Էդիկ Բաղդասարյանը Facebook-ում գրում է.

«Զգում եք, արդեն Ալիեւին պատասխանող էլ չկա, էլ Բաքվում թեյ չեն ուզում խմել մեր գեներալները։ Պապանձվել են տղերքը, խոսելու հրաման չունեն։ Հայաստանի եւ Արցախի պաշտպանության նախարարները Ալիեւին պետք է զգուշացնեն, որ ցանկացած գործողության դեպքում, իր երկիրն ունենալու է եւս 2 մլն նոր փախստական։ Իսկ 20 տոկոսը դառնալու է 40 տոկոս։ Եւ սա պետք է անընդհատ ասվի, հիշեցվի, թե ինչ հետեւանքներ կարող է ունենալ ռուսների եւ թուրքերի հետ սկսած այս արկածախնդրությունը։ Իսկ Հայաստանը այս փուլում պետք է հրաժարվի բանակցությունների սեղանին նստելուց»։

Հիսուս ասում է.

— Երկնքի արքայությունը նման է մի արտի մեջ պահված գանձի։ Երբ մեկն այն գտնում է, կրկին ծածկում է հողի տակ և ուրախությունից գնում վաճառում է իր ամբողջ ունեցածը ու գնում այդ արտը։
— Դարձյալ, երկնքի արքայությունը նման է այն վաճառականին, որը գեղեցիկ մարգարիտներ է որոնում։ Երբ շատ թանկարժեք մի մարգարիտ է գտնում, գնում վաճառում է իր ամբողջ ունեցածը և գնում այդ մարգարիտը։
— Դարձյալ, երկնքի արքայությունը նման է ծովը նետված ուռկանի, որի մեջ ամեն տեսակ ձուկ է բռնվում։ Երբ ուռկանը լցվում է, ձկնորսները ցամաք են քաշում այն և նստելով՝ առանձնացնում են ձկները. լավերը հավաքում են ամանների մեջ, իսկ անպետքները՝ թափում։ Ահա այդպես է լինելու աշխարհի վախճանին։ Հրեշտակները պիտի ելնեն, չարերին զատեն արդարների միջից և նետեն բոցավառ հնոցի մեջ, որտեղ նրանք լաց պիտի լինեն ու կրճտեն իրենց ատամները։
(Մատթեոսի ավետարան 13:44-50)

Ռուբեն աբեղա Զարգարյան

Մեր քարոզածը ո՛չ այս աշխարհի իմաստությունն է և ո՛չ էլ այս աշխարհը կառավարող ուժերինը, որոնց իշխանությունը շուտով պիտի խորտակվի։ Մեր քարոզածը Աստծու իմաստությունն է, որը թաքուն էր և մինչև հիմա մնում էր մեզնից ծածկված, բայց որն Աստված հենց սկզբից, նախքան հավիտյանները, սահմանել էր մեզ համար, որպեսզի դրանով մենք փառավորվենք։ Այս աշխարհի իշխաններից ոչ մեկը չհասկացավ այդ իմաստությունը, որովհետև, եթե հասկացած լինեին, չէին խաչի Տիրոջը, որն այդ փառքը պարգևողն է։ Սակայն, ինչպես գրված է. «Աստված իրեն սիրողների համար պատրաստեց այնպիսի մի փառք, որ ոչ մի աչք չի տեսել, ոչ մի ականջ չի լսել, և ոչ մեկի մտքով իսկ չի անցել»։

Բայց Աստված մեզ հայտնեց այդ խորհուրդը իր Հոգու միջոցով, որովհետև Հոգին, որ ամեն ինչ քննում է, գիտի Աստծու նույնիսկ ամենածածուկ ծրագրերը։
(Պողոս առաքյալի առաջին նամակը կորնթացիներին 2:6-10)

Ռուբեն աբեղա Զարգարյան

Պաշտպանության նախարարությունը ներկայացրել է ՍՈՒ 25-ը:  «Զինանոց» հաղորդաշարի հերթական եթերում Արման Բայրամյանը ներկայացրել է լեգենդար ինքնաթիռը, որը հայտնի է նաև «թռչող տանկ»,  «Գրաչ» մականուններով։ Իր տեսակի մեջ այն մինչ օրս համարվում է լավագույններից մեկը։

Արման Բայրամյանի տեսանյութը՝

Սուրբ գիրքն ասում է. «Ով որ հավատա նրան, ամոթով չի մնալու»։ Հավատի մեջ խտրություն չկա հրեայի ու հեթանոսի միջև. բոլորի Տերը նույն Տերն է՝ գթառատ բոլոր նրանց հանդեպ, որոնք կանչում են նրան, ինչպես մարգարեն է ասում. «Ով որ Տիրոջը օգնության կանչի, կփրկվի»։

Բայց մարդիկ ինչպե՞ս օգնության կանչեին Քրիստոսին՝ առանց հավատալու նրան. կամ ինչպե՞ս հավատային՝ առանց լսած լինելու նրա մասին. կամ ինչպե՞ս լսեին, եթե քարոզող չկար. և կամ ինչպե՞ս քարոզեին՝ առանց Աստծուց առաքված լինելու։ Այդ քարոզչությունն է ակնարկում մարգարեն, երբ գրում է. «Ի՜նչ գեղեցիկ է տեսնել ավետիս բերողներին, որոնք գալիս են խաղաղության լուրը տալու և գալիք բարությունն ավետելու»։ Բայց բոլորը չընդունեցին այդ ավետիսը։ Արդարև, Եսայի մարգարեն գոչում է. «Տե՛ր, ո՞վ հավատաց մեր տված լուրին»։ Նշանակում է, ուրեմն, որ հավատը ծնունդ է առնում քարոզչությունը լսելիս, իսկ քարոզչությունը հավատ է արթնացնում, երբ Քրիստոսի խոսքերն են քարոզվում։
(Պողոս առաքյալի նամակը հռոմեացիներին 10:11-17)

Ռուբեն աբեղա Զարգարյան

Եթե խոսեմ մարդկանց և հրեշտակների լեզուներով, բայց սեր չունենամ, ինչո՞վ պիտի տարբերվեմ պղնձե շեփորից, որ հնչում է, կամ ծնծղաներից, որ ղողանջում են։

Եթե մարգարեության պարգև ունենամ, կարողանամ բոլոր խորհուրդների խորքը թափանցել ու հասնեմ ամբողջական գիտության, և եթե նույնիսկ լեռները տեղափոխելու չափ ուժեղ հավատ ունենամ, բայց սեր չունենամ, ես ոչինչ չարժեմ։
Ի՞նչ օգուտ, եթե իմ ամբողջ ունեցվածքն աղքատներին տամ և նույնիսկ իմ մարմինը կրակի մատնեմ. եթե սեր չունենամ, ոչնչից չեմ օգտվում։
Սեր ունեցողը համբերատար է լինում, քաղցրաբարո։ Սեր ունեցողը չի նախանձում, չի գոռոզանում, չի հպարտանում, անպատշաճ վարմունք չի ունենում, միայն ինքն իր մասին չի մտածում, բարկությամբ չի գրգռվում, չար բան չի խորհում, անիրավության վրա չի ուրախանում, այլ ուրախակից է լինում ճշմարտությանը։ Սեր ունեցողը միշտ զիջում է, միշտ հավատում, միշտ հույս է տածում, միշտ համբերում։
(Պողոս առաքյալի առաջին նամակը կորնթացիներին 13:1-7)

Ռուբեն աբեղա Զարգարյան

Եթե ինչ–որ մեկը, ով արդեն հասել է նշված տարիքին և այդ մասին չի էլ մտածել, ուրեմն նրան չմտածելու մեջ մեղադրել չի կարելի. հնարավոր է` մտածմունքը վատ մտքեր ծներ։

Այսօր լեգենդար երգիչն 93 տարեկան է, իր տարիքի մասին խոսում է այնպես, ինչպես ֆրանսիացիներն են սովորաբար արտահայտվում այդ մասին. «Ես չեմ ծերացել, պարզապես տարիքս է ավելացել»։

Հավերժ երիտասարդ մնալու գաղտնիքը (որը չի լինում) չգիտի նույնիսկ Ազնավուրը, սակայն նա գիտի առողջ մնալու գաղտնիքը։ Ահա դրանցից մի քանիսը։

«Չափից շատ հիմարություններ չանել»։ Ուշադրություն դարձրեք` հիմարությունները պատժելի չեն, բայց կարևոր է, որ դրանց թիվը քիչ լինի։ Իհարկե, այդպիսի արարքները երբեմն ոգեշնչում ու ջերմացնում են, բայց դժվար է որոշել «շատ» ու «քիչ» հիմարություն անելու սահմանագիծը։

Անգլիացի դասականն ասում էր. «Օրական չորս հազար մարդ է անցնում Լոնդոնյան կամրջով, և նրանց մեծ մասը հիմար է»։

Թե որքան մարդ է օրական անցնում Կիևյան կամրջով, ոչ ոք չի հաշվել։ Բայց որքան էլ կազմի նրանց թիվը, ուզում ես հավատալ, որ մեծ մասը խելացի և գիտակից մարդիկ են, որոնք սակավաթիվ հիմարություններ են անում, ինչը զգալիորեն պետք է նպաստի երկարակեցությանը։

Երևանցիները, ինչպես գիտենք, քայլում են ոչ միայն Կիևյան կամրջով, և նրանք, ովքեր այդ կամրջով չեն անցնում, լավ կլիներ` հիշեին մեծն երգչի մեկ այլ խորհուրդը. «Շատ չխմել, գինին խմել վայելելով և ընդամենը մեկ գավաթ` առանց հարբելու»։

Օղին և ոգելից խմիչքների այլ տեսակները, այդ թվում մեծ համբավ վայելող մեր կոնյակը, որն Ազնավուրի դեպքում ֆրանսիական չանվանելն անտակտություն կլիներ, չենք քննարկում։ Վախենալու ոչինչ չկա։ Հայկական արտադրության գինիներն այնքան շատ են, որ միայն գովազդի մեջ չմեղադրվելու վախն է հեղինակին հետ պահում ամենասիրված տեսակները չթվարկելու համար։

Սակայն մաեստրոյի խորհուրդներին ականջալուր լինելու ցանկություն ունեցող ընթերցողին կարող է երկու պահ ընկճել` «միայն մեկ գավաթ» և «չհարբել» արտահայտությունները։

Ինչպես գրում են վատ գրողները, «վաղուց անցել են այն ժամանակները…», երբ հարբած մարդը Երևանում նույնն էր, թե նապաստակը «Մերսեդեսի» ղեկին։ Այժմ, ֆրանսերեն ասած, «պոդշոֆե» ինչքան ասես կա։

Դիտարկենք Շառլ Ազնավուրի մյուս խորհուրդները։ Եվ նորից ամեն բան հարթ չէ։ Այս անգամ խոսքն արդեն կերակրի մասին է։ «Ես երբեք չեմ ուտում ամբողջ կերակուրը, ուտում եմ միայն ինձ մատուցած կերակուրի կեսը», – ասում է նա։

Իսկ ինչպե՞ս է մեզ մոտ։ Հաճախ մեզ բերում են այնքան, որքան ցանկանում ենք, իսկ ցանկանում ենք ավելին, քան կարող ենք ուտել։ Քանի որ ախորժակը բացվում է ուտելու ժամանակ։

Այս հայտնի արտահայտությունն առաջացել է 1533 թվականին նույն Ֆրանսիայում, Ֆրանսուա Ռաբլեի «Գարգանտյուա և Պանտագրյուել» վեպում, որի դրվագներից մեկում հեղինակը ճոխ ճաշկերույթ է նկարագրում։ Իրավիճակի նուրբ կողմ ունի, այն, որ Ռաբլեի ժամանակաշրջանում Ֆրանսիայում ապրում էր նաև եպիսկոպոս Մանսկին, որն ասում էր. «Ծարավը վրա է հասնում ջուր խմելու պահին»։

«Ուշ երեկոյան ես ոչ մի տեղ դուրս չեմ գալիս, ինձ չեք տեսնի գիշերային ակումբներում», – շարունակում է Ազնավուրը։ Դասական առումով ակումբներ մենք դեռ չունենք, բայց կան մի շարք սրճարաններ և ռեստորաններ, որոնք աշխատում են ընդհուպ մինչև լուսաբաց։ Եվ ե՞րբ եք դուք տեսել, որ մատուցողուհիներն այնտեղ անգործության մատնված լինեն։

Առողջապահության համաշխարհային կազմակերպության տվյալների համաձայն` Հայաստանում ծխելու հետևանքով տարեկան մոտավորապես 2 հազար մարդ է մահանում (35-69 տարեկան)։ Եվրոպական տարածաշրջանում տղամարդկանց շրջանում ծխելու տարածվածության ցուցանիշով (63,7 տոկոս) Հայաստանն առաջին տեղում է, իսկ նույն պատճառով մահացության ցուցանիշով  (22 տոկոս)` երրորդ տեղում, Մոլդովայից և Հունգարիայից հետո։

– 47 տարի առաջ ես թողեցի ծխելը, իսկ մինչ այդ օրական Gauloises–ի երեք տուփ էի ծխում,– եզրափակում է Շառլ Ազնավուրը` ապշեցուցիչ խոստովանություն անելու համար։  (Եվ սա դեռ մեղմ է ասված)։

– Սպորտով չեմ զբաղվում, ամբողջ կյանքն ինձ ասել են, որ չի կարելի կծու, ճարպոտ և քաղցր սնունդ օգտագործել, բայց ես ուտում եմ կծու, ճարպոտ և քաղցր ուտելիք։ Վուալյա։

(Մի քիչ նման է նրան, ինչը սիրում էր կրկնել լրագրության վարպետ և «Իզվետիայի» իմ գործընկեր Ալեքսանդր Բովինը «Այն ամենն, ինչ սիրտդ է ուզում,  կա՛մ արգելված է, կա՛մ վնասակար, կա՛մ  ոչ բարոյական»)։

Եվ չհաշված կծու, ճարպոտ և քաղցր կերակուրների օգտագործումը, բնականաբար, խելամտության սահմանում, մեր հայրենակիցն ապրում է արդեն 93 տարի, և տա Աստված, որ դեռ երկար ապրի։

Նույնը ձեզ եմ մաղթում։

armeniasputnik.am

– Քանի՞ մարդու անուն կա, որ Աստված Ինքն է դրել: – Վեց, ինչպես վկայում են վարդապետները: Նախ Իսմայել (Ծննդ. 16): Երկրորդ՝ Իսահակ (Ծննդ. 17:19): Երրորդ՝ Սողոմոն (Բ Թագ. 12:25): Չորրորդ՝ Հոսիա (Դ Թագ. 14:1): Հինգերորդ՝ Հովհաննես (Ղուկ. 1:13): Վեցերորդ՝ Հիսուս (Ղուկ. 1:31):

surbzoravor.am