Օրեր առաջ, երբ մամուլում հայտնվեց տեղեկատվություն, որ Զարուհի Փոստանջյանի կուսակցությանը ֆինանսավորում է ռուսաստանցի գործարար Ռուբեն Գրիգորյանը՝ Փոստանջյանը ամեն կերպ հերքեց տարածվող լուրերը և հայտարարեց, որ Գրիգորյանը միայն իր գաղափարակիցն է:

Այսօր արդեն Ռուբեն Գրիգորյանը հրապարակային հանդես եկավ ի պաշտպանություն Զարուհի Փոստանջյանի և հայտարարեց, որ պատրաստ է նաև ֆինանսական աջակցություն ցուցաբերել:

Զարուհի Փոստանջյանն իր անցած ուղով, սկզբունքներին հավատարմությամբ ապացուցել է, որ արժանի է և ունակ լինել Երևանի քաղաքապետ: Այս մասին հայտարարել է գործարար Ռուբեն Գրիգորյանը: Անդրադառնալով «Երկիր Ծիրանի» կուսակցությանը ֆինանսապես աջակցելու մասին մամուլի հրապարակումներին, նա նշել է, հարցը կձևակերպեր այլ կերպ.«Ես պատրաստ եմ աջակցել «Երկիր Ծիրանիին», այդ թվում և ֆինանսապես, եթե դրա անհրաժեշտությունը լինի»,- նշել է նա:

Հետաքրքիր է ինչպես կմեկնաբանի այս հանգամանքը Զարուհի Փոստանջյանը: Նա ամեն կերպ փորձում էր ապացուցել, որ դեմ է բոլոր այն ուժերին, որոնք կապ ունեն ՌԴ ներկայիս իշխանությունների հետ, քանի որ նրանք Հայաստանը տանում են դեպի վասալացում: Հիմա պարզվում է ՌԴ պետական ամենատարբեր գերատեսչությունների կողմից պարգևների արժանացած Գրիգորյանը ոչ միայն Փոստանջյանի գաղափարակիցն է այլ նաև պատրաստ է նրան ֆինանսավորել, իսկ Փոստանջյանը դեմ չէ այդ ֆինանսներին:

Ի դեպ մեր տեղեկություններով Ռուբեն Գրիգորյանը արդեն իսկ ֆինանսավորում է Փոստանջյանին և նրա կուսակցությանը: Գրիգորյանի նվերն է նաև Փոստանջյանին սպասարկող թանկարժեք Մերսեդես մակնիշի մեքենան:

politik.am

Կասկած չկա, եթե ևս մեկ անգամ բախում լինի հայ-ադրբեջանական սահմանին, ապա Ադրբեջանը մեծ հույսեր է կապել իր տանկիստների հետ ու հենց տանկերի վրա է կատարված իրենց խաղադրույքը: Ադրբեջանական բանակի տանկիստները և բանակի ղեկավարությունը դեռ իրար ապացուցելու բաներ ունեն: Ապրիլյան մարտերի ժամանակ ադրբեջանական բանակի տանկիստները, ուղղաթիեներից հետո, ամենաշատ ձախողումներ կատարած ստորաբաժանումն էր: Տանկիստները գրեթե ամբողջությամբ ձախողել էին իրենց առջև դրած խնդիրները: Մարտի դաշտից իրար հետևից փախնող և իրար կողք կանգնած, մեկը մյուսի հետևից պայթողտանկերը, ադրբեջանական բանակի մղձավանջն էր:

Իզուր չէ, որ վերջին երկու զորավարժությունների ժամանակ  ու ավելի շատ ուշադրություն դարձնելով դրանց վրա:

Սակայն ադրբեջանական բանակի տանկիստների մոտ դեռ թարմ են մեր հրետանավորների մասին հիշոզությունները: Մեր հրետանու գրեթե բոլոր կրակոցները հասնում էին իրենց նպատակներին: Հրետանավորները այդ օրերին պատմում էին, երբ տանկերը արդեն ոչնչացրած էին լինում, տղերքը սկսում էին հերթով բոլոր ռազմական նշանակության օբյեկտները օդ բարձրացնել:

Երբ ադրբեջանական բանակի տանկիստները վերապատրաստվում են, այդ ընթացքում կրկնակի ու եռակի անգամ ավել մեր հրետանավորները պատրաստված են լինում ցանկացած գրոհի:

Աշոտ Ասատրյանի ֆեյսբուքյան էջից

Ամերիկյան Washington Examiner-ում հակահայկական շեշտադրումներով եւ ադրբեջանական լոբբիի ուղերձներով հոդված է հրապարակվել, որի հեղինակը Ալեքսանդր Մուրինսոնն է. նա ամերիկյան առաջատար լրատվական ռեսուրսներում Ադրբեջանի եւ Թուրքիայի քաղաքական թեզերով տասնյակ հոդվածներ է հրապարակել:

«Մեկ շաբաթ առաջ Հայաստանի նախագահ Սերժ Սարգսյանը հայտարարել է, որ Հայաստանը եւ Ռուսաստանը քննարկելու են Հայաստանի երկրորդ քաղաքում՝ Գյումրիում համատեղ ռազմաարդյունաբերական համալիր ստեղծելու հարցը: Սա պետք է ահազանգ լինի Վաշինգտոնի համար, քանի որ նշանակում է՝ Ռուսաստանը հաջորդ քայլն է անում իր ռազմական ներկայությունն ավելացնելու եւ Հայաստանին ՆԱՏՕ-ի դեմ հնարավոր գործողությունների մեկնակետ դարձնելու ուղղությամբ:

Միաժամանակ մի խումբ կոնգրեսականներ Կոնգրեսում հայկական հարցերի խումբ են ձեւավորել եւ շարունակում են պնդել՝ ֆինանսական եւ ռազմական օգնություն է պետք հատկացնել Հարավային Կովկասում գտնվող այս երկրին, որը Ռուսաստանի ֆորպոստ է եւ հենց այդպես էլ ներկայանում է:

Ռուսական «Իզվեստիա» օրաթերթին տված հարցազրույցում Սարգսյանը հայտարարել է, որ Հայաստանն իր պաշտպանությունը կառուցում է Ռուսաստանի հետ ռազմատեխնիկական գործակցության շրջանակում: Բացի այդ, նա ընդգծել է երկու փաստ, որ ռուսական 102-րդ ռազմակայանը տեղակայված է Հայաստանի տարածքում եւ, որ 2016-ի նոյեմբերին Հայաստանը միացել է Ռուսաստանի հակաօդային պաշտպանության համակարգին:

Ռուսաստանի եւ Հայաստանի օրեցօր խորացող ռազմական ալյանսը ուղղակիորեն սպառնում ՆԱՏՕ-ին: Պետդեպի նախկին մամուլի խոսնակ Ադամ Էրելի խոսքով, Հարավային Կովկասում ռուսական զինուժի դիրքերի ամրապնդումը վտանգում է ՆԱՏՕ-ի եւ կառույցի արեւմտյան գործընկերների շահերը:  «Վերջին 6 ամիսներին, քանի որ Սիրիայում ռուսական զինուժի գործողությունները եւ Մոսկվայի ճնշումը Թուրքիայի վրա ինտենսիվացել են, ռուսական զինամթերքը պարզապես հոսում է դեպի Հայաստան: Արդեն Հայաստանում են Наводчик-2 եւ Тахион անօդաչու թռչող սարքեր, Ми-24 կործանիչներ եւ Искандер-М բալիստիկ հրթիռային համակարգեր»,- ասել է Էրելը:

Искандер-М-ը փոխել է տարածաշրջանում ուժերի հավասարակշռությունը: Դրա հեռահարությունը 500 կմ է: 2017-ի փետրվարին Ռուսաստանն այս համակարգերից է մոտեցրել Միացյալ Նահանգների դաշնակիցներ համարվող Թուրքիայի, Իսրայելի եւ Ադրբեջանի սահմաններին: Այս զարգացումները սուր դիսոնանս են առաջացնում Հայաստանին օգնություն տրամադրելու մասին Կոնգրեսի եւ Բարաք Օբամայի վարչակազմի հաստատած փաստաթղթերի ֆոնին: Այս որոշման ակտիվ աջակիցը կոնգրեսականների խումբն է՝ Ֆրենք Փալոնեի, Ջեքի Սփիըրի, Դեյվիդ Թրոթի եւ Դեյվիդ Վալադոյի ակտիվ գործունեությամբ: 2016-ին նրանք Հայաստանի համար 40 միլիոն դոլարի աջակցություն են պահանջել: Օբամայի վարչակազմը հաստատել է 18.4 միլիոն դոլարի աջակցությունը:

Արեւմտյան փորձագիտական շրջանակներում տեսակետ կա, որ Ռուսաստանը Հայաստանի հետ նոր դաշինք է պատրաստում, որը կարող է անսպասելի հարված դառնալ  ԱՄՆ-ի եւ ՆԱՏՕ-ի տարածաշրջանային շահերին: Այս ֆոնին Միացյալ Նահանգների՝ Հայաստանին օգնություն հատկացնելու որոշումը պետք է բացեիբաց քննադատել:  Հայկական հանձնախմբի անդամները պետք է նկատողություն ստանան, Հայաստանին ֆինանսական աջակցությունը պետք է դադարեցվի»:

armtimes.com

Ադրբեջանը հավանաբար հիմնական հարվածը կուղղի Հայաստանի և ԼՂՀ-ի հարավային հատվածին. կփորձի ճեղքել Մեղրիի ուղղությունը…այս անգամ՝ առանց Մոսկվայի ոգեշնչման…

Մոտ 10 օր առաջ քաղաքագետ Կարինե Գևորգյանը հայտարարեց, որ ռազմական հետախուզության և հայկական անօդաչուների տվյալներով Նախիջևանում են գտնվում Իսլամական պետության գրեթե հազար գրոհայիններ: Թուրքիան մեծ քանակությամբ զորքեր է կենտրոնացրել Նախիջևանի հետ սահմանին: Ադրբեջանն էլ հարձակողական զինատեսակներ է կենտրոնացրել հարավային՝ Մեղրիի միջանցքի ուղղությամբ: Քաղաքագետը ևս չբացառեց, որ ռազմական գործողության նպատակը Մեղրիի միջանցքի ճեղքումն է՝ Նախիջևանից դեպի Ադրբեջան:

Որ ռազմական գործողությունները Իրանի հետ սահմանի երկայնքով կարող են ծավալվել՝ պարզ է դառնում մի քանի հանգամանքներից:

Ստուգողական առաջին մարտը ըստ երևույթի նախատեսված է եղել իրականացնել դեռ 2015-ի օգոստոս-սեպտեմբեր ամիսներին՝ էլեկտրաէներգիայի թանկացման դեմ հանրային բողոքից հետո. Ադրբեջանը ՌԴ-ի օգնությամբ պետք է ճեղքեր Մեղրիի գիծը, ուժով տարածքային զիջում կորզեր Հայաստանից և, վերաձևելով Մադրիդյան փաստաթուղթը, ԼՂՀ-ում և Մեղրիի սահմանի վրա տեղակայվելու առիթ տար ՌԴ խաղաղապահ ուժերին: Միաժամանակ ՌԴ-ի կամակատար Գորիկ Հակոբյանը պետք է իշխանության բերեր Ռոբերտ Քոչարյանին:

Իրանն այն ժամանակ ՌԴ-ի և ԱԱԾ-ի կողմից տեղեկացված է եղել սպասվող կարճաժամկետ պատերազմի մասին, սակայն դա հետաձգվեց… Ռոբերտ Քոչարյանի մոր մահվան պատճառով /ինչի մասին գրելենք http://lakmoes.am/qaxaqakan/450-2015-08-29-20-19-56 /: Այդ մասին է վկայում ԱԱԾ-ի ներկայացուցիչների 15 թռիչքները Ռուսաստան և Իրան ուղղություններով՝ Ռ. Քոչարյանի մոր մահվանը նախորդող  օրերին:

Այդուհանդերձ պատերազմը եղավ, և եթե առաջին անգամ Իրանը, դեմ լինելով, չխոչընդոտեց կարճաժամկետ ռազմական գործողությունների սկսմանը՝ ունենալով ՌԴ-ի երաշխավորությունը, ապա այժմ իրավիճակ է փոխվել.

