Ազատում են քաղբանտարկյալներին: Արհեստականորեն չգիտես ինչի ձգձգում են պրեցեսը: Ազատել են արդեն Սասուն Միքայելյանին, նա գնում է տուն, որտեղ նրան շախով-շուխով պատրաստվում են դիմավորել համագյուղացիները: Իսկ Արթիկ քրեակատարողական հիմնարկի մոտ հավաքվել են Նիկոլ Փաշինյանի ընկերներն ու համակիրները ու սպասում են, թե երբ են նրան բաց թողնելու: Ողջ գործընթացը, տարբեր մեկնաբանություններում ներկայացվում է 12-15 րոպե, այնինչ բավականին երկար ժամանակ է ժողովուրդը սպասում է:

Արդեն մեկուկես ժամ է «Արթիկ» ՔԿՀ ում է գտնվում Շիրակի մարզի դատախազը: Այս պահի դրությամբ պարզ չէ, թե ինչ է կատարվում ներսում:

«Իշխանությունները գնում են քաղբանտարկյալներին ազատ արձակելու ճանապարհով, քանի որ ի սկզբանե որոշել են կեղծել առաջիկա ընտրությունները: Այսինքն, քաղբանտարկյալներ պահելով ընտրություններ կեղծելը կնշանակեր պայքար երկու ճակատով, այդ պատճառով էլ իշխանությունը բաց է թողնում քաղբանտարկյալներին, որպեսզի «ավելի ազատ կարողանա կեղծել ընտրությունները»,-այսօր լրագրողների հետ հանդիպման ժամանակ ասաց ԱԺ «Ժառանգություն» խմբակցության պատգամավոր Արմեն Մարտիրոսյանը` անդրադառնալով համաներման խնդրին:

Պատգամավորի  խոսքով սա  այն չէր  ինչ «Ժառանգությունը» սպասում էր.« Միանշանակ է, որ սա այն չէր, ինչ մենք սպասում էինք: Իսկ քաղբանտարկայլները պետք է ավելի շուտ ազատվեին »,- նշեց պատգամավորը` ավելացնելով , որ ընդունելի չէ քաղբանտարկյալների  այս կերպ ազատելու ձևը. «Այս կերպ չի ընդունվում, որ նրանք ի սկզբանե անմեղ են եղել: Բացի այդ, նրանց հետ միասին համաներմամբ բանտից կազատվեն մարդիկ, որոնք գուցե կարող են վտանգավոր լինել հասարակության համար»,- ասաց  Արմեն  Մարտիրոսյանը։

Ինչ վերաբերում է երկխոսությանը, ապա, ըստ Արմեն  Մարտիրոսյանի, դա տրամաբանական է այս իշխանության և ՀԱԿ-ի միջև, քանի որ երկուսն էլ նույն մոտեցումներն ունեն ԼՂ հարցի և հայ-թուրքական հարաբերությունների հետ կապված.«Արտաքին ուժերի կողմից երկխոսությունն ու համաներումը ողջունելը ևս այս կոնտեքստում է»,- ասաց նա:

Պատգամավորը շեշտեց, որ այդ երկխոսությունը չակերտավոր երկխոսություն է, քանի որ հասարակությունը երբևէ չի բարձրացրել երկխոսության խնդիր, այլ բարձրացրել է արմատական բարեփոխումների խնդիրը:

ՀԱԿ ներկայացուցիչ Պետրոս Մակեյանը քիչ առաջ դուրս գալով, «Արթիկ» ՔԿՀ –ի մոտ սպասող մարդկանց տեղեկացրեց, որ  Նիկոլ Փաշինյանը մեկ ժամից ազատության մեջ կլինի:

Հետաքրքիր է, որ այսօր առավոտից խոսվում է միայն Նիկոլի և Սասունի ազատման մասին, մինչդեռ 3 քաղբանտարկյալ էլ կա, Սարգիս Հացպանյանն էլ ներառյալ, որոնց վրա տարածվել է համաներումը: Մինչդեռ նրանց մասին մարդիկ կարծես մոռացել են:

ՀԱԿ-ի մամլո խոսնակ  Արման Մուսինյանը մեր հարցին, թե այս պահի դրությամբ ինչ վիճակում է մյուսների գործերը, ասաց. «Այս պահին դուրս է եկել միայն Սասուն Միքայելյանը. և մենք հիմա  սպասում ենք  Նիկոլին:  Ինչ վերաբերում է մյուս քաղբանտարկյալ ընկերներին  ապա ասեմ,  որ նրանք մինչև մայիսի 31-ը մեզ հետ կլինեն»:

ՌԴ  արտաքին գործերի նախարարի տեղակալ Սերգեյ Ռյաբկովը հայտարարել է, որ Ռուսաստանը կարող է միջնորդ դառնալ Լիբիայի  իրավիճակը հարթելու համար:

Վերջինիս խոսքերով ՌԴ կարող է  «որոշակի ազդանշաններ հասցնել» կողմերին, իսկ պաշտոնական Մոսկվան համոզված է, որ Քադդաֆին կորցրել է իր լեգիտիմությունը:

Աֆրիկյան երկրների հետ համագործակցության գծով ՌԴ նախագահի ներկայացուցիչ Միխաիլ Մարգելովը հայտարարել է, որ Ռուսաստանը ակտիվացնելու է շփումները և Բենգազիի և Տրիպոլիի հետ: Միևնույն ժամանակ վերջինս ընդգծել է, որ անձամբ Քադդաֆիի հետ բանակցելն իմաստ չունի: Մարգելովի խոսքերով ԱՄՆ-ի, Ֆրանսիայի և Գերմանիայի ղեկավարները բարձր են գնահատել Ռուսաստանի ակտիվությունն այդ հարցում:

Քիչ առաջ «Դատապարտյալների հիվանդանոց» ՔԿՀ-ից ազատ արձակվեց նախկին պատգամավոր Սասուն Միքայելյանը։ Նախ շենքից դուրս բերեցին  նրա իրերը։ Ժամը 16։37-ին ՔԿՀ շենքից դուրս եկավ նաև Սասուն Միքայելյանը։

Առավոտից Սասուն Միքայելյանին էին այստեղ սպասում նրա բազմաթիվ համակիրները, համագյուղացիներն ու մարտական ընկերները։ Նրա հարազատ Վանատուր գյուղում պատրաստել են ամբիոն ու բարձրախոս և սպասում են Միքայելյանին, որպեսզի հավաք անցկացնեն։

Այս պահին «Արթիկ» ՔԿՀ-ի մոտ բազմաթիվ մարդիկ սպասում են «Հայկական ժամանակ» օրաթերթի գլխավոր խմբագիր Նիկոլ Փաշինյանի ազատ արձակմանը։ Այնտեղ հավաքվածները բղավում են «Ազատություն Նիկոլին»։

Հիշեցնենք, որ և՛ Միքայելյանը, և՛ Փաշինյանը դատապարտվել են Մարտի 1-ի գործով։ Նրանք ազատ են արձակվում Հայաստանի Հանրապետության 20-րդ տարեդարձի առթիվ հայտարարված համաներման շրջանակում։

2011 թ. վերջին Հայաստանում կգրանցվի գնաճ՝ 6-6.5 տոկոսի միջակայքում, իսկ  տնտեսական աճը 2011-2012 թթ. Հայաստանում կկազմի 4 — 5 տոկոս, կանխատեսում է, համաշխարհային բանկը: Այս մասին ասել է ՀԲ երևանի գրասենյակի ղեկավար Ժան Միշել Հապին:

ՀՀ կառավարությանն առընթեր պետական գույքի կառավարման վարչության պետ Կարինե Կիրակոսյանն իր դիմումի համաձայն ազատվել է աշխատանքից: Նման որոշում կայացրել է Վարչապետ Տիգրան Սարգսյանը:

Երեկ Ազգային Ժողովում համաներման քվեարկության ժամանակ ներկա 92 պատգամավորներից  մեկ պատգամավոր ձեռնպահ էր քվեարկել :

Պարզվել է, որ միակը, որ կողմ չէ համաներմանը` ԱԺ նախկին նախագահ Տիգրան Թորոսյանն է:

Թորոսյանը պարզաբանել է իր քայլը, նշելով որ որոշումն անտրամաբանական է:

Բացի այդ, նա հայտարարել է, որ 2008 թ. արտահայտած սկզբունքներից չի հրաժարվել՝ ի տարբերություն ոմանց, որ հայհոյում էին միմյանց , իսկ հիմա՝ գնում երկխոսության:

«ՀԱԿ-ն իր ամբողջ ներուժն օգտագործելու է օր առաջ արտահերթ ընտրութուններ անցկացնելու համար»,- այսօր լրագրողների հետ հանդիպման ժամանակ ասաց ՀԱԿ մամուլի խոսնակ Արման Մուսինյանը։

Ըստ նրա արտահերթ ընտրությունների պահանջը շարունակում է մնալ ՀԱԿ-ի օրակարգի առանցքում, սակայն հետագայի մանրամասները կներկայացվեն մայիսի 31-ի համապետական հանրահավաքում, որտեղ կամփոփվի ծրագրի  առաջին փուլը, և կնախանշվի երկրորդ փուլի ուղին։

Մուսինյանը կարծում է, որ Նիկոլ Փաշինյանը և Սասուն Միքայելյանը ելույթ կունենան մայիսի 31-ի հանրահավաքին, ինչը նոր թափ կհաղորդի շարժմանը։

Մուսինյանը համոզված է, որ արտահերթ ընտրությունները անհրաժեշտություն են: Իսկ բանակցությունները իշխանության և ՀԱԿ-ի միջև, շարունակվելու է. «Այս երեք պահանջների լուծմամբ քաղաքական ճգնաժամը Հայաստանում չի ավարտվել։ Այն փաստը, որ ընտրությունները կեղծվել են, և ոչ լեգիտիմ իշխանություն է ստեղծվել, արդեն հարատև ճգնաժամ է ստեղծել»:

Ասուլիսի վերջում Մուսինյանն ընդգծեց .«Մենք պահանջել ենք, որ մեր ընկերները մեր կողքին լինեն մայիսի 31-ի հանրահավաքին, թե ինչ տեխնիկական մեթոդներով դա կարվի՝ իշխանության պրոբլեմն է»:

Ամստերդամի «Այաքսի» հայ կիսապաշտպան Արազ Օզբիլիսը մոտ է թուրքական «Բուրսասպոր» տեղափոխվելուն։ Այս մասին տեղեկացնում է htspor.com-ը՝ հղում անելով NTVSPOR-ին։

Թուրքական ԶԼՄ-ները նշում են, որ «Բուրսասպորն» արդեն համաձայնության է եկել բելգիական «Բրյուգեի» 30-ամյա դարպասապահ Ստեյն Ստիյնենի և «Այաքսի» կիսապաշտպան Արազ Օզբիլիսի տրանսֆերի հարցում։

«Բուրսասպորը» Թուրքայի նոր ավարտված առաջնությունում եզրափակել է լավագույն եռյակը, իսկ նախորդ մրցաշրջանում դարձել էր երկրի չեմպիոն։

Ինչ վերաբերվում է Օզբիլիսին, ապա եթե նրա տեղափոխությունը մեծ անակնկալ կլինի, քանի որ Արազը վերջերս նոր պայմանագիր է կնքել «Այաքսի» հետ։