Կալիումի պերմանգանատը (марганцовка) մուգ մանուշակագույն բյուրեղներից բաղկացած փոշի է, որը շատ լավ լուծվում է ջրում՝ տալով դրան մանուշակագույն երանգ: Իր օքսիդացնող հատկությունների շնորհիվ՝ այս նյութը լայնորեն կիրառվում է բժշկության մեջ՝ վարակների ոչնչացման, այրման, մաշկի ու լորձաթաղանթի չորացման համար:

Տարբեր խնդիրների դեպքում կալիումի պերմանգանատի լուծույթը լինում է տարբեր խտության.

·        Ստամոքսի լվացման համար օգտագործվում է 0.01-0.1 տոկոսանոց ջրային լուծույթ (բաց վարդագույն),

·        Վերքերի ախտահանման համար՝ 0.1-0.5 տոկոսանոց (վարդագուն),

·        Վերքերն ու խոցերը մշակելու համար՝ 2-5 տոկոսանոց (մանուշակագույն):

Որ դեպքերում է օգտագործվում կալիումի պերմանգանատի լուծույթը

Սուր սննդային թունավորման դեպքում

Այս դեպքում այն օգտագործվում է որպես ախտահանող միջոց: Հիվանդը պետք է խմի բաց վարդագույն լուծույթը, որից հետո նրա մոտ հարկավոր է արհեստականորեն փսխում առաջացնել: Հարկ է հիշել, որ երբեմն ոչ բոլոր բյուրեղներն են լուծվում ջրում, ինչը կարող է դառնալ ստամոքսի լորձաթաղանթի այրվածքի պատճառ: Նման բարդություններից խուսափելու համար նախ հարկավոր է պատրաստել կալիումի պերմանգանատի թունդ լուծույթ, այնուհետև ստացված լուծույթից փոքր քնակությամբ ավելացնել լվացման համար նախատեսված ջրին: Բացի այդ, ստացված լուծույթը հարկավոր է անպայման քամել:

Երեխաներին լողացնելիս

Կալիումի պերմանգանատի լուծույթը մի փոքր չորացնում է երեխաների մաշկը: Այս դեպքում հարկավոր է զգույշ լինել և շատ թունդ լուծույթ չպատրաստել: Ջրին պետք է ավելացնել ոչ թե բյուրեղները, այլ թունդ լուծույթը, որպեսզի պատրաստի լուծույթը ստանա թույլ վարդագույն երանգ:

Շաղկապենաբորբի (կոնյուկտիվիտ) կամ կոպաբորբի (բլեֆարիտ) դեպքում

Թույլ վարդագույն լուծույթն օգտագործվում է նաև շաղկապենաբորբի և կոպաբորբի դեպքում աչքերը լվանալու համար:

Աղիների աշխատանքի խանգարում

Փորլուծությունից ազատվելու համար խորհուրդ է տրվում առավոտյան ու երեկոյան մեկական բաժակ կալիումի պերմանգանատի թույլ վարդագույն լուծույթ խմել: Սովորաբար ընդամենը մեկ բաժակը բավական է լինում խնդրից ազատվելու համար:

Տանը ծանր անկողնային հիվանդ ունենալու դեպքում

Նման դեպքերում տան օդը հաճախ «ծանրանում» է և նկատվում են տհաճ հոտեր: Պարզապես հարկավոր է սենյակում դնել կալիումի պերմանգանատի վարդագույն լուծույթով լի բաժակ, որը կկլանի բոլոր տհաճ հոտերը:

Ջերմային այրվածք

Ախտահարված հատվածներին հարկավոր է կալիումի պերմանգանատի սառը լուծույթով թրջված վիրակապեր դնել: Ընդ որում՝ որքան լուրջ է խնդիրը, այնքան թունդ պետք է լինի լուծույթը (2-5 տոկոսանոց):

Նշիկաբորբի ու ստոմատիտի դեպքում

Հարկավոր է օրական 4-5 անգամ ողողել կոկորդը կալիումի պերմանգանատի թույլ լուծույթով:

Հայմորիտի դեպքում

Հայմորիտի դեպքում հարկավոր է քթանցքներն օրական 2-3 անգամ ողողել կալիումի պերմանգանատի թույլ գոլ լուծույթով:

Ներաճած եղունգի դեպքում

Հիվանդության առաջին իսկ ախտանշանների դեպքում (ցավ, փոքրիկ խոցեր, արյուն ու թարախ) հարկավոր է ոտքերը դնել կալիումի պերմանգանատի 2-5 տոկոսանոց գոլ լուծույթի մեջ, այնուհետև ախտահարված մատին քսել սինտոմիցինի 10 տոկոսանոց լինիմենտ և վիրակապել:

Չնայած, որ կալիումի պերմանգանատի լուծույթի օգտագործման համար ոչ մի հակացուցում չկա, այնուամենայնիվ հարկավոր է ուշադիր լինել լուծույթը պատրաստելիս և հետևել, որ բոլոր բյուրեղները ջրում լուծված լինեն:

Նյութի աղբյուրը՝ kopilochkasovetov.ru

Երբ բազմաթիվ քաղաքներից մարդիկ սկսեցին հավաքվել նրա շուրջը, և խուռն մի բազմություն հավաքվեց, Հիսուսը հետևյալ առակը պատմեց նրանց.
-Մի սերմնացան ելավ սերմ ցանելու։ Սերմանելու ժամանակ սերմերից մի քանիսն ընկան ճանապարհի եզրին ու ոտնակոխ եղան, և երկնքի թռչունները եկան ու կերան դրանք։ Ուրիշ սերմեր ընկան ժայռոտ տեղի վրա, և երբ բուսան, իսկույն չորացան, քանի որ հողը խոնավ չէր։ Մի քանիսն ընկան փշերի մեջ, և փշերը, նրանց հետ միասին բուսնելով, խեղդեցին դրանց։ Իսկ ուրիշ սերմեր էլ ընկան լավ և պարարտ հողի մեջ և բուսնելով՝ հարյուրապատիկ պտուղ տվեցին։
Այս առակը պատմելուց հետո նա ասաց.
-Ով լսելու ականջ ունի, թող լսի։

«Կոշիկներ Դանուբի ափին» հուշարձանը գտնվում է Հունգարիայի մայրաքաղաք Բուդապեշտում։ Այն նվիրված է Հոլոքոստի զոհերի հիշատակին։

Հուշարձանը կառուցվել է Բուդապեշտում՝ Երկրորդ համաշխարհային պատերազմի ժամանակ մասսայական գնդակահարությունների պատճառով զոհված հրեաներին հարգանքի տուրք մատուցելու համար։ Այդ գնդակահարությունն իրականացվել է հունգարական ֆաշիստական «Խաչված նետեր» կուսակցության կողմից 1944-1945 թվականների ընթացքում։

Նրանք հրեաներին բերել են բեռնատար մեքենաներով, ապա շղթայել 50-60 հրեա միաժամանակ և հրամայել են հանել կոշիկները։ Փամփուշտները խնայելու նպատակով գնդակահարել են միայն առաջինին՝ վերջինս էլ ընկնելով գետը իր հետ տարել է մյուսներին։ Դանուբի ափին մնացած կոշիկները հանվել են վաճառքի կամ օգտագործվել են ֆաշիստների կարիքների համար։ Գնդակահարվողների թիվը հասնում էր հազարների, բայց այսօր չկա հստակ թիվ, քանի որ մահացածների մարմինները լցվել են Դանուբ գետը։

Չուգունից ձուլված այս քանդակների կոմպոզիցիան բաղկացած է 20 զույգից։ Տարիների ընթացքում որոշ մասը գողացվել է, մինչև 2014 թվականը մնացել է 53 զույգ՝ տղամարդու, կանացի և մանկական կոշիկներ։

Հուշարձանի բացումը տեղի է ունեցել 2005 թվականի ապրիլի 16-ին՝ Հոլոքոստի զոհերի միջազգային օրը՝ Երկրորդ համաշխարհային պատերազմի 60-ամյա տարելիցին ընդառաջ։ Ամեն տարի ծաղիկներ են բերվում և բազմաթիվ մոմեր են վառվում Դանուբ գետի երկայնքով։

newspress.am

«Անալիտիկ» լրատվական կայքի տնօրեն Անի Հովհաննիսյանը, որը 1,5 տավա ազատազրկման էր դատապարտվել, ազատ է արձակվել։

Հիշեցնենք, որ Անի Հովհաննիսյանին մեղադրանք էր առաջադրվել ՀՀ քրեական օրենսգրքի 182-րդ հոդվածի 1-ին մասով և 182-րդ հոդվածի 2-րդ մասի 3.1 կետով:

ՎՏԲ բանկից գումար շորթելու մեղադրանքում Անի Հովհաննիսյանն անմեղ էր ճանաչվել, դատարանը Անի Հովհաննիսյանին մեղավոր էր ճանաչել պատգամավոր Տիգրան Ուրիխանյանի և նրա կնոջ մասին արատավորող տեղեկություններ տարածելու սպառնալիքով նրանից գումար շորթելու մեջ։

Հիսուս ասում է իր հետևորդներին.
-Դարձյալ պատվիրում եմ ձեզ, սիրեցե՛ք միմյանց։
-Եթե աշխարհը ձեզ ատում է, իմացե՛ք, որ նախ ինձ է ատել։ Եթե այս աշխարհին պատկանած լինեիք, աշխարհը սիրած կլիներ ձեզ, որպես իրենից եղող մեկին։ Բայց աշխարհը ձեզ ատում է, որովհետև ես ձեզ զատեցի այս աշխարհից, և դուք այլևս այս աշխարհին չեք պատկանում։ Հիշեցե՛ք այն խոսքը, որ ասացի ձեզ, թե՝ «Ծառան իր տիրոջից ավելի մեծ չէ»։ Եթե ինձ հալածեցին, ապա ձեզ էլ կհալածեն. եթե իմ խոսքերը գործադրեցին, ապա ձերն էլ կգործադրեն։ Բայց այս բոլորը ձեզ պիտի անեն իմ անվան պատճառով, որովհետև չեն ճանաչում նրան, ով ինձ ուղարկեց։ Եթե ես աշխարհ եկած և նրանց հետ խոսած չլինեի, նրանք մեղք չէին ունենա, բայց հիմա իրենց մեղքի համար որևէ արդարացում չունեն։ Ով որ ատում է ինձ, ատած կլինի իմ Հորը։ Եթե ես նրանց մեջ կատարած չլինեի այնպիսի գործեր, որ ուրիշ ոչ ոք չի արել, նրանք մեղք չէին ունենա։ Սակայն ահա նրանք տեսան իմ գործերը և ատեցին թե՛ ինձ, թե՛ իմ Հորը։ Եվ այդ նրա համար, որ կատարվի նրանց Օրենքում գրվածը, որ ասում է. «Ինձ ատեցին առանց որևէ պատճառի»։
(Հովհաննեսի ավետարան 15:17-25)

Ռուբեն աբեղա Զարգարյան

Ամերիկյան Forbes ամսագիրը հրապարակել է աշխարհի ամենաազդեցիկ կանանց վարկանիշը։ Աղյուսակում նորեկ է RT հեռուստաալիքի և «Россия сегодня» լրատվական  գործակալության գլխավոր խմբագիր Մարգարիտա Սիմոնյանը. նա հայտնվել է 52-րդ հորիզոնականում, փոխանցում է РБК-ն։

«Դեռևս անցյալ տարի մարդկանց մեծ մասը պատկերացում չուներ, թե ով է Մարգարիտա Սիմոնյանը։ Իսկ հիմա նրան քննարկում են տեխնոլոգիական, մեդիա և քաղաքական շրջանակներում, հիմնական ուշադրությունը դարձնում են RT հեռուստատեսական ցանցի բացասական ազդեցությանը», — գրում է պարբերականը:

Ամսագիրում նշվում է, որ ամերկյան հատուկ ծառայությունների հունվարյան զեկույցի համաձայն՝ Սիմոնյանի ղեկավարած հեռուստաալիքը փորձել է սասանել «ԱՄՆ-ում ազատական ժողովրդավարական կարգը»։

Ձեզ թելադրում եմ հետևյալը. — Առաջնորդվեցե՛ք Սուրբ Հոգով, փոխանակ ձեր մարդկային ցանկությունները կատարելու, որովհետև մարդկային բնությունը Սուրբ Հոգու ցանկացածի հակառակն է ցանկանում, իսկ Սուրբ Հոգին՝ մարդկային բնության ցանկացածի հակառակը։ Սրանք միմյանց հակառակ են, և այդ է պատճառը, որ դուք չեք կարող ձեր ուզածը կատարել։ Արդ, եթե դուք առաջնորդվեք Սուրբ Հոգով, նշանակում է՝ այլևս ենթակա չեք Օրենքին։ Մարդկային գործերը հայտնի են, ինչպես՝ շնություն, պոռնկություն, անբարոյություն, կռապաշտություն, կախարդություն, թշնամություն, կռիվ, նախանձ, բարկություն, հակառակություն, երկպառակություն, բաժանումներ, չարակամություն, սպանություն, հարբեցողություն, անառակություն ու սրանց նման ուրիշ բաներ։ Եվ ես նախազգուշացնում եմ ձեզ, ինչպես նախապես էլ արել եմ, որ այսպիսի բաներ անողները չեն ժառանգելու Աստծու արքայությունը։ Իսկ Սուրբ Հոգու արդյունքներն են՝ սեր, ուրախություն, խաղաղություն, համբերատարություն, ազնվություն, բարություն, հավատարմություն, հեզություն, ժուժկալություն։ Այսպիսի բաների դեմ որևէ օրենք չկա։ Նրանք, ովքեր Քրիստոսին են պատկանում, խաչի վրա մահացրին իրենց մարդկային կրքերն ու ցանկությունները։ Արդ, քանի որ այս նոր կյանքը Սուրբ Հոգով ենք ապրում, Սուրբ Հոգով էլ առաջնորդվենք։ Չլինենք սնապարծ, չգրգռենք իրար, չնախանձենք միմյանց։
(Պողոս առաքյալի նամակը գաղատացիներին 5:16-26)

Ռուբեն աբեղա Զարգարյան

Պաշտպանության նախկին նախարար Սեյրան Օհանյանի կինը՝ Ռուզաննա Խաչատրյանը, ֆեյսբուքյան իր էջի միջոցով շարունակում է «հեռահար հարվածներ» հասցնել Պաշտպանության ներկայիս նախարար Վիգեն Սարգսյանին, թեև գրառումներում Խաչատրյանը Սարգսյանի անունը չի նշում, միայն ակնարկում է նրա մասին: Այսպիսով ներկայացնում ենք տիկնոջ ամենաթարմ գրառումը.

«ԱՍՈՒՅԹՆԵՐ

իր գրասենյակի մատույցները անառիկ պահած և գրիչի սխալ օգտագործումից, թանաքի հետադարձ հարվածից գանգուղեղային ծանր վնասվածք ստացած պաշտոնյային

• …Լինում են խրամատային ճշմարտություններ, և «կաբինետային կլյաուզաներ»…
• …Զորավարը զորահանդես է բեմադրում, գրասենյակային գործիչը՝ մի դերասանի «թատրոն»…
• …Գրասենյակում ծառայածի համար հայրենիքի սահմանը իր գրասենյակի դուռն է…
• …Խրամատ պահողը ծանր վնասվածքից ապաքինվեց, «կաբինետչիկը» ֆեյսբուքյան գրառումից վախճանվեց…
• …Պատերազմի խրամատով անցած սպան չի’ դավաճանի իր ժողովրդին և Հայրենիքը…

Հ.Գ.

Իմ նախկին հիվանդին (այժմյան պաշտոնյա).

• — Գարշահոտ բերանը բուժվում է, գարշահոտ հոգին՝ ԵՐԲԵ’Ք…»,- գրել է Ռուզաննա Խաչատրյանը:

Այս աշխարհի «աստվածը» համարված Սատանան կուրացրել է անհավատների միտքը, որպեսզի չլինի թե Ավետարանի բերած լույսը ծագի նրանց մեջ, այսինքն՝ տեսնեն փառքը Քրիստոսի, որ պատկերն է անտեսանելի Աստծու։ Սակայն մենք մեզ չէ, որ քարոզում ենք, այլ քարոզում ենք Տիրոջը՝ Հիսուս Քրիստոսին, և մենք ձեր ծառաներն ենք դարձել ի սեր Հիսուսի, որովհետև Աստված, որ ասաց, թե՝ «Խավարի մեջ թող լույս ծագի», հենց ինքը ծագեց մեր սրտերում, որպեսզի լուսավորվենք և Աստծու փառքը ճանաչենք Հիսուս Քրիստոսի անձի մեջ։

Հելոուինը մահվան տոն է՝ վախի ու սարսափի, քրիստոնեությունը՝ կյանքի եւ վախերից ազատագրման դպրոց: Հեռու պահենք մեզ Աստծուն գարշելի բաներից: Ճիվաղային խեղկատակությունները քրիստոնեության հետ երբեւիցե կապ չեն ունեցել եւ չունեն: Արթուն լինենք, տեղ չտանք սատանային մեր կյանքում: Նման գարշանքներին խառնակվելը անպատիժ չի մնում: Բարեկամներ, խելամիտ լինենք:

Տոնի սարսափազդու հռչակն այնքան մեծ թափով աճեց, որ Եվրոպայում «ծնված» լինելով հանդերձ այն Եվրոպա վերադարձավ որպես ամերիկյան տոն: Ավելին, այն որպես իրենց գլխավոր տոներից մեկը հռչակեցին չարի հետ գործարքի մեջ մտած մարդիկ. կախարդները, վհուկները, գուշակներն ու նեոհեթանոսները նոյեմբերի 1-ը համարում են տարվա մեջ իրենց 4 կարևոր տոներից մեկը, իսկ սատանիստները այդ գիշեր կատարում են «սև ծիսակարգ»` մարդկային զոհաբերումներ ու երկրպագություն սատանային:

Մաքսիմ Ոսկանյան

henaran.am