Ռուսաստանի նախագահ Վլադիմիր Պուտինը առավոտյան ժամը 05.50-ին ռուսաստանցիներին ուղղված իր ուղերձում հայտարարել է, որ Դոնբասում հատուկ ռազմական գործողության մասին որոշում է կայացրել:

«Հանգամանքները ստիպում են մեզնից վճռական եւ անհապաղ գործողություններ: Դոնբասի ժողովրդական հանրապետությունները դիմել են Ռուսաստանին՝ օգնության խնդրանքով: Դրա հետ կապված, համաձայն ՄԱԿ-ի կանոնադրության 7-րդ մասի 51-րդ հոդվածի եւ ի կատարումն Դաշնային ժողովի կողմից վավերացված ԴԺՀ-ի եւ ԼԺՀ-ի հետ բարեկամության եւ փոխօգնության մասին պայմանագրերի, ես որոշում եմ կայացրել հատուկ ռազմական գործողություն անցնացնելու մասին»,-ասելէ  Պուտինը հեռուստաուղերձում:

Երկրի ղեկավարը նշել է, որ Ռուսաստանի պլաններում Ուկրաինայի օկուպացիայի հարցը չկա, սակայն մոսկվան ձգտելու է նրա դեմիլիտարիզացիային:

«Հատուկ գործողության նպատակը մարդկանց պաշտպանությունն է, որոնք 8 տարվա ընթացքում ենթարկվում են ծաղրուծանակի, ցեղասպանության Կիեւի ռեժիմի կողմից, եւ դրա համար մենք ձգտելու ենք Ուկրաինայի դեմիլիտարիզացիային եւ դենացիֆիկացիային, ինչպես նաեւ դատարանին հանձնելու նրանց, որոնք իրականացրել են բազմաթիվ արյունալի հանցագործություններ խաղաղ բնակիչների նկատմամբ, այդ թվում ՌԴ քաղաքացիների»,-ասել է Պուտինը:

Նրա խոսքով, Ռուսաստանի բախումը Ուկրաինայում ազգայնական ուժերի հետ անխուսափելի է. «Դա միայն ժամանակի հարց է: Նրանք պատրաստվում են եւ սպասում հարմար ժամի: Հիմա էլ հավակնում են ունենալ միջուկային զենք: Մենք թույլ չենք տա նրանց դա անել»,-ասել է Պուտինը:

Նա նաեւ հավելել է, որ Ռուսաստանը չի կարող իրեն անվտանգ զգալ, զարգանալ, գոյություն ունենալ Ուկրաինայից եկող մշտական սպառնալիքի տակ, նկատելով, որ անընդունելի է ՆԱՏՕ-ի կողմից Ուկրիանայի յուրացումը:

Ռուսաստանի քաղաքականության հիմքում ազատությունն է, այդ իրավունքը պետք է ունենան բոլորը, այդ թվում Ուկրաինայի բնակիչները, հայտարարել է ՌԴ նախագահը. «Ընտրության ազատություն բոլորի համար, որ ինքնուրույն որոշեն իրենց եւ իրենց երեխաների ապագան:  Մենք կարեւոր ենք համարում, որ այդ իրավունքից, ընտրելու իրավունքից կարողանան օգտվել Ուկրաինայում ապրող բոլոր ժողովուրդները: Բոլորը, ով դա ուզում է»,-ասել է նա:

Պուտինը հիշեցրել է, որ ոչ ԽՍՀՄ ստեղծելիս, ոչ Երկրորդ համաշխարհային պատերազմից հետո ժամանակակից Ուկրաինայի կազմում գտնվող այս կան տարածքում ապրող մարդկանց չեն հարցրել, թե ինչպես են իրենքուզում կառուցել իրենց կյանքը:

Պուտինը դիմել է նաեւ ուկրաինացի զինվորականներին՝ նշելով, որ նրանք հավատարմության երդում են տվել ժողովրդին, ոչ թե հակաժողովրդական խունտային, որը թալանում է Ուկրաինան:

«Հարգելի ընկերներ, ձեր հայրերը, պապերը եւ նախապապերը նրա համար չեն պայքարել նացիստների դեմ՝ պաշտպանելով մեր ընդհանուր հայրենիքը, որպեսզի այսօրվա նեոնացիստները զավթեն իշխանությունը Ուկրաինայում»,-ասել է նա:

ՌԴ նախագահը կոչ է արել ուկրաինացի զինվորականներին չկատարել հանցավոր հրամաններ, անհապաղ վայր դնել զենքը եւ գնալ տուն: Նա միաժամանակ ընդգծել է, որ Ուկրաինայի բանակի բոլոր զինծառայողները, որոնք կկատարեն այդ պահանջը, կկարողանան առանց խոչընդոտների լքել ռազմական գործողությունների գոտին եւ վերադառնալ տուն իրենց ընտանիքների մոտ:

Պուտինն ընդգծել է, որ Ռուսաստանը հարգում է եւ կշարունակի հարգել ԱՊՀ երկրի ինքնիշխանությունը. «Մենք հարգանքով ենք մոտենում եւ կշարունակենք այդպես մոտենալ հետխորհրդային տարածքում նոր ձեւավորված կազմավորումներին: Մենք հարգել եւ կշարունակենք հարգել նրանց ինքնիշխանությունը: Դրա օրինակը օգնությունն է, որ մենք ցուցաբերեցինք Ղազախստանին, որը բախվեց ողբերգական իրադարձությունների, իրենց պետականության եւ ամբողջականության մարտահրավերներին»,-հիշեցրել է նա:

ՆԱՏՕ-ն, ըստ Պուտինի, մոտենում է Ռուսաստանի սահմաններին, եւ Մոսկվան 30 տարվա ընթացքում փորձել է պայմանավորվել, որ այդ դաշինքը չծավալվի դեպի արեւելք, սակայն բախվել է ստի, շանտաժի ու ճնշման փորձերի:

Ռուսաստանը պատրաստ է իրադարձությունների ցանկացած զարգացման, բոլոր որոշումներն ընդունված են, հայտարարել է Պուտինը: «Հույս ունեմ, որ ես լսելի կլինեմ»,-ասել է նա:

Իսկական ուժը արդարության ու ճշմարտության մեջ է, եւ Ռուսաստանն այդ կողմում է, հայտարարել է ՌԴ նախագահը. «Հարգելի Ռուսաստանի քաղաքացիներ, բարեկեցությունը, պետությունների ու ժողովուրդների գոյությունն ինքը, միշտ հենվում են հզոր արմատների համակարգի, իր արժեքների մշակույթի, նախնիների փորձի վրա: Եվ իհարկե, ուղղակիորեն կախված է մշտապես փոփոխվող աշխարհին հարմարվելու ունակությունից, հասարակության միասնությունից, համախմբվելու պատրաստ լինելուց, ուժերը հավաքելուց, որպեսզի առաջ գնա: Ուժեր միշտ պետք են, միշտ, բայց ուժը կարող է տարբեր որակի լինել: Ստի կայսրության քաղաքականության հիմքում, որի մասին խոսեցի իմ ելույթի սկզբում, ընկած է կոպիտ ուղղագիծ ուժը: Նման դեպքերում մեզ մոտ ասում են՝ ուժը կա, խելք պետք չէ: Իսկ մենք գիտենք, որ իրական ուժը արդարության եւ ճշմարտության մեջ է, որը մեր կողմն է»,-հավելել է երկրի ղեկավարը:

ՀՀ քննչական կոմիտեի Արմավիրի մարզային քննչական վարչությունում իրականացված քննչական և դատավարական այլ ծավալուն գործողությունների արդյունքում պարզվել են քրեական ենթամշակույթ կրող խմբավորում ստեղծելու, ղեկավարելու, դրան ներգրավելու և քրեական աստիճանակարգության բարձրագույն կարգավիճակ ունեցող անձին դիմելու դեպքի առթիվ հարուցված քրեական գործի բոլոր հանգամանքները: Այս մասին հայտնում է ՀՀ քննչական կոմիտեն։

«Քննությամբ փաստական տվյալներ են ձեռք բերվել այն մասին, որ  «Արմավիր» քրեակատարողական հիմնարկի կալանավորը (ծնված 1993թ.՝ Օշական գյուղում)  ղեկավարել է քրեական ենթամշակույթ կրող խմբավորում՝ ունենալով քրեական աստիճանակարգության բարձրագույն կարգավիճակ:

Վերջինս «Արմավիր» քրեակատարողական հիմնարկում պահվող անձանց նկատմամբ իրականացրել է վերահսկողություն, այսպես կոչված, «կարգուկանոն» պահպանելու նպատակով տարբեր անձանց տվել է կոնկրետ հրահանգներ, մասնավոր հարցերին առնչվող վեճերն ու խնդիրները լուծելու համար տվել է հանձնարարականներ, ինչպես նաև կազմակերպել և վերահսկել է քրեական ենթամշակույթ կրող խմբավորման միջոցով ստացված անօրինական օգուտը:

Պարզվել է նաև, որ քրեական աստիճանակարգության բարձրագույն կարգավիճակ ունեցող հիշյալ անձը քրեակատարողական հիմնարկում պահվող կալանավորների և դատապարտյալների նկատմամբ իրականացրել է վերահսկողություն. իրեն դիմած տարբեր անձանց խնդրանքներով կարգավորել և վերաբաշխել է քրեակատարողական հիմնարկում գտնվող և նոր տեղափոխված անձանց պահման վայրերը՝ տեղամասերը և խցերը, հետևել է կալանավորների և դատապարտյալների կողմից մոլախաղերի մեջ ներգրավվածությանը՝ արտոնյալներին զերծ պահելով դրանից:

Ավելին, տարբեր անձինք ևս, ստանալով և կատարելով վերոհիշյալ անձի հրահանգներն ու հանձնարարությունները, մասնակցել են քրեական ենթամշակույթ կրող խմբավորմանը, ինչպես նաև ներգրավված են եղել դրա կողմից հետապնդվող նպատակների իրականացմանը:

Ձեռք բերված բավարար ապացույցների համակցությամբ՝ Օշականի բնակիչ հանդիսացող և կալանքի տակ գտնվող անձին մեղադրանք է առաջադրվել ՀՀ քրեական օրենսգրքի 223.2-րդ հոդվածի 2-րդ մասի 1-ին և 5֊րդ կետերով, երկու քաղաքացիական անձի՝ 223.4-րդ հոդվածի 1 ին մասով, ևս մեկ կալանավորի՝ 223.3-րդ հոդվածի 1-ին մասով և 223.4-րդ հոդվածի 1-ին մասով:

Նախաքննությունն ավարտվել է, և քրեական գործը, մեղադրական եզրակացությունը հաստատելու և դատարան ուղարկելու միջնորդությամբ, ուղարկվել է հսկողություն իրականացնող դատախազին»,- նշված է հաղորդագրությունում:

Արևմուտքը ու հատկապես Եվրոպան շատ լավ գիտակցում է, որ այդ ռուս-ուկրաինական պատերազմից ամենաշատը ինքն է տուժելու։ Այս մասին «Փաստինֆո»-ի եթերում ասել է միջազգայնագետ Գրիգոր Բալասանյանը։  

Նրա խոսքով՝ ԱՄՆ-ն ամբողջ աշխարհում ներկայանում է  որպես առաջին երկիր, որն ունի թիվ մեկ հետախուզությունը, բայց ամեն օր փոխում են հարձակման պլանը։  «Սա վկայում է, որ ՌԴ-ն հասավ իր գլխավոր նպատակին, բովանդակ արևմուտքը խայտառակ եղավ։  ՆԱՏՕ-ն, ըստ էության, բաժանվել է, այս կառույցը ճաք է տալիս, Խորվաթիան ասում է՝ ես զինվոր չեմ ուղարկելու, Ֆրանսիան՝ ես զենք չեմ տալու, Գերմանիան ասում է, որ այդպիսի զենք նույնիսկ ինքը չունի»,-ասել է փորձագետը։ Ստացվում է, որ ԱՄՆ-ի կողքը՝ որպես հավատարիմ դաշնակից, կանգնած է մի քանի մերձբալթյան երկիր և Լեհաստանը։

Մանրամասները՝ տեսանյութում։

Հայտնի գործարար Նուբար Աֆեյանի հիմնադրած Moderna կենսատեխնոլոգիական ընկերության գիտնականները, որոնք մասնագիտանում են մատրիցային ՌՆԹ-ի հիման վրա դեղանյութերի արտադրության ոլորտում, աշխատում են ծաղկի, օնկոլոգիական հիվանդությունների եւ հերպեսի դեմ երեք նոր պատվաստանյութերի ստեղծման ուղղությամբ։

Ինչպես տեղեկացվում է կազմակերպության պաշտոնական կայքում, պարզ հերպեսի երկրորդ տեսակի (որը սովորաբար ախտահարում է մարդու սեռական օրգանները) դեմ mRNA-1608 պատվաստանյութի ստեղծումը կարող է ապահովել նաեւ խաչաձեւ պաշտպանություն Պարզ հերպեսի վիրուս-1-ից (ՊՀՎ-1), որը «բնակություն է հաստատում» նաեւ դեմքին եւ բերանի խոռոչում։

mRNA-4359 երկրորդ պատվաստանյութը նպատակ ունի կանխել մելանոման (մաշկի քաղցկեղը)։ Այս դեղանյութի աշխատանքի մեխանիզմը հիմնված է վերահսկիչ կետերի (checkpoint) պաշտպանության վրա։ Վերջինների վրա են ազդում քաղցկեղի բջիջները՝ խոչընդոտելով օրգանիզմի լիարժեք իմունային պատասխանին։

Գիտնականների կողմից ստեղծվող երրորդ պատվաստանյութը՝ МРНК-1468, թույլ կտա կանխել ջրծաղկով վարակվելը, որը կարող է սրել մաշկի ցանով ուղեկցվող մրմնջուկը (լիշայ), իսկ որոշ դեպքերում հանգեցնել կենտրոնական նյարդային համակարգի ախտահարման եւ կաթվածի։

ՌԴ նախագահ Վլադիմիր Պուտինն Ադրբեջանի նախագահ Իլհամ Ալիևի հետ Մոսկվայում կայացած հանդիպմանը հայտարարել է, որ երկու երկրների ղեկավարները պատրաստվում են ստորագրել դաշնակցային փոխգործակցության մասին հռչակագիր։

Այսօր մենք ստորագրում ենք դաշնակցային փոխգործակցության հռչակագիր ։ Ակնհայտ է, որ դա մեր հարաբերությունները բարձրացնում է նոր մարկադակի վրա և, անկասկած, դա հնարավոր է դարձել նաև դեռևս մինչև վերջ չկարգավորված, բայց դեպի կարգավորում ընթացող ղարաբաղյան հիմնահարցի շնորհիվ։ Այս մասին, ըստ Рия новости- ի, Ադրբեջանի նախագահ Ի․ Ալիևի հետ հանդիպմանն ասել է ՌԴ նախագահ Վլադիմիր Պուտինը։

Ավելի վաղ հայտնի էր դարձել, որ պաշտոնական այցով ՌԴ է ժամանել Ադրբեջանի նախագահ Իլհամ Ալիևը։

Մարդու իրավունքների պաշտպան Արման Թաթոյանն ահազանգում է՝ ադրբեջանական ԶԼՄ-ները ՄԻՊ-ի վերաբերյալ հրապարակում են ծայրահեղ ատելություն ու վիրավորանքներ։

«Ծայրահեղ ատելություն ու վիրավորանքներ ադրբեջանական լրատվամիջոցների կողմից ՀՀ մարդու իրավունքների պաշտպան Արման Թաթոյանի վերաբերյալ` կապված ՀՀ սահմանային բնակիչների իրավունքների պաշտպանության, Արցախ Պաշտպանի վերջին այցի հետ, իսկ պաշտոնավարման ավարտն ադրբեջանական ԶԼՄ-ներին պատճառել է մեծ ուրախություն:

Այդ հրապարակումներից որոշները ներկայացնում ենք լուսանկարներով մի քանի օրինակ, որ պարզ լինի ծայրահեղական բառապաշարը՝ սկսած ՀՀ մարդու իրավունքների պաշտպանին «հոգեկան առողջության, գլխի ու այլ հիվանդությունններ» վերագրելուց, «հիստերիա» կամ «գողական», «հոգեպես խանգարված» անվանելուց մինչև սպառնալիքներ:

Այս հրապարակումները նաև պարունակում են մեծածավալ խորքային հայատյացություն:

Ադրբեջանական զինված ծառայողների հանցավոր արարքներից բնակիչների իրավունքների պաշտպանության, գերիների վերադարձի, ապառազմականացված անվտանգության գոտու, ինչպես նաև ադրբեջանական իշխանությունների խաղաղասիրական կոչերի անազնիվ լինելու վերաբերյալ մեր հիմնավորված վերլուծությունները դարձել են ոչ թե պարզապես քննադատության, այլ խորքային վիրավորանքների ու ատելության առարկա՝ միախառնած բազմաթիվ սպառնալիքներով:

Ակնհայտ է, որ չկա պատկերացում կոնկֆլիկտային կամ հետկոնֆլիկտային իրավիճակներում Մարդու իրավունքների հաստատության կամ Օմբուդսմանի միջազգային դերի մասին կամ անտեսում են ամեն ինչ. բոլոր հրապարակումներն անխտիր քաղաքական երանգներով են` բացահայտ անհիմն:

Հատուկ եմ արձանագրում, որ անկախ վիրավորանքի ու ատելության այս արշավներից՝ մշտապես եմ բարձրացրել ՀՀ քաղաքացիների, սահմանային բնակիչների, Արցախում ապրող մեր հայրենակիցների իրավունքներին առնչվող հարցերը»,-գրել է ՄԻՊ-ն ու հրապարակել այդ նյութերից լուսանկարներ։

Երեւանում տեղի ունեցող Եվրանեսթի Խորհրդարանական վեհաժողովի նիստում ադրբեջանցի պատվիրակը հայտարարել է, թե, իբր, պատերազմից հետո բոլոր ռազմագերիներին վերադարձրել են Հայաստանին։

Ադրբեջանցի պատգամավոր Մամեդովը մասնավորապես նախ հայտարարել է, թե ադրբեջանական պատվիրակության այցը Հայաստան լավ նշան է երկու երկրների հարաբերությունների հաստատման հարցում։

«Ինչ վերաբերվում է ձերբակալվածներին և մշակութային ժառանգության հարցերին, ապա ուզում եմ ասել, որ բոլոր ռազմագերիներն ու ձերբակալվածները պատերազմից հետո վերադարձվել են Հայաստանին։ Հիմա քննարկում է գնում միջազգային իրավունքի և ժամկետների շրջանում այն մարդկանց վերաբերյալ, որոնք ձերբակալվել են պատերազմից հետո»,–ասաց Մամեդովը` հավելելով, որ չեն ուզում անդրադառնալ Արցախյան առաջին պատերազմի ժամանակ 4000 ադրբեջանցիների ճակատագրերի «խեղմանը»։

Խոսելով երկու երկրների՝ Հայաստանի ու Ադրբեջանի միջեւ սահմանազատման ու սահմանագծման անհրաժեշտության մասին՝ Մամեդովը հայտարարել է, թե 2 երկրների միջև կոնֆլիկտը լուծվել է և իրենք պատրաստակամ են այդ հարցերով զբաղվել։ Ավելին՝ նշել է, թե հայկական կողմից ստանում են դրական ազդակներ, ինչը ուրախալի համարեց։

«Շուշիի տխրահռչակ հռչակագրով Թուրքիայի բանակն  իրավունք է ձեռք բերում պատերազմական իրավիճակում Հայաստանի արևմտյան սահմանների երկայնքով պաշտոնապես մտնել ռազմական գործողությունների մեջ։ Այլ կերպ ասած՝ սա ռազմական բնույթի մի փաստաթուղթ է, որով թուրք- ադրբեջանական տանդեմը լեգիտիմացրել է Հայաստանի դեմ  Ադրբեջանի կողմից հերթական ռազմական ագրեսիա սկսելու պարագայում, Թուրքիային իրավունք վերապահել՝ պաշտոնապես ռազմական գործություններ իրականացնել Հայաստանի արևմտյան սահմանների ուղղությամբ։ Այդ հռչակագիրն, իրականում, այլ բան չէ, քան արհավիրք՝ Հայաստանի անվտանգային հարցերի և տարածքային ամբողջականության նկատմամբ»,- «Փաստինֆո»-ի հետ զրույցում ասում է իրանագետ Վարդան Ոսկանյանը։

Հիշեցնենք, որ Թուրքիայի նախագահ Ռեջեփ Թայիփ Էրդողանը Ադրբեջանի նախագահ Իլհամ Ալիևի ուղեկցությամբ 2021–ի հունիսի 15-ին այցելել էր Ֆիզուլի, ապա նաև Շուշի, որտեղ տեղի էր ունեցել երկկողմ համաձայնագրի («Շուշիի հռչակագրի) ստորագրումը:

Տեղեկացնենք, որ այսօր Ազգային ժողովի արտաքին հարաբերությունների մշտական հանձնաժողովում քննարկվում էր «Հայաստան» խմբակցության պատգամավոր Անդրանիկ Թևանյանի կողմից  հեղինակած հայտարարության նախագիծը՝ Շուշիի հռչակագրի վերաբերյալ։ Սակայն Քաղաքացիական պայմանագիր խմբակցության պատգամավոր Գուրգեն Արսենյանը հանձնաժողովի նիստում հայտնել էր, որ իրենք չեն միանալու Շուշիի հռչակագիրը դատապարտող ընդդիմության հայտարարությանը։

«Փաստինֆո»-ի հետ զրույցում իրանագետ Վարդան Ոսկանյանը նկատում է՝ եթե մենք փորձենք արձանագրել, թե, իրականում, ինչպիսի կետեր կան այդ հռչակագրում, ապա ակնհայտ է, որ այն ի դեմս՝ Ադրբեջանի հետ ռազմական դաշինքի, ամրագրում է թուրքական ներկայությունը Հարավային Կովկասի տարածաշրջանում, իսկ սա այլ բան չէ, քան թուրքական դարավոր երազանքի՝ Պանթուրքիզի իրականացման մեկնարկը՝ հենց Շուշիից. «Փաստացիորեն Թուրքիան, ինքն իրեն համար «լեգիտիմ» հիմք է ստեղծում Հարավկովկասյան տարածաշրջանում, մասնավորապես՝ Ադրբեջանում, ռազմական ներկայություն ունենալու, քանզի վերոհիշյալ հռչակագիր կոչեցյալն այլ բան չէ, քան ռազմաքաղաքական փաստաթուղթ՝ դրանից բխող, հնարավոր բոլոր հետևանքներով»։

Ըստ իրանագետի, հռչակագրի վերաբերյալ մյուս կարևոր հանգամանքը, որը պետք է արձանագրել, հետևյալն է՝ հիմնվելով համատեղ ստորագրված այս փաստաթղթի վրա, ցանկացած պատերազմական գործողությունների ընթացքում, Ադրբեջանը կարող է պաշտոնապես ներգրավվել նաև թուրքական կողմին, այսինքն՝ թուրքական կանոնավոր բանակին. «Մենք տեսնում էինք, որ մինչ այս հռչակագիրը, Ադրբեջանի կողմից հրահրված ռազմական գործողություններին թուրքական կողմի ներգրավվածությունը տեղի էր ունենում ոչ պաշտոնական ձևաչափով, որը կարելի էր գնահատել ոչ լեգիտիմ։ Հիմա Ադրբեջանը  Հայաստանի դեմ ռազմական գործողություններ հրահրելու պարագայում, հանգիստ  կերպով կարող է, արդեն պաշտոնապես, հղում կատարել հռչակագրին՝ ներգրավելով իր ռազմական պարտնյորին՝ Թուրքիային»,- ասում է Վարդան Ոսկանյանը։

Այստեղ, սակայն, ըստ վերջինիս դիտարկման, կա ևս  մեկ կարևոր խնդիր՝ Հարավկովկասյան տարածաշրջանում Թուրքիան ո՛չ պատմական, ո՛չ իրավական լեգիտիմության առումով որևէ ավանդույթ չունի և չի ունեցել. «Դիտարկելով վերջին դարերի պատմությունը, տեսնում ենք, որ այս տարածաշրջանը եղել է կամ իրանական կամ  ռուսական կայսրության մաս, և երբևէ չի եղել Օսմանյան կայսրության մաս։ Հետևաբար, պարզ է դառնում, որ Շուշիի տխրահռչակ հռչակագրի կնքումով և՛ Ադրբեջանը, և ՛Թուրքիան իրենց դեմ են գրգռում նախ համաշխարհային գերտերություն համարվող Ռուսաստանի Դաշնության, հետո նաև՝ տարածաշրջանային գերտերության  Իրանի տրամադրությունները։ Այլ հարց է, թե ինչո՞ւ  են նրանք մինչ այս պահը լռություն պահպանում խնդրի վերաբերյալ։ Չմոռանանք սակայն, որ գերտերությունները միշտ չէ, որ իրենց այս կամ այն դիրքորոշումը հայտնելիս, շտապում են խոսքային ձևակերպումներ տալ դրանց։ Ակնհայտ է մի բան՝ Շուշիի հռչակագիրն իր էությամբ հակասում է ոչ միայն մեր, այլև տարածաշրջանում գլխավոր խաղացողներ համարվող այդ հսկաներին, հետևաբար, որպեսզի մենք այս իրավիճակում շահած դուրս գանք, մեզ նախ և առաջ անհրաժեշտ է առաջին հերթին վերանայել մեր համագործակցության շրջանակները այս երկու պետությունների հետ։ Ես ասել եմ, նորից եմ կրկնում վաղուց հասունացել է պահը՝ Իրանի հետ ռազմաքաղաքական դաշինք կնքելու նախաձեռնությամբ հանդես գալու համար։ Այս քայլն այլևս չի կարելի հետաձգել»,- ասում է Վարդան Ոսկանյանը։

Պատասխանելով հարցին՝  արդյո՞ք ըստ վերջին տեղեկությունների համաձայն, Նախիջևանի սահմանի ողջ երկայնքով տեղակայված թուրքական 46.000-ի հասնող զորքը չի՞ ծառայելու Շուշիի հռչակագրի նպատակներին, այլ կերպ ասած՝ Ադրբեջանի կողմից ռազմական գործությունների ակտիվացման պարագայում,  արդյո՞ք հայկական կողմն անակնկալ հարված չի ստանա նաև թուրքական կանոնավոր բանակից՝ այս անգամ նաև արևմտյան սահմանի ուղղությամբ, իրանագետ Վարդան Ոսկանյանը պատասխանում է՝  նոր պատերազմի հավանականությունը բացառելն, առնվազն, անհեռանկար վերլուծություն կլինի. «Իհարկե, մենք գիտենք և հասկանում ենք, որ մեր երկրի սահմաններին պատերազմը դեռ չի ավարտվել։ Գիտենք նաև թշնամի հարևանների մտադրությունների մասին՝ կապված, այսպես կոչված, Զանգեզուրյան միջանցքի վերաբերյալ, հետևաբար պետք է նաև գիտակցենք, որ նոր պատերազմը սարերի հետևում չէ։ Արդյո՞ք թուրքական կանոնավոր բանակը կմիանա այս պարագայում Ադրբեջանի ռազմական ագրեսիային, բացառել չի կարելի։ Մի բան, սակայն, ակնհայտ է՝ մեր  առջև դրված կարևորագույն խնդիրն այս պահի դրությամբ  հայկական Զինված ուժերի արագ կերպով կարգի  բերումն է, ինչպես նաև՝ մեր ռազմաքաղաքական  դաշնակիցների՝ Ռուսաստանի և Իրանի հետ  համագործակցության ձևաչափերի հստակեցումը։ Սրանք գործողություններ են, որոնք ոչ մի վայրկյան հապաղելու կամ հետաձգելու հնարավորություն այլևս  չունենք, հաշվի առնելով այն իրավիճակը, որում մենք հայտնվել ենք»,-  ասում է իրանագետ Վարդան Ոսկանյանը՝ ամփոփելով զրույցը։

Հայաստան են ժամանել Ադրբեջան կոչվող արհեստածին կազմավորման խորհրդարանի ինչ-որ պատգամավորներ. Ահաբեկիչներին բնորոշ վարքագծով աչքի ընկած քաղցկեղային այս գոյացության ներկայացուցիչները մեր մայրաքաղաքում են այն ժամանակ, երբ Բաքվի բռնապետական վարչախումբը պատանդ է պահում մեր ռազմագերիներին, բռնազավթել է Արցախի Հանրապետության հսկայական տարածքներ, ադրբեջանական զինված բաշիբոզուկները հենց այս պահին բռնազվթման մեջ են պահում Հայաստանի ինքնիշխան տարածքի առանձին մասեր։ Այս մասին գրել է իրանագետ Վարդան Ոսկանյանը՝ անդրադառնալով ադրբեջանցի պատգամավորների՝ Երևան ժամանելուն:

«Ուստի Բաքվի բարբարոս և ահաբեկիչ վարչախմբի յուրաքանչյուր ներկայացուցչի մուտք Երևան հավասարազոր է պատանդառու բռնազավթիչների ներթափանցմանը Հայաստանի սիրտ, իսկ դրանց ներթափանցման ապահովումն ունի մեկ անուն՝ կոլաբորացիոնիզմ»,-նշել է նա:

Հիշեցնենք, որ փետրվարի 21-22-ին Երևանում տեղի կունենան Եվրանեսթ խորհրդարանական վեհաժողովի բյուրոյի եւ հանձնաժողովների նիստերը: Նիստերին կմասնակցեն Արևելյան գործընկերության երկրների խորհրդարանների և Եվրոպական խորհրդարանի պատգամավորներ: Պլանավորվում է Եվրոպական խորհրդարանի, ինչպես նաևԱդրբեջանի, Ուկրաինայի, Վրաստանի խորհրդարանների պատգամավորների այցը Երևան:

Ադրբեջանը Հայաստանի դեմ միլիարդավոր դոլարների հայցեր է ներկայացնելու. Այս մասին ֆեյսբուքի իր էջում գրել է լրագրող Ոսկան Սարգսյանը։

«Ադրբեջանի ռազմական դատախազության հատուկ հետաքննությունների բաժնի վարիչ Էմիլ Թաղիեւը հայտարարել է, որ հայերի կողմից Խոջալուի (Իվանյան) «օկուպացիայի» պատճառած վնասը ավելի քան 170 միլիոն դոլար է։

Նա նշել է, որ Իլհամ Ալիեւի հանձնարարությամբ «ազատագրված շրջաններում» արտասահմանյան եւ տեղացի մասնագետների կողմից հաշվարկվում է պատճառված վնասը, հավելելով, որ այդ վնասի հատուցման հետ կապված բոլոր փաստաթղթերը պատրաստվել եւ ուղարկվել են միջազգային դատարաններ, բացի այդ, տուժածները անհատական կարգով դիմել են մարդու իրավունքների Եվրոպական դատարան։

Ամենայն հավանականությամբ, Հայաստանի կողմից խաղաղության պայմանագրի ստորագրումից, Ադրբեջանի տարածքային ամբողջականության ճանաչումից հետո Ադրբեջանը պատճառված վնասի հատուցման պահանջով միլիարդավոր դոլարների հայցեր է ներկայացնելու միջազգային դատարաններ։

Նախկինում Ադրբեջանը հայտարարել է «հայկական օկուպացիայի» պատճառած վնասների եւ Ադրբեջանի բնական ռեսուրսների անօրինական շահագործման վերաբերյալ Հայաստանի դեմ միջազգային ատյաններ հայցեր ներկայացնելու մասին»,-գրել է նա։