Երբ նրանք մյուս աշակերտների մոտ եկան, տեսան, որ մի մեծ բազմություն է հավաքվել նրանց շուրջը, և Օրենքի ուսուցիչները վիճում են նրանց հետ։ Ամբողջ ժողովուրդը, հազիվ նրան տեսած, զարմացավ և վազեց նրա մոտ՝ ողջունելու նրան։ Հիսուսը հարցրեց իր աշակերտներին.

-Ինչի՞ մասին էիք վիճում նրանց հետ։
Ժողովրդի միջից մեկն ասաց Հիսուսին.
-Վարդապե՛տ, քեզ մոտ եմ բերել որդուս, որը մի չար ոգու պատճառով համր է դարձել։ Չար ոգին, ուր որ պատահի, գետին է զարկում նրան, որդուս բերանը փրփրում է, նա կրճտացնում է ատամները և ապա պրկվում։ Աշակերտներիդ ասացի, որ հանեն չար ոգին, բայց չկարողացան։
Հիսուսը նրանց պատասխանեց.
-Ո՛վ անհավատ սերունդ, մինչև ե՞րբ պիտի լինեմ ձեզ հետ, մինչև ե՞րբ պիտի հանդուրժեմ ձեզ. այստե՛ղ բերեք նրան.
Եվ նրան բերեցին։ Չար ոգին, հազիվ Հիսուսին տեսած, ցնցեց տղային, որը գետին ընկավ և սկսեց թավալվել՝ բերանը փրփուրով լցված։ Հիսուսը հարցրեց նրա հորը. -Երբվանի՞ց է այս բանը պատահում նրան։
-Մանկությունից,- պատասխանեց հայրը։- Չար ոգին շատ անգամ նրան կրակի և ջրի մեջ է նետում, որ սպանի։ Արդ, եթե կարող ես մի բան անել, Տե՛ր, խղճա՛ և օգնի՛ր մեզ։
Հիսուսն ասաց.
-Դու ասացիր՝ «Եթե կարող ես»։ Ամեն ինչ հնարավոր է նրա համար, ով հավատում է։
Տղայի հայրն անմիջապես գոչեց.
-Հավատում եմ. օգնի՛ր, որ հավատս զորանա։
Եվ Հիսուսը տեսավ, որ ժողովուրդը չորս կողմից իրար վրա է հավաքվում, սաստեց չար ոգուն՝ ասելով.
-Հա՛մր և խո՛ւլ ոգի, հրամայում եմ, որ դուրս ելնես տղայի միջից և մեկ էլ չմտնես նրա մեջ։
Չար ոգին աղաղակելով գետին զարկեց տղային և դուրս ելավ նրանից։ Տղան մեռելի պես եղավ, այնպես որ շատերն ասացին, թե մեռավ։ Հիսուսը բռնեց նրա ձեռքից, վեր բարձրացրեց նրան, և տղան ոտքի կանգնեց։
Երբ Հիսուսը տուն մտավ, աշակերտներն առանձին հարցրին նրան.
-Մենք ինչո՞ւ չկարողացանք հանել չար ոգին։
Հիսուսը պատասխանեց.
-Այդ տեսակ չար ոգին միայն աղոթքով և ծոմապահությամբ կարելի է դուրս հանել։
(Մարկոսի ավետարան 9:14-29)

«Լուսանկարի տղամարդն իմ 8 տարվա ընկերն է՝ Արմեն Օհանյանը»,-NEWS.am STYLE –ի հետ զրույցում նշեց Ջուսը՝ հերքելով այն տարածված խոսակցությունները, թե իր կյանքում նոր տղամարդ է հայտնվել։

«Արմենը երգիչ Կարեն Օհանյանի հայրն ու պրոդյուսերն է։ Կարենի հետ ես հանդես եմ եկել համատեղ տեսահոլովակով։ Մենք ընտանիքներով շատ մոտ ենք։ Իսկ լուսանկարն արվել է իմ եւ Dj Blackey-ի նոր՝ Crazy Freedom տեսահոլովակի նկրահանումների ընթացքում»,-ավելացրեց երգչուհին։

Ի դեպ, սկանդալային երգչուհու անվան շուրջ նման խոսակցությունների առիթ էր հանդիսացել Ջուսի եւ Արմենի նոր լուսանկարը, որը երգչուհին տեղադրել էր Facebook-ի իր էջում։

Հիշեցնենք, որ Ջուսն ու նրա նախկին ամուսինը՝ Վահագն Մարգարյանն, ամուսնալուծվել են 2017 թ-ի հունիսին՝ մեկ  տարվա համատեղ կյանքից հետո։

NEWS.am STYLE

Եթե խոսեմ մարդկանց և հրեշտակների լեզուներով, բայց սեր չունենամ, ինչո՞վ պիտի տարբերվեմ պղնձե շեփորից, որ հնչում է, կամ ծնծղաներից, որ ղողանջում են։ Եթե մարգարեության պարգև ունենամ, կարողանամ բոլոր խորհուրդների խորքը թափանցել ու հասնեմ ամբողջական գիտության, և եթե նույնիսկ լեռները տեղափոխելու չափ ուժեղ հավատ ունենամ, բայց սեր չունենամ, ես ոչինչ չարժեմ։ Ի՞նչ օգուտ, եթե իմ ամբողջ ունեցվածքն աղքատներին տամ և նույնիսկ իմ մարմինը կրակի մատնեմ. եթե սեր չունենամ, ոչնչից չեմ օգտվում։

Սեր ունեցողը համբերատար է լինում, քաղցրաբարո։ Սեր ունեցողը չի նախանձում, չի գոռոզանում, չի հպարտանում, անպատշաճ վարմունք չի ունենում, միայն ինքն իր մասին չի մտածում, բարկությամբ չի գրգռվում, չար բան չի խորհում, անիրավության վրա չի ուրախանում, այլ ուրախակից է լինում ճշմարտությանը։ Սեր ունեցողը միշտ զիջում է, միշտ հավատում, միշտ հույս է տածում, միշտ համբերում։
Սերն անվախճան է, մինչդեռ մարգարեական պատգամներն այս կյանքի հետ վերջ պիտի գտնեն, հրեշտակների լեզուներով խոսելը կդադարի, գիտությունն էլ վերջ կգտնի։ Այժմ մեր իմացածն անկատար է, և մեր մարգարեություններն էլ՝ մասնակի։ Բայց երբ գա կատարյալը, այս անկատարությունը վերջ պիտի գտնի։
(Պողոս առաքյալի առաջին նամակը կորնթացիներին 13:1-10)

Ռուբեն աբեղա Զարգարյան

Տղամարդիկ չորս անգամ ավելի հաճախ են մահանում սեքսի ժամանակ սրտի կաթվածից, քանի որ նրանց զուգընկերները չափազանց շփոթվում են՝ օգնության դիմելու համար: Այս մասին գրում է The Independent-ը՝ վկայակոչելով Ժորժ Պոմպիդուի անվան Եվրոպական հոսպիտալի հետազոտությունը:

Գիտնականները վերլուծել են 3028 հիվանդի տվյալներ, որոնց մոտ սրտի կանգ է արձանագրվել: Ընդ որում, 246-ը կաթվածի ժամանակ ֆիզիկական ակտիվություն է ունեցել, որոնցից 17-ը սեքսով է զբաղվել: Մասնագետները նկատել են, որ 8 մարդուց միայն մեկն է հաղթահարել սեռական ակտի ժամանակ առաջացած սրտի կաթվածը: Միաժամանակ, մարդկանց շուրջ կեսը ողջ է մնացել, եթե կաթվածահար է եղել ցանկացած այլ պայմաններում:

Հետազոտողների կարծիքով՝ սիրով զբաղվելիս մահվան հաճախակի դեպքերի պատճառը զուգընկերների ցնցումն է, որոնք չեն կողմնորոշվում՝ ինչպես արձագանքել եւ արագորեն շտապ օգնություն չեն կանչում: Միաժամանակ, կորցրած յուրաքանչյուր մեկ րոպեն 10%-ով նվազեցնում է հիվանդի՝ ողջ մնալու հնարավորությունը: Եթե սրտի կաթվածը սեքսի ժամանակ է տեղի ունեցել, հիվանդը սիրտ-թոքային ռեանիմացիայի պետք է սպասի երկու անգամ ավելի երկար:

British Heart Foundation հասարակական կազմակերպությունը սրտի կաթված տարած մարդկանց խորհուրդ է տալիս սեռական ակտիվությունը վերականգնել մի քանի շաբաթ անց, խուսափել ալկոհոլից եւ սննդի մեծ չափաբաժիններից, ինչպես զուգընկերոջը խնդրել ավելի ակտիվ դեր ստանձնել սիրով զբաղվելիս:

NEWS.am Medicine

Հայտնի դերասանուհի, բազմաթիվ մրցույթների դափնեկիր, ՀՀ վաստակավոր արտիստ Լուսինե Կիրակոսյանը դարձել է խաբեության զոհ: Հանուն հարազատ եղբոր ընտանիքի՝ կորցնելով ամբողջ ունեցվածքը, ոսկեղենը, հիմա էլ կանգնած է բաց երկնքի տակ մնալու վտանգի առաջ:

SHAMSHAYN.com-ի թղթակցի հետ զրույցում նա ասաց. «Տարիներ առաջ հարազատ եղբայրս իր տղայի հարսանիքի համար մի կնոջից տոկոսով գումար է վերցնում, սակայն տոկոսները գնալով կուտակվում են և դառնում մի կլորիկ գումար: Եղբայրս չի կարողանում հետ վճարել այդ գումարը ու կինը, ով գումարը տվել էր, սկսում է փորձեր անել՝ տիրանալ նրա տներին և նրանց ամբողջ ունեցվածքին, իսկ աշխատավարձների վրա կալանք է դրվում: Եղբորս տղան, տեսնելով, որ իրավիճակը վերահսկողությունից դուրս է գալիս, գործն էլ դատարանում է, եկավ, ինձ խնդրեց, որ գումար վերցնեմ մի տեղից և տամ իրեն: Ես տոկոսով գումար վերցրի, իսկ նա խոստացավ, որ ամեն ամիս կուղարկի տոկոսները, սակայն երկու ամիս ուղարկելուց հետո այլևս չուղարկեց: Քանի որ գումարը ես էի վերցրել, սկսեցին ինձնից պահանջել այն: Որոշ ժամանակ անց եղբորս մյուս տղան է ընկնում գումարային քաշքշուկի մեջ ու կրկին ինձ է դիմում, ես էլ ստիպված տունս գրավ դրեցի և գումարը տվեցի իրեն: Դա էլ արեցի, ոսկիներս էլ գրավ դրեցի, ամեն ինչ արեցի, ես մնացի ձեռնունայն ու հիմա էլ հնարավոր է՝ մի օր բանկը տունս ձեռքիցս առնի, և ես մնամ դրսում: Իրենք շատ անպատասխանատու մարդիկ դարձան, այն դեպքում, երբ իմ միակ հույսը իրենք էին: Իմ եղբոր ըտանիքը ինձ հետ շատ վատ է վարվում: Հաշվի չեն առնում իմ մենակությունը, այլ ամեն կերպ փորձում են գումարներ շորթել, որը իրենց մոտ լավ է ստացվում է:

Արդեն այնքան պարտք է կուտակվել իմ անունով, այնքան պարտքատերեր են զանգում, որ իմ առողջական վիճակը գնալով վատանում է: Անընդհատ ինձ ասել են, որ լավ կլինի, փող են մեզ ուղարկելու, կփակենք պարտքերը, սակայն՝ ապարդյուն: Ոչ մեկ չունեմ, որ իմ մասին մտածի: Դիմել եմ բազմաթիվ տեղեր, սակայն մինչ օրս արդյունք չկա: Խնդրում եմ, ով ինչպես կարող է օգնել այս խրթին պատմություններից մի ելք գտնեմ, որ գոնե տնից չզրկվեմ»:

shamshyan.com

“Պարը հոգու և մտքի երևակայություն է՝ խաչմերուկված մարմնի մեջ”, — ասում է Հովհաննես Գասպարյանի անվան պարի ակադեմիայի հիմնադիր և գեղարվեստական ղեկավար Իշխան Գասպարյանը: Նա իր ընտանիքի հետ թև ու թիկունք կանգնած՝ կարողացել է ստեղծել հայկական ամենամեծ պարային կառույցը  աշխարհում: Ակադեմիայի յուրաքանչյուր մենահամերգ պարային զարգացած տեխնիկայի ու շոուի համադրությամբ ապշեցնում է ներկաներին:

“Հովիկ Ստուդիո” անունով հանրությանը առավել հայտնի ակադեմիան իր առաքելությունն է համարում հայկական ժողովրդական պարի նորովի մատուցումը ու հայ պարավեստի տարածումը, հայկական անուններ hնչեցնելը համաշխարհային բեմերում. “Մենք աշխատում ենք երկու հիմնական ուղղվածությամբ՝ դասական պարեր և հայկական ժողովրդական պարեր: Դասական պարը մենք համարում ենք հիմք, որի վրա կառուցվում են մյուս բոլոր ուղղությունները և դասական պարի էլեմենտներով հայկական պարը հարստացնելն ու փոփոխելը գործում է միայն ու միայն ի նպաստ մեր պարերի”-, ասում է նա:

Ակադեմիան ունի 18 մասնաճյուղեր, 500 սաներ Հայաստանում ու Ռուսաստանում:Իդեպ, 19 –րդ մասնաճյուղը բացվում է սեպտեմբերի 15-ին Արտաշատ քաղաքում: Ու հայտարարում է նոր ընդունելություն: Շտապեք գրանցել Ձեր փոքրիկին ու նա կհայտնվի պարի կախարդական աշխարհում. “Մեր պարի ակադեմիան մեկ անհատի գործունեություն չէ, անհատների թիմային աշխատանք է, որտեղ բոլորն իրար թև ու թիկունք են: Բայց մեր գլխավոր առանձնահատկությունը սերն է. ակադեմիայում կա շատ սեր, երբեմն ասում եմ, որ մենք սեր բաժանող հաստատություն ենք, որտեղ բոլոր տաղանդավոր երեխաները կարող են ամբողջությամբ դրսևորել իրենց ու հաջողությունների հասնել,- ասում է նա:

Գրանցվելու համար զանգահարել Մոսկվայում 8(495) 749-49-68,  Երևանում  094-303-404 համարներով:

Միշտ վստահությամբ ենք լցված և գիտենք, որ այնքան ժամանակ, քանի դեռ այս մարմնի մեջ ենք բնակվում, դուրս ենք մնում մեր իսկական տնից, հեռու՝ Տիրոջից, որովհետև հավատով ենք ապրում՝ առանց տեսնելու նրան։ Բայց վստահություն ունենք և առավել ևս կուզենայինք դուրս գալ այս մարմնից և լինել Տիրոջ մոտ։ Ուստի մնանք այս մարմնի մեջ, թե հեռանանք, մեր միակ ձգտումն է հաճելի լինել Աստծուն, որովհետև մենք բոլորս էլ պիտի կանգնենք Քրիստոսի ատյանի առաջ, որպեսզի յուրաքանչյուրն իր մարմնով ընդունի երկրի վրա իր կատարած բարի կամ չար գործերի հատուցումը։

Գիտենք, որ Քրիստոս մեռավ բոլոր մարդկանց փոխարեն, և հետևաբար, բոլորն էլ միասին մեռան: Քրիստոս մեռավ բոլորի համար, որպեսզի հավատով կենդանացողներն այլևս չապրեն իրենք իրենց համար, այլ նրա համար, ով մեռավ և հարություն առավ իրենց համար… Որևէ մեկը, որ միացած է Քրիստոսին, նոր արարած է. նա այլևս այն չէ, ինչ որ նախապես էր, որովհետև ամբողջությամբ նորոգվեց: Եվ այս նորոգումը գալիս է Աստծուց, որ Քրիստոսի միջոցով մեզ հաշտեցրեց իր հետ ու նաև պաշտոն տվեց մեզ՝ ուրիշներին էլ հաշտություն բերելու:
(Պողոս առաքյալի երկրորդ նամակը կորնթացիներին 5:6-10, 14-15, 17-18)

Ռուբեն աբեղա Զարգարյան

Հենց այդ ժամանակ էլ նրան խորհուրդ տվեցին դիմել Երևանի պոլիտեխնիկական ինստիտուտ: Այնտեղ գործում էր ալպինիստների խումբ, որտեղ հավաքվել էին բավականին փորձառու և համարձակ երիտասարդներ: Եվ այդ խումբն էլ Համբարձումյանի կանչով մեկնեց Արագած:

Իսկ ի՞նչ էր պատահել մոլորվածներին: Այդ եռյակը բարձրացել էր լեռան գագաթը, իսկ վերելիքից հետո նրանք որոշել էին գիշերել խառնարանին հարող Գեղահովիտում: Բայց լույսը բացվելուն պես լեռը ծածկվել էր ձյունով ու թանձր մառախուղով: Մի քանի ժամ աննպատակ դեգերելուց և ետդարձի ճանապարհն այդպես էլ չգտնելուց հետո նրանք կրկին վրան էին խփել ու սպասել հաջորդ առավոտին: Սակայն լուսաբացը մշուշից բացի որևէ նոր բան չէր բերել: Եվ այդ ժամանակ որոշել էին ուժասպառ Յուլիային թողնել վրանում, նրան տալ սննդի ամբողջ պաշարն ու տաք հագուստները, իսկ Կարաչենցևն ու Սվեշնիկովը ճամփա էին ընկել՝ հուսալով հասնել որևէ բնակավայրի:

Պոլիտեխնիկցի ալպինիստները նախ գտան տղաներին և միայն երրորդ օրը հաջողվեց աղջկան դուրս բերել լեռան, մառախուղի և ձյունաբքի գերությունից: Պատմում են, որ ամենաշատն ուրախացել էր Վիկտոր Համբարձումյանը: Մի քանի օր անց նա հեռագիր ուղարկեց պոլիտեխնիկական ինաստիտուտի ռեկտոր Պ. Մելքոնյանին, ուր ասված էր. «Բյուրականի աստղադիտարանը խորին շնորհակալություն է հայտնում ինստիտուտի ալպինիստական խմբի անդամներին լեռներում կորած ուսանողուհի Յու. Տոկարևայի որոնումների ակտիվ մասնակցության համար»: Այնուհետև ակադեմիկոսը նշում էր, որ ալպինիստներն արժանացել են պատվոգրերի:

Ցավոք, ոչ այդ ու ոչ էլ դրան հաջորդած նմանատիպ դեպքերն այդպես էլ առիթ չդարձան փրկարարական խմբերի ստեղծման համար, և այդպես շարունակվեց մինչև 1988-ի երկրաշարժը…

Շատ մաքսավորներ և մեղավորներ Հիսուսի մոտ էին գալիս, որպեսզի լսեին նրան։ Փարիսեցիներն ու Օրենքի ուսուցիչները սկսեցին տրտնջալ՝ ասելով.

-Ինչպե՞ս է լինում, որ այս մարդն ընդունում է մեղավորներին և ճաշում նրանց հետ։
Հիսուսը հետևյալ առակը ասաց նրանց.
-Ենթադրենք, որ ձեզնից մեկը հարյուր ոչխար ունի։ Երբ նրանցից մեկը կորցնի, իննսունիննին արոտավայրում չի՞ թողնի և չի՞ գնա կորածի հետևից, մինչև որ գտնի այն։ Եվ երբ գտնի, ուրախությամբ իր ուսերի վրա կդնի և կվերադառնա տուն, կկանչի իր բարեկամներին ու հարևաններին և կասի նրանց. «Ուրախացե՛ք ինձ հետ, որովհետև գտա իմ կորած ոչխարը»։ Ասում եմ ձեզ, որ այդպես էլ երկնքում ուրախություն պիտի լինի մեկ ապաշխարող մեղավորի համար, քան իննսունինը արդարների համար, որոնք ապաշխարության պետք չունեն։

ենդետա` արյան վրեժ:
Վենդետան գործում է այն հասարակություններում, որտեղ պետություն չկա կամ պետությունն ի վիճակի չէ ապահովել արդարադատությունը:
Վենդետան բնորոշ է կլանային կառուցվածք ունեցող հասարակություններին և պատահական չէ, որ Հայաստանում շատանում են արյան վրեժի դեպքերը:
Երբ վարկաբեկվում է իրավապահ համակարգը, Արյան վրեժն է կարգավորում արդարադատությունը:
Ըստ ԱԺ պատգամավորների մեծամասնության արժեհամակարգի՝ դա բնական երևույթ է: ԱԺ ամբիոնից է հայտարարվել, որ իրավապահներին դիմելը «գործ տալ» է նշանակում, այսինքն, Քրեական օրինսգիրքն ընդունող մարմնի ամբիոնից հայտարարվում է, որ դատարան դիմելը գործ տալ է նշանակում: Ոչ ոք ԱԺ ամբիոնից չի առարկել դրան: Այսինքն, ԱԺ ամբիոնից Վենդետան լեգիտիմացվել է:
Հիմա ինչպե՞ս կարելի է մեղադրել արյան վրեժը լուծողներին:
Ինչից են սկսել վախենալ քաղաքական հնչողություն ունեցող դատավարությունների դատավորները: Վենդետայի՛ց:
Դա բնական է՝ երբ չկա արդարադություն, այն սկսում է փոխարինվել ավանդական մեթոդներով:
Առավելևս, որ այսօր այս համակարգը գործում է, իսկ վաղը կարող է չգործել, իսկ դատավորը, դատախազը, քննիչը, ոստիկանը և դատապարտյալները շարունակելու են ապրել նույն միջավայրում:

Ստեփան Դանիելյանի ֆեյսբուքյան էջից