29.09.2024 | 20:03
Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսե...09.09.2024 | 12:51
Խնդրում ենք ընթերցողների ներողամտությունը26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...Նախօրեին վարչապետ Տիգրան Սարգսյանը շնորհավորել է ԱՌԿԱ լրատվական գործակալության ողջ անձնակազմին՝ գործակալության ստեղծման 15-րդ տարեդարձի կապակցությամբ: Վարչապետի ուղերձում մասնավորապես ասվում է. «Տնտեսական լրագրությունը ժուռնալիստիկայի ամենապատասխանատու ու բարդ ճյուղերից է: Ձեզ պատիվ է բերում իրողությունը, որ խիզախել եք ուշադրության կենտրոնում պահել տնտեսության զարգացումներն ու ֆինանսական ոլորտը և կարողացել եք աչքի ընկնել մասնագիտական բարձր որակներով, լուրջ վերլուծական կարողություններով և օպերատիվությամբ: Ուրախալի է, որ դուք այսօր էլ, հավատարիմ մնալով ձեր ավանդույթներին, շարունակում եք շարժվել նորարարությունների ճանապարհով»:
Կառավարության ղեկավարը գործակալության աշխատակիցներին մաղթել է արգասաբեր աշխատանք և ստեղծագործական նորանոր հաջողություներ:
Ապրիլի 30-ին մայրաքաղաք Երևանում, հանդիսապետությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի և ներկայությամբ Հայաստանի Հանրապետության նախագահ Սերժ Սարգսյանի, կատարվեց Կաթողիկե Ս. Աստվածածին եկեղեցու հարևանությամբ կառուցվող Ս. Աննա եկեղեցու հիմնարկեքի արարողությունը:
Ս. Աննա եկեղեցին և Ամենայն Հայոց Հայրապետի երևանյան նստավայրը կառուցվում են բարերարությամբ տեր և տիկին Հրայր և Աննա Հովնանյանների:
Արարողությանը ներկա էին նաև Մայր Աթոռի միաբաններ, ՀՀ Սահմանադրական դատարանի նախագահ Գագիկ Հարությունյանը, Երևանի քաղաքապետ Կարեն Կարապետյանը և բազում հյուրեր:
Հիմնարկեքի ընթացքում Ամենայն Հայոց Հայրապետն Ուկրաինայի հայոց թեմի առաջնորդ Տ. Գրիգորիս արքեպիսկոպոս Բունիաթյանի, Արարատյան Հայրապետական թեմի առաջնորդական փոխանորդ Տ. Նավասարդ արքեպիսկոպոս Կճոյանի և Մայր Աթոռի դիվանապետ Տ. Արշակ եպիսկոպոս Խաչատրյանի հետ սրբալույս մյուռոնով օծեց 16 խաչանիշ քարեր: Օծված քարերը եկեղեցու 16 կնքահայրերըª Հրայր Հովնանյանը, Վահագն Հովնանյանը, Ռադիկ Վանունցը, Մարտին Ավետիսյանը, Արթուր Ալեքսանյանը, Վահագն Մովսիսյանը, Աշոտ Պողոսյանը, Աշոտ Ղազարյանը, Արայիկ Յաղջյանը, Գևորգ Յաղջյանը, Արսեն Վարդանյանը, Ավո Խալաթյանը, Վահե Շխռդմյանը, Գարիկ Չիլինգարյանը, Հայկ Շատվերյանը և Էդվարդ Բալասանյանը զետեղեցին եկեղեցու հիմքերում:
Այնուհետև Արշակ Սրբազանն ընթերցեց հիմնարկեքի առիթով կազմված հիշատակարանը: ՙԲարեհաճ կամոքն Աստուծո 2011 թվականի ապրիլ 30-ին կատարվեց հիմնօրհնեքը Երևանի Սուրբ Աննա եկեղեցու և Ամենայն Հայոց Կաթողիկոսի երևանյան նստավայրի, որ կառուցվում են ազգային բարերարներ տեր և տիկին Հրայր և Աննա Հովնանյան ամոլի ազնիվ հովանավորությամբ` ի փառս Աստծու, ի պայծառություն մեր Եկեղեցու և ի բարեզարդումն մեր ժողովրդի հոգևոր կյանքի:
