Լեռնային Ղարաբաղում մարտական գործողություններին Թուրքիայի դերի մասին վեճի ֆոնին հայտնվել է եւս մեկ ազդեցիկ խաղացող՝ Պակիստանը: Հնդկական WION հեռուստաալիքի հետ զրույցում ՀՀ վարչապետ Նիկոլ Փաշինյանն ասել է, որ «Պակիստանից զինյալներ են մասնակցում Ղարաբաղի դեմ պատերազմում»: Ավելի վաղ Ադրբեջանի նախագահ Իլհամ Ալիեւը հերքել է, որ Բաքվի կողմից «կռվում են Թուրքիայից եւ Պակիստանից զինյալներ»: Սակայն հերքելով Պակիստանի ռազմական օգնությունը՝ Բաքվում չեն թաքցնում, որ Ղարաբաղյան հակամարտությունը հանգեցրել է Ադրբեջանի, Թուրքիայի եւ Պակիստանի կտրուկ մերձեցմանը, որոնք նոր ռազմավարական եռանկյուն են ստեղծել Եվրասիայում, գրում է «Կոմերսանտ»-ը:

Արտաքին ուժերի մասին նոր հայտարարությունը Նիկոլ Փաշինյանն արել է այն բանից հետո, երբ անցած շաբաթվա վերջին Վաշինգտոնում ՀՀ եւ Ադրբեջանի ԱԳՆ ղեկավարները համաձայնեցրել են մարդասիրական հրադադարը, որը նախորդ երկու հրադադարների պես խախտվել է:

WION-ին տված հարցազրույցում ՀՀ վարչապետը թվարկել է այն ուժերը, որոնք, ըստ նրա տեղեկությունների, կռվում են ադրբեջանական բանակի կողմից, ինչը հանգեցնում է դիվանագիտական ջանքերի տապալման: «Այսօր Լեռնային Ղարաբաղի դեմ պատերազմում ներգրավված է ոչ միայն Ադրբեջանը, այլեւ Թուրքիան եւ Թուրքիայի կողմից ռազմական գործողությունների գոտի Սիրիայից բերված վարձկան ահաբեկիչներ: Դուք կարող եք պատկերացնել, թե ինչպիսի խառը եւ խառնաշփոթ իրավիճակի հետ գործ ունենք: Ի դեպ, մենք ունենք տեղեկություններ, որ նաեւ Պակիստանից են զինյալներ մասնակցում ընդդեմ Ղարաբաղի պատերազմին»,-նշել է Փաշինյանը՝ տեղեկացնելով, որ խնդրի հետ կապված ամբողջ տեղեկատվությունը փոխանցել է միջազգային գործընկերներին:

Պակիստանի ակտիվ դերի մասին նա խոսել է նաեւ հոկտեմբերի 15-ին՝ պատասխանելով ԼՂ-ում իրավիճակի մասին «ՌԻԱ Նովոստի»-ի հարցերին: «ՀՀ վարչապետ Նիկոլ Փաշինյանն ասել է, թե, իբր, ադրբեջանական կողմից կռվում են զինվորներ Թուրքիայից, Պակիստանից, Սիրիայից եւ Լիբիայից: Դա բացարձակ սուտ է: Այդ սուտը բացահայտելը դժվար չէ: Թուրքիան եւ Պակիստանը մեզ աջակցող երկրներ են: Սակայն ռազմական օգնության մասին խոսք չկա: Դրա անհրաժեշտությունը չկա»,-ասել է Ալիեւը A Haber թուրքական հեռուստաալիքին տված հարցազրույցում:

Կտրականապես հերքելով ռազմական աջակցությունը՝ Բաքուն եւ Իսլամաբադը չեն թաքցնում, որ միմյանց քաղաքական եւ դիվանագիտական աջակցություն են ցուցաբերում:

Դրա ապացույցն է Վաշինգտոն այցից առաջ Ադրբեջանի ԱԳՆ ղեկավար Ջեյհուն Բայրամովի հեռախոսազրույցը Պակիստանի ԱԳՆ ղեկավար Շահ Մահմուդ Քուրեշի հետ: Հեռախոսազրույցի արդյունքներով Պակիստանի ԱԳՆ-ն «լիարժեք համերաշխություն է հայտնել Ադրբեջանի եղբայրական ժողովրդին այս դժվար ժամանակներում»: «Պակիստանը հավատում է Ադրբեջանի ինքնիշխանությանն ու տարածքային ամբողջականությանն ու խորին մտահոգություն հայտնում դատապարտելի հարձակումների եւ հայկական ուժերի կողմից խաղաղ բնակիչների սպանությունների կապակցութամբ»,-ասվում է Պակիստանի ԱԳՆ-ի հայտարարության մեջ: 

Ուշադրություն է գրավում, որ Ղարաբաղի հարցում Բաքվին քաղաքական աջակցություն ցուցաբերելով՝ Իսլամաբադն ի պատասխան ստանում է Ադրբեջանի աջակցությունը «Քաշմիրի հարցում», որը Հնդկաստանի հետ նրա հարաբերություններում գլխավոր գրգռիչն է։ «Իսլամաբադը գնահատում է Ադրբեջանի աջակցությունը, որը Ջամայի եւ Քաշմիրի վերաբերյալ վեճում Պակիստանին ցուցաբերվում է միջազգային տարբեր համաժողովներում, ներառյալ Ջամայի եւ Քաշմիրի վերաբերյալ Իսլամական համագործակցության կազմակերպության շփման խումբը»,- անցյալ շաբաթ հայտարարել էր Շահ Մահմուդ Քուրեշին։ Բացի պակիստանցի նախարարի հիշատակած Իսլամական համագործակցության կազմակերպության հարթակից, որը քննարկում է «քաշմիրյան հարցը», Իսլամաբադը ավելի քան 130 պետություն միավորող Չմիավորման շարժման օգնության հույսն ունի, որի նախագահը հիմա Ադրբեջանն է։

Մինչդեռ ղարաբաղյան հակամարտությունը բերում է Բաքու-Անկարա-Իսլամաբադ եռանկյունու արագացված ձեւավորմանը, որի մասնակիցները խոսում են իրենց կապող «եղբայրական հարաբերությունների» մասին:

«Ղարաբաղյան խաղին Իսլամաբադի միանալու գլխավոր պատճառը պակիստանա-թուրքական հատուկ հարաբերություններն են։ Պակիստանյան բանակի վերնախավը մշտապես թանկ է գնահատել Անկարայի հետ միությունը։ Ընդ որում՝ այնքան թանկ, որ Պակիստանի ոչ մի բարձրագույն քաղաքական ղեկավար՝ սկսած 1991 թվականին ԽՍՀՄ կործանման պահից այդպես էլ չի ճանաչել Հայաստանի անկախությունը․ մինչեւ հիմա Իսլամաբադի եւ Երեւանի միջեւ դիվանագիտական հարաբերություններ չկան»,- «Կոմերսանտին» հիշեցրել է Աֆղանստանյան քաղաքականության հետազոտական կենտրոնի ղեկավար Անդրեյ Սերենկոն։

«Վերջին շրջանում տեղեկություն է հայտնվել Պակիստանում գրոհայինների հավաքագրման մասին ղարաբաղյան հակամարտությունում մասնակցելու համար․ սա պակիստանցի զինվորականների եւս մեկ ժեստ է՝ ուղղված իրենց թուրք դաշնակցին։ Ղարաբաղյան հարցն ինքնին Իսլամաբադին քիչ է հետաքրքրում։ Նրա համար այս ամենը կարեւոր է առաջին հերթին Թուրքիայի շահերի հետ սերտ կապի շրջանակում՝ երկու ամենախոշոր սուննի հանրապետությունների ռազմավարական գործընկերության խորացման համար։ Ընդ որում՝ պակիստանյան բանակը եւ հատուկ ծառայությունները գործում են ոչ պաշտոնապես, քանի որ երկար տարիներ շարունակ նրանք վարժվել են Աֆղանստանի եւ Հնդկաստանի դեմ հիբրիդային պատերազմներ վարելուն՝ ընդգրկելով Պակիստանի միջգերատեսչական հետախուզության ենթակայության տակ գտնվող ահաբեկչական կազմակերպությունների ցանցը, ինչպիսին են «Ջամաաթ ի Իսլամը», «Ջաիշ ե Մուհամմադը», «Ալ Բադրը», նրանց մեդրեսեները, մզկիթները եւ հավաքագրման ենթակառուցվածքը»,- շարունակել է պարոն Սերենկոն։

«Կոմերսանտի» պակիստանյան Փեշավարում տեղեկատվական աղբյուրների տվյալներով՝ «զենքով եւ ռազմամթերքով գրոհայինների նվազագույնը մեկ խումբ մի քանի շաբաթ առաջ ուղարկվել է Ղարաբաղ»։

