29.09.2024 | 20:03
Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսե...09.09.2024 | 12:51
Խնդրում ենք ընթերցողների ներողամտությունը26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...Agence France-Press գործակալությունը տեղեկացնում է, որ ավստրալական Sydney Peace Foundation կազմակերպությունը WikiLeaks կայքի հիմնադիր Ջուլիան Ասանժին շնորհել է «Մարդու իրավունքների պաշտպանության համար բացառիկ խիզախության» ոսկե մեդալ, որը իրավապաշտպան կազմակերպության ամենապատվավոր մրցանակն է համարվում: Մրցանակի հանձնման արարողությունը կայացել է Լոնդոնում:
Կազմակերպության կարծիքով՝ Ասանժին հաջողվել է աշխարհի պետությունների իշխանություններին մղել ավելի մաքուր գործողությունների, ինչպես նաև պաշտպանել է քաղաքացիների տեղեկատվություն ստանալու իրավունքը։
Պատգամավոր Ռուբեն Գևորգյանի հայտարարությունները լի են մտքի գոհարներով: Ճիշտ է, շատ հաճախ այնքան էլ հասկանալի չի լինում, թե ինչ է ուզում ի վերջո ասած լինել ընտրյալը, սակայն միայն Գևորգյանի բոցաշունչ ելույթները լսելու համար կարելի է բաց չթողնել խորհրդարանական հայտարարությունների ժամը: Այսօր Ծաղիկ Ռուբոն դարձյալ բոցաշունչ էր, դարձյալ ինչ-որ բանի կամ ինչ-որ մեկի վրա բարկացած ու սկսեց թափով, տարերքի նման ու նույն կերպ էլ ավարտեց:
Սա պարզապես no comment շարքից է.«Հայի տեսակը ցավագին հիշողություններով լավ գիտի, թե ինչպես թշնամիներով շրջապատված պատերազմող ժողովուրդը սոցիալական խնդիրները երկրում դարձնելով գերխնդիր, միշտ էլ պատմությանը թողել է ողբերգական կենսագրություն և կորցրած ժամանակ: Հետևաբար, այսօր պիտի շեշտակի նայենք աշխարհի աչքերին, զգացնել տալով նրանց մեռնելու կամքը հայրենիքի մի թիզ հողի համար: Այսօր հայ ժողովուրդը պիտի իր հայացքը դարձնի Սարդարապատի, Բաշ-Ապարանի, արցախյան ազատագրական պայքարում տարած հաղթանակներին` արթնացնելով իր մեջ հավաքական ուժի գիտակցությունն ու ինքնաճանաչումը, որն էլ պիտի դառնա մեր ժողվորդի շարունակական հաղթանակների գրավականը:
Վերջապես հասկանալ է պետք, որ հայրենի հողի համար զոհված մեր եղբայրների դին դեռ հող չի դառել, դաշտերը դեռ կարմիր են մեր եղբայրների թափված արյունով, իսկ շատերիս վրայից դեռ վառոդի հոտն է գալիս: Ուստի նման ժամանակի մեջ նեղանալ հայրենիքից, ուր դեռ բարեկեցիկ կյանքով չենք ապրում և ըմբոստանանք պետության դեմ կամ հեռանանք երկրից, դա ընդունելի չէ: Ի վերջո, հայրենի հողը դեռ սպասելիքներ ունի մեզանից: Ուստի եկեք չնեղանանք արդեն իսկ մեզանից նեղանալու իրավունքներ ունեցող հայրենիքից: Եկեք չպահանջենք բարուրի մեջ գտնվող մեր անկախ պետությունից այն, ինչը որ կպահանջեր մի ժողովուրդ` հարյուրամյակների ընթացքում կայացած իր պետությւնից: Եկեք այսօր արժևորենք հայ ժողովրդի այն տեսակին, որը անկախ իր կարիքից, պահպանել ու փայփայել գիտի արյամբ ձեռք բերված իր անկախ պետականությունը: Եկեք վերջապես արժևորենք սահմանների պաշտպանության և արցախյան պատերազմում զոհված մեր եղբայրներին, որ կյանքը տվին հայրենի հողին և ոչ թե հացին կամ թե օտարի կանաչ դոլարին: Եվ ի վերջո, եկեք մեկ անգամ մեզ խստիվ նայենք և մեզ հաշիվ տանք` թե ով ինչքան է իր ազգին արել, ով ինչքան է քերել ու տարել: Հետո նոր Դուք` գրողներդ, երկիրը լքելուց, սոցիալական խնդիրներով ձեր կողմից պատրաստած քաղաքական թույնը ձեր քերածի հետ տարեք Ձեզ հետ` չթողնելով այն երկրից չհեռացող ժողովրդի մեջ»:
