29.09.2024 | 20:03
Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսե...09.09.2024 | 12:51
Խնդրում ենք ընթերցողների ներողամտությունը26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...ՀՀ փոխվարչապետ, տարածքային կառավարման նախարար Արմեն Գևորգյանն հունիսի 7-ին այցելեց Վայոց Ձորի մարզ` վերջին օրերին արձանագրված արտակարգ իրավիճակների հետևանքներին ծանոթանալու, դրանց վերացման հետ կապված հարցերը տեղում քննարկելու նպատակով: Փոխվարչապետին ուղեկցում էին մարզպետ Ս. Բագրատյանը, ՀՀ տրանսպորտի և կապի, գյուղատնտեսության նախարարությունների, ՏԿՆ Ջրային տնտեսության պետական կոմիտեի պատասխանատուներ:
Վերջին օրերին Արփա գետի վարարման հետևանքով վնասվել է Եղեգնաձորի կամուրջը: Փոխվարչապետը տեղում պատասխանատուների հետ քննարկեց կամրջի վերակառուցման հնարավորությունները: Հանձնարարվեց գյուղատնտեսության նախարարությանն առաջարկներ ներկայացնել ափապաշտպան կառույցների ամրացման վերաբերյալ:
Եղեգնաձորում Ա. Գևորգյանը ծանոթացավ նաև Շահումյան 15 հասցեում գտնվող բազմաբնակարան շենքի ամրացման աշխատանքներին, որոնք իրականացվում են մարզի առաջնահերթ խնդիրների լուծման ծրագրով: Տեղում քննարկվեց նաև մեկ այլ բազմաբնակարան վթարային շենքի ամրացման հնարավորությունը:
Ա. Գևորգյանի հաջորդ կանգառը Շատինում էր, որտեղ օրեր առաջ փլուզվել էր գյուղը մարզկենտրոնին կապող գլխավոր ճանապարհը: Ներկայումս աշխատանքներ են տարվում համայնքի և մարզկենտրոնի միջև երթևեկության ապահովման ուղղությամբ: Փոխվարչապետը ծանոթացավ իրավիճակին և կատարվող աշխատանքներին: Տրանսպորտի և կապի նախարարությանը հանձնարարվեց ուսումնասիրել ճանապարհի վերակառուցման նպատակահարմարությունը` հաշվի առնելով, որ այն գտնվում է սողանքային գոտում, ինչպես նաև շրջանցիկ ճանապարհի կառուցման նախահաշիվ ներկայացնել: Սողանքի հետևանքով վնասվել է Եղեգնաձորի ոռոգման ինքնահոս համակարգի ջրատարի մոտ 200 մետրանոց հատվածը, որին քանդման վտանգ է սպառնում: Ջրտնտպետկոմի նախագահ Ա. Անդրեասյանին հանձնարարվեց սեղմ ժամկետներում ներկայացնել վթարի վերացման հնարավոր տարբերակները և անհրաժեշտ ֆինանսական ծավալները:
Ըստ ՏԿՆ հասարակայնության հետ կապերի բաժնի մամլո հաղորդագրության, փոխվարչապետը եղավ նաև Վայքի հատվածում, որտեղ վարարումների հետևանքով մոտ 15 հա տարածք ողողվել է ջրով: Տեղեկացվեց, որ ՀՀ գյուղատնտեսության նախարարության մասնագետներն արդեն կատարել են համապատասխան ուսումնասիրություններ, որոնց արդյունքներն առաջիկայում կներկայացվեն կառավարության քննարկմանը:
Մարզպետին հանձնարարվեց հրատապ կարգով աշխատել համապատասխան նախարարությունների հետ` ստեղծված իրավիճակին լուծումներ տալու և հետևանքները վերացնելու ուղղությամբ:
«Երկիր» թերթի դեմ ՀՀ Ազգային Ժողովի պատգամավոր Տիգրան Արզաքանցյանի հատկապես այժմ դատական հայց ներկայացնելը պայմանավորված է այն հանգամանքով, որ նա «օգտագործվում է իշխանության կողմից և իրեն օգտագործողները հիմա են նպատակահարմար գտել դատական հայց ներկայացնել: Այս մասին հունիսի 7-ի ասուլիսում հայտարարեց թերթի գլխավոր խմբագիր Բագրատ Եսայանը: Նա նշեց, որ իրենք նախկինում հրապարակել են նաև 122 պատգամավորի մասին նյութեր, ընդ որում` եղել են ավելի սուր հրապարակումներ, բայց դատական գործեր չեն հարուցվել:
Տ.Արզաքանցյանն ընդդեմ «Երկիր» օրաթերթի դատական գործով դատարանի որոշումը հրապարակվելու է վաղը: Բ.Եսայանը և փաստաբան Լիանա Գրիգորյանը հայտարարեցին, որ հայցը թեկուզ մասնակիորեն բավարարվելու դեպքում էլ իրենք բողոքարկելու են այն: «Թեկուզ մասնակի` մեկ դրամ, մեկ լումայով հայցը բավարարելու դեպքում բողոքարկվելու է վճիռը, այնքան ժամանակ, որ հատուցեն մեր դատական ծախսերը: Եվ եթե Հայաստանի դատական համակարգը լիովին սպառի իրեն, մենք հասնելու ենք Եվրոպական դատարան. և դա լինելու է լրատվամիջոցի դատն ընդդեմ Հայաստանի Հանրապետության»,- հայտարարեց Բ.Եսայանը:
Ըստ Արզաքանցյանի, «Երկիրը» «131 դեմք ու դիմակ» վերնագրով հոդվածով վիրավորել է իր արժանապատվությունը: Նա վիրավորական է համարում իր հասցեին «ստիլյագ», «քյավառա բարբառին տիրապետող», «Ռուսաստանից աղջիկներ տանող-բերող», «ծեծ ուտելու սովորություն ունեցող» արտահայտությունները, իր հասցեին «Երկիր» թերթում նախկին վարչապետ Հրանտ Բագրատյանից արված «Էդ լակոտը խայտառակում է մեր երկրի կոնյակի պատիվը» արտահայտության մեջբերումը:
Բ.Եսայանը նշեց, որ «Երկիրը» հրապարակել է Հ.Բագրատյանի հերքումը, որ ինքը նման բան չի ասել: Նա հայտնեց, որ Պետեկամուտների կոմիտեից խնդրել են տրամադրել պատգամավորի գույքի և հարկի հայտարարագրերը` պարզելու համար, թե նա ինչ սեփականություն ունի, ինչ գումարներ է վաստակել, և արդյոք նա, ինչպես նշել էր, 22 մլն դրամի բարեգործություն է արել:
«Հրապարակային քաղաքական գործիչները պետք է ավելի շատ ուշադրության կենտրոնում գտնվեն, որ ընտրողներն իմանան, թե ում են ձայն տալիս,- ասել է թերթի Բ.Եսայանը: — Վստահ եմ որ ընտրողները եթե իմանային` նրա կերպարն իրականում ինչպիսին է, ձայն չէր ստանա ոչ միայն նա, այլև այն կուսակցությունը, որի շարքերում է ինքը»:
ԵԱՀԿ Մինսկի խմբի համանախագահները տարածաշրջան այցի ընթացքում նոր առաջարկներ չեն արել ղարաբաղյան հակամարտության կարգավորման ուղղությամբ: Այդ մասին լրագրողների հետ զրույցում հայտարարել է Ադրբեջանի ԱԳ նախարար Էլմար Մամեդյարովը:
«ԵԱՀԿ ՄԽ համանախագահները նոր առաջարկներ չեն բերել: Այս այցի ընթացքում քննարկումներ են ընթանում նախկին առաջարկների շուրջ»- ասել է Մամեդյարովը:
Նախարարը նշել է, թե այսօր համանախագահները ուղևորվելու են Լեռնային Ղարաբաղ որտեղից էլ կմեկնեն Հայաստան: «Երևանում քննարկումները կշարունակվեն: Շաբաթ օրը հանդիպումները կշարունակվեն Ռուսաստանի, Ադրբեջանի և Հայաստանի արտգործնախարարների մակարդակով» ասել է նա:
«Գործող իշխանության և Հայ ազգային կոնգրեսի միջև այսօր կան գաղափարական ընդհանրություններ։ Միայն մեկ տարբերություն կա. այդ ուժերից մեկն իշխանության դաշտում է, մյուսը՝ ընդդիմության»,- այսօր լրագրողների հետ հանդիպման ժամանակ ահա այսպիսի դարակազմիկ «բացահայտում» արեց ԱԺ «Ժառանգություն» խմբակցության ղեկավար Ստյոպա Սաֆարյանը։
Եվ ոչ միայն այս «բացահայտումը: Ըստ Սաֆարյանի, եթե իշխանության բաժանման հարցում համաձայնության գան և հաղթահարեն այսօրվա անվստահության մթնոլորտը, ապա չի բացառվում, որ ՀԱԿ-ն ու իշխանությունը հաջորդ խորհրդարանական ընտրություններին մասնակցեն մեկ միասնական դաշինքով: «Եթե այդքան ընդհանրություններ կան, ապա նույն դաշինքի կամ նույն իշխանության մեջ լինելը ինչո՞ւ պետք է հակացուցված լինի»,- ասաց Սաֆարյանը։
Նրա համոզմամբ՝ ՀԱԿ-ի պահանջների շրջանակը իշխանության հետ համաձայնեցված էր։ Երկրում քաղբանտարկյալների հարցը լուծված չէ, քանի որ, ըստ Ստեփան Սաֆարյանի, քաղաքական դատավճիռ կայացրած դատավորը չի պատժվել, և «քաղբանտարկյալ» երևույթը երկրում արմատախիլ չի արվել։
Հայաստանում այսուհետ ևս քաղբանտարկյալներ լինելու են, քանի որ 1995-ից հետո արդեն որերորդ ընտրությունն է ՝ պրակտիկան կրկնվում է։ Նրա խոսքով, քաղբանտարկյալներին ձերբակալելուց հետո իշխանությունը «մի աննախադեպ շոու է սկսում, թե ինքն այնքան մարդասեր է, որ ազատ է արձակում հանցագործներին»։
««Ժառանգությունն» ասել և ասելու է, որ քաղբանտարկյալների հարցը Հայաստանում իրականում չի լուծվել, լուծվել է հանիրավի անազատության մեջ գտնվող մարդկանց ազատ արձակման հարցը։ Քաղբանտարկյալների խնդիրը լուծվում է այն դեպքում, երբ պետությունը պատժում է քաղաքական վճիռ կայացրած դատավորին կամ քննիչին, որը նման դատաքննություն է իրականացրել»,- ազդարարեց պատգամավորը։
Անդրադառնալով երկրում առկա իրավիճակին՝ Ստեփան Սաֆարյանը կանխատեսեց, որ ներքաղաքական զարգացումները հետաքրքիր հանգրվանի են բերելու։ «Նախընտրական շրջանը ոչ պաշտոնապես, սակայն արդեն մեկնարկել է, և այս պահին հատկանշական է, որ փորձ է արվում արհեստական շնչառություն տալ 2008-ին ձևավորված շարժմանը, պահպանել դրա իներցիան»,- ասաց պատգամավորը։
Այս ամենով հանդերձ, Սաֆարյանը տեղին համարեց հիշեցնել, որ «Ժառանգությունը» չի խանդում և չի նախանձում քաղաքական ոչ մի ուժի, միայն հետամուտ է, որպեսզի այդ ուժերի համագործակցության արդյունքում հակաօրինական և հակաիրավական որոշումներ չկայացվեն։
«Կա ժամանակ դատ բացելու և ժամանակ՝ համաձայնվելու» վերտառությամբ իմ վերջին հոդվածում ես հորդորեցի ամերիկահայ համայնքին համախմբվել և սկսել կյանքի կոչել Հայոց ցեղասպանության թանգարանը և հուշահամալիրը, որը գտնվում է Վաշինգտոնում Սպիտակ տնից երկու թաղամաս այն կողմ։
Ես այդ առաջարկությունը ներկայացրեցի այն բանից հետո, երբ դաշնային դատավորը վճիռ կայացրեց, որ «Գաֆեսճյան ընտանիք հիմնադրամը» թանգարանի շենքերի օրինական սեփականատերն է։ Բազմաթիվ ամերիկահայեր հույս ունեին, որ դատարանի վճիռը վերջ կդներ արդեն մի քանի տարի շարունակվող իրավական քաշքշուկներին, որոնց պատճառով ձգձգվեց Ցեղասպանության թանգարանի ստեղծումը և ծախսվեց մի քանի միլիոն դոլար փաստաբանների վրա։
Թեև հայկական համայնքում շատերը ողջունեցին իմ կոչը՝ համախմբել ջանքերը և կյանքի կոչել Թանգարանը Հայոց ցեղասպանության 100-րդ տարելիցին, այնուամենայնիվ Հայկական համագումարի առաջնորդները չհամաձայնեցին և որոշեցին բողոքարկել դատարանի վճիռը։ Անշուշտ, Համագումարն իրավունք ունի բողոքարկելու , սակայն դա չի կարող լինել գործի ճիշտ ընթացքը։ Դատավարությունը շարունակելն էլ ավելի կձգձգի ԱՄՆ-ի մայրաքաղաքում Հայոց ցեղասպանության թանգարանի ստեղծումը և կվնասի ոչ միայն ամերիկահայ համայնքի, այլ նաև հենց Համագումարի շահերը։
Համագումարի անդամներին ու սատարողներին պետք է մտահոգի իրենց որոշ առաջնորդների՝ դատական վեճը շարունակելու համառությունը։ Շատ ավելի նախընտրելի կլիներ, եթե նրանք իրենց սահմանափակ միջոցներն ուղղեին կազմակերպության սոցիալական և քաղաքական գործունեությունը ընդլայնելուն, որոնք վերջին տարիներին զգալիորեն նվազել են տնտեսության անկման և Վաշինգտոնի, Լոս Անջելեսի և Երևանի իր գրասենյակներից աշխատակազմի փորձառու անդամներին աշխատանքից հեռանալու պատճառով։ Կազմակերպության եկամուտն առավել ևս նվազեց՝զրկվելով Համագումարի մի քանի դոնորների աջակցությունից, այն բանից հետո, երբ Համագումարի առաջնորդներից ոմանք ներգրավվեցին վիճահարույց Հայ-թուրքական հաշտեցման հանձնաժողովում (ՀԹՀՀ)։ Համագումարը հաստատեց, որ ֆինանսական միջոցների սակավությամբ էր պայմանավորված Միացյալ հայկական հիմնադրամից իր հեռանալը, որը հանդիսանալով յոթ խոշորագույն հայամերիկյան բարեգործական և կրոնական կազմակերպությունների կոալիցիա՝ 1988 թվականի երկրաշարժից ի վեր Հայաստանին և Արցախին տրամադրել է ավելի քան 600 միլիոն ԱՄՆ դոլարի մարդասիրական օգնություն։