«Ղարաբաղյան պատերազմում Թուրքիայի, Պակիստանի եւ Ադրբեջանի ներկայիս սերտ գործընկերությունը կարող է լինել նոր երկարաժամկետ աշխարհաքաղաքական միության սկիզբը՝ ուղղված Անկարայի նեոօսմանական հավակնությունների աջակցությանը։ Ղարաբաղյան լարվածությունը դարձել է միայն կատալիզատոր այդ սուպերնախագծի գործարկման համար»,- ամփոփել է Անդրեյ Սերենկոն։

Թուրքական Բայրաքթարները Հայաստանի սահմանին մոտ ամեն օր հետախուզական թռիչքների են դուրս գալիս։ Դիտարկվող տարածքները Գյումրին եւ Երեւանի օդանավակայաններն են։ Թռչող սարքերի այսպիսի ակտիվություն Հայաէրոնավիգացիայում նկատել են սեպտեմբերի 27-ից։ Թռչող օբյեկտների համաժամանակյա տեղաշարժ ֆիքսվում է նաեւ Ադրբեջանից։

«Բայրաքթարը թռել է մոտավորապես Յեվլախի մոտից, իսկ այս 2 ինքնաթիռը՝ Գյանջայից»,- ասում է Հայաէրոնավիգացիայի տեխնիկական տնօրեն Գեւորգ Սիմոնյանը։

ԱԱԾ ռադիոհետախուզական վարչությունը Թուրքիայի օդային տարածքից Ադրբեջան ուղարկվող հրահանգներ էլի ֆիքսել էին։ Հայաէրոնավիգացիայի եւ ԱԱԾ-ի մասնագետներ տեսաձայնային փաստերի համադրմամբ ապացուցեցին Էրզրումի երկնքում պտտվող ամենայն հավանականությամբ կապի եւ հրամանատարական թռչող օբյեկտն է ղեկավարում ադրբեջանական գործողությունները։

«Այս ինքնաթիռները չեն մտնում Ղարաբաղի օդային տարածք։ Իրենք աշխատում են 30-40 կիլոմետր օդային տարածքից ավելի հեռու»,- նշում է Գեւորգ Սիմոնյանը։

Թուրքիայի եւ Ադրբեջանի տարածքներում թռչող օբյեկտների միջեւ հեռավորությունը 450-ից 500 կիլոմետր է։ Փորձառու օդաչուի համար եռյակի գործակցության պլանը անկհայտ է։

Օդաչուներից մեկն էլ նշում է, որ Բայրաքթար անօդաչու թռչող սարքերից կարող են կոորդինատները փոխանցվել օդային հրամանատարական կետին. «Իսկ այդտեղից որոշակի գործողությունների հետեւանքով կարող են փոխանցվել ինքնաթիռներին, որն էլ ավելի օպերատիվ է դարձնում նրանց գործողությունները, ավելի արագացնում տվյալ մարտական խնդրի կատարումը եւ մի քանի անգամ արագացնում մարտական գործողությունները»։

Հայաստանում հոկտեմբերի 29-ին՝ ժամը 11:00-ի դրությամբ նոր կորոնավիրուսով վարակվելու 2383 նոր դեպք է գրանցվել, վարակվածների ընդհանուր թիվը հասել է 85034 դեպքի: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:

Ընդհանուր թեստերի թիվը կազմում է 392660 վերջին մեկ օրում` 5027 նոր թեստավորում:

Վերջին տվյալներով ապաքինվել է 53257 անձ` վերջին մեկ օրում 749 անձ:

Մեկ օրում կորոնավիրուսի հետեւանքով մահացել է 29 քաղաքացի, մահացածների թիվը 1272 է:

Նախորդ օրն արձանագրվել է մահվան 2 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 354 է:

Արցախի պաշտպանության բանակը հրապարակել է հայրենիքի պաշտպանության համար մղվող մարտերում նահատակված 51 զինծառայողների անունները:

Մալինցյան Արսեն Սամվելի, ծնվ. 1973թ.

Պահեստազորային Մարության Վրեժ Արտավազդի, ծնվ. 1970թ.

Շահբազյան Արա Խաչատուրի, ծնվ. 1982թ.

Գևորգյան Գևորգ Արմենի, ծնվ. 1999թ.

Ղարիբյան Սեյրան Սրապի, ծնվ. 1998թ.

Խաչատրյան Սամվել Գևորգի, ծնվ. 1999թ.

Գասպարյան Նորիկ Արմենի, ծնվ. 1998թ.

Խաչատրյան Ջիվան Ռոբերտի, ծնվ. 1994թ.

Ծատրյան Անդրանիկ Սերժիկի, ծնվ. 1987թ.

Հովհաննիսյան Արսեն Եղիշեի, ծնվ. 1983թ.

Սերոբյան Զաքար Սուրենի, ծնվ. 1997թ.

Գրիգորյան Անդրանիկ Սերոբի, ծնվ. 1996թ.

Պահեստազորային Ռաֆայելյան Հարություն Վրեժի, ծնվ. 1992թ.

Զաքարյան Էդգար Սևակի, ծնվ. 2002թ.

Սարգսյան Ռուբիկ Արամայիսի, ծնվ. 2000թ.

Ղարիբյան Իսահակ Արթուրի, ծնվ. 2001թ.

Պահեստազորային Դանիելյան Արայիկ Սարուխանի, ծնվ. 1979թ.

Պահեստազորային Մելքոնյան Գարիկ Սուրենի, ծնվ. 1991թ.

Մովսիսյան Ահարոն Անդրանիկի, ծնվ. 1989թ.

Պահեստազորային Չոբանյան Արշալույս Ալեքսանի, ծնվ. 1978թ.

Տիտիզյան Հովհաննես Լյովայի, ծնվ. 1999թ.

Մելքոնյան Հարություն Մկրտիչի, ծնվ. 2001թ.

Թովմասյան Արման Սամվելի, ծնվ. 1999թ.

Ջանոյան Աղաջան Արշալույսի, ծնվ. 2002թ.

Թորոսյան Կարեն Արայիկի, ծնվ. 2001թ.

Խաչատրյան Նարեկ Ռաֆիկի, ծնվ. 2000թ.

Ֆիդանյան Գառնիկ Լենդրուշի, ծնվ. 2001թ.

Սահակյան Փայլակ Սերժիկի, ծնվ. 2000թ.

Ավետիսյան Հարություն Աշոտի, ծնվ. 2000թ.

Մարտիրոսյան Արմեն Էդգարի, ծնվ. 2001թ.

Թևոնյան Նոյ Լյովայի, ծնվ. 2001թ.

Առաքելյան Կարեն Միսակի, ծնվ. 2000թ.

Սահակյան Աղասի Տիգրանի, ծնվ. 2000թ.

Հայրապետյան Սամվել Սեդրակի, ծնվ. 2001թ.

Ասոյան Լևոն Խաչիկի, ծնվ. 2000թ.

Խաչատրյան Արման Արամի, ծնվ. 2000թ.

Աղաբաբյան Արծրուն Վասիլի, ծնվ. 1999թ.

Հարությունյան Միքայել Կորյունի, ծնվ. 2001թ.

Ալավերդյան Սամվել Վարդանի, ծնվ. 2002թ.

Հովհաննիսյան Արտյոմ Մեսրոպի, ծնվ. 2000թ.

Հարությունյան Դավիթ Սամվելի, ծնվ. 2000թ.

Խաչատրյան Մհեր Մնացականի, ծնվ. 2001թ.

Պողոսյան Գրիգոր Արթուրի, ծնվ. 2001թ.

Վարագյան Գորիս Մխիթարի, ծնվ. 2001թ.

Բաթմանյան Կարեն Կարապետի, ծնվ. 2001թ.

Սիմոնյան Արման Գևորգի, ծնվ. 2002թ.

Բեյբության Հովհաննես Սպարտակի, ծնվ. 1997թ.

Դանիելյան Մուշեղ Վարդանի, ծնվ. 2001թ.

Հարությունյան Արմեն Էդիկի, ծնվ. 2001թ.

Նահապետյան Էրիկ Դավիթի, ծնվ. 2000թ.

Սարգսյան Սերգեյ Ժորայի, ծնվ. 2001թ.

Չեչնայի ղեկավար Ռամզան Կադիրովը և մուֆտի Սալահ Մեժիևը Ֆրանսիայի նախագահ Էմանուել Մակրոնին քննադատել են իսլամի վերաբերյալ նրա հայտարարության համար և կոչ արել դադարեցնել «հավատքի դեմ հարձակումները», գրում է ng.ru կայքը։

«Մակրոնը չի կարող չիմանալ, որ հավատացյալները մարգարեի ծաղրանկարներին հիվանդագին են վերաբերվում, և իր գործողություններով նա կրակն էլ ավելի է թեժացնում»,- նշել է Կադիրովը և հավելել, որ մինչև Մակրոնը և եվրոպական այլ երկրների առաջնորդներ չսկսեն հարգանքով վերաբերել այնպիսի հասկացությունների ինչպիսիք են «կրոնը», «մշակույթը», «բարոյականությունը», իրենց պետություններին ապագա չեն ունենա։ 

Չեչնիայի ղեկավարը ընդգծել է, որ այլ կրոնների նկատմամբ ծաղրական վերաբերմունքը եվրոպական առաջնորդները խոսքի ազատության դրսևորում են համարում, սակայն դրանով իրականում վիրավորում են այլ մարդկանց արժեքները։ 

Մինչդեռ մուֆթի Սալահ Մեժիևը, իր հերթին, Մակրոնին «համար մեկ ահաբեկիչ» է անվանել՝ նշելով, որ իր արտահայտությամբ Մակրոնը վիրավորել է բոլոր մարգարեներին և բոլոր կրոնները։ Հոգևորականը Ֆրանսիայի ղեկավարին անվանել է բոլոր մահմեդականների և մարդկության թշնամի՝ ընդգծելով, որ նա զրկված է բարոյական արժեքներից ու սկզբունքներից։ 

Հիշեցնենք, որ Ֆրանսիայի և մահմեդական որոշ երկրների միջև լարվածություն առաջ է եկել հոկտմբերի 16-ին Ֆրանսիայում պատմության ուսուցչի գլխատման դեպքից հետո։ Հայտնի է, աշակերտն ուսուցչին գլխատել է, քանի որ վերջինս Մոհամեդ մարգարեի ծաղրանկարներն է ցույց տվել: Այս դեպքից հետո Մակրոնը խոստացել է պայքարել իսլամիստական անջատողականության դեմ, որը նրա կարծիքով՝ տարածվում է Ֆրանսիայի մուսուլմանական որոշ համայնքներում։ 

Մակրոնի այս հայտարարության պատճառով Էրդողանը հայտարարել է, թե նա «հոգեկան խանգարումներ» ունի, ինչց հետո էլ Փարիզն իր դեսպաանին հետ է կանեչել Անկարայից, իսկ Էրդողանը՝ կոչ արել բոյկոտել ֆրանսիական արտադրանքը։ 

Հայրենիքի պաշտպանության համար մղվող մարտերում նահատակված զինծառայողները

Վիրաբյան Գևորգ Մուշեղի, ծնվ. 1994թ.

Չատինյան Արեն Արթուրի, ծնվ. 2000թ.

Հովհաննիսյան Հարութ Արտակի, ծնվ. 2001թ.

Ալեքսանյան Աշոտ Նորիկի, ծնվ. 2002թ.

Մնացականյան Նորայր Բենիկի, ծնվ. 2000թ.

Հովակիմյան Արա Մաքսիմի, ծնվ. 1988թ.

Սերոբյան Սևակ Լևոնի, ծնվ. 1987թ.

Մանուչարյան Մհեր Գարիկի, ծնվ. 1990թ.

Մելիքյան Վահե Վահագնի, ծնվ. 1996թ.

Դալլաքյան Արկադիա Ֆելիքսի, ծնվ. 1978թ.

Գասպարյան Հայկ Դավիթի, ծնվ. 1984թ.

Մելքոնյան Կարեն Վաչիկի, ծնվ. 1991թ.

Մադոյան Արա Մաքսիմի, ծնվ. 1977թ.

Պահեստազորային Արոսյան Մելիքսեթ Սարգսի, ծնվ. 1992թ.

Պահեստազորային Ղուկասյան Արթուր Արայի, ծնվ. 1991թ.

Պահեստազորային Մուսիկյան Կարեն Լևոնի, ծնվ. 1987թ.

Աբգարյան Գևորգ Վազգենի, ծնվ. 1980թ.

Բալայան Գրիշա Մանասի, ծնվ. 1990թ.

Պետրոսյան Արեն Սամվելի, ծնվ. 2001թ.

Մարգարյան Վլադիմիր Սպարտակի, ծնվ. 2002թ.

Ղազարյան Մելքոն Ավետիսի, ծնվ. 1982թ.

Պետրոսյան Մուշեղ Գևորգի, ծնվ. 1988թ.

Սարգսյան Համլետ Աշոտի, ծնվ. 1994թ.

Եգանյան Էրիկ Գառնիկի, ծնվ. 1981թ.

Ավետիսյան Տիգրան Սմբատի, ծնվ. 1996թ.

Մամիկոնյան Արսեն Ալեքսանդրի, ծնվ. 1996թ.

Նուրբեկյան Մուշեղ Հարությունի, ծնվ. 1981թ.

Դավթյան Գարիկ Ադամի, ծնվ. 2001թ.

Գրիգորյան Սահակ Վարազդատի, ծնվ. 1984թ.

Հովակիմյան Արա Ժիրայրի, ծնվ. 1989թ.

Պահեստազորային Ոսկանյան Տիգրան Ռաֆիկի, ծնվ. 1993թ.

Ղազարյան Արմեն Վաղինակի, ծնվ. 2001թ.

Թումանյան Գոռ Սեյրանի, ծնվ. 2000թ.

Գաբրիելյան Յուրա Աշոտի, ծնվ. 2002թ.

Խոմով Աշոտ Միհրանի, ծնվ. 2001թ.

Չաթալյան Ռուբեն Կիրակոսի, ծնվ. 2002թ.

Ալեյան Դավիթ Վաչագանի, ծնվ. 2001թ.

Քոչարյան Արման Արտուշի, ծնվ. 2000թ.

Աթաբեկյան Արման Սանասարի, ծնվ. 2001թ.

Գևորգյան Արեգ Վահագնի, ծնվ. 2001թ.

Խուրշուդյան Լևոն Գևորգի, ծնվ. 2001թ.

Ավետիսյան Տիգրան Գևորգի, ծնվ. 2000թ.

Գևորգյան Ռոման Կարապետի, ծնվ. 2000թ.

Ավետիսյան Երվանդ Մխիթարի, ծնվ. 2000թ.

Համբարձումյան Ռուբեն Կարենի, ծնվ. 2001թ.

Մանուկյան Լևոն Արայի, ծնվ. 2000թ.

Հակոբյան Դավիթ Արամի, ծնվ. 2001թ.

Խաչատրյան Սերյոժա Արամի, ծնվ. 2001թ.

Ղասաբյան Արման Կամոյի, ծնվ. 2001թ.

Իվանով Պյոտր Արմենի, ծնվ. 2000թ.

Աղաբաբյան Վահե Ներսեսի, ծնվ. 2001թ.

Մահտեսյան Գուրգեն Գևորգի, ծնվ. 2001թ.

Բալբաբյան Արտակ Ազատի, ծնվ. 2001թ.

Սայադյան Թորգոմ Արզումանի, ծնվ. 2001թ.

Եղիկյան Վահե Արթուրի, ծնվ. 2001թ.

Հարությունյան Եփրեմ Դավիթի, ծնվ. 2001թ.

Քալոյան Մուրադ Յուրիկի, ծնվ. 2000թ.

Կիրակոսյան Դավիթ Արտակի, ծնվ. 2000թ.

Մոսոյան Դավիթ Արամի, ծնվ. 2001թ.

Մարդու իրավունքների մշտադիտարկման սիրիական կենտրոնը (SOHR) հայտնում է, որ թուրքական կառավարության կողմից Սիրիայից Ադրբեջան ուղարկված և Լեռնային Ղարաբաղի հակամարտության գոտում կռվող վարձկաններից մահացել է ևս 18-ը։ Զոհվածների թվում է նաև Թուրքիայից աջակցություն ստացող «Ալ Համզա» դիվիզիայի հրամանատարը։

SOHR-ի աղբյուրների համաձայն՝ զոհված հրամանատարը հիմնականում պատասխանատու էր Լեռնային Ղարաբաղում կռվող «Ալ Համզա» դիվիզիայի խմբերին առաջնորդելու և ղեկավարելու համար:

Ինչպես հայտնում է Կենտրոնը, Թուրքիայի կողմից աջակցություն ստացող խմբավորումների շրջանում զոհվածների ընդհանուր թիվը առնվազն 188 է, ներառյալ՝ 123 գրոհայինները, որոնց մի մասի մարմինները տեղափոխվել են Սիրիա, իսկ մյուսներինը մնացել են Ադրբեջանում:

Նշվում է, որ միայն վերջին մի քանի օրվա ընթացքում SOHR-ի ակտիվիստներն արձանագրել են 36 գրոհայինի մահը։

Բաքվի բռնապետը չի ցանկանում որևէ մեկի մեկնած ձեռքը սեղմել, գնալ մարդասիրական հրադադարի, դա վկայում է այն մասին, որ նա նպատակ չունի կրակը դադարեցնել. սա պետք է ի գիտություն ընդունել և որևէ հույս չկապել գերտերությունների և միջնորդների հետ: «Արմնյուզ» ՀԸ «#ՕրաԽնդիր» հաղորդման ժամանակ նման կարծիք է հայտնել ռազմական փորձագետ Կարեն Հովհաննիսյանը:

«Ալիևը ոչ միայն Արցախի, այլև Սյունիքի նկատմամբ է հավակնություն ներկայացնում: Առաջին դեպքը չէ, որ Ադրբեջանը հրթիռակոծում է ՀՀ տարածքը, ավելի վաղ խաղաղ բնակչության դեմ նաև Գեղարքունիքում էր ԱԹՍ-ներ օգտագործել: Մենք պետք է արձագանքենք շատ կտրուկ՝ որևէ միջազգային կառույցից դրական ուղերձ չակնկալելով: Պետք է հարվածներ հասցնել թիկունքին՝ բնակչության շրջանում տեղակայված կրակակետերին»,- ասել է փորձագետը:

Ըստ Հովհաննիսյանի՝ հարցի քննարկումը դիվանագիտական հարթակում սպառված չէ, մեր բնական դաշնակիցների հետ պետք է գալ մի հանգույցի, որում մեր շահերը կհամընկնեն. «Հայաստանը հրթիռային հարվածներ է հասցրել թշնամուն, որոնց մասին նրանք չեն բարձրաձայնել, հետևաբար՝ դրանք թիրախին են հասել: Գանձակի դեպքում խոսեցին միայն բնակելի շենքերի վնասման մասին, բայց կործանված օդանավակայանի լուսանկարն այդպես էլ ցույց չտվին: Թշնամին ունի ավելի քան 15 հազար սպանված, նրանք օգտագործում են անգամ ռազմածովային ուժերի զինվորներին, քանի որ բանակը կազմալուծված է»:

Փորձագետի կարծիքով՝ ահաբեկիչների գործառույթը պատերազմի սկզբնական փուլում էր, հիմա թշնամին նրանց այլևս չի օգտագործում, քանի որ պատուհաս են դարձել հենց իրենց գլխին. «Հետ գնացող ահաբեկիչները թալանի ակնկալիք ունեն, նրանք փախնում են խորը թիկունք և Սիրիայի իրենց հայրենակիցներին պատմում, որ խաբվել են: Սիրիայից էլ Ադրբեջանին ասում են, թե ահաբեկչություններ կանեն Բաքվում, եթե նրանք խախտեն պայմանավորվածությունը: Սա այնքան լուրջ սպառնալիք է, որ ԱՄՆ դեսպանատունն է զգուշացնում այդ մասին»:

Կարեն Հովհաննիսյանի պնդմամբ՝ Ադրբեջանը ճեղքել է ճակատը բացառապես հովտային շրջաններով և արագ տեղաշարժվել է հարավով, փոխարենը՝ լեռնային շրջաններ է ուղարկել դիվերսիոն ջոկատներին. «Ադրբեջանի զինուժը հիմա ռազմավարական առումով աննպաստ վիճակում է: Եթե սկսենք ռազմական օպերացիաներ իրականացնել, մի քանի օրվա ընթացքում հարավում թշնամու մարդկային ուժ չի մնա, մինչև Ջրականը հնարավոր է մաքրել: Պետք է խուճապ տարածել թշնամու շրջանում, մեր զինուժը դրա փորձն ունի: Ադրբեջանի բանակը հենց դրանից է վախենում, դրա համար էլ փորձում է հոգեբանորեն ազդել մեզ վրա, պնդել, թե հասել է ՀՀ սահմանին»:

Փորձագետի պնդմամբ՝ Զանգելանի հնոցը կարելի է կազմակերպել նաև Որոտանի (Կուբաթլուի) ուղղությամբ, քանի որ թշնամին ձորակի մեջ է, և հնարավոր է փոքրաթիվ խմբերով վռնդել թշնամուն: «Հիմա մեզ պետք են տեղայնացված օպերացիաներ, նրանց հրետանին չպետք է տեղ հասնի: Եթե մենք այս սահմաններով հրադադարի գնանք, դա կլինի պարտություն: Թշնամին այդ դեպքում ավելի մոտ կլինի ՀՀ սահմանին, ուղիղ թիրախի տակ կվերցնի ինչպես հյուսիսում՝ Վրաստանի, այնպես էլ հարավում՝ Իրանի հետ մեր միջպետական ճանապարհները: Գորիս-Ստեփանակերտ ավտոմայրուղու ուղղությամբ թշնամին չպետք է նույնիսկ մեկ միլիմետր առաջանա»,- ամփոփել է ռազմական փորձագետը:

Հայաստանում հոկտեմբերի 28-ին՝ ժամը 11:00-ի դրությամբ նոր կորոնավիրուսով վարակվելու 2241 նոր դեպք է գրանցվել, վարակվածների ընդհանուր թիվը հասել է 82651 դեպքի: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:

Ընդհանուր թեստերի թիվը կազմում է 387633 վերջին մեկ օրում` 4695 նոր թեստավորում:

Փաստացի այս պահին բուժվում է 28548 պացիենտ. մեկ օրում ավելացել է 1521 -ով:

Վերջին տվյալներով ապաքինվել է 52508 անձ` վերջին մեկ օրում 694 անձ:

Մեկ օրում կորոնավիրուսի հետեւանքով մահացել է 21 քաղաքացի, մահացածների թիվը 1243 է:

Նախորդ օրն արձանագրվել է մահվան 5 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 352 է:

Պատերազմական գործողությունների ընթացքում ՀՀ Ազգային անվտագության ծառայությունը բացահայտել է պետական դավաճանության և լրտեսության, զինծառայողների շրջանուն  կեղծ և ստահոդ  լուրերի տարածման դեպքեր։ Ասուլիսում ասաց ԱԱԾ տնօրենի տեղակալ Արմեն Աբազյանը։

Նա նշեց, որ պետական դավաճանության և լրտեսության դեպքով մասնավորապես Ազգային անվտագության կողմից բացահայտվել է բարձրաստիճան նախկին զինվորականի կողմից  հակառակորդի կողմից հավաքագրվելու դեպք, որի արդյունքում տվյալ բարձրաստիճան  պաշտոնատար զինծառայողը ՀՀ-ում տարբեր զորամասերից հավաքագրել է  տարաբնույթ, նաև գաղտնիք պարունակող տեղեկություններ, փոխանցել հակառակորդին։

Մյուս դեպքով օտարերկրյա քաղաքացիները ձեռք են բերել տվյալներ ՀՀ-ում զորահավաքի, զինտեխնիկայի, տրանսպորտային շարժի, նաև այլ բնույթի տեղեկություններ։

«Երկու դեպքով էլ ԱԱԾ քննչական դեպարտամենտում հարուցվել են քրեական գործեր համապատասխան հոդվածի հատկանիշներով, գտնվում են նախաքննության փուլում»,- ասաց ԱԱԾ տնօրենի տեղակալը։

Ա. Աբազյանը հայտնեց, որ զինծառայողների շրջանում կեղծ լուրերի տարածման ուղղությամբ ձեռք են բերվել տվյալներ, որ Ն.Մ.-ն սեպտեմբերի 27-ից հետո  Արցախում և Հայաստանում հայտարարված ռազմական դրության պայմաններում մարտական հերթապահություն իրականացնող համածառայակիցների շրջանում կեղծ, ստահոդ լուրեր է  տարածել ՀՀ իշխանություների կողմից հողերը հանձնելու վերաբերյալ, ինչի կապակացությամբ ավյալ անձը ձերբակալվել է, ապա կալանավորվել։

Նա տեղեկացրեց, որ սեպտեմբերի 27-ից մինչ օրս ԱԱԾ-ում գործում է շուրջօրյա թեժ գիծ, ստացել ենք 1551 ահազանգ, որոնք վերաբերել են պատերազմական գործողությունների ընթացքում տեղի ունեցող իրադարձություններին, ԱԱԾ ֆեյսբուքյան պաշտոնական էջին տարբեր օգտատերերը հասցեագրել են շուրջ 2300 նամակ-հաղորդագրություն։ Բոլորի առնչությամբ ձեռնարկվել են անհրաժեշտ օպերատիվ գործողություններ։