ՄԵԾ ՊԱՀՔ, օր տասներորդ

Տեր Աստված ասում է.
-Թող բոլոր ժողովուրդներից յուրաքանչյուրն իր ճանապարհով գնա, սակայն մենք կգնանք մեր Տեր Աստծո անվամբ մշտապես:
(Միքիայի մարգարեություն 4:5)

newsarmenia.am    «Ժամանակի միջով ճամփորդող հայը», ով հայտնի է Էդվարդ անունով, եղել է 5000 թվականում ու պատմել է Երկիր մոլորակի տխուր ապագայի մասին, հայտնում է The Mirror պարբերականը:

Ըստ աղբյուրի, Էդվարդը պնդում է, որ 2004 թվականին անցկացված գաղտնի գիտափորձի մասն է եղել, ինչը վկայում է ժամանակի միջով ճամփորդելու հնարավորության մասին։

Ամենայն հավանականությամբ Հայաստանում նկարահանված կադրերում նա նշում է, որ Լոս Անջելեսի լաբորատորիաներից մեկում աշխատելու ժամանակ նրան հանձնարարել են մեկնել ապագա ու լուսանկարներ անել:

«Կանգնած էի մեծ փայտե պլատֆորմի վրա: Շենքերը, շինությունները, ամեն ինչ փայտից էր պատրաստված: Ավելի ուշ հասկացա, որ դա նույն Լոս Անջելեսն է, սակայն ջրի տակ», — պարբերականը մեջբերում է Էդվարդի խոսքերը` հղում անելով Yahoo News-ին:

Ներկայացնելով ապագայում ապրող մի մարդու խոսքերը, ում հետ նրան հաջողվել է զրուցել` Էդվարդը նշել է, որ մարդիկ ստիպված են ապրել ջրի տակ ջրհեղեղի պատճառով, ինչն առաջացել է գլոբալ տաքացման հետևանքով։

«Ջրհեղեղի հետևանքներից մեկը հանցավորության աճն էր: Մարդիկ սպանում էին իրար մի կտոր հացի կամ մեկ շիշ մաքուր ջրի համար: Մարդկությունը սկսել էր ավելի շատ նմանվել կենդանիների: Քաղաքակրթությունը կանգ էր առել, միլիարդավոր մարդիկ են մահացել», — փոխանցել է Էդվարդը ապագայում հանդիպած մարդու խոսքերը:

Որպես իր խոսքերի ապացույց` «ճամփորդը» ցուցադրում է ջրի տակ հայտնված Լոս Անջելեսի լուսանկարը:

Նրա խոսքով, մի քանի շաբաթ անց նա վերադարձել է իր հայրենիք` Հայաստան, քանի որ ցանկանում էր հնարավորինս հեռու մնալ այդ հիշողություններից:

ՄԵԾ ՊԱՀՔ, օր իններորդ

Տեր Աստված ասում է.
-Որդյա՛կ, մի՛ մոռացիր իմ խրատները և իմ խոսքերը պահի՛ր քո սրտում, որպեսզի երկարեն կյանքիդ օրերն ու կենդանությանդ տարիները և խաղաղություն ավելացնեն: 
-Թող ողորմությունն ու հավատարմությունը չպակասեն քեզանից. կապի՛ր դրանք քո պարանոցին, գրի՛ր դրանք քո սրտի լայն տախտակի վրա, և դու շնորհ կգտնես:
-Տիրոջ ու մարդկանց առջև խորհի՛ր բարու մասին: Ամբողջ սրտով հույսդ դի՛ր Աստծու վրա և մի՛ հպարտացիր քո իմաստությամբ: Քո բոլոր ճանապարհներին ճանաչիր նրան, որպեսզի նա ուղղի քո ճանապարհները, և ոտքդ չսայթաքի:
-Դու քո աչքին իմաստուն մի՛ թվա, այլ երկյուղի՛ր Տիրոջից և խուսափի՛ր ամենայն չարից:
(Առակաց գիրք 3:1-7)

Ռուբեն աբեղա Զարգարյան

Asekose.am-ի տեղեկություններով, նախօրեին տեղի է ունեցել արդարադատության նախկին նախարար Հովհաննես Մանուկյանի ավագ դստեր՝ Աննայի նշանադրության արարողությունը: Աննայի փեսացուն Քուվեյթում ՀՀ դեսպան Մանվել Բադեյանի եղբոր որդին է: Միջոցառմանը հիմնականում հրավիրված են եղել երկու ընտանիքի ամենամտերիմ հարազատները: Ներկաներից մեկի հավաստմամբ անկաշկանդ մթնոլորտն ապահովել են Գարիկ Պապոյանն ու Վաչեն: Ամենաուրախ հյուրի տիտղոսին է արժանացել գեներալ Սեյրան Սարոյանը, ով բավական սրտանց քեֆ է արել:

Մեզ նաև ասացին, որ այս միջոցառմանը մարդիկ մոռացել էին անգամ լուսանկարվելու, ֆեյսբուք մտնելու մասին, թեև նման խնդրանք Աննայի հարազատների կողմից չի հնչել:

Լուսանկարում՝ Հովհաննես Մանուկյանի դուստրերն են ՝ Աննան՝ ձախից

Ներկայացնում ենք՝ արդյոք ճիշտ է պատերին հանգուցյալների լուսանկարներ կախելը:

Պարզվեց՝ հանգուցյալների լուսանկարներ կախելը պատերին թեժ քննարկումների պատճառ է: Ոմանց համար լուսանկարները հուշ են, իսկ ուրիշները դա վատ են համարում և ամեն կերպ խուսափում են անցյալին բախվելուց:

Հանգուցյալների լուսանկարների հակառակորդները համոզված են՝ դրանք խլում են կենսական էներգիան և դժբախտություն են բերում:

Կան նաև մարդիկ, ովքեր լավ են վերաբերվում այդպիսի լուսանկարներին, բայց չեն կախում մեկ պատճառով՝ միայն հանգուցյալների դեմքին նայելը ցավ է բերում և նորոգում սրտի վերքը: Այդպիսի մարդիկ լուսանկարները խնամքով պահում են գրասեղաններում և ժամանակ առ ժամանակ նայում են դրանք:

Բուժակների և ֆենշուի կոչերը մի կողմ դնելով՝ պատերի վրա հանգուցյալների լուսանկարները կախելու մեջ ոչ մի վատ բան չկա: Այդ լուսանկարները մեզ հիշեցնում են կյանքի անցողիկության մասին և սովորեցնում են գնահատել ապրած ամեն պահը, ուրախանալ և հագեցած ապրել:

Պետք է ուշադրություն դարձնել թաղման օրվա լուսանկարին: Այդպիսի լուսանկարներում պատկերված են միայն մարդկային ողբ, կարոտ, տխրություն, ուստի այդ լուսանկարներն ավելի լավ է պատին չկախել: Ավելի լավ է լուսավոր լուսանկարներ կախել, որոնք հաճելի հիշողություններ են արթնացնում:

blognews.am

armeniasputnik.am

ՄԵԾ ՊԱՀՔ, օր ութերորդ

-Ճանաչել իմաստությունն ու խրատը, իմանալ հանճարի խոսքերը… Իմաստության սկիզբը Տիրոջ երկյուղն է, որ բարի հանճար է բոլոր նրանց համար, ովքեր առաջնորդվում են նրանով, իսկ զգոնության սկիզբը բարի աստվածապաշտությունն է, բայց ամբարիշներն արհամարհում են իմաստությունն ու խրատը:
-Լսի՛ր, որդյակ, հորդ խրատը և մի՛ մերժիր մորդ պատվիրանը, որպեսզի շնորհի պսակ կրես քո գլխին և ոսկե մանյակ ՝ քո պարանոցին: Որդյա՛կ, թող քեզ չխաբեն ամբարիշտ մարդիկ, և հավանություն չտաս, եթե քեզ կանչեն ու ասեն. «Արի՛ մեզ հետ, մասնակի՛ց եղիր արյունահեղության, անմեղ տեղը սպանենք և հողի տակ ծածկենք արդար մարդուն, գերեզմանի պես նրան ողջ-ողջ կուլ տանք և նրա հիշատակը վերացնենք երկրից, հափշտակենք նրա տեսակ-տեսակ ունեցվածքը և մեր տները լցնենք ավարով։ Ե՛կ մեզ բաժնեկի՛ց դարձիր, բոլորս մի ընդհանուր քսակ կունենանք, և միևնույն տեղը կլինի մեր գանձարանը»։ Որդյա՛կ, ճանապարհ մի՛ գնա նրանց հետ, ոտքդ շեղի՛ր նրանց շավիղներից, քանզի նրանց ոտքերը դեպի չարիք են ընթանում, և նրանք շտապում են արյուն հեղելու։ Արդարև, իզուր թակարդ չեն լարում թռչունների համար։ Նրանք, որ սպանության մասնակից են դառնում, չարիք են գանձում իրենց անձի համար. չար է լինելու անիրավ մարդկանց կործանումը։ Դա է ճանապարհը բոլոր նրանց, որ անիրավություն են գործում, որովհետև ամբարտավանությամբ նրանք սպանում են իրենց հոգին։
Իմաստությունը գովաբանվում է ճանապարհների վրա, բարձր ձայնով հռչակվում հրապարակներում, քարոզվում պարիսպների գլխից, ազդարարվում հզորների դռների առջև և համարձակ խոսվում քաղաքների դարպասների մոտ։
(Առակաց գիրք 1:1, 7-21)

Ռուբեն աբեղա Զարգարյան

Ադրբեջանի մշակույթի և զբոսաշրջության նախարարությունը պրեմիերայի օրը որոշել է արգելել Ռուսաստանում արգելված «Ստալինի մահը» ֆիլմի ցուցադրությունը:

Ֆիլմը վարձույթից հանելուց մեկ շաբաթ առաջ Cinema plus ադրբեջանական կինոթատրոնների ցանցի զարգացման գծով տնօրեն Զաուր Դարաբզադեն haqqın.az կայքին ասել էր, որ սկանդալային բրիտանական-ֆրանսիական կատակերգությունն այնուամենայնիվ կցուցադրվի Ադրբեջանում: Ֆիլմի անոնսն արդեն հայտնվել էր Cinema plus-ի կայքում:

Սակայն պրեմիերայից մեկ օր առաջ Ադրբեջանի մշակույթի և զբոսաշրջության նախարարությունը ֆիլմի փակ դիտում էր անցկացրել և որոշել արգելել ցուցադրությունը կինոթատրոններում:

«Ֆիլմը պատմում է Երկրորդ աշխարհամարտի իրադարձությունների մասին, 

և դա մեր պատմությունն է, իսկ այն, ինչ պատկերված է այդ ֆիլմում, ըստ մշակույթինախարարության,

 վիրավորում է այդ պատերազմում զոհվածների հիշատակը», – ասելէ Դարաբզադեն:

«Ստալինի մահը» բրիտանացի ռեժիսոր Արմանդո Իանուչիի կատակրգությունն է, որը կատակների քաղաքական ուղղվածությամբ հիշեցնում է Սաշա Բարոն Քոենի «Բռնապետը» ֆիլմը: «Ստալինի մահը» ֆիլմը պատմում է ԽՍՀՄ-ում իշխանության համար պայքարի մասին: Ռեժիսորը զավեշտալի կերպով է ներկայացնում խորհրդային առաջնորդներին՝ Խրուշչովին, Բերիային, Ժուկովին:

Հունվարի վերջին ֆիլմն արգելել էին ցուցադրել Ռուսաստանում: Ռուսաստանի մշակույթի նախարարության Հանրային խորհուրդը ֆիլմը դիտելուց հետո որոշել էր, որ ֆիլմը ոչ պատմական, ոչ մշակութային արժեք չունի, փոխարենը դրանում ապականվում է խորհրդային խորհրդանիշները՝ հիմնը, շքանշաններն ու մեդալները: Ելնելով այդ հանգամանքից՝ նախարարությունը հետ էր կանչել ֆիլմի վարձութային վկայականը: Այդ որոշումից հետո «Վոլգա» կինոընկերությունը, որը Ռուսաստանի, ԱՊՀ և Բալթյան երկրների տարածքում ֆիլմի էքսկլյուզիվ դիստրիբյուտորն է, վաճառքից հանել է «Ստալինի մահը» ֆիլմը:

« ՌԴ մշակույթի նախարարության «Ստալինի մահը» ֆիլմի ցուցադրության արգելքը փաստացի հանգեցրել է ողջ հետխորհրդային տարածքում, այդ թվում՝ Ադրբեջանում, դրա ցուցադրության արգելքի», – գրում է haqqin.az-ը: Սակայն Վրաստանում ֆիլմն ազատ ցուցադրվում է կինոթատրոններում, և ոչ մի քննարկում արգելելու մասին նույնիսկ չի գնացել:

«Ստալինին մահը» ֆիլմի ցուցադրությունն արգելելու մասին մշակույթի նախարարության որոշումը կտրուկ բացասական արձագանք է առաջացրել Ադրբեջանի սոցցանցերում: Ֆեյսբուքյան մի քանի մեկնաբանություն նշենք:

«Մշակույթի նախարարության որոշումը նշանակում է, որ Ադրբեջանն անկախ պետություն չէ»:

«Նրանք ֆիլմը նույնիսկ չեն էլ դիտել: Ես չէի համաձայնի Բերիայի՝ «գարշահոտ է փչում, ինչպես Բաքվի զուգարանում» խոսքերի հետ, Ժուկովն, ընդհակառակը, կարծես արծիվ ներկայացված լինի: Ընդհանրապես, ֆիլմը լավն է, սակայն ծիծաղելի չէ, ավելի շատ՝ տխուր»:

«Ադրբեջանը գնալով ավելի է նմանվում Ռուսաստանին: Եվրաֆոբիա, ֆիլմերի արգելքներ… հետո ի՞նչ է լինելու՝ Գուլա՞գ, Բելոմորկանա՞լ.…»

«Մենք ի՞նչ գործ ունենք ռուսական արգելքի հետ: Մի՞թե մենք չենք հռչակել մերանկախությունը 1991թ–ին: 

Մի՞թե Ստալինը մեր հերոսն է: Այդ համակարգը ոչնչացրել էմեր ինտելիգենցիան:

 Երկրորդ աշխարհամարտում զոհված մեր հայրենակիցներիլուսավոր հիշատակը ոչ մի կապ չունի այս ֆիլմի հետ»: