29.09.2024 | 20:03
Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսե...09.09.2024 | 12:51
Խնդրում ենք ընթերցողների ներողամտությունը26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54
Ադրբեջանական մտահոգությունները և վախերը խոսում են այն մասին, որ մենք ճշտագույն ճ...31.05.2024 | 12:10
Շարժման ելքը. առանց «եթե»-ների. Վահե Հովհաննիսյան...31.05.2024 | 11:10
Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկան...29.05.2024 | 15:42
Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դա...29.05.2024 | 12:10
Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը ...29.05.2024 | 11:17
Անվտանգության այն կոնցեպտը, որ Հայաստանը մինչև այժմ իրականացրել է, անվտանգությու...28.05.2024 | 13:20
Պապ թագավորն այն առաքինության կերպարը չի, որ օրինակելի լինի, բայց Փաշինյանը նույ...28.05.2024 | 13:02
Ախթալայում հանգուցյալին կհուղարկավորեն առանց դիահերձման` ինքնաշեն դագաղով...28.05.2024 | 11:17
Վանենք մեզանից կործանարար անտարբերությունը, փարատենք թշնամության ու ատելության մ...28.05.2024 | 11:11
Իշխանությունը մանթրաժի մեջ է․ «Հրապարակ»28.05.2024 | 10:37
2 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․...24.05.2024 | 15:10
ԱՄՆ-ից առաքանու միջոցով թմրամիջոց է ներմուծվել Հայաստան...24.05.2024 | 13:10
Ադրբեջանցի սահմանապահներն արդեն վերահսկողության տակ են վերցրել Տավուշի մարզի չոր...24.05.2024 | 12:17
Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լ...24.05.2024 | 11:29
Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում...23.05.2024 | 15:10
Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը ...23.05.2024 | 14:10
Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դր...23.05.2024 | 13:10
Հայաստանի իշխանությունը մտել է պետականության ամրության համար խիստ վտանգավոր թեմա...23.05.2024 | 12:10
Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին...23.05.2024 | 11:10
Պետականության մասին խոսող մարդն իր սեփական ժողովրդին չի խաբի․ մենք, որ ապրում էի...22.05.2024 | 15:10
-20 սառնամանիքին բարձրացել են Արագածի գագաթը ու գրառել՝ «Հայ, Հայաստան, Հայրենիք...22.05.2024 | 14:10
Իրանի և Ռուսաստանի հարաբերություններում փոփոխություն չի լինի․ Լավրով...22.05.2024 | 13:10
Նման պայմաններում խաղաղության համաձայնագրի ստորագրումը կհանգեցնի նրան, որ ՀՀ-ն կ...22.05.2024 | 12:10
Ադրբեջանը փորձում է օգտվել ՀՀ իշխանության բացառիկ խոնարհումից և արագ մխրճվել այն...22.05.2024 | 11:10
«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավ...21.05.2024 | 15:10
Քաղաքացին 4 եղանակով կծանուցվի վարժական հավաքի մասին, հետո պատասխանատվություն կլ...21.05.2024 | 14:10
Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կան...21.05.2024 | 13:10
Եթե նույնիսկ Ադրբեջանին օգտագործել են Իրանի ղեկավարությանը վերացնելnւ հարցում, ա...21.05.2024 | 12:10
Կիրանցում պետական գրանցումները կատարվել են ոչ ճշգրիտ տվյալների հիման վրա. արդարա...21.05.2024 | 11:10
Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆ...20.05.2024 | 15:10
Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողա...20.05.2024 | 14:10
Ապարդյուն զանգերի հետևանքը. ինչո՞ւ հանկարծ նախկին գլխավոր դատախազ Արթուր Դավթյան...20.05.2024 | 13:10
Խափանվել է «թուրքական» կուսակցության հիմնադրումը Հայաստանում. կան ձերբակալվածներ...20.05.2024 | 12:10
«Ոչ ոք չի կարող պառակտում մտցնել Իրանի և Ադրբեջանի միջև»...20.05.2024 | 11:00
Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով...Հունիսի 17-ին տեղի է ունեցել Երևանի քաղաքաշինական խորհրդի նիստը, որը վարել է Երևանի քաղաքապետ Կարեն Կարապետյանը: Օրակարգում քննարկման է դրվել ՀՀ Կառավարության շենքի բակում Ալ.Թամանյանի նախագծով նախատեսված թմբուկի կառուցման հարցը:
Միանգամից ասենք. չնայած մեր երկրում ամեն ինչ որոշվում է վերևում, և հետո ինչքան էլ ջանան ու փորձեն ինչ-որ բան փոխել, ամեն ինչ մնում է նույնը, միևնույնն է` թոզփչոցին պարտադիր է` քննարկումներ, լսումներ ու էլի չգիտես ինչ ձևականություններ…
Այս դեպքում էլ Երևանի գլխավոր ճարտարապետ Նարեկ Սարգսյանը ներկայացրել է թմբուկի կառուցման անհրաժեշտության քաղաքաշինական հիմնավորումները, որից հետո էլ մասնագիտական ակտիվ քննարկումներ են ծավալվել հանրային մեծ հետաքրքրություն առաջացրած հարցի շուրջ։ Ապա իրենց կարծիքներն ու տեսակետներն են արտահայտել խորհրդի գրեթե բոլոր անդամները: Արդյունքում` խորհրդի նիստին ներկա 24 անդամներից 21-ը քվեարկությամբ կողմ են արտահայտվել թմբուկի կառուցման ծրագրին և այդ կառույցը վարչական նշանակությամբ օգտագործելու առաջարկին (1 դեմ, 3 ձեռնպահ):
Առաջարկվել է վերջնական տարբերակի մշակումից հետո նախագիծը ներկայացնել քաղաքաշինական խորհրդին:
Մենք փորձեցինք Ճարտարապետների միությունից տեղեկանալ, թե ինչ դիրքորոշում ունեն այս հարցով, սակայն միության նախագահ Մկրտիչ Մինասյանը արձակուրդում էր: Հիշեցնենք, որ Մինասյանը այս թեմայով տված հարցազրույցներից մեկում նշել էր, որ Կառավարության շենքի թմբուկը պետք է կառուցվի առանց ներքին բովանդակության և արտաքին տեսքի փոփոխությունների`Ալեքսանդր Թամանյանի նախագծին համապատասխան: «Կառավարության շենքը Թամանյանից մնացած մեծագույն արժեքներից է, սակայն անհնար է եղած պայմաններում առանց փոփոխության կառուցել այդ շինությունը: Վտանգ կա, որ ընդհանրապես կփոխվի Հանրապետության հրապարակի ճարտարապետական տեսքը»,-ասել է Մինասյանը:
Ճարտարապետների միության նախագահի տեղակալ Ալեքսանդր Բադալյանը շատ լարված էր: «Այս հարցը դեռ քննարկման փուլում է: Միայն կարող եմ ասել, որ ամբողջ հրապարակի տեսքը կարող է փոխվել: Այսքանը ես կարող եմ ասել, ինձ էլ հարցեր մի տվեք»,- մեր հարցին ի պատասխան` ասաց նա: Իսկ հարցը, թե ինչու հենց այս պահին որոշեցին մտածել թամանյանական թմբուկը կառուցելու մասին` մնաց անպատասխան:
Այսօր Ազգային Ժողովը 72 կողմ, 9 դեմ ձայների հարաբերակցությամբ ընդունեց աղբահանության մասին օրենքում փոփոխություններ և լրացումներ կատարելու մասին օրենքի փաթեթն ամբողջությամբ:
Այսօր առաջին ընթերցմամբ ընդունվեց նաև ՀՀ սփյուռքի նախարար Հրանուշ Հակոբյանի երեկ ԱԺ ներկայացրած «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» ՀՀ օրենքում փոփոխություն կատարելու մասին» օրինագիծը, ըստ որի` օրենքի գործողության ժամկետը երկարաձգվեց մինչև 2011 թ. մայիսի 1-ը:
Այս օրինագծով ևս մեկ անգամ հնարավորություն է տրվում 27 տարին լրացած, մինչև 2011 թվականի աշնանային զորակոչը պարտադիր զինվորական ծառայությունից խուսափած քաղաքացիներին, սահմանված ժամկետում մուծել համապատասխան վճարը, վերադառնալ հայրենիք և ազատվել քրեական հետապնդումից:
Օրենքին կողմ է քվեարկել 82 պատգամավոր:
Այս տարի հունիսի 23-ին Հայաստանյայց Առաքելական Ս. Եկեղեցին տոնում է Սուրբ Հովհաննես Մկրտչի և Սուրբ Աթանագինես Հայրապետի հիշատակը, որը Էջմիածնի Սուրբ Շողակաթ վանքի ուխտի օրն է:
Այս առիթով Մայր Աթոռ Ս. Էջմիածնի Վանորեից տեսչությունը հրավիրում է ուխտագնացության: Առավոտյան ժամը 1000-ին Մայր Աթոռից Սուրբ Շողակաթ վանք կտարվեն Սուրբ Հովհաննես Մկրտչի և Սուրբ Աթանագինես Հայրապետի մասունքները, ժամը 1100-ին կմատուցվի Սուրբ Պատարագ, որից հետո կկատարվի Անդաստանի կարգ և Սուրբ մասունքներով օրհնություն:
Սուրբ մասունքները հավատացյալների խոնարհության համար վանքում կմնանան մինչև երեկոյան ժամերգության ավարտըª ժամը 18:00:
Շահումյան և Մխիթար Հերացու փողոցների խաչմերուկում
Հունիսի 21-ին ոստիկանության Մարտունու բաժնում հաղորդում է ստացվել, որ ժամը 13.00-ի սահմաններում 43-ամյա Գևորգ Ա.-ի վարած «ԳԱԶ-2411» մակնիշի ավտոմեքենան Շահումյան և Մխիթար Հերացու փողոցների խաչմերուկում բախվել է 33-ամյա Տարիել Հ.-ի վարած «Լեքսուս 300» մակնիշի ավտոմեքենային: Վթարի հետևանքով «ԳԱԶ-2411»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Պատահար Վանաձորում
Հունիսի 21-ին ոստիկանության Վանաձորի բաժնում հաղորդում է ստացվել, որ ժամը 16.30-ին 30-ամյա Արեն Վ.-ի վարած «Օպել-Աստրա» մակնիշի ավտոմեքենան Վանաձոր քաղաքի Բաղրամյան փողոցի սկզբնամասում բախվել է 24-ամյա Արտաշես Մ.-ի վարած «ԳԱԶ-3110» մակնիշի ավտոմեքենային: Վթարի հետևանքով «Օպել-Աստրա»-ի վարորդը մարմնական վնասվածքներով տեղափոխվել հիվանդանոց:
Կատարվում է քննություն
Երևան‑Երասխ ճանապարհին
Հունիսի 21-ին ոստիկանության Արարատի բաժնում հաղորդում է ստացվել, որ ժամը 21.30-ի սահմաններում 45-ամյա Սուրեն Ա.-ի վարած «Օպել-Վեկտրա» մակնիշի ավտոմեքենան Երևան-Երասխ ճանապարհի 60-րդ կմ-ին բախվել է ճամփեզրի գազատար խողովակին, ինչի հետևանքով վարորդը մարմնական վնասվածքներով տեղափոխվել է Արարատի հիվանդանոց:
Կատարվում է նախաքննություն:
Բախվել է ավտոբուսին
Հունիսի 21-ին ոստիկանության Կենտրոնականի բաժնում հաղորդում է ստացվել, որ ժամը 08.40-ի սահմաններում 53-ամյա Մուրադ Մ.-ի վարած «ԳԱԶ-3102» մակնիշի ավտոմեքենան Մոսկովյան փողոցում բախվել է «ԼԱԶ-693» մակնիշի ավտոբուսի: Վթարի հետևանքով «ԳԱԶ-3102»-ի վարորդը մարմնական վնասվածքներով տեղափոխվել է «Արմենիա» բժշկական կենտրոն:
Կատարվում է քննություն:
Սարալանջի փողոցում
Հունիսի 21-ին ոստիկանության Կենտրոնականի բաժնում հաղորդում է ստացվել, որ ժամը 07.30-ի սահմաններում 27-ամյա Էդգար Վ.-ի վարած «ԳԱԶ-31029» մակնիշի ավտոմեքենան Սարալանջի փողոցում բախվել է ճամփեզրին կայանված «ԶԻԼ-ՄՄԶ-45023» մակնիշի բեռնատար ավտոմեքենայի: Վթարի հետևանքով «ԳԱԶ-31029»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Հոինիսի 21-ին ժամը 20.20-ին ահազանգ է ստացվել այն մասին, որ Սևանա լճից՝ Շորժա գյուղի լողափնյա հատվածում, տեղի ուժերով դուրս է բերվել քաղաքացի, և անհրաժեշտ է բժշկական օգնություն:
Տեղում պարզվել է, որ Երևան քաղաքի բնակիչ 1959թ. ծնված Արմենակ Ավագյանը, ջրում լողալիս, ստացել է սրտի կաթված և մահացել է մինչ բժիշկների ժամանումը:
Հունիսի 21-ին, ժամը 07.55-ին, ոստիկանության Արագածոտնի մարզային վարչությունից Աշտարակի բաժնում ահազանգ ստացվեց. Ղազարավան գյուղ տանող ճանապարհին մարմնական վնասվածք ստացած տաքսու վարորդ կա: Քիչ անց երկրորդ ահազանգը ստացվեց Աշտարակի բժշկական կենտրոնից. պարանոցի կտրած վերքերով և արնահոսությամբ իրենց մոտ բուժօգնության է տեղափոխվել տաքսի ծառայության վարորդ, 43-ամյա Արմեն Կ.-ն:
Մեկնած օպերատիվ խմբին տուժողը պատմեց, որ առավոտյան ժամը 06.30-ի սահմաններում Երևանի թիվ 137 դպրոցի մոտից իրեն ամրակցված «Ռենո-Լոգան» մակնիշի ավտոմեքենան է նստել այլազգի մի երիտասարդ և պատվիրել իրեն տեղափոխել Աշտարակի ուղղությամբ: Ճանապարհին` Ղազարավան գյուղ չհասած, ուղևորը սուր կտրող գործիքով երկու անգամ հարվածել է վարորդի պարանոցին և դիմել փախուստի:
Նույն օրը, ժամը 11.30-ին, Ղազարավան գյուղի վարչական տարածքից ոստիկանները հայտնաբերել և սպանության փորձ կատարելու կասկածանքով բերման են ենթարկել օտարերկրյա քաղաքացի, 30-ամյա Մուհամեդ Ա.-ին:
Կառավարության հրավիրած Ազգային ժողովի արտահերթ նստաշրջանը, պարզվեց, ոչ միայն արտահերթ էր, այլև արտակարգ: Արտակարգ էր նախևառաջ խորհրդարան եկած «արտակարգ» պատգամավորներով:
«Ալրաղացն ա էկել…»
Լևոն Սարգսյանը հետևողականորեն խորհրդարան չեկողներից է, սակայն այն բանից հետո, երբ վերջապես հասկացավ որ, կարող է կորցնել ազգընտիրների շարքում իր տեղը, քանի որ Արաբկիրի ընտրատարածքում առաջադրվելու է Արաբկիրի նախկին թաղապետը Հովհաննես Շահինյանը, որոշեց իր օրվա գոնե մի փոքր հատվածը նվիրել հայրենի խորհրդարանին:
Դե նա նաև խնդիր ունի ցույց տալու թե որտեղ է իր տեղը, Քրեական հետախուզության նախկին պետ Հովհաննես Թամամյանի գործով որպես վկա անցնելու և ցուցմունք տալու ոչ դյուրին գործընթացում, ասում են, Սարգսյանի դուխը մի փոքր ընկել է:
Լևոն Սարգսյանի գալուց սակայն քննարկվող արտահերթ խնդիրներին որևէ օգուտ չտվեցին. Ալրաղացը ընդամենը մի 20-25 րոպե բազմեց իր մշտապես դատարկ բազկաթոռին, հետո, հենց ԱԺ նախագահը «պոչը քաշեց», տեղից վեր կացավ ու դուրս եկավ: Վրա հասած մեկ-երկու լրագրողին պատգամավորը չմոտենալու նշան էր արել, ձեռքը թափ տվել և հեռացել. հաշվի առնելով լրագրողների մեջ շրջող այն տեսակետը, թե այս պատգամավորը անկանխատեսելի է, որ կարող է թափով շուռ գալ ու հարվածել, որևէ մեկը չի էլ փորձել նախաձեռնող լինել:
Գալում ես, գալում ես դու ինձ մոտ…
Ալրաղացի Լյովի հետ ձեն-ձենի տված խորհրդարան էր եկել նաև «ստիլյագ» բառով որակվելու համար դատարանից եկամուտ չստացած Տիգրան Արզաքանցյանը:
— Պարո´ն Արզաքանցյան, էս ի՞նչ խաբար է, այսօր էսպես խմբով խորհրդարան եք եկել` Դուք, Լևոն Սարգսյանը, որ ընդհանրապես չի գալիս, Սամվել Ալեքսանյանն էլ էր եկել, թեև նա գոնե մեկ-մեկ գալիս է, Սեյրան Սարոյանը… Պայմանավորվել ե՞ք, թե՞ ուղղակի ձեր գալը համընկել է:
— Չենք գալում, ասում եք խի՞ չես գալում, եկել ենք ասում եք խի՞ ես էկել: Ես ձեզ չեմ հասկանում, – ի պատասխան հարցիս լսվեց քյավառա անուշ բառբառը:
Դատարանը Արզաքանցյանի օգտին ֆինանսական փոխհատուցման վճիռ կայացրեց միայն «լակոտ» բառի համար (այդպես էր Արզաքանցյան Տիգրանին անվանել ՀՀ նախկին վարչապետ Հրանտ Բագրատյանը, որի խոսքը մեջբերել էր թերթերից մեկը): Խորհրդարան եկած պատգամավոր Արզաքանցյանն ապացուցեց, որ ինքը վաղուց արդեն «լակոտ» չէ. ինտելիգենտ տեսք տվող ակնոցներով, դարչնագույն կաստըմ-շըլվարը քիպ նստցրած, նայողը կասեր` «էրնեկ քո տիրոջը»: Չլինեին կազինոներն ու ռուս գեղեցկուհիները, քյավառա հող ու ջրից դուրս եկած այս ամուսնալուծված, բայց դեռևս երիտասարդական ավյունը չկորցրած պարոնը կարող էր դասվել Հայաստանի ամենացանկալի փեսացուների շարքը. հետն էլ` որ դատարանը որոշեց, որ Արզաքանցյանը հեչ էլ «լակոտ» չէ:
Քանի՞ տարեկան է Լֆիկ Սամոն
Արզաքանցյան պատգամավորն իսկապես այսօր ապացուցեց, որ վաղուց է անցել «լակոտության» շեմը. նիստերի դահլիճից դուրս գալուց հետո պատգամավորը կանգնեց և բավական բարեկրթորեն պատասխանեց լրագրողների բոլոր հարցերին: Ի տարբերություն Արզաքանցյանի, չորրորդ գումարման Ազգային ժողովի մյուս արտակարգ դեմքը` Լֆիկ Սամոն վերջնականապես որոշել է ջահելանալ. ըստ երևույթին խորհրդարան չայցելելու օրերին պատգամավորն իր օրն ամբողջությամբ
նվիրում է իր 5 երեխաներին, ինչի ազդեցությամբ էլ աստիճանաբար ջահելացել է: Դժվար է ասել` բազմազավակ հայր լինելն է վերջնականապես ազդել պատգամավորի վրա, թե այլ պատճառ, բայց, որ Ալեքսանյանին տեսնողը երբեք չի ասի, թե նման վարք դրսևորողը 43 տարեկան նախկին երիտասարդ է, փաստ է.
Ալեքսանյանի խորհրդարան գալը ընթանում է գրեթե նույն սցենարով. պատգամավորը մտնում է նիստերի դահլիճ, հետո տեմպով անսպասելիորեն դուրս գալիս և թափով սկսում արագ քայլքը: «Պարո´ն Ալեքսանյան, ախր մի րոպե սպասեք». Լֆիկ Սամոն «թռնում է» նույն ձևով` արագ-արագ քայլում է, գրեթե վազում, հետ-հետ նայում, խնդմնդում և շարունակում: Այդպես այսօր իջավ առաջին հարկ, դուրս եկավ խորհրդարանի շենքի ներքին բակ, հետո էլի շրջվեց, ձեռքով արեց ու էլի խնդմնդալով
հեռացավ:
Հրանտ Բագրատյանը տեսնես Սամվել Ալեքսանյանի մասին ցիտատներ չունի՞…
«Ես կարծում եմ, որ արտահերթ նստաշրջան պետք է գումարել արտահերթ նշանակություն ունեցող հարցեր քննարկելու և այդ հարցերին պատասխան տալու համար, այլ ոչ թե, օրինակ, աղբահանության խնդիրը դարձնել դոմինանտ»,- այսօր «Աղբահանության մասին օրինագծի» քննարկման ժամանակ վրդովված հայտարարեց ԱԺ անկախ պատգամավոր Վիկտոր Դալլաքյանը:
Ըստ նրա, այսօրվա թիվ մեկ խնդիրը ոչ թե աղբահանությունն է, այլ աղբից հաց հավաքող մուրացկանների, այսինքն` աղքատության խնդիրը:
Օրինագծի վերաբերյալ կառավարության հիմնավորումը, թե «աղբահանությունը առաջնահերթ հիմնախնդիրներից մեկն է, աղբահանության գործող համակարգը չի համապատասխանում միջազգային չափանիշներին», պատգամավորի մոտ մի շարք հարցեր են առաջացրել: «Իսկ թոշակների չափը, աշխատավարձերի չափը, նպաստների չափը համապատասխանո՞ւմ են միջազգային չափանիշներին: Ես ներողություն եմ խնդրում համեմատության համար, բաց եթե նախկինում աղբանոցներից օգտվում էին շները, հետո աղբանոցներից սկսեցին օգտվել մարդիկ, իսկ հիմա աղբանոցներից օգտվում են և շները, և մարդիկ: Այսինքն, պայքար է գնում հացի և սննդի մնացորդների համար: Այ, սա է Հայաստանի թիվ մեկ խնդիրը»,- ասաց պատգամավորը:
Նրա խոսքով` անընդունելի է աղքատության պայմաններում նման մոտեցում որդեգրել և «մարդկանց վզին լրացուցիչ հարկատեսակներ փաթաթել»:
Պատգամավորի խոսքով` կառավարությունն ու իշխանություններն այլ անալոգիայով պետք է առաջնորդվեին, և պետք է բարձրացվեր «քաղաքական աղբից Հայաստանի Հանրապետությունն ազատելու» հարցը:
Դալլաքյանն անցում կատարեց ներքաղաքական խնդիրներին` դրական գնահատելով իշխանություն-ընդդիմության երկխոսության գործընթացը: «Այսօր Հայաստանում տեղի է ունենում հետաքրքիր պարտիա, այսպես կոչված` շախմատային մեծ խաղատախտակի շուրջ: Այդ պարտիայի մասնակիցներն են Հայաստանի 1-ին և 3-րդ նախագահները, նրանց տողատակերով և ենթատեքստերով հարուստ խաղը, և դա այդպես էլ պետք է լիներ, որովհետև ուղղակի ասում են չորքոտանիներին, իսկ տողատակերում և ենթատեքստերում ասում են բանական մարդկանց: Հայաստանում ստեղծված է շանս, որպեսզի Հայաստանի քաղաքական համակարգը մաքրվի աղբից, և ամենաշատը վայնասուն են բարձրացրել այն անձինք և քաղաքական ուժերը, որոնք ընդդիմություն-իշխանություն քաղաքակիրթ և քաղաքական հարթությունում ընթացող այդ փոխհարաբերություններում կարող են հայտնվել քաղաքական լուսանցքում կամ քաղաքական աղբանոցում»,- խոսքն այսպես եզրափակեց Վիկտոր Դալլաքյանը:
Իտալական լրատվամիջոցները տեղեկացրել են, որ Իտալիայի խորհրդարանն այսօր կրկին վստահություն է հայտնել Բեռլուսկոնիի կառավարությանը. կողմ է քվեարկել 317 պատգամավոր, դեմ՝ 293:
Իտալիայում կառավարությանը վստահություն հայտնելու հարցն ընդունված պրակտիկա է և դրվում է այն ժամանակ, երբ խորհրդարանում որևէ վիճելի հարց է քննարկվում:
Հիշեցնենք, որ 2008 թ.-ից սկսած պատգամավորները 44 անգամ վստահություն են հայտնել Բեռլուսկոնիի կառավարությանը:
Դեռ շաբաթներ առաջ, երբ Արամ Սիմոնյանն ազատվեց ԵՊՀ ռեկտորի պաշտոնից` դառնալով պաշտոնակատար, շատերը ենթադրում էին, որ նոր ընտրություններում նա չի ընտրվելու: Անգամ խոսակցություններ կային, որ ԵՊՀ խորհրդի նախագահ Սերժ Սարգսյանը խիստ դժգոհ է ռեկտորի աշխատանքից, մամուլում անգամ հրապարակումներ եղան շատ կոնկրետ բացթողումների մասին:
Բայց այդ շատերը սխալվեցին: Մայր ԲՈւՀ-ում այսօր ռեկտորի ընտրություններ էին: Արամ Սիմոնյանը ոչ միայն վերընտրվեց, այլև` միակ ու անփոխարինելի թեկնածուն էր: Ըստ ամենայնի, ռեկտորի ընտրության հարցը միայնակ որոշել է հանրապետության նախագահը, իսկ խորհուրդը եղել է ընդամենը որոշում վավերացնողի դերում:
Պարոն Սիմոնյանի դեմ անձնական ոչինչ չունեմ: ճիշտ հակառակը, նա եղել է իմ դասախոսը, և ես միայն ուրախ պիտի լինեի, որ համալսարանի ռեկտորն իմ սիրելի պատմականից է:
Բայց խնդիրն այն է, որ ԵՊՀ ռեկտորի իմ չափանիշները միանգամայն այլ են:
Նա պետք է համապատասխանի առնվազն երեք չափանիշի`լինի հասարակության կողմից հեղինակություն վայելող անձ, ճանաչված գիտնական, լավ կազմակերպիչ:
Արամ Սիմոնյանը հասարակության կողմից ճանաչված չէ: Նա արդեն հինգ տարի ռեկտոր է, սակայն որևէ նշանակալի հասարակական դերակատարություն չի ունեցել:
Նա նաև հայտնի գիտնական չէ և հազիվ թե` այդպիսին դառնալու հեռանկար ունի: ԳԱԱ թղթակից անդամ դառնալը դեռևս չի նշանակում, որ գործող ռեկտորը լուրջ խոսք է ասել գիտության ասպարեզում:
Արամ Սիմոնյանի կազմակերպչական որակների մասին դատողություններ անել չեմ կարող, բայց ենթադրում եմ, որ այս ասպարեզում նույնպես նա առանձնապես աչքի չի ընկնում:
Ստացվում է, որ Արամ Սիմոնյանի, թերևս, ամենալուրջ արժանիքն այն է, որ նա հայտնի գիտնական, ակադեմիկոս Հրաչիկ Սիմոնյանի որդին է:
Բայց այս հանգամանքը կարող էր և նրան չօգնել վեընտրվելու հարցում, եթե «վերևներում» ռեկտորի այլ թեկնածուի ընտրության հարցում կոնսենսուս լիներ: Ըստ ամենայնի, Սիմոնյանը կպաշտոնավարի ևս հինգ տարի, որովհետև այլ` ավելի հարմար թեկնածու չեն գտել: Ու ևս հինգ տարի համալսարանը զարգացման հայեցակարգ չի ունենա, որովհետև կունենա իրավիճակի ծնունդ և իրավիճակին հարմարվող ռեկտոր:
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.