հետաձգեց մինչև փետրվարի 21-ը` դատարանի խիստ ծանրաբեռնվածության պատճառաբանությամբ:
Լրագրողների հետ զրույցում փաստաբան Լուսինե Սահակյանը հիշեցրեց, որ այս պատմությունն ավելի խորը արմատներ ունի, որի հիմքում Աղվան Հովսեփյանի և Մանվել Ղարիբյանի հակամարտությունն է. դատախազն իր մասնաբաժինն ունեցավ Ղարիբյանների ընտանեկան բիզնեսից, ինչն էլ նրան դրդում է թշնամություն բորբոքել հարազատ եղբայրների միջև` «բաժանիր, որ տիրես» սկզբունքով: Հենց այդ նպատակով էլ Աղվան Հովսեփյանն ամեն հարցում աջակցում է Վարշամ Ղարիբյանին։ Իսկ Հովհաննես Եղիազարյանը տուժողի կարգավիճակում հայտնվեց հենց այն պատճառով, որ եղբայրների հակամարտության ժամանակ պաշտպանել էր Մանվել Ղարիբյանին:
Շուշան Գալստյան
Այսօր Վարչական դատարանում, դատավոր Քրիստինե Մկոյանի նախագահությամբ, պետք է տեղի ունենար «Գլոբալ Գոլդ Մայնինգ» ՍՊԸ-ի հայաստանյան մասնաճյուղի տնօրեն Աշոտ Պողոսյանի և կանադական ընկերության միջև առկա վեճի գործով հերթական լսումը:
Ուշագրավ է, որ վերջին շրջանում ակտիվացել է «Գլոբալ Գոլդի» շուրջ ծավալվող խնդիրների թեման. այս ընկերությունը խոշոր պարտքեր
ունի մի շարք պետական կառույցների, աշխատավարձի պարտքեր` աշխատակիցներին, որոնք դատի են տվել Պողոսյանի ղեկավարած ընկերությանը: Համատարած այս «քցոցիի» ֆոնին այսօր Վարդան Այվազյանը ևս անդրադարձավ տարիներ առաջ հրապարակ նետված այն վարկածին, թե բնապահպանության նախարար Այվազյանը 3 միլիոն դոլար կաշառք է պահանջել Աշոտ Պողոսյանից: Տարօրինակ է, բայց այս հարցն ընթացք չստացավ, կարելի է ասել` ջրվեց, և ոչ Այվազյանը պատիվ պահանջեց իրեն հրապարակավ զրպարտելու համար, ոչ էլ Պողոսյանը տեր կանգնեց իր հայտարարությանը։
Իսկ դատական նիստը արդեն որերորդ անգամ հետաձգվում է, ուստի այսօր էլ սպասելի էր ու զարմանալի չէր, որ նորից հետաձգվեց: Պատճառաբանությունն, անշուշտ, այլ էր. Վարչական դատարանի քարտուղարությունից մեզ հայտնեցին, որ դատավոր Քրիստինե Մկոյանը առավոտից գրեթե բոլոր լսումները հետաձգել է առողջական խնդիրների պատճառով:
Շուշան Գալստյան
Վերջին շրջանում բուռն քննարկման առարկա դարձած մեծահարուստ Սերոբ Տեր-Պողոսյանի գործունեությունը, պարզվում է, հետաքրքրել է ԱԱԾ –ին. դեռևս հունվարի 26-ին գործ են հարուցել և նյութեր նախապատրաստել։ Այսօր ձերբակալել են նրան, սակայն ոչ թե մանկապղծության, այլ Քրօրի 140-րդ հոդվածով` անձին սեռական բնույթի գործողություններ հարկադրում։
Մանրամասները` առաջիկայում
6 ամսից ավել ա, որ էս գործի մեջ եմ: Կլիենտներն ու հատուկ իրավիճակները ինձ փոխեցին: Ամեն մի մարդ, ամեն իրավիճակ, օրեցօր: Ընդհանրապես, երբ մարդու գործը լինում ա միօրինակ ու միապաղաղ, մարդն անընդհատ ժամին ա նայում, թե երբ գործը կպրծնի, որ տուն գնա, էնքան որ ձանձրալի ա լինում:
Էս գործում հակառակն ա, ժամանակը թռնում ա: Գալիս են, ստանում են իրանց ուզածն ու գնում են: Ու չկա տիրուհի առանց ստրուկի, դրա համար էլ փոխվում ես: Ես չեմ էդ դերն ընտրել, նրանք են, որ համոզում են իրանց ստորացնել, ես էլ անում եմ…
Պատմեմ իմ երկու կլիենտների մասին, որոնք ինձ վրա մեծ տպավորություն են թողել: Տպավորություն` ոչ թեթև նշանակության: Բոլոր կլիենտների պատմություններն էլ տպավորիչ են՝ նրանց պատճառներն ու մղումները, ինչի՞ են գալիս մեզ մոտ, նրանց կեցվածքը, խոսալու ձևը:
Ամենահաճելին էն ա, որ սա մի մեծ աշխարհ ա: Սա հո մենակ խփել չի, դա ամեն մարդ էլ կարա անի, սա մշակույթ ա, աշխարհ, որի մեջ օգտագործում ենք մարմինն իբրև կտավ ու գործիք: Գործիքն անպայման գործում է: Իսկ մարմինդ ի՞նչ է գործում: Գործում է, էն էլ ոնց, բուժում ա մարդուն ու տրանսֆորմացնում տիրուհուն, եթե տիրուհին իրա դերն ընդունում ա, լավ անում ա, լավ խաղում ա: Ինչի՞ համար է ԿՏՍՄ-ն, ի՞նչ մտադրություններով: Հաճույք ու ցավ՝ կյանքի նման, բայց փոքր թատերական չափաբաժիններով, մի քիչ վտանգով…
Էս ամեն ինչը դեր ա խաղում մարդու ինքնագնահատականի ու պահվածքի վրա: Իսկ մարդը գալիս ա մեզ մոտ, որ բուժվի ու խաղալով բուժվի, կամ` բալանս գտնի էդ ցավի ու հաճույքի խառնուրդի մեջ: Սուսիկի հետ երբ անցյալ շաբաթ սեսիա արեցինք, ինձ շատ հաճելի էր, երբ ինձ կապկպեց: Ամեն մի խաղ նոր զգացումներ էր առաջացնում, ու ես ինձ նոր մարդ էի զգում, հատկապես` երբ կապեց անկողնու վրա ու վրես տաք մոմ թափեց, կամ` երբ խոսում էր հետս, երբ ես կապված ու թուլացած էի: Բոլոր մտահոգություններիցս ու վախերիցս ազատվեցի ու ինձ ուժեղ զգացի, չնայած`ենթարկվողի դեր էի կատարել:
Ես միշտ օգտագործում եմ «խաղ» բառը, երբ խոսում եմ իմ սեսիաների մասին, կամ էլ երբ կլիենտին առաջարկում եմ սկսել, ասում եմ. «Պատրա՞ստ ես խաղալ»: Մենք խաղում ենք սեսիայի ընթացքում: Անմեղ խաղ ա, բայց ամեն րոպե կարա փոխվի ու տանի որ կողմ ասես: Կարաս խաղի ժամանակ ծիծաղես, ցավացնես, խփես՝ բայց էդ ամենն անես լավ մտադրություններով՝ մարդուն օգնելու:
Մի լիբանանցի կլիենտ եկավ էն օրն ու Ռիմային ասեց, որ իրա ծնունդն ա, ու ինքը տխուր ա, որ Բեյրութում չի ընտանիքի ու ընկերների հետ: Ստեղ ինչ-որ բիզնես ունի: Ստեղ ինչ-որ մեկից լսել էր մեր մասին, ասել էին` «թույն աղջիկներ կան», ինքն էլ եկել էր: Չգիտեմ նույնիսկ`գիտեր ուր ա եկել, թե չէ, կարող ա` մտածում էր, թե սովորական բարդել ա եկել, բայց չէ, ուզած բաներից երևաց, որ գիտի: Ռիմային ասեց, որ բոյով ու սպիտակ մաշկով աղջիկ ա ուզում, Ռիման էլ ինձ առաջարկեց: Պուճուր բոյով, գիրուկ քաչալ մարդ էր:
Մտա ներքևի սենյակը, ուր նա ինձ սպասում էր: Հարցրեցի` ի՞նչ ես ուզում: Ասեց, որ ուզում ա`անխիղճ ձևով տանջեմ, ինչքան ուժ ունեմ: Ես արդեն վստահ էի, որ շատ լավ սեսիա կլինի: Էլ բան չասեց, թե կոնկրետ ինչ ա ուզում, ոչ մի բան չպարտադրեց, թողեց, որ ես որոշեմ: Բարձրացա վերև, Ռիմային հարցրեցի, թե դա ի՞նչ կլիենտ ա, ինչ պատկերացումներ ունի ԿՏՍՄ-ի ու ընդհանրապես կյանքի մասին: Դե ես ո՞նց կարամ մարդու բան առաջարկեմ, եթե չգիտեմ` ինչ ա ուզում: Ռիման ասեց, որ պետք ա շատ ուժեղ լինեմ, կոպիտ, գոռամ վրեն, ասեմ` «անկապ աքլորիկ», բայց ամենակարևորը, որ խոշոր ու անտաշ կնոջ նման վարվեմ հետը:
Էդ մարդուն նայելով երբեք չէիր ասի, որ ԿՏՍՄ սիրահար ա, հետո ինքս ինձ համոզեցի ու ուժեղ զգալու համար պատկերացրեցի, որ սովետի վախտվա կին եմ՝ չաղ, կարճ մազերով, ու խոհարար եմ բանտում: Ստացվեց, թե չէ` չգիտեմ, բայց շատ ուրախ էի, որ էս փոքրիկ լիբանանցին բոյով աղջիկ ա գտել վերջապես: Ինձ պատմեց, որ երկու ամիս առաջ ա ստեղ եղել, ու Ռիման իրան Սուսանի մոտ ա տարել: Հիասթափված էր: Դե, մարդը բոյով նիհար աղջիկ էր ուզում, ոչ թե Սուսիկի նման փարթամ, թմբլիկ, բարի ու անշառ մեկին: Ասում էր, ինձ հետ ի՞նչ կարար աներ ինքը որ: Ես ջղայնացա, քանի որ չեմ սիրում, որ կլիենտներս գալիս են ու սկսում մյուս աղջիկներից վատ խոսալ, ուզում էի մռթին հագցնեմ մի լավ:
Մի խոսքով, մտա սենյակ, իրան հրամայեցի, որ նայի գետնին ու քայլելուց պաչի ոտքերս: Հետո վրեն նստեցի, ու ինքն ինձ ձիու նման ման էր տալիս սենյակով: Հետո ասեցի, որ տկլորանա, ասեցի. «էս ի՞նչ ա, ի՞նչ վիճակ ա, դու ինչի՞՚ ես դեռ հագնված», թքեցի վրեն, ասեցի` ձիու նման վրնջա, կովի նման բառաչի, շան նման հաչա: Ասեցի. «Այ չաղլիկ, դու քեզ ինչի՞՚ տեղ ես դրել, որ մտածում ես, թե ինձ նման աղջկան կարաս ունենաս: Ես աստվածուհի եմ, դու ի՞՚նչ ես, այ ճիճու, կեղտոտ թերմացք: Ցույց տուր տեսնեմ` ոնց ես ուզում ինձ»: Հետո հրեցի գետնին մի քանի անգամ, որ չկարողանա նորից ոտքի կանգնել: Հետո ասեցի՝ արի, արի ոտքերս մասաժ արա, այ կով: Երբ արդեն մի կես ժամ անցել էր, ասեցի.
— Էսօր քո ծնունդն ա` ասում են, հա՞:
— Հա:
— Ուզեցիր մեզ մոտ գաս, ու ես քո նվերն ե՚՞մ:
— Հա, լավ է, մի քիչ թանկ է ձեզ մոտ, բայց կարժենա այս նվերին:
— Ինձ թվում ա, քեզ նման տղամարդու համար ավելի լավ կլինի, որ գնաս էրոտիկ տեղեր, նենց տեղեր, որտեղ քեզ ավելի լայն սեքսուալ ծառայություններ կկարողանան մատուցել, ամեն ինչ կանեն քեզ համար, ես ամեն ինչ չեմ կարա:
— Օ՜, չէ, ի՜նչ եք ասում, դա ի՞նչ է որ: Արդեն գիտեմ` նրանց մոտ ինչ պետք է լինի, ամեն ինչ կանխատեսելի է: Պիտի ասեն` ինչ ես ուզում, օքեյ, 50 դոլար, հետո պիտի մի քանի րոպե տևի, պրծա, ու հետո՞: Ի՞նչ կա դրա մեջ, ոչ մի հաճույք չկա, հակառակը…
— Բայց կարաս մենակ սեքսով չզբաղվես, կարաս խոսես հետները, ծիծաղես` փողով իհարկե: Աննորմալ հարց տվեցի, մարդ իրա ծնունդի օրը պետք ա փող տա, որ մի քանի հոգի հետը լինեն էդ օրը, աբսուրդ ա:
— Չէ, լսեք, ես ստեղ եմ գալիս, որովհետև սա սյուրպրիզ է, սա նորություն է, էսպիսի խաղերը չեն ստացվի, եթե երկուսն էլ չսիրեն դա անել: Իսկական է ձեզ մոտ ամեն ինչ: Երբ մարդը գիտի ինչ է անում ու սիրում է դա անել, որտեղ ուզում է լինի, դա զգացվում է:
Սկսեցի հարգել էս մարդուն, էլ կոլոտ ու քաչալը չկար, կար մի լավ մարդ, որի ծնունդն էր, ու որն ինձ իր համար նվեր էր ընտրել ու վճարել: Սկզբում հավատս չէր գալիս, դրա համար նրան ասում էի, որ ինքը ճիճու ա, անկապ ա, ես չգիտեի որ էս փոքրիկ չաղլիկը ԿՏՍՄ սիրահար ա ու գիտակ: Եթե ուրիշ բան զգայի, ուրիշ բան կասեի, սեսիայի ժամանակ ամեն ինչ զգացումների վրա ա:
Նա հասկանում ա մեր խաղից, երբ կինն ինչ ուզում ա անում ա իրա հետ, անում ա սրտանց, ու ստրուկն իրան կենդանի ա զգում:
Ու նաև սիրում ա, որ իր հետ լինի գեղեցիկ, ընտիր կին, որ նայի նրա ոտներին ու առանց որևէ ավել բանի գրգռվի: Բայց ավելի շատ սիրում ա, որ էդ ամեն ինչը իրա մասին լինի, էդ զգացումները ներքուստ լինեն, իսկական ու կենդանի:
Էդ իրա մի քանի խոսքերը արդեն իսկ ինձ փոխեցին: Մինչև հիմա հիշում եմ իրա պարերը, դրանք էլ ինձ շատ բան սովորացրին: Ես գիտեմ հիմա, որ երբ կինը չի ուզում, չի ստացվում, արհեստական ա լինում. եթե մի բան անում ես, պիտի լավ անես: Ես դա եմ հավանում ԿՏՍՄ-ի մեջ, որ էս զզվելի, բրուտալ ու տգեղ մարդը սեքս չուզենա կնոջից, այլ ուզենա պարզապես խաղալ: Այ մարդ, ուրախա´ցա:
Լուսինե Վայաչյան
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.