Մի՛ վախեցիր մեր Տիրոջ համար վկայություն տալուց… որ փրկեց մեզ և հրավիրեց մեզ իր սուրբ ժողովուրդը լինելու ոչ թե մեր արժանիքների համար, այլ համաձայն իր ծրագրի և այն շնորհի, որ մեզ էր տվել Հիսուս Քրիստոսի միջոցով՝ հավիտենական ժամանակներից իսկ առաջ: Այդ շնորհն այժմ հայտնվեց մեզ մեր փրկչի՝ Հիսուս Քրիստոսի երևումով, որ խափանեց մահվան իշխանությունը և իր տված ավետիսով հայտնեց կյանքն անմահական:
(Պողոս առաքյալի երկրորդ նամակը Տիմոթեոսին 1:8-10)

Ռուբեն աբեղա Զարգարյան

Կառավարությունը hավանության տվեց «Ճանապարհային երթևեկության անվտանգության ապահովման մասին» և հարակից մի շարք այլ օրենքներում փոփոխություններ և լրացումներ կատարելու մասին ՀՀ օրենքների նախագծերի փաթեթին:

«Արմենպրես»-ի փոխանցմամբ՝ ՀՀ ոստիկանապետի տեղակալ Վարդան Եղիազարյանը նշեց, որ օրինագծերի ընդունման անհրաժեշտությունը պայմանավորված է ճանապարհային երթևեկության անվտանգության ապահովման բնագավառում առկա իրավական, ինչպես նաև՝ օրենքների գործնական կիրառման ընթացքում ի հայտ եկած մի շարք խնդիրներին լուծում տալու նպատակով:

Գործող օրենքներում համապատասխան փոփոխություններ և լրացումներ կատարելու միջոցով նախատեսվում է, մասնավորապես, առավել հստակ սահմանել տրանսպորտային միջոցի գրանցումը մերժելու հիմքերը, տեխնիկական զննություն չանցած, առանց թույլտվության վերասարքավորված կամ անսարքություն ունեցող տրանսպորտային միջոցների շահագործումը, հստակեցնել ճանապարհատրանսպորտային պատահարի դեպքում վարորդների պարտականությունները, վերացնել ԱՊՊԱ գործընթացը կարգավորող օրենսդրության հետ առկա հակասությունները և այլն:

«Օրենքների նախագծերի ընդունմամբ կհստակեցվեն երթևեկության մասնակիցների պարտականությունները, կնվազեն ճանապարհատրանսպորտային պատահարների հետևանքով խցանումներ առաջանալու հնարավորությունները»,- ասաց նա:

Հաղորդավար Ժակը ֆեյսբուքյան իր էջում գրել է.

Մենք ապրում ենք այն ժամանակներում, երբ պետությունը լափում է նույնիսկ երեխային հասանելիք օրինական նպաստը : Ես էս հարցը այսպես չեմ թողնի (սկզբունքի ու արժանապատվության հարց է ) , չի՛ կարելի օրենքները միակողմանի կիրառել , չի՛ կարելի ընտանիքների անտեղյակությամբ , կոպեկներ գողանալ ու հետո էլ դեմոգրաֆիական խնդիրների ու տարկետման հարցերի առաջ կանգնել : Անապահովություն, խոցելիության , առհամարնքի զգացողությունը քաղաքացու համար ապահովում եք հենց բարուրից :

«Պետական աշխատող» գրեթե չեմ եղել , բայց ողջ կյանքս, որպես հանրային անձ , փորձել եմ լինել օրինակելի ու իր պետության համար օրինապահ քաղաքացի : Հարգելի Սոց . ապ ՆԱԽ , երբ որոշում եք կայացնում զրկել ընտանիքին երեխայի նպաստից ( ծննդյան միանվագ և խնամքի ամսական 18000դրամ)  բարի եղեք՝ դիմելու ժամկետները ուշացրած ընտանիքին, թղթի մի կտոր շպրտեք , որով նրանք կարող են կամավոր հրաժարվել այդ «խղճուկ» աջակցությունից :

