Արցախում դժբախտ պատահարի զոհ դարձած երրորդ զինծառայողի՝ Ռուբեն Մնացականյանին դին այսօր հայտնաբերվել է։ Այդ մասին «Փաստինֆո»-ին հայտնեցին ՀՀ քննչական կոմիտեից։

Մայիսի 8-ի առավոտյան ահազանգ էր ստացվել, որ ժամկետային երեք զինծառայողներ, N զորամասի պարետային դասակի ավտոմոբիլային ջոկի վարորդներ Ռուբեն Մնացականի Բարսեղյանը, Ռաֆայել Արթուրի Բիշարյանը և նույն զորամասի 5-րդ հրաձգային գումարտակի բուժկետի վարորդ-սանիտար Ռուբեն Հովհաննեսի Մնացականյանը չեն մասնակցել առավոտյան տողանին: Բացակայում է նաև պարետային դասակին պատկանող «ՈՒԱԶ-315195» մակնիշի ՊԲ6Լ-004 զինհամարանիշի ավտոմեքենան:

Ձեռնարկված միջոցառումների արդյունքում պարզվել էր, որ երեք զինծառայողներին վերջին անգամ տեսել են միասին «ՈՒԱԶ-315195» մակնիշի ավտոմեքենայի մեջ, որը կայանված է եղել զորամասի մշտական տեղակայման վայրում: Դրանից հետո մեքենան նկատվել է զորամասից դուրս՝ Մատաղիս-Տոնաշեն ավտոճանապարհի սզբնամասում` դեպի Տոնաշեն երթևեկելիս:

Տարածքի զննությամբ` Տոնաշեն գյուղ տանող ավտոճանապարհի 2-րդ կիլոմետրին ընթացքի ուղղությամբ արձանագրվել էին անվահետքեր, որոնք վերջացել են՝ դուրս գալով ճանապարհի երթևեկելի մասից, որից մոտ 50 մետր խորության վրա հոսում է գետ: ԱՀ փրկարար ծառայության աշխատակիցների կողմից գետում` մոտ 9 մետր խորության վրա, հայտնաբերվել է «ՈՒԱԶ-315195» մակնիշի զինհամարանիշի ավտոմեքենան: Որոնողական աշխատանքների արդյունքում հայտնաբերվել էին ժամկետային զինծառայողներ Ռ.Ա.Բիշարյանի և Ռ.Մ.Բարսեղյանի մարմինները: Նշանակվել են դատաբժշկական փորձաքննություններ` զինծառայողների մահվան պատճառը պարզելու համար:

Yerkir.am-ը գրում է

Արդեն 4-րդ օրն է` փրկարարներն ու ռազմական ոստիկանության աշխատակիցները որոնողական աշխատանքներ են իրականացնում մայիսի 8-ից անհայտ կորած` ՊԲ ժամկետային զինծառայող Ռուբեն Մնացականյանին հայտնաբերելու ուղղությամբ: Yerkir.am–ի տեղեկություններով՝ այս օրերին իջեցրել են Մատաղիսի զորամասին հարակից ջրամբարի մակարդակը, սակայն կորած զինծառայողին չեն գտել, ինչը հավանական է դարձնում զինծառայողի՝ ողջ լինելու վարկածը: Ներկայումս Ռուբեն Մնացականյանին փնտրում են զորամասի հարակից տարածքներում:

Մեր տեղեկություններով՝ զինծառայողներ Ռուբեն Բարսեղյանը, Ռաֆայել Բիշարյանը և Ռուբեն Մնացականյանը զորամասի տարածքը լքել են մայիսի 7-ի երեկոյան, և միայն առավոտյան են տեղեկացել նրանց բացակայության մասին:

Շրջանառվող վարկածներից մեկի համաձայն՝ զինծառայողները մայիսի 8-ի առավոտյան զորամաս վերադառնալիս են եղել և, հավանաբար, արագ են երթևեկել՝ փորձելով հասնել առավոտյան տողանին: Այն, որ զորամասից դուրս գալիս Ռուբեն Մնացականյանը եղել է «ՈՒԱԶ-315195» ավտոմեքենայում, փաստ է,  սակայն հայտնի չէ, թե վերադառնալու ճանապարհին՝ մեքենայի՝ ջրամբարն ընկնելիս մե՞ջն է եղել, թե՞ ոչ:

Մեկ այլ վարկածի համաձայն` հնարավոր է` զինծառայողը փրկվել է և դուրս է եկել ջրամբարից, սակայն վախեցել է վերադառնալ զորամաս ու թաքնվել է:

Հիշեցնենք, որ ձեռնարկված միջոցառումների արդյունքում պարզվել է, որ երեք զինծառայողներին վերջին անգամ տեսել են միասին «ՈՒԱԶ-315195» մակնիշի ավտոմեքենայի մեջ, որը կայանված է եղել զորամասի մշտական տեղակայման վայրում: Դրանից հետո մեքենան նկատվել է զորամասից դուրս՝ Մատաղիս-Տոնաշեն ավտոճանապարհի սկզբնամասում` դեպի Տոնաշեն երթևեկելիս: Տարածքի զննությամբ` Տոնաշեն գյուղ տանող ավտոճանապարհի 2-րդ կիլոմետրում ընթացքի ուղղությամբ արձանագրվել են անվահետքեր, որոնք վերջացել են` դուրս գալով ճանապարհի երթևեկելի մասից, որից մոտ 50 մետր հեռու հոսում է գետ:

ԱՀ փրկարար ծառայության աշխատակիցների կողմից գետում` մոտ 9 մետր խորության վրա, հայտնաբերվել է «ՈՒԱԶ-315195» մակնիշի` զինհամարանիշով ավտոմեքենան: Որոնողական աշխատանքների արդյունքում հայտնաբերվել են ժամկետային զինծառայողներ Ռ.Ա.Բիշարյանի և Ռ.Մ.Բարսեղյանի մարմինները:

Մանրամասն` այստեղ

Մայիսի 10-ի երեկոյան՝ ժամը 18-ի սահմաններում, արցախա-ադրբեջանական շփման գծի հյուսիսային հատվածում գնդակոծության է ենթարկվել «Շանթ» հեռուստաընկերության «Դիրքերում» հաղորդաշարի նկարահանող խումբը:

Այս մասին տեղեկացնում են Շանթ հեռուստաընկերությունից:

Հակառակորդը հրաձգային խոշոր տրամաչափի զենքերով գնդակոծել է նկարահանող խմբի ավտոմեքենան:

Վիրավորվել է հաղորդաշարի օպերատոր Դավիթ Աթոյանը:

***

Արցախա-ադրբեջանական շփման գծի հյուսիսային հատվածում Ադրբեջանի զինուժի գնդակոծության հետևանքով վիրավորված «Շանթ» հ/ը «Դիրքերում» հաղորդաշարի օպերատոր Դավիթ Աթոյանին վիրահատել են, Aysor.am-ի հետ զրույցում ասաց հաղորդման հեղինակ Արշակ Զաքարյանը:

«Ես լավ եմ, օպերատորին վիրահատել են: Նա Ստեփանակերտի հոսպիտալում է», – ասաց Արշակ Զաքարյանը:

Մայիսի 10-ին և լույս 11-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից, հրադադարի պահպանման ռեժիմը խախտել է ավելի քան 65 անգամ՝ հայ դիրքապահների ուղղությամբ արձակելով մոտ 1700 կրակոց:

ԱՀ ՊՆ հաղորդմամբ. ադրբեջանական զինուժը Մարտակերտի պաշտպանական ուղղությամբ կիրառել է նաև 82 միլիմետրանոց ականանետեր (4 արկ) և Դ-44 տիպի հրանոթներ (8 արկ): Բացի հրադադարի ռեժիմի խախտման դեպքերից մայիսի 10-ին ժամը 13:30-ի սահմաններում Թափկարակոյունլու-Թալիշ ուղղությամբ կատարել է զրահատեխնիկայի՝ մոտ 10 տանկ, տեղաշարժ: Ժամը 14:55-ին դիտարկված տանկերը վերադարձել են իրենց ելման շրջանները:

ՊԲ առաջապահ զորամասերը ադրբեջանական զինուժի ակտիվությունը ճնշելու համար դիմել են պատասխան գործողությունների և շփման գծի ողջ երկայնքով իրականացրել աչալուրջ մարտական հերթապահություն:

Աղբյուրի հաղորդմամբ, այս պահի դրությամբ օպերատիվ իրավիճակն առաջնագծում հանգիստ է:

Մայիսի 9-ին և լույս 10-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից, հրադադարի պահպանման ռեժիմը խախտել է ավելի քան 60 անգամ։ Այդ ընթացքում հակառակորդը հայ դիրքապահների ուղղությամբ արձակել է մոտ 970 կրակոց:Շփման գծի հարավային ուղղությամբ, բացի հրաձգային զինատեսակներից, ադրբեջանական զինուժը կիրառել է նաև 60 միլիմետրանոց ականանետ (3 արկ):

Մայիսի 9-ին և 10-ին սոցցանցերում ադրբեջանական օգտատերերի գրառումներից հայտնի է դարձել, որ մայիսի 9-ին, նախնական տվյալներով առաջնագծում, սպանվել է Ադրբեջանի բանակի սպա, առնվազն կապիտանի կոչում ունեցող Քազիմով Սուլեյման Սեյիդաղա օղլուն (Kazimov Süleyman Seyidağa oğlu):

Ադրբեջանի պաշտոնական աղբյուրները առայժմ այս մասին որևէ տվյալ չեն հաղորդել, գրում է razm.info:

Դատելով Facebook սոցիալական ցանցում մահացած զինծառայողի տարածած լուսանկարից՝ 2013-14 թթ. ձմռան դրությամբ վերջինս կապիտանի կոչում ուներ:

Սպանված զինծառայողը ծնունդով Ադրբեջանի Բիլասուվարի շրջանի Ամանքենդ գյուղից էր:

Ադրբեջանական օգտատերերը պնդում են, որ զինծառայողը «սպանվել է հայկական կողմի գնդակից»:

Ավելացնենք, որ  2017 թ. ընթացքում բաց աղբյուրներից հայտնի է դարձել Ադրբեջանի բանակի 26 զինծառայողի մահվան մասին։

Պետերբուրգի հայ համայնքը պատրաստ է հայցով դիմել դատարան՝ մայիսի 9-ին «Անմահ գունդ» ակցիայի ժամանակ ադրբեջանցիների հարձակման կապակցությամբ: Այդ մասին PanARMENIAN.Net ինասաց Սանկտ Պետերբուրգի հայ համայնքի նախագահ Կարեն Մկրտչյանը:

Սանկտ Պետերբուրգում ադրբեջանական երիտասարդական միության անդամները հարձակվել են Մեծ Հայրենական պատերազմում հաղթանակին նվիրված «Անմահ գունդ» ակցիային մասնակցող հայկական շարասյան վրա: Այս մասին դեպքի վայրից հայտնել էին պետերբուրգյան հայկական երիտասարդական «Նոր սերունդ» կազմակերպության անդամները:

«Ինչ եղել, եղել է: Նրանք, հավանաբար, դատարան կդիմեն, մենք պատրաստ ենք պատասխանել: Հիմա շատ կարևոր է չսրել և չբարդացնել իրավիճակը և բոլոր վեճերը տեղափոխել դատարան, լուծել ՌԴ օրենսդրության շրջանակում», — ասաց Կարեն Մկրտչյանը:

Իր հերթին Պետերբուրգի հայկական երիտասարդական «Նոր սերունդ» կազմակերպության նախագահ Ֆիլիպ Դավիդովն ասաց, որ ադրբեջանցիների գործողությունները նախապես պլանավորված էին:

«Ինչպես կարելի էր սպասել, ադրբեջանցիներն իրենց ոճում էին գործում՝ պատերազմը տեղափոխելով տեղեկատվական դաշտ: Նրանք օգտագործում են տեղական ԶԼՄ-ները բացահայտ սուտ տեղեկություններ տարածելու համար: Օրինակ, նրանք ասել են, թե 30 հայի են ծեծել՝ միաժամանակ սպառնալիքներ տեղալով մեր հասցեին, թե դատի կտան հայերին իրենց ակտիվիստներին ծեծելու համար, որ ունեն բժշկական տեղեկանքներ: Մենք սովոր ենք այդ վարքագծին, նրանք արդեն 20 տարի է՝ այդպես են վարվում»,- ասացԴավիդովը:

Սադրանքի արդյունքում փոքր բախում է եղել է ադրբեջանցիների ու հայերի միջև Նևսկի պողոտայում, որից հետո իրավապահները ձերբակալել են ադրբեջանցի սադրիչներին, հայերի թվում ձերբակալվածներ չկան:

Ըստ նրա, ստեղծված իրավիճակը տարբերվում է նրանով, որ այս անգամ ադրբեջանցիները արժանի հակահարված են ստացել:

«Հատկանշական է, որ հայ երիտասարդների կողքին կանգնեցին նաև տարեցները՝ պաշտպանելու համար իրենց դրոշը (Արցախի դրոշը), իրենց արժանապատվությունը: Այն կնոջ ամուսինը, որին գցել էր ադրբեջանցիների կազմակերպության նախագահի տեղակալ Զուլֆիգար Իսմաիլովը, գործի է դրել իր պապի դիմանկարը, որը ձեռքին էր», -ասել է Դավիդովը:

Իսկ դրոշը փորձել էր պոկել ադրբեջանցիների երիտասարդական կազմակերպության նախագահ Զաքիր Նաբիզադեն:

Նրան ճանաչել էին «Նոր սերունդ» կազմակերպության ակտիվիստները:

Դավիդովը պատմեց նաև, որ ադրբեջանցիները բողոքել են ոստիկաններին, թե ակցիայի մասնակից հայերը ծածանում են Արցախի դրոշը, և խնդրել են առգրավել այն:

«Դա չի ազդել ոստիկանների վրա, քանի որ մեր դրոշը արգելված խորհրդանիշ չէ: ԼՂՀ դրոշը պարզված էր «Անմահ գունդ» ակցիայի ժամանակ, քանի որ այնտեղից են ծնունդով ԽՍՀՄ մարշալներ ու հերոսներ», — ասաց Դավիդովը:

«Հայերն ինչ-որ բան ապացուցելու կամ սադրելու կարիք չունեն, մեր հայրերն ու պապերն ամեն ինչ ապացուցել են 25 տարի առաջ պատերազմում: Ադրբեջանցիներին, որոնք իրենց ազգային հերոս են կարծում մայիսի 9-ի միջադեպից հետո, խորհուրդ եմ տալիս զինվորական համազգեստ հագնել ու շփման գիծ գնալ: Ադրբեջանցի երիտասարդներն ակնհայտորեն գործում էին ավելի տարեցների հրահրումով՝ չհասկանալով, որ գործիք են դառնում նրանց ձեռքին: Ուզում եմ բոլորն իմանան՝ եթե որևէ մեկը ոտնձգությոն կատարի մեր հայրենիքի, մեր խորհրդանիշների դեմ, մենք միշտ արժանի պատասխան կտանք, ինչպես դա արեցինք մայիսի 9-ին»,- ասաց Դավիդովը:

Սանկտ Պետերբուրգի հայ համայնքն ամեն տարի մասնակցում է «Անմահ գունդ» ակցիային՝ Հայաստանի և Արցախի, Մեծ հայրենական պատերազմի հերոսների դիմանկարներով:

panarmenian.net

Դեռևս ապրիլի 29-ին Սիլիկյան թաղամասում գտնվող գերեզմանատանը տղամարդու դի  էր հայտնաբերվել, որի ինքնությունը մինչ այսօր իրավապահներին չէր հաջողվում պարզել:

Տղամարդու լուսանկարները տարածել էր Քննչական կոմիտեն՝ մայիսի 5-ին՝ նրա ինքնությունըպարզելու համար։ Այսօր արդեն տարածվեց նոր հաղորդագրություն՝  առ այն， որ  դիակի ինքնությունն արդեն պարզվել է, նա 46-ամյա  Եվգենի Ալեքսանդրի Կաչակն է, ազգությամբ ռուս，բայց ՀՀ քաղաքացի։

Վերջինս ներկայումս հաշվառված է Բյուրեղավանում，ուր տեղափոխվել են Երեւանից։ «Փաստինֆո»-ին հաջողվեց պարզել， որ Ե.Կաչակը， ով ծանոթների շրջանում հայտնի է որպես Ժենյա，երկար տարիներ բնակվել է Մալաթիա-Սեբաստիա վարչական շրջանում եւ ոստիկանության համակարգի աշխատակից է։ Ավելի ստույգ երկար տարիներ աշխատել է  6-րդ վարչությունում， շատ լավ տիրապետել է մարտարվեստին։

Սակայն վերջին տարիներին նա որդու հետ բնակվել է Աստանայում եւ Հայաստան վերադարձի մասին չեն իմացել անգամ այստեղ գտնվող հարազատները՝ մայրը， կինը， եղբայրը， հետեւապես նրա անհետ կորելու վերաբերյալ ահազանգ իրավապահները չէին ստացել։

Մեր հավաստի տեղեկությունների համաձայն՝ Ե.Կաչակն ալկոհոլի նկատմամբ հակում չի ունեցել եւ չի օգտագործել։ Թե ինչպես է նաեւ հայտնվել գերեզմանոցում，որն է եղել լավ մարզավիճակում գտնվող տղամարդու մահվան պատճառը հուսանք կպարզվի քննությամբ։ Սակայն տարօրինակն այն է， որ  օրեր շարունակ չի պարզվել ոստիկանության համակարգի նախկին աշխատակցի ինքնությունը，  ում տվյալները պետք է， որ  լիներ համակարգի տվայլների բազայում,  այդ թվում նաև մատնահետքերը: Տխուր իրականություն։

Հիշեցնենք, որ տղամարդու դին հայտնաբերվել էր մարմնական վնասվածքների հետքերով՝ «Շահումյան 2» գերեզմանատան 2-րդ հատվածում:

 Փաստինֆո

«Վերջին օրերին Հայաստանում ու Հայաստանից դուրս շրջանառվում է մեր երկրում Ռուսաստանի ռազմաբազայի ընդլայնման, ընդհուպ՝ նոր ռազմաբազա կառուցելու թեման։ Դրա սկզբնաղբյուրը, ըստ էության, ՌԴ արտգործնախարար Սերգեյ Լավրովի հայտարարությունն էր այն մասին, որ Գյումրիի ռուսական ռազմաբազան կարող է օգտագործվել «Իսլամական պետության» դեմ պայքարի շրջանակներում իրականացվելիք գործողություններում։ Այդ հայտարարությունը բավական էր, որպեսզի Հայաստանի իշխանական վերնախավի որոշ ներկայացուցիչներ ու իբրեւ թե անկախ փորձագետներ հիշեին «Իսլամական պետության» վտանգավորության, Հայաստանի՝ հնարավոր թիրախ լինելու, ու այլ նման վտանգների մասին։

Պետք է արդարացնել Լավրովի հայտարարությունը, արդարացնում են։ Հանձնարարություն է, կատարում են։ Չէ՞ որ Հայաստանի իսթեբլիշմենթի ներկայացուցիչների մեծամասնությունն ապրում ու աշխատում է «գործ ա, անում ենք» սկզբունքով։ Այս թեմայի շրջանառությունը, իհարկե, չի նշանակում, թե վաղը կամ մեկ ամիս անց ռուսները սկսելու են նոր ռազմաբազայի հիմնումը։

Սակայն այդ թեման շատ վտանգավոր է՝ հանրային գիտակցության վրա ազդելու, հանրությանը ռուսական հերթական ինտերվենցիային նախապատրաստելու տեսանկյունից։ Ընդ որում, հնարավոր է, որ այդ ինտերվենցիան ամենեւին չարտահայտվի գործող ռազմակայանի ընդլայնմամբ կամ նորի կառուցմամբ։

Ավելին, բացառված չէ, որ ռազմակայանի մասին խոսակցությունները միտումնավոր են տարածվում՝ ինտերվենցիայի, այսպես ասած, բարձր «նշաձող» սահմանելու եւ հետագայում պակաս վտանգավոր որեւէ գործողություն՝ որպես հայ-ռուսական դարավոր բարեկամությունից բխող քայլ ներկայացնելու համար։

Բոլոր դեպքերում, ռուսական գործող ռազմակայանի հետ կապված՝ եթե քննարկելու հարց կա, ապա դա ռազմակայանի՝ Հայաստանում գտնվելու նպատակահարմարության հարցը պետք է լինի, կամ ռազմակայանի տեղակայման դիմաց Հայաստանի համար արժանապատիվ պայմանների սահմանումն ու ներկայացումը ռուսական կողմին։

Հայաստանի իշխանությունը, բնականաբար, դրա ոչ համարձակությունն ունի, ոչ էլ հետեւողականությունը։ Դրա համար գրեթե բոլորը լծվել են ռուսական ռազմաբազայի ընդլայնման քարոզչության սպասարկմանը։ Գործ ա, անում են»:

«168 ժամ»

Առավել մանրամասն՝ թերթի այսօրվա համարում։

Չմոռանաք երբեք, որ որևէ մեկը ինքն իրենից չի կարող բացատրել Սուրբ գրքերի մարգարեությունները, որովհետև մարգարեությունները բնավ էլ մարդկանց կամքի ծնունդ չեն, այլ Աստծու մարդիկ Սուրբ Հոգու մղումով խոսեցին դրանք։

Բայց անցյալում սուտ մարգարեներ էլ էին հայտնվում ժողովրդի մեջ, ինչպես այժմ էլ հայտնվելու են սուտ ուսուցիչներ, որոնք կորստաբեր վարդապետություններ կսպրդեցնեն ձեր մեջ՝ ուրանալով Տիրոջը, որ փրկեց իրենց, և արագահաս կորստի կմատնեն իրենց։ Շատերը կհետևեն նրանց անառակություններին, որով պատճառ կդառնան, որ անարգվի ճշմարտության ճանապարհը։ Ընչաքաղցությունից մղված՝ նրանք ձեզ կշահագործեն իրենց շինծու խոսքերով, բայց նրանց դատապարտությունը սկզբից իսկ հայտնի է, նրանց կորուստը չի ուշանա։ Քանզի Աստված մեղանչած հրեշտակներին անգամ չխնայեց, այլ նրանց նետել տվեց տարտարոսը, որտեղ խավարի կապանքներով կապված՝ նրանք պահվում են մինչև դատաստանի օրը։ Աստված չխնայեց նաև հին աշխարհին, այլ ջրհեղեղ բերեց անհավատ մարդկության վրա՝ փրկելով միայն ութ հոգու, այդ թվում և Նոյին, որ արդար կյանքի քարոզիչն էր։ Նույն ձևով սոդոմացիների և գոմորացիների քաղաքները կործանումի դատապարտելով՝ մոխրի վերածեց, որպեսզի օրինակ լինեն գալիք ժամանակների ամբարիշտ մարդկանց համար։ Իսկ Ղովտին, որ արդար էր և զզվել էր նրանց անբարո և անառակ կենցաղից, փրկեց, որովհետև նրանց մեջ ապրող այդ արդար մարդը, նրանց անօրեն կենցաղին ականատես և ականջալուր լինելով, իր արդար հոգու մեջ տանջվում էր ամեն օր։
(Պետրոս առաքյալի երկրորդ նամակը 1:20-2:8)

Ռուբեն աբեղա Զարգարյան

Մայիսի 10-ին Հայաստանի ատոմային էլեկտրակայանը դուրս կբերվի էներգաարտադրության ցանցից՝ հերթական պլանային նորոգման և վերալիցքավորման աշխատանքների իրականացման նպատակով։ Պլանայինին աշխատանքներին զուգահեռ, կշարունակվեն նաև ՀԱԷԿ-ի գործող էներգաբլոկի շահագործման ժամկետի երկարաձգման ծրագրի իրականացման հետ կապված  միջոցառումները։

Ըստ նախատեսված ժամանակացույցի, էներգաբլոկը ցանցին կմիանա հուլիսի 9-ին։

Հիշեցնենք, որ ՀԱԷԿ-ի պլանային կանգառը նախատեսված է էներգաարտադրության հաշվեկշռում և այն գործող սակագնային հաշվարկների վրա ազդեցություն չի ունենա։

Տեղեկատվության և  հասարակայնության  հետ  կապերի   բաժին