29.09.2024 | 20:03
Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսե...09.09.2024 | 12:51
Խնդրում ենք ընթերցողների ներողամտությունը26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...Էսօր կխոսեմ Femdom՝ Կանացի տիրապետության հարաբերությունների մասին: Սկսելով իմ ու Ստեֆանի բարդ ու մճճված հարաբերություններից, պիտի ձեզ բացատրեմ ստրուկի ու տիրուհու տարբեր հարաբերությունները, հատկապես կխոսամ Femdom-ի մասին, որը ԿՏՍՄ-ի մաս է, բայց որը կարող են սովորական զույգերն էլ կիրառել:
Ես բախտավոր եմ, որ հանդիպեցի Ստեֆանին: Օրեցօր մտածում եմ նրա մարմնի մասին, ամբողջ մարմնի, որից շատ գնահատում եմ նրա նուրբ մաշկը: Մի ծիծաղեք, առաջին անգամ իմ կյանքում ես գնահատում եմ տղամարդու հետույքը: Տանջամն ընթացքում մի անգամ ուշադրություն դարձրեցի հետույքին, դրանից հետո հետույքի էսթետիկան սկսեց ինձ դուր գալ:
Աստված ամեն մարդու յուրահատուկ լավ բաներ է տվել, մեկ ուրիշին՝ ուրիշ լավ բան, որպեսզի նրանք, ովքեր բուժման կարիք ունեն կարողանան էն մարդկանց օգնությամբ բուժվել: Մարդկությունը մի մեծ «puzzle» է, փոքր կտորիկներից կազմվելիք մի պատկեր, որի կտորներն ենք մենք, իսկ գտնում ենք հատկություններ ուրիշների մեջ, որոնք մեզ կապում են իրար: Ես էլ, Ստեփանի մոտ բուժվում եմ մարմինների հանդեպ իմ վախերից: Իսկ բուժվում եմ տղամարդկանց բռնակալ բնույթի վախերից:
Ես տղամարդկանց հետ շատ պրոբլեմներ ունեմ, իսկ ինքն ինձ հանդարտացնում ա: Չգիտեմ հաստատ, բայց ինքն էլ իմ օգնությամբ մի այլ բանից է երևի թե բուժվում: Հաստատ որպես տիրուհի՝ այո, բայց որպես Լիլիթ, ես ինչո՞վ եմ իրեն օգուտ տալիս: Իմ նորմալ դերի մեջ, նորմալ Լիլիթն իրեն լավ բան տալիս՞ է: Ես բավականին անվստահ եմ ինձ զգում, ո՞նցը լինեմ իր հետ, երբ ես Լիլիթ եմ, իսկ ո՞նց, երբ տիրուհի եմ: Իսկ էս հակասականությունն առաջացավ Femdom հարաբերությունների փիլիսոփայության կոնտեքստի մեջ:
Ամեն ինչ սկսվեց, երբ Ստեֆանը սկսեց ինձ զանգել: Ես էլ գժվեցի: Շատ երկար ժամանակ է, որ էլ իրար հետ շատ քիչ ենք խոսում: Չգիտեմ իրա հետ ինչ ա կատարվում, չի զանգում, SMS գրում եմ հաճախ չի էլ պատասխանում: Իսկ երբ պատասխանում ա, ասում ա «Ուզում եմ միշտ քեզ հետ լինել, քեզ հետ անցկացնել ժամանակս, բայց միայնությունն ինձ անհրաժեշտ է, ուզում եմ մեր մեջ տարաձայնություններ լինեն, այո, ուզում եմ մոտս լինես, բայց գործս շատ բարդ ա, չեմ կարա, կներես, գործս շատ է ինձ տանջում»: Մեկ-մեկ ուրախ գրում ա՝ «Գնա՞նք ռեստորան», հետո էլ փոշմանում: Կարո՞ղա վախենում ա Տիրուհու հետ հարատև ու լուրջ հարաբերություններ ունենալ, կամ էլ վախենաւմ ա, որ Լիլիթը բավականին նորմալ աղջիկ ա՞: Կամ էլ երկուսն էլ:
Մենք, կանայքս, շատ յուրահատուկ ենք, որովհետև միշտ համոզված ենք, որ ոչ մի բան էլ չենք տալիս տղամարդուն, բացի մեր ֆիզիկական գործից՝ տնարարությամբ, երեխա ունենալով՝ կամ էլ՝ սեքսով, որը էլի մարմնի գործն ա: Մենք գործավար ենք, բայց ոչ Մարդ Բանական, իսկ կարևոր է, որ սիրո մեջ գտնես մարդկություն, իսկ մարդկության մեջ՝ սեր: Չնայած որ ինքն ինձ հիմա գժվացնում ա, ես գիտեմ, որ Ստեֆանի մոտ շատ յուրահատուկ սեր ա՝ ընկերության նման մի բան, բայց սեքսուալ հետևանքներով ու համեմունքներով, որի մեջ ես եմ դոմինանտը:
Ինչպես արդեն գիտեք, Ստեֆանը խմում ա կամ էլ սաղ օրն աշխատում: Մի պահ իրա հետ տիրուհու պես էի խոսում՝ մի քիչ կոպիտ, հետո սկսեցի նորմալ խոսալ՝ Լիլիթի պես: Կարո՞ղ ա վախեցել ա Լիլիթից իրոք: Կարծում եմ, իրա մոտ էմոցիոնալ պրոբլեմներ կան: Լիլիթն իրան թողնում ա լինի ոնց ինքը կա, չի սահմանափակում իրա զգացմունքները: Տիրուհին խանգարում ա, ասում ա ինչի՞ ես սառը, ինձ խմի´չք բեր, մազերդ լա´վ չես սանրել, փո´ղ տուր, մի´ խոսա, և այլն…
Կարծում եմ, որ ամենալավ պայմանները կլինեն, որ ինքն ունենա իսկական տիրուհի, ուրիշ խոսքով, որ ունենա տիրուհի, որն իրեն նաև ընկերուհի կլինի 24 ժամ: Տիրուհի-ընկերուհի: Ինքը կարիք ունի, որ իրան միշտ ուղղություն ցույց տաս: Չի կարողոնում իսկական ընկերուհի ունենալ, որովհետև Աստծո կողմից նեղված մարդ ա, չի հասկանում որ, ընկերուհու կարիք ունի, նույնիսկ եթե ֆիզիկական թերություններ ունի՝ փոքրիկ առնանդամ, չի գնահատում քո մղումը իրան օգնելու:
Մարդը տարբեր պատճառներ ունի, թե ինչի ա ուզում տիրուհի ունենալ: Կան, որ ուզում են Տիրուհին վրաները գոռա, կան, որ չեն ուզում գոռա, ուզում են գեղեցիկ ու բարի կին, որն իրանց կտանջի: Ամենաչարից ամենաբարին: Բայց էդ Տիրուհին ա, չեն ուզում, որ իսկական, «ոչ տիրուհի» կինն իրանց վրա գոռա: Կարծում են, տիրուհու ուժն էնա, որ ինքը թատրոնի դերասան ա, ուրիշ բառերով ու Տիրուհի լինելն իրեն թույլ ա տալիս վարվել ուզածի պես: Որոշել եմ, որ պիտի փորձեմ նոր կնոջ դերեր:
Շարունակելի
Լուսինե Վայաչյան
Թեև ոստիկանների տոնը վաղն է, բայց ոստիկանությունում արդեն այսօրվանից տոնական տրամադրություն է տիրում: Վաղվա տոնակատարությունները սկսվելու են շքերթով: Հայ ոստիկանների տոնին մասնակցելու է եկել Ռուսաստանի Դաշնության պատվիրակությունը` բանակի գեներալ, Ռուսաստանի ներքին գործերի նախարար Ռաշիդ Նուրգալիևի գլխավորությամբ, Ուկրաինայի պատվիրակությունը ներկայացված է ներքին գործերի նախարարի առաջին տեղակալով, Բելառուսի պատվիրակությունը չի եկել Մինսկի մետրոյի տեռորիստական ակտի պատճառով: ՀՀ ոստիկանների հետ տոնելու են եկել նաև ԼՂՀ ոստիկանները:
Իսկ այսօր ոստիկանության ղեկավարությունը հավաքվել էր` շնորհավորելու, պարգևներ հանձնելու ու ստանալու: Ոստիկաններին շնորհավորելու էին եկել ՀՀ վարչապետ Տիգրան Սարգսյանը, Ազգային անվտանգության խորհրդի քարտուղար Արթուր Բաղդասարյանը: Ներկա էր անգամ ԱԱԾ տնօրեն Գորիկ Հակոբյանը: Իսկ ահա դատախազության ու պաշտպանության նախարարության առաջին դեմքերը ներկա չէին և շնորհավորանքներն ու նվերները հանձնեցին տեղակալների միջոցով. դատախազությունից եկել էին Մնացական Սարգսյանն ու Արմեն Դանիելյանը, իսկ ՊՆ-ն ներկայացնում էր գլխավոր շտաբի պետ Յուրի Խաչատուրովը: ՊՆ-ի և ոստիկանության միջև առանձնապես խնդիրներ չեն լինում, եթե չասենք՝ չեն էլ կարող լինել. այնպես որ Սեյրան Օհանյանի բացակայությունը նորմալ ընկալվեց, մինչդեռ գլխավոր դատախազի բացակայությունը փոքր-ինչ կասկածների տեղիք տվեց` կապված Գառնիկիչի և Սերգեյիչի միջև առկա հակասության վերաբերյալ չդադարող խոսակցությունների հետ:
Սակայն պարզվեց, որ այս անգամ այդ դեպքը չէր, և նույնիսկ նախորդ օրվա վատառողջությունը չէր հարմար պատրվակ ծառայել Աղվան Հովսեփյանի համար` Ալիկ Սարգսյանի հետ հրապարակավ ջերմություն խաղալուց խուսափելու համար (դատախազի վատառողջության մասին անձամբ ոստիկանապետը հայտնեց): Գլխավոր դատախազն ու պաշտպանության նախարարը Հայաստանում չէին, նրանք մեկնել են Ղարաբաղ` մասնակցելու ԼՂՀ ներքին գործերի նախկին նախարար Արմեն Իսագուլովի որդու հուղարկավորությանը: Այնպես որ, այս օրը, բարեբախտաբար, հակասությունները սրելու օր չդարձավ: Հատկապես որ եկել էր անգամ ԱԱԾ տնօրենը: ԱԱԾ-ից ոստիկանապետը կրծքանշան ստացավ. ԱԱԾ-ն լուրջ կառույց է, և այստեղից կրծքանշան ստանալն էլ մեծ բան է: Արտակարգ իրավիճակների նախարար Արմեն Երիցյանը, շնորհավորելով ոստիկաններին, նրանց դիմեց «հարգելի հարազատներով»: Փրկարարի տոնին Ալիկ Սարգսյանն էր իր նախկին տեղակալին շքանշան տվել, ոստիկանի տոնին` Երիցյան-նախարարը պարգևատրեց արդեն նույն նժարի վրա գտնվող գործընկերոջը:
Ոստիկանության տոնի առիթով կազմակերպված հանդիսավոր նիստին ներկա էին կառույցի բոլոր բարձաստիճանները: Հովհաննես Վարյանն անընդմեջ ասում էր` «ինձ մի´ նկարեք, իրան նկարեք»` մատնացույց անելով Ներսես Նազարյանին: Նազարյանը բարեսրտորեն ժպտում էր, բայց հայացքի մեջ զգացվում էր մի տեսակ անհարմարություն (ժողովրդի լեզվով ասած՝ մանթո). պատճառը, հավանաբար, ոստիկանապետի երեկվա դիտողություններն էին, թե՝ լավ բան չի պաշտոնիս վրա աչք գցելը: Մի խոսքով, ներկա էին բոլորը, տրամադրությունը հանդիսավոր էր, բայց այդքան էլ չի կարելի տոնական ասել, մի տեսակ լարվածություն էր զգացվում բոլորի մեջ:
ԱՄՆ նախկին պետքարտուղար Քոնդոլիզա Ռայսը կխաղա հայտնի ամերիկյան 30 Rock սերիալում, որտեղ կմարմնավորի ինքն իրեն` որպես Ալեք Բոլդուինի հերոսի ընկերուհի: Այս մասին հաղորդում է The Huffington Post-ը:
Շատ երկար ժամանակ Ալեք Բոլդուինի հերոսն անընդհատ հիշատակում էր Քոնդոլիզա Ռայսի անունը:
30 Rock սերիալի հեղինակ Թինա Ֆեյը հայտարարել է, որ ամենամոտ ապագայում Ռայսն արդեն կհայտնվի սերիալում: Ավելի վաղ այդ ֆիլմում նկարահանվել է նախկին փոխնախագահ Ալբերտ Գորը, որը նույնպես մարմնավորել է ինքն իրեն:
Ըստ թուրքական «Դողան» գործակալության, Թուրքիայի արտգործնախարարության միջնորդությամբ՝ Տրապիզոնի ոստիկանական բաժանմունք հաղորդագրություն է ուղարկվել, որի համաձայն, հայտնի կավատ Գոհար Կիրակոսյանը պատրաստվում է հայաստանցի աղջիկների նոր խումբ տեղափոխել Թուրքիա։
Հայաստանից Թուրքիայի իրավապահ մարմիններին հաղորդագրությունն ուղարկել է Հայաստանում գործող «Հույս և օգնություն» հասարակական կազմակերպության նախագահ Ենոք Շատվորյանը։
Ըստ թուրքական լրատվամիջոցի՝ Շատվորյանը, վկայակոչելով հետախուզության աղբյուրները, տեղեկացրել է թուրք իրավապահներին, որ ներկա պահին «Վերջին տիրուհի» մականունով հայտնի կավատ Գոհարն աշխատանքներ է իրականացնում վաճառելու նպատակով Հայաստանից Թուրքիա աղջիկներ տեղափոխելու ուղղությամբ։
«Տեղեկություն է ստացվել, որ նա այստեղ աշխատանքներ է իրականացնում հայ աղջիկներին խաբեությամբ Թուրքիա տանելու և նրանց մարմնավաճառության պարտադրելու ուղղությամբ»,– ասված է հաղորդագրության մեջ։
Ենոք Շատվորյանի ղեկավարած հասարակական կազմակերպությունը զբաղվում է թրաֆիքինգի խնդիրներով: Մեզ հետ զրույցում նա ժխտեց, թե ինքը դիմել է Թուրքիայի որևէ կառույցի, միաժամանակ շեշտեց, որ թուրքերը մեր հարևաններն են, և հենց իրենք են դիմել «Հույս և օգնություն» ՀԿ-ին՝ տվյալներ ստանալու նկատառումով, ինքն էլ տրամադրել է: Այս շատ հետաքրքիր դրվագը, սակայն, Շատվորյանը չմանրամասնեց. թե ինչպես է եղել, որ հենց իրեն են դիմել մեր հարևանները: Եվ արդյո՞ք հասարակական հիմունքներով գործող կազմակերպությունն իրավունք ունի տրամադրելու իրավապահ ոլորտին վերաբերող տվյալներ: ՀԿ-ն է եղել դիմողը, թե՞ տեղեկատվությունն է սխալ: Մի խոսքով, նա ասաց միայն, որ թուրք իրավապահները Թուրքիայի քաղաքացիություն ունեցող կավատ Գոհարի հանցավոր խումբը բացահայտել էին դեռևս 10 ամիս առաջ։ Կավատի համար աշխատող 15 կանայք, ըստ պաշտոնական վարկածի, արտաքսվել էին Թուրքիայից, իսկ Գոհար Կիրակոսյանը ձերբակալվել էր և երկու ամիս կալանված մնալուց հետո՝ ազատ արձակվել։
Շատվորյանը տեղեկացրեց, որ «տիրուհի» Գոհարի զոհերը, ըստ իրավապահների տվյալների, արտաքսվելուց հետո Հայաստան չեն հասել. Քանի որ որևէ սահմանային մաքսակետում նրանց անցումը ձևակերպված չէ: Ինքը՝ Շատվորյանը, կավատի որոշ զոհերի հետ նախկինում առնչվել է:
Իսկ ահա Կիրակոսյանի վերաբերյալ մեզ որոշ տվյալներ փոխանցեցին ոստիկանությունից: Պարզվում է, կավատության մեղադրանքով նրա նկատմամբ հետախուզում է հայտարարվել Հայաստանում, հետո «տիրուհին» ձերբակալվել է Թուրքիայում, և քանի որ նա այդ երկրի քաղաքացի է, չեն հանձնել Հայաստանին, այլ հենց Հայաստանից են նրան առնչվող գործը թարգմանել և ուղարկել Թուրքիա: «Կավատը Հայաստանում չի եղել»,- ասացին ոստիկանության համապատասխան բաժնից:
Ստացվում է, որ կավատն այսօր էլ անարգել աշխատում է, երկրից երկիր մարդիկ է հավաքագրում, տեղափոխում Թուրքիա, դեռ մի բան էլ մեր ՀԿ-ն՝ ի դեմս Շատվորյանի, զգուշացում է ուղարկում հարևան երկրին, թե խումբ են բերում ձեզ մոտ, իսկ մեր իրավապահները կարծես ուղտի ականջում քնած լինեն: Մինչդեռ հավաքագրումը տեղի է ունենում Հայաստանում, տանում են մե՛ր կանանց ու աղջիկներին… Փաստորեն՝ ինչ-որ ցանց է գործում, հետո՞ ինչ, որ «տիրուհի» Գոհարը Հայաստանում չի լինում: Նա փաստացի գործում է մեր երկրի տարածքում և գուցե գործում է բարձր հովանու՞ ներքո:
Ռուզան Ավոյան
«Ներողություն ենք խնդրում, բայց ապրիլի 15-ին մենք անհասանելի կլինենք աշխարհի համար: Մենք չենք պատասխանի հաղորդագրություններին, զանգերին, որևէ ակտիվություն չենք ցուցաբերի և որևէ ծառայություն չենք մատուցի: Ապրիլի 15-ին մենք լռություն կպահպանենք», — այսպիսի հաղորդագրություն է տարածել Հանրային տեղեկատվություն և գիտելիքի կարիք (PINK Armenia) ՀԿ-ն, որը զբաղվում է սեռավարակների կանխարգելմամբ, մարդու իրավունքների պաշտպանությամբ և գենդերային հիմնահարցերով:
ԱՄՆ-ում GLSEN-ի ցանցի հովանու ներքո 1990 թվականից անցկացվող լռության ազգային օրվա («Լռության օր») ընթացքում, որն ավանդաբար անցկացվում է ապրիլ ամսվա երրորդ ուրբաթ օրը, ուսանողներն ու աշակերտները, ինչպես նաև ԼԳԲՏ (լեսբուհիներ, միասեռականներ, բիսեքսուալներ և տրանսգենդերներ) համայնքի բոլոր բարեկամներն ու ընկերները լռում են՝ ուշադրություն հրավիրելով հակաԼԳԲՏ, հոմոֆոբ գործողություններին` մականուններ դնելուն, ձեռ առնելուն, բանսարկություններին, բարոյական ու ֆիզիկական բռնությանը: Հիմնականում միջին և ավագ դպրոցների աշակերտներն ու ուսանողները տարբեր ձևերով լռության ծոմ են պահում` փորձելով դպրոցում՝ համադասարանցիներին, համալսարանում՝ համակուրսեցիներին խրախուսել` անդրադարձ կատարելու իրենց հակաԼԳԲՏ վարքագծին, ԼԳԲՏ մարդկանց նկատմամբ իրականացվող հետապնդումներին և դպրոցներում ու համայնքներում պահանջում բարեփոխումներ: Այս միջոցառումը կազմակերպվում է` ներկայացնելու համար ԼԳԲՏ և ԼԳԲՏ ընկալվող ուսանողների նկատմամբ գործադրված բռնության և ֆիզիկական ու բարոյահոգեբանական ճնշումների մասին լռություն պահպանելու ազդեցությունը:
Մամիկոն Հովսեփյան (PINK Armenia նախագահ)
— Անցյալ տարվա այս օրը համընկել էր ոստիկանության օրվա հետ, բավականին անախորժ վիճակ էր ստեղծվել: Հարգելի ոստիկաններ, պետք չէ փոխել ձեր օրը, սա լողացող օր է՝ ամեն երրորդ ապրիլյան ուրբաթ: Ինչ վերաբերում է բուն ակցիային, ապա մենք որոշեցինք, որ ԼԳԲՏ պրոբլեմների վրա ուշադրություն հրավիրելու լավագույն տարբերակն այդ օրը ամբողջ կոլեկտիվով լռելն է: Եթե հասարակությունը ավելի տոլերանտ լիներ, գուցե հնարավոր կլիներ ավելի ցայտուն անել այդ ամենը: Բայց հանդուրժողականության այս մակարդակը, վախենամ, մարդկանց մոտ ավելի շուտ ագրեսիա առաջացնի: Ակցիայի նպատակն է նպաստել նոր, աճող սերնդի իրենցից տարբերվողի նկատմամբ հանդուրժողականության բարձրացմանը:
— Ի՞նչ խնդիրներով են ձեզ մոտ գալիս հիմնականում:
— Հիմնականում իրավապահ մարմինների հետ են պրոբլեմներ ունենում, ընտանիքում իրենց չեն ընդունում այնպիսին, ինչպիսին իրենք կան, ծնողների հետ կապված խնդիրներով են դիմում: Լինում են դեպքեր, երբ մարդիկ գալիս են ինքնասպանության եզրին հասած, մենք փորձում ենք օգնել: Գալիս են՝ բողոքում այն դասախոսներից, որոնք նկատել են կողմնորոշվածությունն, ու սկսվել են հետապնդումն ու ստորացումը, ինչը հենց դասախոսն է հրահրել ու խրախուսել: Ու ասում են՝ էմոներն ինքնասպան են լինում. ո՞վ է խորացել, էդ ինքնասպանները էմո սուբկուլտուրայի զո՞հն են, թե հասարակության անհանդուրժողականության… Ես դիմում եմ ծնողներին, ընդունեք նրանց՝ ինչպես կան, որպեսզի վաղը չփոշմանեք, երբ ձեր զավակը չդիմանա ճնշմանը, ձեր ներշնչած մեղքի զգացմանը: Կուզեի բոլոր անհանդուրժողական մարդկանց խնդրել՝ ավելի ըմբռնող ու հասկացող լինել. ոչ ոք չգիտի՝ իր ընտանիքում կա՞ արդյոք մեկը, ով սեռական փոքրամասնությանն է հարում, ոչ ոք չի կարող ասել, որ իր ընտանիքում էդպիսի բան չի կարող լինել: ժողովուրդը լավ է ասում. «Մուհալ մի արա, քթիդ կբուսնի»:
— Եթե մեր օրենսդրության մեջ կարողանայիք ինչ-որ բան փոխել, ի՞նչ կփոխեիք, որպեսզի ԼԳԲՏ մարդն իրեն ավելի պաշտպանված զգար:
— Կոնկրետ ոչ մի տեղ՝ իրավահավասարության մասին օրենքի հոդվածում, Սահմանադրության ոչ մի կետում, նույնիսկ 14-րդ հոդվածում նշված չէ «սեռական կողմնորոշում»:
Կարծում եմ, մեր երկրի նման երկրում ինչպես մշակվում են սեռական կամ ընտանեկան բռնության մասին օրենքների նոր նախագծերը, այդպես էլ պետք է սեռական փոքրամասնություններին վերաբերող օրենքներ լինեն: ԶԼՄ-ները հասարակական հզոր կարծիք ձևավորող ուժ են, ու նրանցից շատ բան է կախված: Բայց հաճախ հենց այնտեղից են ատելության կոչեր լսվում սեռական փոքրամասնությունների նկատմամբ: Իմ կարծիքով, ամբողջ աշխարհում ընդունված «Hate speach»-«Ատելության կոչ»-ի դեմ օրենք է պետք, որպեսզի հնարավոր լինի պատասխանատվության կանչել լրատվամիջոցին կամ ուղղակի որևէ մեկին, ով նման կոչ է անում:
Չնայած, մյուս կողմից, մարդիկ սովոր են, որ կառավարությունը վատն է, իշխանությունը վատն է, ու ինչ էլ անի այդ կառավարությունը՝ վատ է ընկալվում: Հիմա էս կազմով կառավարության ընդունած էդպիսի օրենքը ի՞նչ ընդունելության կարժանանա հանրության կողմից: Չեմ կարծում, թե՝ լավ. կսկսեն ասել՝ տեսեք, հիմա էլ գեյերին են պաշտպանում և այլն:
PINK Armenia-ի նախաձեռնած ակցիան իրենց գրասենյակից դուրս չի գալու, այլ միջոցառումներ չեն լինելու այս օրվա հետ կապված: Բայց ես հավատում եմ, որ կգա մի օր, երբ մեր բուհերում ու ավագ դպրոցներում նույնպես կանդրադառնան այդ խնդիրներին ու կփորձեն հանդուրժողականություն դաստիարակել գալիք սերնդի հոգեբանության մեջ:
Հաջորդ օրը լռությունը կկոտրվի «Ինչպես դու» էլեկտրոնային երկլեզու հանդեսի անդրանիկ համարի մեկնարկով, որն ընդգրկում է զանազան թեմաներ, դրանց թվում՝ նաև ԼԳԲՏ:
Լուսինե Վայաչյան
Շնորհավորելուց ու շնորհավորանքներ ընդունելուց հետո ՀՀ ոստիկանապետը հյուրերի հետ գնաց իր առանձնասենյակ, մի բաժակ բան խմեց, հետո իջավ լրագրողների հետ ճեպազրույցի, որի ժամանակ հերթական անգամ բավական հետաքրքիր մտքեր արտահայտեց. Ալիկ Սարգսյանն այս առումով պարզապես անկրկնելի է: Ոստիկանապետը խնդրեց բացառապես տոնին վերաբերող հարցեր ուղղել. «Խնդրում եմ, որ վաղվա ձեր մեկնաբանությունները գոնե բարի կամքով լինեն»: …Այնուամենայնիվ, որոշ հարցեր հնչեցին:
— Պարո´ն ոստիկանապետ, մամուլում տեղեկություններ են հայտնվել, որ Քննչական գլխավոր վարչությունից առնվազն 50-60 ոստիկաններ զգուշացրել են, թե դիմում կգրեն և դուրս կգան այն պատճառով, որ վերջերս կալանավորվել է ոստիկանության քննչական գլխավոր վարչության հատկապես կարևորագույն գործերով քննիչը: Ինչպե՞ս կմեկնաբանեք այս փաստը, և արդյո՞ք սա համապատասխանում է իրականությանը:
— Գիտե՞ք ինչ, տպավորությունը ստեղծվեց այն պահից, երբ քննիչի ձերբակալումից հետո քննիչները, որպես իրենց աշխատանքային ընկերոջ, բնականաբար, իրենց մտահոգությունն էին հայտնել, հավաքվել էին քննչական գլխավոր վարչությունում, պետի աշխատասենյակում, և տպավորություն ստեղծվեց, որ քննիչները ո´չ թե աղմուկի ձայն, ո´չ թե որ… չգիտեմ, դժգոհության արտահայտություն, ո´չ թե, որ ուզում են հրաժարվել իրենց աշխատանքից և այլն, և այլն: Ես հայտարարում եմ, այդպիսի բան չկա, չունենք որևիցե քննիչ, որ համապատասխան զեկուցագիր կամ դիմում է ներկայացրել աշխատանքից ազատվելու: Սա եղել է ուղղակի սովորական աշխատանքային քննարկում, որը, կարծում եմ, նույնպես բնական էր, քանի որ ձերբակալվել էր նրանց աշխատանքային ընկերը: Բայց երբ որ բացատրեցինք պատճառները, երբ որ հասկացան մարդիկ` ինչի համար ա, ինչի մասին ա խոսքը, նույն պահին ես կապվեցի դատախազի հետ, իմացա ավելի մանրամասներ, և կարծում եմ՝ նրանք ըմբռնումով մոտեցան: Բոլորը անցել են իրենց աշխատանքին: Այսպիսի նյութ, խոսակցություն, թեմա, երբևիցե չի եղել, ինչպես կոչում են հաճախ մամուլում` բունտ, հրաժարականներ և այլն:
— Պարո´ն Սարգսյան, այսօր Դուք ասել եք, թե կարծրատիպերը պետք է փոխվեն ոստիկանության հանդեպ. ինչպե՞ս եք պատրաստվում դա իրականացնել և կարո՞ղ եք նշել ինչ-որ ժամկետ:
-Գիտե՞ք, այսօր պատրաստվում ենք ամենօրյա մեր գործունեությամբ, այնպես չի, որ կախարդական փայտիկով միանգամից տպավորությունը կփոխվի ոստիկանության մասին: Ուղղակի ես ուզում եմ բոլորդ հիշեք, որ իրոք փոխվել է ոստիկանի կերպարը, որ նախկին Խորհրդային Միությանը ծառայող, այս հզոր կայսրությանը ծառայող միլիցիայի աշխատակիցը կտրականապես տարբերվում է այսօրվա ոստիկանից, որովհետև այսօրվա ոստիկանը ծառայում է մեր անկախ պետությանը, մեր հայրենիքին: Բոլոր ոստիկանները քաջ գիտակցում են, որ միայն պատժելով, մնացած բոլոր մեթոդներով, ինչպես ժողովուրդը մշտապես ընկալել է ոստիկանին, որպես պատժող մարմին, որպես բռնություն: Այսօր այս կերտվածքը, այս մոտեցումը աշխատանքային՝ չկա և ավելին՝ այս տրամադրությունն ու հոգեբանությունը ոստիկանների մոտ արմատախիլ է արվում ժամանակի ընթացքում: Թույլ տվեք ժամանակը կոնկրետ չնշել, ես ուղղակի նշեմ, որ տարեվերջում դուք կունենաք նոր ոստիկանություն, նոր գնահատումներով աշխատող, դրսևորվող ոստիկանություն, և ես ապագայում տեսնում եմ, որ շատ կարճ ժամանակ անց, ասածս հեռու սարերի հետևում չի, մեկ, երկու, երեք տարիների ընթացքում դուք կունենաք եվրոպական չափանիշներին համապատասխան, բայց հայկական, հայոց մտածելակերպով օժտված հայոց ոստիկանություն, որի հիմնական նպատակը կլինի նախ և առաջ ծառայել մեր ժողովրդին: Ուրիշ խնդիր մեր ոստիկանությունը չի հետապնդում: Դուք երեկվա նիստից հետո էլ տեսաք, որ արվում է ամեն ինչ, որպեսզի բոլոր կոռուպցիոն ռիսկերը նվազեցնեն, ինքնամաքրման այդ ամբողջ աշխատանքների հետ կապված, կարծում եմ, ոստիկանությունը ամենաակտիվն է, և մենք շատ կարճ ժամանակահատվածում մեր պետությանը, պետական ղեկավարներին, ժողովրդին կապացուցենք, որ մենք իրոք լի ենք վճռականությամբ և նոր քայլ ենք ուզում անենք Հայաստանի ոստիկանության կյանքում:
— Պարո´ն ոստիկանապետ, ինքնամաքրման մասին խոսեցիք: Այս ձերբակալությունները… եթե իսկապես նախագահի առաջադրած խնդիրը կատարվի, և համակարգը մաքրվի, մտավախություն չունե՞ք, որ ոստիկանությունը գուցե հայտնվի ճգնաժամի մեջ` կադրերի պատճառով, քանի որ, ամեն դեպքում, փորձառու ոստիկաններ են ձերբակալվում:
— Ես այդպիսի խնդիր չեմ տեսնում, ձերբակալված որևիցե ոստիկանի մասին այս պահին հայտարարություն անել չեմ կարող` հաշվի առնելով անմեղության կանխավարկածը. քննչական ծառայությունները զբաղվում են, և նրանց հանցանքը հիմնավորվելու դեպքում, միգուցե, ես առիթ կունենամ իմ խոսքն ասելու, այս պահին թողեք՝ թող քննությունը ավարտվի: Այնուամենայնիվ, ճգնաժամ կոչվածը ոստիկանությունում ես չեմ տեսնում, պրոֆեսիոնալ կադրեր մենք այս պահին բավականաչափ ունենք, այնպես չի, որ ոստիկանությունը գլխատվել և նորից սկսում է վերականգնվել, վերակառուցվել, մենք արմատական մոտեցում ունենք այս հարցին: Ինչ վերաբերվում է կադրերին, կադրերը մենք ունենք, կադրերի խնդիր այս պահին ընդհանրապես չկա, մեծ քանակությամբ դիմողներ ունենք ոստիկանություն ընդունվելու, մեծ քանակությամբ: Ես իմ հայտարարության համար պատասխանատու եմ, որովհետև նույն կադրերի վարչությունում մի քանի հարյուրի հասնող դիմումներ կան` բոլորը բարձրագույն մասնագիտական կրթությամբ, ինչու՞ չէ` տեխնիկական, մանկավարժական կրթությամբ, հոգեբանի մասնագիտությամբ, որի կարիքը այս պահին նույնպես ունենք մենք:
Կարծում եմ, մոտավորապես մեկ-երկու տարիների ընթացքում եթե պիտի ունենանք կադրային փոփոխություն, ապա լավ նկատառումներով` թարմացման, նորացման: Գաղտնիք չի, որ մեր երիտասարդ կադրերը այսօր լրացնելով մեր շարքերը՝ իրենց նոր խոսքն են ասում, նրանց հետ ավելի հեշտ է: Նույն ակադեմիայի հետ կապված, որը այս կրթական բարեփոխումների արդյունքում կլինի բոլորովին այլ ուսումնական ձեռնարկություն, տալիս է մասնագետներ իրավաբանի որակավորմամբ, որոնք որևիցե կերպ չեն զիջում Հայաստանի պետական համալսարանի իրավաբանական ֆակուլտետի շրջանավարտներին` իրենց գիտությամբ, իրենց բանիմացությամբ և իրենց տարբեր որակներով (հաշվի առնելով իրավաբանականի այսօրվա որակը՝ ոստիկանապետի ասածը այդքան էլ հեռու չէ ճշմարտությունից. գոնե հաբռգածության առումով ոստիկանական ակադեմիայի սաները շատ ավելի պարկեշտ կլինեն- Լ.Կ.), որ իրավաբանի մասնագիտությանը զուգահեռ ձեռք են բերում նաև ոստիկանությանը հատուկ մասնագիտական գիտելիքներ, որոնք մեր ծառայությունում խիստ անհրաժեշտ են: Կադրերի հետ կապված ես այսօր որևիցե խնդիր չեմ տեսնում, և այն ժամանակավոր, մի պահ ստեղծված տպավորությունը, որ կադրերի այս արագ փոփոխությունը կարող է ճգնաժամ առաջ բերել, այս պահին ես իմ խորին համոզմունքն եմ հայտնում, որ ոստիկանությունում ճգնաժամ չի լինի, մանավանդ` կադրային:
— Ի՞նչ է նշանակում ինքնամաքրում, ի՞նչ չափանիշներով եք առաջնորդվում ինքնամաքրվելիս, և դա նշանակու՞մ է արդյոք, որ առաջիկայում ևս կլինեն աղմկահարույց բացահայտումներ:
— Ես չեմ ուզում այս պահին տխուր կանխատեսումներ անել, պարզապես ուզում եմ ասել, որ տպավորություն չստեղծվի, թե կան հատուկ կազմակերպություններ, կառույցներ, որոնք հատուկ զբաղվում են ոստիկանության գործունեությամբ և հայտնաբերում են այս նեգատիվը, և որ ոստիկանությունը անմասն է մնացել: Այսպիսի դեպքերի մեծամասնությունը` 60-70 տոկոսը, հայտնաբերվել են ոստիկանության կողմից, ոստիկանության ծառայությունների կողմից, և մենք հայտարարում ենք, որ այս խստացումը նպատակաուղղված է և կնպաստի, որպեսզի ոստիկանությունը նորովի գործի, և էս տիպի գործերը հիմնականում հայտնաբերում ենք մենք ինքներս: Կան թերություններ, որոնք տարբեր տույժերի են արժանանում ոստիկանության պետի կողմից հիմնականում և, ինչու՞ չէ, ազատվում են զբաղեցրած պաշտոնից, պաշտոնին ոչ լրիվ համապատասխանելիության մասին նրանց հայտարարվում է, տարբեր կարգապահական տույժեր, նկատողություններ, խիստ նկատողություններ, բայց դրանից բացի, ամենավտանգավորն այն է, որ հաճախ ոստիկանությունում թույլ են տալիս խախտումներ, որոնք համարվում են քրեորեն պատժելի արարք, որի կապակցությամբ շատերը հայտնվում են դատարանի առջև: Այս ամենը ես ցավով եմ հայտնում, որովհետև հասկանում եմ, որ ցանկացած պրոֆեսիոնալ ոստիկանի կորցնելն այս պահին մեր շահերից չի բխում: Հիմա ուղղակի կհասկանան, որ ոստիկանության ղեկավարության վերաբերմունքը, պահանջները փոխվել են, շատ ավելի խստապահանջ են դարձել և սխալներ թույլ չտան այլևս:
— Պարո´ն ոստիկանապետ, իսկ վերջին ձերբակալությունները չե՞ն կարող արդյոք մթագնել ձեր տոնը:
— Չի կարելի մտածել, որ մենք խաղաղությամբ ենք անցնում մեր ճանապարհը, չի կարելի մտածել, որ մեր անդորրը այն աստիճան խաղաղ է, որ… Ճիշտ է, տրամադրության ինչ-որ անկում կլինի, ում մասին որ խոսում եք, դրանք մեր աշխատանքային ընկերներն են եղել, բնականաբար, շատ ցավալի է մեզ համար: Բայց որ ընդհանուր համակարգի այս բազմահազարանոց կոլեկտիվի վրա այս դեպքերը որևիցե լուրջ ազդեցություն ունենալ չեն կարող, և որի իրավունքը մենք չունենք, որ այն աստիճան խորը ընդունենք, որ գոնե բիծ թողնի: Մենք էդ իրավունքը չունենք: Ես արդեն հորդորել եմ, որ չհուսահատվեն, այսօրվա դժվարություններից չբարոյալքվեն, նկատի ունեմ սոցիալական դժվարությունները, որոնք լուրջ խնդիր են այսօր ցանկացած ոստիկանի համար: Ես նկատի ունեմ իրավական պաշտպանվածության ամբողջ դաշտը, որը ոստիկանները չեն կրում ամբողջապես և գրեթե պաշտպանված չեն: Ես նկատի ունեմ այն բոլոր դժվարությունները, որ ի հայտ են գալիս այսօրվա բարեփոխումների ընթացքում: Հարգելի´ լրագրողներ, խնդրում եմ, մեր համար ուղղակի անհոգ մնացեք: Շատ շուտով դուք էլ ձեր տրամադրվածությունը կփոխեք, և այն կասկածամտությունը, որ տեսնում եմ ձեր աչքերում, կվերանա, որովհետև կտեսնեք բոլորովին նոր ոստիկանություն: Ես ոստիկանի մասնագիտությունը սիրում եմ բոլոր մասնագիտություններից շատ: Ոստիկանները, չնայած կորուստներին, որ ունենում են, մի առավելություն ունեն` մարդ ճանաչելն է: Ոստիկանների օբյեկտը մարդն է, ամենօրյա աշխատանքի հերոսը մարդն է՝ ավելի շատ, քան մյուս մասնագիտությունների մոտ: Մարդ կոչվածով զբաղվում են ոստիկանները, և հիմա մենք սիրով ենք զբաղվում մարդով: Մենք սիրով ենք զբաղվում մարդով: Ես նկատի չունեմ հանցագործներով:
— Պարոն Սարգսյան, արդեն շուրջ 3 տարի է՝ Դուք ոստիկանապետ եք: Ալիկ Սարգսյան-ոստիկանապետը ինչո՞վ է առանձնանում մյուս ոստիկանապետերից: Ասենք, Վանոն հայտարարեց, թե Հայաստանի միակ գողը ես եմ և էդպես մնաց մարդկանց հիշողության մեջ: Դու՞ք:
— Իմ մասին ես այս պահին կարծիք չեմ հայտնի, կարծում եմ՝ կոռեկտ չէ: Ես կարծում եմ, որ իմ հնարավորության սահմաններում, ինչքան կարողացել եմ, իրագործել եմ խնդիրը, որը դրված է եղել իմ առջև: Բնականաբար, միայնակ մարդը ոստիկանությունում ոչինչ չարժի: Ինչի հասել եմ, ես հասել եմ իմ գործընկերների, իմ կառույցի հզորության, կառույցի հնարավորությունների արդյունքում: Միայն հանցավորության դեմ պայքարն ու հասարակական կարգը բավական է, որ ոստիկանությունը ունենա հնարավորություններ էս կյանքում մեր երկրի սոցիալ-տնտեսական, հասարակական, քաղաքական կյանքում իր անհրաժեշտ դրսևորումն ունենա: Իմ նախորդների հետ կապված որևիցե խնդիր նույնպես չեմ առաջադրում, որովհետև բոլորն են աշխատել հատուկ նվիրումով: Հնարավոր չի աշխատել ոստիկանությունում, այն էլ` ոստիկանության պետ և չունենալ էդ ձգտումը, էդ նվիրումը, սերը դեպի էս համակարգը: Այլապես չսիրելով, չնվիրվելով, մոլուցքի աստիճան սիրո վերաբերմունք չունենալով դեպի ոստիկանը և նրա համազգեստը, ոստիկանության պետ աշխատելը, կարծում եմ, հարիր չի, նույնիսկ պատժելի է: Ոստիկանության պետը պիտի ապրի էս համակարգով, համակարգի ցանկացած աշխատակցի կյանքով: Հավատացնում եմ, ես ապրում եմ, ես սիրում եմ էս համակարգը և անելու եմ ամեն ինչ, եթե նույնիսկ հարցը վերաբերվի առողջությանս, դա էլ չեմ խնայելու, որովհետև էսօր մի շատ կարևոր նպատակ ունեմ, որ ցանկացած ոստիկան հպարտ դուրս գա փողոց, որ ցանկացած ոստիկան մարդուն վայել ապրելու հնարավորություն ունենա, որ ցանկացած ոստիկան՝ էն էնտուզիազմից բացի, որ ունի, մի բան էլ հասկանա, որ ինքը գնահատված է: Մենք էդ օրերը ունեցել ենք և էլի շատ կունենանք:
Շարունակելի…
ԼՈՒՍԻՆԵ ԿԵՍՈՅԱՆ
Ավստրիական զույգը «մերկ» հարսանիք է կազմակերպել: Պսակադրության հանդիսավոր արարողությանը նրանք ներկայացել են մերկ. փեսան՝ միայն գլխարկով, հարսը` կոշիկներով և քողով: Արարողությունը տեղի է ունեցել Ֆելդկիրհ քաղաքում:
Նորապսակները հայտարարել են, որ իրենք պարզապես ցանկացել են, որ իրենց հարսանիքը անսովոր և հիշարժան լինի:
«Մենք չէինք ամաչում, ուզում էինք, որ մեր հարսանիքը տարբերվի ավանդական հարսանիքից: Դրանից բացի, մենք հարսանյաց հագուստի վրա գումար չծախսեցինք»,- ասել են նորապսկաները:
Մեկ տարվա ընթացքում ռուսաստանցի միլարդատերերի քանակը 62-ից հասել է 101-ի:
Այս մասին հայտնել է Ամերիկյան հեղինակավոր Forbes ամսագրի ռուսական տարբերակը՝ Forbes Russia-ն, հրապարակելով է ռուսաստանի 200 ամենահարուստ մարդկանց վարկանշային աղյուսակը: Նրանց ընդհանուր կարողությունը կազմել է մոտ 0.5 տրլն դոլար, որից 432 մլրդ դոլարը ցուցակի առաջատար 100- անձանցն է։
Աղյուսակում առաջին տեղում Վլադիմիր Լիսինն է՝ 24 մլրդ դոլարով, նրան հետևում է Ալեքսեյ Մորդաշովը (18.5 մլրդ դոլար) և Միխայիլ Պրոխորովը (18 մլրդ դոլար): Մեկ տարվա ընթացքում ամենամեծ աճն արձանագրել է Ալիշեր Ուսմանովը՝ 10.5 մլրդ դոլարից իր կարողությունը հասցնելով 17.7 մլրդ դոլարի, ինչը Forbes Russia-ի վերլուծաբանների կարծիքով պայմանավորված է ինտերնետի և մետալուրգիայի ոլորտում նրա ունեցած բաժնետոմսերի գների աճով:
Ռուսաստանի ամենահարուստ հայերի հետ կապված պատկերը գրեթե չի փոխվել. նախկինի պես նրանք ապահովագրական ոլորտից են:
Forbes Russia-ն Ռուսաստանում միևնույն՝ 1.5 մլրդ դոլար ցուցանիշով ամենահարուստ հայեր է ճանաչել ապահովագրական ոլորտը ներկայացնող միանգամից երեք բիզնեսմենի՝ Նիկոլայ և Սերգեյ Սարկիսով եղբայրներին՝ «Ռեսո Գարանտիա» ապահովագրական ընկերության հիմնական բաժնետերերին (նախորդ տարվա կարողությունը՝ 950 մլն դոլար) և Դանիլ Խաչատուրովին՝ «Ռոսգոսստրախ» ընկերության հիմնական բաժնետիրոջը (նախորդ տարվա կարողությունը՝ 1.2 մլրդ դոլար):
Նրանց հետևում է «Տաշիր» գրուպի սեփականատեր Սամվել Կարապետյանը՝ 1.4 մլրդ դոլար ունեցվածքով, նրա կարողությունը գրեթե կրկնապատկվել է. (նախորդ տարի գործարարի կարողությունըկազմել է 750 մլն դոլար):
Forbes Russia-ն ՍամվելԿարապետյանի վերաբերյալ տեղեկանքում մանրամասնել է, որ 1991թ. Կարապետյանի և նրա ընկերների նախաձեռնությամբ Հայաստանի Կալինինո քաղաքը վերանվանվել է Տաշիր, ինչպես նաև, որ միլիարդատիրոջ եղբայրը ղեկավարում է ՀՀ նախագահի աշխատակազմը:
Աղյուսակի 180-րդ հորիզոնականում է հայազգի գործարար՝ Ռուբեն Վարդանյանը, որի կարողությունը գնահատվել է 0.5 մլրդ դոլար: Ի դեպ նրա նախորդ տարվա կարողության մասին տեղեկատվությունը բացակայում է:
Քաղաքապետի մասին եմ ուզում գրել, որպես քաղաքացի ու բարեկամ: Քաղաքապետի 100 օրը լրացավ այս շաբաթ, ու կարելի է քիչ թե շատ պատկերացում կազմել Կարապետյանի ընտրած աշխատանքային ոճի մասին: Էդ մարդը փորձում է գործ անել, նոր մոտեցումներ է ցուցաբերում աշխատանքին, բայց ուր նայում ես՝ մենակ փնովում են: Մարդուն պետք է գովես, լավը տեսնես՝ ավելին, քան կա կամ կարող է լինել. որովհետև եթե դու մարդու լավն ես տեսնում, նա ուզում է լավ բաներ արած լինի, լավը լինի իրականում: Սա անժխտելի ճշմարիտ աշխատող տեխնոլոգիա է մարդկային ռեսուրսների որակների կարգավորման մետաֆիզիկական ոլորտից:
Չնայած հակասական է Կարապետյանի մոտեցումը, ու նրա գործողություններն էլ հակասական են ընկալվում: Մի կողմից՝ արգելելով փողոցային առևտուրը, մարդկանց թողեց առանց ապրուստի միջոցի, մյուս կողմից՝ վերանում են տհաճ կրպակները, միաժամանակ չես կարողանում հասկանալ, թե ինչ սկզբունքով. եթե վերացնում է բոլոր անշնորհք, մայրաքաղաքն այլանդակող կրպակները, ապա ինչո՞ւ է դա անում ընտրովի: Ինչո՞ւ, օրինակ, Աբովյան փողոցի կրպակները չեն վերացնում, չէ՞ որ դա քաղաքի դեմքն է՝ էդ փողոցը: Մի կողմից՝ հավաքում է Օպերայի բակի փչովի այլանդակությունները, մյուս կողմից՝ իր կառավարման ընթացքում զանազան «այլ միջոցառումներ են նախատեսված այդ օրը» պատրվակով արդեն որերորդ անգամ մերժում է ՀԱԿ-ի հանրահավաքի հայտը:
Մի կողմից՝ ողջունելի է երթուղայինները ավոտոբուսներով փոխարինելու նրա նախաձեռնությունը, մյուս կողմից՝ պատկերացրեք, թե ինչ կդառնա առանց դրա էլ նեղացված փողոցներում ավտոբուսների կուտակումը, քանի որ վստահ էլ չես, որ դրանք ժամը ժամին կաշխատեն, ինչպես, ասենք, Գերմանիայում, որտեղ քաղաքային տրանսպորտի չվացուցակով մարդիկ ժամ են ուղղում: Այդ ամենը իմաստ կունենա, եթե քաղաքային տրանսպորտն ամբողջությամբ քաղաքապետարանինը լինի. թե չէ զանգում ես քաղաքապետարան՝ տրանսպորտից բողոքելու, ասում են՝ դա քաղաքապետարանի իրավասության մեջ չի մտնում, իրենք զբաղվում են միայն միջքաղաքային և պետական տրանսպորտի հարցերով, իսկ քաղաքային տրանսպորտի վերահսկողությունը «Երևանտրանս» ՓԲԸ-ն է իրականացնում: Ինչո՞ւ պիտի նշված ՓԲԸ-ի կասկածելի գործունեությունից կախված լինի հազարավոր քաղաքացիների տեղափոխման հարցը, մի ՓԲԸ, որտեղ նույնիսկ հեռախոսազանգերին մարդավարի չեն պատասխանում. ո՞վ է որոշել դա:
Քաղաքային տրանսպորտը պետք է վերահսկի միա՛յն կամ նաև՛ քաղաքապետարանը, հարգելի պրոգրեսիվ քաղաքապետ:
Մի կողմից՝ կանգառներից քշեցին տաքսիներին, բայց, չգիտես ինչ տրամաբանությամբ, տրանսպորտը էլի տաքսիների մոտ է կանգնում, կանգառի մարդկանց էլի դուրս բերելով փողոցի բանուկ մասը: Կանոնակարգեց կանգառների ինտերվալները, մյուս կողմից էլ՝ շատ ինքնագլուխ կանգառների սովոր մարդկանց դրեց հիմար վիճակի մեջ. Կանգնում-կանգնում ես, մոտովդ ավտոբուսը գալիս անցնում է, պարզվում է՝ էլ այդտեղ կանգառ չկա: Սա էլ կանոնակարգելու համար երևի ոստիկանության հետ լուրջ աշխատանք է պետք:
Քաղաքապետ Կարեն Կարապետյանը ֆեյսբուքյան էջ ունի նաև, բոլորս էլ գիտենք: Այնտեղ ցանկացած քաղաքացի կարող է գրել իրեն հուզող պրոբլեմի մասին. ճիշտ է, քաղաքապետին անձամբ չեմ տեսել, որ որևէ գրառման պատասխանի, բայց նրա փոխարեն դա անում է Նարեկ Ադոնցը՝ «Երևանի քաղաքապետարան» ստորագրությամբ: Ասում են՝ քաղաքապետը փչովի այլանդակությունները հավաքել է տվել, անսալով ֆեյսբուքյան Shur Dabavog օգտատիրոջ կողմից «Ո՜չ օպերայի բակում տեղադրված փչովի այլանդակություններին» նախաձեռնության ֆեյսբուքահայության կոչին: Ինքը, Shur Dabavog-ը, իմ հարցին. «Մեզ բանի տեղ դրի՞ն իրոք, այսինքն՝ ֆեյսբուքյան նախաձեռնության շնորհի՞վ են իրականում հավաքել դրանք», պատասխանել է. «Անձնական կարծիքս. ինքը՝ Կարապետյանը, էդքան հիմար չէր (որոշ նախորդների պես), որ հավաներ էդ փուչիկները, վստահ եմ, որ ինքն էլ էր ներվայնանում, սակայն քաղաքական պահեր կային, ու էս խումբը, իհարկե, իրեն շատ ձեռնտու էր, հասարակական կարծիքը նրան ուժ տվեց»: Չեմ կարող հաստատ ասել՝ այդպես է, թե մենք ենք ուզում, որ ֆեյսբուքահայության ձայնը լսեն գոնե էն պաշտոնատար անձինք, ովքեր իրենք իրենց ֆեյսբուքահայության մաս են համարում ու բացում հասարակական գործչի էջեր: Քաղաքապետը լավ կաներ, Նարեկին հանձնարարեր ոչ միայն գրել՝ «Գրավոր դիմում ներկայացրեք քաղաքապետարան», այլ նաև օնլայն դիմելու որևէ ֆորմատ մտածեր, որ հավատանք նրա պրոգրեսիվությանը և կառավարման ու կոմունիկացիայի նորամուծությունների ջատագովությանը: Թե չէ մարդիկ արդեն օնլայն ընտրությունների են պատրաստվում:
Այսօր կարդալով քաղաքապետի ֆեյսբուքյան էջում քաղաքացիների գրառումները, տեսնում եմ բազում պրոբլեմներ. բազում բողոքներով ու առաջարկներով դիմում են քաղաքապետին՝ քաղաքի կանաչ տարածքի հարցով, գիշերային լուսավորության, քաղաքային տրանսպորտի, սպասարկման այս կամ այն անհարմարությունների, UNIGRAF-ի փողոցներից հավաքած ու չգիտես որտեղ կորցրած կենդանիների ճակատագրի հարցերով, ու էլի ու էլի ու էլի…
Դիմում են, հուսալով, որ այս հաջորդը նախորդից լավը կլինի, ու գոնե «Գազի Կարենը» նրա համար միայն ածական է, ոչ թե բաշիբոզուկների թայֆին պատկանելության մականուն, որը գազաֆիկացրեց Հայաստանը, հարյուր հազարավոր բաքսիների տեղադրմանը նպաստեց. հիմարին էլ պարզ է, որ համակարգված մոտեցում էր, որ էդ կաթսաներն էլ էր իրենց բիզնես-պլանի մասը, ու գազն էժան էր, հետո, չգիտես ինչու, թանկացավ: Չնայած, ինչպես ասում են, Ռուսաստանը մեզ գազ է տալիս ԱՊՀ երկրների մեջ ամենացածր գներով, ու այդ գինն ավելանում է գազատարը ՀՀ մտնելուց մինչև մեր տները հասնելը:
Չեմ հավատում, որ այս արատավոր ու հանցագործ համակարգում մարդ կարող է մաքուր ու ազնիվ լինել, չեն թողնի, չես կարա: Չեմ հավատում, որ Կարապետյանը բյուրեղի պես անբիծ է, բայց հավատում եմ, որ ուզում է լավը լինել, ուզում է լավ գործեր անել երևանցիների համար, ուզում է լավ, սիրված ու հարգված քաղաքապետ լինել ու դրա համար անում է ամեն ինչ: Կարծում եմ, Թումանյանի «Գործն է անմահ լավ իմացիր» տողերը Կարապետյանի համար ուղեցույց կլինեն, ու նա կանի ամեն հնարավորը, որ Երևանի պատմության մեջ մնա որպես լավ քաղաքապետ:
Ես ուզում եմ Ձեզ լավը տեսնել, պարոն Կարապետյան, ուզում եմ, որ Գազի Կարենը մոռացվի կամ գնա պատմության գիրկը, ու նորաթուխ քաղաքապետը՝ Կարեն Կարապետյանը, մի օր էլ ՀԱԿ-ի հանրահավաքի հայտն ընդունի սեփական որոշմամբ:
Ցանկանում եմ Ձեզ և մեզ արդյունավետ, արժանապատիվ ու գրագետ կառավարում, որից կշահենք բոլորս՝ երևանցիներս: Մենք արժանի ենք ԼԱՎ քաղաքապետի, եղե´ք այդպիսին: Առաջարկում եմ. մեկ-մեկ ծպտված երթևեկել քաղաքով, սովորական քաղաքացու պես մտեք անցումներն ու այգիները, դարձե´ք ժողովրդական քաղաքապետ՝ անկախ քաղաքական դիրքորոշումից: Գիտեմ, որ բարդ է, համարյա անհնար այս կոռումպացված համակարգի օրենքներից դուրս գործելը, նույնիսկ վտանգավոր, բայց Դուք փորձեք, մենք կօգնենք:
Լուսինե Վայաչյան
Հայաստանի Մեծամորի ատոմակայանի երկրորդ էներգաբլոկի գործունեությունը դադարեցնելու վերաբերյալ Ադրբեջանը պաշտոնական դիմում կուղարկի Ատոմային էներգիայի միջազգային գործակալություն և Եվրամիություն։
Համապատասխան դիմումն այժմ պատրաստման ընթացքի մեջ է։
Ադրբեջանի գիտությունների ազգային ակադեմիայի Ռադիացիոն խնդիրների ինստիտուտի տնօրեն Ադիլ Ղարիբովը ադրբեջանական 1news.az գործակալության հետ զրույցում ասել է, որ Վրաստանը և Թուրքիան ևս պաշտպանում են իրենց տեսակետը։ «Երկրի համապատասխան գերատեսչությունները և հաստատությունները շրջակա միջավայրի վրա ատոմակայանի գործունեության ազդեցության մասին տեղեկություն են հավաքում։ Այսօր այդ հարցը քննարկվում է նաև Թուրքիայում և Վրաստանում: Կարծում եմ, որ մի շարք քննարկումներից հետո մենք ընդհանուր հայտարարի կգանք։ Հույս ունենք, որ Ատոմային էներգիայի միջազգային գործակալությունը և Եվրամիությունը ևս Ադրբեջանին կաջակցեն այդ հարցում» – ասել է Ղարիբովը:
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.