Ռուս օլիգարխները՝ նրանք, ովքեր Ռուսաստանի քաղաքական դաշտում ազդեցություն ունեցող մեծահարուստ են, շատ հաճախ առանձնանում են իրենց ճոխ ու թանկ գնումներով: Ստորև ներկայացնում ենք դրանցից 7-ը.

1 Դմիտրի Ռիբալովլև, 2 հունական կղզի / Միլիարդատեր Դմիտրի Ռիբոլովլևի կարողությունը գնահատվում է շուրջ 8 մլրդ ԱՄՆ դոլար: Նա հայտնի է որպես «Մոնակո» ֆուտբոլային ակումբի սեփականատեր: 2013 թվականին Ռիբոլովլևը գնել է 2 հունական կղզի: Գործարքի արժեքը, ըստ տարբեր գնահատականների, կազմել է 100-150 մլն ԱՄՆ դոլար: Հարկ է նշել, որ այս կղզիները գնելու ցանկություն են ունեցել նաև այնպիսի հայտնի մարդիկ, ինչպիսիք են Բիլ Գեյթսն ու Մադոննան:
2 Անդրեյ Մելնիչենկո, մեգա զբոսանավ / Ռուս միլիարդատեր և գործարար Անդրեյ Մելնիչենկոյի կարողությունը գնահատվում է շուրջ 10 մլրդ ԱՄՆ դոլար: Նա հանդիսանում է աշխարհի ամենաշքեղ և ամենաթանկ մեգա զբոսանավի սեփականատերը: Զբոսանավի երկարությունը 142 մետր է, իսկ արժեքը՝ շուրջ 404 մլն ԱՄՆ դոլար:
3 Միխայիլ Պրոխորով, բասկետբոլային ակումբ / 2010 թվականին Միխայիլ Պրոխորովը, ում կարողությունը գնահատվում է շուրջ 7.6 մլրդ ԱՄՆ դոլար, ձեռք է բերել ԱՄՆ-ի Բասկետբոլի ազգային ասոցիացիայի (NBA) «Նյու Ջերսի Նեթս» ակումբի բաժնետոմսերի 80%-ը: Այսօր ակումբի արժեքը գնահատվում է շուրջ 1.5 մլրդ ԱՄՆ դոլար:
4 Վիկտոր Վեկսելբերգ, Ֆաբերժեի ձվեր / Վիկտոր Վեկսելբերգը, ում կարողությունը գնահատվում է 10.5 մլրդ ԱՄՆ դոլար, 2004 թվականին գնել է Կարլ Ֆաբերժեի հավաքածուն, որը Sotheby’s տունը պատրաստվում էր ներկայացնել աճուրդի: Ըստ տարբեր գնահատականների հավաքածուի համար ռուս միլիարդատերը վճարել է 100-150 մլն ԱՄՆ դոլար
5 Վիկտոր Խարիտոնին, վազքուղի / 2015 թվականին Վիկտոր Խարիտոնինը, ում կարողությունը գնահատվում է մոտ 1.7 մլրդ ԱՄՆ դոլար, գնել է գերմանական վազքուղի: Գործարքի արժեքը գնահատվում է 77 մլն եվրո:
6 Ռոման Աբրամովիչ, ֆուտբոլային ակումբ / 2003 թվականին Ռոման Աբրամովիչը, ում կարողությունը գնահատվում է 7.6 մլրդ ԱՄՆ դոլար, գնել էր լոնդոնյան «Չելսի» ֆուտբոլային ակումբը: Այս գործարքը համարվում է ամենահայտնին՝ ռուս մեծահարուստների կողմից Եվրոպայում կատարած գնումների շարքում:
7 Ռոման Աբրամովիչ, նկար / 2012 թվականին Ռոման Աբրամովիչը 120 մլն ԱՄՆ դոլարով գնել էր Էդվարդ Մունկի «Ճիչ» նկարը:

Հիսուս ասում է.
-Ո՞վ է հավատարիմ և իմաստուն տնտեսը: Նա է, որին իր տերը վերակացու է կարգում իր ծառաների վրա, որպեսզի ճիշտ ժամանակին նրանց կերակուրի բաժինը տա: Երանի~ այն ծառային, որի տերը երբ գա, նրան կգտնի իր պաշտոնը լավ կատարած: Հաստատապես ասում եմ ձեզ, տերն այդ ծառային վերակացու պիտի կարգի իր ամբողջ ունեցվածքի վրա: Սակայն եթե ծառան ինքն իրեն ասի՝ «Իմ տերը ուշանում է գալ» և սկսի ծեծել մյուս ծառաներին և աղախիններին, ուտել, խմել և հարբել, հանկարծ նրա չակնկալած ժամանակ և չսպասված ժամին տերը կգա, խստությամբ կպատժի նրան և կդասի անհավատների շարքը:
Այն ծառան, որ գիտի իր տիրոջ կամքը, բայց չի պատրաստի կամ չի կատարի նրա ուզածը, շատ պատիժ կստանա: Իսկ այն ծառան, որ չգիտի իր տիրոջ պահանջածը և պատժի արժանի բաներ է անում, նվազ պատիժ պիտի ստանա: Նրան, ում շատ է տրված, նրանից շատ պիտի պահանջվի, իսկ ում շատ ավելի է տրված, նրանից պիտի պահանջվի առավել ևս շատ:
(Ղուկասի ավետարան 12:42-48)

Ռուբեն աբեղա Զարգարյան

Բնակչության պարտադիր բժշկական ապահովագրությունը Հայաստանում լավագույն դեպքում կներդրվի 2019 թվականի վերջից: Ապահովագրավճար կսահմանվի կամ բացարձակ թիվ, կամ աշխատավարձի առավելագույնը 2 տոկոսը: Այս մասին ասաց ՀՀ առողջապահության նախարար Լևոն Ալթունյանը:

«2018 թվականի 612 000 սոցիալապես անապահով անձանց ապահովագրության ծրագրի անթերի աշխատանքից հետո միայն կներդրվի բնակչության պարտադիր բժշկական ապահովագրությունը: Պարտադիր բժշական ապահովագրության համար կա երկու բանաձև, երբ ողջ ապահովագրավճարը՝ ամսական 6000 դրամը վճարում է քաղաքացին, կամ, երբ 50 տոկոսը վճարում է քաղաքացին, 50 տոկոսը՝ գործատուն»,-ասաց նախարարն ու հավելեց՝ փորձը ցույց է տվել, որ քաղաքացին պետք է վճարի, քանի որ այդ դեպքում իր առողջության նկատմամբ պատասխանատվությունը մեծանում է:

Ալթունյանի կարծիքով՝ նախանշված ամսական գանձվող 6000 դրամն աննախադեպ ցածր գումար է ողջ աշխարհի համար, այդ թվում՝ հետսովետական երկրների: Չեխիայում, որտեղ առողջապահությունը կաճ ժամկետում մեծ հաջողությունների է հասել, ապահովագրավճարը կազմում է աշխատավարձի մոտ 15 տոկոսը: Հայաստանում աշխատավարձերն ավելի ցածր են, հետևաբար շատ ավելի ցածր կլինի ապահովագրավճարը:

«Մենք մոդելավորել ենք բոլոր իրավիճակները: Նույնիսկ բժշկի չդիմելու դեպքում ամսական ապահովագրավճարի մոտ 3000 դրամը վերադառնալու է ընտանիքին սքրինինգային հետազոտությունների շնորհիվ: Մենք գանձում ենք այդ գումարը, որպեսզի ծախսենք մարդկանց առողջության վրա, երկարացնենք առողջ կյանքի տևողությունը»,-եզրափակեց նախարարը:

Մոտ ապագայում հնարավոր է՝ նոր սեքսուալ կողմնորոշում հայտնվի՝ թվային սեքսուալություն, հայտարարում են Կանադայում Մանտիոբայի համալսարանի էթիկայի մասնագետները: Նրանք հոգեթերապևտներին զգուշացնում են հաճախորդների ապագա հոսքի մասին, ովքեր կտառապեն սեքս-ռոբոտների նկատմամբ և վիրտուալ իրականության մեջ հարաբերությունների հակումով: Ուսումնասիրությունը հրապարակվել է Journal of Sexual and Relationship Therapy-ում:

Աշխատանքի հեղինակները բացատրում են, որ թվային սեքսուալները մարդիկ են, որոնց սեռական հակումը կապված է վիրտուալ աշխարհի հետ: Ժամանակակից աշխարհում այդ կրքի բավարարման համար գնալով ավելի նոր հնարավորություններ են հայտնվում՝ եռաչափ վիդեո, որոշ համակարգչային խաղեր, ռոբոտացված սեքս-տիկնիկներ և այլն:

«Սեքս-ռոբոտները ճանապարհին են: Մարդիկ սերտ կապեր կհաստատեն իրենց ռոբոտ-զուգընկերների հետ: Դրանք պատվերով կպատրաստվեն՝ մարդկանց յուրաքանչյուր ցանկություն բավարարելու համար»,- հայտնում են գիտնականները:

Արդ, գոհություն Աստծու, որ մասնակից է դարձնում մեզ Հիսուս Քրիստոսի հաղթական երթին և մեր միջոցով իր գիտության բույրն է տարածում ամենուրեք: Փրկության ճանապարհին գտնվողների մեջ ապրենք, թե կորստի ճանապարհին գտնվողների մեջ, մեր կյանքը Քրիստոսի ձեռքով Աստծուն ընծայված անուշահոտ խնկի նման տարածում է իր բույրը: Կորստի ճանապարհին գտնվողների համար մահաբույր և մահաբեր է թվում մեր կյանքը, բայց փրկության ճանապարրհին գտնվողների համար կյանքի բուրմունք է, որ տանում է դեպի կյանք: Սակայն ո՞վ կարող է ապրել այսպիսի մի կյանք: Անշուշտ ոչ նրանք, ովքեր վաճառքի են հանում Աստծու խոսքը, այլ մենք, որ անկեղծորեն ենք խոսում Աստծու առաջ՝ որպես Քրիստոսին միացած Աստծու պատգամավորներ:
(Պողոս առաքյալի երկրորդ նամակը Կորնթացիներին 2:14-17)

Ռուբեն աբեղա Զարգարյան

ԱՄՆ- ի Մասաչուսեթսի տեխնոլոգիական ինստիտուտի ինժեներների եւ ճարտարապետների խումբը հաղթել Է 2017 թվականի Mars City Design մրցույթում՝ ստեղծելով կացարանի նախատիպ՝ նախատեսված Մարսի ապագա բնակեցման համար:

Մրցույթի հովանավորներն են ԱՄՆ-ի Օդագնացության եւ տիեզերական տարածության հետազոտման ազգային վարչությունը եւ Եվրոպայի տիեզերական գործակալությունը: Այդ մասին, ինչպես տեղեկացնում Է «Արմենպրես»-ը, հայտնել Է Space.com ինտերնետ-հրատարակությունը: Գմբեթի ձեւով կատարված մարսյան կացարանի նախագիծն ստացել Է Redwood Forest անվանումը: Յուրաքանչյուր գմբեթ մնացածների հետ կապված կլինի թունելների ճյուղավորված համակարգով՝ նման ծառերի արմատային համակարգին: Թունելները, որոնք պլանավորվում Է կառուցել Կարմիր մոլորակի մակերեւույթի տակ, պետք Է տանեն աշխատանքի եւ հանգստի համար նախատեսված սենյակներ, ինչպես նաեւ նորաբնակների փոխադրման միջոցների մոտ: «Արմատները» կենտրոնացված են այն կերպ, որ մարդկանց հուսալիորեն պաշտպանեն ճառագայթումից, ոչ մեծ երկնաքարերի հարվածի հետեւանքներից եւ ջերմաստիճանի Էքստրեմալ տատանումներից: Յուրաքանչյուր այդպիսի տուն նախատեսված Է առավելագույնը 50 մարդու համար: Նախագծի հեղինակներն առաջարկում են ապագայում կառուցել շուրջ 200 նման գմբեթներ՝ 10 հազար մարդ տեղավորելու համար, հաղորդել Է ՏԱՍՍ-ը:

Ինչպես մնացած բոլոր երեխաները՝ հրեաների երեխաները նույնպես շրջապատված են ուշադրությամբ և խնամքով։ Հրեա ծնողների սերը դեպի իրենց երեղաները անսահման է։ Իհարկե, դրա մեջ կարող ենք գտնել ինչպես դրական այնպես էլ  բացասական կողմեր, սակայն մենք չենք կարող վիճել այն փաստի հետ, որ երեխաները տարբեր իրավիճակներում կարող են այնպես կողմնորոշվել, որտեղ ոչ բոլոր հասուն մարդիկ կարող են ճիշտ լուծում գտնել։

Եվ, հաշվի առնելով, որ իրենց գենետիկան չափազանց բարդ եւ շփոթեցնող է, դժվար չէ հասկանալ, թե ինչն է միավորում խելացի հրեա երեխաներին․ ոչ ստանդարտ, ճկուն և ազատ մտածելու կարողությունը: Այս առանձնահատկությունը գալիս է մեծահասակների օրինակից, ծնողների դաստիարակությունից, և ահա  դաստիարակության 7 գաղտնիքներ, որոնց նրանք հավատարիմ են:

1․Չի կարելի երեխաների մոտ բարդույթներ առաջացնել․

Հրեա մայրը երբեք չի ասի իր երեխային «դու՜ վատն ես», դրա փոխարեն նա կասի՝ «ինչպես կարող էր քեզ նման լավ տղան այդպիսի չարություն անել»։

«Իմ երեխան չունի և չի կարող ունենալ թերություններ», սա հրեա մայրերի կողմնորոշումն է: Հնարավոր է նրանք տեսնեն այդ թերությունները, բայց ոչ ոք չի իմանա դրա մասին:

2․Խելամիտ ազատություն․

Ժամանակակից հրեական դաստիարակությունը համատեղում է երկու թվացյալ հակասական բաներ․ երեխայի ազատությունը և պարտականությունների խստությունը: Դա բնութագրելու համար, կա լավ մետաֆորա. Ազատ, մեծ սենյակ , բայց պինդ պատեր ունեցող:

Հրեական ընտանիքներում երեխաները կարող են քայլել ծնողների գլխի վրայով,և մայրիկի շրթներկով նկարել հայրիկի անձնագրի մեջ, ու դա  նախատինքի համար պատճառ չի հանդիսանա:Հրեա  ծնողների համար զավակների ազատությունը ոչ թե  հատուկ դաստիարակություն է, այլ օդ, որը չշնչել հնարավոր չէ:
Խիստ դաստիարակությունը սկսվում է այն ժամանակ, երբ երեխան խախտում է  թույլատրելիի սահմանը:Հրեական ընտանիքում պարզ է, որ մայրիկի օծանելիքը բակի կատուների վրա լցնելը խնդիր չէ, բայց տատիկի գլխին խփել չի կարելի։

3․Գովել երեխաներին ամեն առիթի դեպքում․

Մայրը միշտ գովում է իր երեխային, սկսած երեխայի ծնունդից: Հրեա մայրը հիանում է անգամ երեխայի ամենափոքրիկ  հաջողություններով, ձեռքբերումներով, թող դա լինի մի նոր վանկ կամ առաջին խզբրտոցը, որպես առաջին նկար: Դա միշտ հայտնի է դառնում բոլոր բարեկամներին և ծանոթներին, և ամենակարևորն այն է, որ երեխան պետք է տեսնի, որ նրան գովում են բոլորի ներկայությամբ: Եթե երեխայի ձեռքբերումները ավելի լուրջ են, ապա դա առանց ծափահարությունների և ամբողջ ընտանիքի գովասանքի չի կարելի թողնել:

4․Բարձր աստիճանի պատսխանատվություն իրենց արարքների հանդեպ․

Հրեաները հավատում են, որ նույնիսկ շպրտված ամենաանշան բառը և երեխայի առաջ՝ ծնողի կողմից կատարված փոքր սխալը,  կարող է անդառնալի հետևանքներ ունենալ, հետևաբար, իրենց օրինակով եւ պատասխանատու վարքով,  հրեա ծնողները օրինակ են ծառայում իրենց երեխաներին:

5․Ընտանիքում սերը և հարգանքը` երեխայի հոգեկան առողջության երաշխիքն են․

Հրեական ավանդույթն ասում է, որ  ցանկացած ընտանիքի հիմքը, դա ամուսինն ու կինն են — մայրն ու հայրը։ Հետեւաբար, երեխաները պետք է վաղ տարիքում սովոր են նրան, որ առաջին տեղում միշտ  մոր ուշադրությունն է իր հոր և հորը իր մոր հանդեպ։ Եթե ​​երեխան սովորի, որ իր ծնողներն, առաջին հերթին, ապրում են միմյանց համար, համոզվի, որ իրենց հարաբերությունները լի են հարգանքով, սիրով եւ խնամքով, ապա նա իրեն պաշտպանված կզգա: Բացի դրանից, ծնողների այս վարքը հիանալի օրինակ է երեխայի համար: Հենց նման հարաբերություններ նա կփորձի ստեղծել  իր սեփական ընտանիքում, երբ նա մեծանա:

6․Սովորել ծնող լինել․

Ծնողական դաստիարակությունը սկսվում է երեխայի ծննդից առաջ: Աղջիկը, ամուսնանալուց հետո,արդեն պատրաստ է մայր դառնալ , նրանց չեն  սովորեցնում «ապրել իրենց համար»,  նրա հիմնական կարիերան,  դա տունն ու ընտանիքն է: Եթե ​​ի սկզբանե ծնող լինելը դիտարկել որպես բեռ, սահմանափակություն, ապա  լավ երեխա մեծացնելը շատ դժվար կլինի:

7․Սովորեցնել երեխաներին ճիշտ կառավարել ժամանակը․

Հրեա երեխաները չգիտեն, թե ինչ է ծուլությունը և բակերում անիմաստ թափառելը․Փոխարենը՝ ջութակ, անգլերեն, մաթեմատիկա  և այդ բոլորը միանգամից և շատ:Փոքրուց երեխաները սովոր են, որ մշտապես ինչ որ բանով զբաղված լինելը, դա նորմալ է:

Ի՞նչ նմանություն կա Աստծու տաճարի և մեհյանների միջև: Արդարև, մե՛նք ենք կենդանի Աստծու տաճարը, ինչպես Աստված ինքն ասաց.
«Պիտի բնակվեմ նրանց մեջ և պիտի ապրեմ նրանց հետ:
Ես նրանց Աստվածը պիտի լինեմ, և նրանք՝ իմ ժողովուրդը»: 
Ահա թե ինչու Աստված հրահանգում է մեզ.
«Անջատ և հեռո՛ւ կացեք հեթանոսներից, մի՛ դիպչեք պիղծ բաներին, և ես կընդունեմ ձեզ: Ես հայր կլինեմ ձեզ համար, և դուք կլինեք իմ որդիներն ու դուստրերը»:
Սիրելինե՛ր, այս խոստումները եղել են մեզ համար: Ուստի հեռո՛ւ մնանք մարմնական և հոգեկան ամեն պղծությունից, մաքրենք մեզ կատարելապես՝ ապրելով Աստծու երկյուղով:
(Պողոս առաքյալի երկրորդ նամակը կորնթացիներին 6:16-7:1)

Ռուբեն աբեղա Զարգարյան

1987 թվականին Ամերիկայի Սննդի և դեղորայքի վարչությունն արգելեց օգտագործել գունավոր և հոտավետ զուգարանի թղթեր՝ այն բանից հետո, երբ կենդանիների վրա արված հետազոտությունների արդյունքում պարզվեց, որ կենդանիների մոտ բարձրացել է ուռուցքներ ձեռք բերելու ռիսկը: Չնայած այժմ տեխնոլոգիաներն առաջընթաց են ապրում, և շատ բաներ փոխվել են, այնուամենայնիվ, գունավոր և հոտավետ զուգարանի թղթերի վերաբերյալ մտահոգությունները դեռևս մնացել են:

Ի հավելումն` բոլոր քիմիական տարրերը` գույնը և տարբեր հոտերը, զուգարանի թուղթը վտանգավոր են դարձնում մարդկանց առողջության համար:

Գունավորված զուգարանի թղթերը կարող են միզուղիների ինֆեկցիաների առաջացման պատճառ դառնալ:

Արգանդի պարանոցի քաղցկեղ

Հաստատված է, որ գունավոր զուգարանի թղթերն ուղիղ կապված են կնոջ վերարտադրողական համակարգի հետ և կարող են բարձրացնել արգանդի վզիկի քաղցկեղի առաջացման ռիսկը:

Սնկային ինֆեկցիաներ

Սնկային ինֆեկցիաներ ունեցող կանանց մեծ մասին գինեկոլոգները խորհուրդ են տալիս հրաժարվել գունավոր և հոտավետ զուգարանի թղթերից: Մասնագետները կապ են գտել ինֆեկցիաների և գունավորված զուգարանի թղթերի միջև:

Քչերը գիտեն, որ նույնիսկ անգույն զուգարանի թղթերը կարող են վնասակար լինել: Որոշ արտադրողներ զուգարանի թղթի բաղադրության մեջ քլոր են ավելացնում: Քլորն ազատ է արձակում վտանգավոր տոքսինները, որոնք կարող են մի քանի առողջական խնդիրների պատճառ դառնալ: Այնպես որ, ամեն անգամ զուգարանի թուղթ գնելիս՝ ուշադիր կարդացեք բաղադրիչները, որոնցից պատրաստված է զուգարանի թուղթը: Եթե տեսնում եք, որ բաղադրիչների մեջ քլոր կա, անհրաժեշտ է անմիջապես մի կողմ նետել այն:

Հիսուս ասում է.
-Ե՛ս եմ իսկական հովիվը: Իսկական հովիվն իր կյանքն է տալիս ոչխարների համար. մինչ վարձկանը, որ հովիվ չէ, և որին չեն պատկանում ոչխարները, երբ տեսնում է, որ գայլը գալիս է, լքում է ոչխարներին և փախչում՝ թողնելով, որ գայլը հափշտակի և ցրի ոչխարներին, որովհետև վարձկանը չի մտահոգվում ոչխարների վիճակով:
Ե՛ս եմ իսկական հովիվը: Ճանաչում եմ իմ ոչխարներին, և նրանք էլ ինձ են ճանաչում, ինչպես որ Հայրն է ճանաչում ինձ, և ես՝ Հորը: Տակավին ուրիշ ոչխարներ էլ ունեմ, որոնք այս փարախից դուրս են. Նրանց ևս պարտավոր եմ ներս բերել: Նրանք էլ պիտի լսեն ինձ և լինեն մեկ հոտ և մեկ հովիվ:
(Հովհաննեսի ավետարան 10:11-16)

Ռուբեն աբեղա Զարգարյան