Նման հանգամանքներում, Համագումարի առաջնորդների համար կարող է անարդյունավետ լինել մի քանի միլիոն դոլար ևս ծախսել վճիռը բողոքարկելու վրա, հատկապես, երբ Դատավորը վճռել է, որ իրենց սեփական իրավաբանական ծախսերը վճարելուց բացի, պարտավոր են փոխհատուցել նաև Ջերարդ Գաֆեսճյանի փաստաբանական ծախսերի մի մասը, որը կարող է զգալի գումար կազմել։ Այս միջոցները կարող էին առավել արդյունավետ օգտագործվել Վաշինգտոնում Համագումարի լոբբիստական գործունեությունը կրկին ակտիվացնելու համար կամ ֆինանսավորելու համար այլ արժանի ծրագրեր, ինչպիսին է Ցեղասպանության թանգարանը։
Համագումարի առաջնորդները չպետք է նաև իրենց ջանքերը վատնեն դատական գործը մամուլի միջոցով մի անգամ ևս դատելու վրա։ Անցած շաբաթ «Կալիֆորնիա Կուրիեր» թերթը ստացել է խմբագրին ուղղված մի նամակ՝ Հայկական համագումարի հիմնական սատարողներ ազնիվ և բարերար մի զույգի անունից։ Նրանք իրենց անհամաձայնությունն էին հայտնում «Կա ժամանակ դատ բացելու և ժամանակ՝ համաձայնվելու» վերտառությամբ հոդվածիս կապակցությամբ։ Հետաքրքրական է, որ այս նամակի որոշ տողեր նման էին Համագումարի կողմից մեկ շաբաթ առաջ հրապարակված մամլո հաղորդագրությանը։ Իրականում, տեքստը նման էր փաստաբանի կողմից կազմված դատական գործի շարադրանքի, քան ընթերցողի կարծիքն արտահայտող նամակի։ Զարմանալիորեն, այս նամակն ուղարկվել է ԱՄՆ-ում և Կանադայում 10 հայկական թերթերի և կայքեջերի՝ խնդրելով նրանց հրապարակել դա որպես պատասխան իմ հոդվածին, որը սակայն լույս չէր տեսել այդ թերթերից շատերում:
Ես իսկապես հույս ունեմ, որ Համագումարի առաջնորդներն իզուր չվատնեն իրենց ջանքերը նամակագրական արշավներ կազմակերպելով և ապարդյուն բանավեճերի մեջ մտնելով մամուլի անդամների հետ, քանի որ ոչ մի իմաստ չկա թերթերի միջոցով դատավարությունը նորից կրկնելու։ Այս հարցն արդեն իսկ լուծվել է դատական կարգով՝ անկախ դաշնային դատավորի կողմից։
Այնուամենայնիվ, անցած շաբաթ վեճերի և մեղադրանքների տակ խորը թաքնված հույսի մի նշույլ հայտնվեց։ Հայկական համագումարի նախագահ պարոն Հրայր Հովնանյանը «Բաց նամակով» առաջարկեց, որ «միգուցե նա կարողանա համոզել բոլոր շահագրգիռ կողմերին համաձայնել բողոքարկում չներկայացնել», եթե պարոն Գաֆեսճյանը երաշխավորի Հայոց ցեղասպանության թանգարանի ստեղծումը։
Քանի որ պարոն Գաֆեսճյանն արդեն իսկ հայտնել է դատարանում նման պատրաստակամությունը, ժամանակն է վայր դնել սրերը և փորձել իրականացնել մեր հիմնական խնդիրը՝ հիմնել համահայկական մի մարմին, որը կստեղծի Հայոց ցեղասպանության թանգարանը Վաշինգտոնում մինչև 2015 թվականի ապրիլի 24-ը՝ Հայոց ցեղասպանության 100-րդ տարելիցին։
Հարութ Սասունյան,
«Կալիֆորնիա Կուրիեր» թերթի խմբագիր
Թարգմանիչ՝ Կարինե Գևորգյան
«ՌԻԱ նովոստի» գործակալությունը տեղեկացնում է, որ Ռուսաստանի նախագահ Դմիտրի Մեդվեդևը մտադրվել է առաջիկայում հանդիպել Իրանի նախագահ Մահմուդ Ահմադինեժադի հետ: Իր ցանկության մասին Մեդվեդեւը հայտնել է հունիսի 6-ին, Պուշկինի անվան ռուսաց լեզվի ինստիտուտում՝ գիտակրթական հանրության ներկայացուցիչների հետ հանդիպման ժամանակ:
«Ռուսաստանի ձայն» ռադիոկայանի հաղորդավար Շաֆի Ֆերզանեի կարծիքով, ռուս-իրանական կապերը նոր զարգացում են պահանջում:
ՀՀ նախագահի աշխատակազմի ղեկավար Կարեն Կարապետյանը, պատասխանելով այն հարցին, թե ի վերջո իշխանությունն ընդունում է երկխոսություն սկսելու` Հայ ազգային կոնգրեսի առաջարկը և պատրաստվում է արդյոք համապատասխան պատվիրակություն ձևավորել, հայտարարել է, որ այդ երկխոսությունը վաղուց է սկսվել, բավականին արդյունավետ ընթանում է և մի շարք դրական փոփոխությունների արդեն իսկ հանգեցրել է:
«Դա պարզապես այնքան ակնհայտ է, որ երկխոսություն սկսելու մասին խոսելն առնվազն տարակուսելի է: Ինչ վերաբերում է պատվիրակություն ձևավորելու և արտահերթ ընտրությունների շուրջ բանակցելու առաջարկին, ապա այստեղ թե° առաջարկվող ձևաչափը, թե° դրվող հարցը, մեծ հաշվով, ուղղակի ինքնանպատակ են և, ինչպես դժվար չէր կռահել, անընդունելի: Իսկ «պատվիրակությունների բանակցություններ» արտահայտությունն այնպես ուռճացված ու գունազարդված է ներկայացվում, կարծես խոսքը վերաբերում է միջպետական բանակցություններին և ոչ թե իշխանություն-ընդդիմություն գործակցությանը, որի իրականացման` աշխարհում տարածված մեխանիզմները մեր երկրում կան, և որոնց վերջին տարիների ընթացքում ավելացել են նաև ՀՀ նախագահի կողմից առաջ քաշված նոր ձևաչափերը: Կարծում եմ` մեր երկրում առկա բազմաթիվ խնդիրների վերաբերյալ հասցեական քննարկումների ու մոտեցումների ճշգրտմանն ուղղված գործելաոճն է միայն, որ կարող է դրական և ընդունելի արդյունքների հանգեցնել մեր ժողովրդի համար:
Մենք շարունակում ենք հանուն Հայաստանի առաջընթաց զարգացման` բոլոր քաղաքական ուժերի հետ համագործակցելու մեր ջանքերը` կարևորելով հնարավոր արտաքին սպառնալիքներին համախմբված դիմակայելու անհրաժեշտությունը, երկրում համակարգային փոփոխությունների շարունակականությունը, դրանց նոր ազդակ հաղորդելն ու շոշափելի արդյունքներ երաշխավորելը: Այս տեսանկյունից կոալիցիոն կուսակցությունները պատրաստակամ են արդյունավետ աշխատել բոլոր քաղաքական ուժերի, այդ թվում և Հայ ազգային կոնգրեսի հետ` գործադիր իշխանության կառույցներում և Ազգային ժողովում հանդես գալով ՀԱԿ-ի բոլոր իրականանալի և «հանունե առաջարկներն առաջ տանողի դերում»,- ասել ՀՀ նախագահի աշխատակազմի ղեկավարը:
2011 թ. հունիսի 7-ի նիստում ԿԲ խորհուրդը որոշեց անփոփոխ թողնել վերաֆինանսավորման տոկոսադրույքը` 8.5%:
2011 թ. մայիսին արձանագրվել է 0.04% գնաճ, որի արդյունքում 12-ամսյա գնաճն ավելացել է 0.1 տոկոսային կետով և կազմել 9.0%:
Խորհուրդն արձանագրեց, որ արտաքին հատվածից եկող գնաճային ճնշումներն առաջիկա ժամանակահատվածի համար մեղմվել են. հիմնական հումքային ապրանքների գները ամսվա սկզբին նվազել են` կայունանալով նախորդ ամսվա նկատմամբ համեմատաբար ցածր մակարդակներում, իսկ պարենային ապրանքների գները հարաբերականորեն կայուն են:
Խորհուրդը միակարծիք է, որ գնաճային միջավայրի վրա ներքին տնտեսությունից եկող ազդակները շարունակում են չեզոք լինել. աշխատանքի շուկայի թույլ գնաճային ճնշումները չեզոքացվում են մասնավոր ծախսումների դանդաղ աճով և հարկաբյուջետային քաղաքականության զսպող բնույթով:
Միևնույն ժամանակ, ակնկալվում է նախորդ տարվա համեմատությամբ տեղական արտադրության գյուղմթերքների արտադրության ծավալների աճի պայմաններում դրանց գների նվազում:
Խորհուրդը գնահատում է, որ գնաճային միջավայրի ընդլայնման հավանականությունը բավականին ցածր է և ֆինանսական շուկայում ձևավորված տոկոսադրույքների միջոցով հնարավոր է առկա գնաճային միջավայրի զսպումը, ինչի արդյունքում կանխատեսվող ժամանակային հորիզոնում գնաճը կձևավորվի 4%±1.5 տատանումների թույլատրելի միջակայքում:
Գրոսմայստեր Տիգրան Պետրոսյանը Հնդկաստանի Օրիսա նահանգի Բհուբանեսվար քաղաքում ավարտված մրցաշարում 11 հնարավորից վաստակեց 8,5 միավոր եւ 220 մասնակիցների մեջ նվաճեց երկրորդ մրցանակը: Հայ շախմատիստը միայն կես միավորով ետ մնաց հաղթողից` գրոսմայստեր Ալեքսեյ Ալեքսանդրովից (Բելառուս):
Պետրոսյանի հետ հավասար արդյունքներ ցույց տվեցին հնդիկ գրոսմայստերներ Չանդրան Պանչանաթանը եւ Աբհիջիթ Գուպտան, բայց նրանք Տիգրանից ետ մնացին լրացուցիչ ցուցանիշներով:
Գրոսմայստեր Սերգեյ Կասպարովը 8 միավորով գրավեց 7-րդ տեղը: Միջազգային վարպետ Տատյանա Կասպարովան վաստակեց 6 միավոր:
Reuters գործակալությունը տեղեկացնում է, որ Սիրիայի Ջիսր ալ Շուղուր քաղաքում երեկ տեղի ունեցած բախումների հետևանքով զոհվել է հատուկ ծառայությունների ավելի քան 120 աշխատակից։ Ըստ գործակալության տեղեկությունների, այս արյունոտ հաշվեհարդարը կարելի է շրջադարձային համարել կառավարական ուժերի և ցուցարարների՝ ավելի քան 3 ամիս շարունակվող բախումներում։
Իրավապահ մարմինների աշխատակիցների մեծ մասը զոհվել է քաղաքային անվտանգության ծառայության գրասենյակը գրոհելու ժամանակ։
Սիրիայի պետական հեռուստատեսությունը հաղորդել է, որ քաղաքում տեղի է ունեցել «իսկական սպանդ»: Որոշ սպանվածների մարմինները անդամահատված են եղել, իսկ մյուսներին գցել են Օրոնտես (Ասի) գետը։ Սիրիայի կառավարությունն արդեն խոստացել է «վճռական» հակահարված տալ մեղավորներին։
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.