Նորակառույց եկեղեցին օրհնություն պիտի բաշխի նվիրական մեր հողին` ծառայելով աստվածասեր մեր ժողովրդի հոգևոր կյանքի վերազարթոնքին և նորոգ պայծառությանը: Թող Սուրբ Աննան հավետ բարեխոս լինի առ Բարձրյալն Աստված` վասն Հայրենյաց և ազգիս հայոց և Եկեղեցւույս Հայաստանյայց:
Թող Ամենախնամ Աստված առատապես օրհնի երախտարժան բարերարներ Հրայր և Աննա Հովնանյաններին և նրանց զավակներին` շնորհելով կենաց արևշատություն, ազգանվեր և եկեղեցաշեն գործոց նորանոր հաջողություններ՚,- մասնավորաբար ասվում է արձանագրության մեջ: Ապա Նորին Սրբությունը հրավիրեց բարերար Հրայր Հովնանյանին հիշատակարանն ամփոփելու եկեղեցու հիմքերում:
Արարողության ավարտին Ամենայն Հայոց Կաթողիկոսը ծանոթացավ շինարարական աշխատանքների ընթացքին£ Շինարարական աշխատանքներն իրականացնում է ՙՉիլինգարյան Դիզայն Քոնսթրաքշն՚ ՍՊԸ-ն:
Ամերիկացի հայտնի երգչուհի Մերայա Քերին երկվորյակ՝ տղա և աղջիկ է լույս աշխարհ բերել։ Երեխաները լույս աշխարհ են եկել Լոս Անջելեսի հիվանդանոցներից մեկում շաբաթ օրը։
Հատկանշական է, որ երեխաների ծնունդը համընկել է ամուսինների ամուսնության 3-րդ տարեդարձի հետ։ Քերին ու Քենոնը առաջին անգամ են ծնող դառնում։ Ինչպես նշում է Associated Press գործակալությունը, երգչուհին հայտարարել է, թե այլևս չի ծրագրում երեխաներ ունենալ։
Քերիի ներկայացուցչի խոսքով՝ մայրն ու երեխանները իրենց լավ են զգում։ Ծննդաբերությունից հետո հիվանդասենյակում հնչել է երգչուհու We belong together երգը։ Առայժմ ծնողները չեն որոշել՝ ինչ անուն դնել երեխաներին։ Քերիի ամուսնու՝ 30-ամյա դերասան Նիկ Քենոնի խոսքով՝ անունները կլինեն «յուրահատուկ, բայց ոչ էքսցենտրիկ»։
ԱՄՆ զորքերի հատուկ գործողությունների շնորհիվ Պակիստանի Աբոտաբադ քաղաքում սպանվել է «Ալ Քաիդա» ահաբեկչական խմբի ղեկավար Ուսամա բեն Լադենը, մայիսի 1-ի ուշ երեկոյան ի լուր աշխարհի հայտարարել է ԱՄՆ նախագահ Բարաք Օբաման՝ հավելելով, որ Բեն Լադենի մարմինը գտնվում է ամերիկյան հատուկ ծառայությունների տրամադրության տակ։
Ըստ Օբամայի՝ վերջապես արդարությունը հաղթեց:
ԱՄՆ նախագահը մանրամասնել է, որ Բեն Լադենը սպանվել է 2011 թ. մայիսի 1-ին տեղի ունեցած փոխհրաձգության հետևանքով։ Հատուկ գործողությանը մասնակցած ամերիկացի զինվորներից ոչ ոք չի տուժել: Օբաման պատմել է, որ Բեն Լադենին հայտնաբերել են դեռևս 2010 թ. օգոստոսին, սակայն նրա գտնվելու կոնկրետ վայրը հայտնի է դարձել անցյալ շաբաթ։
Բեն Լադենին փնտրելու գործում ԱՄՆ-ին աջակցել են Պակիստանի իշխանությունները։
CNN հեռուստաընկերությունը հայտարարել է, որ մայիսի 1-ին սպանված թիվ մեկ ահաբեկիչ Ուսամա բեն Լադենին թաղել են ծովում:
Ըստ հեռուստաընկերության տեղեկությունների, ամերիկյան իշխանությունները որոշել են Բեն Լադենին հուղարկավորել մուսուլմանական ավանդույթներին հավատարիմ` մահից անմիջապես հետո, սակայն չեն ցանկացել նրա մարմինը հողին հանձնել, քանի որ այդ վայրը կարող էր նրա հետնորդների համար ուխտավայր դառնալ:
Բեն Լադենի թաղման մանրամասները դեռևս պաշտոնապես չեն հաստատվել: ԱՄՆ նախագահ Բարաք Օբաման ընդամենն ասել է, որ ահաբեկչի մարմինն իրենց մոտ է գտնվում:
Իսկ ըստ Fox News հեռուստաընկերության տեղեկությունների, ահաբեկչին թաղելու են Սաուդյան Արաբիայում:
Այս պահին ամերիկյան իշխանությունները փորձում են ամեն կերպ «խուսափել» հնարավոր հակահարվածից: Որոշ լրատվամիջոցների տվյալներով՝ բազմաթիվ երկրներում ժամանակավորապես կփակվեն ԱՄՆ դեսպանատները:
Սերժ Սարգսյանի վերջին հարցազրույցից և Լևոն Տե-Պետրոսյանի հանրահավաքային վերջին ելույթից հետո ակնհայտ դարձավ, որ եկող ամսվա ընթացքում վերջապես լուծվելու է քաղբանտարկյալների ազատ արձակման հարցը:
Ըստ ամենայնի, որպես առիթ, օգտագործվելու է Առաջին հանրապետութան հերթական տարեդարձը:
Հարկ չկա բացատրելու քաղկալանավորներին ազատ արձակելու կարևորությունը: Դա էապես կլիցքաթափի ներքաղաքական լարվածությունը, նախադրյալներ կստեղծի քաղաքական, հասարակական նոր տիպի հարաբերությունների, իրական երկխոսության կայացման համար:
Ընդդիմության ազատազրկված ակտիվիստների մասով քաղաքական որոշումը կայացված է:
Սակայն թերևս առկա է նաև ավելի ընդգրկուն համաներում անցկացնելու անհրաժեշտությունը: Քրեական օրենսգրքի վերջին փոփոխությունները թույլ են տալիս ազատություն շնորհել մի քանի հարյուր կալանավորների, բայց նույնիսկ այդ պարագայում մեր կալանավայրերն ու գաղութները ծանրաբեռնված են մնալու: Այս հանգամանքը նշել են թե մեր և թե միջազգային իրավապաշտպանները, կազմակերպություններն` ահազանգելով, որ հայաստանյան ՔԿՀ-ներում անտանելի վիճակ է կալանավորների կյանքի համար: Հանցագործն էլ մարդ է, և պետությունը պարտավոր է մտածել նրա արժանապատիվ կյանքի մասին: Արդարադատության համակարգի ֆունկցիան ոչ միայն պատժելն է, հարկադրանքի մեխանիզմ կիրառելը, այլ նաև` ազատազրկվածին վերստին հասարակական բնականոն կյանք վերադարձնելը, դրա համար նախադրյալներ ստեղծելը: Ըստ այդմ, անհարաժեշտ է, որպեսզի կալանավորին մոտեցնեն կյանքին` դրանից օտարելու փոխարեն:
Համաներումն ունի երկու կարևոր ֆունկցիա:
Այն մեղմում է հասարակության ներսում առկա լարվածությունը, ի ցույց է դնում պետության հումանիտար քաղաքականությունը ծանր հանցագործություն չկատարած մարդկանց հանդեպ: Պատահական չէ, որ անգամ ամենավատորիտար երկրներում համաներման մեխանիզմը հաճախ է օգտագործվում` հիշարժան տոների, տարեդարձների առիթով:
Մեր տիպի երկրներում, որտեղ դատական իշխանությունը կայացած չէ` համաներումը հաճախ կոչված է նաև ուղղելու նախաքնննության, դատավորթյան սխալները:
Գաղտնիք չէ, որ մեր դատավորներից շատերը, մեղմ ասած, իրնց կարգավիճակին ադեկվատ չեն գործում: «Վերևից» հնչող զանգերը կամ շահագրգիռ վերաբերմունքը հաճախ սխալ քննության կամ սուբյեկտիվ դատավճռի պատճառ են դառնում: Հաճախ, անմեղներ, կամ ոչ արարքին համարժեք պատժվածներ հայտնվում են ճաղերի հետևում: Նման իրավիճակներում համաներումը դառնում է միջոց` արդարադատության սխալները սրբագրելու համար:
Հուսանք, որ մեր մտահոգություններն ընդունում են նաև հանրապետության ղեկավարներն, արդարատության պատասխանատուները, ովքեր քայլեր կկատարեն` ոչ միայն քաղաքակական նպատակահարմարությունից ելնելով, այլ նաև` հասարակության ավելի լայն շրջանակների սպասելիքներն արդարացնելու նպատակով:
Վերջին շրջանում ՀՀ ոստիկանապետ Ալիկ Սարգսյանի և Արտակարգ իրավիճակների նախարար Արմեն Երիցյանի հարաբերությունները նկատելիորեն լարվել են: Չի կարելի ասել, թե նախկինում Սարգսյանն ու Երիցյանը սրտակից ընկերներ էին, սակայն, ամեն դեպքում, ՀՀ ոստիկանապետն ու նախկին փոխոստիկանապետը միմյանցից չէին խորշում: Հիմա, եթե որևէ մեկը փորձի Երիցյանին գովել Սարգսյանի մոտ կամ հակառակը, ապա կարող է հայտնվել այս երկուսից մեկնումեկի սև ցուցակում:
Թե ի՞նչն է պատճառ դարձել հարաբերությունների նման կտրուկ փոփոխության, դժվար է ասել: Կարելի է ընդամենը ենթադրություններ անել:
Նախկինում՝ ոչ պաշտոնական հարաբերություններում երկու փորձառու ոստիկան-ղեկավարները միմյանց հետ շփվում էին «ախպեր ջան»-ով: Այդպես, 2010 թ. սեպտեմբերի 4-ին` Փրկարարի օրը, ՀՀ ոստիկանապետն իր ղեկավարած համակարգի բարձրաստիճան ոստիկանների հետ ԱԻՆ-ի առանձնահատուկ հյուրերի շարքում էր, և պետք է ասել, որ նախկին «զամի» տոնին Ալիկ Սարգսյանը ներկայացել էր լավագույնս պատրաստված: «Շնորհավորում ենք, ախպե´ր ջան»-ին հաջորդեց Երիցյանի պարգևատրումը. ԱԻ նախարարին շնորհվեց «Ոստիկանության հետ համագործակցության համար» մեդալ:
Իր հերթին, Արմեն Երիցյանը պաշտոնական հարցումներում` հատկապես ոստիկանապետի հնարավոր փոփոխության հետ կապված, մշտապես հերքում էր իր հավակնությունները և գոնե իր շրջապատում հարգանքով էր արտահայտվում Սերգեյիչի մասին: Իսկ հիմա «ախպերների» ջրերն այլևս նույն առվով չեն հոսում: Ինչու՞:
Հավանական պատճառներից մեկը Երիցյանի` ոստիկանություն տեղափոխվելու հավանականությունն է: Որքան էլ Երիցյան-նախարարը համեստություն անի և ամեն անգամ հայտարարի, թե իր բաղձալի երազանքը լավ փրկարար դառնալն է, փաստն այն է, որ Ազգային անվտանգության խորհրդի անդամ ՀՀ ոստիկանապետն ու «Օրինաց երկիր» կուսակցության պորտֆելատենչ պահանջները բավարարելու միտումով ձևավորված Արտակարգ իրավիճակների նախարարության ղեկավարի աթոռը համարժեք անվանել հնարավոր չէ: Ինչ-ինչ, բայց յուրաքանչյուր ոստիկան երևի թե երազում է դառնալ ոստիկանապետ, իսկ Արմեն Երիցյանը, ասում են, լավ ոստիկան է:
Երկու նախարարների հարաբերությունների վատթարացման պատճառ կարող է լինել նաև այն, որ նույնիսկ ոստիկանությունից հեռանալուց հետո՝ Երիցյանն իր ձեռքում է պահում համակարգի որոշ լծակներ: Հայտնի է, որ Ալիկ Սարգսյանը ոստիկանապետ է այնքանով, որքանով… թեպետ սիրում է «խոստովանել», թե կապ չունի համակարգում պտտվող գումարների հետ, սակայն ներքևի օղակները պնդում են, որ նա մասամբ է ճիշտ. այս հարցը «կարգավորում է» Սերգեյիչի եղբայրը: Իրոք, այս կառույցում «ասողները» և «հարց լուծողները» ոստիկանապետից ավելի ցածր աստիճանի վրա են. Արմեն Երիցյան, Հունան Պողոսյան, Ներսիկ Նազարյան…
Ալիկ Սարգսյանը երեք տարվա ընթացքում այդպես էլ չկարողացավ այս երեքից վերցնել «հարցեր լուծելու» մեխանիզմները: Իսկ ենթադրել, թե նրան դեռ կհաջողվի երկար պաշտոնավարել ոստիկանությունում և համակարգի ղեկն իսկապես վերցնել ձեռքը, այսօրվա դրությամբ այնքան էլ իրատեսական չէ:
Ինչ վերաբերում է Սարգսյան-Երիցյան հակասությանը, ապա չարժե մտահոգվել այս առնչությամբ` աչքի առաջ ունենալով իշխանական վերնախավում պաշտոնյաների` միմյանց դեմ մշտապես դավեր նյութելու սովորությունը: Այնպես որ, եթե մանրազնին քննության ենթարկենք ՀՀ ղեկավարության առաջին էշելոնում գտնվողների հարաբերությունները, ապա բարձրաստիճան պաշտոնյաների հարաբերությունների սրվելու փաստերից այդքան էլ պետք չէ զարմանալ. ՀՀ գլխավոր դատախազ Աղվան Հովսեփյանն ու ՀՀ ոստիկանապետ Ալիկ Սարգսյանը միմյանց պարզապես ատում են, վերջերս լարվեցին նաև Ներսիկ Նազարյանի և ոստիկանապետի հարաբերությունները:
Այս ցուցակը կարճ չէ. ա՛յ, թե նման կարգի հարաբերությունները ինչքանով են նպաստում երկրում օրենքի գերակայություն ստեղծելու և իրավապահ համակարգը բարեփոխելու առումով, արդեն իսկ խնդիր է, ինչը պետք է անհանգստացնի «Բաղրամյան 26»-ին:
Անցած գիշեր ամերիկացի զինվորականները Պակիստանում հայտնաբերել ու ոչնչացրել են աշխարհի թիվ մեկ ահաբեկիչ Ուսամա Բեն Լադենին: Այս լուրն այսօր և առաջիկա մի քանի օրվա ընթացքում առաջնայինն է լինելու միջազգային լրահոսում:
2011 թ.-ի սեպտեմբերի 11-ից հետո Բեն Լադենը դարձել էր ահաբեկչության, բռնության խորհրդանիշ, նրան հայտնաբերելը ամերիկյան քաղաքականության առաջնահերթություններից մեկն էր:
«Ալ Ղաիդայի» պարագլխի սպանությունն, իհարկե, չի նշանակում ահաբեկչական ցանցի վերացում և չի ենթադրում, որ աշխարհն ազատվեց այդ ցանցից եկող մարտահրավերներից: Բայց կատարվածն ի դերև է հանում ահաբեկիչների ամենազորության մասին միֆը, ի ցուց է դնում ազատ աշխարհի ուժը, հետևողականությունը:
Շատերը հաճախ տրվում են պրիմիտիվ դատողությունների, զուգահեռներ են անցկացնում իսլամիստ ծայրահեղականների և ԱՄՆ-ի վարքագծի միջև, ասում են, որ երկուսն էլ աշխարհին փորձում են խաղի կանոններ թելադրել և այլն:
Եթե նույնիսկ ընդունենք այս սխալ թեզը, որ թելադրանքի քաղաքականություն փորձում են իրականացնել թե՛ Արևմուտքը, թե՛ ահաբեկիչները` եկեք հասկանանք, թե որո՞նք են նրանց որդեգրած խաղի կանոնների տարբերությունը:
Արևմտյան քաղաքակրթության հիմքը մարդն է, նրա ազատությունը, իրավունքները:
Ծայրահեղական իսլամիստները պատրաստ են իրենց ցնորամիտ գաղափարների համար զոհաբերել հազարավոր անմեղ մարդկանց: Հեռու չգնանք. հիշենք թեկուզև Աֆղանստանի օրինակը, որը հումանիտար աղետի առջև կանգնեց` Թալիբանի կառավարման հետևանքով:
Հետևաբար, բանական, ազատություն սիրող մարդու համար ընտրություն լինել չի կարող, որովհետև արևմտյան արժեքային համակարգի այլընտրանքը չի կարող լինել տոտալիտարիզմի վրա հիմնված տեսությունը:
Ըստ այդմ, Բեն Լադենի սպանությունն ազատության հաղթանակն է` անկախ այն հանգամանքից, որ մարդու մահվան, կորստի առիթով չեն ուրախանում: Բայց սա այն դեպքն է, որ այդ օրինաչափությունը չի գործում, և աշխարհի միլիոնավոր մարդիկ ոչ թե սգում, այլ տոնում են Բեն Լադենի մահը:
Տեղի ունեցածը նաև դաս է տարբեր տրամաչափի դիկտատորների համար: Արդարությունը հաղթելու է, հանցագործությունը վաղեմության ժամկետ չունի:
Աշխարհի բոլոր դիկտատորները պոտենցիալ Բեն Լադեն են` տխուր վախճանով: Սադամ Հուսեյնի օրինակը եթե այսօր բացառիկ է, վաղը դառնալու է օրինաչափություն: Նաև դա են հուշում արաբական աշխարհում տեղի ունեցող իրադարձությունները: Մարդը ձգտում է ազատության, ու դա է բոլոր ահաբեկիչների, դիկտատորների գերեզմանափորը:
Սուրեն Սուրենյանց
Եթե Հայաստանում սահմանված լիներ «Մամուլի թշնամի» մրցանակը, ապա հաստատ բաժին կհասներ երկրորդ նախագահ Ռոբերտ Քոչարյանին:
Այս մարդու կառավարման տարիներին փակվեց երկրի միակ անկախ հեռուստաընկերությունը: Եթե այդ փաստը կարելի էր բացատրել ոչ այնքան ազատ խոսքի թշնամի լինելու հանգամանքով և վերագրել իշխանությունը պահպանելու մոլուցքին, ապա հիմա Քոչարյանն իշխանությունը պահելու խնդիր, կարծես թե, չունի և կարող էր մոռանալ ԶԼՄ-ներն էլ, նրանց հետ` հին հաշիվներն էլ:
Բայց` չէ, Քոչարյանն, ըստ ամենայնի, իսկապես ազատ խոսքի թշնամի է՝ նույնիսկ պաշտոնական կարգավիճակից դուրս, նախկին նախագահի կարգավիճակում:
Նա աջ ու ձախ դատի է տալիս թերթերին` պահանջելով աստղաբաշխական գումարներ: Նրան գումարներն, իհարկե, պետք չեն. ըստ ոչ պաշտոնական տվյալների` նրա կարողությունը գերազանցում է Հայաստանի տարեկան բյուջեն:
Քոչարյանի խնդիրը թերթեր փակելն է, մամուլին` լռեցնելը: Նա շատ լավ գիտի, որ թերթերը գտնվում են խղճուկ ֆինանսական վիճակում, և իր դատական հայցերով փորձում է լուծել նրանց վերջնականապես լռեցնելու հարցը: Իսկ գուցե Քոչարյանը ապագա քաղաքական պլաննե՞ր է մշակում և ազատ ԶԼՄ-ներն այդ պլանների իրականացման գլխավոր խոչընդո՞տ է համարում: Այդպես է, թե ոչ, ցույց կտա ժամանակը:
Նույնը վերաբերում է նաև օլիգարխներին, ովքեր իշխանության ձեռքին մահակ են` կախված ազատ մամուլի գլխին: Որևէ օլիգարխ երջանիկ կլիներ, նույնիսկ փող կտար թերթերին, բայց նրանց դեմ հայց չէր ներկայացնի դատարան: Բայց նրանց հրահանգված է հանդես գալ տուժածի, վիրավորվածի դիրքերից:
«Լրագրողներ առանց սահմանների» կազմակերպությունը մտահոգված է Հայաստանում ստեղծված տխուր պրակտիկայով, երբ իշխանությունն օգտագործում է իր ռեսուրսները, օլիգարխների ծառայությունները և դատավորների կամակատարությունը` ազատ խոսքը լռեցնելու համար:
Հուսալ, թե ինչ-որ հրաշքով վիճակը կշտկվի` միամտություն կլինի:
Իշխանությունները պետք է քաղաքական կամք ցուցաբերեն, օրենսդրական հստակեցումներ անեն` մամուլի ազատությունը տարբեր տեսակի ոտնձգություններից պաշտպանելու համար:
Պաշտոնյաները պետք է սովորեն, որ ԶԼՄ-ներն իրենց կարող են քննադատել, պահանջել իրենց պաշտոնանկությունը, երբեմն` լինել նաև սուբյեկտիվ:
Եթե մեր պաշտոնյաներն ունենան քաղաքական այդ մշակույթը, ԶԼՄ-ներն էլ ավելի պատասխանատու կդառնան: Պատասխանատու` բառի դրական իմաստով, այլ ոչ` իշխանության ճաշակին և գծած չափանիշներին համաձայն:
Քիչ առաջ Սևան ՔԿ հիմնարկից ազատ արձակվեց քաղբանտարկյալ, ՀՀՇ վարչության անդամ Արամ Բարեղամյանը: Այսօր ժամը 14-ին տեղի է ունեցել նրա գործով դատական նիստը:
Արամ Բարեղամյանին ձերբակալել էին մարտի 1-ին։ Նա դատապարտվել էր 6 տարվա ազատազրկման 316 հոդվածի 2-րդ մասի հատկանիշներով (իշխանության ներկայացուցչի նկատմամբ առողջության համար վտանգավոր բռնություն գործադրելը):
Լրացել է նրա պատժից պայմանական վաղաժամկետ ազատման ժամկետը: Հանձնաժողովն ու դատարանը միակարծիք են եղել:
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.