«Երրորդ անգամ քրեական գործը կարճվում է հանցակազմի բացակայության պատճառով։ Սակայն, ըստ էության, չի ժխտվում դեպքի հանցավոր լինելու փաստը՝ ընդ որում ինքնասպանության հասցնելու ձևակերպմամբ»,- հրավիրված ասուլիսին ասաց 2007թ. ոստիկանական բաժանմունքում մահացած Լևոն Գուլյանի իրավահաջորդների ներկայացուցիչ Հրայր Ղուկասյանը։
Մարտի 21-ին, հերթական անգամ կարճելով գործը, դատարանը հստակ նշել է, թե ինչ պետք է ոստիկանությունն աներ, որ գործն ընթացք ստանար, սակայն առ այսօր, ըստ Ղուկասյանի, ոչինչ չի արվել։ Հիշեցնենք, որ Գուլյանը ինքնակամ ինչպես հավատացնում են իրավապահները, երրորդ հարկի պատուհանից դուրս է եկել, ընդ որում դուրս է եկել այն կառույցի պատուհանից, որ ղեկավարում էր Հովհաննես Թամամյանը: Հիմա երբ նա մեղադրվում է մի շարք գործերով, հույս է ծագել, որ այս մեկն էլ կվերանայվի, և ընթացք կստանա: Կգնա՞ ոստիկանությունը դրան կերևա մոտ ժամանակներս: «Չեմ հավատում, որ ոստիկանությունը չի կարող բացահայտել։ Ուղղակի չեն ուզում»,- նշեց Ղուկասյանը, զգուշացնելով, որ հետևողական են լինելու և ներպետական միջոցները սպառելուց հետո դիմելու են միջազգային դատարան։
«Շերլոկ Հոլմս պետք չի լինել, պետական փաստաթղթերով է բացահայտվում հանցագործությունը, մնում է գնահատական տալ առկա փաստին»,-ասաց նա, իսկ կատարվածը որակեց ոստիկանության արհամարհանքը Հայաստանի Հանրապետության դատական համակարգի նկատմամբ. «Սա անհնազանդության դեմոնստրացիա է՝ թաքնված սպառնալիք, հանրությանը նրանք փորձում են ապացուցել, որ իրենք են որոշում՝ ինչ է լինելու, նույնիսկ եթե կա դատարանի որոշում: Նման գործերի բացահայտումը կարևոր է համակարգային այն փոփոխությունների համար, որոնք Հայաստանում արդարության վերականգնման հիմքը պետք է լինեն։ Եթե այս գործը ժամանակին բացահայտվեր, գուցե չլիներ Վահան Խալաֆյանի դեպքը»:
Հիշեցնենք, որ Գուլյանը մահացել է ոստիկանության շենքում, ուր հրավիրվել էր իրեն պատկանող ռեստորանի մոտակայքում կատարված սպանության մասին վկայություն տալու։ Ավելի ուշ ընտանիքին հաղորդել են, որ նա մահացել է՝ ընկնելով երկրորդ հարկի պատուհանից փախուստի փորձ կատարելիս։Նրա հարազատներն ու իրավապաշտպանները չորս տարի շարունակ ապարդյուն պնդում էին, որ որպես վկա ոստիկանություն ներկայացած Գուլյանին ապօրինի ազատազրկել են և խոշտանգել:
Կենտրոն և Նորք Մարաշ համայնքների ընդհանուր իրավասության դատարանում վաղը, ժամը 17:00-ին վերսկսվելու է գործի քննությունը։
Դեռևս 2010 թվականին Երևան-Սևան միջպետական ճանապարհի Լճաշենի հատվածում, Սևանա լճի ջրի մակարդակի բարձրացման հետևանքով, 2 կիլոմետրանոց ճանապարհը ջրի տակ մնալու վտանգի առաջ կանգնեց: Որոշվեց ճանապարհահատվածի վերականգման շինարարության համար պետբյուջեից հատկացնել 800 մլն դրամ:
Շինարարական աշխատանքներն սկսվեցին 2010-ի օգոստոսին: Ջրի մակարդակի բարձրացման հետևանքով սպասվող վտանգը կանխելու համար ծրագրով նախատեսված էր ճանապարհը բարձրացնել 3 մետրով: Աշխատանքները պետք է ավարտվեին 2011-ին:
Ներկայումս ճանապարհի այս հատվածում երթևեկությունը դադարեցված է, սակայն վարորդների մեծ մասը նախընտրում է անհարմարություններ կրել ճանապարհի այս հատվածում՝ հաղթահարել վտանգավոր ջրափոսերն ու քարուղռերը, քան հատել մի քանի կիլոմետր ավելի երկար շրջանցիկ ճանապարհը, որն անցնում է Լճաշեն գյուղի միջով: Այդ ճանապարհը ևս բարվոք վիճակում չէ. ոմանք այս հատվածն անվանում են «դժոխքի ճամփա»:
Թե ինչքանով է նպատակահարմար այս ճանապարհահատվածի խնդրի նման լուծումը՝ աստիճանաբար ավելի պարզ է դառնում: Սևանի մակարդակը օր օրի բարձրանում է. մարտ-ապրիլ ամիսներին բարձրացել է 12 սմ-ով: Փաստորեն, կամաց-կամաց մեր «խելոքները» համոզվում են, որ բացարձակապես անիմաստ էին կատարված շինարարական աշխատանքները: Հավանաբար դա է դանդաղելու պատճառը, փորձում են ուրիշ ելք գտնել: ճանապարհի երկու կողմերն էլ արդեն ջրով ծածկված են:
Երբ նոր էին նախագծվում շինարարական աշխատանքները, մասնագետները զգուշացրեցին՝ չպետք է մոռանալ, որ ջրի դեմ ոչինչ անել հնարավոր չէ, ու ավելի ճիշտ կլինի՝ այլ ելքեր փնտրել:
Փորձեցինք լսել նաև պատասխանատու կառույցի`ՀՀ տրանսպորտի և կապի նախարարության տեսակետը: Հասարակայնության հետ կապերի և լրատվության բաժնի պատասխանատու Սուսաննա Տոնոյանն ասաց. «Աշխատանքներից մնացել է միայն ասֆալտապատումը: Այժմ եղանակային վատ պայմաններն ու անձրևները թույլ չեն տալիս աշխատանքներն ավարտին հասցնել: Սակայն, հենց սկսվի ասֆալտապատումը, տևելու է ընդամենը մեկ ամիս, դրանից հետո բոլորը կարող են շատ հանգիստ երթևեկել: Իսկ ինչ վերաբերում է ճանապարհի ուղղությունը փոխելուն՝ նման բան չկա»:
Մասնագետները վստահ են, որ նախագիծը հաստատող պատասխանատուները փոշիացրել են գումարները և դժվար թե այնքան համարձակություն ունենան, որ ասեն՝ սխալվել են, կամ էլ՝ պարզապես վատնել են 800 միլիոնը: Իսկ որ այդպես էլ եղել է, պարզ կդառնա ընդամենը մի քանի ամսից:
Բարաք Օբամայի վարչակազմը պատրաստվում է ոչ լեգիտիմ հայտարարել Սիրիայի նախագահ Բաշար Ասադի ռեժիմը:
«Մենք Սիրիայի իշխանություններին կոչ ենք անում դադարեցնել ապստամբների սպանությունները և չխոչընդոտել բողոքի ցույցերը»,- նախազգուշացրել է ԱՄՆ պետդեպարտամենտի պաշտոնական ներկայացուցիչ Մարկ Թոները՝ հավելելով, որ Բաշար Ասադը դեռևս ժամանակ ունի ներողություն խնդրելու:
Օրեր առաջ Սպիտակ տունը հայտարարել էր, որ ԱՄՆ-ը և միջազգային հանրությունը շարունակելու են «լրացուցիչ միջոցներ» օգտագործել Սիրիայի իշխանությունների դեմ, եթե նրանք չդադարեցնեն խաղաղ բնակիչների սպանությունները:
Միացյալ Նահանգները պնդում է, որ միջազգային հանրությունը պարտավոր է կասեցնել Սիրիայում սանձազերծված սպանությունները:
Ըստ մի շարք տեղեկությունների՝ բողոքի ցույցերի հետևանքով առնվազն 757 խաղաղ բնակիչ է զոհվել:
Ամերիկացիների կողմից սպանված «Ալ Ղաիդա» ահաբեկչական կազմակերպության ղեկավար Ուսամա բեն Լադենի տղաները պահանջում են ՄԱԿ-ից ուսումնասիրել իրենց հոր սպանության հանգամանքները:
New York Times թերթը հայտարարություն է ստացել, որտեղ մասնավորապես ասված է, որ Բեն Լադենի սպանությունը մարդու իրավունքների խախտում է:
Ահաբեկչի որդիների կարծիքով՝ իրենց հորը կարելի էր դատել Սադամ Հուսեյնի կամ Սլոբոդան Միլոշևիչի նման:
Հայտարարությունը ստորագրել է Բեն Լադենի որդի Օմարը:
Երեկ Հայաստանը ներկայացնող երգչուհի Էմմին «Boom-Boom» երգով ելույթ ունեցավ 4-րդը, և վերջին վեց տարում Հայաստանն առաջին անգամ չանցավ եզրափակիչ: Հետաքրքիր է, որ Հայաստանի հաղթանակի հավանականությունը բուքմեյքերները դրական էին գնահատել:
Ստացվեց այնպես, որ Հայաստանը «Եվրատեսիլ 2011»-ի եզրափակիչում ներկայացված չի լինի: Առաջին կիսաեզրափակչի արդյունքներով եզրափակիչ փուլ անցան Վրաստանը, Ադրբեջանը, Սերբիան, Հունաստանը, Լիտվան, Շվեյցարիան, Հունգարիան, Ֆինլանդիան, Ռուսաստանն ու Իսլանդիան ներկայացնող երգիչները։ Հաղթանակի ամենաբարձր հավանականությունը տրվել էր Ֆրանսիան ներկայացնող Ամորի Վասալիին:
Հայաստանը մասնակցում է «Եվրատեսիլին» 2006-ից: Հիշեցնենք, որ այդ տարի Անդրեն գրավեց 8-րդ տեղը: 2007-ին նույն տեղը նվաճեց նաև Հայկոն: 2008-ին Սիրուշոն Հայաստանը ներկայացրեց 4-րդ հորիզոնականում: 2009-ին Ինգա և Անուշ Արշակյանները զբաղեցրել են 10-րդ տեղը, իսկ անցած տարի Էմմիի և կազմակերպիչների միջև տհաճ խոսակցություններից հետո Եվա Ռիվասը դարձավ 7-րդը:
2012 թվականին Ֆրանսիայի և Ամերիկայի հայերը համայնական մի մարտահրավեր ունեն. ամեն ինչ անել կանխելու համար իրենց խաբեբա նախագահների վերընտրությունը:
Ոչ Նիկոլա Սարկոզին, ոչ էլ Բարաք Օբաման չկատարեցին հայ ընտրողներին տված իրենց խոստումները: Ֆրանսիայի նախագահը չկատարեց Հայոց ցեղասպանության ժխտման քրեականացման մասին օրինագծին աջակցելու իր հանձնառությունը, իսկ ամերիկյան ղեկավարը խախտեց Ցեղասպանությունը ճանաչելու իր խոստումը:
Օբամայի դրժած խոստումների երկար շարանը հանրահայտ է, սակայն քչերը գիտեն Սարկոզիի խաբեության մասին: 2001 թվականի հունվարի 29-ին նախագահ Ժակ Շիրակը օրենքով հաստատեց 1998 թ. մայիսի 29-ին Ազգային ժողովի և 2000 թ. նոյեմբերի 7-ին Սենատի կողմից ընդունված Հայոց ցեղասպանությունը ճանաչող որոշումը: Այնուհետև հայ համայնքը խնդրագիր ներկայացրեց Ֆրանսիայի կառավարությանը` Հայոց ցեղասպանության ժխտման համար սահմանել 45000 եվրոյի չափով տուգանք և 5 տարով ազատազրկում` համանման հրեական Հոլոքոստի ժխտման քրեականացման օրենքին:
Այս տրամաբանական ակնկալիքը լուրջ բանավեճի վերածվեց` Ֆրանսիայի վրա թուրքական ճնշման և որոշ ֆրանսիացի մտավորականների հակադրության պատճառով, որոնք համառորեն պաշտպանում էին խոսքի ազատությունը: Այս պայմաններում, Ֆրանսիայի կառավարությունը փորձում էր կանխել սույն հարցի վերաբերյալ քվերարկությունը Ազգային ժողովում:
Ֆրանսիացի մտավորականները, որոնք առարկում էին այս օրենքի դեմ, նկատի ունենալով խոսքի ազատության սահմանափակումը, անտեսում էին այն փաստը, որ 1990 թվականից Ֆրանսիայում նման մի օրենք գոյություն ուներ` Հոլոքոստը ժխտողներին պատժելու համար: Մյուս կողմից, թուրք ուրացողների առաջ քաշած առարկությունները լրիվ անհեթեթ էին: Թուրք բռնակալ ղեկավարները ոչ մի իրավունք չունեին խոսքի ազատության դաս տալ ֆրանսիացիներին, երբ իրենց սեփական երկրում ձերբակալում են լրագրողներին, գրաքննության ենթարկում լրատվամիջոցներն ու արգելում Հայոց ցեղասպանության ճանաչումը:
Դժբախտաբար, որոշ բարեմիտ, սակայն միամիտ հայեր և նրանց առաջադեմ թուրք ընկերները ևս ընդդիմացան առաջարկվող օրենքին, դրանով իսկ ակամա աջակցելով թուրքական ժխտողականությանը: Նրանք դեմ էին արտահայտվում այս օրինագծին` Հայոց ցեղասպանության ճանաչումն արգելող թուրքական Քրեական օրենսգրքի տխրահռչակ 301-րդ հոդվածը հավասարեցնելով Ցեղասպանության ժխտման քրեականացման առաջարկվող ֆրանսիական օրենքին: Սա անհեթեթ համեմատություն է, քանի որ թուրքական օրենքով հանցագործություն է համարվում Հայոց ցեղասպանության մասին ճշմարտություն ասելը, մինչդեռ ֆրանսիական օրենքով հանցագործություն է համարվում դրա մասին ստելը: Ինչո՞ւ առաջադեմ թուրքերն ու ֆրանսիացի մտավորականները, որոնք պնդում էին, թե աջակցում են խոսքի ազատությանը, չէի՞ն առարկել Հոլոքոստի ժխտումը քրեականացնող համանման ֆրանսիական օրենքին: Արդյո՞ք այդ օրենքը նաև չի սահմանափակում խոսքի ազատությունը: Ինչո՞ւ Հայոց ցեղասպանության զոհերը հավասարապես պաշտպանված չլինե՞ն ֆրանսիական օրենքի առաջ:
Երկարատև քննարկումներից և ձգձգումներից հետո Ֆրանսիայի Ազգային ժողովը 2006 թ. հոկտեմբերի 12-ին վավերացրեց Հայոց ցեղասպանության ժխտումը քրեականացնող օրինագիծը և այն ուղարկեց Սենատ, որտեղ վերջինս սառեցված մնաց մինչև անցյալ շաբաթ:
Մինչ Սարկոզին նախագահի թեկնածու էր, նա շարունակաբար խոստանում էր աջակցել այդ օրենքի ընդունմանը Ֆրանսիայի Սենատում: Սակայն որպես նախագահ, նա ամբողջովին փոխեց իր դիրքորոշումը և հակադրվեց դրան: Շառլ Ազնավուրի և Ֆրանսիայի ազդեցիկ հայ համայնքի կողմից խիստ քննադատության ենթարկվելուց հետո, և գիտակցելով, որ հաջորդ տարվա նախագահական ընտրություններում նա շատ հետ է իր հավանական հակառակորդների վարկանիշից, նախագահ Սարկոզին վերջերս հանդիպեց մի քանի հայտնի ֆրանսահայերի հետ և խոստացավ չխոչընդոտել օրինագծի ընդունմանը Սենատում: Սակայն դա անբավարար էր և մի քիչ ուշացած: Թուրքիայի ղեկավարների կրկին սանձազերծած ուժեղ քարոզչությունից հետո, Ֆրանսիայի կառավարությունը հանձնարարել էր Սենատում մեծամասնություն կազմող Սարկոզիի կուսակցությանը (Ժողովրդական շարժման միություն) հակադրվել այդ օրինագծին: Մայիսի 4-ին, երեք ժամ տևած քննարկումներից հետո, Սենատը ձայների 196-74 հարաբերակցությամբ մերժեց օրակարգում պահել օրինագիծը:
Այս օրինագծի համար պայքարը ամենևին էլ չի ավարտվել: Այժմ ֆրանսահայերը, օգտվելով հարցախույզերում նախագահ Սարկոզիի ցածր վարկանիշից, պետք է իրենց ուժերը համախմբեն ֆրանսիացի ընտրողների մեծամասնության հետ` հաջորդ տարվա նախագահական ընտրություններում Սոցիալիստական կուսակցության թեկնածուին աջակցելու համար, ինչպես որ ամերիկահայերն են պատրաստվում ընդդիմանալ նախագահ Օբամային 2012 թ. ընտրություններում:
Ֆրանսիայի արդարադատության նախարարը, փորձելով գալիք ընտրություններում վերջնականապես չվանել ֆրանսահայ ընտրողներին, առաջարկել է հայերից և նախարարության պաշտոնյաներից կազմված մի համատեղ հանձնաժողով ստեղծել, որը դատարանների ուշադրությանը կներկայացնի Ցեղասպանության ժխտման դեպքերը: Սա ողջունելի քայլ է և համապատասխանում է Հոլոքոստի վերաբերյալ գոյություն ունեցող հանձնաժողովին, սակայն ֆրանսահայերը, այնուամենայնիվ պետք է համառորեն պնդեն Հայոց ցեղասպանության ժխտումը քրեականացնող օրենք ունենալու վրա:
Քանի քաղաքական գործիչները, թե’ Ֆրանսիայում, թե’ Միացյալ Նահանգներում, վատ համբավ ունեն իրենց խոստումները դրժելու մեջ, ապա երկու երկրներում էլ հայերը կարող են իրենց նպատակներին հասնել միայն իրենց ռեսուրսները միավորելով և ընտրողների համախմբված բլոկ ձևավորելով, որպեսզի սատարեն իրենց քաղաքական կողմնակիցներին և հակազդեն հակառակորդներին:
Հարութ Սասունյան
«Կալիֆորնիա կուրիեր» թերթի հրատարակիչ և խմբագիր
Թարգմ.` Ռ.Ավագյանի
Երևանի քաղաքապետ Կարեն Կարապետյանը հանդիպել է պաշտոնական այցով Երևանում գտնվող Իտալիայի Ֆրիուլի Վենեցիա Ջուլիա շրջանի պատվիրակությանը և ՀՀ-ում Իտալիայի արտակարգ և լիազոր դեսպան Բրունո Սկապինին:Կարեն Կարապետյանը ներկայացնելով քաղաքային տնտեսության կառավարման ոլորտում իրականացվող քաղաքականությունը, նշել է այն ուղղությունները, որոնք գործարար հետաքրքրություն կարող են ներկայացնել ներդրումների համար: Գնահատելով իտալական քաղաքաշինական մշակույթը, քաղաքապետն առաջարկել է քննարկել համատեղ ճարտարապետական դիզայնի կենտրոնի ստեղծման նախագիծը, ինչպես նաև դիտարկել առողջապահության, աղբահանության, կանաչապատման և քաղաքային տնտեսոււթյան կառավարման այլ ոլորտներում փոխշահավետ գործակցության մեխանիզմները: Կարեն Կարապետյանի համոզմամբ հարաբերություններին նոր թափ հաղորդելու բոլոր նախադրյալները կան. «Մենք պատրաստ ենք ձեր այցի ընթացքում կոնկրետ ծրագրեր քննարկել և աշխատանքային կարգով տեղեկատվություն փոխանակել»,-նշել է քաղաքապետը:
Շրջանի նախագահ Տոնդո Ռենցոն, խոսելով տարիների արդյունքում ձևավորված հայ –իտալական գործուն հարաբերությունների մասին, պատրաստակամություն է հայտնել ամրապնդել և խորացնել գործակցությունը փոխշահավետ հետաքրքրությունն ներկայացնող ոլորտներում:
Ինչպես նշում է Տեղեկատվության և հասարակայնության հետ կապերի վարչությունը, պատվիրակության կազմում ընգդրկված են տարբեր ոլորտներ ներկայացնող գործարարներ, ինչը, պատվիրակության ղեկավարի կարծիքով, լավ հարթակ է գործարար շփումների համար: «Այս օրերի ընթացքում կգրանցենք գործակցության բոլոր հնարավորությունները և, իտալացի գործարարների մտադրությունների հետ համադրելով, երկխոսության լավ արդյունք կստանանք»,- ասել է պատվիրակության ղեկավարը:
Մայիսի 10-ին՝ժամը 14.02-ին տեղեկատվություն է ստացվել, որ Կիևյան կամրջից մարդ է նետվել և կիրճից դին դուրս բերելու համար անհրաժեշտ է փրկարարների օգնությունը:
Դեպքի վայր է մեկնել հատուկ փրկարական ջոկատի հերթապահ խումբը:
Փրկարարների ուժերով կիրճից դուրս է բերվել 1955թ.-ին ծնված Սամվել Մելիքջանյանի դին և հանձնվել շտապօգնության և ոստիկանության աշխատակիցներին:
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.