Հայկական զինուժը Ռուսաստանին հասկացրեց, որ այլևս կարող է արհամարհել նրա կասեցման պահանջները և շարժվել առաջ: Այդ վտանգը զգաց նաև Իրանը, քանի որ հակամարտության մեջ կարող են ներքաշվել և տուժել տարածաշրջանի բոլոր երկրները:

Դա էր պատճառը, որ ապրիլի 14-ին Իրանի հետախուզության ղեկավար, Իրանի իսլամական հեղափոխության պահապանների կորպուսի ՛՛Էլ-Կուդս՛՛ էլիտար ստորաբաժանման ղեկավար Կասեմ Սուլեյմանին գաղտնի այցելեց Մոսկվա՝ հանդիպելու Ռուսաստանի նախագահ Վլադիմիր Պուտինին:

Նպատակը՝ նրան հորդորելն էր՝ այլևս ՛՛երես չտալ՛՛ Ալիևին, չսրել իրավիճակը և բանակցությունների միջոցով լուծել հարցը, անհնարինության դեպքում՝ թույլ տալ՝  հայկական և ադրբեջանական կողմերը ինքնուրույն լուծեն հակամարտությունը:

Հենց դա էլ ՌԴ արտաքին գործերի նախարարությունը երեկ փոխանցեց Ադրբեջանին՝ առանց փակագծերը բացելու, ինչից էլ Ալիևը կատաղեց և, ստիպված, զորքը բերեց փարախի պես տեղակայեց ԼՂՀ-ի և Հայաստանի սահմանների մատույցներում, բայց առայժմ չի համարձակվում հարձակվել:

Եվ որպեսզի Ալիևը շատ չվախենա, ՌԴ ԱԳՆ Ս. Լավրովը հայտարարեց, որ ԼՂՀ հարցը միակողմանի /միայն Հայաստանը/ չի լուծվի: Այդ հրահանգն էլ, հավանաբար, Սերժ Սարգսյանին և Բակո Սահակյանին փոխանցվեց Լևոն Տեր-Պետրոսյանի միջոցով և ստացվեց հավաստիացում… ժամանակ շահելու համար:

Թե կողմերից ով կորցրեց կամ կկորցնի հաղթանակի հասնելու ժամանակն ու հնարավորությունը՝ ցույց կտա ժամանակը:

lakmoes.am

«Քաղաքական օրակարգում 2018-ից հետո ապագա վարչապետի հնարավոր թեկնածուների հարցը շարունակում է մնալ գերակա։ Կարեն Կարապետյանը, ինչպես հայտարարել է, պատրաստ է կրկին մնալու վարչապետի պաշտոնում։ Լռում է Սերժ Սարգսյանը, խոսում են քաղաքական վերլուծաբանները, որոնց դիտարկումներով` Սերժ Սարգսյանը կարող է լինել ապագա վարչապետ եւ, ըստ էության, պետության ղեկավար։

ՀՀԿ-ի գաղափարական հատվածի ներկայացուցիչները, սակայն, պնդում են, որ Սերժ Սարգսյանը մտադիր չէ զբաղեցնելու վարչապետի պաշտոնը. նա շատ պարզ ասել է, որ իր քաղաքական կարիերան կապում է ազգային անվտանգության հետ, իսկ սա ենթադրում է այլ կարգավիճակ։ Եվ մինչ Հովիկ Աբրահամյանը լուրեր է տարածում, թե իրեն առաջարկվել է ԱԱԽ քարտուղարի պաշտոնը, իրականում այդ պաշտոնի համար այլ թեկնածու կա։

Բանն այն է, որ սահմանադրական փոփոխություններից հետո Ազգային անվտանգության խորհրդի քարտուղարը բավականին մեծ դերակատարում եւ շատ հարցեր որոշելու իրավասություն է ձեռք բերում։ Եթե մինչ այժմ ԱԱԽ-ն ընդամենը խորհրդակցական մարմին էր, այժմ այն որոշումներ թելադրող է, ըստ էության, իշխանության թեւ, որը կարող է գործընթացներ ուղղորդել։ Իսկ սա նշանակում է և՛ ներքին, և՛ արտաքին քաղաքական զարգացումների վրա սեփական «կնիքն» ունենալու իրավասություն։

Այս պայմաններում հազիվ թե Սերժ Սարգսյանն այդ կարեւոր պոստը վստահեր Հովիկ Աբրահամյանին։ Ավելին, նույն աղբյուրների պնդմամբ, ամենայն հավանականությամբ, ԱԱԽ քարտուղարի պաշտոնը 2018-ից հետո կստանձնի հենց Սերժ Սարգսյանը»:

Մանրամասները՝ թերթի այսօրվա համարում։

«Փաստ» թերթի տեղեկություններով` «Արթվան» ՍՊԸ-ն, որը պատկանում է ԱԺ պատգամավոր, գեներալ Միհրան Պողոսյանի գեներալ քեռուն` Գրիշա Հարությունյանին, անօրինական ճանապարհով հարյուրավոր տոննաներով սև, թափանցիկ օբսիդիան է տեղափոխել Արագածոտնի մարզի Արագածավանի օբսիդիանի հանքերից:

«Բանն այն է, որ այդ ՍՊԸ–ին Էներգետիկայի ենթակառուցվածքների և բնական պաշարների նախարարի հրամանով այս տարվա հունվարի 20-ին թույլատրվել է երկրաբանական ուսումնասիրությունների իրավունք` երկու տարով:

Ապրիլի 6-ին ուսումնասիրությունների իրավունք տվել է նաև Արագածավանի ավագանին: Բայց ոչ ոք ընդերքօգտագործման իրավունք չի տվել: Սակայն գեներալն արդեն ամբողջ այդ լեռը քանդել ու օբսիդիանը հարյուրավոր տոննաներով տեղափոխում է Երևան և պահեստավորում:

Չինական երկու հզոր գործարաններ այդ օբսիդիանի մեծ կարիք ունեն: Սակայն դա չի նշանակում, որ առանց օրենքի թույլտվության նման անարխիա գործի երկրում: Պատկան մարմնի պատկան պաշտոնյայի խոսքով` գեներալի դեմ խաղ չկա:

«Փաստի» տվյալներով` ապրիլին այս ՍՊԸ-ն 140 տոննա օբսիդիան է արտահանել Չինաստան, 100 տոննա էլ` մայիսին: Ի՞նչ իրավունք, ի՞նչ բան:

«Տոննաներով կրում են ու կրում, նրանք արտոնյալ են, նրանց դեմ խաղ չկա»,- ասաց մեր զրուցակիցը:

Փաստորեն երկու-երեք տարի ուսումնասիրելու փոխարեն մեկ-երկու ամսում հանքն օգտագործում են և դեռ 240 տոննա էլ արտահանում Չինաստան:

«Փաստի» առաջիկա համարներից մեկում առավել մանրամասն կանդրադառնանք այս ապօրինությանը»:

«Փաստ»

Ամբողջությամբ կարող եք կարդալ  թերթի այսօրվա  համարում:

Տերը գիտի աստվածապաշտներին փրկել իրենց փորձություններից, իսկ անիրավներին պահում է դատաստանի օրվա տանջանքներին մատնելու համար, մանավանդ նրանց, ովքեր հետևում են մարմնական պղծալի ցանկություններին և արհամարհում են Աստծու տերությունը…

Սրանք օրը ցերեկով իրենց զեխ ցանկությունները կատարելուց հաճույք են զգում և իրենց ներկայությամբ պղծում ու արատավորում են ձեր հավաքույթի սեղանները՝ զվարճանալով իրենց խաբեբայություններով։ Սրանց աչքերը շնացող կանանց են փնտրում միայն և չեն հագենում մեղք գործելուց։ Այս անիծյալները թույլ մարդկանց են փնտրում խաբելու համար, և նրանց խելքն ու միտքը դրամ դիզելու վրա է…
Որովհետև իմաստից զուրկ մեծ-մեծ խոսքեր բարբառելով և մարմնական անառակ ցանկություններ գրգռելով՝ մոլորեցնում են նրանց, որոնք հազիվ էին փախել ուրիշ մոլորությունների մեջ ապրող մարդկանցից։ Նրանց ազատություն են խոստանում, մինչդեռ իրենք գերի են կորստի տանող մոլությունների։ Արդարև, մարդն ինչ բանի որ ենթարկում է ինքն իրեն, նրա գերին է լինում։ Նրանք, ովքեր մեր Տիրոջն ու Փրկչին՝ Հիսուս Քրիստոսին ճանաչելով՝ աշխարհի պղծություններից մի անգամ հեռանալուց հետո վերստին են ընկնում նույն պղծությունների մեջ, նրանց վիճակը կլինի շատ ավելի վատ, քան նախկին վիճակը։ Ավելի լավ կլիներ, որ նրանք բնա՛վ ճանաչած չլինեին արդարության ճանապարհը, քան թե ճանաչելուց հետո հեռանային իրենց ավանդված սուրբ պատվիրանից։ Որքա՜ն են նրանց պատշաճում Առակաց գրքի հետևյալ ճշմարիտ առածները. «Շունն իր փսխածին է վերադառնում», իսկ մյուսը՝ «Ինչքան էլ լվանաս խոզին, դարձյալ կթավալվի տիղմի մեջ»։
(Պետրոս առաքյալի երկրորդ նամակը 2:9-10, 13-14, 18-22)

Ռուբեն աբեղա Զարգարյան

Նախագահական նստավայրում Հայ Հեղափոխական Դաշնակցություն և Հայաստանի Հանրապետական կուսակցությունների միջև ստորագրվեց 2017-2022թթ համար կոալիցիոն հուշագիրը:

ՀՅԴ-ի կողմից այն ստորագրել էր Գերագույն մարմնի ներկայացուցիչ Աղվան Վարդանյանը, ՀՀԿ-ից՝ կուսակցության փոխնախագահ Արմեն Աշոտյանը:

«Կոալիցիոն հուշագրի համար հիմք են հանդիսացել նոր Սահամանդրությունը,նախորդ համագործակցության հուշագիրը, մեր ծրագրերը, նաև մարդը, հասարակությունը և պետությունը: Մենք ունենք ընդհանուր արժեհամակարգ, որոնց հիման վրա խարսխվել է այն տեքստը, որ երկու ազգային կուսակցություններ հաստատել են»,- կոալիցիոն հուշագրի ստորագրումից հետո լրագրողների հետ զրույցում ասաց ՀՀԿ փոխնախագահ Արմեն Աշոտյանը:  Ըստ նրա` հիմնական դրույթները վերաբերում են հակակոռուպցիոն պայքարի, ազգ-բանակ համակարգի ներդրման, իրավական դաշտի բարեփոխումների, մրցունակ տնտեսության զարգացման և մարդու իրավունքների հետ շաղկապված ինստիտուտների ներդրման հարցերին:

Աղվան Վարդանյանը լրացրեց, թե երեք հիմնարար արժեքներ են դրված համագործակցության հիմքում. «Առաջինն՝ անվտանգությունն է՝ ՀՀ-ի, Արցախի, երկրորդը՝  տնտեսությունը և տնտեսության զարգացումը, և երրորդը՝ երկրում որակական արմատական փոփոխություն մտցնելու վճռականությունը: Համագործակցության համաձայնագրից հետո նոր շրջափուլ է սկսվում, որտեղ երկու կուսակցությունները ձգտելու են փոփոխություններ բերել: Աստված առաջ՝ ունենք փորձառություն, և համառ աշխատանքի պարագայում կարող ենք երկրում նոր որակ ստեղծել»:

Աղվան Վարդանյանը նշեց, որ այս հուշագրի մեջ որևէ  պաշտոնի մասին խոսք չկա. «Կա մեկ բացառություն՝ վարչապետ առաջադրելու իրավունքը ՀՀԿ-ինն է, մյուսները՝ քննարկել ըստ ժամանակացույցի և ժամկետների»:

Ի դեպ Աղվան Վարդանյանը լրացրեց, որ կշարունակեն բարեփոխել ընտրական համակարգը:

tert.am

Հայաստանի մարզերում տեղացած կարկուտը հակակարկտային կայաններով պաշտպանված տարածքներում որևէ վնաս չի հասցրել, Vesti.am-ին հայտնել է ՀՀ ԱԻՆ տեղեկատվության և հասարակայնության հետ կապի վարչության պետի տեղակալ Նանա Գնդոյանը.

«Ինչ վերաբերում է այն տարածքներին, որոնք պաշտպանված չեն հակակարկտային կայաններով, այս պահի դրությամբ այնտեղից որևէ արձագանք չենք ստացել»,-ասել է Գնդոյանը:

Հիշեցնենք, որ այսօր Երևանում կարճատև կարկտահարություն է եղել:

ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանն իր ֆեյսբուքյան էջում գրառում էր կատարել՝ քաղաքացիներին զգուշացնելով նոր կարկտահարության մասին.

«Ժողովո՛ւրդ, Երևանին նորից կարկտաբեր ամպ է մոտենում, ձեր մեքենաներն ապահով տեղ կանգնացրեք»: