Արևի վրա տեղի ունեցած հզոր բռնկման ժամանակ արտանետված պլազմայի ամպն այսօր առավոտյան հասել է Երկիր և առաջացրել 4-րդ աստիճանի հզորագույն մագնիսական փոթորիկ։ Այս մասին հայտնում է RIA Novosti-ն՝ հղում անելով ռուս գիտնականներին։

Նրանց խոսքով՝ պլազմայի ամպը հասել է մեր մոլորակի ուղեծրին կեսգիշերից 2 ժամ անց՝ սպասվող ժամկետից 12 ժամ շուտ։ Դա նշանակում է, որ արագությունը սպասվածից 1.5 անգամ ավելի է։ Հարվածը Երկրին հասցվել է ավելի մեծ հզորությամբ, քան սպասվում էր։ Արտանետման մագնիսական դաշտի ուղղությունը հանդիսանում է մեր մոլորակի համար անբարենպաստ, դաշտն ուղղված է երկրայինին հակառակ։

ՊՆ մամուլի խոսնակ Արծրուն Հովհաննիսյանը իր ֆեյբուքյան էջում գրել է.

Այսօր ՀՀ ԶՈւ-երի ՀՕՊ զորքերի “С-300” ԶՀՀ-ների երկու մարտական հաշվարկները «Боевое Содружество-2017» զորավարժության շրջանակներում ՌԴ Աշուլուկ հրաձգարանում կատարել են երկու կրակային վարժություն:

Թիրախներից մեկը եղել է բալիստիկ հրթիռ, երկրորդը այլ մարտական թռչող սարք: Երկու վարժություններն էլ հայկական հաշվարկները կատարել են գերազանց, խոցելով հենց առաջին հրթիռներով:

Բայց դու կառչա՛ծ մնա իմ ուսուցմանը, իմ կյանքի օրինակին, իմ հոժարությանը, հավատին, համբերատարությանը, սիրուն և հարատևությանը, որ ցուցաբերեցի նույնիսկ իմ հալածանքների և չարչարանքների մեջ։ Բոլոր նրանք, որ ուզում են աստվածապաշտությամբ ապրել Հիսուս Քրիստոսին միացած, անպայման կենթարկվեն հալածանքների։ Իսկ չար և խաբեբա մարդիկ առավել ևս առաջ կգնան չարության մեջ, իրենք մոլորված՝ ուրիշներին էլ կմոլորեցնեն։

Բայց դու հաստա՛տ մնա քո սովորած բաների մեջ, որոնց ճշմարտությանը վստահ ես, որովհետև գիտես, թե ումից ես սովորել։ Եվ արդեն մանկուց գիտես Սուրբ գրքերը, որոնք զորություն ունեն քո միտքը բացելու իմաստությանը, որպեսզի հավատաս Հիսուս Քրիստոսին և փրկվես։ Աստծու ներշնչումով գրված բոլոր Սուրբ գրքերը օգտակար են թե՛ ճշմարտությունն ուսուցանելու և թե՛ սխալը հերքելու, մարդուն ճիշտ ճանապարհի վրա դնելու և արդար կյանքի դաստիարակությունը տալու համար, որպեսզի Աստծուն նվիրված մարդը լինի կատարյալ և պատրաստ՝ ամեն տեսակ բարի գործեր կատարելու։
(Պողոս առաքյալի երկրորդ նամակը Տիմոթեոսին 3:10-17)

Ռուբեն աբեղա Զարգարյան

Արձանները սովորաբար կերտվում են, որպեսզի ավելի պատկերավոր ցույց տան, թե, օրինակ, հայտնի գրողը, դերասանը կամ հերոսը իրականում ինչ տեսք է ունեցել։ Բնականաբար, պատահում են նաև արձաններ, որոնք ուղղակի զվարճանքի համար են, այդ թվում՝ կենդանիների և մուտլհերոսների արձանները։

Բայց արի ու տես, որ աշխարհի տարբեր անկյուններում կան արձաններ, որոնց իրական իմաստն ու նշանակությունը հասկանալը չափից դուրս դժվար է։

Ահա աշխարհի ամենատարօրինակ և ամենախայտառակ արձանները։

Մինչ Հիսուսն այս բանն էր ասում, ժողովրդապետի տնից ոմանք եկան և ասացին Հայրոսին.

-Աղջիկդ մեռավ, էլ ինչո՞ւ ես հոգնեցնում Վարդապետին։
Հիսուսը երբ լսեց այս խոսքերը, ասաց ժողովրդապետին.
-Մի՛ վախենա, միայն հավատա՛։
Հետո ոչ ոքի թույլ չտվեց, որ գնա իր հետ, բացի Պետրոսից, Հակոբոսից և նրա եղբայր Հովհաննեսից։ Երբ հասավ ժողովրդապետի տուն, տեսավ մի ամբոխ, որ լաց էր լինում և ողբում էր։ Հիսուսը ներս մտավ և ասաց նրանց.
-Ի՞նչ եք իրար անցել ու լաց լինում. փոքրիկը մեռած չէ, այլ ննջում է։
Սակայն նրանք սկսեցին ծաղրել նրան։ Հիսուսը բոլորին էլ դուրս հանեց և իր հետ վերցնելով փոքրիկի հորն ու մորը, ինչպես նաև երեք աշակերտներին, մտավ այն սենյակը, որտեղ պառկած էր փոքրիկը։ Հիսուսը բռնեց փոքրիկի ձեռքից և ասաց.
-Տալի՛թա, կո՛ւմի, որ նշանակում է՝ «Աղջի՛կ, քե՛զ եմ ասում, վե՛ր կաց»։
Աղջիկը, որ շուրջ տասներկու տարեկան էր, իսկույն վեր կացավ և սկսեց քայլել։ Այս տեսնելով՝ ամենքն էլ զարմացան։ Իսկ Հիսուսը խստիվ պատվիրեց նրանց, որ ոչ ոքի բան չասեն, և ասաց, որ ուտելիք տան նրան։
(Մարկոսի ավետարան 5:35-43)

Ռուբեն աբեղա Զարգարյան

Տրանսպորտային միջոցների հապաղումներից և հնարավոր խցանումներից խուսափելու նպատակով 2017թ. սեպտեմբերի 8-ից Երևան քաղաքի Բաղրամյան-Մաշտոց պողոտաների խաչմերուկում կկատարվի երթևեկության կազմակերպման փոփոխություն:

Այս մասին հայտնում է ՀՀ ոստիկանությունը։

Փոփոխության արդյունքում Բաղրամյան պողոտայից Մաշտոցի պողոտայի ուղղությամբ աջ շրջադարձ կատարող տրանսպորտային միջոցները վերոնշյալ խաչմերուկի լուսացույցի լրացուցիչ սեկցիայով նշված ուղղությամբ այսուհետ

կերթևեկեն անընդհատ՝ առանց արգելող ազդանշանի տակ կանգառ կատարելու:

Հիսուս ասում է.

-Կգա ժամանակ, երբ ով որ ձեզ սպանի, պիտի կարծի, թե Աստծուն ծառայություն է մատուցում: Մարդիկ այս բաները կանեն ձեզ, որովհետև չճանաչեցին ո՛չ Հորը և ո՛չ էլ ինձ:
(Հովհաննեսի ավետարան 16:2-3)

Ոստիկանության ծառայողների ձեռնարկած օպերատիվ-փնտրողական և բացատրական լայնածավալ աշխատանքների շնորհիվ սեպտեմբերի 5-ին ինքնակամ ոստիկանության Արտաշատի բաժին է ներկայացել է Արարատի մարզի Մրգավետ գյուղի բնակիչ, 1995 թ. ծնված Սերյոժա Արամյանը, ում նկատմամբ սեպտեմբերի 2-ին հայտարարվել էր հետախուզում:

Հիշեցնենք, որ օգոստոսի 24-ին, ժամը 2.50-ին, հիվանդանոցից ոստիկանության Մասիսի բաժնում հաղորդում էր ստացվել, որ «կրծքավանդակի ձախ կեսի հետին մակերեսի թափանցող վերք» ախտորոշմամբ հիվանդանոց էր տեղափոխվել 1972 թ. ծնված Հակոբ Մ.-ն: Փաստի առթիվ ՀՀ քրեական օրենսգրքի 112 հոդվածի 1-ին մասի հատկանիշներով հարուցվել էր քրեական գործ: Ձեռնարկված օպերատիվ-հետախուզական և քննչական միջոցառումների արդյունքում պարզվել էր, որ Հակոբ Մ.-ին մարմնական վնասվածքը հասցրել է 1995 թ. ծնված Սերյոժա Արամյանը:

Նախաքննությունը շարունակվում է:

Սեպտեմբերի 6–ին, ինչպես նաև 8–ից 10–ը Հայաստանում կդիտվի առանց տեղումների եղանակ։

Ինչպես հայտնում է Հայհիդրոմետկենտրոնը, սեպտեմբերի 7–ին հանրապետության հիմնականում հյուսիսային շրջաններում սպասվում է կարճատև անձրև և ամպրոպ, ամպրոպի ժամանակ` քամու ուժգնացում մինչև 15-20 մետր վայրկյան։ Քամին հարավ–արևմտյան, պոռթկումներով։ Երևանում երեկոյան ժամերին նույն օրը սպասվում է ամպրոպ, առանձին շրջաններում կարճատև անձրև։

Սեպտեմբերի 7-8–ից օդի ջերմաստիճանը կնվազի 4-5 աստիճանով, իսկ 9-10–ից կբարձրանա 2-3 աստիճանով։

Երևանում օդը ցերեկը կտաքանա մինչև 33-35 աստիճան տաքություն, գիշերը` մինչև 17-20։