Մի օր Հիսուսը լեռ բարձրացավ աղոթելու և ամբողջ գիշերն անցկացրեց Աստծուն աղոթելով։ Առավոտյան իր մոտ կանչեց իր աշակերտներին և նրանցից ընտրեց տասներկու հոգի, որոնց նաև առաքյալ կոչեց։ Այդ առաքյալներն էին՝ Սիմոնը, որին և Պետրոս անվանեց, Անդրեասը՝ նրա եղբայրը, Հակոբոսը, Հովհաննեսը, Փիլիպպոսը, Բարթուղիմեոսը, Մատթեոսը, Թովմասը, Ալփեոսի որդին՝ Հակոբոսը, Նախանձահույզ կոչված Սիմոնը, Հակոբի որդի Հուդան և Հուդա Իսկարիովտացին, որը մատնիչ եղավ։

Ապա նրանց հետ միասին իջավ մի տափարակ տեղ։ Այնտեղ էին բոլոր աշակերտները, ինչպես նաև ժողովրդի մի մեծ բազմություն, որ հավաքվել էր Հրեաստանի բոլոր կողմերից, Երուսաղեմից և շրջակայքից և Տյուրոսի ու Սիդոնի ծովեզրյա շրջաններից։ Բոլորն էլ եկել էին լսելու Հիսուսի խոսքերը և բժշկվելու իրենց հիվանդություններից։ Նրանք, ովքեր չար ոգիներից էին տառապում, բժշկվում էին։ Ամբողջ ժողովուրդն ուզում էր դիպչել նրան, որովհետև նրանից մի զորություն էր դուրս գալիս և բոլորին էլ բժշկում
(Ղուկասի ավետարան 6:12-19)

Հանրապետության տարածքում՝

Հոկտեմբերի 22-26-ը սպասվում է առանց տեղումների եղանակ:
Քամին՝ հարավ-արևմտյան՝ 3-8մ/վ: Օդի ջերմաստիճանը հոկտեմբերի 24-26-ին աստիճանաբար կբարձրանա 2-3 աստիճանով:
Երևանում՝
Հոկտեմբերի 22-26-ը սպասվում է առանց տեղումների եղանակ:

Հիսուս ասում է.
-Սակայն ոչ ոք չգիտի, թե երբ է գալու այդ օրը կամ ժամը. ո՛չ երկնքի հրեշտակները, ո՛չ իսկ Որդին, այլ միայն Հայրը: Զգո՛ւյշ եղեք, արթո՛ւն մնացեք և աղոթեցե՛ք, որովհետև չգիտեք, թե երբ է ժամանակը: Դա նման է այն մարդուն, որը թողնում է իր տունը և գնում ուրիշ երկիր: Չգնացած՝ իր ծառաներից յուրաքանչյուրին պարտականություն է տալիս և դռնապանին էլ պատվիրում, որ արթուն մնա: Ուրեմն դո՛ւք էլ արթուն կացեք, որովհետև չգիտեք, թե տանտերը գիշերվա ո՛ր պահին կգա, երեկոյա՞ն, կեսգիշերի՞ն, աքլորականչի՞ն, թե՞ առավոտյան. որպեսզի չլինի թե հանկարծ գա և ձեզ քնի մեջ գտնի: Արդ, ինչ որ ձեզ եմ ասում, բոլորին եմ ասում. արթո՛ւն կացեք:
(Մարկոսի ավետարան 13:32-37)

Ռուբեն աբեղա Զարգարյան

Մորդովիայի բանտում Լեւոն Հայրապետյանի մահը վրդովեցրել է հայ հանրությանը:

Մարդկային զորակցությունից ու երախտագիտությունից բացի նրա մահը բազմաթիվ հարցեր է առաջացրել: Հայաստանը փորձե՞լ է ազդել ռուս «դաշնակիցների» վրա եւ հասնել Լեւոն Հայրապետյանի ազատ արձակմանը:

Լեւոն Հայրապետյանին տնտեսական հանցագործություններ են վերագրել, ընդ որում, խիստ կասկածելի: Դա շատերին առիթ է տվել կասկածելու, որ նրան ազատազրկել են քաղաքական անհնազանդության կամ էլ ազգային գործունեության համար: Նրա մահից հետո ադրբեջանական մամուլում սկսել են գրել, որ մահացել է «ղարաբաղյան անջատողականների գլխավոր հովանավորը»:

Ո՞վ էր շահագրգռված Լեւոն Հայրապետյանի մեկուսացմամբ եւ ի՞նչ է արել Երեւանը, որ ճեղքի այդ մեկուսացումը:

Ալիեւը, օրինակ, միջազգային սկանդալի է գնացել, որ ազատ արձակի իր դահիճ Սաֆարովին: Նա թքած ուներ, թե ինչ կասեն աշխարհում:

Ռուսաստանը նույնպես չի վախեցել Հայաստանում սկանդալից՝ հայկական դատարանին չհանձնելով իր մարդասպան Պերմյակովին: Ռուսաստանը հասել է նրան, որ դատը կայանա Գյումրիի ռուսական բազայի տարածքում: Ով գիտի, թե հիմա որտեղ է Պերմյակովը:

Իսկ Հայաստանը սպասեց, մինչեւ Լեւոն Հայրապետյանը մահանա:

lragir.am

ԵՐԲ ԿԱՊՎԱԾՈՒԹՅՈՒՆԸ ՎԵՐԱՃՈՒՄ Է ԿԱԽՎԱԾՈՒԹՅԱՆ

«Ճամփորդ» շաբաթաթերթը շարունակում է հոգեբանական հոդվածաշարը՝ հոգեբան և հոգթերապևտ, «Հիլֆմանն» հոգեբանական ծառայության գլխավոր մասնագետ՝ Արման Բեգոյանի հետ: Հոդվածաշարի ընթացքում համատեղ կհուշենք՝ ինչից սկսել և ում դիմել այս կամ այն խնդրի դեպքում։ Եթե ունեք հարցեր, գրեք info@champord.amէլ․հասցեով, մենք անպայման կանդրադառնանք դրանց։Խմբագրությունը վերստին զգուշացնում է․ տվյալ հոդվածաշարը կրում է ինֆորմացիոն-կրթական-կողմնորոշիչ բնույթ, այդ իսկ պատճառով ներկայացվում է ոչ խորքային-մասնագիտական տարբերակով և չի կարող օգտագործվել ինքնաբուժման կամ  ինքնուրույն ախտորոշման համար։

«Հասկանում եմ՝ իրար հետ չենք կարող, բայց չեմ էլ կարողանում ազատվել զգացմունքներից»․ իրավիճակը շատերին է ծանոթ։ Սիրային կախվածությունը երբեմն ալկոհոլիզմի ու անգամ՝ թմրանյութերից կախվածության հետ են համեմատում․ մարդիկ տառապում են, բայց չգիտեն,թե ինչպես ազատվել դրանից ։ Եվ եթե վերջին երկուսի դեպքում խնդիրը շոշափելի է, ապա երբեմն թվում է, թե զգացողությունները փոփոխել հնարավոր չէ։ Իրականում, հնարավոր է։

Նախորդ համարներից մեկում խոսում էինք սոցցանցային կախվածությունից՝ ընթացքում նշելով, որ սոցցանցային կախվածության հիմքում հաճախ էլի սիրայինն է լինում, բայց երկուսից էլ ելք կա՝ հոգեբան Արման Բեգոյանը դրանում առավել քան համոզված է։ Անառողջ հարաբերությունները բերում են անձի քայքայմանը, տպավորություն է, թե մարդ կորցնում է սեփական «ես»-ն ու տարրալուծվում դիմացինի մեջ։ Եվ, իրոք, երբեմն նման մարդու հետ բաժանումը սարսափելի ցավոտ է լինում։ Բայց բաժանվել, այնուամենայնիվ պետք է, քանի որ քամող ու ճնշող հարաբերություններն այդպես էլ չեն դառնալու մտացածին իդելականը, դրանք չեն փոխվում, հակառակը, սովորաբար ավելի դժվար տանելի են դառնում։ Պետք չէ մոռանալ, որ կախվածություն կա ցանկացած հարաբերության մեջ՝ որոշակի առումով։ Ավելի ճիշտ կլինի այն «կապվածություն» անվանել, առանց դրա հնարավոր չեն ջերմ հարաբերությունները՝ ծնողի ու երեխայի, ընկերների ու գործընկերների, իհարկե նաև անձնական հարաբերությունների մեջ։ Բայց եթե հարաբերությունն ավելի շատ տառապանք է բերում, քան՝ հաճույք, եթե չի նպաստում անձնային աճին ու թույլ չի տալիս քեզ երջանիկ զգալ, ապա դա անառողջ շփում է, հետաբար չպետք է թույլ տալ, որպեսզի այն վնասի։ Ահա մի քանի խորհուրդ՝ սիրային կախվածությունից ազատվելու համար։Իսկ եթե ինքնուրույն չի ստացվում, հարկավոր է մասնագետի դիմել․ երկարատև տառապանքը միայն գրական հերոսներին է սազում, պետք չէ սեփական կյանքը վերածել դժոխքի։

Ավարտի գիտակցում։ Հարկ է գիտակցել, որ հարաբերություններն ավարտված են։ Սա ենթադրում է այսուհետ համապատասխան վարք ցուցաբերել, մոռացնել ու ջնջել կապող ցանկացած բան, դադարեցնել ընկերներից նորություններ ճշտելու, սոցցանցերում՝ արդեն նախկին հարազատ անունը փնտրելու փորձերը և այլն։ Սկզբնական շրջանում փոքր-ինչ բարդ է, բայց՝ հնարավոր։ Առանց կամքի ուժ դրսևորելու ոչինչ չի ստացվի։

Պետք չէ խուսափել ցավից։ Ամեն կապվածություն զգացմունքների փունջ է, որը խզելը, իհարկե, պետք է որ ցավոտ լինի։ Կորուստը բերում է տհաճ զգացմունքների, որոնցից փախչելը լավագույն լուծումը չէ, ուղղակի դրանք պետք է գիտակից վերապրել․ առանց ավելորդ դրամատիզմի, կյանքի վրա խաչ քաշելու։ Որքան էլ աբսուրդ է հնչում, բայց պետք է տանել կորուստը առօրյա կյանքին զուգահեռ՝ առանց տրվելու դրան, բայց և առանց փախչելու դրանից։

Սովորեք ձեր իսկ նախասիրությունները ամեն ինչից առաջ դնել։ Կարևորեք ձեր անձն ու ավելի մեծ ուշադրություն դարձրեք նրան։ Այն հաստատ չի ուզում տանջվել ու ապրել լարվածության մեջ։ Հետևաբար պարզ է, որ չպիտի ցանկանա հետ վերադառնալ։

Մի՛ զբաղվեք ինքնախաբեությամբ։ Հրաշքներ քիչ են պատահում, ձեզ մոտ չի ստացվի փոխել (բուժել) ավելի լավը դարձնել տվյալ անհատին։ Որովհետև վերադառնալով նախկին կետին, դուք նախ հենց ձեր մասին պետք է հոգ տանեք, իսկ հասուն մարդուն փոխել պետք չէ՝ հատկապես եթե ինքը չի խնդրում օգնել։

Զբաղվածությունը  հաճախ իսկական փրկություն է։ Մի տրվեք բացասական մտքերին։ Զբաղվեք այն ամենով, ինչով միշտ ցանկացել եք, շատ եղեք ընկերական շրջապատում, գրքերն ու ֆիլմերը ևս լավ ընկերներ են։ Եղեք առողջ, մտածեք առողջ, զգացեք առողջ ու կտեսնեք, որ այս խնդիրը ևս լուծելի է։

Սյունե Սևադա

Դեպի Երուսաղեմ իր ճանապարհին Հիսուս անցնում էր Սամարիայի և Գալիլեայի սահմաններով: Եվ մինչ մի գյուղ էր մտնում, նրան հանդիպեցին տասը բորոտներ, որոնք հեռու կանգնեցին և բարձրաձայն ասացին.
-Հիսո՛ւս Վարդապետ, ողորմի՛ր մեզ:
Հիսուս տեսավ նրանց և ասաց.
-Գնացե՛ք և ձեզ ցույց տվե՛ք քահանաներին:
Եվ մինչդեռ գնում էին, արդեն իսկ մաքրվեցին:
Նրանցից մեկը երբ տեսավ, որ բժշկվեց, վերադարձավ և սկսեց բարձրաձայն փառավորել Աստծուն: Երեսի վրա գետին ընկավ Հիսուսի ոտքերի առջև և շնորհակալություն էր հայտնում նրան: Եվ նա սամարացի էր:
Հիսուս հարցրեց.
-Մաքրվողները տասը հոգի չէի՞ն. ո՞ւր են մնացած ինը: Բացի այս օտարականից ուրիշ մեկը չգտնվե՞ց, որ վերադառնար ու փառք տար Աստծուն:
Ապա սամարացուն դառնալով՝ ասաց.
-Վե՛ր կաց և գնա՛, քո հավատը քեզ փրկեց:
(Ղուկասի ավետարան 17:11-19)

Ռուբեն աբեղա Զարգարյան

Կառավարության այսօրվա նիստում հավանության արժանացավ Վանաձորի թիվ 26 հիմնական դպրոցը այլ դպրոցի հետ միավորելու նախագիծը: Տարածքային կառավարման և զարգացման նախարար Դավիթ Լոքյանն իր ելությում նշեց, որ Վանաձորի Մարշալ Բաղրամյանի անվան թիվ 26 հիմնական դպրոցը, որն ունի 30 աշակերտ և զբաղեցնում է շուրջ 5069 քմ տարածք, կփակվի և կմիացվի իր հարևանությամբ գտնվող թիվ 28 դպրոցին, որը կառուցվել է երկրաշարժից հետո և համապատասխանում է ժամանակից պահանջներին։

