Ինչպես ինքն էր ասում․ «Ես մարդ եմ սպանել, բայց մարդասպան չեմ»։

Օրվա կապակցությամբ հայտարարություն է տարածել ՀՅԴ Արևմտյան Ամերիկայի Կենտրոնական Կոմիտեն, որում ասվում է․

«2021-ի Մարտի 15-ին աշխարհասփիւռ հայ ժողովուրդը նշելու է Հայոց Ցեղասպանութեան գլխաւոր կազմակերպիչներից՝ Թալէաթ փաշայի ահաբեկման 100-ամեակը: 

Այս գործողութիւնը, որը իրականացուեց ՀՅԴ որոշումով և ՀՅԴ անդամ, 24-ամեայ Սողոմոն Թեհլիրեանի ձեռամբ, արդարութիւնը վերականգնելու և վրիժառու բազկով մեր լինելութեան, մեր գոյապայքարի ու մեր ազգային վերածնունդի մարմնացումը հանդիսացաւ 100 տարի առաջ և մնում է այդպիսին մինչ այսօր:

1919 թուին, ՀՅԴ 9-րդ Ընդհնուր Ժողովի որոշումով կեանք առած «Նեմեսիս» գործողութիւնները ոչ միայն Թուրքիոյ ցեղասպան դահիճներին և դարի մեծագոյն ոճիրի հեղինակներին էին ուղղուած, այլ նաև մարմնացումն էր Արամ մանուկեանի միշտ այժմէական հետևեալ խօսքերին՝

«Մենք միայնակ ենք ու միայն մեր սեփական ուժերին ապաւինելով պէտք է պաշտպանենք մեր սահմանները դրսի թշնամուց և օրէնքի իշխանութիւն հաստատենք երկրից ներս»:

Գաղափարական յեղափոխականների փաղանգը, որն ստեղծեց Հայաստանի առաջին անկախ հանրապետութիւնը խորապէս գիտակցում էր թէ արդարութեան վերահաստատումը չի կարելի յետաձգել և որ այն երաշխիքն է վաղուայ ժողովրդավարական, զարգացող, խաղաղ ու ապահով Հայաստանի:

«Նեմեսիս» գործողութիւնների և այդ ծիրից ներս Թեհլիրեանի հերոսական ակտը բնական շարունակութիւնն էր 1800-ականներից արդէն ծայր առած հայ ազատագրական պայքարի: Պայքար՝ որը միս ու արիւն ստացաւ Նիկոլ Դումանների, Անդրանիկ փաշաների, Գէորգ Չաւուշների, Նժդեհների, Շահէն Մեղրեանների, Պէտոների ու Թաթուլ Կրպեանների և այն բոլոր ազգային-յեղափոխական սերունդների շնորհիւ, որոնք ամէն գնով նուիրուեցին ազատ, անկախ ու միացեալ Հայաստանի գաղափարին:

Նման ազգը ու նման պատմութիւն կերտած ժողովուրդը և կազմակերպութիւնը չեն կարող ենթարկուել, ընդունել և համակերպուել Սեպտեմբերի 27-ի պատերազմով ձևակերպուած մեր նոր իրականութեանը:

Մենք չունենք այլ ընտրութիւն: Մենք պէտք է հաւաքագրենք մեր ազգային ողջ ուժականութիւնը, դարձեալ ոտքի կանգնենք ու յաղթանակներ կերտենք ի դէմ մեր արտաքին, թէ ներքին թշնամիների:
Նպատակս տկարութիւն չի ճանչնար:

ՀՅԴ Արևմտեան Ամերիկայի Կեդրոնական Կոմիտէն Թալէաթ փաշայի ահաբեկման 100-ամեակի սեմին իր խոնարհումն է յայտնում Սողոմոն Թեհլիրեանի, մեր բոլոր հին ու նոր նահատակների յիշատակի առջև:

Ազգ, Բանակ, Յաղթանակ

ՀՅԴ ԱՐԵՒՄՏԵԱՆ ԱՄԵՐԻԿԱՅԻ
ԿԵԴՐՈՆԱԿԱՆ ԿՈՄԻՏԷ»:

Հարյուր տարի առաջ այս օրը՝ 1921թ․-ի մարտի 15-ին, հայ ազգային–ազատագրական շարժման գործիչ, հայ վրիժառու, Հայոց ցեղասպանությունը վերապրած Սողոմոն Թեհլերյանը Բեռլինում գնդակահարեց երիտթուրքերի ներքին գործերի նախարար և Հայոց ցեղասպանության գլխավոր կազմակերպիչ Թալեաթ փաշային։  Նա ձերբակալվեց, սակայն նույն թվականի հունիսի 2-ին գերմանական դատարանը նրան արդարացրեց։

Ինչպես ինքն էր ասում․ «Ես մարդ եմ սպանել, բայց մարդասպան չեմ»։

Օրվա կապակցությամբ հայտարարություն է տարածել ՀՅԴ Արևմտյան Ամերիկայի Կենտրոնական Կոմիտեն, որում ասվում է․

«2021-ի Մարտի 15-ին աշխարհասփիւռ հայ ժողովուրդը նշելու է Հայոց Ցեղասպանութեան գլխաւոր կազմակերպիչներից՝ Թալէաթ փաշայի ահաբեկման 100-ամեակը: 

Այս գործողութիւնը, որը իրականացուեց ՀՅԴ որոշումով և ՀՅԴ անդամ, 24-ամեայ Սողոմոն Թեհլիրեանի ձեռամբ, արդարութիւնը վերականգնելու և վրիժառու բազկով մեր լինելութեան, մեր գոյապայքարի ու մեր ազգային վերածնունդի մարմնացումը հանդիսացաւ 100 տարի առաջ և մնում է այդպիսին մինչ այսօր:

1919 թուին, ՀՅԴ 9-րդ Ընդհնուր Ժողովի որոշումով կեանք առած «Նեմեսիս» գործողութիւնները ոչ միայն Թուրքիոյ ցեղասպան դահիճներին և դարի մեծագոյն ոճիրի հեղինակներին էին ուղղուած, այլ նաև մարմնացումն էր Արամ մանուկեանի միշտ այժմէական հետևեալ խօսքերին՝

«Մենք միայնակ ենք ու միայն մեր սեփական ուժերին ապաւինելով պէտք է պաշտպանենք մեր սահմանները դրսի թշնամուց և օրէնքի իշխանութիւն հաստատենք երկրից ներս»:

Գաղափարական յեղափոխականների փաղանգը, որն ստեղծեց Հայաստանի առաջին անկախ հանրապետութիւնը խորապէս գիտակցում էր թէ արդարութեան վերահաստատումը չի կարելի յետաձգել և որ այն երաշխիքն է վաղուայ ժողովրդավարական, զարգացող, խաղաղ ու ապահով Հայաստանի:

«Նեմեսիս» գործողութիւնների և այդ ծիրից ներս Թեհլիրեանի հերոսական ակտը բնական շարունակութիւնն էր 1800-ականներից արդէն ծայր առած հայ ազատագրական պայքարի: Պայքար՝ որը միս ու արիւն ստացաւ Նիկոլ Դումանների, Անդրանիկ փաշաների, Գէորգ Չաւուշների, Նժդեհների, Շահէն Մեղրեանների, Պէտոների ու Թաթուլ Կրպեանների և այն բոլոր ազգային-յեղափոխական սերունդների շնորհիւ, որոնք ամէն գնով նուիրուեցին ազատ, անկախ ու միացեալ Հայաստանի գաղափարին:

Նման ազգը ու նման պատմութիւն կերտած ժողովուրդը և կազմակերպութիւնը չեն կարող ենթարկուել, ընդունել և համակերպուել Սեպտեմբերի 27-ի պատերազմով ձևակերպուած մեր նոր իրականութեանը:

Մենք չունենք այլ ընտրութիւն: Մենք պէտք է հաւաքագրենք մեր ազգային ողջ ուժականութիւնը, դարձեալ ոտքի կանգնենք ու յաղթանակներ կերտենք ի դէմ մեր արտաքին, թէ ներքին թշնամիների:
Նպատակս տկարութիւն չի ճանչնար:

ՀՅԴ Արևմտեան Ամերիկայի Կեդրոնական Կոմիտէն Թալէաթ փաշայի ահաբեկման 100-ամեակի սեմին իր խոնարհումն է յայտնում Սողոմոն Թեհլիրեանի, մեր բոլոր հին ու նոր նահատակների յիշատակի առջև:

Ազգ, Բանակ, Յաղթանակ

ՀՅԴ ԱՐԵՒՄՏԵԱՆ ԱՄԵՐԻԿԱՅԻ
ԿԵԴՐՈՆԱԿԱՆ ԿՈՄԻՏԷ»:

Սոցիալական ցանցերում այսօր շրջանառվող տեսանյութում Կապանի հարակից հայկական հենակետի դիրքապահները դժգոհություն են հայտնում իրենց ծառայության անբավարար պայմաններից՝ հայտարարելով, որ նույնիսկ այդ վիճակում և փոքրաթիվ ուժերով կանգնելու են ադրբեջանական երեք դիրքի դիմաց:

ՀՀ գլխավոր դատախազի խորհրդական Գոռ Աբրահամյանը ֆեյսբուքյան իր էջում անդրադարձել է տեսանյութում հնչած հայտարարություններին՝ գրելով․

«Սոցիալական ցանցերում ակտիվորեն տարածվում է տեսանյութ՝ Կապան քաղաքի հարակից հատվածում տեղակայված ՀՀ ԶՈւ մարտական հենակետում տիրող վիճակի մասին, որում  զինծառայողների կողմից արվում են պնդումներ նաև իրենց տրված որոշ հրամանների կամ հանձնարարության մասին։

Գորիսի կայազորի զինվորական դատախազ Հայկ Մարգարյանի հանձնարարությամբ հրապարակված այդ տեսանյութի առթիվ ՀՀ ՊՆ Կապանի ռազմական ոստիկանության բաժնում քրեադատավարական կարգով նախապատրաստվում են նյութեր՝ ծառայության պայմանների, կազմակերպման հանգամանքների ստուգման, դրանցում առերևույթ հանցավոր մոտեցման առկայությունը պարզելու և ըստ այդմ՝ ընթացքը լուծելու նպատակով։

Հ.Գ. Տեսանյութը կից չեմ հրապարակում անվտանգության նկատառումներից ելնելով»։

Լեռնային Ղարաբաղում ռազմական էսկալացիայից հետո այսօր սկսվում են ադրբեջանական բանակի առաջին զորավարժությունները, որոնցում կներգրավվի մինչև 10 000 զինծառայող: Այս մասին տեղեկացնում է «ՌԻԱ Նովոստի» գործակալությունը:

Ռուսաստանի արտգործնախարարությունը հայտարարել է, որ ադրբեջանական զորավարժությունների մեջ տարածաշրջանում կայունության և անվտանգության համար որևէ ռիսկեր չի տեսնում, քանի որ դրանք պլանային բնույթ են կրում: Նմանատիպ վարժություններ Հայաստանում կանցկացվեն մարտի 16-ից:

Ադրբեջանական բանակի զորավարժություններին կմասնակցեն շուրջ 100 տանկ և այլ զրահամեքենաներ, տարբեր տրամաչափի մինչև 200 հրթիռահրետանային կայանքներ, մինչև 30 միավոր ռազմական ավիացիա, ինչպես նաև տարբեր նշանակության օդաչու թռչող սարքեր:

Զորավարժությունները տեղի կունենան լեռնային և անտառապատ վայրերում` դժվարանցանելի տեղանքով և կտևեն մինչ մարտի 18-ը: Հիմնական ուշադրությունը հատկացվելու է զորքերի հրամանատարությանը և վերահսկմանը, նրանց մարտական պատրաստության և վերախմբավորման վիճակի հասցնելուն՝ ներառյալ մարտական համակարգման բարելավումը և փոխազդեցությունը համակցված զինված կազմավորումների, հրթիռային և հրետանային զորքերի, ավիացիայի և հատուկ նշանակության ջոկատների միջև:

Ադրբեջանի նախագահ Իլհամ Ալիեւը ԵԱՀԿ ղեկավար Անն Լինդեին ասել է, որ Բաքուն արդեն սկսել է Հայաստանի հետ տրանսպորտային հաղորդուղիների ապաարգելափակման շուրջ բանակցային գործընթացը, հայտնում է «ՌԻԱ Նովոստի»-ն:

Կիրակի Ալիեւն ընդունել է Շվեդիայի արտգործնախարար, ԵԱՀԿ գործող նախագահ Անն Լինդեի գլխավորած պատվիրակությանը: Նախ կայացել է Ալիեւի եւ Լինդեի դեմ առ դեմ հանդիպումը: Այնուհետեւ հանդիպումն անցկացվել է ընդլայնված կազմով:

«Մենք արդեն Հայաստանի հետ սկսել ենք հաղորդուղիները բացելու շուրջ  բանակցային գործընթացը: Սա նոյեմբերի 10-ին ստորագրված հայտարարության մասն է: Արդեն կայացել են տարբեր մակարդակներում մի շարք հանդիպումներ: Սա կարող է դառնալ շրջադարձային կետ, որ ամբողջությամբ փակվի պատերազմի էջը: Հաղորդուղիների բացումը ձեռնտու կլինի տարածաշրջանի բոլոր երկրների համար, կստեղծի նոր հնարավորություններ, նոր դինամիկա կհաղորդի: Ես անկեղծ եմ ասում՝ Ադրբեջանը դրան պատրաստ է»,- Ալիեւի խոսքն է փոխանցել նրա մամուլի ծառայությունը:

Արդեն տեղեկացրել էր, որ պատերազմից հետո երկար ժամանակ Ադրբեջանի զինվորականները Կարմիր Շուկա կոչվող համայնքով անցնող ճանապարհով ազատորեն գնացել են Շուշի քաղաք: Արցախի Պաշտպանության բանակի հրամանատար Միքայել Արզումանյանը տեղի հայ քաղաքացիների անվտանգության նկատառումներից ելնելով այդ ճանապարհին անցակետեր է դրել և հայ զինվորականները ստուգում են ճանապարհով անցնող բոլոր ադրբեջանցիներին: Արզումանյանի այս քայլը խիստ դուր չի եկել Ադրբեջանի իշխանություններին և Իլհամ Ալիևի բանագնացը Արցախի նախագահ Արայիկ Հարությունյանի հետ հանդիպման ընթացքում պահանջել է պաշտոնանկ անել Միքայել Արզումանյանին: Այս մասին գրում է Politik.am-ը:

Կայքի Արցախի աղբյուրների տեղեկացմամբ հենց այս պահին Արցախի նախագահ Արայիկ Հարությունյանը, ռուս խաղաղապահների հրամանատար գեներալ Մուրադովը և ՀՀ ԱԱԾ բարձրաստիճան մի ներկայացուցիչ գնացել են ՊԲ հրամանատար Միքայել Արզումանյանի հետ հանդիպման և պահանջում են Կարմիր Շուկայի ճանապարհից հանել հայկական զինված ուժերի զինծառայողներին, որպեսզի ճանապարհը հանձնվի ադրբեջանցի զինվորականներին: Ճանապարհի հանձնումից կարճ ժամանակ անց Կարմիր Շուկան կհայաթափվի և տեղում կբնակեցվեն ադրբեջանցիներ:

ՀՀ վարչապետ Նիկոլ Փաշինյանի մամուլի խոսնակ Մանե Գևորգյանը հայտնել է Մարդու իրավունքների պաշտպան Արման Թաթոյանին այլևս կառավարության նիստերին չհրավիրելու պատճառը: «Արմենպրես»-ի հետ զրույցում Գևորգյանը նշեց, որ այդ որոշման պատճառ է դարձել Թաթոյանի կողմից տևական ժամանակ գործադիրի նիստերին չներկայանալը:

«Արման Թաթոյանը կառավարության նիստերին հրավիրված է եղել և ինչ-որ պահից սկսած պարոն Թաթոյանը, հրավիրված լինելով հանդերձ, սկսել է չներկայանալ` իր փոխարեն ներկայացնելով ՄԻՊ աշխատակազմից այլ անձի: Այս պրակտիկան շարունակվել է տևական ժամանակ: Աշխատակազմի կողմից ՄԻՊ-ի աշխատակազմին տեղեկացվել է, որ կառավարության նիստերին հրավիրվում է մարդու իրավունքների պաշտպանը, այլ ոչ թե այլ անձ, որին հաջորդել է նիստերին պարոն Թաթոյանի համար հատկացվող տեղի մշտապես թափուր մնալը։ Այնուհետև, հաշվի առնելով կառավարության նիստերի մասնակիցների կազմի փոփոխությունը, ինչպես նաև Արման Թաթոյանի կողմից կառավարության նիստերին չմասնակցելու սեփական նախաձեռնությունը, վերջինս այլևս նիստերին չի հրավիրվել»,- նշեց Գևորգյանը:

 
 
Վարչապետի մամուլի խոսնակը հավելեց, որ Արման Թաթոյանն ունի բոլոր հնարավորություններն ու հարթակներն իր մտահոգություններն ու դիտարկումներն հայտնելու կամ գործադիր մարմնին ներկայացնելու համար և կառավարության համար անհասկանալի է վերջինիս հապճեպ և մանիպուլյատիվ հայտարարությունների մոտիվացիան։

Գործոնները, որոնք կօգնեին հայկական կողմին հաղթել պատերազմում, ոչ մի տեղ չեն անհետացել, եւ այդ մասին գիտի թուրք-ադրբեջանական տանդեմը: Նրանց համար շահավետ են Հայաստանի ներկայիս իշխանությունների գործողությունները: Այս մասին լրագրողների հետ հանդիպմանն ասաց ՀՀ պաշտպանության նախարարի նախկին խորհրդական, ռազմական փորձագետ Դավիթ Ջամալյանը:

Նրա խոսքով՝ եթե չլիներ Նիկոլ Փաշինյանը, ապա Ադրբեջանն ընդհանրապես պատերազմ չէր սկսի, իսկ Բաքվում սպասեցին, որ Բակո Սահակյանը հեռանա Արցախի նախագահի պաշտոնից, որպեսզի հանգիստ սկսեն պատերազմը:

Նա նկատեց, որ հանուն Հայաստանում Ռուսաստանի դեմ բրիտանա-թուրքական ծրագրի իրականացման, հայրենասիրական կարգախոսների ներքո եկան ուժեր, որոնց նպատակն էր թուլացնել Հայաստանը եւ Արցախը:

«Այս ծրագիրը մի քանի տասնամյակ իրականացվում էր պլանաչափ եղանակով: Հիմա նրանք փորձում են ստեղծել այնպիսի մթնոլորտ, որ մենք հաշտվենք կատարվածի հետ: Բայց չի բացառվում, որ Սյունիքի մարզում կարող է լարվածություն հրահրվել, որպեսզի Նիկոլ Փաշինյանի իշխանությունը երկարաձգվի»,- ասաց Ջամալյանը:

Փորձագետի գնահատականով՝ Հայաստանն ունի բնական դաշնակիցներ՝ Ռուսաստանը, Իրանը եւ Չինաստանը:

«Եթե Հայաստանում այլ ուժեր լինեին, պատերազմի արդյունքները կարող էին այլ լինել: Ռուսաստանի արտաքին հետախուզության ղեկավարը եւ ՀԱՊԿ գլխավոր քարտուղարը չէին կարող հենց այնպես խոսել Արցախում ահաբեկիչների մասին: Այս գործոնը հեշտությամբ կարելի էր օգտագործել եւ հակաահաբեկչական գործողություն սկսել: Բացի այդ, եթե Իրանն ասում է, որ իր «կարմիր գիծը» Հայաստանի անձեռնմխելիությունն է, ապա Թեհրանին, բնականաբար, շատ ավելի շահավետ է, որ հայկական կողմը ավելի շատ տարածքներ վերահսկի Արաքս գետի երկայնքով»,- հավելեց նա:

Պատերազմի չորրորդ օրը Անվտանգության խորհրդի նիստում ոչ ոք, կրկնում եմ, ոչ ոք հանդես չի եկել պատերազմը դադարեցնելու առաջարկով: Այս մասին CivilNet-ին տված հարցազրույցում հայտարարել է Հայաստանի անվտանգության խորհրդի քարտուղար Արմեն Գրիգորյանը:

«Գլխավոր շտաբի պետ Օնիկ Գասպարյանը խոսեց ռազմական իրավիճակի մասին եւ խոսեց մի քանի թեմաների շուրջ: Օրինակ՝ խոսեց F-16-երի թեմայով եւ F-16-երի խնդիրների մասին, խոսեց Թուրքիայից Ադրբեջանին «Բայրաքթար» ԱԹՍ-ներ մատակարարելու մասին, խոսեց հայկական կողմից «Սմերչ» համակարգերի հաջող օգտագործման մասին, խոսեց Ջաբրայիլում շատ փոքր հաջողությունների մասին:

Նա նաեւ ասաց, որ ռազմաճակատում ռազմական իրավիճակի որեւէ փոփոխություններ չկան, եւ բանակը կշարունակի կատարել իր առջեւ դրված խնդիրները:

Այսինքն՝ պատերազմի ընթացքի մասին զեկույցը ոչ մի կերպ չի համապատասխանում այն ասվածին, որ չորրորդ օրը պատերազմը դադարեցնելու առաջարկներ են եղել: Չի արտահայտվել ոչ մի միտք, որը երկիմաստ նշանակություն ունենար, օրինակ՝ այն մասին, որ պատերազմը պետք է դադարեցվի:

Խոսակցություններն այն մասին, որ պատերազմը պետք է դադարեցվի ռեսուրսների անբավարարւթյան պատճառով, եղել են Անվտանգության խորհրդի հոկտեմբերի 19-ի նիստում: Ասվեց, որ մենք ունենք 2-3 օր, որից հետո պատերազմը տեւեց եւս 20 օր»,- ասել է նա:

Հարցին, թե ինչու է նա հենց հիմա որոշել հայտարարել այդ մասին, Գրիգորյանը պարզաբանել է. «Դա կապված է քաղաքական հարթությունում այս հարցի վերաբերյալ շատ շահարկումների հետ: Բացարձակապես բոլոր քաղաքական ուժերը շահարկումներ են անում»:

Հիշեցնենք, որ 2020թ. Արցախի պատերազմից հետո Հայաստանի ԶՈւ Գլխավոր շտաբի պետ Օնիկ Գասպարյանը հայտարարել էր, որ պատերազմի չորրորդ օրը կոչ է արել միջոցներ ձեռնարկել եւ դադարեցնել պատերազմը:

«Հայ դիվանագետներից շատերն իրենց մասնագիտական օրը՝ մարտի 2-ը, գլխիկոր են դիմավորել, քանի որ հպարտանալու և նշելու ոչինչ չկար, մենք պարտված դիվանագիտություն ունենք»,- ԱԳՆ-ի շենքի մոտ կազմակերպված բողոքի ակցիայի ժամանակ հայտնեց դիվանագետ, ՀՅԴ անդամ Հրայր Կարապետյանը:

Նա չհամաձայնեց դիվանագետ ղեկավարների այն խոսքերի հետ, թե նրանք ամեն ինչ ճիշտ են արել:

«Պատերազմը սկսվում է այն ժամանակ, երբ դիվանագիտությունը պարտվում է, իսկ Հայաստանի թիվ մեկ դիվանագետը երկրի ղեկավարն է»,- նկատեց Կարապետյանը և շեշտեց, որ Փաշինյանն է տապալել Հայաստանի ռազմավարական գործընկերների հետ հարաբերությունները բոլոր մակարդակներում:

Ըստ ՀՅԴ անդամի՝ Փաշինյանը լավ է իմացել, որ ՀԱՊԿ-ի վարկաբեկումը երբեք չէր հանդուրժի նրա ամենակարևոր անդամ ՌԴ-ն և տեղյակ էր, որ Յուրի Խաչատուրովի դեմ հարուցված քրեական գործը չէր կարող անցնցում անցնել, ինչպես նաև՝ Ռոբերտ Քոչարյանի դեմ սկսված դատավարությունը:

Կարապետյանը համոզմունք հայտնեց՝ Փաշինյանը տեղյակ էր, որ Պարսկաստանի  և Չինաստանի հետ հարաբերությունները չէր կարելի վատացնել:

«Չէր կարելի վարկաբեկել մեր դիվանագիտությունը՝ ասելով, որ մինչև հիմա ոչինչ չի արվել և պետք է 0-ից սկսել: Ո՛չ, այդպես չէ, պարո՛ն վարչապետ, դու ես մեր դիվանագիտությունը դարձրել 0»,- հայտարարեց Հրայր Կարապետյանը և նկատեց, որ այսօր էլ դեռ համակարգում կան բազմաթիվ պրոֆեսիոնալ դիվանագետներ:

Նրա խոսքով՝ այսօր հայ դիվանագիտությունը միջազգային ատյաններում չի բարձրացնում Ադրբեջանի ռազմական հանցագործությունների հարցը և ԱԳՆ-ի այդ գործառույթն ինչ-որ առումով կատարում է միայն Մարդու իրավունքների պաշտպանը:

Արձանագրելով, որ Հայաստանի դիվանագիտությունը Ադրբեջանի նախագահի ռազմատենչ հայտարարությունները թողնում է անպատասխան՝ Կարապետյանը համոզմունք հայտնեց, որ ԱԳՆ-ն պետք է անհապաղ դիմի ՄԱԿ-ի Անվտնագության խորհրդին՝ պահանջելով դատապարտող որոշում հրապարակել, քանի որ վաղը կարող է ուշ լինել:

Ըստ բանախոսի՝ ձախողված դիվանագետները պատասխան են տալու, թե արդյո՞ք պաշտպանել են ազգային շահերը, և արդյո՞ք նրանք արժանի են այն հերոսներին, որոնք իրենց արյունը թափեցին հայրենիքի համար:

Իր խոսքի ավարտին Հրայր Կարապետյանը, դիվանագետներին կոչ արեց, հետևելով ԶՈւ-ին, իրենց ձայնը նույնպես բարձրացնեն և պահանջեն Նիկոլ Փաշինյանի հեռացումը:

«Ազգային անվտանգության ծառայության մեր աղբյուրների փոխանցմամբ՝ Փաշինյանը մարտի 9-ին հանձնարարել է ԱԱԾ-ին նախապատրաստել համապատասխան հիմքեր մարտի 15-ից կոնորավիրուսի վիճակի վատթարացման պատրվակով երկիրը կրկին փակելու, հավաքներն արգելելու համար»,-այս մասին հաղորդում է Mediaport տելեգրամի ալիքը։

«Ըստ պլանի՝ երկիրը կվերադառնա խիստ սահմանափակումների ռեժիմ՝ օնլայն դասապրոցեսով, հանրային վայրերի աշխատանքի արգելքով:

Փաշինյանի հրահանգից հետո կորոնավիրուսի դեպքերը կտրուկ սկսել են աճել, քանի որ հանձնարարվել է համատարած դրական պատասխաններ տալ պոլիկլինիկաներում հանձնված թեստերին։

Mediaport-ի աղբյուրի փոխանցմամբ՝ բազմաթիվ դեպքեր կան, որ մասնավոր կլինիկայում անցկացված կրկնահետազոտության արդյունքում պոլիկլինիկայի դրական պատասխանը հերքվել է։

Նույն աղբյուրը ուշադրություն հրավիրեց նաև մահերի ցուցանիշների վրա, որոնք անհամեմատ փոքր են վարակի դեպքերի համեմատ։ Օրինակ երեկ՝ 700-ից ավելի վարակման նոր դեպքի մասին հայտարարությանը զգուգահեռ հաղորդվեց 2 մահվան մասին, այսօր՝ 800-ից ավելի դեպք և 5 մահ, ինչը ևս վկայում է, որ թվերը կեղծվում են՝ քաղաքական նպատակների պատճառով»։