Ճիշտ հասկացեք , իմ ընտանիքի պես շատ ընտանիքներ կան , որ իրենց արդար քրտինքով աշխատում են , լարված ու բազմազբաղ առօրյա ունեն և հաճախ գլուխ էլ չեն դնում նման հարցերի հետ ու սուս ու փուս քաբաբի ու լրբերի փող են ապահովում որոշ չինովնիկների ու նրանց շրջապատի համար :  Զիբիլի փողի , տան հարկի, տեխզնման թղթի , ճանապարհագիծը 2 սմ տրորելու համար թղթերը կմցնեք աչքներս , բա ինչու ՉեՔ տեղեկացնում քաղաքացուն , որ իրա ԵՐԵԽՈՒ ԳՈՒՄԱՐԸ պետք ա ուտեք , հը՞։

Զավակնե՛ր, իբրև Տիրոջ հետևորդներ, ձեր պարտականությունն է հնազանդվել ձեր ծնողներին, որովհետև ա՛յդ է ճիշտը: «Պատվի՛ր քո հորն ու մորը». սա առաջին պատվիրանն է, որ իրեն կապված մի խոստում ունի. «որպեսզի միշտ բարիք գտնես, և կյանքդ երկար լինի երկրի վրա»:
Իսկ դուք, հայրե՛ր, մի՛ զայրացրեք ձեր զավակներին, այլ մեծացրեք նրանց քրիստոնեական դաստիարակությամբ և կրթությամբ:
(Պողոս առաքյալի նամակը եփեսացիներին 6:1-4)

Ռուբեն աբեղա Զարգարյան

«Մեծ սաղավարտի» 23-ակի չեմպիոնուհի, ամերիկացի Սերենա Ուիլյամսի և ազգությամբ հայ Ալեքսիս Օհանյանի հարսանեկան արարողությունը կկայանա նոյեմբերի 16-ին Նոր Օրլեանում:

Այս մասին, armsport.am-ի տեղեկացմամբ, հայտնում է «Mirror»-ը:

36-ամյա մարզուհին, հիշեցնենք, 11 շաբաթ առաջ է լույս աշխարհ բերել իրենց դստերը` Ալեքսիս Օլիմպիային:

Արարողությունը փակ կլինի, և աստղային հյուրերը` ներառյալ Jaz Z-ն, Բեյոնսեն և Քրիս Ջեները, դրա անցկացման կոնկրետ վայրը կիմանան միայն վաղն առավոտյան:

Շշուկների համաձայն, արարողության համար ավելի քան 1 մլն դոլար է ծախսվել: Հյուրերի թվում կլինեն նաև Արքայազն Հարին և նրա ընկերուհին` դերասանուհի Մեգան Մարքլը:

Աղբյուր` Փաստինֆո

Թելադրի՛ր ոչ ոքի չանարգել, մարդու հետ չկռվել, այլ լինել փափկանկատ և կատարյալ ազնվություն ցուցաբերել բոլոր մարդկանց հանդեպ, որովհետև մի ժամանակ մենք էլ էինք անմիտ, Աստծուն անհնազանդ ու մոլորված: Մենք էլ էինք ամեն տեսակ ցանկությունների և անառակ հաճույքների գերին՝ ապրում էինք չարությամբ ու նախանձով, մենք էլ էինք ատելի ուրիշներին և ատում էինք միմյանց:
Բայց հետո Աստված՝ մեր Փրկիչը, իր քաղցրությունն ու մարդասիրությունը հայտնեց և փրկեց մեզ ոչ թե մեր կատարած արդար գործերի համար, այլ պարզապես իր ողորմած լինելու համար: Նոր ծնունդ տվեց մեզ մկրտությամբ և Սուրբ Հոգու միջոցով վերանորոգեց մեզ: Աստված մեր Փրկչի՝ Հիսուս Քրիստոսի միջոցով Սուրբ Հոգին առատորեն թափեց մեզ վրա, որպեսզի Քրիստոսի շնորհով արդարացած՝ ժառանգենք հավիտենական կյանքը, որի հույսն ունենք:
Ինչ որ ասում եմ, ստույգ է, և ուզում եմ, որ շեշտը դնես այս կետերի վրա, որպեսզի Աստծուն հավատացողները հետամուտ լինեն բարի գործերի, որովհետև ա՛յդ է բարին և օգտակարը մարդկանց համար:
(Պողոս առաքյալի նամակը Տիտոսին 3:2-8)

Ռուբեն աբեղա Զարգարյան

Սարերի ետևում չէ նոր՝ 2018 թվականը, որի տիրուհին՝ ըստ Չինական օրացույցի՝ կդառնա խաղաղասեր և ընկերասեր Դեղին հողային շունը: Եկող տարին կհամապատասխանի տարվա տիրուհու բնավորությանը, դրա համար էլ հաջողությունը բոլոր նշանների համար երաշխավորված է:

2018թ. Չինական հորոսկոպ

1. Շների համար տարին կլինի հաջող յուրաքանչյուր գործում: Դուք որոշել եք փոխել Ձեր իմի՞ջը, փոխել մասնագիտությո՞ւնը, գրանցել հարաբերություննե՞ր: Առաջ: Բարձրագույն ուժերը կօգնեն Ձեզ յուրաքանչյուր դեպքում:

2. Առնետները պետք է շատ աշխատեն: Այս տարին բարդ կլինի, բայց Դուք բավարարված կլինեք աշխատանքի արդյունքով և կզգաք լիակատար երջանկություն: 2018թ. տիրուհին կօգնի մարդկանց, ովքեր ծնվել են Առնետի նշանի տակ: Գլխավորը՝ մի ծուլացեք:

3. Ցուլի համար 2018 թվականն անակնկալ է պատրաստել՝ դրամական շահույթի և կարիերայի աճի տեսքով: Նոյեմբերին միայնակ Ցուլերը կգտնեն սիրելիի սրտի բանալին և նրա հետ կկազմեն ամուր ընտանիք:

4. Վագրերի համար եկող տարին կնպաստի պոտենցիալի իրականացմանը և տաղանդների բացահայտմանը: Շունը կօգնի Ձեզ. մի վախեցեք փորձել ինչ-որ նոր բան կամ զարմանալի երևալ, գնացեք դեպի Ձեր երազանքը:

5. Ճագարը (կատուն) ամբողջ տարին կաշխատի հաղթանակ տանել յուրաքանչյուր գործում, լինել առաջինն ամեն ինչում: Գլխավորն այն է, որ չափից շատ ջանքեր գործադրեք և այդ ժամանակ անպայման կպարգևատրվեք:

6. Շան տարում Վիշապները ձեռք կբերեն նոր ընկերներ: Մարդկանց, ովքեր ծնվել են այդ նշանի տակ, օգտակար խորհուրդներ կհարցնեն:

7. Օձի նշանի տակ ծնված մարդկանց համար տարին կդառնա անսովոր: Դուք կարող եք բացահայտել Ձեր անհատականության նոր եզրեր, մշակել Ձեր զարգացմանը խանգարող բարոյական ասպեկտները և դառնալ ավելի իմաստուն և համբերատար:

8. Ձիերին սպասվում է հանգիստ և հաճելի տարի: Միակ պրոբլեմը կարող է դառնալ առողջությունը: Դրա հետ չի կարելի կատակ անել: Ձեզ համար այդ հարցը պետք է լինի առաջին տեղում:

9. Սպասվող փուլն Այծի համար հաջող կանցնի: Նոր տարում Դուք կդառնաք ավելի ինքնավստահ, ամբողջությամբ Ձեր կենթարկեք Ձեր էմոցիաները: Տարվա կեսին մի քանի անսովոր հանդիպումներ կունենաք:

10. Կապիկները չեն կարողանում նստել իրենց տեղում, նրանք փոփոխություններ և արկածներ են ուզում: Բայց ճակատագիրը Ձեզ համար այլ պլաններ ունի: Տարին խոստանում է անցնել «Սովորել, սովորել և նորից սովորել» կարգախոսի տակ:

11. Աքլորների համար վերին ուժերն անսպասելի նվեր են պատրաստել, որն ամբողջովին կփոխի Ձեր կյանքը: Դուք կստանաք մեծ հնարավորություններ, այնպես որ, բաց մի թողեք Ձեր շանսը:

12. Շան տարում Վարազներին (Խոզերին) անընդհատ կդիմեն օգնության և խորհուրդի համար: Երբեմն կհոգնեք դրանից, բայց Շունը խորհուրդ է տալիս տիրապետել Ձեզ, իսկ ավելի լավ է՝ կազմակերպել լիարժեք հանգիստ:

Jamnews միջազգային պարբերականը հարցում է անցկացրել Բաքվի  բնակիչների շրջանում և պարզել, թե  ի՞նչ  հայկական բան կա որ սիրում են,   հավանում:

Հարցմանն ի պատասխան՝ բաքվեցիներն առանց երկարուբարակ մտածելու՝ խոստովանել են, որ սիրում են հայկական նուգան, Կարեն Շահնազարովի ֆիլմերը, «Եվրատեսիլի» հայաստանյան մասնակիցների երգերը, Շառլ Ազնավուրին և միջազգային համաժողովներում հայ աղջիկներին և երիտասարդներին:

Ով հավատում է, թե Հիսուսն Աստծու Օծյալն է, նա Աստծուց է ծնված, իսկ ով սիրում է ծնունդ տվողին, սիրում է նաև նրանից ծնվածին: Ուստի, եթե սիրում ենք Աստծուն և կատարում նրա պատվիրանները, նշանակում է, որ սիրում ենք նաև Աստծու զավակներին: Արդարև, Աստծու հանդեպ մեր սերն արտահայտում ենք նրա պատվիրանները գործադրելով: Իսկ նրա պատվիրանները գործադրելը դժվար չէ, որովհետև ով որ Աստծուց է ծնված, հաղթում է աշխարհին: Եվ աշխարհի վրա հաղթանակ տանողը մեր հավատն է: Արդ, ո՞վ է հաղթում աշխարհին, եթե ոչ նա, ով հավատում է, որ Հիսուսն է Աստծու Որդին:
(Հովհաննես առաքյալի առաջին նամակը 5:1-5)

Ռուբեն աբեղա զարգարյան

YouTube-ի ներկայացուցիչները հայտարարել են, որ այսուհետ վերահսկելու են կայքում հայտնվել ցանկացող յուրաքանչյուր տեսանյութ:

Ընկերությունը հանդես է եկել հետևյալ հայտարարությամբ. Youtube-ը կարգելափակի ոչ պատշաճ տեսանյութերը. «Մենք գտնվում են YouTube-ում տարիքային սահմանափակման քաղաքականության ընդունման գործընթացում, բնականաբար նման տեսանյութերը ավտոմատ դուրս կﬓան YouTube Kids-ում հայտնվելու հնարավորությունից»:

Ըստ հայտարարության՝ այսուհետ YouTube-ում հայտնված յուրաքանչյուր տեսանյութ կդրվի քննարկման: Եթե դրա պարունակությունը նախատեսված է 18 տարեկանից բարձր անձանց համար, ապա այն կստանա հատուկ դրոշակ: Դրոշակ ունեցող տեսանյութերը դուրս կﬓան նոր՝ Kids հավելվածից:

Վերահսկման երկրորդ փուլում դրոշակով տեսանյութերը կդիտեն հատուկ մասնագետներ և կորոշեն դրանց պատշաճության մակարդակը: Բացի այդ, համաձայն նոր ընդունված քաղաքականության՝ դրոշակով տեսանյութերը հնարավորություն կունենան դիտելու ﬕայն օգտատերերը, որոնք գրանցված են 18 տարեկանից բարձր անձնավորության տվյալներով:

Ավելի մանրամասն՝ money.cnn.com