«Աշակերտների թիվը բավարար չէ և դպրոցի պահպանությունն ու վերականգնումը բացարձակապես չի հիմնավորվում։ Բոլորին պետք է հասկանալի դառնա, որ այս թվակազմով և այս տարածքով դպրոց պահելը չի արդարացվում և կրթությունը նորմալ չէ այդ դպրոցում, քանի որ դասարանները և ուսուցիչները քիչ են», — ասաց Դավիթ Լոքյանը։ Վարչապետի հարցին պատասխանելով ՝ նախարարն նշեց, որ դպրոցների միավորման արդյունքում կտնտեսվի 19 մլն դրամ:

Հիսուս ասում է.
-Այն ժամանակ երբ մեկը ձեզ ասի՝ «Ահավասիկ այստեղ է Քրիստոսը», կամ ասի՝ «Ահա այնտեղ է», չհավատաք, որովհետև սուտ քրիստոսներ և սուտ մարգարեներ պիտի հայտնվեն և նշաններ ու հրաշքներ կատարելով՝ պիտի մոլորեցնեն, եթե կարողանան, նույնիսկ Աստծու ընտրյալներին: Բայց դուք զգո՛ւյշ եղեք:
(Մարկոսի ավետարան 13:21-23)

Մոմի շողացող լույսը դարեր շարունակ համեմատվել է ադամանդի հետ, սակայն նոր հետազոտությունները հայտնաբերել են, որ այդ նմանությունը ոչ միայն բանաստեղծների երևակայության արդյունքն է, որը կարելի է տեսնել միայն նրանց բանաստեղծություններում, այլ նաև գիտական բացատրություն ունի։

Առաջին մոմը հայտնաբերվել է ավելի քան 2000 տարի առաջ հին Չինաստանում։ Դրանից ի վեր շատերն են ցանկացել իմանալ, թե ինչ գաղտնիք է թաքցնում մոմի լույսը։ Սուրբ Էնդրյուսի համալսարանի քիմիայի պրոֆեսոր Վուզուն Չուն մոմի բոցի մեջ հայտնաբերել է ադամանդի փոքրիկ բյուրեղներ։ Նրա հայտնագործությունը բուռն քննարկումների առիթ է դարձել և համարվել գիտական թռիչք։
Չուի ուսումնասիրությունը ցույց է տվել, որ վառվող մոմի բոցը յուրաքանչյուր վայրկյան ադամանդի՝ նանոմետրիկ չափերի հասնող մոտ 1.5 միլիոն մասնիկներ է ստեղծում։

Վերջապես այս առաջատար ակադեմիկոսին հաջողվեց բացահայտել դարեր ի վեր չբացահայտված առեղծվածը։ Օգտագործելով նորագույն նմուշառման տեխնիկա, որը ևս իր հայտնագործություններից է, նրան հաջողվեց կրակի կենտրոնից առանձնացնել ադամանդե մասնիկները, ինչն աննախադեպ երևույթ էր։ Ի զարմանս նրա՝ նա բացահայտեց, որ մոմի բոցը պարունակում է նաև 4 տարբեր տեսակի ածուխներ։
Ինչպես վաղուց արդեն հայտնի է, բոցի հիմքում առկա են հիդրո-ածխածնային մոլեկուլներ, որոնք կրակի վերին մասում վերածվում են ածխածնի երկօքսիդի: Սակայն այդ գործընթացը մնում էր առեղծված:
Այժմ մոմի բոցի կենտրոնում գրաֆիտ և ամորֆ ածխածնի հետ միասին հայտնաբերվել են ադամանդի նանոմասնիկներ և ֆուլլերենիկ մասնիկներ: Այս բացահայտումը կարող է հանգեցնել հետագա հայտնագործությունների, թե ինչպես ադամանդի արդյունաբերությունը կարելի է ավելի էժան և էկոլոգիապես ավելի մաքուր դարձնել։

Չուն նշում է․ «Դժբախտաբար, ադամանդի մասնիկներն այրվում են այդ գործընթացում և փոխակերպվում ածխաթթու գազի։ Թեև ներկայումս այդ մասնիկների արդյունահանման ոչ մի ձև չկա, սակայն դեռևս կարող ենք բավարարվել նրանով, որ փոխվել է վառվող մոմի լույսի նկատմամբ մարդկանց ունեցած անտարբեր վերաբերմունքը»:

fresher.am

Ադրբեջանի բռնապետի դստեր կողմից վերահսկվող instagram-յան էջերից մեկը,որը ներկայանում է որպես Լեյլայի երկրպագուի էջ, հրապարակել է մի տեսանյութ,որտեղ Ադրբեջանի բռնապետի դուստրը հրեական երաժշտության տակ խելահեղ պարում է ռուսաստանյան էստրադայի աստղերից՝Նիկոլայ Բասկովի հետ…

Տեսանյութը՝ այստեղ