Հիսուսը, շրջակա գյուղերը շրջելով, ուսուցանում էր։ Նա, իր մոտ կանչելով տասներկու աշակերտներին, սկսեց զույգ-զույգ ուղարկել նրանց՝ չար ոգիների վրա իշխանություն տալով, ու պատվիրեց.
-Ճանապարհի համար, բացի գավազանից, ձեզ հետ ոչ մի բան չվերցնեք. ո՛չ պարկ, ո՛չ հաց, ո՛չ էլ դրամ ձեր գոտիների մեջ, այլ հագեք հողաթափեր և ավելորդ հագուստ մի՛ վերցրեք։
Ապա ավելացրեց.
-Ո՛ր տունը որ մտնեք, և ձեզ ընդունեն, այնտե՛ղ իջևանեցեք, մինչև որ մեկնեք այնտեղից։ Իսկ երբ դուրս ելնեք որևէ տեղից, որի բնակիչները ձեզ չեն լսի ու չեն ընդունի, թա՛փ տվեք ձեր ոտքերի փոշին՝ իբրև վկայություն նրանց դեմ։

Արդ, նայեցե՛ք, որ Քրիստոսի Ավետարանին վայել ձևով ապրեք… Բնավ չվախենաք հակառակորդներից. այդ հակառակությունը նրանց կորստի և ձեր փրկության ապացույցն է: Եվ դա Աստծուց է, որովհետև Աստված ոչ միայն Քրիստոսին հավատալու շնորհ տվեց ձեզ, այլ նաև նրա համար չարչարվելու շնորհ, որպեսզի մղեք նույն պատերազմը, որ ես եմ մղում:
Արդ, եթե Քրիստոսին միացած լինելու մեջ մխիթարություն կա, եթե նրա սերն սփոփում է, եթե Սուրբ Հոգին մարդկանց հաղորդակից է անում միմյանց՝ իրար նկատմամբ գթասիրտ ու ողորմած դարձնելով, ապա կատարյալ արեք իմ ուրախությունը՝ միաբանվելով, միմյանց հանդեպ նույն սերն ունենալով և համերաշխ ու համախոհ ապրելով: Մի՛ արեք որևէ բան, որ հակառակասիրությունից կամ փառասիրությունից մղված լինի:
(Պողոս առաքյալի նամակը փիլիպպեցիներին 1:27-2:3)

Ռուբեն աբեղա Զարգարյան

«Ты супер! Танцы» միջազգային մրցույթի կիսաեզրափակիչ փուլում ելույթ ունեցան Գյումրիից Մոսկվա մեկնած Աստղիկն ու Դավիթը և ելույթից հետո բեմից հեռացան հիացական բացականչությունների ու բուռն ծափահարությունների ներքո։

Նախագծի կիսաեզրափակիչ փուլ անցնելու համար նրանք հնդկական պար էին բեմադրել։ Աստղիկը ներկայացել էր հարուստ հնդկուհու, իսկ Դավիթն` աղքատ տղայի կերպարով։

Նրանց ելույթից հետո կարծիք հայտնեցին ժյուրիի հեղինակավոր անդամները։

«Հարցն այն չէ, թե ինչպես փոխանցեցիք կոլորիտը, այլ այն, որ մենք հավատացինք, թե մեր դիմաց հայեր չեն… Բոլորովին նոր գույներ տեսանք»,- ասաց ժյուրիի անդամ, թատերական բեմադրությունների պարուսույց և ռեժիսոր Եգոր Դրուժինինը։

«Աննկարագրելի շունչ կար»,- կարճ ու կոնկրետ ասաց թատրոնի և կինոյի դերասանուհի Անաստասիա Զավորոտնյուկը և սեղմեց կանաչ կոճակը։

«Դուք իսկապես շատ աշխատասեր եք։ Երբ առաջին անգամ ելույթ ունեցաք, մտածեցինք` նրանց մեկ հնարավորություն էլ տանք, և դուք ցույց տվեցիք ժամանակակից խորեոգրաֆիա։ Ես նույնիսկ չգիտեմ, թե դեռ ինչեր կարելի է սպասել ձեզանից»,- հիացած ասաց բալետի պարուհի և Մեծ թատրոնի առաջատար մենապարուհի Քրիստինա Կրետովան։

«Դուք մեզ անչափ շատ դրական լիցքեր փոխանցեցիք, շնորհակալություն»,- ասաց պարուսույց Եվգենի Պապունաիշվիլին։

Նշենք, որ Աստղիկը դեռ դպրոց է հաճախում, քանի որ 7 տարեկանում է դպրոց ընդունվել, իսկ Դավիթը սկսել է դպրոց հաճախել վեց տարեկանից: Այս տարի նա ընդունվել է Գյումրու գեղարվեստական ակադեմիայի թատերական արվեստի բաժին: Մանկատուն է եկել առաջին դասարանում, իսկ Աստղիկը «Թռչունյան տուն» կրթահամալիր-մանկատանն է հայտնվել հինգ տարի առաջ:

«Ты супер! Танцы» միջազգային մրցույթը, որն անցկացնում են ՆՏՎ հեռուստաընկերությունը և Sputnik գործակալությունն ու ռադիոն, միավորել է Ռուսաստանի, ԱՊՀ-ի ու Բալթյան երկրների տարբեր անկյուններում բնակվող տաղանդավոր երեխաներին և նրանց նվիրական երազանքներն իրականացնելու հնարավորություն է տվել։

«Ты супер! Танцы» միջազգային մրցույթի պրեմիերան կայացել է սեպտեմբերի 2-ին։ Նախագծին մասնակցում են ավելի քան 140 պատանի պարող 10 երկրից։

https://www.youtube.com/watch?time_continue=45&v=-XO8O0eaUb8

armeniasputnik.am

Որովհետև այն ժամանակ տարօրինակ բաներ էին կատարվում: Մի կողմից խորհրդային հասարակ մարդու սխրանքն էր, որը շատ լավ էր: Մյուս կողմից` էլի խորհրդային ու էլի հասարակ մարդը, որ փորձում էր առևանգել օդանավն ու փախչել արտասահման: Եվ դա շատ վատ էր: Վատը չհիշեցնելու համար որոշել էին կոծկել ու լռել լավի մասին: Այդպիսով, իր կյանքին վտանգ հասցնելու գնով ողբերգությունը կասեցրած աղջկա մասին գրեթե ոչ մեկը չիմացավ: Իսկ դա ամենավատն էր:

Ինչպե՞ս զարգացան դեպքերը: Ինքնաթիռը թռիչքուղի դուրս եկավ, թափ հավաքեց և արագ վեր սլացավ: Ուղիղ ժամը 12-ն էր:

Բորտուղեկցորդուհի Դոլորես Ղազարյանն այդ ժամը շատ լավ է հիշում, որովհետև հաշվարկել էր` Երևանից մինչև Բերդ և հակառակ ուղղությամբ մեկ ժամից մի փոքր շատ ժամանակ է պետք: Եվս 40 րոպե էլ` ուղևորներին իջեցնելու համար, այսինքն` ընդհանուր առմամբ` երկու ժամ: Հետևաբար, նա որոշել էր, որ կինոյի երեկոյան ցուցադրությանը կկարողանա հասնել:

«Յակ-40»-ը թափ հավաքեց, բորտուղեկցորդուհին ընթերցեց պարտադիր տեղեկությունը, որը, որպես կանոն ոչ ոք չի լսում, և զբաղեցրեց իր սովորական տեղը: Մի փոքր անց օդաչուի սրահից դուրս եկավ բորտմեխանիկ Այվազյանը, նստեց նրա մոտ և սկսել լրացնել մատյանը: Երևանից մինչև Բերդի շրջկենտրոն սովորական չվերթ էր. նման չվերթեր օդանավի անձնակազմն իրականացրել էր հարյուրավոր անգամ:

Ուղևորները սկսեցին թերթ կարդալ, տարիքով ավելի մեծերը որոշեցին մի փոքր ննջել։ Օդանավի թևի տակ շուտով պիտի երևար Սևանը:

Թռիչքի տասներորդ րոպեն էր: Երբ երկրորդ շարքում նստած կինը բորտուղեկցորդուհուն նշան արեց` մատնացույց անելով դիմացը նստած ուղևորին: Դոլորեսը վեր կացավ տեղից, մոտեցավ կնոջը: Կինը կրկին ցույց տվեց առջևում նստածին: Դոլորեսը մի փոքր առաջ գնաց և հպվեց ուղևորի ուսին: «Ի՞նչ է ձեզ պատահել»: Նրան թվաց, թե մարդը դողէրոցքի մեջ է: Ընկղմվել էր նստարանի մեջ, հագին բարձր օձիքով վերարկու էր, դեմքն ամբողջությամբ ծածկած: Դոլորեսը կրկին թփթփացրեց նրա ուսին` համառորեն փորձելով պարզել` ինչ է պատահել: Եվ այդ ժամանակ տեղի ունեցավ անսպասելին:

Ուղևորը կտրուկ շրջվեց և բաց արեց վերարկուն, վերարկուի տակ պլաստմասե բալոններ էին:

«Օծանելի՞ք է», — մտածեց Դոլորեսը, բայց այդ պահին տեսավ, որ բալոններից մեկի վրա թել է ամրացրած, որի ծայրը փաթաթված է ուղևորի ցուցամատին:

Ուշադիր նայեց ուղևորի դեմքին և տեսավ, որ քրտինքի կաթիլներով է պատված: Աղջիկը վախեցավ:

— Անձնակազմին փոխանցիր, որ Թուրքիա մեկնի: Հաշվում եմ մինչև 300-ը, ասում եմ «301» և պայթեցնում:

Տղամարդը մի փոքր ձգեց նռնակի թելը: «Մեկ, երկու, երեք, հաշիվը գնաց…»: Դոլորեսը վերադարձավ իր տեղը: Ինքնաթիռի թևի տակ արդեն երևում էր Սևանը: «25, 26…» շարունակում էր հաշվել տղամարդը:

— Միշա, տղաներին հայտնել է պետք, — ասաց Դոլորեսը մեխանիկին:

Միշան վեր կացավ տեղից և շարժվեց դեպի խցիկը:

— Կանգնե’լ — հրամայեց ահաբեկիչը և նրա ոտքերի տակ թուղթ գցեց: — Փոխանցիր հրամանատարին, այնտեղ ամեն ինչ գրված է:

«47, 48…», — ավարտվում էր հատկացված 5 րոպեից առաջինը: «Յակ»-ի օդաչուական խցիկում երեք մարդ կար` օդանավի հրամանատար Սարգսյանը, երկրորդ օդաչու Եփրեմյանն ու հրահանգիչ-օդաչու Խաչատրյանը, որը ոչ միայն կոչումով էր ավագ, այլև տարիքով էր մեծ. հրահանգիչը 25 տարեկան էր:

— Ի՞նչ ենք անելու, հրամանատար, — մեխանիկը գրությունը փոխանցեց Սարգսյանին:

Նամակում գրված էին հետևյալ տողերը. «Ես Ե.Պ.-ն եմ Աշխաբադից, ինձ մոտ 4 կգ պերխլորատ-հիդրազին կա: Հաշվում եմ մինչև 300-ը և պայթեցնում ինքնաթիռը: Պահանջը եթեր փոխանցել»:

— Փոխանցիր` պահանջը կբավարարվի ուղևորների անվտանգության պայմանով: Ուղղություն ենք բռնում դեպի Թուրքիա: Վայրէջք կկատարենք Կարսում:

— Ի՞նչ երաշխիքներ կան — հարցրեց ահաբեկիչը բորտուղեկցորդուհուն:

— Տեղում կտեսնեք, չէ՞ որ պայթեցնել միշտ կհասցնեք:

Տղամարդն ասես մի փոքր հանդարտվեց, ոտքի կանգնեց, ժպտաց և անսպասելիորեն ոտքով հարվածեց բորտուղեկցորդուհու որովայնին:

— Բոլորը տեղերում մնան, — կանգնեցրեց Դոլորեսը տեղից կիսով չափ բարձրացած պապիկին, մինչև վայրէջք կատարելը տեղից վեր չկենալ:

— Անունդ ի՞նչ է, — հարցրեց ահաբեկիչը, — խմել ուզո՞ւմ ես, — շուրթերին մոտեցրեց սպիրտով լի շիշը:

— Ընդհանրապես չեմ խմում, բայց եթե պնդում ես… — Դոլորեսը մի փոքր կում արեց:

Նա որոշեց ստիպել ահաբեկչին վերջին նստարանին նստել. ինքնաթիռի պոչի հատվածում պայթյունն այդքան էլ վտանգավոր չէր լինի:

— Գնանք, խմելուց հետո պետք է մի բան ուտել, խորտիկներ ունեմ այնտեղ:

— Խմի’ր, — ահաբեկիչը կրկին մոտեցրեց շիշը:

Նրանք կողք կողքի նստեցին, ու կարող էր թվալ, թե աղջիկն ու տղան հանգիստ զրուցում են:

… Այդ ընթացքում երկիրը պատրաստվում էր դիմավորել «Յակ»-ին, ինքնաթիռն արդեն մոտ էր օդանավակայանին, ինչի մասին Դոլորեսը կռահեց շասիի բացվելուն բնորոշ ցնցումից: Ներքևում արդեն ծածկել էին կայանատեղիում սառած օդանավերը, մի կողմ էին քաշել բոլոր մեքենաները, իսկ ինքնաթիռն իջնում էր` մի թևից մյուսը երերալով, և դա թույլ չէր տալիս տեսնել, որ ներքևում` «Յակի» տակ, ոչ թե Կարսն էր, այլ Երևանի «Հարավային» օդանավակայանը:

— Օդանավը վայրէջք է կատարում Կարսում, — բոլորը տեղերում մնան մինչև շարժիչն ամբողջությամբ չանջատվի, — հայտարարեց Դոլորեսը: Եվ հայերեն ավելացրեց: — Կանգնելուն պես բոլորն անմիջապես վազեն դեպի ելքը:

— Ի՞նչ ասացիր նրանց: — անհանգստացավ ահաբեկիչը:

— Նույնը: Մեզ մոտ ընդունված է երկու լեզվով հայտարարել:

Ինքնաթիռը դիպավ գետնին, բայց արագությունը նվազեցնելու ժամանակ ոչ թե ուղիղ ընթացավ, այլ կտրուկ զիգզագաձև շարժումներով: Ուղևորները այսուայն կողմ ընկան, Դոլորեսն ընկավ ահաբեկչի վրա, որը չէր կարողանում ամուր կանգնած մնալ, և ամուր սեղմեց նռնակը բռնած նրա ձեռքը: Խցիկում էին արդեն հատուկ նշանակության մարտիները:

Դոլորես Ղազարյանի հետ ծանոթացա դեպքից երկու օր անց: Նստած էինք ավիաջոկատի հրամանատարի գրասենյակում, և նա պատմեց տեղի ունեցածի, ապրումների և իր մասին: Ծնվել էր Կրասնոդարում, ավարտել Լենինականի երաժշտական ուսումնարանը, բայց նախընտրել էր երկինքը:

«Ամուր բնավորություն ունի». նրա մասին խոսելի հակիրճ բնութագրեցին գործընկերներ Աղասիևն ու Բուրկովը: Իսկ հաջորդ առավոտյան օդանավը պատրաստվեց հերթական չվերթին: «Յակ-40»-ը պոկվեց գետնից ու երկինք բարձրացավ: Թռիչքն անցավ առանց միջադեպերի:

armeniasputnik.am

Եղբայրնե՛ր, ուզում ենք, որ գնահատեք և հարգեք նրանց, որոնք ձեզ համար են աշխատում և Տիրոջ կողմից ձեզ վրա առաջնորդ նշանակված լինելով՝ խրատում են ձեզ։ Արժանի ամեն հարգա՛նք մատուցեք նրանց և սիրեցե՛ք նրանց՝ իրենց կատարած գործի համար։ Խաղաղությա՛մբ ապրեցեք միմյանց հետ։
Խնդրում ենք, եղբայրնե՛ր, խրատեցե՛ք անկարգությամբ ապրողներին, հուսադրեցե՛ք վհատվածներին, պաշտպա՛ն եղեք տկարներին, համբերատա՛ր եղեք բոլորի հանդեպ։ Ուշադի՛ր եղեք, որ որևէ մեկը չարիք անողին չարիքով չհատուցի, այլ ջանացեք միշտ բարի՛ք անել, միմյանց լինի, թե բոլորին։
Միշտ ուրա՛խ եղեք, անդադար աղոթեցեք։ Ամեն բանի համար շնորհակա՛լ եղեք, որովհետև Աստված այդ է սպասում ձեզնից, որ միացած եք Հիսուս Քրիստոսին։
Սուրբ Հոգու կրակը մի՛ հանգցրեք ձեր մեջ։ Մի՛ արհամարհեք մարգարեական պատգամները։ Քննեցե՛ք ամեն բան, բարո՛ւն կառչեք։ Հեռո՛ւ մնացեք ամեն տեսակ չարիքներից։
Եվ Աստված ինքը, որ խաղաղություն է պարգևում, թող կատարելապես սրբի ձեզ, և ձեր ամբողջ էությունը՝ հոգի, շունչ և մարմին, անարատ պահի մինչև մեր Տիրոջ՝ Հիսուս Քրիստոսի գալստյան օրը։ Վստահեցե՛ք Աստծուն, որ այդ նպատակով հրավիրեց ձեզ և կկատարի իր խոստումը։
(Պողոս առաքյալի առաջին նամակը թեսաղոնիկեցիներին 5:12-24)

Ռուբեն աբեղա Զարգարյան

Հանրապետության տարածքում դեկտեմբերի 8-ի ցերեկը հյուսիսային շրջաններում սպասվում է թույլ ձյուն։ 9-13-ը սպասվում է առանց տեղումների եղանակ:

Ինչպես տեղեկացնում է Արտակարգ իրավիճակների նախարարության կայքը, քամին՝ հարավ-արևմտյան՝ 3-8 մ/վ, 8-ին առանձին շրջաններում սպասվում է քամու ուժգնացում՝ 15-20 մ/վ:

Օդի ջերմաստիճանը 9-10-ը` գիշերը, աստիճանաբար կնվազի 4-5, 12-ին և 13-ին կբարձրանա 2-3 աստիճանով:

Երևան քաղաքում դեկտեմբերի 8-ի ցերեկը քաղաքի առանձին հատվածներում հնարավոր է թույլ ձյուն, 9-13-ը սպասվում է առանց տեղումների եղանակ:

Երևան քաղաքի դեկտեմբերի 9-ի բազմամյա կլիմայական տվյալներ.

• Օդի առավելագույն ջերմաստիճան՝           13.90C (1981 թ.)

• Օդի նվազագույն ջերմաստիճան՝              -14.30C (1994 թ.)

• Օդի միջին օրական ջերմաստիճան՝           1.20C

Հանրապետության տարածքում`

Երևան քաղաքում՝

Հիսուս ասում է.
-Ով իր խաչը չի վերցնում ու ինձ չի հետևում, արժանի չէ ինձ։ Ով որ իր կյանքը իրեն է պահում, պիտի կորցնի այն, և ով որ իր կյանքը կորցնում է ինձ համար, պիտի գտնի այն։
-Ով ընդունում է ձեզ, ընդունած կլինի ինձ, և ով ի՛նձ է ընդունում, ընդունած կլինի ինձ ուղարկողին: Ով ընդունում է մարգարեին՝ իբրև մարգարեի, մարգարեին հատուկ վարձ կստանա: Ով ընդունում է արդարին՝ իբրև արդարի, արդարի վարձ կստանա: Եվ ով այս փոքրիկներից մեկին նույնիսկ մի բաժակ սառը ջուր տա խմելու որպես իմ աշակերտի, վստա՛հ եղեք, որ իր վարձը չի կորցնի:
(Մատթեոսի ավետարան 10:38-42)

Ռուբեն աբեղա Զարգարյան

ԱՄՆ-ում Կոլումբիայի համալսարանի ստոմատոլոգիայի պրոֆեսորի բացահայտումը ցնցել է գիտական աշխարհը: Պարզվում է, որ ատամները հնարավոր է աճեցնել ցանկացած տարիքում: Այն թույլ է տալիս հրաժարվել իմպլանտներից և պրոթեզներից:

Նրանք , ովքեր ծանոթ են իմպլանտի բարդություններին և պրոթեզի անհարմարությանը, կհասկանան, թե սա  ինչ կարևոր,  գիտական լուրջ բացահայտում է: Այժմ մարդիկ կարող են աճեցնել իրենց ատամներն ինքնուրույն: Ինչպե՞ս աճեցնել ատամները Բժիշկը մշակել է ատամի աճեցման տեխնոլոգիա ուղղակիորեն դատարկ խոռոչում և այս մեթոդը հեղափոխական դեր է խաղացել ստոմատոլոգիական աշխարհում:

Ջերեմի  Մաոն բնական հումքից պատրաստեց կարկաս, որը ձևով նման է իսկական ատամի և նրա մեջ տեղադրեց աճի խթանիչ: Փորձարարական աշխատանքները կատարեց պրոֆեսորը կենդանիների վրա՝  վերջիններիս ատամների դատարկ խոռոչում տեղադրելով  ստիմուլյատորը՝ ստացավ իր սպասած արդյունքը: Մաոի մեթոդով հիվանդի ծնոտը իմպլանավորվում է կապրոլակտոնի և հիդրօքսիապատիտի միջոցով, որոնք համարվում են համարվում են համատեղելի պոլիմերներ: Այդ կարկասը ստանում են  եռաչափ տպագրության միջոցով: Նրա բաղադրությունը հարուստ է 200 միկրոմերտ տրամագծով լցված հատուկ միացություններով(stromal-derived factor-1, SDF1) , որոնք խթանում են մորֆոգեն ոսկրային հատուկ սպիտակուցների բջիջների աճին(bone morphogenetic protein-7, BMP7): Պրոֆեսոր Մաոի բացահայտման արդյունքում այժմ հնարավորություն է տրվում 9 շաբաթում աճեցնել ատամն անմիջապես պացիենտի բերանում:

Դուք ինքներդ շատ լավ գիտեք, որ ինչպես գողը գալիս է չսպասված ժամին, այնպես էլ Տիրոջ օրը չսպասված ժամին կգա: Երբ մարդիկ ասեն՝ «Հանգիստ ենք և ապահով», ճիշտ այն ժամանակ էլ հանկարծակի վրա կհասնի նրանց կործանումը… և նրանք ազատում չեն ունենալու: Բայց դուք, եղբայրնե՛ր, խավարի մեջ չեք, որ Տիրոջ օրը գողի նման անակնկալի բերի ձեզ, որովհետև դուք բոլորդ էլ լույսի որդիներ եք, ցերեկվա՛ որդիներ: Մենք գիշերվան չենք պատկանում, ոչ էլ խավարին: Հետևաբար, քնով չտարվենք ուրիշների նման, այլ արթուն և զգաստ լինենք, որովհետև քնողները գիշերն են քնում, հարբեցողներն էլ գիշերն են հարբում… Աստված մեզ չի ընտրել, որպեսզի նրա բարկության առարկան դառնանք, այլ որպեսզի ժառանգենք նրա փրկությունը մեր Տիրոջ՝ Հիսուս Քրիստոսի միջոցով: Արդարև, Քրիստոս մեռավ մեզ համար, որպեսզի մենք նրանո՛վ կենդանի մնանք նրա գալստյան ժամանակ, ողջ լինենք թե մեռած: Ուստի քաջալերեցե՛ք միմյանց և ամրապնդեցե՛ք միմյանց հավատը:
(Պողոս առաքյալի առաջին նամակը թեսաղոնիկեցիներին 5:2-11)

Ռուբեն աբեղա Զարգարյան